مع رانيا.. ماسكات طبيعية لتنعيم الشعر.. والملح والليمون لعلاج حبوب البشرة

السلام عليكم اولا لو سمحت عايزة اعرف طريقة طبيعية لتفتيح الاماكن الداكنة في الجسم بليز.

===========

رد بص وطل:
صديقتن العزيزة لو رجعتي للأعداد اللي فاتت هتلاقي ماسكات كتير لتفتيح البشرة والبقع الغامقة.

معلش يا روني بسرعة أنا خطوبتي بعد 3 أيام وملاقيتش حاجة حلوة عليا غير فستان ستان سيمبل أوي أسود ومافيهوش شغل كتير فيه من فوق بس عايزة أعمله بوليرو عايزاكي تختاري لي لون يكون حلو مع الأسود أنا خمرية وعلشان الميك أب كمان وعايزاكي تقولي لي
أعمل البوليرو ساده فوشيا مثلا ولا يبقى اللون اللي هتقولي لي عليه في اسود مشجر يعني بسرعة ربنا يخليكي واللون الأسود في خطوبتي عادي؟

==========

رد بص وطل:
ألف مبروك ليكى يا كنزى وربننا يتمم لك بخير إن شاء الله، انتى ممكن تعملى اللون الفوشيا زى ما قولتى أو البستاج أو التركواز الألوان دى هتليق معاكى وممكن تعمليه مشجر علشان يعمل حركة مع الفستان.

ezayek ya roony many thnx 3ala maghodek el gamed da bas pls answer me for the following questions:
hal bezr el katoon safe le tafte7 el amaken el 7asasa?
hal nabat el sa3d safe le ebta2 nmow el sha3r fel manate2 el 7asasa?
w eh el tare2a el sa7 fe este5damo?

============

رد بص وطل:
ميرسى ليكى صديقتنا العزيزة، بالنسبة لبذر القطون ونبات السعد هما امنين لاستخدامهم على البشرة، وطريقة استخدام نبات السعد هى انك تاخدي 3 معالق من مسحوق النبات وضيفيه إلى لتر ماء وحطيه على النار لغاية ما يغلي وسيبيه يتنقع لمدة ربع ساعة.. وبعدين حطيه على الجسم كغسول بعد إزالة الشعر لمدة 6 أيام متواصلة من كل شهر، أما بالنسبة لبذر القطون فده بيستخدم لتفتيح الهالات السوداء وعلاج التجاعيد الرفيعة.

ممكن أعرف أى واحد من الزيوت دى بيطول ويتقل الرموش والحواجب (زيت الخروع ولا زيت الزيتون ولا فى حاجه تانيه غيرهم)؟ وبيحتاج مدة قدايه عشان تبان النتيجه وشكرا أوى.

==========

رد بص وطل:
زيت الخروع وزيت الزيتون الاتنين بيساعدوا على تتقيل الرموش وكمان كريمات ترطيب البشرة ممكن تستخدميها على الحواجب بس أهم حاجة تواظبى عليها لحد ما النتيجة تبان إن شاء الله.

hey rania hwa ana maynfa3sh a7ot serum elkeriateen b3d ma a3'sel sha3ry l2ny b3d ma ba3mel 7amam elzeet w balfo byb2a nashef shwaya belra3'm eno el7amd llah fatlto 7elwa

============

رد بص وطل:
يا ريت توضحي أكتر تقصدي ايه بسيرم الكيراتين.

رانيا أنا استخدمت كريم ليكوسيد اللى قولتى عليه بس مش بنفس الطريقه كنت بدل ما احطه ساعه كنت بزود عدد الساعات وكنت بحطه مرتين فى اليوم وبحط كريم تروسيد وفعلا بدأ الجلد الميت يتقشر بس بعد شويه حسيت انه عمل لى التهاب من جوه مش من بره (فى منطقه خط البكيني) فأنا مش عارفه اعمل ايه اوقفه ولا لا ياريت تقولي لى؟ وهل ينفع انى احط كريم ليكوسيد على منطقه تحت الابط ولا لا ولو ينفع ياريت تقولي لى الطريقه ازاي وشكرا أوي.

=========

رد بص وطل:
ممكن تستعملى الكريم اللى قلنا عليه وهو اسمه تروسيد وده بيعمل كمهديء للجلد وممكن توقفى الكريم شوية وتعملي الماسكات الطبيعية اللى قدمناها لتفتيح المناطق الغامقة وبعدين ترجعي له تانى، لكن لازم تمشي بنفس الخطوات اللي قلنا عليها وبالنسبة لمنطقة الابط فإنتي هتمشى على نفس الطريقة.

أنا كنت سألتك يا روني على ذوقك لهدية لحبيبي بمناسبة الفالنتين وعيد ميلاده وتكون مش تقليدية بس ماردتيش عليا؟؟ ممكن تقوليلي رأيك وكل سنة وانتي طيبة.

==========

رد بص وطل:
ممكن تعملي له حاجة بإيدك من تصميمك وتقدميها له مع هدية تانية تكون حاجة إنتي عارفه إنه محتاج لها فعلا ونفسه فيها.. وكل سنة وانتى طيبة.

ازيك يا قمر عايزة اسألك عن كريم ريستوريا هو لما بيطلع الشعر الجديد اللى بينبت بيطلع أبيض ولا اسود زى طبيعته؟

===========

رد بص وطل:
كريم ريستوريا بيعمل على كيمياء الصبغة اللي موجودة في الشعر وبيعمل على إعادة صبغة الشعر تدريجيا.

هاااااى يا رانيا ميرسى كتيييير على المعلومات والوصفات اللى بتقدميها أنا عندى 18 سنة وعندى مشكلة فى منطقة الشفايف وحول الفم غامقين أوى وبيبان شكلهم وحش كنت عايزة أعرف اعمل ايه عشان لونهم يرجع طبيعى ولو فيه أى نوع كريم أو حاجة ممكن اجيبها بس تكون ماركات كويسة جدا ميرسى ليكي مرة تانية وبلييييز ردي عليّ بسرعة.

==========

رد بص وطل:
بالنسبة لمشكلة غمقان حول الفم ممكن تعملى ماسك من ماسكات التفتيح للبشرة اللى قدمناهم قبل كده وممكن تدهنى شفايفك بزيت اللوز الحلو هيديها لون حلو.

هاي رانيا عايزة اسألك سؤال بليز ... أنا عندي خطوط بيضاء فى أماكن معينه ف الجسم ياريت لو اعرف ممكن اعمل ايه؟؟؟ وميرسي ليكي جدا.

=============

رد بص وطل:

صديقتى العزيزة هتلاقى الرد فى اللينك ده http://www.boswtol.com/health-and-beauty/beauty-and-styling/10/november/...

أنا فوئا يا رانيا يا ريت تنجديني أنا شعري فيه مشاكل كتير وأنا تعبت وعملت له حاجات كتير وما فيش فايدة اعمل ايه وهو مقصف وبيهيش ومجعد اعمل له ايه آسفة للتطويل.

==========

رد بص وطل:
صديقتى العزيزة تابعى كل حلقاتنا اللى قدمناها فى لينك قمر 14 هتلاقى الحلول لكل مشاكل شعرك وتابعى كمان الحلقات الجاية هتلاقى حاجات جديدة إن شاء الله.

هاى رانيا ازيك؟ أنا بستخدم كبسولات فيتامين e بفتحها واحطها على الكريم المرطب كل يوم قبل النوم ده صح ولا غلط.

===========

رد بص وطل:
طبعا الفيتامين ده مفيد جدا لتقوية الجلد وترطيبه والطريقة دى كويسة وكمان ممكن تحطيه مع زيت اللوز الحلو.

السلام عليكم ورحمة الله وبركاته.. ازيك يا روني عاملة ايه يا قمر بس كنت ممكن اعرف زيت اللوز المر وبدلك بيه مكان السترتش مارك لمدة 5 دقائق وبعدها نضع الكريم المخصص للسترتش ده كويس ولا لا وأرجو شىء للرؤوس السوداء ضرورى وشكرا جزيلا.

=========

رد بص وطل:
زيت اللوز مفيد للبشرة وبيفتحها بس ممكن تعملى الماسك ده علشان مشكلة السترتش مارك http://www.boswtol.com/health-and-beauty/beauty-and-styling/10/november/... وبالنسبة لمشكلة الرؤوس السودا هتلاقى الماسك فى اللينك ده http://www.boswtol.com/health-and-beauty/beauty-and-styling/10/may/26/14186

هاى رانيا أنا استخدمت سويت وكريمات لازاله الشعر من المنطقه الحساسه وكانت بتسمر عايزة أعرف أفضل طريقه لازاله الشعر ويطلع ببطء ومتسمرش وهل لو استخدمت براون كويسه ومش هتسمر ولا ايه ارجوووووووووووو الرد.

=============

رد بص وطل:
بالنسبة لازالة الشعر أفضل طريقة زى ما قلنا هى السويت أو الشمع، ولتقليل نمو الشعر ممكن تستخدمي نبات السعد وده هتلاقيه عند العطار، وبتاخدي 3 معالق من مسحوق النبات وتضيفيه إلى لتر ماء، وتحطيه على النار لغاية ما يغلي ثم يترك لينقع لمدة ربع ساعة، ثم يوضع على الجسم كغسول بعد إزالة الشعر لمدة 6 أيام متواصلة من كل شهر.

لو سمحتى أنا كنت عايزة أعرف حاجه هو حمام الزيت أو الكريم ازاي بيتعملوا وأنهى أفضل الزيت أم الكريم أنا شعرى ناعم بس بيكون هايش وخفيف جدا ازاى اخليه يتقل.

==========

رد بص وطل:
بالنسبة لحمام الزيت فإنتي بتحطيه على شعرك بعد ما تغسليه كويس، وبتسيبيه لمدة من ساعة وحتى 24 ساعة على حسب نوع حمام الزيت اللي بتعمليه وبعد كده بتغسلي شعرك مرة تاني بالشامبو، أما بالنسبة لحمام الكريم فإنتي بتعمليه على شعرك بعد ما تغسليه وبعد كده تسيبيه لمدة 30 دقيقة أو على حسب نوع حمام الكريم اللي بتعمليه، وعلشان يتقل ممكن تعملى حمام الزيت الثلاثى اللى هو زيت ثوم مع زيت جرجير مع زيت جوز الهند.

هاي رانيا ميرسي جدا علي اجاباتك الجميلة كنت عايزة اسألك كريم السعد اللي عند العطار ممكن يقلل من نمو الشعر وممكن في وصفة تنعيم الشعر بدل زيت جوز الهند احط زيت زيتون وممكن استخدم زيت الزيتون في إزالة المكياج.

===========

رد بص وطل:
علشان تقللى من نمو الشعر ممكن تستخدمى نبات السعد وتعملى ماسك بنفسك وهى انك تاخدي 3 معالق من مسحوق النبات وتضيفيه إلى لتر ماء، وتحطيه على النار لغاية ما يغلي وسيبيه لحد مايتنقع لمدة ربع ساعة، وبعدين حطيه على الجسم كغسول بعد إزالة الشعر لمدة 6 أيام متواصلة من كل شهر، وممكن تستعملى زيت السمسم لأنه بينعم الشعر جدا بس ماينفعش تستعمليه فى إزالة الماكياج وممكن تستعملي الفازلين.

سلام عليكم أنا بشرتى حساسة والحبوب مش بتظهر عندى غير فى منطقة الجبهة والدقن ومش عارفة استعمل ايه ولما بتعرض لشمس بيظهر فرش حمراء فى وشى أنا بشرتى بيضة فياريت تفيدينى اعمل ايه.

==========

رد بص وطل:

هتلاقى ماسك الخميرة والعسل للحبوب فى اللينك ده http://www.boswtol.com/health-and-beauty/beauty-and-styling/10/december/... وعلشان تتفادى البقع الحمرا من الشمس لازم تحطى صن بلوك بمعامل حماية قوى.

كنت عايزة يا رانيا اسألك هو زيت الزيتون اللى بستعمله فى الماسكات بيبقى اللى هو العادى ولا زيت الزيتون المخصص للشعر اللى من عند العطار؟

==========

رد بص وطل:

ممكن تستعملى أى زيت زيتون بس المهم انه يكون أصلى ومش مغشوش.

لو سمحتى يا رانيا أنا ممكن اعمل ماسك بالأرز المطحون وعليه لبن علشان يخلى بشرتى نقيه وصافيه ينفع اعمل كدا؟

==========

رد بص وطل:

ممكن تعملى الماسك ده وكمان اللبن لوحده لو حطتيه على وشك كل يوم بيعمل نضارة للبشرة.

هاى رانيا انا اول مره ادخل واشارك معاكى وكنت عاوزه اسالك انا عاوزه طريقه او وصفه او اسم كريم يكون كويس لتفتيح الاماكن السوداء المختبئه فى الجسم مثل ما بين الارداف وتحت الابط........ وشكرا ليكى

====================
رد بص وطل :
صديقتى العزيزة العدد ده هتلاقى فيه كريمات طبية لتفتيح الجسم http://www.boswtol.com/health-and-beauty/beauty-and-styling/11/january/3...

شعرى قصيرى وضعيف ممكن وصفه لتطويل الشعر وتتقيله

=================
رد بص وطل :
صديقتى العزيزة لازم تهتمى بشعرك وتستخدمى حمامات الزيت والعدد ده هتلاقى فيه الزيت الثلاثى لمنع تساقط الشعر وكمان فيه زيت القرفه لتطويل الشعر
http://www.boswtol.com/health-and-beauty/beauty-and-styling/11/january/1...

اسمى سماح ازيك رانيا عندى 25 سنه ممكن وصفه لتخن

هاي روني ايه هو الكريم اللي استخدمه بعد كريم الليكوسيد والتروسيد

======================
رد بص وطل :
صديقتى العزيزة إنتى بعد مابتخلصى إستخدام الكريمات دى بنفس الطريقه اللى قولناها بتستخدمى بعد كده كريم بانثينول وده العدد ده هتلاقى فيه اللى الخطوات http://www.boswtol.com/health-and-beauty/beauty-and-styling/11/january/3...

sabon elnesha da bast5dmo b3d ama a5od showe w ana gesmy mablol wala banshfo elawal?

=======================
رد بص وطل :
صديقتى العزيزة إنتى بتستخدمى الصابون ده بعد ماتخددى الشاور وتستخدمى الليفه العاديه وبعد كده بتدهنى الصابون على جسمك زي الكريم، وبنسيبه لمدة 20 : 30 دقيقة، وبعد كده نشطفى جسمك كويس.

ميرسى على تعبك معانا بنتى عندها 5و3 سنه شعرها تاعبنى جاف ومش اعرف اسرحه غير لما اغسلة وبلاحظ خصل كتير فى شعرها لونها محمر تحس انة محروق وعندها من الامام شعر مقصف صفير ولا لاقيه شامبو ولاكريم والزيت بينشف شعرها اكتر ارشدنى بليززززززززز

======================
رد بص وطل :
صديقتى العزيزة أهم حاجه إنك تستخدميلها شامبو مناسب مع نوع شعرها ومن تحطلها زيت اللوز المخصص للأطفال .

انا عايزة اعرف سبب ان اى نوع بلسم بيخلى شعرى يقع بطريقة رهيبة مع انه بيبقى من نفس نوع الشامبو ولما بعمل حمام كريم باردو شعرى بيقع جامد اوى مع العلم ان شعرى نوعة عادى وكان ناعم زمان جدا جدا دلوقتى بحس انه مبقش ناعم زى الاول .

======================
رد بص وطل :
صديقتى العزيزة البلسم كويس، وممكن تستخدمى الأنواع دى هيربل أو بانتين وإستخدمى الماسكات الطبيعيه وإستخدمى الماسكات الطبيعيه وكمان ممكن تعملى حمام زيت جوز الهند لأنه بينعم الشعر .

ezayek 7abibti rania ana smi3tik bitouli ino crimat taftih matinsa7ich biha wa fi okht saalitik 3an palmers skin success fade cream wa howa cream tafti7 we nti bit9oli ino kwayis dah ya3ni ino fi crimat taftih mofida please jawbini we merci awi liki

=======================
رد بص وطل :
صديقتى العزيزة فى ماركات كريمات كويسه ممكن تحطيها عادى على بشرتك لكن لو كريمات للتفتيح يبقى من الأفضل ماتستخدميهاش .

ازيك يارونى وحشتينى أنا عاوزة أسألك سؤال ضرورى جدا أنا بالليل قبل ماانام بغسل وشى وبعدين برطب وشى بزيت لوز او فازلين لأنى بشرتى جافة جدا ولما بصحى الصبح بحس انى وشى ملزق وببقى عاوزة انزل فبغسل وشى بصابونة جلسرين بس بعد مابغسله بحس ان وشى جف اوى ومشدود ومش عارفة أعمل ايه ارجوكى قولي لى أعمل إيه وانا أسفة طولت عليكى .

=========================
رد بص وطل :
صديقتى العزيزة زيت اللوز كويس جداً لكن والفازلين بس لازم تعرفى إن الفازلين فعلاً بيلزق البشرة وممكن تغسلى بشرتك الصبح عادى وعيزاكى تعرفى إن زيت اللوز الحلو كويس جداً وبضيع الجفاف .

رانيا انا بعمل ماسك بالمادة اللى جوة الصبار على زيت زيتون بحطه على فروة راسى وعلى شعرى نفسه زيت جوز هند على زيت زيتون
بعمله مرة فى الاسبوع ومرة تانيه بعمل اى ماسك تانى مايونيز أو زيت جوز هند اى حاجه تانيه يعنى كويس كدا وانا شعرى ناعم وهايش ومقصف؟ ولازم امشى على روتين ثابت ؟؟؟؟؟؟؟؟

=======================
رد بص وطل :
صديقتى العزيزة أهم حاجه إنك تقصى أطراف شعرك والماسكات دى كويسه وممكن تستمرى على إستخدامها .

هل كريم الصنفرة يضر البشرة إيه السبب وعايزة حاجة مفيدة للبشرة للاستخدم اليومى .

=======================
رد بص وطل :
صديقتى العزيزة لازم تعرفى إن البشرة حساسه جداً وإستخدام كريمات الصنفرة مش بتكون مكوناتها طبيعيه وإنتى ممكن تعملى إسكراب السكر وزيت الزيتون مرة فى الأسبوع .

سلام عليكم ازيك يارانيا لو سمحتى انا بشرتى دهنية عايزة ماركة غسول تكون كويسة كمان عايزة ماسك للبقع الغامقة من اثر الحبوب
ميرسى ليكى.

=======================
رد بص وطل :
صديقتى العزيزة إنتى ممكن تستخدمى غسول ديور أو جونسون للبشرة الدهنيه وكمان ممكن تستخدمى صابونه لمبادا للبشرة الدهنيه أما بالنسبه لأثار الحبوب فممكن تعملى ماسك الخميرة والعسل .

ازيك يارانيا انا عندى 25 سنه ولاحظت وجود شعرتين بيض فى مقدمة راسى وبعدين بدأ يزيد وانا خايفة اوى انه يمتد لباقى شعرى لانه فعلا بيزيد بشكل ملحوظ انتى نصحتى قبل كده بكريم ريستوريا بس ياترى هو مفيهوش صبغة وفين الاقيه فى اسكندرية يعنى مثلا فى فتح الله او كارفور ولا فى صيدلية العزبى او خليل وياترى هو غالى اوى ولا لأ عشان اقدر اشتريه وياريت طريقة استخدامه ايه وبستمر عليه اد ايه عشان شعرى يرجع للونه الاسود زى الاول .

========================
رد بص وطل :
صديقتى العزيزة إنتى ممكن تستخدمى كريم ريستوريا لأنه بيعالج المشكلة دى وهتلاقيه فى أى صيدليه وسعرة مناسب .

هاااى رانيا مومكن تقولي لى طريقت عمل النشا والماء لتفتيح المنطقه الحساسه هل الخلطه دى بتتعمل على النار ولا عادى نشا وميه وبس .

========================
رد بص وطل :
إنتى ممكن تستخدمى ماسك الأرز وحبه البركة وممكن تستخدميه على أى منطقه فى جسمك .

السلام عليكم لوسمحتى انا بستعمل مستحضر بيرفورما علشان شعرى بينزل من جزوره وفى ناس قالت لى انى اول ما اوقفه شعرى هينزل اكثر من الاول كمان بالله عليك انصحينى اعمل ايه .

=====================
رد بص وطل :
صديقتى العزيزة من الأفضل إستخدام حمامات الزيوت وممكن تستعملى حمام الزيت الموجود فى العدد ده http://www.boswtol.com/health-and-beauty/beauty-and-styling/10/november/...

السلام عليكم ورحمه الله وبركاته انا بشكرك علي وصفاتك الجميله زيك ياروني بس عايزة اسألك علي حاجه تطول شعري وتكثفه جزاكي الله كل خير

====================
رد بص وطل :
صديقتى العزيزة عشان شعرك يكون كثيف لازم تهتمى بيه، والعدد ده فيه وصفات لتقويه الشعر http://www.boswtol.com/health-and-beauty/beauty-and-styling/10/december/... أما بالنسبه لتطويل الشعر ممكن تعملى ماسك القرفه وهتلاقيه فى العدد ده http://www.boswtol.com/health-and-beauty/beauty-and-styling/11/january/1...

هاى يارانيا أنا عندى 23 سنه وماما مش بترضى إنى اعمل سويت فى المناطق الحساسة بتقول انها هتغمق مع الوقت والأفضل إنى استنى يوم فرحى هل ده صحيح فعلا مع العلم ان فرحى بعد 9 أشهر ومحتاجه اوى ابدأ فى الكريمات اللى قلتى عليها فهل ممكن استخدم الكريمات بدون سويت مع العلم انى بقوم بقص الشعر ارجوووكى تردى عليه ضرووووورى يارونى

=======================
رد بص وطل :
صديقتى العزيزة ألف مبروك مقدماً بصى إزالة الشعر من المنطقه الحساسه مفيهوش مشكلة ولازم قبل ماتبدئى تستخدمى كريمات التفتيح المنطقه دى تكون نظيفه تماماً وحتى إنتى لو إستخدمتى السويت قبل الفرح فأكيد حتستخدميه تانى بعد الزواج فافكرة الغمقان دى مش صح .

تسلمى يارب الله يبارك لك

لو سمحتى يا رانيا ممكن تقولي لى هو زيت اللوز الحلو بيفتح البشرة ويشيل اثار الحبوب والهالات السودة ولا زيت اللوز المر هو اللى بيعمل كدة ممكن تصنفيلى دة بيعمل ايه ودة بيعمل ايه؟ وايه هى فوايد زيت الخروع للبشرة ؟وشكرا اوى

=====================
رد بص وطل :
صديقتى العزيزة زيت اللوز الحلو من الزيت المفيدة جداً للبشرة وفعلاً بيفتح وبالنسبه للهالات السودة فممكن تستخدمى ماسك بذر القطون وشرائح الخيار أما بالنسبه لزيت اللوز المر له إستخدمات تانيه تابعينا عشان تعرفيها .

hey rania ana lama agy a3mel scrub l gesmy b elmal7 wl laymon elli 2nty 2olty 3aleh aw ay scrub tany bykon gesmy nashef wala mablol??

====================
رد بص وطل :
صديقتى العزيزة إنتى بستخدمى الأسكراب يعد ماتستحمى وجسمك بيكون مبلول .

هى بثور سودة يارانيا لما بعمل بخار بتفتح شويه كنت سألت دكتورة قبل كدة قالت لى فيه جهاز بيشيلها بس بتطلع تانى بعد 6 شهور فمش عارفه اعمله ولا لأ

=======================
رد بص وطل :
صديقتى العزيزة إنتى ممكن تعملى حمام بخار لبشرتك وتعملى ماسك الترمس والردة وإستخدمى الليفه المخصصه للبشرة .

hay rania ana 3awza haga bitakabar sadre ana gozi biyhib sadr ilkibir wa ana sadri soghayar argoki sa3dini

======================
رد بص وطل :
صديقتى العزيزة لازم تعرفى إن دى حاجه طبيعيه وعلى زوجك أن يتقبل هذا، لأن الحل هو عمليات التجميل ولكن ليها أضرار وأنا مش بانصح بيها وعليك أن تتحملى نتائجها وعيزاكى تعرفى إن هرمونات الجسم بتتغير بعد الزواج والرضاعه .

لو سمحتى كنت عاوزة وصفة طبيعية احطها على رموشى علشان تطول وتبقى كثيفة اكتر يعنى حاجة تتقلها وتطولها وشكرا ?

==================
رد بص وطل :
صديقتى العزيزة إنتى ممكن تحطى زيت خروع أو زيت لوز على رموشك .

رانيا عاوزة ماسك بالارز المطحون غير بتاع حبه البركه مش بردو الارز بيبيض؟ ياريت مكونات ماسك يكون فيها أرز مطحون

======================
رد بص وطل :
صديقتى العزيزة ماسك حبه البركه بيكون فيه أرز مطحون وده روتين يومى لتفتيح البشرة وكمان فى صابونه عملناة قبل كده لتفتيح http://www.boswtol.com/health-and-beauty/beauty-and-styling/10/october/2...

رانيا إزيك عندى سؤال كنت سألت حد خبيرة إن شعرى هايش قالى حطى على شعرك الصبح بالليل زيت زيرو فريز هو فى زيرو فريز فى منها زيت ولا تقصد السيروم؟ ولا فى زيت كويس فعلا ارجوكى ردى عليه ضرورى

======================
رد بص وطل :
صديقتى العزيزة زيرو فريز ده سيروم بس السيروم من الأفضل إنك تستخدميه لما تكونى عايزة تعملى شعرك لأنه بيحافظ عليه من أضرار السشوار والمكواة، وبالنسبه لهيشان الشعر فإنتى ممكن تستخدمى زيت جوز الهند أو زيت السمسم .

سؤال هو انا مش عارفه ابعت رساله ازى واشاركم ازاى

=====================
رد بص وطل :
صديقتى العزيزة إنتى ممكن تبعتى مشاركتك بنفس الطريقه اللى بعتى بيها الرسالة دى .

hey rony knt 3awza as2lek fe 7aga tanya momken a3mlha kol yom wana ba5od shower lltafte7 3'er elshower gel elli knty 3amlteh ana 5alas estmret 3aleh shahr w 3awza 7aga tanya badalo fa yatara momken a3mel a?

======================
رد بص وطل :
صديقتى العزيزة إنتى ممكن تستخدمى صابون النشا وزيت الزيتون لأنه بيفتح بشرة الجسم وهتلاقيه فى العدد ده http://www.boswtol.com/health-and-beauty/beauty-and-styling/10/november/...

السلام عليكم ورحمه الله وبركاته أنا اول مرة ادخل هنا تقبلى مرورى انا بصراحه معرفيكش ودخلت صدفه وحبيت اشكرك على المجهموادت دى انا بقى مش ليه سؤال انا عايزكى تقوللى اعمل اااايه فى بشرتى وشعرى لانى مش بحب اى مسكات أو بهتم بيهم يعنى انا بستعمل اى كريم للشعر والبشرة ساعات اه وساعات ممكن ابدأ معاكى حاجه حاجه وتقوللى ابدأ بايه بالظبط بعد اذنك انا بشرتى سمرا وعندى حبوب فى البشره وبشرتى دهنيه معلش لو طولت عليكى

====================
رد بص وطل :
صديقتى العزيزة أهلاً بيكى، بالنسبه للأهتمام بالبشرة الدهنيه اهم حاجه إنك تستخدمى صابونة مناسبه مع نوع بشرتك وممكن تستخدمى صابونه لمبادا وكمان إستخدمى الليفه المخصصه للبشرة وماسك الخميرة بالعسل مناسب مع البشرة الدهنيه والعدد ده هتلاقى فيه ماسكات مناسبه للبشرة الدهنيه http://www.boswtol.com/health-and-beauty/beauty-and-styling/11/january/1...

السلام عليكم انا بشرتى دهنية ماسك الماء والملح استخدمة يوم واحد فقط فى الاسبوع عشان بستخدم ماسك حبة البركة هل يوم واحد يجيب نتيجة واترك الماسك فى التلاجة لمدة طويلة ميحصلوش حاجة وشكرا .

=======================
رد بص وطل :
صديقتى العزيزة ماسك الماء والملح ممكن تستخدميه مرة فى الأسبوع، ومافيش مشكلة لو إحتفظتى بيه بالثلاجه .

أزيك يا رانيا مرسى كتير على مجهودك وردك السريع على الأستفسارات انا كنت بسأل انا عندى نقط سودا على الانف اشيلها عند دكتورة تجميل تنصحينى بأيه مسام وشى واسعه

===================
رد بص وطل :
صديقتى العزيزة ممكن توضحى أكتر هل هى بثور سودة ولا بقع صغيرة.

هاي يا روني يا قمر مرسييي علي كل النصايح الهايله ديه بس انا كنت عايزه اللينك بتاع العنايه اليوميه بالبشرة، وانتي قولتي ان المفروض نغسل الشعر مرتين في الاسبوع ونعمل حمام زيت او كريم مرتين انا لسه مش بدأت باي حاجه تنصحيني ابدأ باي حمام زيت علي العلم ان شعري فتلته ناعمه جدااا بس متقصف وبيهيش بسرعه وبيقع وفيه قشره ميرسي يا قمر واسفه علي الاطاله بحيبك

====================
رد بص وطل:
صديقتى العزيزة أهم حاجه إنك تستخدمى الليفه المخصصه للبشرة وتستخدمى الماسكات الطبيعيه والعدد ده هتلاقى فيه نصائح كتير لمشاكل الشعر والبشرة http://www.boswtol.com/health-and-beauty/beauty-and-styling/10/june/2/14678