حمام كليوباترا لترطيب الجسم ودهن الآس لتطويل الشعر

أعده للنشر : رحاب سليمان

Aug 29 2011

آخر تحديث 09:43:17

مكمّلين معاكم الحلقات الخاصة بتجهيز العروسة

أهلا بكل بنات "قمر 14" في حلقة جديدة من حلقات الشهر الكريم..

والنهارده لسه مكمّلين معاكم الحلقات الخاصة بتجهيز العروسة..

والنهارده معانا ماسكات لتكثيف وتنبيت الشعر..

ولسه معانا ماسكات للجسم والوجه..

وحاجات كتير لتعطير الجسم؛ تابعونا.

طرق تعطير جسم العروسة
فيه طرق كتير ممكن كل عروسة تعملها علشان تعطَّر جسمها بجانب البرفانات والمعطّرات المعروفة، ودي بتكون عبارة عن أحجار أو مكعبات عطور مصنوعة من زيوت عطرية طبيعية جدا، وريحتها بتكون حلوة جدا، وبيكون فيه منها أنواع وروائح مختلفة، يعني فيه برائحة البرتقال أو العود أو الفانيليا.

والمكعبات دي بنلاقيها عند محلات العطارة الكبيرة، وبتكون سعرها مش غالي، وتأثيرها قوي جدا وبيدوم لفترات طويلة.

فيه مكعبات صغيرة في علب بتكون مصنوعة في الهند أو باكستان أو إيران، والمكعبات دي بيكون فيه منها روايح كتيرة، ودي بنستخدمها لتعطير وتبخير المنزل أو لتبخير الشعر، وبتكون أسعارها مش غالية يعني في حدود من 10 : 20 جنيها.

ممكن العروسة تجيب من المكعبات دي وتحطّها على الفحم في المباخر الفخار، وتعطّر بيها الملابس في يوم الحنة وكمان شعرها، ودي من الطقوس الحلوة أوي للعروسة في ليلة الحنة.

فيه كمان منها أحجار زيتية عبارة عن عطور زيتية طبيعية بروايح مختلفة، ودي بنستخدمها لتعطير الجسم، وبرضه سعرها مش غالي يعني بتتراوح من 5 : 10 جنيهات.

وطريقة استخدامها إننا أثناء ما بناخد الشاور نحط المكعبات دي في مكان فيه تدفئة، وده علشان الزيوت اللي فيها تبدأ تسيح، وتبقى سهلة الاستخدام على الجسم، وبعد ما نخلص الشاور ومن غير ما ننشف جسمنا هنمرّر المكعب ده على الجسم كله، وهو مندي من أسفل لأعلى بس بحركات سريعة، وبجد هتلاقوا ريحته حلوة جدا، وهيدِّي للجسم ريحة حلوة تدوم لفترات طويلة، وكمان هتدِّي ملمس حلو لأنها زيتية.

إضغط لمشاهدة الفيديو:

حمام كليوباترا لترطيب الوجه والجسم
المقادير:

ملعقة لوز مطحون
ملعقة شوفان مطحون
ملعقتين لبن بودرة
ملعقة زيت ورد أو ماء ورد مركز أو عادي
مقدار مية مناسبة للعجن

الطريقة:
هنخلط المكوّنات دي مع بعض؛ وهي بتكون مقادير متساوية، بس نسبة اللبن هتكون الضعف، وممكن نحط إضافات تانية؛ زي مثلا ملعقة من حبوب اللقاح المطحونة، أو ملعقة من جنين القمح مطحون، وأنا بافضل إننا نكتفي بالمكونات دي بس، وهتكون هايلة إن شاء الله، والخلطة دي نقدر نحتفظ بيها في برطمان زجاج في الثلاجة، ونسيبه ممكن لمدة 6 شهور.

هنعجن المكوّنات دي مع زيت الورد والمية، ويفضّل إنها تكون سخنة، وهنقلّبهم لحد ما يبقوا عجينة لينة ماتكونش يابسة أوي ولا سايلة أوي، ولو حسيتي إنها بقت سايلة ممكن تزوّدي من المكونات الجافة تاني والعكس صحيح.

بعد ما ناخد الشاور ويكون الجسم نظيف تماما هنحط الماسك على الوجه والجسم، ونسيبه على الوجه لمدة نصف ساعة فقط وعلى الجسم ممكن نسيبه لحد ساعة كاملة، ونراعي إننا في خلال نصف المدة يعني بعد ربع ساعة بالنسبة للوجه ونصف ساعة للجسم هنفرك بيه البشرة، وبعدين نحط منه طبقة تانية ونسيبها لحد ما تنشف، وبعد كده نشطف جسمنا بالمية فقط، وبجد هنلاقي نتيجة هايلة جدا من نعومة فائقة وريحة عطرة وترويق وتطرية وتغذية للبشرة.

والماسك ده ممكن نستعمله بعد ما نغسل جسمنا بصابون الطمي والعسل اللي قدّمناه في الحلقة اللي فاتت؛ لأن زي ما قلنا إن أي ماسكات لتفتيح وترويق البشرة يفضّل إننا نستخدمها بعد ما نستخدم صابون الطمي.

دهن الآس لتنبيت الشعر
الزيت ده هنلاقيه عند العطار، وهو مش متوفّر أوي لكن موجود عند العطّارين، وهو سعره تقريبا 24 أو 25 جنيها للخمسين أو الثلاثين مل، وهو لونه أخضر وله رائحة نفّاذة شوية ولكنه مفيد جدا للشعر لأنه بينبت ويطول الشعر، وإحنا ممكن نعمله حمام زيت لشعرنا زي أي زيت، يعني هنغسل شعرنا كويس، وبعدين نحط منه كمية وفيرة على الشعر، ونسيبه من ساعة لساعة ونصف وبعدين نغسله، وإن شاء الله هيجيب نتيجة هايلة، وممكن نعمله مرتين في الأسبوع، وأنا بافضل تبقى مرة واحدة فقط؛ لأن الزيت ده من الحاجات القوية جدا.

ممكن الزيت ده نضيف له إضافات تانية علشان يدّي نتيجة قوية للشعر؛ يعني مثلا ممكن نحط زيت الحشيش وهو بيكون لونه أخضر، أو ممكن كمان زيت الحية (التعبان) وده بيكون لونه أصفر، ولازم نخلّي بالنا إن الزيوت دي من نوعية الزيوت اللي لازم نحتفظ بيها في التلاجة، والزيوت دي لها رائحة صعبة شوية ولكنها مفيدة جدا للشعر، بس طبعا مش بانصح أي عروسة إنها تستخدم الزيوت دي.

وأنا بافضل إن لو البنت لسه فاضل على فرحها وقت إننا نستخدم الخليط ده، ونعمل حمام زيت مرتين في الأسبوع لمدة 3 شهور؛ وده علشان ينشط ويحفز بصيلات الشعر والشعرة تاخد وقتها في التنبيت وينمي الشعر أكتر ويقوّيها، وبعد ثلاث شهور هنعمله مرة واحدة فقط في الأسبوع.

وبالنسبة للعروسة بعد الجواز ممكن تعمله مرة في الأسبوع، بس طبعا لازم تراعي إنها تشطف شعرها بالأعشاب العطرية زي اللافندر أو الكاموميل، وتسيب شعرها يتهوّى علشان تتخلّص من الرائحة الصعبة، وممكن كمان إنها تبخر شعرها زي ما قلنا في أول الحلقة.

حمام زيت الآس والحية والحشيش
المقادير:

25 جم دهن الآس
25 جم دهن الحية (التعبان)
25 جم زيت الحشيش

الطريقة:
هنخلط مقادير متساوية من الزيوت، ونعمل حمام الزيت بعد ما نغسل شعرنا ونسيبه لمدة من ساعة إلى ساعة ونصف وبعدين نغسله.

خلصت حلقتنا النهارده..

وكل سنة وكلكم طيبين..

وعيد سعيد عليكم،،،

*********************
للرجوع للحلقات السابقة
اضغط هنا "جمالك من الطبيعة مع رانيا"

*********************

مشاركات القراء

رانيا انابعت على حاجه لكثافة

أرسلها زائرنيمو نيمو (زائر) في Mon, 2011-09-05 20:07

رانيا انابعت على حاجه لكثافة شعر الحواجب غير زيت الخروع .

====================
رد بص وطل :
صديقتى إنتى ممكن تستخدمى زيت اللوز الحلو .

تسلمي ياروني

أرسلها حب عمــــــــــــري (زائر) في Mon, 2011-09-05 17:46

تسلمي ياروني

هاى رونى لو سمحتى انا لما

أرسلها زائر (زائر) في Mon, 2011-09-05 13:34

هاى رونى لو سمحتى انا لما اشطف شعرى بمغلى الكاموميل لازم اشطفه بعدها و لا مش لازم .

=========================
رد بص وطل :
صديقتى إنتى ممكن تشطفى شعرك بالميه بس .

رانيا بالنسبه للكاموميل

أرسلها زائرdadddooo (زائر) في Mon, 2011-09-05 12:45

رانيا بالنسبه للكاموميل استعمله كام مرة فى الاسبوع وقبل حمام الكريم ولا بعده وإيه افضل كريم للشعر أنا شعرى جاف جدا.

=======================
رد بص وطل :
صديقتى إنتى لو بتعملى حمام كريم مرتين فى الأسبوع ممكن بعد ماتعملى حمام الكريم تشطفى شعرك بمغلى الكاموميل .

فى الحقيقة انا عندى مشكلة

أرسلها e_fouad في Mon, 2011-09-05 09:50

فى الحقيقة انا عندى مشكلة محيرانى جدا وياريت تساعدونى فى الحل انا عروسة وان شاء الله زفافى خلال 3 شهور لكنى بعانى من مشاكل كتير ومش عارفة اعمل ايه
اولا: جسمى مليان خطوط بيضاء بطريقة كبيرة ومشوهة جسمى
ثانيا:اسمرار فى بعض الاماكن
ثالثا:ترهلات فى الذراعين والارجل
ياريت تساعدونى فى الحل ....

============================
رد بص وطل :
صديقتى ألف مبروك مقدماً وبالنسبه للترهلات والخطوط البيضه دى بتكون بسبب زيادة الوزن فإنتى لازم تمشى على نظام غذائى وكمان تمارسى رياضه وممكن تخدى الكوكتيلات اللى عملناها قبل كده لأنها بتساعد فى حرق الدهون وهتلاقيها فى العدد ده http://www.boswtol.com/health-and-beauty/beauty-and-styling/11/april/24/... وبالنسبه للأسمرار إنتى لازم تستخدمى الليفه العاديه مرتين فى اليوم والليفه المغربى مرتين فى الأسبوع وكمان إستخدمى سنفرة الملح والليمون وممكن تعملى ماسك الأرز وحبه البركة

هاى رونى لو سمحتى أنا كنت

أرسلها زائر (زائر) في Mon, 2011-09-05 02:54

هاى رونى لو سمحتى أنا كنت عاوزة اسأل أنا استخدمت المايونيز لان شعرى مقصف لكن لاحظت ان شعرى بدأ ينشف اوى مش عارفه ليه أنا شعرى كان طرى فهل ممكن يكون نوع المايونيز مش حلو؟انا بردوا كنت عاوزة اسأل انا بشرتى مختلطة دهنية وفى نفس الوقت حساسة بستعمل ميه الرز الصبح ولوسيون البرتقال ليلا بس كنت عاوزة افتحها ممكن تقولي لى على ماسك اعمله لما أجى من الشغل يفتح بشرتى؟كمان انا كنت عاوزة اعرف انا لو استخدمت لوسيون البرتقال على طول بشرت هتاخد عليه؟ طيب لو عاوزة ابدله بحاجة لها نفس الفاعليه تنصحينى بايه؟شكراوعتذر عن الاطالة

=========================
رد بص وطل :
صديقتى المايونيز من الماسكات المناسبه لكل أنواع الشعر وكمان بيعالج التقصيف إتأكدى إن نوع المايونيز كويس وكمان ممكن تستخدمى بلسم، وممكن تعملى ماسك الزبادى والليمون والعسل وممكن تدهنى بشرتك بزيت اللوز الحلو .

rania ely mb2tsh 2adra

أرسلها nada (زائر) في Mon, 2011-09-05 00:52

rania ely mb2tsh 2adra ast3'na 3nhaa 3andy so2alin el awal yenf3 a7ot m3l2a zeet 2erfa m3 magmo3et el zioot ely konty 3amlha abl keda asly msh 3aiza a3mlha fe 7'alta le wa7dha 3aiza adifha m3ahom w 7'alas w el so2al el tany b3d eznek 3la en el shams 3amla 7'at fe eidy y3ny eidy ma2soma lonin el shams me3'm2a goz mn fo2 el koo3 w le 7ad ta7t el ketf bel zabt w sorry lel etalaaa

========================
رد بص وطل :
صديقتى ماينفعش تستخدمى زيت القرفه مع مجموعه الزيوت، ولو عايزة تستخدمى زيت القرفه إستخدميه الماسك لوحدة، وبالنسبه لأيدك ممكن تعملى ماسك الليمون والجلسرين .

هاااااااااااااااااااايل حلو

أرسلها noreali12_1 في Mon, 2011-09-05 00:13

هاااااااااااااااااااايل حلو بجد

هاى رانيا انا كنت سألتك عن

أرسلها زائرdadddooo (زائر) في Sun, 2011-09-04 22:20

هاى رانيا انا كنت سألتك عن احسن حمام كريم وقولتى لوريال بس لما لقيته كان فى نسبه سيروم فهل السيروم دة مفيد أو زى كريمات الفرد مع العلم من إنى شعرى مجعد ولا فى نوع تانى من غير سيروم وعايزة اعرف شامبو وبلسم نوع كويس وصابونة لمبادا فى ليها بديل عشان مش لقياها لانى مش من القاهرة وهل تنفع للبشرة المختلطة وانا عندى حبوب صغيرة قوى فى اورطى ازاى اهتم ببشرتى بالكريمات اللى تحدديها شكرا جزيلا

=======================
رد بص وطل :
صديقتى السيروم كويس للشعر وكل الشامبوهات اللى فيها سيروم وكمان حمامات الكريم اللى فيها سيروم كويسه وممكن تستخدميها، وممكن تستخدمى منتجات نتروجينا لو مش لاقيه صابونه لمبادا .

لوسمحتى إنى قلتى ان فيه نوعيه

أرسلها nada shy (زائر) في Sun, 2011-09-04 22:17

لوسمحتى إنى قلتى ان فيه نوعيه زيوت لازم تتحط فى التلاجه طب أنا عندى زيت اللوز الحلو والمر وزيت زيتون وزيت جوزهند زيت ورد وزيت نعناع وزيت صويا وزيت سمسم وزيت جرجير وزيت ثوم وزيت جوجوبا وزيت خروع إيه منهم يتحط فى التلاجه ؟؟؟ولو جبت اى زيت تانى اعرف منين انى احطه فى التلاجه ولا لأ؟ وشكرا اوى .

=========================
رد بص وطل :
صديقتى من الأفضل تحتفظى بالزيوت فى الثلاجه خاصه لو درجه الحرارة عاليه .

رانيا أنا جبت صابونه

أرسلها يا ريت ترودو عليا (زائر) في Sun, 2011-09-04 21:02

رانيا أنا جبت صابونه بالمواليف بالصبار والزيتون إنتى قولتى قبل كدة ممكن تجيبى صابونه بزيت الزيتون الصابونه دى كويسه ولا أجيب حاجه تانيه وكمان انا لو نقعت شعرى فى مغلى الكاموميل بعد كده اسيبه نصف ساعه واغسله بشامبو ولا اشطفة بس .

=========================
رد بص وطل :
صديقتى إنتى ممكن تستخدمى الصابونه دى لو مناسبه مع نوع شعرك وإنتى مش لازم تغسلى شعرك بالشامبو بعد الكاموميل .

رانيا هو الكاموميل ده هو

أرسلها يا ريت ترودو عليا (زائر) في Sun, 2011-09-04 20:43

رانيا هو الكاموميل ده هو البابونج ولا حاجه تانيه ولما اشطف بيه شعرى اسيبه ولا اغسله بعد شويه وكنت عايزة اسأل عن ماسك حبه البركه والارز إنى لازم استخدم قبله ماسك الزبادى والليمون بس انا بنزل الصبح على طول ومش ينفع اعمله بعمل ماسك الارز وحبه البركه ده هيفتح ولا أوقفه وأعمل ماسكات تانيه

=========================
رد بص وطل :
صديقتى الكاموميل هو البابونج وإنتى ممكن تشطفى شعرك بيه وإنتى بتستحمى أو تحطيه على شعرك وتسبيه شويه وبعد كده تغسليه وبالنسبه للروتين اليومى لتفتيح لازم تعملى ماسك الزبادى أو ممكن تعملى ماسك الأرز وحبه البركة بس لمدة 3 شهور .

السلام عليكم ورحمة الله

أرسلها سمسمه (زائر) في Sun, 2011-09-04 19:30

السلام عليكم ورحمة الله وبركاته ازيك يا رونى ميرسى على الماسكات الجامده اللى بتعمليهانا انا كنت عايزه حاجه لتصغير الصدر بليز ردى عليا علشان المشكله دى مسببالى مشكله

======================
رد بص وطل :
صديقتى عيزاكى تعرفى إن دى حاجه طبيعيه ولو إنتى وزنك زيادة ممكن تمشى على نظام غذائى وتمارسى رياضه خاصه بالمنطقه دى .

هاى رانيا كنت عايزه حاجه

أرسلها fatma (زائر) في Sun, 2011-09-04 17:41

هاى رانيا كنت عايزه حاجه لايدى انا ايدى غامقه عايزة حاجه تفتحها يا ريت تفيدينى شكرا

==========================
رد بص وطل :
صديقتى إنتى ممكن تعملى لوسيون ابطاطس وهتلاقيه فى العدد http://www.boswtol.com/health-and-beauty/beauty-and-styling/11/march/21/...

hi rony law sama7ty 3ayza

أرسلها زائر (زائر) في Sun, 2011-09-04 17:35

hi rony law sama7ty 3ayza a3raf ra2yek f mask mink el gahez

===================
رد بص وطل :
صديقتى إنتى ممكن تستخدمى ماسك المينك .

شكرا ياروني متالقه طبعا زي

أرسلها زائر (زائر) في Sun, 2011-09-04 17:03

شكرا ياروني متالقه طبعا زي بقيت الحلقات جزاكي الله خيرا أنا كان ليه سؤال انا فرحي كمان شهرين او أقل ممكن أعمل حمام الزيت دا لشعري وممكن استخدم دهن الاس لوحده ولا ايه وعايزه أعرف نوع بودره مضغوطه كويسه وكمان عشان اجيب
كريم اساس وبودر اجيب لون بشرتي ولا افتج انا جبت نفس الدرجه وحسيت انو غمقني مع اني بشرتي بيضا ومعلشي هطول عليكي انا وأختي اما بنعمل بشرة الوجه بالفتله بشرتنا بتبوظ خالص وبتبئا مجروحه تنصحيني بايه عشان فرحي قرب وخايفه اوي من موضوع الفتله ده وشكرا اوي ليكي وكل سنه وإنتي طيبه.

======================
رد بص وطل :
صديقتى ألف مبروك مقدماً وإنتى ممكن تعملى دهن الآس، وبالنسبه للبودرة فأفضل بودرة ممكن تستخدميها اللوس بودر (البودرة السايبه) وكريم الأساس بتجبيه نفس درجه بشرتك أو أفتح درجه واحدة وإنتى ممكن تعملى تشقير لبشرتك بدل الفتلة .

هاى رونى كل سنة وإنتى بالف

أرسلها زائر (زائر) في Sun, 2011-09-04 16:18

هاى رونى كل سنة وإنتى بالف صحة وهنا انا كنت عايزة أعرف أنا اعمل سويت عادى بعد فترة العلاج بالليكوسيد من غير التهابات و لااحمرار بعد فترة قد ايه.

==================
رد بص وطل :
صديقتى بعد ماتخلصى فترة إستخدام كريمات التفتيح ممكن تعملى سويت بعدها مافيش مشكله .

is there any treatment for

أرسلها duaa (زائر) في Sun, 2011-09-04 13:59

is there any treatment for black spots under the eyes
??????thank you

======================
رد بص وطل :
صديقتى إنتى ممكن تعملى ماسك بذر القطون وشرائح الخيار يومياً .

بليز يارانيا ارجوكى أنا عايزة

أرسلها ياسو (زائر) في Sun, 2011-09-04 13:48

بليز يارانيا ارجوكى أنا عايزة حاجة لازاله اثار الحبوب انا وشى مبقع جامد اووووى عايزة حل سريع

====================
رد بص وطل :
صديقتى ممكن تستخدمى غسول نتروجينا المخصص لعلاج الحبوب وممكن تعملى ماسك الخميرة والعسل لعلاج أثار الحبوب والعدد ده هتلاقى فيه ماسك الفجل لعلاج أثار الحبوب http://www.boswtol.com/health-and-beauty/beauty-and-styling/11/june/13/3...

هاى رونى انا قريت الموضوع

أرسلها زائر (زائر) في Sun, 2011-09-04 00:19

هاى رونى انا قريت الموضوع دهhttp://www.lakii.com/vb/showthread.php?t=748563 واللى فيه ان الترمس المر بيقلل نمو الشعر و الترمس الحلو بيطول الشعر ياريت تفدينى

=======================
رد بص وطل :
صديقتى مافيش حاجه إسمها ترمس مر وترمس حلو الترمس بيكون بلدى أو عادى والترمس البلدى فعلاً بيقلل من نمو الشعر والترمس العادى بيطول الشعر وتابعينا هتلاقى كل اللى إنتى عايزاة .

لو سمحتى يارانيا أنا باستخدم

أرسلها زائر (زائر) في Sat, 2011-09-03 23:00

لو سمحتى يارانيا أنا باستخدم زيت اللوز الحلو لشعرى ...يعنى باحطه على شعرى بعد الاستحمام وبعدين بالف شعرى وجايب نتيجه هايله معايااستمر عليه ولا ممكن يضر شعرى على المدى الطويل؟؟

==========================
رد بص وطل :
صديقتى ممكن تعملى حمام زيت لوز لكن مانفعش تحطيه وتسبيه على شعرك من غير ماتغسليه .

ياريت تجاوبى عليا يارانيا فى

أرسلها هاجر (زائر) في Sat, 2011-09-03 19:00

ياريت تجاوبى عليا يارانيا فى منتج اسمه زيت البرارى انااشتريته 125 للتقويه وتطويل الشعر ياترى ليه اضرار.

==================
رد بص وطل :
صديقتى الزيت ده كويس بس إتأكدى إنك إشتريتى الأصلى .

بجد شكرا على كل اللى بتعملوه

أرسلها زائر (زائر) في Sat, 2011-09-03 17:56

بجد شكرا على كل اللى بتعملوه عشانا بس أنا عندى سؤال بالنسبه لاستخدام كريم بالمرز للشعر هل هو مضر ولا مفيد انا شعرى خفيف وبينشف بسرعة ولازم الفه يوميا عشان يبقى مفرود عشان كدا استعملت بالمرز هل عشانه تقيل ابطل استعمله ولا اكمل عادى؟؟؟؟ أرجو الافادة

===================
رد بص وطل :
صديقتى غلط جداً إنك تحطى كريم وتسبيه على شعرك وممكن تستخدمى الماسكات الطبيعيه وكمان ممكن تعملى حمام زيت جوز الهند لأنه بيطرى الشعر .

حبيبتي السلام عليكم بالنسبه

أرسلها لينا اسد (زائر) في Sat, 2011-09-03 15:39

حبيبتي السلام عليكم بالنسبه لوصفة الركب فيها زنجبيل بودره أنا اللى عندي طازج كيف استخدمه وهل البودرة افضل من الطازج وشكرا من اعماق قلبي
ومن الافضل والأسرع لتطويل الشعر وصفة القرفه والسبرتو او الآس

======================
رد بص وطل :
صديقتى إحنا بنستخدم الزنجبيل المطحون عشان تعرفى تعملى الماسك وبالنسبه لتطويل الشعر ممكن تعملى وصفه واحدة من الماسكين دول تستمرى عليها عشان تحسى بالنتيجه .

حضرتك بجد روعة وبستفيد منك

أرسلها ندين (زائر) في Sat, 2011-09-03 03:53

حضرتك بجد روعة وبستفيد منك كتير كنت عايزة اسئل حضرتك انا بيضة وحابة اجيب روج الوان مودة ورججوا مكن تقولي افضل ماركة والالون اية ومكن رقم الالون وكريم اساس سوري بتعبك معايا

====================
رد بص وطل :
صديقتى أهلاً بيكى بصى كلى درجات الروز هتكون حلوة معاكى وتابعى حلقات "أبيض وألوان مع ريهام" هتلاقى كل اللى إنتى عايزاة عن الميك أب http://www.boswtol.com/health-and-beauty/beauty-and-styling/11/august/31...

إزيك يارانيا وحشانى جدا كل

أرسلها هاجر (زائر) في Sat, 2011-09-03 01:40

إزيك يارانيا وحشانى جدا كل سنه وحضرتك طيبة المنتجات اللى بتتباع فى التلفزيون لتقويه وتطويل الشعرب125 انا جالى هديه منها ياترى استخدمها والافى اضرار انا شعرى خفيف وقصير وسنى 15سنه ياريت تجوبونى

====================
رد بص وطل :
وإنتى طيبه وياريت توضحى أكتر إيه النتجات دى وبتتكون من إيه .

هاي ياروني عيد سعيد عليكي

أرسلها منى صبحى (زائر) في Sat, 2011-09-03 01:06

هاي ياروني عيد سعيد عليكي وعلي الامة الاسلامية أريد حل للكلف الحمل لانه في الوجه وايضا عندي اثر لجرح فوق الشفاه

======================
رد بص وطل :
صديقتى الكلف ده بيظهر أثناء الحمل وبعد كده بيروح وأهم حاجه إنك تهتمى بالنظافه وتستحمى مرتين فى اليوم وتستخدمى الليفه العاديه والليفه المغربى .

لو سمحتي يارانيا انا بعمل

أرسلها nour_alshms (زائر) في Fri, 2011-09-02 20:55

لو سمحتي يارانيا انا بعمل بقالي مدة حمام زيت جوز الهند والحمد لله جايب نتيجه بس في حاجه اني لما بغسله بعد حمام الزيت بيكون هااايش ومبيتعدلش الا بعد يوم كده يكون نشف خااالص والموضوع ده مضايقني اووي مش عارفه هيستمر علي كده ولا ايه ؟؟ وشكراا.

====================
رد بص وطل :
صديقتى إنتى ممكن تستخدمى بلسم لشعرك بعد ماتغسلى شعرك .

مرحبا ..حبيبتي رانيا ممكن

أرسلها احلام (زائر) في Fri, 2011-09-02 19:55

مرحبا ..حبيبتي رانيا ممكن تنزلي حلقات خاصه بالحامل وكيف تعتني بنفسها وبشرتها وبشعرها بحيث لا تتفاقم مشاكلها بعد الولادةايضا فترة النفاس ومشكوورة على كل ما تقدميه باارك الله فيكى

=========================
رد بص وطل :
صديقتى تابعينا وهتلاقى كل اللى إنتى عايزاة قريباً إن شاء الله .

أنا كنت سألت من قبل على عشبة

أرسلها زائر (زائر) في Fri, 2011-09-02 19:15

أنا كنت سألت من قبل على عشبة الآس لكن ما وصلني الجواب بعد وأنا عندي سؤال تاني هو إذا حبين نحط بدل الحنه بالكاكاو نحط البن هي نفس المقادير ونفس الطريقه ولا نظيف مكونات تانية معاها؟ أرجو يكون سؤال وصل وجزاك الله عنا كل خير وشكرا

=======================
رد بص وطل :
صديقتى عشبه الآس ممكن تستخدميها، وممكن تستخدمى البن بدل الكاكاو .

لو سمحتي يارانيا ممكن روتين

أرسلها nour_alshms (زائر) في Fri, 2011-09-02 16:31

لو سمحتي يارانيا ممكن روتين عشان الشعر مستنياه بقالي كتيييير
وكمان ممكن شامبوهات بمواد طبيعه.

=======================
رد بص وطل :
تابعينا وهتلاقى كل الل إنتى عايزاة قريباً إن شاء الله .

السلام عليكم انا بعمل حمام

أرسلها nour_alshms (زائر) في Fri, 2011-09-02 16:29

السلام عليكم انا بعمل حمام زيت جوز هند مرتين فى الاسبوع وشعري قصيته من حوالي 40 يوم وبدء يقصف تاني ومن كتر ما بقصه مش بيبان عليه اي طول خالص
مش عارفه أعمل ماسك المايونيز ولا إيه عشان التقصف بس لو عملته هيبقي امتي ؟
عشان بعمل مرتين زيت جوز هند وشكرااا.

====================
رد بص وطل :
صديقتى علاج التقصيف مش إنك تقصى شعرك كل شويه وكمان حمام زيت جوز الهند كويس لكن مش علاج لمشكله التقصيف إنتى ممكن تستخدمى ماسك المايونيز و الكاموميل .

من فضلك أنا عندى كوعى والركب

أرسلها زائرreetage (زائر) في Fri, 2011-09-02 16:16

من فضلك أنا عندى كوعى والركب سواد وبذات الركبه بحس إنها مش بس مسمرة وكمان الجلد ناشف قوى وده لأنى بطول فى السجود ومش عارفة أعمل اه استخدمت اللمون والملح كل يوم وكنت بسبهم شوية وبعدين افرك بس مش لأقت نتيجة لمدة طويلة وكمان انا بستخدم اللمون والجلسرين لتفتيح تحت باطى قبل النوم ومكنتش بتعرض للشمس اما أحطهم بس بحس ان بيسمر اكتر وده أكتر من 3 شهور مش عارفه أعمل اه؟ بليز قولي لى على حاجه تفتح الكوع والركبه وتحت الأبط وكمان أظافر رجلى غامقه ومشققة علشان انا مش كنت بنشف رجلى بعد الوضؤ بس أنا بدأت انشفهم فاعيزة حاجه تفتحهم وأسفه طولت عليكى وجزكى الله خير .

========================
رد بص وطل :
صديقتى العزيزة إستمرى فى إستخدام سنفرة الملح والليمون والعدد ده هتلاقى فيه وصفه الزنجبيل لتفتيح الكوع والركبتين وبالنسبه لتفتيح منطقه تحت الأبط لازم تستخدمى مزيل عرق نوعه كويس وكمان ماتسبيش مزيل العرق على جسمك أكتر من 24 ساعه وبالنسبه لليمون والجلسرين ممكن تكونى مش عامله الماسك صح والعدد ده هتلاقى فيه طريقه الليمون والجلسرين http://www.boswtol.com/health-and-beauty/beauty-and-styling/10/november/...

شكرا على مجهوداتكم

أرسلها love_habeba44 في Fri, 2011-09-02 13:15

شكرا على مجهوداتكم

وحشتنا اوي أنا عندي سؤال هو

أرسلها زائر (زائر) في Fri, 2011-09-02 10:14

وحشتنا اوي أنا عندي سؤال هو زيت حبه البركه علي البارد لما أحطه علي شعري يوم ويوم مش ده هيكون دهان للشعر وحمام كريم لوريال في أنواع كتير باسامي كتير اجيب انهي وشكرا

========================
رد بص وطل :
صديقتى ممكن تستخدمى زيت حبه البركة يوم ويوم ومنتجات لوريال كويسه وإستخدمى اللى شعرك محتاجه .

بيجد

أرسلها زائرنيمو نيمو (زائر) في Fri, 2011-09-02 03:00

بيجد شكككككككككككككككككككككرا"

بجد يا رانيا انتي جميله.

أرسلها زائر (زائر) في Fri, 2011-09-02 02:55

بجد يا رانيا انتي جميله.

هاى رانيا كنت عاوزة اسالك كام

أرسلها منى مصطفى (زائر) في Fri, 2011-09-02 02:49

هاى رانيا كنت عاوزة اسالك كام سؤال انا شعرى ناعم بس من جوة الشعر هايش و مجعد جدا ومش عارفه إيه الحل وعندى خطوط بيضا ينفع استخدم كريم بانثينول و معاة كبسولات فيتامين e أنا بعمل اسكرب مرة فى الاسبوع وبستخدم الليفة المغربيه معاه وبستخدم الليفة العاديه كل يوم وبرطب جسمى ياريت تسعدينى .

=======================
رد بص وطل :
صديقتى إنتى ممكن تعملى حمام زيت جوز الهند وكمان العدد ده هتلاقى فيه ماسك الكاموميل لعلاج مشكلة الهيشان http://www.boswtol.com/health-and-beauty/beauty-and-styling/11/may/9/33112 وبالنسبه للخطوط البيضه إستمرى فى إستخدام الليفه العاديه والليفه المغربى وكمان ممكن تعملى ماسك لسان البحر لعلاج الخطوط البيضه هتلاقيه فى العدد
http://www.boswtol.com/health-and-beauty/beauty-and-styling/10/november/...

جميل ياريت حاجه للحواجب

أرسلها زائر (زائر) في Fri, 2011-09-02 02:08

جميل ياريت حاجه للحواجب

انا لو استخدمت الكاموميل

أرسلها hobe (زائر) في Fri, 2011-09-02 01:27

انا لو استخدمت الكاموميل لتعطير شعري مش عارفه الطريقه ازاي وشكرا على
المجهود

=========================
رد بص وطل :
صديقتى إنتى بتغلى الكاموميل فى ميه وبتخدى الميه دى تشطفى بيها شعرك .

كل سنه وانتي طيبه يارونووش

أرسلها حب عمــــــــــــري (زائر) في Fri, 2011-09-02 00:54

كل سنه وانتي طيبه يارونووش تسلم إيدك علي الوصفات الجميله ليه سؤال لو سمحتيلي إزاي نتخلص من ريحه الثوم في الشعر.

========================
رد بص وطل :
صديقتى بعد ماتعملى ماسك الثوم إغسلى شعرك كويس بالشامبو والبلسم وكمان ممكن تشطفى شعرك بمغلى الكاموميل وسيبى شعرك يتهوى ماتلميهوش .

كل سنة وانتى طيبة وشكرا على

أرسلها هبة عاااااااااااااااااامر (زائر) في Thu, 2011-09-01 23:37

كل سنة وانتى طيبة وشكرا على كل الوصفات ممكن اسال سؤال بالنسبه لماسك دن الاس ده نحطه على شعرنا كله من الجذور حتى الاطراف

========================
رد بص وطل :
صديقتى إنتى ممكن تستخدمى ماسك دهن الآس على جدور الشعر وكمان على شعرك .

لو سمحتوا ساعدونى فستانى لونه

أرسلها mona fouad (زائر) في Thu, 2011-09-01 21:49

لو سمحتوا ساعدونى فستانى لونه فيروزى وانا وشى رفيع أعمل مكياج لونه ايه وخصوصا الروج والمانكير ايه انسب لون على الفستان .

=====================
رد بص وطل :
صديقتى تابعى حلقات أبيض وألوان مع ريهام http://www.boswtol.com/health-and-beauty/beauty-and-styling/11/august/31...

انا بقالي شهر بعمل ماسك

أرسلها زائر (زائر) في Thu, 2011-09-01 21:27

انا بقالي شهر بعمل ماسك الخميرة والحبوب بتزيد في بديل للخميرة وهل ماسك الفجل بيخفف الحبوب ومرسيي لمجهودك

====================
رد بص وطل :
صديقتى الخميرة علاج كويس جداً للحبوب وكمان ممكن تستخدمى حبوب اللقاح لأنها بتعالج مشكلة الحبوب وهتلاقى فى العدد ده ماسك كويس لعلاج الحبوب http://www.boswtol.com/health-and-beauty/beauty-and-styling/11/july/18/3...

سلام عليكم يارانيا ربنا يكرمك

أرسلها سماح عدوي (زائر) في Thu, 2011-09-01 16:59

سلام عليكم يارانيا ربنا يكرمك ويفتح عليكي إنتي خبيرة تجميل ممتازة ومحترمة وانا بجرب وصفاتك ما شاء الله حلوة قوي عندي سؤال ...انا كان عندي قشرة وعملت معاي اكزيما دهنية وروحت للدكتور والحمد لله راحت وأنا دلوقتي بعمل الحنه كل اسبوع زي ما قلتي والدكتور قال إني شعري دهني من الفروة لكن عادي من تحت لأنه بيكون هايش شويه أنا عايزة حاجة تطري الشعر من تحت وكمان عايزة تقول لي علي صابونة طبيعية للشعر وكريم طبيعي اعمله في البيت لأن الدكتور كتب علي سلنجانا شامبو وكريم فيفادول وفضلت استعملهم لمدة حوالي 9 شهور لكن انا عايزة اغير لحاجة تانية واستعملت كمان الليمون والعسل حسيت ان القشرة بفضل الله راحت وكمان الحنة مع الكاكاو ...أنا حاليا بستعمل صابونة من اوريفلام بالليمون وجوزة الهند وبستعمل كريم املا الإماراتي

==========================
رد بص وطل :
صديقتى شكراً جداً على ذوقك، أهم حاجه إنك تكونى خلصتى علاج الدكتور وبالنسبه للشامبو لازم تستخدمى شامبو طبى احد ماتتأكدى من الدكتور إن الأكزيما دى راحت عشان لو عايزة تستخدمى ماسكات طبيعيه بعد كده .

شكرا جدا على وصفايك يارانيا

أرسلها ranoangel (زائر) في Thu, 2011-09-01 14:13

شكرا جدا على وصفايك يارانيا بس أنا عندى سؤال هو حمام زيت الثوم لوحده مريتين فى الاسبوع فى خطر على الشعر شكرا جدا

=======================
رد بص وطل :
صديقتى الثوم قوى على الشعر عشان كده بتحطى زيت الجرجير وجوز الهند .

انا عندى مشكلة ضوافر رجلي

أرسلها لولو (زائر) في Wed, 2011-08-31 19:31

انا عندى مشكلة ضوافر رجلي لونها غامق وبكسف البس صندل او اى حاجة مفتوحه ممكن تساعدينى اعمل ايه

======================
رد بص وطل :
صديقتى من الأفضل إنك تستشيرى دكتور عشان ده ممكن يكون بسبب نقص بعض الفيتامينات .

إزيك يارانيا كنت عايزة اعرف

أرسلها لولو (زائر) في Wed, 2011-08-31 19:28

إزيك يارانيا كنت عايزة اعرف في الحمام المغربي احنا بنغسل الجسم بالصابون وبعدين ندعك بالليفة ولا بنشطف الصابون الاول وبعدين ندعك بالليفة وشكرا.

=====================
رد بص وطل :
صديقتى العدد ده هتلاقى فيه طريقه الحمام المغربى http://www.boswtol.com/health-and-beauty/beauty-and-styling/09/october/6...

مرحبا رنوش كيفك ياقمر اول شي

أرسلها sabaiastyle (زائر) في Wed, 2011-08-31 17:43

مرحبا رنوش كيفك ياقمر اول شي انا حابه اشكرك كتير على مجهوداتك عنجد انك قمة الروعة وانا بحبك كتيير تاني شي انا حابة أغلبك معايا شويه بدي منك حل لمشاكل
1-أنا عاملت فرد لشعري يمكن 10 مرات في اقل من سنه لان وحدة حكتلو مو مضر الفرد وهي خبيرة تجميل وكنت اعمل عندها وهي اللي نصحتني بهيك شي لغاية ما تتدمر شعري على الاخر
وانا لو سمحتي بدي برنامج عنايه لشعري حتى يرجع مثل الاول واحسن لان شعري صار خشن وهو بالاصل ناعم بس مموج كتير وبدي برنامج عنايه للشعر بحيث يفرد الشعر ويثقله وينعمه ويطوله ارجوكي ساعديني وشكرا كتيير .

=======================
رد بص وطل :
صديقتى أهلاً بيكى ولازم تعرفى إن الفرد ده مضر جداً للشعر، ولازم تبدئى تهتمى جداً بشعرك وتستخدمى الماسكات الطبيعيه بأستمرار وممكن تعملى حمام الزيت الثلاثى(الثوم والجرجير وجوز الهند) وكمان وممكن تستخدمى حمام زيت جوز الهند والسمسم وهتلاقى ماسكات كتير فى الأعداد القديمه إختارى منها اللى شعرك محتاجه .

وصفات هايله تسلمي ياقمر ليه

أرسلها يــــــــــــــــــــارا (زائر) في Wed, 2011-08-31 16:35

وصفات هايله تسلمي ياقمر ليه سؤال بليز بالنسبه لزيت الاسي في عشب بنفس الاسم بس مش زيت موجود عند العطار هل ممكن اغليه واضيف الميه اللى الحنه هل يعطي نفس نتيجه زيت الاسي؟ ميرسي كتير روني بارك الله فيكي وكل سنة وانتي طيبة.

======================
رد بص وطل :
صديقتى الأس ده دهن مش زيت وهتلاقيه عند العطار وإستخدميه بنفس الطريقه اللى عملتها فى العدد ده .

إعلانات جوجل