مفاجأة "قمر 14".. جمالك من الطبيعة مع "رانيا"

السلام عليكم أرجوا وضع وصفات لنعومة اليدين باستخدام زيت الجلسرين فأنا عندي جلسرين سائل مكتوب عليه جلسرين طبي وعاوزة وصفه سهلة وبسيطة استخدمها لنعومة اليدين خصوصا في الشتاء
وشكرا.

====================
رد بص وطل :
صديقتى العزيزة تابعينا عشان هتلاقى كل الوصفات اللى إنتى عايزاها قريباً إن شاء الله

أنا حابة الأول أشكر كل العاملين في قمر 14 علي كل النصايح اللى بتقدموها للبنات وكمان اشتراك رانيا معانا ده كمان حاجة كويسه أوي لان الوصفات الطبيعيه بتكون كويسه ومضمونه أما بالنسبة لمشكلتي فأنا نفسي ترودوا عليه فيها والاقي الحل معاكم لاني بثق فيكوا جدا أنا عندي شعيرات دموية أو دوالي في رجلي بس أنا متعقدة منها أوي خاصة إن فرحي كمان ثلاث أو أربع شهور مع العلم إن أنا روحت لدكتورة وقالت لي إن هي مش بتروح بالعلاج لكن العلاج بيوقفه بس وكمان مش هينفع عملية لانها بسيطة فأنا نفسي الاقي حل لاني بجد عملالي حالة نفسية وكنت عايزة اسأل عن زيت الحية لشعر كويس ولاإية والمسكات اللى ابدأ أعملها علشان الفرح لان أنا نفسي اظهر بشكل كويس وياريت تفيدوني بالحاجات دي معلشي أنا طولت وبشكركم جدا جدا .

========================
رد بص وطل :
صديقتى العزيزة زيزي أهلاً بيكى وشكراً على ذوقك وألف مبروك مقدماً وتابعينا عشان هتلاقى الرد على كل اسألتك قريباً إن شاء الله .

السلام عليكم ورحمة الله أنا عندى 26 سنه وسمعت أن فى حلقات عن العلاج بالأعشاب هل فى حل لمنع تساقط الشعر وإعادة نموه وخاصة المشكلة دى حلها للولاد أصعب من البنات .

========================
رد بص وطل :
صديقى العزيز أهلاً بيك تابعنا وإن شاء الله هتلاقى رد على كل أسئلتك دى قريباً .

أنا كنت عاوزة أعرف غسول أو صابونه كويسه للبشره الدهنية ولتفتيحها وكمان عاوزة أعرف نوع بودرة وجه كويسه للبشرة الدهنية ومتكنش بتجير وكمان عاوزة أعرف شامبو كويس للشعر .

=========================
رد بص وطل :
صديقتى العزيزة تابعينا عشان هتلاقى رد على كل أسئلتك أما بالنسبه لسؤالك عن المكياج فادى أفضل الماركات الماكياج اللي ممكن تستعمليها وإنتي مطمنة فلوريل ومادينا وكيرولان وريمال و بورجوا وكريستيان ديور.

أنا أول مرة اشترك في موقع جميل زى ده وأنا بجد معجبه بيه جدا وبشكركم علي مجهوداتكم معانا وربنا يجعله في ميزان حسناتكم
لو سمحتى كنت عاوزة أعرف نوع صابونه كويسه غسول للبشرة ولتفتيجها لان بشرتي كمان دهنية وعاوزة أعرف نوع شامبو كويس للشعر وعاوزة أعرف كريم حلو لبشرتي لترطيبها وتفتيحها وكمان عاوزة أعرف نوع بودرة كويسه لبشرتي الدهنية ومتكنش بتجير أنا اسفة اسألتي كتير بس اكتفي بدول دلوقتي وان شاء الله لما تجاوبيني اكمل اسألتي علي العموم انا اسفة لطول رسالتي واشكرك كتير.

=========================
رد بص وطل :
صديقتى العزيزة أهلاً بيكى وتابعينا وهتلاقى رد على الأسئله دى قريباً جداً .

السلام عليكم أن عندى مشاكل كتيرة جداً ومعقدانى هو فى طرق فعالة لإزالة الخطوط البيضاء القديمة والمسام الواسعة فى الوجه والساقين أن جربت حاجات كتير ومجبتش نتيجة هل فى حل يزيل المشاكل دى وشكراً.

======================
رد بص وطل :
صديقتى العزيزة تابعينا وإن شاء الله هتلاقى حلول لكل المشاكل دى .

لو سمحتي أنا شعري ناعم بس مموج ونفسي يتفرد بشكل طبيعي وأعمل فورم وأفضل مسيباة قدام جوزي لكن للأسف دايما بلمة علشان منظرة مموج ومش حلو والحل معاة هو السشوار أوالمكوة لكن فعلا بتتلف شعري وبتحرقوا علشان كده بطلتهم وبغسل شعري مش أقل من 5 مرات في الأسبوع نفسي في طريقة لف أو كريم يخلي مظهر شعري حلو من غير تموجات أرجوكي قوليلي حلل.

===================
رد بص وطل :
صديقتى العزيزة تايعينا وإن شاء الله هتلاقى رد على كل أسئلتك دى قريباً .

لو سمحتم انا عايزة اعرف الاكلات او نوع الاكل المفيد والمغذى للشعر
لان انا مشكلتى ان شعرى خفيف جداا وبالذات من الامام وبيتساقط بكمية كبيرة يا ريت تفيدونى اعمل ايه عشان اعالج شعرى.

===============

رد بص وطل:
كل اللي عليكي إنك تتابعينا وهتلاقي الحل لمشكلتك في الحلقات اللي هنقدمها على قمر 14.

انا شعرى ضعيف جدا ونفسى فى حل وبيتساقط بطريقة غير طبيعية وقصير أرجوكم ساعدونى الموضوع ده عامل لى مشكله.

===========

رد بص وطل:
طيب تابعينا وإن شاء الله هتلاقي الإجابة على كل أسئلتك في أقرب وقت.

انا بشرتي عادية عايزة اعرف ماسك كويس عشان احافظ عليها من الشمس وعايزة ماسك للبشرة الدهنية.

=============

رد بص وطل:
طيب تابعينا وإن شاء الله نقدم لك الماسكات اللي إنتي عايزاها ونعرف مع بعض إزاي نعتني ببشرتنا.

very nice

انا لسة جديدة فى قمر 14 بس بجد تحفة وكانك عارفة البنات عاوزة ايه وبتعمليه ربنا يكرمك يارب على اللى انتى بتعمليه ده وباذن الله هتابعكم ان شاء الله لانى عندى اسئلة كتييييييييييييرة اوووووى ومحدش هيجاوبنى عليها غير قمر 14.

================

رد بص وطل:
أهلاً بيكي صديقتنا العزيزة وياريت نفضل دايماً عند حسن ظنكم وتابعينا وإن شاء الله تلاقي عندنا الحل لكل مشاكلك مع شعرك وبشرتك وحاجات تانية كتير.

اريد معلومات عن بذر الكتان وفوائده واضراره ومعرفه الاعشاب التى تحرق الدهون وتوثر حقا فى الريجيم thaaaank Youuuuu.

==============

رد بص وطل:
إن شاء الله تلاقي كل المعلومات اللي إنتي عايزاها على قمر 14 في اقرب وقت.

مجهود اكتر من رائع يا رانيا ولو تسمحى تقولي لى حل للنمش اللي بيزيد مع الكمبيوتر لانه واخد جزء كبير من الجمال العام وكمان لو تكرمتى حل لتساقط الشعر وحاجة تخليه يتقل تانى وانا شعرى بين الدهني والعادى وميرسى جدا لجهودك دى.

===============

رد بص وطل:
ميرسي ليكي يا هوبا، وكل طلباتك هتلاقيها مجابة إن شاء الله على قمر 14.

عايزه اسأل عن كريم لتفتيح المناطق الغامقة اسمه moon light
وهل هو فعلا كله من الاعشاب الطبيعية وما بيسيبش اثار جانبية
ولو الكريم بيسيب اثار جانبية.. يا ترى ايه البديل لتفتيح المناطق الغامقة زى الكوع والركبة؟؟ وميرسي كتيييير لبص وطل.

=============

رد بص وطل:
طيب تابعينا وإن شاء الله هنقدم حلول للمشاكل دي بطرق طبيعية جداً تقدري تعمليها في البيت بنفسك وتكوني واثقة فيها.

السلام عليكم ورحمه الله وبركاته بجد موضوع رائع لانى بحب جدا الاعشاب والحاجات الطبيعيه، وان شاء الله متابعه معاكى يا رانيا بس عايزة اسألك سؤال انا عندى 24 سنه وكل ما اعمل سويت فى ايدى بعدها باربع ايام الاقى حكه فظيعه فى ايدى ويظهر حبوب وبقع جامدة جدا وماتروحش غير لما يطلع الشعر وجربت كل حاجه مفيش فايدة زى ادهن بعدها مثلا بماء ورد ونشا وساعات ليمون مفيش فايدة.

===============

رد بص وطل:
ميرسي ليكي يا صديقتنا العزيزة على كلامك الجميل، وإن شاء الله في التفرة اللي جاية هنتكلم عن كل المشاكل دي وهنحاول نقدم لكم حلول لها بطرق طبيعية جداً.

السلام عليكم انا كنت عايزه كريم او بودره او كريم اساس لوجهى عشان يكون كله لون واحد سواء بالنهار او بالليل واسم الماركات واضعهم ازاى ومشكلتى انى بعرق من حوالين فمى وكمان الاسمرار تحت العين نفسى فى نوع كونسيلر يكون كويس صاحبتى بتحط كريم غارنيه وبودره مضغوطه على وجهها هل ده صح وينفعنى ياريت تردى علي وشكرا.

==============

رد بص وطل:
صديقتي العزيزة يا ريت تتابعينا لإن معانا هتعرفي إزاي تعتني ببشرتك بطرقة طبيعية علشان يكون شكلها حلو حتى من غير ماكياج، وبالنسبة للماركات الكويسة فممكن تستعملي كيرولان أو بورجوا أو ديور أو مادينا ولكن لازم تجيبيهم من مكان موثوق منه علشان تتأكدي إن الماركات دي اصلية ومش تقليد.

لو سمحتى عايزة اعرف طريقة لتفتيح المناطق الغامقة فى جسمى سواء كانت كريمات او وصفات طبيعية بس تكون سريعة.

==============

رد بص وطل:
طيب تابعينا وإن شاء الله هتلاقي الإجابة على سؤالك في الحلقات اللي جاية.

السلام عليكم من فضلكم عاوزة اسال عن طريقة اقدر انمي بيها شعري من الامام لانه بينحل وشكلي بجد بيضايقني جدا وحاجة تانية نتقل بيها الشعر شوية لان شعري كتير بيوقع وشكرا ليكم.

=================

رد بص وطل:
كل ده وأكتر هتلاقيه على قمر 14 في حلقات "جمالك من الطبيعة مع رانيا" واللي هتبدأ من يوم الاثنين إن شاء الله.

بجد ميرسى كتير لكم على اهتمامكم بينا وميرسى لرانيا كتير على مساعدتنا لنكون اجمل، بجد رانيا نفسى تساعدينى فى مشكلتى انا كان عندى حب الشباب وعالجته الحمد لله بس طبعآ بعدعذاب وعالجته بالماسكات الطبيعيه لان علاج الاطباء مش بيعمل حاجه بس مشكلتى انى عندى بقع مكان الحبوب وكمان عندى رؤوس سوداء كتير أوى مضايقانى وفى اوقات بتيجى الحبوب دى تانى نفسى اخليها مش ترجع تانى عايزه وصفات سهله.

=============

رد بص وطل:
إن شاء الله الوصفات اللي هنقدمها لكم على قمر 14 تكون سهلة وفي متناول الجميع وتقدروا تعملوها علشان نحافظ على جمالنا الطبيعي.. بس إنتي تابعينا وابعتي لنا دايماً.

ميرسى جدا يا جماعة وعايزين حل للشعر المجعد الهايش الخشن وسمعت عن كويك سموث هل ده حلو ولا لا ياريت تقولوا لى استعمله ولا لا.

==============

رد بص وطل:
إن شاء الله نقدم لكم حلول لفرد الشعر المجعد بطرق طبيعية.

ميرسى ليكى يا رانيا على مجهودك وتعبك معانا بصى اولا ايه رايك فى مجموعة الريفينش من لوريال اللى هي بالتقشير الكريستالى ومعاها الكريم المرطبه؟؟ وهل هو امن على البشره.. انا عندى 28 سنه وبشرتى مختلطه.. فيه ناس كتير بتمدح فيه جدا.. بس انا خايفه استعمله ويدينى نتيجه سحريه زى ما بسمع، وبعد فترة بشرتى تبوظ ويعمل لى حاجات مش كويسه.. شكرا يا قمر.

============

رد بص وطل:
طيب ياريت تتابعينا وإن شاء الله هنقدم لك طرق ونصايح مختلفة للحفاظ على البشرة بطرق طبيعية جداً.. استنينا.

هاى انا اول مرة اشترك وبجد عجبنى فكرة دى جدا.. انا كنت عاوزة اسأل انا شعرى كان طويل قوى واصل لاخر ظهرى وقصيته وطول تانى بس مش بطول بتاع زمان اعمل ايه عشان اطولة تانى.. وهل استخدام البيبى ليس كل اسبوع حاجة بسيطة غلط على الشعر عشان بس لما الفه رولو بس بيهيش لما انزل.. وازاى احميه من التقصيف بتاع الشمس اللى في الجامعة وشكرا ليكم.

==============

رد بص وطل:
صديقتي العزيزة حاولي على أد ماتقدري تقللي من استخدام المكواة وإن شاء معانا هنقدم لك ماسكات طبيعية للعناية بالشعر وتطويله، فانتظرينا.

اهلا بيكى يا قمر انتى احنا مستنين ومتشوقين ليكى جدا
لانى انا عندى مشاكل في شعرى وبشرتى وبجد بدأت تعقدنى وتخلينى اقلل من الخروج تماما

انا بشرتى دهنية وعلى طول فيها حبوب بتيجى وتروح بس لما بغسلها كتير بتنشف وتقشر وشعرى جاف ومقصف عاوزة اعرف ازاى اهتم ببشرتى وايه احسن الماركات فى الكريمات والغسول وانا استعملت انواع شامبو كتير لشعرى بس مفيش فايدة اخر حاجة باستعملها دلوقتىgliss ياترى هو كويس ولا فى حاجة أحسن وياريت الماركات اللى تقوليها تبقى متوفرة بسهولة.

===============

رد بص وطل:
طيب تابعينا وإن شاء الله نحاول نقدم لك حلول للمشاكل دي في أقرب وقت.

سنى 38 جفاف دائم بالبشره والشعر ضعف جدا اعمل ايه ارجو الرد.

==============

رد بص وطل:
يبقى تابعينا وإن شاء الله تلاقي الحل مع قمر 14.

انا فرحانه جدا انك هتكونى معانا وعندى اسئله كتيييييييييييير ونفسى استفاد منك انا عندى جسمى مش لون واحد نفسى اوحد لون جسمى وشعرى خفيف جدااا عايزة حاجه تتقله.

============

رد بص وطل:
ميرسي جداً لذوقك يا دودو ويا ريت تتابعينا وإن شاء الله تلاقي الإجابة على كل أسئلتك.

كنت عاوزه اعرف ايه هو احلى نوع سيرم ضرورى

==============

رد بص وطل:
ممكن تستعملي زيرو فريز أو كريستال.

ارجوكي لو سمحت انا خطوبتي الجمعه 22 وعايزه اعرف ايه الماسكات اللي مفروض اعملها قبل الخطوبه وارجوكي عاوزه اعرف نظام رجيم صحي انا وزني 67 بس عندي كرش وبطن وعايز اخسس المنطقه دي ارجوكي اهتمي بالرساله ضروري قبل الخطوبه ارجوكي عايزه اعرف الارشادات اللي مفروض امشي عليها علشان اهتم بجسمي وبشرتي وشكرا اوي.

==============

رد بص وطل:
ألف مبروك يا ميشو وربنا يتمم لك على خير إن شاء الله، ويا ريت تتابعينا في حلقة الاثنين اللي جاي وهتلاقي فيها نصايح للعناية بالبشرة والشعر، وبالنسبة لشكلة البطن فهتلاقي عدد على قمر 14 عن تمارين رياضية لشد عضلات البطن لكن الموضوع هيحتاج لصبر ومواظبة.

أنا طلبي بسيط جدا هو انى ابقى شكل رانيا موسى. ما اعتقدش اى اعشاب تقدر تعمل كده. لازم ارجع اختار أبويا وأمى من تانى

اهلا يارانيا بيكى
يارب تساعدينا في حل مشكلاتنا
انا شعري جاف وبيقع بكثرة وخف جدا

ana 3ndy 23yrs w bashrty el7 mafhash mshakel bs 3yza a3rf cream moisturizer 7lw w a elrotine elkwess l bshrty ana bst5dem cream neviea w elsob7 w bllel w ba7ot sun screen w b3ml scrub marra f elesbo3

==============

رد بص وطل:
طيب تابعينا وإن شاء الله هتلاقي الإجابة على كل أسئلتك في أقرب وقت.

ميرسى جدا على على الاضافات الجديدة فى موقع بص وطل بس ممكن اعرف اسهل طرق لازالة الشعر من الجسم لفترة اطول.

=============

رد بص وطل: إن شاء الله هنتكلم عن الحلول الطبيعية لكل المشاكل دي بس إنتي تابعينا.

انا عايزة ابقى مشتركة فى الموقع ده لاني متابعاكم من زمان ومش عارفة اوصل لكم ازاى برجاء الرد على رسالتى لانى مش عارفة اوصل لكم خالص ومعجبة جدا بيكم.

===========

رد بص وطل:
صديقتنا العزيزة أسرة بص وطل يسعدها مشاركتك معانا، ونتمنى إنك تتابعينا دايماً ونفضل دايماً عند حسن ظنك بينا، وبالنسبة لموضوع الاشتراك فالموقع مجاني وتقدري تشاركي في أي باب من الأبواب في أي وقت إنتي عايزاه، بنفس الطريقة اللي بعتي لنا بها رسالتك الجميلة دي.

اهلا بيكي معانا ويا ريت تقولوا علي وصفات لتوحيد لون البشرة
لإن انا وشي غامق والوان مختلفة نفسي يبقي لون جسمي الطبيعي
ارجوكم انا تعبت وبقيت بتكسف انزل الشارع.

==============

رد بص وطل:
ميرسي لذوقك صديقتنا العزيزة ويا ريت تتابعينا وإن شاء الله نحاول نجاوب على كل أسئلتك في الحلقات اللي هنقدمها على قمر 14 واللي هتبدأ من يوم الاثنين القادم.

ميرسى لاحلى موقع بص وطل واحنا مستنينكو على نااااااااااااار

شعري مقصف وهايش جدا اعمل ايه.

==============

رد بص وطل:
طيب تابعينا وإن شاء الله تلاقي الحل عندنا في حلقات "جمالك من الطبيعة مع رانيا" على قمر 14.

انا عندى 17 سنة والمشكلةان بشرتى دهنية ودايما يطلع لى رؤوس سوداء وحبوب ولما بخرج فى النهار بيترب وبحس ان وشى بهتان جدا مع انى بكون لسه غسلاه، وبالنسبة لشعرى فهو جاف وبيتساقط كتير وفيه قشرة وكمان ابتدى يخف من ادام اكتر وكنت عايزة اعرف ازاى اعالجه وايه انواع الشامبو وحمامات الكريم الكويسة ليه..

=============

رد بص وطل:
كل الأسئلة والمشاكل دي هتلاقي الحل لها إن شاء الله على قمر 14 مع حلقات "جمالك من الطبيعة مع رانيا".. استنينا.

سورى بس مش دى المفاجأه اللى احنا مستنينها كل ده كلام عام ومعروف فين بقى الحاجات الجديدة عن البشرة والشعر المجعد الخشن بالذات انتم اتاخرتم اوى اوى اوى علينا شعرى خشونته وتجعيدته مضايقانى ولسه معرفتش أى حل غير الكيراتين لإنه مش في متناولى اعمله ميرسى اوى ليكم.

===============

رد بص وطل:
صديقتي العزيزة الحلقة دي مجرد تعريف ليكم عن اللي هنقدمه في الفترة اللي جاية علشان تقدروا تبعتوا لنا أسئلتكم ومشاكلم علشان نقدر نغطيها كلها في الحلقات الجاية واللي هتبدأ إن شاء الله من يوم الاثنين اللي جاي.

احنا كنا مستنيين من الاسبووع اللى فات كان المفروض الحلقه دي تتحط مع الحلقه اللى فاتت يلا خير مش مشكله على العموم مستنيين الوصفاااات وياريت بجد تبقى حلقتين في الاسبوع.

السلام عليكم_ انا فرحى قرب ومحتاجه ماسكات طبيعية للعناية بالبشرة وتفتيح البشرة _ وعندى مشكلة انى شعرى بيتساقط بطريقة غريبة مع انى ماعنديش نقص فى نسبة الحديد عايزة اعرف اتصرف ازاى ولو فى وصفات للاهتمام بالشعر ياريت نعرفها ارجو تفيدونى.

==============

رد بص وطل:
ألف مبروك مقدماً صديقتنا العزيزة ويا ريت تتابعينا لإننا في الحلقات اللي جاية هنقدم برنامج خاص للعروسة هنجاوب فيه على كل أسئلتك.

واخيرا رجعتوا الف مبرووووووووووووك لوللللللللى عموما برضه مستنين المفاجآت ياريت بقى وصفات هيشان الشعر ونفسى شعرى يطول ده غير ماسكات للبشره الدهنيه.

بصراحة احنا اتصدمنا وكنا فاكرين هتبقى احسن اوى من كده انا مش لاقية خالص اى استفادة من الموضوع ده واتقال قبل كده الكلام ده الف مرة.

===============

رد بص وطل:
صديقتي العزيزة ده مجرد مقدمة وتعريف للحلقات اللي هنقدمها لكم في الفترة اللي جاية واللي هتبدأ من الاثنين القادم إن شاء الله، وفي الفتؤة دي هنستني منك كل أسئلتكم ومشاكلكم علشان نحاول نرد عليها كلها من خلال حلقات "جمالك من الطبيعة مع رانيا" على قمر 14.

هى بجد مفاجأة جميلة جدا وشكرا ليكم انا كنت عندى مشكله وهى انا عندى 21 سنه وبشرتى دهنيه وفيها حب شباب وبستعمل ليها علاج وبس الحبوب راحت من أماكن تركت لها آثار غامقة على بشرتى كنت عايزة اعرف ازاى اعتنى بيها وكمان هل الآثار دى هتفضل وشكرا ليكم.

===========

رد بص وطل:
طيب تابعينا وإن شاء الله نقدم حل لمشكلتك قريب جداً من خلال حلقات "جمالك من الطبيعة مع رانيا"

انتم كده بتغيبوا اوى اوى اوى عنا لسه يوم الاتنين كان المفروض يكون فى حل لاى مشكله من اللى هتتكلموا عنها فى الحلقه دى مش لسه يوم الاتنين الجاى ربنا يدينا طولة العمر.

عايزة حل سرررررررررريع للبقع من أثار الحبوب بليييييييييييييز بسرعة.

=============

رد بص وطل:
طيب تابعينا وإن شاء الله هتلاقي الإجابة على كل اسئلتك.

عندى مشكلة منذ سنوات وحاولت علاجها بشتى الطرق ولكن دون جدوى وهى أن المنطقة التى حول الفم أغمق من باقى الوجه وللعلم ذهبت لاطباء وقمت بعملية تقشير للوجه وكان وجهى بعد العملية يرضينى ولكن سرعان ما يعود الوضع لما هو عليه ثم مللت الموضوع وبطلت أجرب أى شئ تانى ولكن هذا لا يمنع إن الموضوع يؤثر على نفسيتى فهل لديكم علاج لمشكلتى.

==============

رد بص وطل:
صديقتي العزيزة طيب تابعينا وإن شاء الله تلاقي حل لمشكلتك مع "قمر 14".

صباح الخير .. بحيي استاذة رانيا طبعاً ونورتي قمر 14 ويارب ما نتعبكيش معانا.. كنت عايزة اعرف هي جيلان خلاص مش هتكون موجودة على موقع بص وطل في قمر 14 ولا ايه؟

=============

رد بص وطل:
صباح الخير عليكي يا ميرنا وميرسي لذوقك، وبالنسبة لجيلان فهي إن شاء الله هتكون موجودة معانا وهتقدم فقراتها على قمر 14.

ينفع كده احنا قاعدين كل ده مستنين وصفات وحاجات كتيرررر فين كل ده على العموم هضيف على اسئلتى انا عايزه حاجه تفتح تحت الابط

==========

رد بص وطل:
إن شاء الله هتلاقي الإجابة على كل أسئلتك في الحلقات اللي جاية واللي هتبدأ من الاثنين القادم.