مع رانيا.. كريمات بالزبدة ولبن جوز الهند لبشرة ناعمة وصافية

لو سمحتى أنا كنت عايزة أعرف طريقة تطويل الأظافر وتقويتها وإيه أسامى المستحضرات المفيدة اللى ممكن أجيبها لأظافرى علشان يبقى شكلها حلو وصحى.

============

رد بص وطل:

صديقتى العزيزة بالنسبة لتقوية الأظافر فأفضل حاجة هى إنك تدلكيها بشكل يومى بزيت خروع أو ويت زيتون دافى ومع المداومة هيقوى أظافرك ويخليها تطول.

ازيك يا رانيا أنا بشرتى دهنية جدا من عند الأنف والخدود وباقى وشى عادى والمشكلة إنى بيطلع لى حبوب فى البشرة وروحت لدكاترة كتير ووصفولى أدوية كتير بس مش كانت بتجيب نتيجة وآخرهم كريم فيوسى وأنا بستخدمه الآن بس المشكلة إن فى أنفى الحبوب الكبيرة راحت واتبقى حاجة بارزة على أنفى ولونها وردى ودى مش بتروح خاالص وكمان فى جنب خدودى آثار للحبوب تحت الجلد وبردوا مش بتروح خالص واتفاجأت إن خدودى المسام بقت واسعة فيهم جدااا الله يخليكى قولي لى أعمل ايه يعالج المشاكل دى كلها انا اعتمدت على الله وعليكى وآسفة على الاطالة.

===========

رد بص وطل:
صديقتى العزيزة أهتمى بنظافه بشرتك وممكن تستخدمى صابونة لمبادا أو أدورا والعدد ده هتلاقى فى ماسك للحبوب ولأثار الحبوب ممكن تعمليه http://www.boswtol.com/health-and-beauty/beauty-and-styling/10/may/26/14186

ازيك يا رنوش وبجد مواضيعك كلها مهمة جدا وأفادتني أنا شخصيا كنت عايزة أسأل علي أفضل شامبو للقشرة أو أي حاجات طبيعيه ليها؟؟ وياريت أعرف لو عملت حمام زيت لشعري يبقى مرة كل أسبوع ولا مرتين ولما أجي أعمل حمام زيت احطه الأول وبعدين أغسل شعري ولا العكس وهل لو أنا حاطه بونيه سخن أو فوطة سخن وأنا عاملة شعري حمام زيت بيبقى أفضل؟

============

رد بص وطل:

صديقتى العزيزة عشان تعملى حمام زيت لازم تغسلى شعرك مرتين بالشامبو وبعد كده بتحطى الزيت وتسيبيه على شعرك لمدة 3 ساعات وبعد كده تغسليه، وبالنسبة للقشرة ممكن تعملى ماسك الكاموميل لعلاج القشرة وده عملناة قبل كده وهتلاقيه فى العدد ده http://www.boswtol.com/health-and-beauty/beauty-and-styling/10/december/...

وصفت رانيا اللوشن ده بإنه اللوشن السحري لتأثيره على تفتيح الجسم وإعطاؤه ريحة عطرة وفواحة بطريقة طبيعية، واللوشن مكوناته بسيطة جداً وهي عبارة عن كولونيا ليمون (555) وبنخلطها مع زيت ورد طبيعي بنسبة ثلاثة لواحد يعني بنحط 3/4 كوب من الكولونيا وربع كوب من زيت الورد، وبنحطهم في زجاجة ونحفظها في الثلاجة، وبندهن منه على الجسم بالكامل والوش لكن مع مراعاة إننا مانتعرضش به للضوء.
رونى بليز أنا قريت الماسك ده فى عدد بس خايفة اعمله مش الكولونيا برده فيها كحول وممكن تلهب البشرة ازاى بتفتحها ولو انتى واثقة منه أكيد هعمله.

=============

رد بص وطل:

صديقتى العزيزة الوصفة دى كويسة وماتخافيش منها بس خلى بالك إنك لازم تعمليها بنفس الطريقه اللى قولناها، وهى فيها كحول بس طبعا بيبقى طبى وده مفيد للبشرة مش بيضرها ومش هيلهبها وكمان زيت الورد معاها بيقلل من حدتها وهيدى للجسم نعومة وترطيب.

hi rania.momkin a3mil wasfitin fi nafs youm ya3ni a3mil wasfa li 7ab chabab bi lill.we bi nahar wasfa li taftih

===============

رد بص وطل:

ممكن تعملى وصفتين بس لازم مايكونوش فيهم مكونات جامدة مجهدة للبشرة وبلاش تعمليهم كل يوم علشان ماتجهديش بشرتك أوى.

هاى ازبك يا رانيا أنا بحبك أوى بصى أنا عايزة أخد رأيك فى حاجه وتفيدينى لأن أنا مش عندى أخوات بنات فقولت انتى أكيد هتفيدينى إن شاء الله فيه قراية فاتحة على آخر الشهر كدة وهتكون فى البيت مش عارفة البس ايه خالص وكمان أكيد لازم أهتم ببشرتى من دلوقتى فيا ريت تقولي لى أعمل ايه وايه النظام اللى أمشى عليه وايه اللى يناسب مناسبة زى دى فى البيت، فيه حاجة كمان أنا مش بعمل أى حاجة فى بشرتى خالص فشوفى انتى هاتقولى وكمان شعرى مقصف وفيه كسرة وساعات كتير بيبقى ناشف فقولي لى برضه اعمل ايه وكنت سمعت على وصفات الحنه وشوفت عندك قبل كدة وصفة المايونيز فده أعمل الوصفة فى البيت ولا اشتريه جاهز فلو فى البيت قولي لى اعمله ازاى ده لو انتى هاتقولى على الوصفة يعنى انى اعملها قولت اقولك بدل أما ابعت اسألك عليها وفى وصفات للحنه لتنعيم والشعر الجاف وللتلوين عندى هابقى ابعتهملك مرة تانيه علشان ماطولش عليكى أكتر من كدة بصى أنا بشرتى مختلطة وفيها كام حباية كدة بس مش باجى جانبها خالص فأتمنى تردى عليا على طول علشان الحق أمشى على النظام اللى هاتقولي لى عليه وكمان للإيد والرجل وكدة ومعلش حاجه كمان الطقم اللى هاتقولي لى عليه قوليلى البس معاه ايه فى رجلى والطرح كمان معلش أنا طولت عليكى أتمنى إنك تردى عليا بسرعه وشكرا على مجهودك الجميل ده.

=============

رد بص وطل:

ألف مبروك ليكى مقدما وربنا يتمملك بخير يا رب، طبعا علشان الخطوبة فى البيت يبقى أنسب حاجة إنك تلبسى فستان سمبل أوى ومايكونش منفوش طبعا ويكون مثلا ستان أو دانتيل على أد الجسم وتعملى ميك أب رقيق وطبعا الشوز هتجيبيها على حسب شكل ولون الفستان، وبالنسبة لبشرتك فلازم تحددى نوع بشرتك إيه علشان أعرف أفيدك وكمان انت تقدرى ترجعى للأعداد القديمة وهتلاقى ماسكات كتيرة لنضارة وتفتيح البشرة سواء للبشرة الدهنية أو الجافة وكمان علشان تعالجى الحبوب، وبالنسبة للشعر فماسك المايونيز كويس أوى وانتى تقدرى تعمليه سواء جبتيه جاهز أو عملتيه فى البيت بس لو عايزة تعمليه ممكن تلاقى الطريقة فى أعداد سفرة دايمة، وكمان هتلاقى ماسكات كتيرة من الفاكهة قديمة وكمان فيه ماسكات جديدة قريب دى هتبقى هايلة وسريعة علشان تطرى شعرك وتديله لمعة، وبالنسبة لترطيب الإيد الينك ده هتلاقى فيه وصفات هايلة للإيد http://www.boswtol.com/health-and-beauty/beauty-and-styling/11/january/1...

ازيك يا رانيا عاملة ايه؟ أنا كنت عايزة اسألك ايه المنتج اللى ممكن اجيبه علشان يقلل نمو الشعر؟ أنا جربت وصفات كتيييير بس برضو مفيش نتيجة، بصى كان فيه منتج لتقليل نمو الشعر كانت بتعلن عنه الممثلة دوللى شاهين بس مش فاكرة اسمه، ياريت لو تعرفى اسمه تقولي لى، أنا سمعت إنه كويس جدا وبيجيب نتيجة، انتى إيه رأيك هو كويس ولا؟ وشكراااااااااااا ليكى جدا.

=============

رد بص وطل:

انتى ممكن تستخدمى نبات السعد علشان تقليل النمو وطريقة استخدام نبات السعد هى انك تاخدي 3 معالق من مسحوق النبات وضيفيه إلى لتر ماء وحطيه على النار لغاية ما يغلي وسيبيه يتنقع لمدة ربع ساعة.. وبعدين حطيه على الجسم كغسول بعد إزالة الشعر لمدة 6 أيام متواصلة من كل شهر وإن شاء الله هيجيب نتيجة بس لازم تستمرى عليه، وبالنسبة للمنتج أنا مش عارفاه بس جربى الوصفة هتعجبك إن شاء الله.

أنا بشرتى دهنية وفيها حبوب وأنا بستخدم قناع حبة البركة وانتى نصحتينى استخدم ماسك الماء والملح مرة واحدة فى الأسبوع بس أنا بسمع من كتير إن وشهم تعب منها تنصحينى بإيه خايفة استخدمه وشى يتعب أرجو الإفادة هل هو أنسب حاجة للحبوب وملوش أضرار وشكرا.

=============

رد بص وطل:

الماسك ده كويس علشان مشكلة الحبوب ولو انتى حاسة إن بشرتك حساسة ممكن تعملى ماسك تانى من اللى قدمناهم فى الأعداد اللى فاتت أو لو هتستعمليه مرة واحدة فى الأسبوع مش هيعمل ضرر إن شاء الله.

معلش عندي سؤال تاني..ممكن تقولي لي علي غسول للمنطقة الحساسة من الصيدلية أو حتي من الوصفات الطبيعية..وللعلم أنا بنت لسة.

==============

رد بص وطل:

صديقتى العزيزة لو عايزة تتستخدمى غاسول طبى ممكن تسألى الصيدلى وهتلاقى أنواع كتير وانتى ممكن تستعملى زيوت الاطفال زى جونسون بيبى أويل، أو ممكن تعملى خلطة زيت اللوز وزيت الورد بس طبعا لازم يكون الاستعمال خارجى.

هاى يا رانيا كنت عايزة اسألك عن واقى الشمس من بيوديرما كويس وممكن استخدمه كبديل لكريم النهار وعايزة ماركة كريم عين تكون كويسة علشان مش عايزة أجرب أى ماركة.

==============

رد بص وطل:
صديقتى العزيزة انا مش بانصح بأستخدام كريمات الليل والنهار خاصة لو سنك لسه صغير وإنتى ممكن تستخدمى واقى شمس وبيوديرما من الماركات المضمونة وبالنسبة لكريم العين فأفضل الأنواع هى أولاى.

حبيبي والله انتي بجد حبيبتي كنت عايزة منك وصفة غلسه شويه..أنا عندي أرداف عند الجناب وشكلها عامل زي قشرة البرتقال عايزه بقي حاجه تخسسها وتضيع المنظر القبيح ده وبعدين في خطوط بيضه علي فخذي...وكنت سألتك قبل كده علي المشاط بس مش قولتي لي أعمل ايه بيه اصلي عنندي منه ربع كيلو ومش عارفة استخدمه ازاي وعشان ايه للشعر...وشكررررررررررررا ليكي يا حبيبة قلبي.

==============
رد بص وطل :
صديقتى العزيزة لازم تمشى على نظام غذائى مع ممارسة الرياضه بصفه مستمرة عشان مشكلة الأرداف وبالنسبه للخطوط البيضه فإنتى ممكن تستخدمى ماسك لسان البحر وهتلاقيه فى العدد ده وكمان إستخدى الليفه العاديه مرتين فى اليوم والليفه المغربى مرتين فى الأسبوع
http://www.boswtol.com/health-and-beauty/beauty-and-styling/10/november/... أما بالنسبه للمشاط تابعينا عشان تعرفى إستخدامه .

السلام عليكم ورحمة الله وبركاته، ازيك يارانيا لو سمحتي كنت عايزه اسألك عن عشبة الياس سمعت إنها مفيدة للشعر، أجيبها وأطحنها و تتنقع لمده يوم وبعد كدا أخذ المية وأحطها علي شعري بالليل قبل ما أنام وأغسله الصبح وإنها بتقلل هيشان الشعر وتطوله، الكلام ده صح ولا لأ؟؟؟ شكراا أوي.

=============

رد بص وطل:
صديقتى العزيزة عشب الياس كويس وتابعينا عشان هنتكلم عنه أكتر وبالنسبه لهيشان الشعر فإنتى ممكن تستخدمى ماسكات تنعيم الشعر وهتلاقيها فى العدد ده http://www.boswtol.com/health-and-beauty/beauty-and-styling/11/january/2... أما بالنسبه لتطويل الشعر فإنتى ممكن تعملى حمام زيت القرفه اللى عملناة قبل كده بس بنفس الطريقه اللى قولناها .

أنا عايزة أعرف أحسن نوع فى الكرياتين أنا شعرى فتلته ناعمة وعايزة أعرف هحتاج أعمله كل أد إيه وهيفضل على طول ناعم.

==============

رد بص وطل:

صديقتى العزيزة أنا مش بانصح بأستخدام الكيرياتين وإنتى ممكن تستخدمى الماسكات الطبيعيه لتنعيم الشعر مع الأستمرار عليها والعدد ده هتلاقى فيه ماسكات التنعيم http://www.boswtol.com/health-and-beauty/beauty-and-styling/11/january/2...

السلام عليكم أنا بعت كذا مرة مش فيه رد ليه مع إنكم كنتم بتردوا فى الأول على طول أنا بسأل عن عنوان المعاهد اللى انتى قولتى عليها لأنى مش عارفه أجيب عناوينهم من فين وشكرا ممكن تردوا عليا لأن الموضوع ده مهم بالنسبة لى وشكرا.

=============
رد بص وطل :
صديقتى العزيزة أنا راديت على سؤالك فعلاً بس إنتى ممكن تكونى مش عارفة توصلى للرد، أنا معرفش مكان محدد أقولك عليه بس إنتى ممكن تسألى وكمان خبيرة التجميل أمينة شلبايه ممكن تساعدك فى الموضوع ده .

salamo 3alikom, law sama7ti min fadlik w zo2ik, 3ayza a3raf 7al limchkilit l2ichra bicha3r alrass w merci

=============

رد بص وطل:

صديقتى العزيزة بالنسبة لمشكلة القشرة هتلاقى فى اللينك ده ماسك لعلاج مشكلة القشرة http://www.boswtol.com/health-and-beauty/beauty-and-styling/10/december/...

ازيك رانيا أنا خطوبتى بعد أسبوعين وعندى هالات سوداء وغير كدة منطقة الجفون غامقة جدا ومش عارفة اعمل ايه ووشى شاحب أوى أنا عارفة إنه بسبب إن وزنى بينزل بس مش عارفة اعمل ايه وحوالين الفم فيه شوية أسمر بس مش أوى ردى علية ضرورى.

==================

رد بص وطل:

صديقتى العزيزة ألف مبروك ليكى مقدما وربنا يتمملك بخير إن شاء الله، بالنسبة لمشكلة الهالات السودا ممكن تستخدمى بذر القطون وده اللينك اللى فيه الوصفة http://www.boswtol.com/health-and-beauty/beauty-and-styling/10/october/1... ، وكمان استخدمى شرائح الخيار والبطاطس، وانتى ممكن تعملى ماسكات لنضارة وترطيب البشرة من اللى قدمناهم فى الأعداد اللى فاتت، وبالنسبة للغمقان حول الفم ممكن تعملى ماسكات تفتيح للبشرة وده لينك خاص بتفتيح البشرة http://www.boswtol.com/health-and-beauty/beauty-and-styling/10/november/...

ازايك يارنوشا على فكرة إنتى عسولة خالص والله وكل وصفاتك جميلة بجد ربنا يخليكى معلش كان عندى سؤال هو انا ينفع استخدم كذا وصفة فى وقت واحد يعنى مثلا انا شعرى خفيف ينفع استخدم وصفتين فى الاسبوع ولا هيبقى ليها ضرر سورى طولت عليكى بس خايفة اعمل كدا من غير ما أسألك وميرسى ليكى .

====================
رد بص وطل :
صديقتى العزيزة أهلاً بيكى إنتى ممكن تعملى مصفتين فى الأسبوع مافيش مشكلة .

هااااى يا رورو بجد انتى عسولة اووى وفعلا انا بستفاد من مواضيعك جدا وبكتبها كمان بجد ميرسى موت أنا عندى مشكلة ان صدرى صغير قوى وعندى 19 سنة ونص ومش وراثة انا بجد تغبت من الموضوع دة جداا ومتعبنى نفسيا كمان وياريت يكون لى حل يارب بجد.

===================
رد بص وطل :
صديقتى العزيزة لازم تعرفى إن جسمك بيتغير كل فترة وكمان إنتى سنك صغير وأنا مش بانصح بالعمليات الجراحية أو إستخدام هرمونات .

hi rania ih raayik fi maskat ill fiha khamirat khobz fawria(instant yeast)heya kwayissa libachrat wich walla laa asl fi ktir biyansa7o biha lianaha bitbayyad ya tara dah sa7 walla laa.

=====================
رد بص وطل :
صديقتى العزيزة الخميرة كويسه وبنستخدمها فى ماسكات كتير لكن إحنا بنستخدم الخميرة البيرة ودى هتلاقيها عند أى فرن .

مرسيى يارونى على ردك كان عندى سؤال شعرى اطرافه بايظه خالص خشنه ونشفه وكمان مقصفه مش عارفه اعمل ايه كتير نصحونى اقصه بس انا مش عايزة اقصه انتى تنصحنى بايه؟ولو فى حاجه ليه اعمل ايه؟
مرسيى ليكى؟

======================
رد بص وطل :
صديقتى العزيزة لازم تقصى اطراف شعرك وبعد كده تبدئى فى إستخدام الماسكات الطبيعيه والعدد ده هتلاقى فيه ماسك لمشكلة التقصيف http://www.boswtol.com/health-and-beauty/beauty-and-styling/10/june/2/14678

السلام عليكم يارانيا من فضلك انا بشرتى دهنيه وكمان حساسه جدا من اقل حاجه وفيها حب شباب الحمد لله مش كتير لكن انا عاوزاها صافيه خالص من فضلك عاوزه وصفه تضيع حب الشباب الباقى ده وبعد اذنك يارانيا تكون حاجه غير الميه والملح لانه بيتعب وشى وفى نفس الوقت يكون بيرطب الوش لان معظم الماسكات بتنشف وشى اوى واسفه للاطاله ومتشكره اوى على تعبك معانا.

====================
رد بص وطل :
صديقتى العزيزة العدد ده هتلاقى فيه ماسك لعلاج الحبوب وأثار الحبوب http://www.boswtol.com/health-and-beauty/beauty-and-styling/10/may/26/14186

هو زيت الخروع فعلا بيسبب حول انا قريت كده على النت وبردو قريت إنه مش بيعمل حاجه ممكن تفدينى انا حطيته على رموشى وحاسه ان عينى تعبانه شويه حاسه انها مشدوده ممكن تفدينى ولا ده ممكن يكون بس مجرد احساس علشان أنا خايفه منه .

===================
رد بص وطل :
صديقتى العزيزة أهم حاجة إن الزيت مايجيش على عينك تماماً وإنتى ممكن تستخدمى زيت اللوز بس ماتسبيهوش أكتر من ساعة .

السلام عليكم انا عندي مشكله او بالأصح عدة مشاكل اولها انه جسمي دهني اوي وبالأخص وجهي وثانيا انه السويت بتسبب لي التهابات في جسمي لدرجة انها لو طلعت حبوب بتعللم في جسمي ولو ما طلعتش بتعمل حفر فيه وبرضه بتسببلي زرقان بالاماكن الحساسة علشان كده بستخدم البراون بس المشكله اني اساسا شعورة والبراون كملت عليا خلتني شعورة اكتر وتحسي انه الشعر بيطلع اسود مش عارفه اعمل ايه السويت والبراون بلاوي بالنسبه لي اعمل ايه؟؟؟؟ وبالنسبه لبشرتي (حبوب ودهون) مع العلم ان وزني 65 ك وشكرا ليكي ودي اول مشاركه ليه

=======================
رد بص وطل :
صديقتى العزيزة أهم حاجة العنايه الشخصيه وإنك تستحمى مرتين فى اليوم وإستخدمى الليفه العادية مرتين فى اليوم والليفه المغربى مرتين فى الأسبوع ولازم تعرفى إن السويت أفضل طريقه وممكن تستخدمى الشمع، أما بالنسبه لبشرتك فإنتى ممكن تستخدمى صابونه لمبادا أو أدورا لأنها مناسبه جداً للبشرة الدهنيه وكمان ماسك الخميرة والعسل كويس جداً .

لو سمحتى انا بشرتي دهنيه والمنطقه اللي عند الدقن دي علي طول سمرة والمنخير فيها حبوب سوده صغيرة عايزة ماسك مضمون وكويس لي تفتيح البشرة لاني في جامعه ومش عايزه اخود علي البودرة وكريمات الاساس لاني 18سنه عايزه ماسك يكون حاجته متوفرة واعرف اني اجيبوه بسهوله لان في حاجات كتير بتقولي عليها بنزل عشان اجبها العطارين بيقولي مش موجوده وكده لوسمحت قولي لي حاجه سهل اني اجبها ممكن معلشي بتعبك معايا ياقمر وميرسي ليكي كتيرر.

==================
رد بص وطل :
صديقتى العزيزة عرضى بشرتك للبخار وممكن تستخدمى صابونة لمبادا مرتين فى الأسبوع، وممكن تحطى صن بلوك قبل ماتتعرضى للشمس وكمان ماسك الترمس والردة من الماسكات المفيدة جداً للبشرة وكمان أنا مش بانصح بأستخدام الميك أب الصبح والعدد ده فى ماسكات للبشرة الدهنيه http://www.boswtol.com/health-and-beauty/beauty-and-styling/11/january/1...

ازيك يا رانيا لو سمحت انا جبت جنين القمح بس هو مكتوب عليه انى اشربه قبل الاكل بساعه وكمان للانيميا هو ينفع استخدمه للهالات السوداء واسيبه قد ايه وكام مرة فى اليوم ولمده اد ايه.

===================
رد بص وطل :
صديقتى العزيزة بالنسبة للهالات السودة فإنتى ممكن تستخدمى ماسك بذر القطون اللى عملناة قبل كدة وكمان إستخدام شرائح الخيار يومياً .

السلام عليكم شكرا على ردك عليه بس ممكن تقوللى على عنوان الاماكن او ارقام تليفون لانى مش عارفه ادور فين يعنى مش عارفه الطريقه اللى اعرف منها الاماكن لتعليم طريقه المكياج وشكرا تانى .

===================
رد بص وطل :
صديقتى العزيزة أنا معرفش مكان معين للتعليم بس إنتى ممكن تسألى وكمان خبيرة التجميل أمينة شلباية ممكن تستعدك فى الموضوع ده .

ازيك يا رونى ............ انا عندى فى جفن عينى الاسفل ملاحظة انه بدأ يسمر اعمل ايييييييييييه بليز ردى عليه

==================
رد بص وطل :
صديقتى العزيزة إنتى ممكن تعملى ماسك بذر القطون اللى عملناة قبل كدة وكمان ممكن تستخدمى شرائح الخيار يومياً وإهتمى بأزالة الميك اب قبل ماتنامى .

لو سمحتى يا رونى انا عندى مشكلة حب الشباب الصغير بس فيها دمامل وبعدين اثره بيقعد فى وشى وبيطلع اغلبه فى منطقة الزقن والقورة يا ريت تفيدينى لانى مليت منه.

==================
رد بص وطل :
صديقتى العزيزة أنصحك بأستشارة دكتور جلدية متخصص لأن الدمامل دى محتاجة علاج طبى .

hi habibti ana bacheriti douhniya o3indi machakil el botour kaman atar el botour ossaraha hachi chakali machakil ketir nafsiya yarit law tidili nidam atabi3o lini wallahi maba9itch 3ayza akheroj pleaaaaaase sa3dini

===================
رد بص وطل :
صديقتى العزيزة العدد ده هتلاقى فيه ماسك للحبوب وكمان لأثار الحبوب http://www.boswtol.com/health-and-beauty/beauty-and-styling/10/may/26/14186

شكرا على الموقع الجميل دا ..بليز رانيا عاوزة وصفة طبيعية لتكبير حجم الشفايف تكون مجربة ومفعولها اكيد ضرورى.

===============
رد بص وطل :
صديقتى العزيزة إنتى ممكن تمررى قطعه تلج على شفايفك وكمان إستخدام تحديد الشفاة بيدى حجم للشفه .

هاى رانيا بجد انتى هايلة وبنشكرك على وصفاتك الجميلة ..انا شعرى مموج شويا وديما بيهيش بس فتلته ناعمة ياريت تقولي لى على حل لهيشان الشعر والتموجات ..وشكرا ليكى جدا.

====================
رد بص وطل ك
صديقتى العزيزة إنتى ممكن تعملى حمام زيت جوز الهند أو السمسم لأنهم بينعموا الشعر وبيمنعوا الهيشان والعدد ده هتلاقى فيه وصفات تنعيم الشعر ودى بتقلل من الهيشان http://www.boswtol.com/health-and-beauty/beauty-and-styling/11/january/2...

BONJOUR ,PUIS JE AVOIR DES RECETTES DE MASQUE POUR UNE EPILATION DEFENITIVE,MERCI D AVANCE POUR VOTRE REPONSE

==================
رد بص وطل :
صديقتى العزيزة الحل الوحيد لأزالة الشعر نهائياً الليزر وممكن تسألى دكتور متخصص عن الموضوع ده .

السلام عليكم انا بنت 22 سنه طولى 155 ورفيعه مش طخينه انا كنت رفيعه جدا الاول بس اكلت كتير هو انا موزنتش نفسى بس بان عليا انى طخنت شويه وبقيت افضل من الاول المهم مشكلتى البطن مش عارفه البس اى حاجه بسبب بطنى كبرت وبتظهر فى اللبس وبتخلى شكلى وحش ياريت يكون فية حل سريع للموضوع دة وفى نفس الوقت منزلش فى وزنى لانى عايزة ازيد فى وزنى لكن عايزة تبقى مفيش بطنى كبيره واسفه على انى طوالت عليكى شكرا.

======================
رد بص وطل ك
صديقتى العزيزة أهتمى بنوعيه أكلك والرياضه مهمه جداً لأنها فعلاً بتظبط الجسم بس مع الأستمرار عليها وكمان ممكن تعملى تمرينات بطن يومياً .

السلام عليكم ورحمة الله وبركاته انا جبت حنه كوين لصبغ الشعر فعايزة اعرف مضره ولا لأ واستخدمها على شعر مبلول ولا ناشف .

======================
رد بص وطل :
صديقتى العزيزة من الأفضل إستخدام الحنة الطبيعيه .

السلام عليكم إزيك يارانيا انا بدهن كل يوم زيت لوز حلو على وجهى رانيا ممكن تقولى اسيبه لمدة اد إيه وكمان اشيلوه إزى مع العلم إنى بشرتى دهنيه شكرا يارانيا.

===================
رد بص وطل :
صديقتى العزيزة زيت اللوز من الزيوت المفيدة جداً للبشرة وممكن تحطيه زى ما إنتى عايزة وممكن تنامى بيه وتغسليه تانى يوم .

ازيك يارانيا ومرسى بجد على كل وصفاتك انا لسه متابعة من فترة قريبه بس بجد موضوعاتك جميلة جدا وعجبتنى اوى الفكرة اللى قلتيها الحلقة دى بس كنت عايزة اسالك معلش كام سؤال انتى فى حلقة قديمة قلتى اننا بنستخدم الجزء الصغير من الليفة العادية للبشرة انا مش عارفة بيستخدم ازاى على البشرة مش هيكون ناشف عليها وخصوصا ان بشرتى بيظهر فى حبوب وممكن تتاثر ولا ايه؟ تانى سؤال انا سمعت انى لو استخدمت حمام الكريم او حمام الزيت على فروة الراس بيخلى الشعر يتساقط والمفروض استخدامهم على الشعر فقط فهل الكلام ده صح ولا لا؟ سؤال كمان بعد اذنك هى الزيوت الى بتقوليها دى اشتريها منين وهل فى انواع معينة اسال عليها ؟ وشكرا بجد على موضوعاتك اللى دايما مفيدة.

========================
رد بص وطل :
صديقتى العزيزة الجزء الطرى اللى فى أخر الليفه وإنتى كمان بتسبيها فى الميه شويه والعدد ده هتلاقى فيه الطريقه http://www.boswtol.com/health-and-beauty/beauty-and-styling/10/october/1... وممكن تستخدمى صابونه لمبادا، وإنتى بتستخدمى حمام الزيت على فروة الراس عادى بس الزيت بيتساب على الشعر 3 ساعات وبعد كده بتغسلى شعرك كويس وكمان إستخدمى الماسكات الطبيعيه اللى قولناها والزيوت بتشتريها من عند العطار وأنا بقول فى كل وصفه مواصفات الزيت الأصلى .

هاى رونى ميرسى يارانيا بجد على كل وصفاتك الجميلة انا جربت كريمات التفتيح للمناطق الحساسة وبجد جزاكى الله كل خير فعلاً تحفة وجابت معايا نتيجة رائعة شكراً ليكى من كل قلبى ودلوقتى أنا فرحى كمان اسبوعين تنصحينى بأية قولي لى على المفيد ومن الأخر انتى عارفة طبعاً الفرش والأرهاق بيعملوا ايه وشى مرهق جداً عايزة حاجة تخلية منور وبالنسبة للهالات السودا انا جربت بذرة اتون بس حاسة انها ماجبتش نتيجة معايا بقالى اسبوعين باستخدمها هل افضل مستمرة عليها ولا ايه رأيك؟؟ وفى سؤال تانى مهم انا سمعت دكتورة امراض جلدية جت فى برنامج امينة شلباية وقالت ان العروسة ممكن قبل فرحها بشهر تعمل حاجة هتخلى جسمها منور وفاتح وهى عبارة عن ان احنا نملى البانيو ميه سخنة ونضيف فنجان زر ورد وفنجان صغير كلوركس ونقعد فى البانيو نصف ساعة وبتقول نتيجته تحفه انتى اية رأيك فى الوصفة دي هل فعلاً ناجحة لأنهم خوفونى من الكلوركس قلت استشيرك وأتمنى منك انك تردى عليا بسرعة ميرسى كتتتتير يا قمر.

=====================
رد بص وطل :
صديقتى العزيزة ألف مبروك مقدماً أستمرى فى إستخدام الماسكات الطبيعيه وكمان إستخدمى الليفه المغربى مرتين فى الأسبوع وبالنسبه لبذر القطون إستمرى فى إستخدامه وكمان إستخدمى شرائح الخيار والعدد ده هتلاقى فيه ماسك الموز والعسل وماسك الترمس والردة والماسكات دى بتدى نضارة للبشرة http://www.boswtol.com/health-and-beauty/beauty-and-styling/10/may/26/14186 والعدد ده هتلاقى فيه نصائح كتيرة للعروسة http://www.boswtol.com/health-and-beauty/beauty-and-styling/10/november/... وبالنسبه للوصفه اللى إنتى بتقولى عليها دى مش صح تماماً الكولوركس ده غلط جداً على البشرة وممكن تعملى الحمام المغربى .

لو أنا عايزة اخلى بشرتى نضرة وصحية ممكن اجيب كبسولة فايتمن واكسرها واخذ اللى جواها دا على بشرتى هل دا بيجب نتيجة وايه الفيتامينات دى اللى ممكن استخدمها سى فقط لان بشرتى باهتة وغير نضرة وشكرا.

==================
رد بص وطل :
صديقتى العزيزة أهم حاجه إنك تهتمى بنوعيه أكلك وتستخدمى الماسكات الطبيعيه بأستمرار وممكن تستخدمى كبسولات الفيتامين والعدد ده هتلاقى فيه ماسكات لنضارة البشرة http://www.boswtol.com/health-and-beauty/beauty-and-styling/10/december/...

salamo 3aalikom law ssama7ti min tawado3ik ana 3ayza a3raf 7al limochkilit l2ichra bi cha3r rass

=================
رد بص وطل:
صديقتى العزيزة العدد ده هتلاقى فيه ماسك الكاموميل لعلاج قشرة الشعر http://www.boswtol.com/health-and-beauty/beauty-and-styling/10/december/...

إزيك يارانيا انا عندى سؤال؟ إن الجفن المتحرك غامق شويه عايزة أعرف حل للمشكله دى؟ وهل كريم غارنييه للعيون كويس؟ وميرسي يارانيا.

=================
رد بص وطل :
صديقتى العزيزة إنتى ممكن تستخدمى ماسك بذر القطون وممكن كمان تستخدمى شرائح الخيار وكريم غارنييه كويس وممكن تستخدمه .

ازيك يارانيا أنا بحبك جدا وباستفاد منك جدا كنت عايزة اعرف منك الطريقة الصحيحه والادوات الصحيحه لعمل الحمام المغربى فى البيت وأفضل ماركات الليفه المغربية والصابون المغربى إيه معلش بتقل عليك دايما بأسالتى وسؤال تانى معلش الافضل انى استعمل لترطيب جسمى بعد الحمام زيت جونسون ولا لوشن نيفيا ولا لوشن فازلين ولا زيت اللوز وزيت الورد حتى بعد الزواج أنا بشرتى جافه وبحس إنى صعب أستمر على طول على زيت اللوز وزيت الورد صححى لى معلوماتى وياريت تقولي لى الافضل إيه فى الاربعة؟ وشكرا وأسفه للاطاله معلش بستعد للجواز ومرتبكه استحملينى بقى .

===================
رد بص وطل :
صديقتى العزيزة ألف مبروك مقدماً والعدد ده هتلاقى فيه طريقه حمام المغربى http://www.boswtol.com/health-and-beauty/beauty-and-styling/09/october/6... والليفه المغربى والصابون المغربى إشتريه من العطار وممكن تعملى لوشن زيت اللوز والورد وكمان زيت جونسون كويس وممكن تستخدميه وبالنسبه لبشرتك ممكن تستخدمى الماسكات الطبيعيه والعدد ده هتلاقى فيه ماسكات للعنايه بالبشرة الجافة http://www.boswtol.com/health-and-beauty/beauty-and-styling/10/december/...

إزيك يارانيا ممكن تقولي لي نوع كريم شعر كويس وحاجة للشعر الهايش وعندي مشكلة ان جسمي حساس جدا لدرجة إنه بيجيب دم لما بعمل سويت .

==================
رد بص وطل :
صديقتى العزيزة إنتى ممكن تستخدمى كريم بانتين بديل الزيت بس خلى بالك إن ماينفعش تسيبى الكريم على شعرك أكتر من 24 ساعة، أما بالنسبه للهيشان ممكن تعملى ماسكات التنعيم وهتلاقيها فى العدد ده http://www.boswtol.com/health-and-beauty/beauty-and-styling/11/january/2... وبالنسبه لأزالة الشعر فأفضل طريقة لأزالة الشعر السويت .

hi ya ranoooooosh kol 7ala2atek gamda gdn bs 3ayza as2alek 3la 7aga ana 3malt mask bezr el koton zay ma olty w shelto fel talaga bs ma3amalsh gel 3amel maya ana kda 3malto 3'alat wala a enty olty ne7oto f maya so5na asdek ma3'leya wala men el 7anafeya 3ady w law 3ayza a3mel zet el loz el 7elw lel halat el soda asta3melo ezay ya3ny abelo b2otna wala b edy w asebo wala shewaya w a3'sel weshy ma3lesh ta3abtek bs plz fedeny

==================
رد بص وطل :
صديقتى العزيزة إنتى بتحطى ميه مغليه على معلقه كبيرة بذر قطون والعدد ده هتلاقى فيه الطريقة http://www.boswtol.com/health-and-beauty/beauty-and-styling/10/october/1... أما بالنسبه لزيت اللوز الحلو ممكن تستخدميه للهالات السودة وبتحطيه بقطنه على الهالات .

مرحبا يارانيا مرسي كتير علي الوصفات الرهيبه بس أنا حابه تساعدينى بشغله انا بشرتي دهنيه بس مسامات الوجه عندي عاديه ليست واسعه بوضع علي وجهي غسول كتبو اللى طبيب جلدي (اصبحت امرر قطعه تلج يوميا) سؤال هل التلج مفيد للوجة وانا بستخدم ماسك الخميرة والحلبه لتسمين الوجه (هل هو أمن وكم مرة استخدمه بالاسبوع) حابه تكتبلي ماسك لنظارة البشرة وكم يوم استخدم الماسك وكيف اعتنبي ببشرة وجهي ومرسي يابطه هغلبك معايا .

====================
رد بص وطل :
صديقتى العزيزة التلج كويس للبشرة وبالنسبه للغسول اللى الدكتور كتبهولك فممكن تستخدميه مافيش مشكلة، أما بالنسبة لماسك الخميرة والحلبة فإنتى ممكن تستخدميه بس هو مش بيتخن الوش زى مإنتى متخيلة، وفى طريقه ممكن تعمليها بتكبر الخدود شوية، حطى من بلسم الشعر على خدك وسبيه شوية وبعد كده تغسلى وشك، أما بالنسبه لنضارة البشرة فممكن تعملى الماسكات الموجودة فالعدد ده لأنها مناسبه الدهنيه http://www.boswtol.com/health-and-beauty/beauty-and-styling/11/january/1...

ممكن تقول لى على مكان أتعلم فيه العلم ده المكياج وكل حاجه اى مكان تقول لى عنوانه أو تليفونه ولو هدفع فلوس مش مهم بس أنا نفسى اتعلمه بجد وهكون متشكرا ليك قوووى ومش تنسينى وحياة اغلى حاجه عندك ضرورى نفسى بجد ولو انتى بتعلمى ممكن تقوللى فين او اكلمك ازاى ممكن تقول لى بجد وشكررررا

====================
رد بص وطل :
صديقتى العزيزة إنتى ممكن تسألى على بعض المعاهد اللى بتدرس المجال ده وبتكون معاهد معتمدة .

السلام عليكم أنا عاوزة حاجه لما أزيل شعر المناطق الحساسه مش يوجعنى لانى نفسى أعمله بالسويت أنا بعمله دلوقتى ببراون بس فى حبوب طلعت لى ومش عارفه معها إيه ممكن تقوللى على طريقه سهله وكمان حاجه للحبوب دى وبيقشر شكرا .

===================
رد بص وطل :
صديقتى العزيزة أفضل طريقه لأزالة الشعر السويت وإنتى ممكن تستخدمى بينج موضعى وممكن تستخدمى الماسكات اللى قواناها زى ماسك حبه البركة والأرز وكمان وكمان كريم الزبدة اللى عملناة ممكن تستخدميه للمناطق الحساسه .

hi ranouch ana 3ayza tidini ism foundation monasib lilbachra dohnia illi fiha 7boub please idini ism mohaddad mch ism marka wa kaman simi3t dr.amir saleh biyitkalem 3an cocoa butter cream with vitamin e ino monaseb li 7obob elwajh we atarha ana jibt palmers cocoa butter with vitamin E maktoub 3lih ino biyosta3mal fi All over the body fa ya tara yinfa3 inni a7otoh 3ala wichi please jawbini 3ala asilti we rayyi7ini allah ykhaliki min ghir mat9oulil li ista3mili mask dah aw dah ana asfa awiii 3ala italti bass ana bouta9 fiki 3achan kidah bastachirik wa kaman ba7ibbik awii wa allah yjaziki kol khir 3ala majhodatek we please mat9oulich lia ino marka dih kwissa bas jawbini min khilal khibritak 3an montaj illi ana 3ayza asta3milo mich marka

===================
رد بص وطل :
صديقتى العزيزة كل ماركات الميك أب الكويسه هتلاقى فيها فاونديشن لأنواع البشرة المختلفه ودي من أفضل ماركات الماكياج اللي ممكن تستعمليها وإنتي مطمنه فلوريل ومادينا وكيرولان وريمال وبورجوا وكريستيان ديور، وكريمات الزبدة كويسه بس إنتى بتستخدميها على بشرة جسم والحبوب بتكون محتاجة علاج طبى لو الحبوب دى كتيرة.

السلام عليكم يارانيا اشكرك على كل وصفاتك بس كنت عايزة اسالك على مشكلة انا جاتلى كذا مرة تينيا واتعالجت منها لكن فى مرة مرة مش بتروح تماما هى تينيا مبرقشة واكتر مكان موجودة فيه البطن والظهر والدراعين بالاضافة عندى بقع حبوب المهم اخر مرة زهقت ونفسيتى تبعت ومكملتش العلاج دلوقتى ياترى لو ماسكات طبيعية والحمام المغربى ينفع تروح اثار التينيا ولا لأ هى دلوقتى مش كتيرة زى الاول حاليا اثار بس ونفسيتى تعبت اوى ارجو منك تساعدينى وتقولي لى اعمل ايه لو تعرفى كريمات او ماسكات تخلى المشكلة دى تروح ياريت تقوليلى عليها ضرورى جدا معلش طولت عليكى ياقمر.

===================
رد بص وطل :
صديقتى العزيزة لازم تعرفى إنك محتاجة علاج طبى فى الأول وكمان العناية الشخصيه مهمه جداً وإنك تستحمى أول لما تصحى وقبل ماتنامى، وأنصحك بزيارة دكتور جلديه متخصص ومضمون والأستمرار على العلاج لأن العلاج بيكون محتاج وقت عشان يجيب نتيجة وبعد كده ممكن تبدئى فى إستخدام الماسكات الطبيعيه .

السلام عليكم رانيا انا جبت زيت ورد ماركه تاكت هل الماركه دي كويسه ولا لأ

=====================
رد بص وطل :
صديقتى العزيزة أهم حاجة إن زيت الورد يكون أصلى مش مشكلة ماركة إيه وزيت الورد الأصلى بيكون لونه شفاف وريحه الورد باينه فيه جداً .

معلش يارانيا ..إيه رأيك فى منتجات جولدن روز ؟

====================
رد بص وطل :
صديقتى العزيزة إنتى ممكن تستخدمى الماركة دى وى كمان من أفضل ماركات الماكياج اللي ممكن تستعمليها وإنتي مطمنة فلوريل ومادينا وكيرولان وريمال وبورجوا وكريستيان ديور.