مع رانيا.. الحل لمشكلة المسام الواسعة وتوحيد لون البشرة

بصراحه انا مش عارفه اشكرك ازاي بجد الف شكر انك بساعديني وديما بتردي ع الاسئله كنت عايزه اعرف منك ازاي اعرف نوع شعريسواء دهني اوجاف وكنت عايزه وصفه علشان شعري بينحل من الامام

ميرسي يا روني بس انا عندي سؤال انا هعمل الروتين ده كل يوم وماسك الرز ده برده طيب الرؤوس السودا اعملها ايه عايزاكي تقوليلي ماسك ليها انا جبت صابونه بتاعت الرؤوس السودا من كلين اند كلير وجبت برده مقشر يومي ممكن يدخلو في الروتين اليومي وازاي اخليهم بدل ايه وهما برده للبشره الدهنيه وسوري بكتر في الاسئله

رانياا بليز ممكن اعرف فوايد فيتامين e للشعر واستخدمه ازاى؟

هاى رنوش لو سمحتى انا بستعمل زيت الحشيش الاخضر هل هو كويس؟ انا بحطه على شعرى اكتر من 7 ساعات احيانا يعنى اكتر من الفترة المحددة هل ده مضر ؟ و هو نتيجته تبان بعد اد ايه عشان انا مش عايزة افضل استخدمه ع الفاضى؟
كمان انا شعرى ناعم بس فيه كسرات انا عايزاه يكون ليس و مفرود على طووول اعمله ايه ضرورى ؟
معلش كمان انا عايزة دهان كريم او زيت للشعر و نوع شامبو كويس؟ انا شعرى عادى بس لو مادهنتش بيهيش اوى بس ملمسه بيكون ناعم فانا مش عارفه نوعه عادى ولا جاف؟ وميرسى اوى

السلام عليكم
ارجوكى يااستاذة رانيا انا عملت شعرى فى مكان معروف جدا بالكرياتين البرازيلى وبعد كدا عرفت اضرارة وشعرى بيسقط وخايفة جدا وعايزة علاج حتى لو بالمسكات الطبيعية او اى منتج اشترية يحافظ علية ارجوكى ردى علية مش بنام بسبب شعرى
وشكرا على كل نصائحك

ممكن يا رانيا تقوليلى اسعار الحلل الاستانلس فى مصر لانى فى السعودية واسعارها هنا غالية اوى فعايزة اقارن الاسعار ولو ارخص ابقى اجيبها ان شاء الله من مصر وشكرا

لو سمحتى يا رانيا بالنسبة للرز المطحون عشان المسام الواسعة احط على معلقة الرز ادية اية مية بالظبط ممكن تقوليلى

لو سمحتى يا رانيا بالنسبة للرز المطحون عشان المسام الواسعة احط على معلقة الرز أد ايه مية بالظبط ممكن تقولي لى.

================

رد بص وطل:
انتي ممكن تحطي كوب مية على ملعقة كبيرة رز.

أنا متشكره أوي إنك دايما بتردي علينا أنا كنت عايزه اسأل أنا لما بعمل سنفرة لوجهي بالسكر والزيت بحطه على وجهي ربع ساعة وبعدين افركه في حركات دائرية وبعدين بغسل وشي بماء من الحنفية يعني مش دافي ياتري أنا كده بعمل الماسك صح ولا لأ وينفع بعد ما اعمل سنفرة احط حاجه علي وشي.

=================

رد بص وطل:
صديقتي العزيزة الطريقة دي مظبوطة وبعد السنفرة ممكن تحطي أي كريم مرطب أو حاجة خفيفة زي عصير الخيار أو مسحة خفيفة من زيت اللوز.

هل بعد تفتيح المناطق الحساسة بكريم ليكوسيد ينفع استعمل برفان اواعمل سويت ولا لازم اريح البشرة فترة علشان الكريم وبعدين استخدم الحاجات دي علشان البشرة ما تغمقش تاني، شكرااا.

================

رد بص وطل:
صديقتي العزيزة زي ما قلنا إن يفضل في الفترة دي كلها إننا مانستعملش أي برفانات أو أي مواد فيها كحول علشان ماتلهبش البشرة، لكن بعد ما تخلصي الفترة دي كلها تقدري تعملي سويت مافيش مشكلة.

hi rania.ih raayik fi krimat ili bit0sta3mal fi izalat ch3r wajh.bithitih 3ala bachritik 3 da9ai9.w b3din bitimashih.w ytchal alcha3r.w kaman fi soal tani mayat alward binihtifid biha ad ih fi talaja

================

رد بص وطل:
صديقتي العزيزة زي ما قلت إن أحسن طريقة لإزالة شعر الوجه هي الفتلة أو ممكن التشقير، وبالنسبة لماء الورد فده ممكن تحتفظي بيه فترة طويلة مافيش مشكلة.

هاى رانيا عايزه اعرف ايه فايدة انى استخدم تلجه على وشى و امشيها عليه لحد ما تسيح؟

==================

رد بص وطل:
صديقتي العزيزة التلج ده بيساعد على قبض مسام البشرة وخصوصا لو هتحطي ماكياج بعد كدة علشان تتلافي أضراره.

السلام عليكم لو سمحتي يا رانيا هو صحيح مفيد اني احط علي الميه ملعقه ميه ورد واشربها؟؟ مفيده يعني.

===============
رد بص وطل:
صديقتي العزيزة من الحاجات المعروفة جدا هي مية الورد أو ماء الزهر بنحطها على مية الشرب ودي بتدي نكهة وريحة حلوة أوي للمية لكن هي مالهاش فايدة أوي.

الحقينى يا رانيا عملت وشى بالفتلة والتهب وبعدين عمل حبوب صغيرة كتير جمب بعض وفيها صديد اعمل ايه وشى اتشوه خالص ودى اول مرة اعمله فى حاجه ممكن ادهنه بيها مرهم او كريم او اى حاجه انا عملت له كمادات ساقعه بس برده زى ما هو ومش عارفه اعمل ايه ونفسيتى وحشه جدا.

================
رد بص وطل:
صديقتي العزيزة ده أمر طبيعي لانك أول مرة تعملي وشك بالفتلة وانتي ممكن يكون بشرتك حساسة ولازم تلتهب، بلاش تلعبي في بشرتك نهائي وتسيبيها لما تهدا لوحدها وممكن تروحي للصيدلي تسأليه على مرهم مهدي لحساسية الوش.

هاي روني انا مشكلتي شفايفي بقي لونها غامق ومقشرة علي طوووول اعمل ايه علشان افتح لونها.

==============
رد بص وطل:
صديقتي العزيزة علشان تفتحي شفايفك فيه ماسكين كويسين أوي ممكن تعمليهم، الماسك الأول عبارة عن خليط من الزبادي وعصير الليمون والعسل، وبنخلط الثلاثة مع بعض بمقادير متساوية، والماسك التاني عبارة عن لبن، وعليه كام نقطة من عصير الليمون وبتدهني به شفايفك يومياً، وكمان اللينك ده فيه ماسك للشفايف http://www.boswtol.com/health-and-beauty/beauty-and-styling/11/march/21/...

هاي ازيك يارانيا ياجميله انا عايزه اعمل لشعري حنة بس معرفش ايه الحاجات اللي ممكن احطها علي حنة علشان تفتح لون شعري انا شعري بني غامق وكنت بسمع ان تقريبا قشر برتقال هو اللي بيفتح لما بيتحط علي الحنه فا كنت عايزه اعرف فيه حاجات تانيه بتتحط معاه ولا اصلا ماينفعش احط قشر برتقال علي الحنة وأنا سمعت بردو ان ممكن مع الحنه يتحط كاركديه فا ياريت تقولي لي علي خلطة كويسة لأن الحنة بتبقى مناسبة علي شعري أكتر من صبغة.

================

رد بص وطل:
صديقتي العزيزة تابعينا في العدد القادم علشان هنقدم حنة بالكاكاو ودي بتدي لون أحمر داكن مائل للون الشيكولاتة، وكمان ممكن تحطي دم غزال على الحنة علشان تديكي اللون الأحمر الفاتح.

هل فرد الشعر بالحنة مضر.

===============
رد بص وطل:
صديقتي العزيزة حنة الفرد زيها زي أي وسيلة فرد شعر بتحتوي على مواد كيماوية ودي بتضر الشعر جدا وأنا مش بنصح باستخدامها.

رانيا لو سمحتي ضروري تردي عليا قبل يوم السبت قبل ميعاد الماسك انا عملت ماسك الشعر بتاع الحنه اللي بالزبادي والزبده والخميره و التوم أنا حطيته و بعد ما غسلته لقيت شعري ناشف مع العلم إن شعري ناعم جدا الحمدلله و كمان ريحة الحنه مش عايزه تروح من شعري بليز قولي لي اعمل ايه بسرعة.

================

رد بص وطل:
صديقتي العزيزة انتي ممكن تحطي بلسم على شعرك وانتي بتشطفيه أو ممكن حمام كريم علشان يديكي ترطيب وكمان ريحة كويسة للشعر.

معلش يارانيا ممكن تقولي لى طريقة ماسك الحلبه المطحون وزيت جوز الهند والبن.

=============

رد بص وطل:
صديقتي العزيزة هتلاقي الطريقة بالتفصيل في اللينك ده http://www.boswtol.com/health-and-beauty/beauty-and-styling/11/january/2...

رانيا من فضلك أنا فرحي في العيد وعايزة اعرف منك ايه اللي المفروض اعمله في شهر العسل من عناية للبشرة والجسم وخصوصا انك عارفة صعب اعمل ماسكات في الفترة دي؟ بليييز متتأخريش في الرد.

================

رد بص وطل:
صديقتي العزيزة ألف مبروك ليكي مقدما وربنا يتمملك بخير إن شاء الله، وانتظرينا في أعداد جامدة للعروسة للتجهيزات قبل وبعد الفرح وإن شاء الله هتلاقي كل اللي يفيدك.

رونى حبيبى ميرسى أوى على الحاجات الحلوة اللى بتقدميها لنا وكنت عايزة اسألك سؤال فيه حد كان قالى ان السويت بتسود تحت الابط وانى استخدم بدلها سيلك ابيل فهل ده صحيح.

=====================

رد بص وطل:
صديقتي العزيزة زي ما قلنا إن السويت من الوسايل الهايلة لإزالة الشعر، بس أاهم حاجة إنك ماتستخدميهاش وهي لسة سخنة.

من فضلك يا روني عايزة اعرف الصن بلوك احطه قبل قد ايه من النزول انا جبت بيوديرما و ساح في الشمس و بقا زي الكريم و مسحته من العرق و كده و طبعا اسمريت و معملش نتيجة.

=================

رد بص وطل:
صديقتي العزيزة الصن بلوك بتحطيه على وشك قبل النزول بحوالي نصف ساعة على الأقل.

ازاي اشترك في الحلقة ممكن تساعديني.

=================

رد بص وطل:
صديقتي العزيزة تقدري تبعتي لنا أسئلتك كلها بنفس الطريقة اللي بعتي بيها المشاركة وهيترد على كل أسئلتك، وميرسي على متابعتك لينا.

أرجوكى قولي لى على حنة فرد الشعر هيربى كويسه ولا لأ.

===============

رد بص وطل:
صديقتي العزيزة زي ما قلت قبل كدة إني مش بأفضل استخدام أي وسائل فرد للشعر لأنها أكيد بتحتوي على مواد كيماوية بتضر الشعر جدا، وحتى حنة الفرد بيدخل في تركيبها مواد كيماوية.

رانيا بجد انتي جميلة أوي أوي بس عايزة أقولك إني كنت جربت لك لوسيون الملح بتاع الحبوب ده مش عايزة أقول لحضرتك وشي اتملي حبوب قد ايه بهدلي وشي بجد بس الحمد لله راحت جبت مرهم ومشيت عليه بس عايزة من حضرتك روتين لتفتيح الايدين وكمان عايزة اعرف استمر علي ليكوسيد ار ده أد ايه علما باني بستعمله بقالي حوالي 20 يوم وحاسة بتحسن بسيط وعايزة اعرف رأي حضرتك في الاسكينول أرجو من حضرتك الرد والاهتمام علي اسألتي وشكرا.

=================

رد بص وطل:
صديقتي العزيزة لوسيون الملح وصفة كويسة وبتجيب نتيجة هايلة لكن انتي ممكن تكون نوعية بشرتك حساسة أوي ما استحملتش الملح، وبالنسبة لتفتيح الايدين هتلاقي وصفات في اللينك ده http://www.boswtol.com/health-and-beauty/beauty-and-styling/11/march/21/... وبالنسبة لكريم ليكوسيد هتستمري عليه لمدة شهر ونصف أو شهرين وإن شاء الله هيجيب نتيجة كويسة، ولو حاسة إن لسة فيه اسمرار يبقى هتاخدي راحة شوية تقدري تعملي فيهم ماسكات طبيعية زي الخيار أو النشا والمية وبعدين تكرري استخدام الكريم تاني لمدة شهر ونصف.

ازيك يا رانيا ميرسي على مجهودك أنا عندي المسام الواسعة في الأنف فقط وحواليه حاجه بسيطة يمشي معاه اللسيون ده.

================

رد بص وطل:
صديقتي العزيزة انتي تقدري تستخدمي أي لوسيون من اللي قدمناهم في الحلقة وإن شاء الله تلاقي نتيجة كويسة.

ازيك يارانيا يا قمر بجد كلنا بنستفاد من حلقاتك وحلقاتك كل يوم فى جديد هو بص وطل كله جميل أنا عايزة اسأل الليفة المصرية ادعك بيها عادى كل جسمى يعنى رقبتى بين الأفخاد الركب اصل سمعت إنها بتسمر المناطق دى رأيك اية وانتى مش فهمتى سؤالى أنا كنت بسأل أنا عندى حساسية فى المؤخرة وبتعالج منها وكنت قولت للدكتورة تكتب لى كريم تفتيح قالت لا لما اخف رأيك اية أنا فيه اسمرار مضايقنى فى الأماكن دى وأدعك الأماكن دى بليفة بردو وشكرا ليكى وياريت تقولى اعمل اية وشكرا.

==============

رد بص وطل:
صديقتي العزيزة اليفة المصرية زي ما قلت قبل كدة إنها مفيدة جدا وبتساعد على تفتيح وتنعيم البشرة وإزالة الخلايا الميتة ودي ممكن نستعملها كل يوم مرنين أو 3 مرات، وبالنسبة للحساسية لازم تسمعي كلام الدكتورة لان هي أدرى بالحالة كويس أوي، واستني عليها لما تخف وبعدين نبدأ نعالج الاسمرار بالماسكات الطبيعية ودي هتلاقي منها كتير في الأعداد القديمة، وبالنسبة لاستخدام الليفة في المنطقة دي لازم برضو تستشيري الدكتورة فيها لأنها ممكن تكون معدية وتنقليها من مكان للتاني.

ميرسي أوي يا رانيا علي اهتمامك وردك وربنا يجازيكي كل خير
كان عندي سؤال أنا اشتريت حمام كريم بوناويل بس كنت عايزة اعرف بيتعمل ازاي وكمية الكريم اللي بحطها علي شعري بتكون قد ايه
والف شكر ليكي يا قمر.

=================
رد بص وطل:
صديقتي العزيزة بالنسبة لأي حمام كريم بتستخدميه كالتالي، تغسلي شعرك مرتين وبعدين تحطي الكريم على شعرك بالكامل بدون فروة الراس وتسيبيه لمدة 10- 15 دقيقة وبعدين تشطفيه بالمية كويس أوي.

رنوش يا قمر لو سمحتي انا عملت بذره القطونه بقالي تلات اسابيع هيا حلوه بس عاوزه اعرف القوام يبقي ايه علشان هيا بتطلع معايا زي المايه و لما اتقلها شويه لما تنشف علي عيني تعمل زي مايكون فيها قشر قوليلي القوام ايه بليز.

================
رد بص وطل:
صديقتي العزيزة بذر القطون هيكون قوامه زي الجل يعني لزج وناعم، وانتي بتحطي ملعقة منه في برطمان وبعدين تملي نصف البرطمان ده بمية سخنة وتسيبيه شوية لحد ما يبرد وبعدين تحطيه في التلاجة لتاني يوم وهتلاقي قوامه طلع زي ما انتي عايزة

بجد انتي جميلة أووووووووووي ودايما بحس إنك بتهتمي بينا فعلا ارجو انك تردي علي سؤالي أنا سمعت إن كريم بانثينول مفيد كمرطب للبشرة فهل يصلح للبشرة الدهنية لأني مش بستخدم مرطب خالص ومش بحط أي كريمات على وجهي واذا كان لا يصلح فما هي ماركات كريمات مناسبة؟؟؟؟ مع العلم ان بشرتي بطلع حبوب من أقل حاجة.

================

رد بص وطل:
صديقتي العزيزة من الأفضل إنك تستخدمي كريمات خاصة للبشرة الدهنية زي دوف ونيفيا سوفت وبالنسبة للحبوب ممكن تعملي ماسكات خاصة للحبوب زي اللي قدمناهم قبل كدة واللينك ده فيه عدد خاص بتنظيف وترطيب البشرة الدهنية http://www.boswtol.com/health-and-beauty/beauty-and-styling/11/june/20/3...

السلام عليكم
اناشعرى جاف ومجهد مع انى مهتمة بيه جربت وصفات كتير ومفيش فايدة
اناشعرى جاف ومموج وبيبقى كيرلى اوى بعد الشاور لازم لما المه اشده جامد عشان يتفرد وبرده بيكون فى كسرات
بيهيش جدا وطوله كاريه طويل
عمرى مافردت او عملت صبغة
عايزة حل للموجة والهيشان
نفسى يبقى ناعم
فى امل؟؟
ارجو الرد سريعا لانى تعبت ولله اتجننت بيه من كتر الوصفات والكريمات اللى فلوسى خلصت عليها
ياريت وصفة طبيعية أو كريم أو أى حاجة، شكرا.

================

رد بص وطل:
صديقتي العزيزة زي ما قلنا إن علاج أي مشكلة في الشعر والبشرة بتاخد فترات طويلة وده على حسب حجم المشكلة، لكن انتي استمري على عمل الماسكات وحمامات الكريم بس لازم تكوني متاكدة إنها ماركات معروفة ومضمونة زي دوف ونيفيا، وكمان ممكن تعملي حماما زيت لشعرك بزيت السمسم أو زيت جوز الهند وهتلاقي في اللينك ده وصفة لتنعيم الشعر بالحلبة والبن http://www.boswtol.com/health-and-beauty/beauty-and-styling/11/january/2...

انا لما عملت ماسك حبه البركة سبته فى التلاجه 3 أيام لأن الكمية طلعت معايا كتيره، وعايزه حاجة لهيشان الشعر والنبى انا بعت كتير ومفيش رد جالى ياجماعة.

==============
رد بص وطل:
صديقتي العزيزة للأسف ماينفعش تستعملي الماسك وهو في التلاجة يعني لازم تستعمليه وانتي لسة مجهزاه، وبالنسبة للشعر الهايش تقدري تستخدمي مية الصبار وهتلاقيها في العدد ده http://www.boswtol.com/health-and-beauty/beauty-and-styling/11/may/16/33636

هاي يا جميل أنا كنت سألتك وماردتيش عليا بس بليز أنا عندي كام سؤال بليز تردي عليا، أنا بشرتي دهنيه وعندي حبوب شباب بس هي هديت خالص بس باقي 2 أو 3 بس وعندي بثور سودا كتير عايزة تساعديني اعمل روتين كويس علشان الرؤوس السودا ده وبشرتي مرهقه جدا ولونها أصفر كده مع إني بيضا وعندي 20 سنه،
معلش طولت عليكي بس ايه رأيك في ماسك النشا وزيت الزتون للمسام الواسعه بس ده مرة في الأسبوع قولي لي اعمل ايه الروتين اللي امشي عليه لأني بجد تعبت ومش عارفه اعمل حاجه بس ياريت تكون مكوناته بسيطه ومافيهوش حاجات غريبه ومعقدة علشان بتحبطني
وميرسيييييييييي يا قمر معلش تعبتك معايا.

===============

رد بص وطل:
صديقتي العزيزة هتلاقي في اللينك ده عدد خاص عن الروتين الخاص بالبشرة الدهنية http://www.boswtol.com/health-and-beauty/beauty-and-styling/11/june/20/35747، وبالنسبة للمسام الواسعة انتي مكن تجربي أي وصفة من الوصفات اللي قدمناها خصوصا ماسك ولوسيون الرز لانه بينفع لكل أنواع البشرة وطبعا غنتي بشرتك دهنية ومن الأفضل إنك تستخدمي ماسك مافيهوش زيوت كتير وعلشان كدة بنصحك أنك تجربي الرز كروتين يومي لقبض المسام وكمان بيفتح البشرة وبيدي لها نضارة ولمعة حلوة أوي.

شكرا جدا على النصايح الحلوة بس انا كنت عايزة عن حاجة تنبت الشعر وتنعمه.

==============

رد بص وطل:
صديقتي العزيزة فيه أنواع كتيرة من الزيوت بتساعد على تنبيت الشعر زي زيت الجرجير وخليط زيت الزيتون مع العسل وكمان زيت الثوم، وانتي تقدري تعملي منهم حمامات زيوت لشعرك بس خلي بالك إنك تحطي منهم على فروة الراس فقط.

ايه ده يا رنوش أنا أول مره النهارده اسمع الفيديو أنا كنت بحسب كلام مكتوب بس لالالالالالالالالالالا لن نقبل إلا بوجهك و طلتك القمر لالالالالا لن نقبل لا هنعمل لك مظاهرات ههههههههههههه عودتينا علي طلعتك البهيه و وجهك القمر انتي حره بقي الحلقه الجايه لو صوت هنعمل مظاهرات هههههههههههههههه.

هاااى يا رنوش أنا سألتك على الطمى المغربى وماردتيش عليا كنت بقولك احط عليه ايه لتفتيح البشره ونضارتها.

================

رد بص وطل:
صديقتي العزيزة الطمي المغربي في حد ذاته بيفتح البشرة بدون أي إضافات وده بتعجنيه بالمية وتحطيه على وشك أو جسمك وتسيبيه لحد ما ينشف وبعدين تفركيه، وهتكرري الماسك ده كل أسبوع وهتلاقي نتيجة هايلة، وبعد ما تشطفيه ادهني بشرتك بمسحة بسيطة من زيت اللوز الحلو وده كمان بيساعد على تفتيح وترطيب البشرة.

رانيا انا كنت سئلتك علي لوشن زيت الورد و زيت اللوز اني ممكن ابدل زيت الورد باي زيت عطري تاني و قولتيلي ان زيت الورد مفيد
بس انا قصدي لو عايزه اعمل نوع من التغيير ينفع ولالأ و شكرا أوي تاعبينك معانا :).

===============

رد بص وطل:
صديقتي العزيزة تابعينا الفترة الجاية لأننا هنقدم لكم كل معلومات عن الزيوت وإيه الاستخدامات المختلفة ليها وكمان لمختلف الزيوت العطرية اللي نقدر نستخدمها لبشرتنا وتكون مفيدة للبشرة.

لوسمحتى يارونى ممكن اعرف ماسك الخوخ بيتعمل ازاى ومعاه ايه سمعت انه بيفتح البشرة.

==================

رد بص وطل:
صديقتي العزيزة هتلاقي العدد في اللينك ده فيه الطريقة بالتفصيل http://www.boswtol.com/health-and-beauty/beauty-and-styling/11/may/23/34052

ازيك يا رانيا عاملة ايه أنا بحب برنامجك أوى، عندى كام سؤال كدة بصى أنا شعرى مقصف وعايزة حل وفيه قشرة كتيرة وأنا عندى 19 سنة وأمى بشرتها دهنية بس خشنة على طول ايه الماسك اللى تعمله.

===============

رد بص وطل:
صديقتي العزيزة بالنسبة للقشرة والتقصيف هتلاقي في اللينك ده ماسكات لعلاج مشاكل الشعر بالصبار http://www.boswtol.com/health-and-beauty/beauty-and-styling/11/may/16/33636 وبالنسبة للبشرة الدهنية ده لينك فيه عدد خاص بالروتين اليومي للبشرة الدهنية http://www.boswtol.com/health-and-beauty/beauty-and-styling/11/june/20/3...

رانيا لو سمحتي انا جبت ملعقه رز مطحون و غليتها لحد ما بقت زي المهلبيه و شيلتها في التلاجه و بحط منها لغايه ماينشف ده علشان المسام الواسعة صح كده ولا لأ؟ شكرا

=================

رد بص وطل:
صديقتي العزيزة الطريقة دي مظبوطة وأهم حاجة غنك تستمري عليها يوميا وإن شاء الله يجيب نتيجة كويسة.

رنوشة أنا عارفة إن أنا زهقتك منى من كتر اسئلتى بس معلش بقى يا رونى ربنا يخليكى لينا وتفيدينا أكتر وأكتر وربنا يقدرك على اسئلتنا كنت عايزة اسألك بخصوص الليمون والجليسرين هو المفروض إنى بعد ما احطه على جسمى البس حاجة قطن خفيفة على طول ولا اسيبه ينشف شوية على جسمى وبعدين اغطى الجسم معلش انا عايزة اعرف اصح طريقة للاستخدام عشان احصل على أفضل نتيجة ممكنة وانا عارفة ان التكنيك بتاع أى وصفة بيفرق جدا فى النتيجة وربنا يخليكى لينا يا جميلة الجميلات وشكرا يا رورو.

===============

رد بص وطل:
صديقتي العزيزة بشكرك على ذوقك وعلى متابعتك لينا، وبالنسبة لليمون والجليسرين انتي بتستني شوية لمدة دقيقتين وبعدين تلبسي.

لو سمحتى يا رانيا انا شعرى فية كسرات كتير بس هو مكنش كدة انا اهملت فية بس هو فتلتة ناعمة وانا شعرى شبة دهنى عايزة حاجة تضيع الكسرات دية وكريم كويس استعمله.

===============

رد بص وطل:
صديقتي العزيزة زي ما قلنا إن مافيش حاجة بتفرد الشعر، بس انتي اهتمي بترطيب شعرك باستمرار وعمل حمامات الكريم والزيت، وممكن تقصي أطراف الشعر كل أسبوعين أو 3 علشان تجددي شعرك، ومن الحاجات اللي بنصح بيها واللي ممكن تساعد على فرد الشعر بشكل بسيط هو زيت جوز الهند أو زيت الحلبة

سألتك عن حاجة للمعان البشرة ، ورديتى قولتى ان واضح ان بشرتى دهنية، لأ انا بشرتى عادية اقرب الى الجافة لكن فى الحر بتلمع جامد وبتكون ملزقة قوى حتى لو غسلتها لحد ما اقعد ادام مروحة تبدأ تهدا وفيها حبة مسام واسعة ممكن تقولى لى اعمل ايه؟

=====================
رد بص وطل :
صديقتى إستخدمى صابونه مناسبه مع نوع بشرتك وإستخدمى الليفه المخصصه للبشرة والماسكات الموجودة فى العدد ده مناسبه معاكى جداً وممكن تعملى لوسيون البرتقال والليمون لعلاج المسام الواسعه .

رانيا انا مش لقيه برتقال هو بيتباع فى الصيف؟؟ مش عارفه اجيبه منين وانتى قولتي لى مينفعش قشر برتقال اكون شيلاة فى التلاجة:( وعايزة حاجة للانتفاخات تحت العينين ربنا يخليكى وشكرا

=======================
رد بص وطل :
صديقتى البرتقال هتلاقيه ممكن تجبيه من سوق كبير وبالنسبه لأنتفاخات العين ممكن تعملى ماسك بذر القطون وكمدات الخيار يومياً .

ازيك يارونى ياقمر ميرسى اوى على الحلقه دى أنا استفدت بجد منها وعموما الكل بيستفاد منك يارنيا كنت عاوزة اسالك على حاجتين عاوزة حاجه لشد البشرة تانى حاجه خطيبى شعرة خف اوى من قدام وبيخف مع الوقت اوى كنت عاوزة حاجه له ياريت تقولي لى على حاجه تعمل نتيجه.

=====================
رد بص وطل :
صديقتى إنتى ممكن تعملى ماسك الخميرة والعسل أو ماسك القرفه وهتلاقيه فى العدد ده http://www.boswtol.com/health-and-beauty/beauty-and-styling/11/april/18/... وبالنسبه لخطيبك لازم الأول يتأكد إن تساقط الشعر ده مش بسبب مشكله صحيه وبعد كده ممكن يستخدم الماسكات الطبيعيه .

رانيا انا بعتلك كان رد كبير شويه فينو انا والله ما فاكرة كل الاسئله بس هحاول اكرر أنا ماشيه علي روتين البشرة الدهنيه الصبح بغسل وشي بالترمس والرده واحط ماء ورد وبعد كده عصير خيار باللبن واسيبه 20 دقيقه واشطف واخر النهار اغسل وشي تاني بالترمس والرده وبالليل اكرر الغسل واحط لسيون البرتقال والليمون كده تمام ولا فيه حاجه غلط والكوره الفواره انا عملتها بس مش بتفور في الماء وفركتها بأيدي ودابت و خدت شاور وعملت صنفره وشطفت ونزلت في الماء اللي فيه الكوره الفواره كده كتير علي جسمي و لاعادي وبالنسبه للكوره هي كده فيها حاجه غلط لانها مش بتفور مع العلم انها ادت نفس النتيجه نعومه و طراوه وريحه حلوه بس هوا ده اللي فكراه من الاسئله.

========================
رد بص وطل :
صديقتى العدد ده هتلاقى فيه الروتين اليومى لتفتيح http://www.boswtol.com/health-and-beauty/beauty-and-styling/11/june/6/34947 وبالنسبه للكررة الفواة فهى بتفور شويه وإنتى ممكن تتأكدى إنك عملها بنفس الخطوات .

هاااى رانيا انا عايزة اسالك هل ينفع ان اعقم ادوات مكياج زى مثلا اسفنجة البودرة وفرشة الروجاجو انا عندى ديتول اللى هو بخاخ معقم اللى هو فى إزاة كده زى معطر يقتل الجراثيم حاجه تانيه ازاى أعرف انى عندى مسام واسعة شكرا .

=========================
رد بص وطل :
صديقتى طبعاً إنتى لازم تعقمى أدوات المكياج كل فترة وبالنسبه للمسام الواسعه فهى بتكون باينه جداً فى البشرة .

ازيك يا رونى يا رب تكونى بخير كنت عاوزة اسالك على كريم بانثينول فى ناس جربته وقالولى انه حلو قوى للبشرة وانهم بيستعموه كبديل للكريمات المرطبه ياترى هو فعلا حلو ولا ايه وبيتحط تحت العين ولا لا؟؟؟

=======================
رد بص وطل :
صديقتى كريم بانثينول كويس فعلاً وممكن تستخدميه وممكن تستخدمى الماسكات الطبيعيه معاة .

ازيك يارانيا بجد كلامك جميل اوى واستفتدت اوى انا وشى بيعرق اوى وكنت عايذة حل عشان ميعرقش والكحل لما بحطه بيسيح برده فكنت محتاجه حل لده.

=========================
رد بص وطل :
إستخدمى نوع كحل كويس عشان مايسحش ودى أفضل ماركات الكحل فلوريل ، بورجوا ،مدينا،كيرولان .

رانيا انا عملت ماسك الارز للمسام الواسعه حطيت الميه والارز وقعدت اقلب لحد مالميه اتبخرت حطيت ميه تانى وقلبته شويه وصفيته معلش ينفع توضحى الماده اللزجه هتطلع ازاى ؟ولو عملته بالرز المطحون مجرد مايبقى زى المهلبيه اشيله من عالنار واحطه فى البرطمان ولا ايه؟

======================
رد بص وطل :
صديقتى العزيزة الماسك ده ليه طريقتين ممكن تعمليه زى المهلبيه أو بناخد ملعقة رز عاديه على كوب ماء صغير وبنغليهم على النار وهتلاقى الطريقه بالظبط فى العدد ده .