لجمالك في رمضان.. صابون وماسك المشمش لجسم ناعم زي الحرير

السلام عليكم إزيك يارانيا رمضان كريم عليكى استفسار لو سمحتى لتجاعيد العين هل الماسك بتاعها عبارة عن خميرة وعسل وعصير خيار ومايه دافيه ولا لأ؟؟ هل ينفع اسيبها فى التلاجه فترة ولا ايه؟؟

======================
رد بص وطل :
صديقتى إنتى ممكن تعملى ماسك بذر القطون وشرائح الخيار يومياً .

مسا الخير استاذة ممكن أعرف علاج لسمار الابط الخفيف شو العمل و شكرا

======================
رد بص وطل :
صديقتى إستخدمى الليفه العاديه مرتين فى اليوم والليفه المغربى مرتين فى الأسبوع وممكن تعملى ماسك الليمون والجلسرين أو ماسك الأرز وحبه البركة .

هاى انا إيدى اسمرت اوى وبقت لون ولون انا عايزة ماسك يفتح ايدى لان شكلها بقى وحش أوى بليز ممكن الماسك يكون سهل عشان أعرف اعملو ميرسى اوى

=========================
رد بص وطل :
صديقتى العزيزة لازم تستخدمى صن بلوك قبل ماتتعرضى للشمس وكمان ممكن تستخدمى ماسك الليمون والجلسرين بس ماتتعرضيش للشمس وإنتى حطاة .

كل سنه وإنتى طيبه كان عندى سؤال كريم كلينيك رقم 4 فاتح على بشرتى ممكن تقوللى الدرجه الاقل تفتيح رقم كام 3 ولا 5 علشان دى مستوردة وأنا مش عارفه وكنت عايزاكى تقولي لى على اسم كريم من نفس الشركة لتجعيد تحت العين سن بعد الاربعين ومعنديش سواد تحت العين تجعيد وتنفخات تحت العين وشكرا.

========================
رد بص وطل :
صديقتى العزيزة أنا مش بانصح بأستخدام كريمات التفتيح وبالنسبه للخطوط تحت العين ممكن تستخدمى منتجات أولاى وكمان إستخدمى ماسك بذر القطون وشرائح الخيار يومياً .

أهلين رنوو كيفك ؟ معاك ساره من السعوديه .. ياليت تردين عليا بسرعه أبغى اسوي حمام زيت اللي هوا حق (زيت الثوم - زيت الجرجير - زيت جوز الهند) بس الملعقه حقتك تختلف عن ملاعقنا ..أنا حقتي زي هذي كم أحط من كل زيت؟ رب تردين بسرعه أبغى اسويه .

=====================
رد بص وطل :
صديقتى العزيزة إنتى ممكن تحطى 3 معالق من كل زيت المهم إنو يكون بنسب متساويه .

السلام عليكم ياورنى لو سمحتى عايزة ماركه غسول كويس للبشرة الدهنية الحساسة وبليز ردى عليا ضرورى شكرا ليكى

=====================
رد بص وطل :
صديقتى ممكن تستخدمى صابونه لمبادا أو منتجات نتروجينا المخصصه للبشرة الدهنيه .

ازيك يارونى كل سنة وانتى طيبة ياقمر انا عاوزة اسالك ازاى بعد ماكوعى وركبتى لونهم يفتح احافظ عليم كدة علطول ياترى أفضل اعمل الماسكات دى دايما معلش طولت عليكى.

=======================
رد بص وطل :
صديقتى العزيزة بعد ماتفتحى كوعك وركبتك لازم تستمرى برضو فى الحفاظ على جسمك وإن يكون روتين حياتك زى إستخدام الليفه العاديه مرتين فى اليوم والليفه المغربى مرة فى الأسبوع .

ازيك يا رانيا انابحبك اوي وانا عندي 12 سنه وعايه اسالك علي شوية حاجات (1) أنا عايز خلطة زيوت لتطويل الشعر بسرعة جدا و تنعمة (2) وكمان انا وزني 25 كيلو بس وانا شايفة ان ده اليل وانا عايزة خلطه طبيعيه لزيادة الوزن وياريت تردي عليا بسرعة وشكرا

======================
رد بص وطل :
صديقتى العزيزة إنتى سنك صغير ولازم تهتمى بنوعيه أكلك وكل الماسكات الطبيعيه اللى بتساعد فى تغذيه الشعر بتساعد فى تطويل الشعر وكمان ممكن تعملى ماسك القرفه وبالنسبه لوزنك إهتمى جداً بنوعيه أكلك .

السلام عليكم رانيا بعد إزنك انا نزلت اسأل على نبات السعد عند العطار مش لقيت غير زيت السعد وسألت عند كذا واحد قالى نفس الكلام فى رأيك ياترى زيت السعد هايطينى نفس النتيجه؟ وياترى استخدمه إزاى؟ وهل اقدر استخدمه بردو على وشى بعد الفتله؟؟ بليز ياقمرايه منتظرة ردك .

=========================
رد بص وطل :
صديقتى إستخدمى الوصفات اللى عملاناها لنبات السعد وممكن تستخدمى الزيت مافيش مشكلة .

أنا بخس مش عايزة وجهي يتأثر بالرجيم

====================
رد بص وطل :
أهتمى إنك تكلى خضار وفاكهه عشان تحفظى على وجهك .

كل سنة وانتى طيبة يارانيا ورمضان كريم بقولك انا كنت عايزة اعرف احسن ماركات للسشوار والبيبى ليس ممكن اشتريها؟ هل الايطالى ولا الالمانى؟ ولا فى حاجة احلى منهم؟ تانى حاجة عايزة اعرف هو انا استخدام السيروم قبل السشوار ولا بعدة؟ اخر حاجة هو انا لازم استعمل سبراى مثبت بعد السشوار ولا مش ضرورى؟ ولو لازم اكيد ايه احسن ماركة؟ وشكراا ليكى جدا

======================
رد بص وطل :
صديقتى العزيزة أفضل الماركات براون وفيليبس والسيروم ممكن تستخدميه قبل ماتعملى شعرك لأنه بيقللل من أضرار السشوار والمكواة .

ازيك يارونى انا كنت عاوزة اعرف منين اشترى امبولات الكرياتين وانا شعرى قصير ومش بيطول بسرعة ومش ناعم ازاى اخليه ناعم ومفرود وشكرا يارونى

=====================
رد بص وطل
صديقتى الكيرياتين المعالج كويس وممكن تستخدميه وهتلاقى الأمبولات فى الصيدليات الكبيرة .

يعطيك الف عافية

إزيك ياقمر بصى أنا شعرى خفيف وعيزاة يتقل وبيقع وبشرتى دهنيه ودايما بيظهرلى حبوب بيضاء وعندى أثر مكان الحبوب اللى بتروح وعندى زيت جلسرين بالنعناع وزيت جنين القمح وزيت ثوم وزيت لوز مر وزيت خروع بس مش عارفه استخدمهم إزاى.

===================
رد بص وطل :
صديقتى العزيزة إهتمى ببشرتك وإستخدمى الروتين اليومى المخصص للبشرة الدهنيه وإستخدمى صابونه مناسبه مع نوع بشرتك .

إزيك يارانيا كل سنه وانتى طيبة أنا طلبى بس عايزة دهان للشعرى بعد الشاور كويس أنا عارفه إنك بتشكرى كتير فى بارشوت جولد الزيت بس جست اجيبه ناس قلقونى منه وقالوه بينشف وممكن يعمل حشرات فى الشعر وكده فانا شعرى نشف ومموج وتقيل وبيتناسب معايا جداا الحاجه اللى بتكون بالصبار والنخاع وزيت الزيتون فانتى شايفه انى بارشوت جولد كويس ليه ولا لأ شكراا جداا ليكى .

====================
رد بص وطل :
صديقتى أنا مش بانصح أوى إنك بعد ماتغسلى شعرك تحطى كريم أو زيت على شعرك وتسبيه وحاولى تعملى حمام زيت لتنعيم الشعر وبارشوت كويس ممكن تستخدميه .

شكرا على كل الموصفات

إزيك يارونى كل سنه وانتى طيبه أنا كنت عاوزة أعرف منتج غارنييه للهالات السوداء حلو فعلا للهالات السوداء ولاإيه أنا حاولت استخدم زيت اللوز قبل النوم بس مش بيعمل اى حاجه.

=============================
رد بص وطل :
صديقتى منتجات غارنيه كويسه وممكن تستخدميها وبالنسبه للهالات السودة إعملى ماسك بذر القطون وشرائح الخيار يومياً .

السلام عليكم كل سنه وانتي طيبه عايزة اعرف لو سمحتي هو السعد بعد ما يتغلي ينفع يتحط فالتلاجه واستخدم منه ولو ينفع يبقي لوقت اد إيه كمان انا عملت ماسك الحنه والكاكاو وشعري نشف كده وهاش جدا اكتر ما هو وعملت زيت السمسم وبرضو مجبش نتيجه أعمل ايه لو سمحتي ؟؟؟

=========================
رد بص وطل :
صديقتى إنتى ممكن تحطى مغلى نبات السعد فى التلاجه، وبالنسبه لشعرك ممكن تعملى حمام زيت جوز الهند .

كل سنة واإنتى طيبة يارانيا ورمضان كريم أنا عايزة أعرف حاجات
أنا كنت بستخدم كريم الجلوسليد وبحطة على جسمى وفى مرة خرجت ومش اخت الشاور ولقيت جسمى اسمر اووى كنت بحب الهدوم بتمنع اشعة الشمس عن الجسم واشتريت كريم تفتيح اسمه كليرا ليك وبحطه على جسمى كل يوم إنتى إيه رايك وتنصحينى بايه

=======================
رد بص وطل :
صديقتى العزيزة إنتى لازم تستخدمى صن بلوك قبل ماتتعرضى للشمس عشان تحفظى على بشرتك من الأسمرار وكمان ممكن تستخدمى الروتين اليومى لتفتيح .

سلام عليكم بصراحه انا بشرتي دهنية واخاف استعمل اي شي على جسمي وبشرتي لانها حساسة ودهنية وأش تنصحين فى انتظار ردك .

=======================
رد بص وطل :
صديقتى العدد ده هتلاقى فيه الروتين المناسب للبشرة الدهنيه http://www.boswtol.com/health-and-beauty/beauty-and-styling/11/june/20/3...

انا بعت مشاركات كتير قبل كده انا عملت بذر القطون زى ماقلتى يارانيا بس مش عارفه الميه بعد ماحطتها عليه وسبته فى الثلاجه مش ظهر جيل بس بذر القطون نفسه زاد حجمه واصبح لزج فعلا زى الجيل مش عارفه اذا كانت الطريقة اللى عملته بيها صح ولا لاء وازاى اعمله فعلا ويطلع جيل.

====================
رد بص وطل :
صديقتى العزيزة بعد ماتعملى الماسك ألبى الميه مع بذر القطون .

أنا وزني 58 وطولي 174 عندي 17 سنه باخد مقوي عام فيتامينات لزياده الوزن..في وصفات طبيعيه او علاج كويس ممكن يزيد من وزني أنا عمالت تحليل ومعنديش اي حاجه الحمد لله بس نفسي وزني يبقي مناسب ليه...انتي ايه رأيك انا محتاجه ازيد على وزني قد ايه تقريبا؟؟ شكرا روني

=========================
رد بص وطل :
صديقتى إنتى فعلاً محتاجه تزيدى فى الوزن شويه والوزن المناسب مع طولك من 60 إلى 74، وإهتمى بأكلك وممكن تكللى الوجبات اللى بيكون فيها سعرات حراريه عاليه .

انا وزني 58 وطولي 174 باخد مقوي عام فيتامينات في وصفات ممكن اخدها يزيد من وزني ..

====================
رد بص وطل :
صديقتى لازم تستشيرى دكتور عشان لو محتاجه فيتامينات معينه وفى أكلات بيكون فيها سعرات حراريه عاليه بتساعد على زيادة الوزن زى العسل والشوكولاته .

السلام عليكم كل سنه وانتي طيبه عايزه اوحد لون جسمي.

=================

رد بص وطل:

صديقتي العزيزة هتلاقي في اللينك ده ماسكات لتوحيد لون الجسم http://www.boswtol.com/health-and-beauty/beauty-and-styling/11/july/11/3...

ازيك يارانيا ميرسي اوي اكل اللى بتعمليه بجد بتفيدينا جدا انا كنت عايزة اسال علي حاجه انا مسافرة مصيف بعد رمضان ان شاء الله وكنت عايزه اعرف اخد ايه معايا لانى لو طوعت نفسي هاخد دولابي كله معايا هو المصيف ده لمده 5 ايام ومع الكليه ياريت تفيدينى وميرسي ليكي .

=====================
رد بص وطل :
صديقتى فى المصيف دايماً بتحتاجى الهدوم الخفيفه والألوان الفاتحه وحاولى تخدى الهدوم اللى إنتى محتجاها بس .

رانيا حبيبتي انا شعري جاف جدا لازم لازم ادهنه بعد الغسيل و بعمل حمام زيت و كريم بس لازم الدهان دلوقتي انا ادهنه ايه و انا عندي سيروم زيرو فريز ادهنه بيه ممكن ولا غلط احطه ساعة السيشوار بس.

==================

رد بص وطل:
صديقتي انتي ممكن تدهني شعرك بكمية بسيطة من أي زيت زي زيت اللوز الحلو أو زيت السمسم.

هاي روني انا روحت اجيب بودرة للوجه عطاني اماندا بس خفت اشتريها تفتكري كويسة و لا لأ.

===============

رد بص وطل:
بودرة اماندا كويسة بس المهم إنك تجيبي نفس لون بشرتك.

ميرسي يا احلي رانيا علي ردك بس زي ما قلتلك شعري مموج ومقصف عشان كده ببقا مضطرة اعمله سيشوار ولو سمعت نصيحتك وقللت السيشوار هايبقا شكله بشع جدا حتي لو اتعمله حمامات كريم وزيت مش هاعرف اخرج بيه كده.

================

رد بص وطل:
صديقتي االعزيزة انتي ممكن تستخدمي السيشوار أو البيبي ليس بس بأنصحك إن الإستخدام يكون ساعة الخروج فقط مثلا يعني وقت الضرورة بس.

السلام عليكم انا عندى مشكله ان ايدى باين فيها المسام بتعها فى كف ايدى وايدى نفسها فكنت سمعت انى لو عملت ماسك نشا ولمون على ايدى هيقلل ده الكلام ده صح ولا لأ وكمان لو فى حل ياريت تقولي لى .

=======================
رد بص وطل :
صديقتى لازم تعرفى إن المسام دى شيء طبيعى جداً وممكن تعملى ماسك النشا مافيش مشكلة .

كل سنة وانتى طيبة يا رانيا انا مشكلتى انى شعرى هايش أوى وعايزة يطول وعندى سواد تحت عينى اعمل ايه.

==================

رد بص وطل:
صديقتي العزيزة لعلاج الشعر الهايش هتلاقي في اللينك ده طريقة مية الصبار لعلاج الشعر الهايش http://www.boswtol.com/health-and-beauty/beauty-and-styling/11/may/16/33636، وعلشان تطولي شعرك ممكن تعملي ماسك القرفة لتطويل الشعر وهتلاقي الطريقة في اللينك ده http://www.boswtol.com/health-and-beauty/beauty-and-styling/11/may/9/33112، وبالنسبة للهالات السودا هتلاقي ماسك بذر القطون للهالات السودا في اللينك ده http://www.boswtol.com/health-and-beauty/beauty-and-styling/10/october/1...

لو سمحتى ينفع استخدم ماسك ليمون وجليسرين لتفتيح وشي ولا ده ماينفعش غير للإيد والرجل الغامقين فقط.

=================

رد بص وطل:
الماسك ده للجسم فقط وماينفع نحطه على الوش.

من فضلك ممكن ماسك لتنعيم الشعر أنا شعرى فتلته ناعمة لكنه قصف و بقى هايش جدا وممكن ماسك للتفتيح وأنا قرات عن حد بيتكلم عن ماسك المايونز ممكن اعرف بيتعمل ازاى وهل هو مفيد أم لا.

=================

رد بص وطل:
صديقتي العزيزة من ازيوت المفيدة جدا وبتساعد على تنعيم الشعر هي زيت جوز الهند وزيت السمسم ممكن تستخدمي نوع منهم وتعملي حمام زيت لشعرك وتستمري عليه هيجيب نتيجة هايلة إن شاء الله، وبالنسبة للمايونيز هو مفيد جدا لعلاج تقصف الشعر وده بتعمليه زي حمام الكريم بتحطيه على الشعر بعد ما تغسليه وتسيبيه ساعة وبعدين تغسليه تاني، وبالنسبة لتفتيح البشرة هتلاقي في اللينك ده ماسكات للتفتيح http://www.boswtol.com/health-and-beauty/beauty-and-styling/11/march/21/...

لو سمحتى انا عملت ماسك جوز الهند والبن بس لقيت شعرى بيقع من الجدور أرجوكى ردى عليا اكمل عليه ولا أبطله

=====================
رد بص وطل :
صديقتى عيزاكى تعرفى إن الماسك ده مالوش علاقه بتساقط الشعر وممكن تعملى كمان حمام الزيت الثلاثى الثوم والجرجير وجوز الهند .

ميرسي ياروني علي ردك وياريت لو تقولي لي اسم معين أو اسمين علشان كريم التفتيح الفرنساوي اللي قولتيلي عليه علشان اعرف الاقيه بسهولة من فضلك ارجو الرد

=====================
رد بص وطل :
صديقتى العزيزة هتلاقى أفضل الأنواع فى الصيدليات الكبيرة .

إنقذيني يارانيا شعري بيموت من الحر والسيشوار انا شعري جاف بس فتلته ناعمه وكويسه مشكلته الوحيدة إنه بيهيش وفيه موجه وده بيخليني أعمله سيشوار باستمرار عشان احافظ علي شكله شعري دلوقتى بدأ يقع وقصف بطريقه بشعه من كل اجزاءه قدام والاطراف ومش نافع معاه حمامات كريم وجربت حمامات زيت لقيته نشف اكتر حاسه إنه بيموت بقى جاف وخشن اوي مش عارفه أعمل ايه .

======================
رد بص وطل :
صديقتى إنتى ممكن تعملى حمام زيت جوز الهند أو السمسم وممكن تستخدمى ماسكات تنعيم الشعر وقللى جداً من إستخدام السشوار .

رانيا الحقينى بجد انا تعبت جدا من شعرى انا بستخدم حمام كريم بالقمح وبغسل شعرى واحطه عليه وبعد كده بطلع من الحمام ياما اسشور شعرى يا اما الفه طاقيه بس اول ما بفكه بيقعد شويه حلو اول ما بنزل بيه الشارع ويشوف شمس وهوا ينشف ويقف ويهيش حتى لو كان مدهون كتير وبيكون شكله وملمسه زباله بجد انا جربت زيت زيتون وجوز الهند وزبادى ممكن بليز علشان خاطرى تقولي لى اعمل ايه مع العلم انى شعرى لحد نص ظهرى كده ولسه قاصه الاطراف من حوالى 2 اسبوع وهو اصلا ناعم بس بيهيش بليز شوفيلى حل
وعايزة اعرف ايه رايك فى السيروم وانواعه ايه وبكام كل نوع معلش طولت عليكى بس بليز محتاجه حد يساعدنى

=======================
رد بص وطل :
صديقتى العزيزة قللى من إستخدام السشوار والمكواة وإستخدمى الماسكات الطبيعيه بأستمرار وممكن تستخدمى السيروم لأنه بيحافظ على شعرك من أضرار السشوار .

كل سنه وانتى طيبه يارنوش بليز يارانيا انا كنت فى اليكس وطبعا اسمريت من البحر والشمس أعمل ايه علشان ارجع للونى الطبيعى مع انى كنت بحط صن بلوك وعندى 20 سنه فقولي لى اعمل ايه وميرسى اوى ليكى

========================
رد بص وطل :
صديقتى العزيزة لازم تستخدمى وممكن تبدئى فى إستخدام الروتين اليومى لتفتيح .

انا خطوبتى فى العيد ومضايقه اوى عشان بشرتى مش صافيه فيها بقع مكان الحبوب وانا بعمل ماسك الترمس وحبه البركه وحاجه كمان هو انا ينفع أعمل الماسكين مع بعض كل يوم.

===========================
رد بص وطل :
صديقتى ألف مبروك مقدماً وإنتى ممكن تعملى الروتين اليومى وتعملى ماسك الترمس مرتين فى ألأسبوع .

hi ranouch ih raayik fi cream dah COCOA BUTTER CREAM WITH VITAMIN ana sm3t doctor byoul inno mofid jadn li hab chabba we ataroh.ya tara asta3milo walla laa.ana 3andi cream mawjoud fi bit .

=========================
رد بص وطل :
صديقتى كريمات الزبدة كويسه لكن مش بنستخدمها لعلاج الجبوب .

أنا لما عملت ماسك المايونيز شعري نشف اوي وازاي اعمل مرتين حمام زيت ومرة مايونيز وانا بغسل شعري مرتين واستمر علي المايونيز اد ايه

=======================
رد بص وطل :
صديقتى العزيزة إنتى ممكن بعد ماسك المايونيز تستخدمى بلسم الشعر وممكن تعملى حمام زيت مرة فى الأسبوع وتعملى ماسك المايونيز مرة .

سلام لأحلى رانيا ولضيوفها الكرام ورمضان كريم أنا يارانيا جسمي جميل لكن وجهي نحيف وشاحب على عكس جسمي تماما, هل عندك أي وصفة لكي أتخن وجهي دون جسمي وأعطيه النضارة والصحة لحد الان مازلت اجرب وصفاتك, على جسمي تعطي نتائج جيدة لكن على وجهي لم أصل الى النتيجة المرضية شكرا على كل مجهوداتك .

==========================
رد بص وطل :
صديقتى العزيزة إهتمى بنوعيه أكلك زى الخضار والفاكهه عشان تحافظى على بشرتك بالأضافه للأستمرار فى إستخدام الماسكات الطبيعيه لفترة طويلة عشان تحسى بالنتيجه .

سلام عليكم ازيك يارانيا كل سنة وانتى طيبة دى اول مشاركة ليا وكنت عاوزة اسألك على ماسك بذر القطون للتجاعيد انا عملته زى ماقلتى بالضبط وحطيت ميه سخنه وقفلته وسبته فى الثلاجة لغاية تانى يوم بس المية زى ماهى مش اتحولت الى جيل لكن بذر القطون نفسه زاد حجمه جدا واصبح لزج زى الجل هو كده مظبوط ولا الماسك مش اتعمل صح

=======================
رد بص وطل :
صديقتى الماسك كده صح لأنه فعلاً لازم يتحول جل .

انا شعرى بايظ اوى حسة انه محروق اوى بمسك الشعرة احس انها مكسرة مع انى كان شعرى ناعم معتش كده خالص انا كنت وانا صغيرة كويت شعرى بس ده كانت مكوة تحطها علي النار وتكوى حسة ان شعرى ادمر خالص لا زيت جوز هند نافع ولا اى حاجة نافعة معاة وبذات في الحر بقي اسوء معتش طيقاة بقص اطرافة كل فترة ومفيش فايدة قصيتة كتير قبل كده ومش اتصلح انا استخدمت قبل كده كريمات فرد من زهقي منه حسيت انه كسر اوى نفسى يرجع تانى شعرى اسفة علي الاطالة

====================
رد بص وطل :
صديقتى كريمات الفرد دى مضرة جداً للشعر إنتى لازم تبدئى فى إستخدام الماسكات الطبيعيه وتستمرى فى إستخدامها فترة عشان تحسى بالنتيجه .

كل سنه وانتى طيبه يارانيا وكل اسره بص وطل بخير يارب دايما بجد بشكركم على كل المعلومات فى مختلف المجالات اللى بتقدموها بليز رانيا عاوزة اسالك على نوع بنج احطه قبل السويت للاماكن الحساسه ويكون امن تماما وميرسى بجد

=====================
رد بص وطل :
صديقتى إنتى ممكن تستخدمى بنج املا .

هاى رانيا حبيبتى عاملة ايه؟ كل سنة وانتى طيبة انا عايزة منك وصفة لتعطير المنطقة الحساسة وكمان تنطيفها بحيث تبقى المنطقة كلها ريحتها حلوة وفواحه وكمان عاوزاكى تقولي لى ازاى اعطر الاحذية بتاعتى شكرا حبيبتى بس ياريت تردى عليا

=======================
رد بص وطل :
صديقتى أهم حاجه النظافه الشخصيه وإنك تستحمى مرتين فى اليوم وكمان إنك تستخدمى الملابس القطنيه وتغيرها بأستمرار وممكن تستخدمى لوشن زيت اللوز والورد لتعطير .

ازيك يارانيا عامله ايه لو سمحتى يارانيا انا فرحى يوم9/25 وكنت عايزة اسألك كام سؤال اولا انا شعرى مقصف وبيهيش وكنت عايزة ماسك للشعر ممكن يقلل المشكله دى شويه قبل فرحى واستعمله كام مرة فى الاسبوع لانى كنت بروح للدكاترة وللاسف مفيش اي نتيجه ثانيا ماسك الردة والترمس استخدمه كام مرة في الاسبوع .

====================
رد بص وطل :
صديقتى ألف مبروك مقدماً وبالنسبه لشعرك إنتى ممكن تعملى ماسك المايونيز والكاموميل لعلاج مشكلة التقصيف أما بالنسبه لهيشان الشعر ممكن تعملى حمام زيت جوز الهند أو السمسم وماسك الترمس والردة ممكن تعمليه مرتين فى الأسبوع .

انا كنت عايزة اسال مين الاقوى ماسك السنفرة دة؟ ولا كريمات السنفرة زى دوف وكلين اند كلير وميرسي خالص

==========================
رد بص وطل :
صديقتى العزيزة السنفرة الطبيعيه زى سنفرة السكر وزيت الزيتون غير السنفرة الجاهزة وممكن تستخدمى منها الماركات المضمونه زى دوف .

كل عام وأنت بالف خير رنووووش وينعاد عليكي بالصحة والسلامة تسلمي عالحصة الرائعه ودايما بنستناكي بدي أسألك عن السمار حوالين الفم هو خفيف وبشرتي شاحبه شو اعمللها وغير هيك بدي اسالك عن نفخ الخدود كيف انفخها شاكرك كتير كتييير ورمضان كريم.

=======================
رد بص وطل :
صديقتى السمار ده ممكن يكون بسبب نقص فيتامينات وكمان ممكن تستخدمى الماسكات الطبيعيه لتفتيح وإدهنى المنطقه دى بزيت اللوز الحلو وبالنسبه للخدود تابعينا وهتلاقى كل اللى إنتى عايزاة قريباً .

لوسمحتى يارانيا انا شعرى ناعم الحمد لله بس فى الصيف هايش جدا جدا عايزة كريم تصفيف كويس لانى بشتغل ومش باعمل الماسكات دى يعنى لازم حاجه جاهزة على طول

======================
رد بص وطل :
صديقتى العزيزة إنتى ممكن تستخدمى سيروم زيرو فريز .

رانيا ازيك, انا خطوبتي بعد العيد ان شاء الله ومش عارفه اعمل ايه ابتدي في ايه شعري مقصف, السواد اللي تحت الابط وبين الفخذين , وعند الكوع اسووود جدا وفيه حبوب كتير وانا بيضه ومش عارفه اجيب فستان الخطوبه لونه ايه, أنا جسمي فاضي جدامن فوق ومن منطقه الهنش والفخذين مليانه ممكن تقوللي لي ممكن يكون موديل الفستان ايه ولونه والميك اب ممكن يكون ايه ساعديني بليز انا نفسيتي تعبانه ومحتارة ومش عارفه اعمل ايه بس البركه فيكي يا رنوش وكل سنه والامه كلها بالف خير ميرسي يا راانيا

=========================
رد بص وطل :
صديقتى العزيزة ألف مبروك مقدماً إنتى ممكن تعملى ماسك المايونيز عشان مشكلة تقصيف الشعر وبالنسبه للسواد اللى جسمك إستخدمى الليفه العاديه مرتين فى الأسبوع والليفه المغربى مرتين فى الأسبوع وممكن تعملى سنفرة الملح والليمون وتابعينا دايماً على قمر 14 هتلاقى كل اللى إنتى عايزاة .