مع رانيا.. الخميرة لشفايف نضرة والمشمش لشعر لامع

السلام عليكم انا اول مره اشوف حلقاتك وبجد تسلم ايدك وربنا يجعله فى ميزان حسناتك لو سمحتى انا خطوبتى فى العيد ان شاء الله وفجأه طلعلى حبوب غريبه فى وشى بس هى مش شكل حبوب الشباب وكمان بدأت تطلع فى رقبتى لو عند حضرتك وصفه ياريت تقوليهالى لانى خايفه اروح للدكتور يعمل وشى حقل تجارب وانا مش ناقصه
وكمان لو عند حضرتك حلقه لتفتيح البشره فى اسرع وقت اكون شاكره
واسفه لو كنت طولت عليكوا

====================
رد بص وطل :
صديقتى ألف مبروك مقدماً وبالنسبه للحبوب وفممكن تستخدمى صابونه لمبادا وكمان إعملى ماسك حبوب اللقاح وماسك الخميرة والعسل وبالنسبه لتفتيح ممكن تعملى الروتين اليومى .

ازيك يارانيا انا عندى مشكله انى شعرى مش بيسبت وعلطول هايش بس هو ناعم وكمان مشكله انه مش بيطول وبيتساقط ممكن حل معلشى طولت عليكى ياقمر .

======================
رد بص وطل :
صديقتى الماسكات اللى بتغذى الشعر بتطول الشعر وبالنسبه للهيشان ممكن تعملى حمام زيت جوز الهند أو السمسم .

رانيا كنت عايزة أسأل ايه استخدمات زيت اللوز المر والحلو ؟

============================
رد بص وطل :
صديقتى زيت اللوز الحلو مفيد جداً للبشرة وبنستخدمه فكل الماسكات اللى عملناها اللى بيكون فيها زيت أما بالنسبه لزيت اللوز المر تابعينا عشان تعرفى إستخدامات زيت اللوز المر .

صديقتي رانيا انا اعاني من مشكلة ظهور بعض الحبوب السوداء في وجهي والتي تشبه الحسنة ولكنها ليست حسنه هل ممكن تعطيني وصفة لازالتها واعاني من سقوط الشعر وتقصفه وعدم نعومته .

======================
رد بص وطل :
صديقتى عرضى بشرتك للبخار وكمان إستخدمى صابونه مناسبه مع بشرتك وممكن تعملى الماسك ده خليط من عصير الفجل وعصير الليمون وشرش اللبن الزبادي بمقادير متساوية وبالنسبه لشعرك ممكن تعملى ماسك المايونيز والكاموميل وبالنسبه للسقوط مممكن تعملى حمام الزيت الثلاثى (الثوم والجرجير وجوز الهند )

فراشة المنتديات رنوووش الف شكر على جميع الحلقات الاكثر من رائعة لوسيون ردة كم المدة يوضع على شعر مربى المشمش كيف عملتية وطريقة الخشاف الف الف الف الف شكر لمجهودك الجبار في جميع الحلقت الي عملتيها.

====================
رد بص وطل :
صديقتى العزيزة تابعينا وقريباً هتلاقى كل اللى إنتى عايزاة .

شكرا يارانيا على هذا البرنامج انا بشرتى مركبة وتظهر فجاة حبوب فى وجهى اثناء الدوره واوقات تانية ما هو الماسك المناسب لازالة هذة الحبوب وماسك البثور السوداء على الانف

====================
رد بص وطل :
صديقتى ظهور الحبوب فى الفترة دى شيء طبيعى وإنتى ممكن تستخدمى ماسك حبوب اللقاح وماسك الخميرة والعسل وعرضى بشرتك للبخار .

نا بستخدم ماسك الارز وحبة البركة بس باليل احط زيت اللوز الحلو وانام بية ولا احطة مدة معينة

==================
رد بص وطل :
صديقتى إنتى ممكن تحطى زيت اللوز وتنامى بيه مافيش مشكلة .

السلام عليكم لو سمحتي يارانيا لو هخفف ميه الورد تبقي بنسبه كام لكام يعني اد ايه ميه واد ايه ميه ورد مركزة ؟؟؟ شكراا

====================
رد بص وطل :
صديقتى إنتى ممكن تحطى معلقتين كبار ميه الورد على 5 معالق ميه .

لو سمحتى يارانيا ان بعتلك اكتر من مرة بس ماردتيش عليا لو سمحتى محتاجة الرد بسرعة انا سمعت عن الكيريتن العلاجى وكنت عايزة اعملة, كنت عايزة اعرف هيتكلف كام؟ وياريت تقولي لى على اسم حد موثوق فيه اعمله عنده عشان انا مش من القاهرة؟
تانى حاجة انا كنت عايزة اعمل ليزر فى ايدى ورجلى و المنطقه الحساسة فعايزة اعرف هل فية منة ضرر؟ وممكن يتكلف اد ايه؟
وشكرااااا .

=====================
رد بص وطل :
شيمو أنا جاوبت على سؤالك قبل إنتى بس مش عارفه توصلى للرد وبالنسبه للكيرياتين العلاجى ممكن تستخدمه والأمبوله بيكون سعرها 200 جنيه وإسئلى على كوافير مضمون وبالنسبه لليزر فهو كويس بس أهم حاجه يكون عند دكتور متخصص .

ممكن ياقمر تعملينا انواع شاور جيل وصابون تكون ريحتهم حلوة وتفضل فى الجسم انواع مختلفه وتنعمه غير اللى احنا عملناهم وميييرسى

=======================
رد بص وطل :
صديقتى تابعينا وهتلاقى كل اللى إنتى عايزاة قريباً إن شاء الله .

بليز ياقمر صابونه المشمش دى مينفعش نستخدمها قبل العيد وليه ع العيد بس ونحطها فى الثلاجه علشان تنشف ولا ممكن بره وميرسى

========================
رد بص وطل:
صديقتى إنتى بتستخدميها على العيد عشان تكون نشفت ولازم تعرفى إن الصابون بيكون محتاج يتعرض للهوا عشان ينشف وإنك لو حطتطيه فى التلاجه حيتجمد لكن من جوا مش هتلاقيه ناشف .

هاي ياروني عايزة اسئلك ايه رايك في منتجات ايفون من حيث الجودة وهل لها اضرار جانبيه وايضا نظام تشي لفرد الشعر.

======================
رد بص وطل :
صديقتى العزيزة ياريت توضحى إنتى عايزة تستخدمى إيه من منتجات ايفون، وأنا مش بانصح بفرد الشعر .

السلام عليكم لو سمحتي يارانيا انا حطيب ليمون وجلسرين علي جسمي كله وكمان المنطقه الحساسه بس حسيت في المنطقه دي بعد شويه ان الليمون بيحرقني فروحت غسلته عالطول عشان خوفت يعملي التهاب و يزيد من الغمقان كده صح ولا الحرقان ده عادي ولا ايه؟؟ عشان كنت حطيب قبل كده ليمون بس وعملي التهاب شكراا.

=========================
رد بص وطل :
صديقتى ماينفعش تحطى ليمون بس وبالنسبه لليمون والجلسرين إتأكدى إنك مستخدمه نسب صح ولو الماسك ده مش مناسب معاكى ممكن تعملى ماسك الأرز وحبه البركة .

لو سمحتى يارانيا كنت عايزة اسال عن اسم كريم كويس استخدمه بعد فرد الشعر علشان يغذيه ويحافظ عليه لانه بيقع بطوله دلوقتى .

=========================
رد بص وطل :
صديقتى أنا مش بانصح بفرد الشعر لأنه مضر للشعر ولإنتى ممكن تبدئى فى إستخدام الماسكات الطبيعيه .

رانيا ياجميله انا عاملت الجلسرين والليمون هو بينعم جسمي لكن انا عاوزة ابتدي في حاجه تفتحه وتوحد لونه .

==========================
رد بص وطل :
صديقتى إنتى ممكن تبدئى فى إستخدام الروتين اليومى لتفتيح .

وحشيي اوي بقولك ياروني هو المايونيز اعمل 3 شهور ولومجبش نتيجه استخد الكاموميل ولا لا وانتي قولتي في حلقه ان الشعر اكتر حاجه بيبان عليه الاهتمام انا شعري بيوحش وايه رايك في تضفير الشعر كله هل هو صحي

====================
رد بص وطل :
صديقتى إنتى ممكن تعملى ماسك الكاموميل وماسك المايونيز وبالنسبه لتغير لون شعرك لازم تستخدمى نوع صابغه مضمون زى غارنيه أو باليت .

ازيك يارانيا انتى جميلة اوى لو سمحتى انا مشكلتى نقط فى رجلى مكان منبت الشعر وانا دايما بزيل الشعر بالسويت والنقط دى لونه احمر ولما بضغط عليها بايدى بتخف شويه وتظهر تانى انا مش عارفه سببها إيه لو سمحتى ياريت تساعدينى عمل ايه ضرورى.

=========================
رد بص وطل :
صديقتى إستخدمى الليفه العاديه مرتين فى اليوم والليفه المغربى مرتين فى الأسبوع وممكن تعملى سنفرة الملح والليمون وإستخدمى السويت فى إزالة الشعر .

رانيا انا شعري مقصف جدا بس لما بشطفه بمغلي الكاموميل بحس انه بينشف اوي اوي اعمل ايه .

========================
رد بص وطل:
صديقتى إنتى ممكن تستخدمى بلسم لشعرك بعد ماتعملى مغلى الكاموميل .

hi rouni kifek habibti ramadan karim momkin asaalik ana asta3mil zayt jawz elhind vatika ih rayik fih

=======================
رد بص وطل :
صديقتى العزيزة إنتى ممكن تستخدمى زيت جوز الهند الطبيعى وهتلاقيه عند العطار .

أهلين روني .. ايش هيا اللي (قطعة خميرة بيرة) ؟؟؟
انا سعوديه أيش هيآ خميره بيره ؟

===================
رد بص وطل :
صديقتى الخميرة دى هتلاقيها وهى بتستخدم فى الخبز وممكن تسألى عليها .

السلام عليكم...أنا عندي مشكله في بشرة وجهي فلما بحط اي كريم أو ميك أب وجهي يعرق بسرعة جدا وكتيير حتي لو كنا فى الشتاء.

===================
رد بص وطل :
صديقتى العزيزة أنا مش بانصح إنك تحطى كريم على بشرتك وتنزلى بيه وإستخدمى ماركات ميك أب مضمونه زى فلوريل ومادينا وكيرولان وريمال وبورجوا وكريستيان ديور .

شكرا على مجهودك بجد بنستفيد جدا كنت عايزه اسالك هو ينفع بعد ماغسل شعري اسرحه بزيت لحد الغسله التانيه ولا لأ وأنا عندي تركيبه زيت فيها زيت جوزالهند والزيتون والخروع ممكن تقولي لي اعمل بيها ايه انا بعد كل ماسك من الماسكات اللي بتقولي عيها لشعر بحط فوطه سخنه ع شعري اثاء وجود الماسك في شعري وبعدين بغسله مره بالشامبو وبعد كده بحط بلسم ياتري كده صح ولا لأ.

==================
رد بص وطل :
صديقتى العزيزة أنا مش بانصح بأستخدام زيت أو كريم وتسبيه على شعرك أكتر من 24 ساعه، وبالنسبه لتركيبه الزيةت دى ممكن تعملى بيها حمام زيت وإستخدمى البلسم بعد الشامبو .

رانيا حبيبتي انا بعمل حمام زيت الحلبة وجوز هند مرة وبعد 3 ايام بعمل المايونيز انا شعري جاف ومقصف جدا صح كده و لاأعمل حاجة واحدة منهم كل كام اسبوع ارجوكي الرد.

======================
رد بص وطل :
صديقتى العزيزة إنتى ممكن تعملى الماسكين مافيش مشكلة .

ازيك يارنيا وشكرا على الوصفات الرائعة لو سمحتى يارانيا انا كنت عاوزة حاجة لنضاة الجسم وخاصة اليد انا بشتغل شغل يدوى وايدى ابتدى يبقى فيها عقل وكمان بقت خشنه وقربت تبقى رجالى فلو سمحتى لو فى حاجة لايدى اكون شاكرة ليكى..

====================
رد بص وطل :
صديقتى إنتى ممكن تستخدمى لوسيون البطاطس وهتلاقيه فى العدد ده
http://www.boswtol.com/health-and-beauty/beauty-and-styling/11/march/21/... وكمان ممكن تسخدمى كريمات الترطيب .

ازيك يا رانيا كل سنة وانتى بخير انا عندى مشكلة انا شعرى خفيف وبيقع انا استخدمت ماسك الزيت الثلاثى الثوم والجرجير وجوز الهند بس ريحته وحشة وكمان انا بشتغل وكنت لما اخرج اشم ريحة الزيت وانا فى شغلى مع انه مغسول قبلها بيوم او يومين فلو سمحتى انا عاوزة حاجة تتقل شعرى و تنعمه وتعطيله لمعة. شكرا

=================
رد بص وطل :
صديقتى الثوم من الزيوت اللى بتساعد فى إنبات الشعر وهو فعلاً ريحته قويه بس إنتى بعد ماتعملى حمام الزيت إغسلى شعرك بشامبو كويس عشان الريحه تروح وكمان إشطفى شعرك بمغلى الكاموميل وبعد ماتغسلى شعرك سبيه فى الهوا ماتلميهوش عشان الريحه تروح منه .

السلام عليكم لو سمحتي يارانيا ماسك اللبن و الارز و الجلسرين اعمله كام مره في الاسبوع شكراا

====================
رد بص وطل :
صديقتى إنتى ممكن تعملى الماسك ده مرتين فى الأسبوع

رانيا انا بحبك اوى وبقتنع بكلامك عايزة اسالك عن حاجة اسمها زبدةالشياالذهبييةاوالذهب الافريقي وعايزة اعرف الاصلي منها بيتباع فين وايه فوائدها للبشرة والشعر

=================
رد بص وطل :
صديقتى العزيزة تابعينا وقريباً هتلاقى كل اللى إنتى عايزاة

ازيك يارانيا انا عايزة استخدم الليكوسيد والتروسيد تحت الابط فينفع استخدم معاه البودره اللى للعرق اللى بتتجاب من عند العطار ولا غلط

========================
رد بص وطل :
صديقتى من الأفضل فى الفترة دى إنك ماستخدميش مزيل عرق وتهتمى بأستخدام الميه والصابون .

رانيا انا لو عايزه ابدء بتفتيح الاماكن الحساسه ابدء بالكريمات بتاعت التفتيح ولا الليفه المغربيه؟ولا الاتنين مع بعض

======================
رد بص وطل :
صديقتى الليفه المغربى بتستخدميها مرتين فى الأسبوع بس .

هاى رانيا ازيك بجد وحقيقه انتى اكتر واحده بستفيد منها جدا جدا بس عندى سؤال ويارب تفيدينى فيه انا جسمى فيه زياده والمشكله الكبيرة فى منطقة البطن وانا من هواة شرب المايه كتير وللاسف ناس بتقولى ده بيعمل كرش ويكبره اكتر وكمان العكس قريت انه مفيد للبشره ونضرتها من فضلك هل عندك حل مناسب علشان اتخلص من الوزن الزايد وخاصه منطقة البطن لانى بجد تعبت جربت اعشاب وجربت ادويه بس مليت لانى للاسف مش بطول فى الاستخدام حتى الجمانيزيوم رحته فتره ورجعت بطلت علشان الشغل والبيت هل كده انا بضر نفسى وانى بعمل تمارين وارجع ابطل بخلى المنطقه تكبر بدون ما بدرى.

======================
رد بص وطل :
صديقتى أهم حاجه إنك تمشى على نظام غذائى مناسب وتمارسى الرياضه بأنتظام وتستمرى على تمارين البطن وعيزاكى تعرفى إن كل الحاجات دى محتاجه وقت وإستمرار .
معلش يا قمرايه طولت عليكى بس ده لانى بثق فيكى جداااااااااااا

معلش يارانيا انا بيطلعلى حبوب بيضة فى منطقة العين ومش بتروح معرفش ايه دى ممكن اعملها لسيون المياة والملح.

====================
رد بص وطل :
صديقتى منطقه تحت العين حساسه جداً ممكن تستخدمى شرائح الخيار وبذر القطون .

بجد تبارك الله يارونى انتى زى السكر بجد انا بحبك اوووووووووووووووووى

لو سمحت ياروني الاول بشكرك علي الحلقه الجميله دي وثانيا عاوزة منك طلب صغنون جدا عاوزين حل سريع للسيلوليت عشان قربت علي الجواز وكل شويه تقولي تابعينا واتأخرتي اوي علينا في حل المشكله دي بجد خنقاني جددددا جدددا ياريت تعجلي من الحلقه دي كمان سؤال هوا ماسك العسل والخميره وحبوب اللقاح بيشيلو الحبوب نهائي ولا مؤقتا بليز السؤال ده مهم بالنسبالي جدا جاوبيني عليه .

==================
رد بص وطل :
صديقتى العزيزة ألف مبروك وإنتى ممكن تعملى الوصفه دى إمزجي معلقتين من زيت اللوز مع معلقة من دقيق الشوفان وتدلكي المزيج على بشرتك في حركات دائرية رقيقة بأطراف الاصابع والووصفة دي بتساعد على تنشيط الدورة الدموية وتكسير تجمعات الدهون في السليوليت وبالنسبه لماسك الخميرة وحبوب اللقاح لازم تستمرى فى إستخدامه .

هاى رانيا انا جديدة معاكم وعندى ليكى اسئله كتييير بس مش عارفه ازاى هوصل للاجابات المهم هبدا بسؤال وهجرب هعرف أوصل لجابتى بعد كده ولا لأ بنتى عندها 7 سنين شعرها بنى وتقريبا ناعم بس ضعيف وساعات بيتقطع وانا بسرحه واطرافه بايظه وبيهيش
ولانها طفله مش بتحب حمامات الزيت والكلام ده كمان الزيوت بتهيش شعرها فابستعمل لها كريم روتاج تقريبا كل يوم بحطه حتى ايام المدرسه عشان شعرها يتلم كنت عايزة اعرف منك بقه هى اولا بترفض تقص شعرها او اطرافه المقصفه لانها نفسها انه يطول ياترى ده صح ؟؟؟ كمان ازاى اخلى شعرها يقوى ويطول من غير خطوات او حمامات وزيوت كتير لانها بترفض وكمان بتبرد لما بعملها حمام
كمان هى نفسها شعرها يبقى زيك ما شاء الله فيه لمعه ومنسدل
استخدم لها ايه بالظبط وشكراااااا لكى

====================
رد بص وطل :
صديقتى العزيزة أهتمى بنوعيه أكلها لأن سنها لسه صغير وإبعدى عن إستخدام الكريمات اللى بتتساب على الشعر دى لأنها مش صح وعيزاكى تعرفى إن الكريم ماينفعش يتساب على الشعر أكتر من 24 ساعه وممكن تعمللها حمام زيت اللوز المخصص لألأطفال مرتين فى الأسبوع وممكن تقص شعرها مرتين فى السنه بس عشان يطول مرة فى دخول الشتا ومرة فى الصيف .

ميرسي يارانيا علي المعلومات الجميلة أنا فرحي قريب وعندي اسمرار تحت الابط والمناطق الحساسه مع إني بيضاء وعندي برضه حبوب في وشي وبعض العلامات البسيطة بس مضايقاني ازاي اتخلص منها بسرعه ارجوكي محتاجه الرد

======================
رد بص وطل :
صديقتى العزيزة ألف مبروك مقدماً وإسستخدمى الليفه العاديه مرتين فى اليوم والليفه المغربى مرتين فى الأسبوع وكمان منمكن تعملى سنفرة الملح والليمون و ماسك الأرز وحبه البركة .

السلام عليكم ورحمه الله وبركاته انا كنت عاوزة اعرف ازاى اعمل حنة لشعرى فالبيت اية الحاجات اللى هستخدمها وازاى اغير لون شعرى انا شعرى عادى ومش طويل وشكرا جدا

=======================
رد بص وطل :
صديقتى الحنه الطبيعيه لونين أسود أو أحمر وإنتى لازم تحطى على الحنه ليمون أو خل عشان تديكى اللون اللى إنتى عايزاة كمان ممكن تحطى زبادى أو زيت جوز هند .

انا اجيب صابونة لمبادا اللى بالطين مينين مش لاقيها خالص انا بشرتى مركبة تنفع ليها وشعرى من الامام فية حتة فاصية اعمل اية عشان ينبت مرسى على وصفاتك.

==========================
رد بص وطل :
صديقتى صابونه لمبادا هتلاقيها فى الصيدليات وبالنسبه لشعرك ممكن تعملى حمام الزيت الثلاثى (الثوم والجرجير وجوز الهند ).

لو سمحتى يارانيا كنت عاوزة اسالك على حاجه بس ياريت الرد السريع فى وصفه سمعت عنها كتير قوى بس مش عارفه هى كويسه للبشره ولا لأ ملعقة جلسرين+ ملعقة جليسوليد+ نصف انبوبة كريم بيتاديرم+انبوبة كريم ايفا سبوتلس فيس .

======================
رد بص وطل :
صديقتى العزيزة من الأفضل إستخدام الماسكات الطبيعيه اللى بنعملها وياريت توضحى أكتر إيه مشكلة بشرتك .

السلام عليكم لو سمحتي يارنيا انا سمعت ان لازم أغير الشامبو كل مدة يعني أغيره كل اد ايه؟ انا بقالي دلوقتي حوالي 3 شهور ونص بستخدم هيربل وكنت بستخدم قبله بانتين وعايزة استخدم بانين تاني كده كويس ولا إيه يعني الفتره دي كويسه وكمان عايزة اعرف اني لما اغير الشامبو اغيره لماركه جديدة ؟ ولا لنوع جديد من نفس الماركه؟؟ شكراا

=====================
رد بص وطل :
صديقتى العزيزة إنتى لازم تغيرى نوع الشامبو كل فترة فعلاً وممكن تستخدمى دوف .

لو سمحتى يارانيا كنت عايزة اعرف اسم كريم يتحط بعد فرد الشعر علشان يحافظ عليه ومتشكره ليكى جدا

===================
رد بص وطل :
صديقتى أنا مش بانصح بأستخدام كريمات الفرد لأنها فعلاً مضرة جداً للشعر وممكن تبدئى فى إستخدام الماسكات الطبيعيه .

3andy moshkla shafyfy feha 3 bo23 soda r7t ll dr 2aly dam ma7bos w hayro7 bs ba2alo aktr mn sana w 3ayz 2s2l 3la 7aga lksafet el sh3r bs tkon shla msh 7mamat cream 3ashan tabe3t sho3'ly msh byb2a 3ndy w2t w thx alot

=======================
رد بص وطل :
صديقتى العزيزة ممكن تعملى ماسك شمع العسل وهتلاقيه فى العدد ده http://www.boswtol.com/health-and-beauty/beauty-and-styling/11/march/21/...

بليز يارانيا ممكن اعرف ماسك استخدم فيه بذر القطونه لان ماما راحت جابتهالى وأنا كنت محتاجه زيت بذر القطونه مش البذر نفسه
ومحتاجه حاجه تنقذنى من الهالات السوده اللى مدمرة وشى وتكون وصفه مش فيها زيت بذر القطونه لانى مش لاقيها بليز
وميرسى اوى اوى على ذوقك وتعاونك معانا .

===================
رد بص وطل :
صديقتى ممكن تعملى ماسك بذر القطون وشرائح الخيار يومياً لعلاج الهالات .

هو مينفعش نعمل ماسكات الخميره دي بالخميره العاديه ... اقصد الفوريه يعني ؟

=======================
رد بص وطل :
صديقتى العزيزة إحنا بنستخدم الخميرة العاديه وهتلاقيها عند أى فرن .

ميرسى على كل وصفاتك يا احلى رانيا

هاى رانيا بجد ميرسى على كل الوصفات الحلوة دى انا اتعلمت منك حاجات كتير ومتبعة كل وصفاتك بس كان عندى مشكلة اتمنى يكون ليها حل عندك انا وش رجلى لونة مش موحد ومش عارفة البس اى سليبر بيعجبنى لان رجلى لونين فاتح وغامق بليز تساعدينى لو فى حاجة اعملها وميرسى ليكى يا قمر

=======================
رد بص وطل :
صديقتى العزيزة إنتى ممكن تعملى ماسك الليمون والجلسرين وكمان ممكن تعملى سنفرة الملح والليمون .

رانيا ازيك انا عايزة اعرف الحلبة المطحونة دى اجبها من عند العطار ولا اجيب حلبة عادية واطحنها لان اللى انا اعرفه ان اللى عند العطار فيها نسبة مغات وكركوم.

=======================
رد بص وطل :
صديقتى إنتى ممكن تجيبى الحلبه وتطحنيها عند العطار أو تطحنيها فى البيت .

ازيك يارانيا شكرا جدا على المعلومات دي كنت عايزة اعرف استعمل بودرة ايه للبشرة الجافة

=====================
رد بص وطل :
صديقتى دي من أفضل ماركات الماكياج اللي ممكن تستعمليها وإنتي مطمنة فلوريل ومادينا وكيرولان وريمال وبورجوا وكريستيان ديور.

eh far2 bin roz mathoun w d9i9 roz we merci 3ala wasafatek helwa.wa ya tara momkin asta3mil roz tawil liani 3aycha fi america w mch la9ya roz baladi

=========================
رد بص وطل :
صديقتى مافيش فرق بس الأرز المصرى المطحون بيكون فيه نشا أكتر وده اللى محتاجينه فى الماسكات .

عايزة أعرف فوايد واستخدامات زيت الحلبة للبشرة والشعر لوسمحتي وكل سنة وانتي طيبة

===================
رد بص وطل :
صديقتى حمام زيت الحلبه من الزيوت اللى بتنعم الشعر .

لو سمحتى يارانيا انا كنت عايزة اسالك على الكيراتين العلاجى هل هو كويس ولا؟ وياريت لو تقولي لى على اسم حد موثوق فيه اعمله عنده عشان انا مش من القاهرة؟ تانى حاجة كنت عايزة اعمل ليزر لازالة الشعر لانى مشعرة جدا هل في ضرر منه؟ وكمان كنت عايزة اعمل ليزر فى منطقة البكينى؟ هل فية ضرر ولا؟ وعايزة اعرف لو هعمل ايدى ورجلى هيتكلف اد ايه؟ وشكراااااا ليكى وكل سنه وانتى طيبة.

==========================
رد بص وطل :
صديقتى العزيزة إنتى ممكن تستخدمى الكيرياتين العلاج وممكن تسألى على كوافير مضمون ويكون معروف والليزر كويس لأزاله الشعر بس لازم تعمليه فى مكان مضمون .