جمالك بالألوان مع جيلان.. أحدث موضة في السواريهات

ممكن أعرف ياجيلان لبسك التحفه ده بتجبيه منين لأنة فعلا شيك ومحترم؟

=========================
رد بص وطل :
صديقتى العزيزة دى أرقام تليفون محل الملابس وممكن تتكلمى وتسألى على اللى إنتى عايزاة ست الحسن تليفون 0101438919، وريحانة تليفون 0122808115 .

جيلان مش أى حاجه هتكتبيها هتنزلى هنا مكان ماأنا بكتب على صحه وجمال على صفحه رئيسيه لبص وطل ولاإيه عشان كلمه قمر 14 اللى إنتى بتقولى عليها دى فيها كل القديم لكن الجديد هينزل على الرئيسيه للبص وطل صح ولأ.

============================
رد بص وطل :
صديقتى العزيزة بصى إنتى هتلاقى كل موضوعاتى الجديدة على رئيسيه صحه وجمال .

هاى جيلان بجد معجبة جدا بتصميمات الفساتين فهل ياترى لو طلبت منك تقوليلىهل ممكن اجيلك وتصمميلى فستان زى الفوشية ولا مينفعش وهل هما معروضين للبيع أم لا وهل طرح الاسبانش تليق مع الوجة الطويل لان أنا وشى طويل وكتير من أصحابى بيقولولى إنتى وشك طويل ولو سألتى حد خبير هيقولك بلاش مع ان وشى صغير مع الطول وبجد شكرا

======================
رد بص وطل :
صديقتى العزيزة أنا خبيرة تجميل، وبالنسبه لسؤالك عن الفاستين دى إنتى ممكن تكلمينى وهقولك تجبيهم منين وده رقم الموبايل 0123418020، وبالنسبه للربطه الأسبنش فهى هتليق عليكى بس لازم تربطيها بطريق معينه وهتلاقى فى الأعداد القديمه ربطات مختلفه ممكن تختارى منها المناسب معاكى .

السلام عليكم إزيك ياجيلان أنا معجبه بيكى أوى بس ياريت سؤال أنا كتب كتابى قرب وجيبت فستان أخضر بترولى ياريت الحجاب يكون لونه إيه؟ ولفه الحجاب عادية ولا منفوشة؟ والميك أب ألوانه إيه علشان أنا محتارة أوى ياريت الافادة؟ وشكرا أوى ليكى.

=======================
رد بص وطل:
صديقتى العزيزة ألف مبروك مقدماً، وبالنسبه لربطه الطرحه فاهى بتكون حسب شكل وشك إذا كان مليان ولا لأ، أما بالنسبه للألوان الطرح فإنتى ممكن تلبسى كذا لون وتدخليهم مع بعض زى الأسود والفضى والبترولى، وبالنسبه للميك أب فمش لازم إنك تستخدمى نفس لون الفستان ممكن تستخدمى ألوان فاتحه وكمان ممكن تستخدمى النحاسى وكمان الدهبى .

هاي يا جيلان يارب تكوني كويسة كنت عايزة أعرف رأيك في ماركة حمام كريم أسمه فاشكول كويسة ولا لأ وكمان في دكتورة صيدلانية قالت لي إن سيروم زيرو فريز حلو وبيعالج الشعر المقصف الكلام ده مظبوط ؟

=====================
رد بص وطل :
صديقتى العزيزة بصى أفضل ماركات حمام الكريم لوريال ودوف، وبالنسبه لسؤالك عن الزيزو فريز فهو كويس فعلاً وممكن تستخدميه .

هاي لو سمحتي أنا نفسيتي تعباته أوي أقعدت فتره في الشمس وشي أحمر أوي بعدين قلب علي سمار أنا بشرتي بيضه بس بيقيت بشرتي أغمقت اوي لو سمحتي عاوزه علاج لوشي عاوزه بشرتي ترجع زي الاول لو ماسك كويس تديهولي .

==========================
رد بص وطل:
صديقتى العزيزة بصى أهم حاجه إنك تستخدمى صن بلوك قبل ماتتعرضى للشمس، وبالنسبه لماسك التفتيح فإنتى ممكن تستخدمى الماسك ده ومكوناته:زبادي+ليمون
الطريقة:حطى نقطة أو اثنتان من عصير الليمون على الزبادي
وبعد كده حطى الخليط على وشك لمدة ساعتين لحد ما ينشف الماسك وبعد كده إشطفي وشك بالميه .

السلام عليكم شكرا على اهتمامك وردك على سؤالى من فضلك ممكن طريقة للتواصل مع حضرتك مثل الميل وشكرا .

=========================
رد بص وطل:
صديقتى العزيزة إنتى ممكن تكلمينى وتسالى على اللى إنتى عايزاة، وده رقم الموبايل 0123418020 .

إنتي تجنني ياجيلان كنت عايزه اسألك عن كيفيه ترطيب الشفاه وإنها تبقي ناعمه علي طول وفيها حيويه وميرسي جدا ليكي.

========================
رد بص وطل :
صديقتى العزيزة بصى ممكن إنك تستعملي الفازلين الطبي وتدهنيه كل يوم على شفايفك كمان زبدة الكاكاو طريقة طبيعية لعلاج مشكلة تشقق الشفاه وكمان ممكن تحطى ميه ورد أو زيت الزيتون كل يوم قبل ماتنامى وكمان لازم تستخدى ماركات مكياج مضمونه .

السلام عليكم جيلان إنتي بجد سكر جدا وبحبك موت...لو سمحتي كنت عايزه اسألك علي كريم النهار واليل والماركات الكويسه من الكريمات دي وطريقه استخدامهم؟

=======================
رد بص وطل :
صديقتى العزيزة بصى كريم الليل والنهار مهم جداً للبشرة، ودى أفضل الأنواع اللى ممكن تستخدميها وإنتى مطمنه لوريال، نيفيا وكمان منتجات أوريفلام كويسه جداً وممكن تستخدميها وإنتى مطمنه .

مساء الخير عليكى يا جيلان اسمك حلو اوى أنا أتعقدت عايزة البس شيك ومش عارفه دولابى مليان هدوم وحاسه إن معنديش حاجه البسها زهقت أوى ممكن تقولي لى على كام مكان كده أجيب منهم لبس عشان أكون شيك ومتميزه كمان أصلى بحس لما أمشى فى الشارع إن البنات كلهم لابسين زى بعض ومش حلو والمحلات أكنهم بيعملوا إتفاق يحطوا نفس الحاجه حاجه توجع القلب قولي لى باه تكسبى فيى ثواب بس خلى بالك منى فى الاسعار تكون كويسه مش هقوللك رخيصه لا ماهو ده مالى الشوارع والمحلات واللى عايز يلبس ويتشيك يكيش صح؟ بس مش فى العالى أوى أوى أشكرك.

========================
رد بص وطل:
صديقتى العزيزة بصى إنتى ممكن تشترى من المحلات التجاريه الكبيرة وكمان ممكن تفصلى لو فى موديل معين إنتى عايزاة عشان مايكونش السعر عالى عليكى .

السلام عليك إزيك ياجيلان أنا بشرتى دهنيه وعايزة ماسكات مفيده ليها لان فرحى كمان شهر.

========================
رد بص وطل:
صديقتى العزيزة ألف مبروك مقدماً بصى أهم حاجه عشان تهتمى ببشرتك الدهنيه إنك تستخدمى منظف مناسب للبشرة الدهنيه زى نتروجينا، أما بالنسبه للماسكات فالماسك ده كويس جداً ومناسب للبشرة الدهنيه ومكونات: ردة+ ميه ورد.
الطريقة: ضيفي ميه الورد للردة لغاية لما تلاقيها على شكل عجينة حطيها على وشك ورقبتك لمدة ربع ساعة وبعد كده إغسلى وشك كويس بالميه وكمان ممكن كل يوم تغسلى وشك كل يوم بميه الورد لأنها مفيدة جداً للبشرة الدهنيه.

very good

بجد مش عارفين نقول لك ايه للنصايح وانك كمان بتقولى منتجات ميرسى ليكى جدا بس مش رديتى عليّ فى حوار منطقه الرقبه عندى مسمره انا محجبه بس هى مسمره عكس لون جلدى وكمان رقبتى استخدم ايه طبيعى وبرضه لو منتجات وعايزه اعمل عندك الكيراتين ياريت رقم موبايلك لانك اكتر حد ممكن تكونى مضمونه.

==============

رد بص وطل:
ميرسي ليكي جداً صديقتي العزيزة على ثقتك فيا واتمنى أكون دايماً عند حسن ظنك بيا، ويا ريت تتابعينا لإن هيكون عندنا مفاجآت جامدة جداً لكل بنات قمر 14 عن العناية بالبشرة والشعر بطرق طبيعية.. فانتظرينا، وبالنسبة للكيراتين فأنا مش متخصصة في الشعر أنا خبيرة ميك اب ولفات طرح.

جيلان ميرسى اوى اوى على كل الحاجات الحلوة دى انا بعت لك قبل كدة والرد ماوصلش ياريت تردي عليّ انا كنت بستعمل زيت كان دكتور الجلدية كاتبه لى اسمه ماجيك اويل وقالى كل يوم استعمله لمدة 6 شهور وما اغسلش شعرى غير مرتين فى الاسبوع هو لقيته بقى كويس معايا وشعرى اتعدل شوية بس الفترة دى شعرى بقى يقع جامد بطريقة بشعة وبقى يقصف من تحت رغم انى بستعمل الزيت دة بقالى 3 سنين لما لقيته كويس ياريت تقولى لي انقذ شعرى ده إزاي لحسن انا هتجنن عليه وفى معلومة انى لما بستعمل بديل الزيت بتاع بانتين بيوقع شعرى كله من جذوره ووحش اوى بيهيش شعرى اسفة للاطالة ياريت ترد عليّ ميرسى أوي.

===========

رد بص وطل:
صديقتي العزيزة أنا رديت على سؤالك قبل كده بس ممكن تكوني مش عارفه توصلي للرد، وعموماً الأفضل إنك تواظبي على نصايح وإرشادات الدكتور لإنه هيبقى عارف حالتك أفضل، مع مراعاة التغذية الصحية والسليمة والمتوازنة ويا ريت كمان تتابعينا وقريب جداً هتلاقي أعداد متميزة وجديدة عن العناية بالشعر والبشرة بطرق طبيعية.

السلام عليكم بعد اذنك انا جبت ماركة بودرة وكريم أساس اسمهم golden rose دى كويسة للبشرة الدهنية وعايزة ماسك ينظف البشرة الدهنية تنظيف عميق شكرا ليكى سلام عليكم.

============

رد بص وطل:

ماركة البودرة دي كويسة ويا ريت تتابعينا وإن شاء الله هتلاقي إجابة لكل الأسئلة اللي إنتي عايزاها بخصوص العناية بالبشرة والشعر قريب جداً.

هاي جيلان انا محتاجه مساعدتك جدا ارجوكي الحقيني انا شبكتي في شهر 11 عندي مشكله جامده جدا اني لحد دلوقتي ماشترتش فستان ولا حجزت ولا اي حاجه عاوزه اعرف انهي انسب اشتري ولا افصل ولا آجر انا جسمي مليان وخصوصا عند منطقه الصدر والذراعين وسمراء قولي لي انهي موديل ممكن يناسبني ويلم جسمي وانهي لون ممكن يليق عليّ بخصوص الفستان والايشارب وانهي لفه ممكن تليق عليّ وماتكبرش سني انا وشي مدور انا خطيبي بيحب اللون البرونزي جدا وعاوزني اجيب فستان باللون ده هل اللون ده يليق عليّ ومش هيسمرني سؤال تاني وانا اسفه بتعبك بس ممكن تقولي لي علي اسماء محلات بتبيع فساتين شيك للمناسبه دي ويكون فيها مقاسات كبيره وموديلات حديثه سواء اشتري او اجر وياريت لو تفيديني بمتوسط اسعارهم انا متشكره جدا واسفه ان كنت طولت بس انا مش لاقيه حد يفيدني.

=================

رد بص وطل:
صديقتي العزيزة ألف مبروك مقدماً وربنا يتمم لك على خير إن شاء الله وتقدري تكلميني على رقم التليفون ده وتسألي على كل اللي إنتي عايزاه والرقم هو 0123418020

ازيك يا جيلان صاحبتى عندها مشكله قولت لها مافيش غير جيلان هى اللى هتحلها هى قصت شعرها بس للاسف اتقص قوووى وهى اتضايقت عايزه حاجه تطوله بسرعه عشان تنزل الجامعه.

===============

رد بص وطل:
ميرسي ليكي صديقتي العزيزة على ثقتك فيها، لكن الشعر له معدل بيطول به وبيختلف من شخص للتاني لكن كل اللي عليها دلوقتي إنها تهتم به وتعمل له حمامات كريم مغذية وتهتم بتناول الأكل الصحي والمتوازن ويا ريت تتابعينا لإن الفترة الجاية هيكون عندنا أعداد كتيرة عن العناية بصحة البشرة والشعر بطرق طبيعية.

عزيزتي جيلان دي اول مره اكتب لك فيها وعايزه اسال عن طريقه طبيعيه وامنه لفرد شعري خاصه انه مجعد جدا وقصير قوي طول شعر الفنانه شيرين وهو طبيعته كده لان والدتي من اصول غير مصريه وشعرها كده وحاولت فرده بالحنة قبل كده بس مش نفعت قوي وبقي شكله وحش وكمان عايزه اعرف استخدم كريم ايه غير فاتيكا وياريت تردي عليّ بسرعه وميرسي علي وصفاتك الجميله.

================

رد بص وطل:
أهلاً بيكي صديقتي العزيزة ونتمنى إنك تتابعينا على طول وبالنسبة لسؤالك فإنتي ممكن تلجأي لفرد وعلاج الشعر بالكيراتين وتعمليه عند كوافير معروف ومضمون علشان تكوني متأكدة إنه بيستخدم النوع الأصلي.

جيلان الحقينى انا عندى فرح في شهر 11 فرح بنت عمى ووشى بقى كل ما اجى احط كريم اساس او بودره مائية بيبقى من عند فمى مقشر كده فى مناطق جمب الفم على طول اعمل ايه وايه رايك فى الصن بلوك بتاع ماى واى فى البورشور بتاع سبتمبر هو رخيص شويه بس ايه رايك.

===========

رد بص وطل:
صديقتي العزيزة لازم تهتمي جداً بترطيب بشرتك بالكريمات المرطبة وخصوصاً في المناطق دي، وكمان تهتمي بشرب المية وتنظيف البشرة كويس وطبعاً ماتنسيش إن نوع كريم الاساس لازم يكون كويس وغالي علشان يديكي نتيجة كويسة، أما بالنسبة للصن بلوك فممكن تستعملي أنواع زي لونا أو ماش أو بايوديرما.

sorry mad.gaylan but i called you many time at this no whice you wrote it her up and tell me it's wrong no
how can i join you????

=============

رد بص وطل:
صديقتي العزيزة تقدري تبعتي السؤال اللي إنتي عايزاه على قمر 14 وهتلاقي الرد عليه في أسرع وقت إن شاء الله.

ازيك يا جيلان انا عايزة اعرف ازاي اهتم بالمنطقة اللي حول العينين واحميها من التجاعيد خصوصا ان معظم الكريمات بتبقى لفوق 30+ فياريت لو في حاجة طبيعية، سؤال تانى حمامات الكريم بتتحط بعد ما باحط الشامبو ولا قبله معلش بتعبك معانا بس عايزة اقولك ان كل البنات بتحبك اوووووي ربنا يكرمك.

==============

رد بص وطل:
ميرسي ليكي جداً صديقتي الجميلة إنتي وكل البنات اللي بيتابعونا ويا رب أفضل دايماً عند حسن ظنكم، وبالنسبة لسؤالك عن حمامات الكريم فهي بتتعمل بعد ما تغسلي شعرك كويس جداً بالشامبو، أما بالنسبة لمشكلة التجاعيد المبكرة اللي بتظهر تحت العينين فيا ريت تتابعينا لإن قريب جداً هتلاقي أعداد عن العناية بالبشرة والشعر بطرق طبيعية.

هاى يا جيلان يا قمر انا عندى سؤال ليكى اولاً انا عايزة اشترى الباليته بتاعت تصحيح العيوب ومش لقياها خالص ومحدش عارفها اصلا فياريت تقولي لى الاقيها فين واسمها ايه تانى سؤال انا عندى انفى من فوق نازله مسحوبه بس من النصف والجانبين مليانة وانا وشى صغير فعايزة اعرف ازاى اداريها بمصحح العيوب عشان تبان أصغر وميرسي ليكى كتير.

============

رد بص وطل:
الباليتة دي ممكن تلاقيها في الماركات المعروفة زي كيرولان وديور ودي هتلاقيها في الصيدليات الكبيرة زي سيف والعزبي، وبالنسبة لعيوب الانف فدي بتداريها بنظرية الظل والضوء بمعني إنك تحطي درجة أغمق من لون بشرتك على الأماكن اللي عايزة تداريها وتحطي درجة افتح على الاماكن اللي عايزة تظهريها.

إزيك يا جيلان كنت عايزه أسألك ازاى اختار الكونسيلر علشان انا الهالات حولين عيونى خفيفة وايه رأيك في منتجات أوريفليم للعيون ميرسي.

==========

رد بص وطل:
ممكن تحطي كونسيلر أخضر على منطقة الهالات وبعد كده تحطي كونسيلر بنفس درجة لون بشرتك، وبالنسبة لمنتجات اوريفليم فهي كويسة.

السلام عليكم، ازيك يا جيلان لو سمحتي انا قريت في بعض المنتديات ان كريم بانثينول من الصيدلية مفيد جدا للبشرة فانا جبت من الصيدلية بانثينول جيل وقلت اجربه قلت الجيل احسن لان بشرتي دهنية فهل اعتقادي صح وهل الجيل فعلا كويس او الكريم زي ما قريت وينفع استخدمه بالليل ككريم ليلي.

============

رد بص وطل:
كريم بانثينول فعلا كويس لكن ماينفعش إنك تستخدميه إلا تحت إشراف دكتور جلدية علشان يحدد إذا كان مناسب ليكي ولا لأ.

السلام عليكم ورحمة الله وبركاته، ازيك يا جيلان ما شاء الله عليكي وعلى افكارك ربنا يبارك لك يارب، بصي يا جيلان بالنسبة لوصفة الجرجير للشعر اللي قولتي عليها في بعض ردودك لازم تتعمل طازة اول باول ولا ممكن اضربها في الخلاط وبعدين احطها في التلاجة واستخدم منها كل يوم واستخدمها لمدة اسبوع مثلا من التلاجة، وبالنسبة للكونسيلر فيه كونسيلر دوف في السوق ده حلو ولا لأ، وفي ماركة مكياج اسمها لودانمي بصراحة انا جربت الروج بتاعها الوانه جميلة وثابتة حلوة الماركة دي استخدم باقي منتجاتها مع العلم اني مش باحط مكياج بره البيت لإن الزينة بره البيت حرام انا بس باحطها في البيت ومش كتير وجزاكي الله خيرا يا جيلان.

===========

رد بص وطل:
صديقتي العزيزة بالنسبة لوصفة الجرجير فإنتي ممكن تعمليها وتشيليها في الثلاجة لمدة يومين أو ثلاثة لو الجرجير طازة، وبالنسبة لكونسيلر دوف فهو كويس بس تتأكدي إنه الأصلي، أما بالنسبة لماركات الميك اب المضمونة فهي كيرولان وريمال وبورجوا وديور ومادينا

ممكن تقولي لى حمام البخار للوجه بيتعمل ازاى قبل ما اعمل ماسك للرؤوس السوداء.

=============

رد بص وطل:
كل اللي عليكي إنك تجيبي طبق مليان لنصفة بماء ساخن جداً، وتقربي وشك منه بس طبعاً تراعي إنك ماتقربيش أوي وغطي رأسك والطبق بفوطة علشان البخار مايخرجش بره الطبق.

ازيك يا جيلان بالنسبه لحمام الزيت اللى قولتى عليه ممكن استغنى عن زيت جوز الهند واحط زيت زيتون او زيت صبار لو جوز الهند مش بيمشى مع شعرى ولا لازم، واما اجى اغسل شعرى بعد حمام الكريم وحمام الزيت اغسله قووووى واشطفه خالص ولا يادوبك اغسله مرة واحده واسيب الكريم فيه علشان يطريه وشكراااا ليكى بجد انتى ذوق جداااااا.

=============

رد بص وطل:
ممكن تستبدلي زيت جوز الهند بزيت الزيتون أو بزيت الصبار، وبالنسبة لحمام الكريم فإنتي بتغسلي شعرك كويس قبل ما بتعمليه بحمام الكريم، وبعد ما تعمليه بتشطفيه كويس بالمية بعد ما تعمليه من غير ما تغسليه بالشامبو تاني، أما حمام الزيت فإنتي لازم تغسليه بالشامبو كويس جداً مرتين بعد ما تعمليه.

السلام عليكم.. من فضلك عندى استفسار شعرى بيهيش وعشان كده مبعرفش افرده وانا قاعدة فى البيت فبضطر انى المه بمشبك فممكن تقولي لى على طريقة تعالج الهيشان مثل وصفة او حمام كريم او حمام زيت او نوع كريم شعر كويس.

=============

رد بص وطل:
واظبي على عمل حمام كريم لشعرك على الأقل مرتين في الأسبوع ومن أفضل الأنواع لوريال وريفلون وبوناويل، ويا ريت تتابعينا لإن قريب جداً هيكون عندنا أعداد خاصة بالعناية بالبشرة والشعر بطرق طبيعية جداً.

انا فرحى يوم السبت الجاى وعندى اسئلة كتيرة
1- انا سمرة وفستانى ابيض ومحجبة فهل ادخل لون فى الطرحة ولا اخليها كلها بيضة بفكر ادخل فضى او بمبى.
2- ترشحي لى فستان الحنة يكون لونه ايه عايزة حاجة تفتح وشى
3- عايزة اسالك عن وصفة لتفتيح المنطقة الحساسة انا الدكتورة كتبت لى عن بيرلا وبقالى عشرين يوم بستخدمه بس مافيش نتيجة خلى بالك فاضل لى اسبوع بس.
4- انا شعرى طويل وعملت له حنة فرد جاية من السعودية بس حاسة ان النتيجة بطئية جداهو احلو بس مش زى ما كنت متخيلة وعايزة اقصه اعمل قصة شكلها ايه مع ان شعرى طويل ووشى رفيع
5- ايه رأيك فى الحمام المغربى وهل اعمله يوم الفرح ولا قبله بيوم ارجو الرد على اسئلتى انا محتاجة نصائحك.

===========

رد بص وطل:
ألف مبروك صديقتنا العزيزة وربنا يتمم لك على خير إن شاء الله، وبالنسبة للفستان الأبيض ما تقلقيش مش هيسمرك لإن فستان الفرح بينور الوش جداً، وممكن لو عايزة تدخلي معاه ألوان زي الفضي، وبالنسبة لفستان الحنة ممكن تلبسيه لونه بينك او أورانج أو أي لون تحسي إنه بينور وشك وبيليق عليكي جداً، وبالنسبة لفرد الشعر فللاسف حنة الفرد دي مش بتكون طبيعية مية في المية والأفضل إنك في الفترة دي تعملي حمامات كريم وزيت لشعرك، وبالنسبة للحمام المغري فهو كويس جداً وممكن تعمليه قبل الفرح بيومين أو ثلاثة على الأقل.

هاى جيلان انا اول مره ازور الموقع وعجبنى جدا الردود بتاعتك
انا عندى مشكله: كل ما اعمل سويت او ازاله بالكريم ذراعى بيحصل لها التهابات وبيطلع فيها حبوب وبتسيب اثر غامق اعمل ايه عشان ازيل الشعر من غير حبوب واعمل ايه فى الاثار بتاعة الحبوب الموجوده دلوقت؟ كمان انا وزنى 62 وطولى163 يا ترى ده مناسب ولا لا؟ ميرسى جدا واسفه على الاطالة.

==========

رد بص وطل:
أهلاً بيكي صديقتنا العزيزة ونتمنى إنك تكوني صديقة دائمة للموقع، وبالنسبة لوزنك فهو مناسب جداً لإن الوزن الصحي المناسب مع طولك يتراوح ما بين 53 إلى 66 وبالنسبة لىثار الحبوب والحبوب اللي بتظهر بعد إزالة الشعر بالسويت فيا ريت تتابعينا لإن قريب جداً هنقدم أعداد خاصة بالعناية بالبشرة والشعر بطرق طبيعية.. فانتظرينا.

لو سمحتي ردي عليّ ضروري انا وشي ملتهب اوي واحمر اوي من اشعه الشمس عملت زبادي ليمون ماعمليش حاجه نهائي وشي بيوجعني اوي عاوزه طريقه التخلص من احمرار الوجه.

=============

رد بص وطل:
صديقتي العزيزة لازم تستعملي صن بلوك بمعامل حماية قوي قبل ما تتعرضي للشمس بحوالي نصف ساعة وبتكرري دهانه مرة كل ساعتين لو هتقعدي في الشمس لفترة طويلة، ويا ريت تواظبي على ماسكات الزبادي بالخيار وكمان ممكن تمسحي وشك كل يوم بقطنة مبللة بماء الورد لإنها بتمتص التهابات البشرة.

السلام عليكم لو سمحتى انا عايزة اعرف هو الكيراتين بيعمل فى الشعر ايه ولو بيخليه كويس بيبقى لمدة معينة ولا طول العمر... شكرا.

===========

رد بص وطل:
الكيراتين عبارة عن مادة طبيعية بتعوض الشعر عن مادة الكيراتين اللي بتكون موجودة فيه واللي بتخليه ناعم وصحي ولكن الشعر بيفقدها مع الوقت بسبب عوامل وراثية وخارجية، وهو بيستمر على الشعر من سنة ل3 سنوات على حسب النوع اللي هتعمليه، وكمان لازم تتأكدي إنك بتعمليه في مكان مضمون.

ميرسى يا جيلان على المجهود ده بالنسبه ازاى وشى يكون وردى انا سمعت ان الخميرة وماء الورد والردة بتعمل كده طبعا مع الاكل الصحى ده صح ولا لا واعمل ايه في الماسكرا كل اما اجيب واحدة تنشف وارميها قالوا لى احط فيها حاجة مش عارفة ايه هى ولا ارميها ولا اية وبالنسبه لكريم النهار focus حلو ولا وحش انا عارفة الماركات اللى انتى بتقولى عليها بس ده حلو ولا لا وانا للاسف كنت بمسح الميك اب من تحت عينى بطريقة غلط وعرفت انى المفروض اطبطب من بره لجو وطلع لى خطوط تحت عينى وانا عندى 22 سنة ومتضايقة اوى هى مش باينة اوى بس انا بهتم ببشرتى جدا ميرسى طولت عليكى اوى.

==============

رد بص وطل:
بالنسبة لماسك الخميرة قهو كويس وطبعاً زي ما قولتي مع الاهتمام بالتغذية السليمة والصحية، وبالنسبة للماسكرا فإنتي لازم تتأكدي إنك بتستخدمي نوع كويس ومن أفضل الأنواع ريمال وبورجوا وديور وكيرولان وكمان ماسكرا أوريفليم وخلي بالك وإنتي بتستخدميها إنك ما تعرضيهاش للهواء وهي مفتوحة لفترة طويلة، وبالنسبة لكريم النهار اللي إنتي قولتي عليها فهو كويس ويا ريت تتابعينا لإننا هنقدم أعداد كتيرة عن العناية بالبشرة والشعر بطرق طبيعية.

انا فرحى بعد شهر وعندى مشكلة ان فى اماكن غامقة فى جسمى الركبة وبين الفخدين لو سمحتى ممكن حاجة تضيع السمار ده بسرعة مع العلم ان لونى ابيض.

============

رد بص وطل:
ألف مبروك مقدماً صديقتي العزيزة وربنا يتمم لك على خير إن شاء الله وبالنسبة لمشكلة المناطق الغامقة فيا ريت تتابعينا لإن قريب جداً هيكون عندنا مفاجأة هايلة جداً لكل قراء وأصدقاء قمر 14.

الكيراتين ده عباره عن ايه وهل ليه اضرار فى المستقبل بعد كده وايه مكوناته وفوائده.

===========

رد بص وطل:
الكيراتين عبارة عن مادة طبيعية بتعوض الشعر عن مادة الكيراتين اللي بتكون موجودة فيه وبتخليه ناعم وصحي ولكن الشعر بيفقدها مع الوقت بسبب عوامل وراثية وخارجية، وهو بيستمر على الشعر من سنة ل3 سنوات على حسب النوع اللي هتعمليه، وكمان لازم تتأكدي إنك بتعمليه في مكان مضمون.

ازيك يا جيلان يارب تكوني بخير انا عندي خطوبة صديقتي الاسبوع القادم وعملت فستان طبقتين بيج في زيتي غامق، الزيتي هو اللي تحت وكمان هو بدرابيه من فوق بيقولوا هيتخني كتير لاني 60 كيلو وصدري مليان شوية انا اجيب طرحة لونها ايه ونوعها ايه علشان التطريز لسة كمان واعملها ايه انا مش بحب الاسبانش عليّ انا هلفها عادي بس عايزة اعرف الطرحة اجيبها ايه ولو في وصفة سريعة لتشققات الكعبين ياريت تقولي لي ومعلش هو زيت القرنفل احطه واعمل سويت ولا احطه وبعد نص ساعة اعمل سويت.

============

رد بص وطل:
الطرح ممكن تجيبيها بنفس ألوان الفستان زيتي في بيج وخامتها ممكن تكون ستان في شيفون أو على حسب خامة الفستان نفسه، وممكن تلفيها بطريقة عادية لو حاسة إنها بتليق عليكي أكتر ويا ريت تتابعينا لإن قريب جداً جداً هيكون عندنا أعداد عن العناية بالبشرة بطرق طبيعية.

بجد انتى فعلا ذوق ده مش مجامله وده بيخلينا نطلب اكتر معلش انا رقبتى مسوده قوى بعكس لون جسمى عايزه حاجه افتحها بيها وبرضه ركبتى مسمره وكعب الرجل بس الاهم رقبتى مع انى محجبه لو فى طرق طبيعية ياريت ولو للكعب والرقبه حاجه تانى ياريت تقولي لى الطريقتين لكل حاجه لوحدها شكرا قووى.

==============

رد بص وطل:
ميرسي جداً لذوقك يا صديقتي العزيزة ويا ريت تتابعينا لإن هيكون عندنا مفاجآت جامدة جداً لكل بنات قمر 14 عن العناية بالبشرة والشعر بطرق طبيعية.. فانتظرينا.

جيلان معلش لو أنا عاوزه أحجز عندك ممكن أحجز قبلها بقد إيه.

====================
رد بص وطل:
صديقتى العزيزة ده رقم موبيلى ممكن تتكلمى وتسألى على اللى إنتى عايزاة 0123418020 .

هاى يا جيلان بجد احنا تعبينك معانا ربنا يضعه فى ميزان حسناتك ان شاء الله انا سمعت ان فى حاجة اسمها حبوب خميرة بنجيبها من الصيدلية علشان تتخن الوش وتخلى فيه خدود كده لان انا جسمى مليان ووشى رفيع ففي حاجة زي كده فعلا في الصيدليات ولا ايه.

============

رد بص وطل:
حبوب الخميرة فعلا كويسة جداً للبشرة.

ميرسى لردك وطلبى تانى إيه الافضل للشعر عموما فى الاستعمال الزيوت ولاالكريمات أنا بستخدم كريم فاتيكا وبانتين ياريت تقولي لى انهى الاحسن وايه الماركات الكويسه فى الاحسن بس برضو معرفتش إيه اللى يخلى شعرى مفرود مش مموج وده أكتر حاجه مضايقنى ياريت تقولي لى على حاجه تفك تجاعيده وتموجاته وبجد إنتى ذوقك حلو جدا وميرسى ليكى

=======================
رد بص وطل:
صديقتى العزيزة بصى إنتى ممكن تعملى حمام كريم مرة فى الأسبوع وحمام زيت مرة، وممكن تستخدمى كريم بانتين بديل الزيت أو كريم باراشوت، وكمان ممكن تسألى كوافير مضمون عن الكيراتين لأنه بيعالج كل مشاكل الشعر.

ازيك يا قمر ياريت تردى عليه أنا رووس الحبوب عندى حمره وثبتت غير اللى بيطلع كل شويه وشعرى بيهيش قوى وناشف ومجعد اللى هو ملولو قووى ده كل شعرى نفسى تبقى الشعريه مفروده من غير اللولوه وهو تقيل عايزه مسكات طبيعيه وعايزه كريمات اللى تدهن بعد غسله ياريت تقولي لى أفضل نوعيه زيت ولا كريم للدهن العادى ياريت تردى وميرسى جدا لذوقك.

=====================
رد بص وطل:
صديقتى العزيزة بالنسبه لمشكله الحبوب فإنتى لازم تروحى لدكتور جلديه عشان يديكى علاج مناسب للحبوب، وبالنسبه لشعرك فالازم تعملى حمام كريم مرتين فى الأسبوع على الأقل وممكن تستخدمى حمام كريم لوريال وممكن بعد ماتغسلى شعرك تحطى كريم باراشوت أو بانتين بديل الزيت وتابعينا عشان هتلاقى عدد عن كل المسكات الطبيعيه.

هاى يا جيلان بليز ساعدينى أنا شعرى بيقع بطريقة لا تصدق بسبب الصبغة اللى أنا عملتها منذ ثلاث شهور فى مصر علما بأنى موجودة الان فى قطر وكمان اصبح ناشف جدا جدا فاضطريت ان انا اقصة فماذا افعل ولكى جزيل الشكر.

=======================
رد بص وطل:
صديقتى العزيزة بصى إنتى لازم تعملى حمام كريم مرتين فى الأسبوع على الأقل، ودي وصفة هايلة جدا لانبات الشعر ومكوناتها سهلة كل اللي عليكي إنك تجيبي حزمة جرجير وتحطيها في الخلاط مع كوب ميه, وبعد كده حطى عصير الجرجير على راسك وأحرصي على إنه يلامس فروه راسك لان تاثيره يكون في إنبات الشعر وتقويه البصيلات الضعيفه كرري هذه العملية دى كل يوم لمدة 3شهر وهتلاقي نتيجة هايلة جدا، وكمان لازم قبل ماتعملى أى صبغه تتأكدى إن نوعها كويس .

هاى جيلان ممكن سؤال تانى يا قمر أنا نفسى جسمى يبيض زى وشى أنا وشى لونه حلو أوى وكمان خدودى حمرا مع إنى عمله دايت فياريت يا جيلان لو تقولي لى على شاور أو أى حاجه غير الوصفات علشان بتكون صعبه إنك توزيعها على الجسم كله وكنت عايزه إزاى أعالج مشكله تدلى الجفون ياريت تكونى فهمانى بس كده وميرسى لمجهودك .

=====================
رد بص وطل:
صديقتى العزيزة تابعينا وإن شاء الله هتلاقى عدد عن كل الماسكات الطبيعيه اللى إنتى عايزاها.

هاى جيلان موضوعك جميل ومناسب ليه جدا أنا فرح أخويا الشهر اللى جاى وجبت فستان سهرة فضى لوحدة وعايزة أجيب بدى إية رايك اجيب بدى عادى اللى فية لمعة ولا اجيب التل الطرى الجديد ومعلش كمان إيه الوان الطرح اللى تمشى معاة شكرا مرة تانية وتعبتك معايا.

========================
رد بص وطل:
صديقتى العزيزة بصى إنتى ممكن تلبسى بدى تول أو بوليرو وممكن تلبسيه أسود وبالنسبه للطرح فإنتى ممكن تلبسى طرحه ستان أسود وعليها تول فضى .

سوالى التانى معلش خليها عليكى ياريت طريقه لازاله الشعر بسهوله وكمان عدم طلعه بكثره مره أخرى بس بطريقه طبيعيه ومفيهاش ضرر.

=====================
رد بص وطل:
صديقتى العزيزة بصى أفضل طريقه لأزاله الشعر هى السويت، والوصفه دى بتقلل من ظهور الشعر إنقعي ترمس في مية لمدة 6 ساعات وخدي المية بتاعته واحتفظي بيها في الثلاجة وادهني منها على إيديك ورجليك وكل مكان عاوزاه خالي من الشعر واستمري على ذلك لمدة 3 أسابيع يوميا.

ازيك يا جيلان بجد ميرسى ليكى جداا على كل اهتمامك انك بتردي علينا وبتقولي نصايح مفيدة جداً ومن غير كلكعة أنا مشكلتي إن شعرى بيهيش جداااا ومموج على طول اللى هو مجعد، نفسى يبقى مفرود من غير لولوه وتجعيد فى كل شعرى ومن غير هيشان وكمان اخشن انا شعرى تقيل عايزه طرق طبيعيه وياريت كريمات لاستعمال اليومى انا بستخدم فاتيكا وبانتين بس حاسه انهم عادى وكمان بشرتى دهنيه وفى جنب من خدى استمرت فيه الحبوب كانت الاول بتروح وبتيجى دلوقتى على طول وهى من بره حمره مش بثور سوده محمره عادى أنا عندي 19 سنة ياريت بجد تقولي لى نصيحة وبالذات لشعري لإنه مضايقني جداااا وحمام كريم بس ماركة معروفة وشكراً على ذوقك جدااا.

============

رد بص وطل:
بالنسبة لشعرك ممكن تعالجيه بالكيراتين لكن في مكان مضمون وتكوني واثقة فيه، ويا ريت تتابعينا وإن شاء الله الفترة اللي جاية هنقدم أعداد كتيرة عن الطرق الطبيعية للعناية بالبشرة والشعر، أما بالنسبة للحبوب فيفضل إنك تستشيري دكتور جلدية علشان يديكي العلاج المناسب، وبالنسبة لحمام الكريم فإنتي ممكن تستخدمي حمام كريم من لوريال.

إزيك ياجيلان أنا دايما بتابعك لما بتيجي فبرنامج أمينه شلبايه وبشوف لفاتك في مجله حجاب عايزة اسالك إن أنا وزني 71 وطولي 172 وأنا عندي 24 سنه مفروض أبقي كام؟؟ بس المعقول مش عايزة أبقي موديل ولا حاجه وكمان أختي عندها 21 سنه ووزنها 47 وطولها 162 مفروض تبقي كام وتتخن إزاي؟ شكرا ليكي

===================
رد بص وطل:
صديقتى العزيزة إنتى وزنك مناسب جداً، وبالنسبه لأختك فهى فعلاً وزنها قليل فاهى لازم تعمل تحاليل الأول عشان تتأكد إن معندهاش مشكله صحيه وكمان ممكن تاكل أكلات سعرتها الحراريه عاليه زى الشوكولاته والعسل مثلاً .

إزيك ياجيلان دايما متألقه بمواضيعك ومنتظرين المزيد دلوقتى أنا قصيت شعرى ومواظبه على حمام الكريم لبوناويل وكمان جبت مجموعه زيوت علشان أعمل حمام زيت بعد لما بغسل شعرى بلفه طقيه وبعدين بفرده بالمكواه بس مش عارفه ليه أطرافه بتبقى هايشه برضه أفرد شعرى وبيبقى ناعم وعلى طول الاقى الاطراف هاشت إيه الحل؟وبفرده حوالى مره فى الاسبوع معلش أنا مدوخاكى كتير وكل شويه اسألك عن شعرى.

======================
رد بص وطل:
صديقتى العزيزة بصى إنتى لازم تقصى أطراف شعرك عشان الهيشان ده ممكن يكون بسبب تقصيف الشعر وحاولى تقللى من من إستخدام المكواة .