جمالك من الطبيعة مع رانيا.. لتفتيح الكوع والركبتين وتوحيد لون الجسم

ميرسى قوى ليكى ياقمر جدا بقولك أنا شفت على قناة فضائية للتسوق مكواه سيراميك بتشتغل بالبخار بس هى بجد شكلها تحفة فى نتائجها استخدموها قدامنا فى التليفزيون بصى فيها علبه كده بتضيفى ليها ميه والمية دى مع تسخينها طبعا بتتحول لبخار وكمان المكواه فى اطرافها فرشة باسنان سيراميك بجد نتايجها هايلة ياريت تكون فعلا الحل الامثل لمشاكل الشعر علشان أنا زهقت بجد وسورى على الاطاله وارجو الافادة سريعا بالرد ومييييرسى.

=========================
رد بص وطل :
صديقتى العزيزة السشوار والمكواة مش حل لمشاكل الشعر إنتى لازم تعملى حمام زيت مرتين فى الأسبوع وكمان ممكن تعملى حمام كريم ولو إستخدمتى السشوار أو المكواة يبقى لازم تحطى سيروم قبلها عشان تحفظى على شعرك .

اولا احب اشكركم على المعلومات والموقع الجميل ده..انا عندى مشكله شعرى طويل يصل الى اقل من اخر الظهر ب 10سم تقريبا المشكله انى كل مره اروح اعمل شعرى عند الكوافير بالسيشوار بس بعد ما يخلص بشم رائحه غير مستحبه من شعرى حتى بعد الغسيل..انا غيرت اكتر من 4 كوافيرات وكلهم فى اماكن راقيه المستوى ولكن المشكله ما زالت قائمه..انا لا أعلم سبب هذه الرائحه كما انى لا اعلم كيف اتخلص منها..مع العلم ان وزنى 55 كيلو وسنى 25 عاما وانا لست كثيره العرق..مع العلم ان هذه الرائحه اشتممها بعد الخروج من الكوافير وتبقى بشعرى..

===============================
رد بص وطل :
صديقتى العزيزة المشكلة دى سبببها إنك ممكن تكونى بتسيبى شعرك فترة طويلة ومش بتغسليه لأنه معروف جداً إن السشوار والمكوة بيعملوا ريحه فى الشعر عشان كدة لازم تغسلى شعرك كويس مرتين فى الأسبوع بالشامبو والبلسم المناسب لنوع شعرك .

هاى رونى أنا عايزاكى تقولي لى ماركة شاور تكون حلوة وتدينى لمعة أنا بشرتى حساسة والمفروض اقعد فيه أد ايه ولا كفاية اغسل جسمى بالليفة بس ؟

===========================
رد بص وطل :
صديقتى العزيزة وإنتى بتستحمى بالليفة لازم تستخدمى صابونة أو شاور جل وفى صابون عملناة قبل كدة ممكن تستخدميه ولو عايزة شاور جيل ممكن تستخدمى منتجات دوف أو نيفيا .

هاى رونى انا كنت عاوزة أعرف مكونات ماسك الارز وحبة البركه ده من فضلك لانى بعانى من اسمرار شديد جدا فى المناطق الحساسة

===========================
رد بص وطل :
صديقتى العزيزة إنتى ممكن ترجعى لعدد الروتين اليومى لتفتيح البشرة وهتلاقى الماسك وطريقته .

إزيك يارانيا أنا بحب كل وصفاتك وأستفادت منها وكنت عايزة أسالك على صابونة النشا أو صابونة الارز هل هما بيفتحوا الجسم كذا درجة ولاإيه وكمان إنتى كنتى مرة فى برنامج مع المذيعة رباب على برنامج فى قناة الاسرة والطفل وقلتى إن فيه وصفات بتفتح البشرة درجتين أو تلاتة ممكن تقولي لى الوصفات دى وشكرا ليكى .

==============================
رد بص وطل :
صديقتى العزيزة كل الوصفات اللى عملناها بتفتح وكمان فى الروتين اليومى اللى عملناة للتفتيح ممكن تبدأى تعمليه .

إزيك يارانيا أنا عايزاكى تقولي لى اسم حمام كريم كويس وكريم للشعر كويس وشكرا .

=============================
رد بص وطل :
صديقتى العزيزة إنتى ممكن تستخدمى حمام كريم لوريال، أما بالنسبه لكريم الشعر فممكن تستخدمى بانتين بديل الزيت بس ماينفعش تسبيه على شعرك أكتر من 24 ساعة.

هااااى يارانيا ازيك جزاكى الله كل خير أنا عايزة اسالك بس هل الزبادى والعسل النحل بتزيل الهالات السوداء ولو كده عايزة أعرف أستعمله لامتى

===========================
رد بص وطل :
صديقتى العزيزة إنتى ممكن تعملى ماسك بذر القطون اللى عملناة فى العدد الأول لأنه بيعالج مشكلة الهالات السودة .

هاى رانيا كنت عايزة اسألك عن حاجة أنا شعر مجعد بس فتلته ناعمة أنا عايزة أشترى مكواة شعر سيراميك أو بيبى ليس دة بالاضافة إنى هعمل حمامات زيت مرتين كل أسبوع بس مش عارفة إيه أنسب حاجة إنى أستخدمها فى البيت لشعرى خاصة إن أنا فرحى كمان 3 شهور وياريت تقولي لى ماركة كويسة سواء كان لاستشوار أو مكواة اسفة على الاطالة بس أنا بجد بثق فى كلامك أوى.

===========================
رد بص وطل :
صديقتى العزيزة بصى إنتى لازم تقللى جداً من إستخدام السشوار والمكواة والبيبى ليس وكمان لازم تعملى حمامات زيت كتير قبل وبعد ماتعملى شعرك وكمان إستخدام السيروم بيحافظ على الشعر من أثار السشوار والمكواة.

هاى رانيا بجد وصفاتك كلها روعة وأنا جربت منها وبصراحة مذهلة كنت عايزة اسألك إيه فايدة ماسك التقشير للجسم لانى بشرتى بيضاء بس جسمى بعد الاستحمام بيكون مطلع طبقة زى مايكون فركته بس مش طبقة سودة لابتكون لونها عادى فاتح ومهما فركته مش بتنتهى بتقعد شويه وكمان فى مناطق مش بطولها علشان أفركها ياترى لو أستخدمت ماسك تقشير هيقضى على الطبقة دى ولا إيه؟ وياريت تقولي لى على ماركة ماسك تقشير لان الماسكات بتاعت الجسم دى بصراحة صعبة شويه عليه مش كلها بعرف أعملها وأسفة على الاطالة .

=============================
رد بص وطل :
صديقتى العزيزة ماسك التقشير كويس وممكن تستخدميه بس أهم حاجة إنك تستخدمى الليفه العادية مرتين فى اليوم وإنتى بتستحمى والليفه المغربى مرتين فى الأسبوع وممكن تستخدمى الصابون اللى بنعمله لأنه مهم جداً لبشرة الجسم وكمان ممكن تعملى ماسك لسان البحر والشوفان وتفركيه على جسمك وهو مبلول .

السلام عليكم إزيك يارانيا أنا عندى سلوليت مع إنى جسمى مش مليان ممكن تقولي لى وصفه مجدية لإزالته.

===============================
رد بص وطل:
صديقتى العزيزة إنتى ممكن تعملى ماسك لسان البحر والشوفان اللى عملناة قبل كده .

سلام عليكم يارنيا عايزة أعرف اشترى ميه الورد من الصيدلية اسمها إيه لان أغلبية الموجودة اسمها ايفا هل هى كويسة ولا لأ وهى مكتوب عليها بتفتح المسام أعمل ايه أرجو الأفادة.

==========================
رد بص وطل :
صديقتى العزيزة ميه الورد الأصليه بتكون شفافة زى الميه وريحتها ورد، وعلى فكرة ميه الورد بتقفل المسام .

أنا عايزة اسئل سؤال واحد بس ليه كل ما أكتب سؤال وابعتوا ولا تردو عليا ولا حتي تجيبوا السؤل حتي ليه أرجو الرد عشان أعرف هل اسئلتي فيها حاجه غلط ولاإيه بظبط وشكرا علي مجهودكوا معايا دة.

===============================
رد بص وطل:
صديقتى العزيزة إنتى هتلاقى الرد على كل المشاركات فى الصفحه بس ممكن تكونى مش عارفة توصلى لمشركتك لأن المشاركات كتير جداً .

ماسك الخميرة بتاع أثار الحبوب بتكون الخميرة بودرة ولاء خميرة عادية اللى هى عملة زى العجينة.

=============================
رد بص وطل :
صديقتى العزيزة إنتى بتستخدمى الخميرة العادية ودى هتلاقيها عند أى فرن .

رانيا إنتي وعدتيني تتكلمي عن تكبير الثدي بطرق ووصفات طبيعية أرجوكي ماتنسيش الوعد ده ومن فضلك محتاجة مساعدتك في حاجة بعيد عن الأعشاب كنت عايزاكي تساعديني محتارة أجيب إيه لصاحبتي في عيد ميلادها مع العلم هي 20 سنة ومش ناقصه اي حاجة خالص يعني مفيش حاجة معينة أنا عارفة إنها محتجاها .

=============================
رد بص وطل :
صديقتى العزيزة للأسف مفيش وصفات طبيعيه للمشكلة دى وأنا ماتكلمتش عن الموضوع ده قبل كدة، أما بالنسبة لصحبتك فإنتى أكتر واحدة تحددى هى بتحب إيه .

ممكن تقولي لي على خلطة لتفتيح الركب لاني أعاني من أسمرار واضح وهل تنصحي بالتقشير والجزمة بتعملي بقع سوداء على الاصابع ياريت تساعديني.

==========================
رد بص وطل :
صديقتى العزيزة العدد اللى إنتى كاتبه مشاركتك فيه هو عن تفتيح الكوع والركب وهتلاقى الماسكات اللى إنتى عايزاها .

تشكري على وصفاتك بس ممكن وصفة للركب والاكواع والابط أعاني من اسمرار شديد وأحتاج لوصفة قوية وسريعة المفعول وكمان مسامات الرجل بعد إزالة الشعر واضحة مع العلم أنا أزيل بالماكينة وشكرررررررراا ليكي...

===========================
رد بص وطل :
صديقتى العزيزة أفضل طرقه لأزالة الشعر هى السويت وإزالة الشعر بالماكينه غلط جداً وبالنسبه للأسمرار ده فأهم حاجه إنك تخدى شاور مرتين فى اليوم وتستخدمى الليفه العاديه والليفه المغربى مرتين فى الأسبوع وممكن تعملى ماسك الأرز وحبه البركه لأنه بيساعد على التفتيح .

إزيك يارونى أنا سمعت من ناس كتير إن الفوط الصحية بتغمق المنطقة الحساسة وفعلا أنا حسة كدة هو بجد ولا بيتهيالى؟

==========================
رد بص وطل :
صديقتى العزيزة العناية الشخصية مهمه جداً وتغير الفوط الصحية بأستمرار وكمان ممكن تستخدمى الفوط الصحيه المناسبة للبشرة الحساسة لأنها بتكون قطن وممكن تستخدمى ماسك الأرز وحبه البركة لأنه بيساعد على التفتيح .

ماشاء الله عليكى إنتى عسولة أوى ولذيذة وكل اللى الوصفات اللى بتقدميها جميلة ومفيدة أنا كنت عايزة اسألك أنا وشى صغير أوى وخدودى مسحوبة جامد فعايزه حاجة تنفخ خدودى وأنا جسمى مناسب مع طولى وسمعت إن زيت الحلبه كويس لكده وعندى حبوب فى وشى بتطلع جامدة أوى وبعد كدة بتسيب علامه سمرا غامغقه واستخدمت ماسك الردة أول ماعملته كان كويس وحسيت إن وشى بقى صافى لكن بعد كده لما أستمرت على أستخدمه ملحظتش إن هو بيعمل حاجه أنا متأسفه إنى طولت عليكى.

==============================
رد بص وطل :
صديقتى العزيزة بصى فى طريقه ممكن تعمليها بتدى حجم بسيط للخدود وهى إنك تحطى بلسم من بتاع الشعر على خدودك وبعد كده بتمسحيه بميه الورد، وبالنسبه لماسك الردة فهو محتاج إستمرار عشان تحسى بالنتيجة .

hi ya rania ,ana s2altek 3la elselolite w2oltely 3la wad3 zeit elloz wd2e2 elshofan , merci 3la radek ana 3awza 23raf zeit elloz el7elw wla elmor
w23od 2dalkha ad eh wasebo ba3d eltadlek wla la2
wkman 23melo kol 2d eh wsorry bgad 3al2s2la elkter

============================
رد بص وطل :
صديقتى العزيزة الماسك دة كويس وممكن تستخدميه وإنتى بتستخدمى زيت اللوز الحلو وبتسبيه لمدة ساعة على الأقل وإنتى بتستخدميه مرتين فى الأسبوع على الأقل .

هل حنة جلورى كويسة وممكن أعرف طريقة إستخدامها وشكرا رانيا كتير على تعبك.

===========================
رد بص وطل:
صديقتى العزيزة الحنة دى كويسة وممكن تستخدميها وطرق إستخدام الحنة كتيرة ممكن تخلطى الحنة بمغلى الكاموميل والخل وكمان ممكن تخلطيها بالليمون والقرنفل .

السلام عليكم ورحمه الله وبركاتة شكرا جدا على المعلومات الى حضرتك بتقدميها أنا عندى مشكله مضياقنى خالص هو إنى فى جسمى خطوط بيضاء شكلها مش حلو إزاى أنخلص منها ياريت حضرتك تردى عليه وتكون حاجه سهله ومضمونه.

============================
رد بص وطل :
صديقتى العزيزة إنتى ممكن تعملى ماسك لسان البحر اللى عملناة قبل كدة لأن الأستمرار على إستخدامه بيعالج المشكلة دى .

إزيك يارانيا أنا عندي سؤال عن البثور السوداء اللي في الوجه وازاي اتخالص منها .

============================
رد بص وطل :
صديقتى العزيزة أهم حاجه إنك تعرضى بشرتك للبخار وتستخدمى صابونة مناسبة مع نوع بشرتك وكمان تستخدمى الليفة المخصصه للبشرة وممكن تعملى ماسك الترمس والردة اللى عملناة قبل كدة .

يارانيا عاوزة اسألك ان ماسك زيت الثوم والجرجير واللوز ريحتهم وحشة أوى لو فى طريقة تخف من موضوع ريحتهم ياريت تقوليهالى لان لما حطيتهم عملوا ريحة وحشة فى راسى حتى بعد ما غسلت شعرى لسة الريحة فى شعرى و شكراااااااا.

=============================
رد بص وطل :
صديقتى العزيزة الثوم فعلاً رحته بتكون جامدة شويه بس هو فعلاً كويس جداً وإنتى بتحطى كمان زيت جوز الهند عشان بيقلل من ريحه زيت الثوم .

hi roony,ana samra we kont 3aweza a2s2al howa el sun block hayfedny fe taftee7 bashrty wala la2 ,merci

=========================
رد بص وطل :
صديقتى العزيزة بصى الصن بلوك بيحمى البشرة من أشعه الشمس وبيحافظ على لونها لكن مش بيفتح البشرة .

إزيك يارنيا بجد حلقاتك كلها تحفه وأنا أستفدت منها كتير
لو سمحتى أنا عايزة اسألك سؤال أنا شعرى الحمد لله فتلته ناعمه بس عيبه إنه بيطول ببطىء أوى وكمان مفرود من فوق لكن من تحت مش مفرود وبيكش يعنى لو طوله تحت الكتف بيكش ويوصل للرقبه لما بلفه بيفضل مفرود شويه صغيره بعد كده يرجع تانى فأنا مش عارفه أعمل إيه وأسفه على الاطاله.

================================
رد بص وطل :
صديقتى العزيزة إنتى لازم تعملى حمام زيت مرتين فى الأسبوع وهتلاقى حمامات زيت فى الأعداد القديمة وتابعينا عشان تعرفى الماسكات اللى هتساعدك إن شعرك يطول .

السلام عليكم إزيك يارانيا ميرسي جدا علي مجهودك الجامد دة بصراحه كل وصافاتك وماسكاتك روعه بس كنت عايزة أعرف هو فعلا حبة البركه بتزود الشعر في الوش .

==========================
رد بص وطل :
صديقتى العزيزة حبة البركة مش بتزود الشعر تماماً .

هاي رنيا شكرا علي مجهوداتك الرائعة وعايزة مساعدتك دلوقتي أنا جبت مجموعة الزيوت اللى فيها الثوم والجرجير وجوز الهند عايزة أعرف بقي أحط علي شعري فوطه سخنة ولا إيه وكمان بزر القطونة لقيت منها المستورد بس مش عارفة هي مفيدة هي كمان ولا إيه وكمان أنا جبت خل التفاح وعايزة أعرف إستخدمة ازاي علي الشعيرات الدموية اللى في الساق وحضرتك قولتي علية لصديقة قبل كدة اسفة لاطالة وارجو الرد علي اسئلتي لاني بجد محتاجة الرد أوي شكرا ليكي.

===============================
رد بص وطل :
صديقتى العزيزة إنتى ممكن تحطى فوطة سخنة مافيش مشكلة، وبالنسبة لبذر القطون المستورد ممكن تستخدميه بنفس الطريقة اللى قولناها، وخل التفاح بتدهنى بيه جسمك وبتسبيه لمدة ساعة على الأقل بس فى ماسك تانى بيجيب نتيجة أفضل وهو ماسك لسان البحر والشوفان اللى عملناة قبل كدة .

السلام عليكم ورحمة الله وبركاته الارز المطحون هل بيتعمل فى البيت وإيه طريقته ولا بشتريه من العطار وفيه طلب معلش لو مكنتيش العدد الجاى هتعمليه لتطويل الشعر فياريت تكتبلنا وصفه كده سريعه لتطويل الشعر لانى قصيت القصه بطريقه وحشه وطبعا شعرى هاش من قدام فعايزة طريقه تطولها شويه بس متكنش فيها حاجه بتقل الشعر وجزاكى الله خيرا .

============================
رد بص وطل :
صديقتى العزيزة إنتى بتجيبى الأرز المصرى وبتطحنه فى البيت، وبالنسبه لوصفات تطويل الشعر تابعينا وهتلاقى كل اللى إنتى عايزاة قريباً .

إزيك يارانيا ممكن تساعدينى كفوف إيديا خشنه جدا كل لما حد يلمسها يقولى ايدك عامله كده ليه مع انى بستعمل دوف المرطب وكريم جلاسوليد لو فى طريقه تنعمهم لانى اتحرجت اوى لحسن يكون خطيبى حس بيهم ومقليش وطريقه الاهتمام بيهم مع العلم إنى بغسل مواعين وبنظف البيت من غير ماغطيهم تانى حاجه انا كان عندى استريتش ماركس عالبطن والذراعات وكان لونهم أحمر استعملت كريم رويال وجاب نتيجه بس الخطوط بقت بيضاء والاكتر فى ذراعى والفخد من فوق وشكلها وحش اعمل ايه؟

============================
رد بص وطل :
صديقتى العزيزة الليمون والجلسرين من الماسكات الكويسه جداً لعلاج مشاكل اليد والقدم، وكمان لازم تلبسى الجوانتى الخاص بالمواعين وكمان تستخدمى كريمات مرطبه على طول، أما بالنسبه للخطوط البيضة فإنتى ممكن تعملى ماسك لسان البحر والشوفان اللى عملناة قبل كدة لأنه بيعالج المشكلة دى .

هاى رانيا أنا بشكرك ع مجهودك معانا بجد أنا كان ليه مشكلة هي نفسي شعرى يبقي ناعم هو فيه كسرة بس مش مجعد نفسي فى اى حاجة تفرد الشعر غير الكراتين وغير الوصفات لان الوصفات صعبة اوى وتاخد وقت طويل والكراتين غالي لو تعرفي كريمات فرد بس تكون كويسة اللى حد ما ومش بتوقع الشعر ياريت تقولي لي عشان فرحي قرب وبجد مضايقة جدا منه ومش عارفة أعمل إيه وشكرا ليكي ياقمر .

===========================
رد بص وطل :
صديقتى العزيزة أنا مش بانصح بأستخدام كريمات الفرد ولا الكيراتين، وممكن تستمرى على إستخدام حمامات الزيت وهتلاحظى الفرق بنفسك .

أزيك يارانيا هو زيت جوز الهند أتجمد معنى كدة ان الزيت مش أصلى ولا أنا أحتفظت بيه غلط هو المفروض أحتفظ بيه فى الثلاجه ولادرجة الحرارة العاديه.

==========================
رد بص وطل :
صديقتى العزيزة زيت جوز الهند مش بتحتفظى بيه فى التلاجه وعشان الزيت يكون أصلى بتكون ريحته جوز هند أوى وكمان لونه بيكون أبيض .

أنا بنت 22 سنه شعرى بيظ خالص مدمر بمعنى مدمر وأنا صغيرة كان ناعم جدا وكويس لكن بعد فتره أتغير خالص ودلوقتى لما بلف شعرى وافكة مش بيتفرد خالص وعيب شعرى إنى لو لفيته وجت عليه ميه بيبوظ ويتجعد معرفش ليه عملت حمامات كريم مفيش فايدة باستخدم كريم hair do استخدمت منتجات كتير ومفيش فايدة شعرى مش بيلمع وبهتان خالص عايزة حاجه ترجعه زى الاول بقى مقصف من الجذور قصيته كتير مفيش فايدة تعبت منه اوى ولو غسلت شعرى ومتلفش لما ينشف بيبوظ اوى انا نوع شعرى الشعرة خفيفه بس شعرى مش تقيل ومش خفيف متوسط معلشى طوالت عليكى أعمل ايه لشعرى .

==========================
رد بص وطل :
صديقتى العزيزة لازم تهتمى بشعرك وتستمرى على حمامات الزيت مرتين فى الأسبوع وفى حمامات زيت كتير عملناها ممكن تبدأى تستخدميها .

إزيك يارانيا معلش بليز أهتمى شويه بالتخن علشان أنا خلاص اتقعدت من نفسى كل الناس بتقولى انتى رفيعا اووى انا وزنى 50 وطولى 173 ومش عارفه اعمل إيه ساعدينى.

==========================
رد بص وطل :
صديقتى العزيزة إنتى لازم تهتمى بنوعيه أكلك وكمان ممكن تكلى العسل الأسود والشوكولاته لأن فيهم سعرات حراريه عاليه وتابعينا عشان هنتكلم عن الموضوع ده قريباً إن شاء الله .

هاى رانيا إزيك معلش تعبينك معانا أنا عايزة أعرف بس أنا عينى مدورة قولي لى المكياج اللى ينفع على عينيا وأعمل مكياج فاتح ولا غامق .

=========================
رد بص وطل :
صديقتى العزيزة أختيار المكياج بيكون حسب لون بشرتك ولون هدومك .

أنا عايزةأبقي صديقة للبرنامج.

======================
رد بص وطل :
صديقتى العزيزة أهلاً بيكى .

أنا أول مرة اتابعك بس بجد عاجبني اللوك ووصفاتك بجد ميرسي ليكي .

هاى رانيا عاوزة اسالك على حاجة هو غلط إنى لما اقوم من النوم اغسل وشى بمياة سخنة لازم مياة ساقعة عشان ميقشرش ياريت تفدينى بالظبط.

=========================
رد بص وطل:
صديقتى العزيزة الميه السخنه غلط جداً على البشرة ولو إستخدمتى الميه السخنه يبقى لازم تحطى لبن على بشرتك بعدها مباشرة

السلام عليكم لو سمحتى كنت عاوزا اسأل عن أنا مرة قصيت شعر حواجبى من الاخر وبقى قصير ولغايه دلوقتى مرضيش يطول ويرجع لطوله الطبيعى مع العلم إنه بقاله شهووور ومطولش زى الاول .

=========================
رد بص وطل :
صديقتى العزيزة إنتى ممكن تحطى زيت خروع كل يوم ومع الوقت هتلاحظى تحسن .

هاى رانيا بجد المساكات كلها ممتازة كنت عايزة اسألك عن حاجة أنا شعرى مجعد وطبعا الفرد مضر للشعر وأنا فرحى قرب وهبقى مضطرة استعمل مكواة أو سشوار لشعرى بعد ماأتجوز ياترى ايه احسن حاجة استعملها مكواة سيراميك ولا سيشوار؟ وياريت تقولي لى على ماركة كويسة تعيش وتكون سهلة فى أستعمالها وتخلى شعرى حلو .

=======================
رد بص وطل :
صديقتى العزيزة ألف مبروك مقدماً وإنتى ممكن تستخدمى السيشوار لأنه أفضل وكمان لازم تعملى حمامات زيت مرتين فى الأسبوع وقبل السشوار ممكن تحطى سيروم على شعرك عشان تحفظى عليه .

هااااى رانيا لو سمحتى فى بطعه طالعلى من الطرحه فى وشى عاملة زى بطعه الانميا كده مش عايزه تروح أرجوكى الرد.

============================
رد بص وطل :
صديقتى العزيزة من الأفضل إنك تستشيرى دكتور جلدية عشان بقعه الأنميا بتكون محتاجه علاج طبى .

هاااااى يارانيا عايزة وصفه لاثار الحبوب.

============================
رد بص وطل :
صديقتى العزيزة إنتى ممكن تعملى ماسك الخميرة والعسل وتابعينا عشان تعرفى الماسك بيتعمل إزاى .

انا بدر البدور من الكويت
انا بشكرك اوي جدا وانا بموت فيكي اوي
والله متشكرة على كل وصفاتك الجميله
وربنا يخليكي
وانا من متابعينك
استفدت اوي منك
وربنا يخليكي

============

رد بص وطل:
أهلا بيكي يا بدر إنتي وكل أهل الكويت، واتمنى إنك تتابعينا وتبعتي لنا دايماً.

هاى رانيا ميرسى على وصفاتك أنا عندى مشكله عندى خطوط بيضاء قى جسمى ومش عارفه أعمل إيه ياريت تقولي لى الحل بليز وشكرا .

============================
رد بص وطل :
صديقتى العزيزة ممكن تعملى ماسك لسان البحر والشوفان اللى عملناة قبل كدة لأنه بيعالج مشكلة الخطوط البيضة.

هاى رانيا إزيك معلش كنت عاوزة اسألك كام سؤال أنا عندى فى إيدى بقع غامقة كدة مخلية منظر إيدى مش حلو وكمان فى رجلى مطرح مابسجد وأنا بصلى وبرجع أعد عليها مخلية شكل رجلى بردو مش حلو خالص ياريت تقولي لى أعمل إية من فضلك .

==============================
رد بص وطل :
صديقتى العزيزة إنتى ممكن تعملى ماسك الزنجبيل اللى موجود فى العدد ده لتفتيح الكوع والركب .

عاى رانيا أنا أول مرة أشوف البرنامج دة وبجد حاسه بندم عشان ماشفتهوش قبل كده ممكن تقولي لى طريقه للخطوط البيضة اللى فى الجسم دى .

=============================
رد بص وطل :
صديقتى العزيزة إنتى ممكن تعملى ماسك لسان البحر والشوفان اللى عملناة قبل كدة .

لوسمحتى يارنيا أنا أشتريت حبة البركة من عند العطار بس مش بودرة شبه العجينة وسودا دى مظبوطة كده ولا إيه لازم تكون بودرة حاجة تانية من فضلك الماسك ده كميتة هتكفى وشى ويفيض ممكن أستخدمة تانى يوم واسخنة قبل الاستخدام ولاهيفقد أهميتة شكرا جزيلا سلام عليكم.

=====================================
رد بص وطل :
صديقتى العزيزة إنتى بتجيبى حبة البركة من عند العطار وتطحنيها إنتى والماسك ده لازم يتعمل يومياً وبعد كده تستخدميه .

بجد يارانيا أنا حبيتك أووووى وصفاتك تجنن وإن شاء الله هعمل على طول الروتين اليومى وهدعيلك باذن الله بس كنت عاوزة اسالك عن نوع شامبو وبلسم وحمام كريم كويس للشعر المقصف أنا شعرى ناعم بس هايش وكمان كنت عاوزة كريم أو زيت تصفيف للشعر كويس يعنى بعد ما أخد شاور أسرح شعرى بايه؟ وكمان عاوزة صابونه للوجه كويسه
تعبتك يارانيا معلش جزاكى الله كل خير يا حبيبتى.

=============================
رد بص وطل :
صديقتى العزيزة أهلاً بيكى بصى كل منتجات بانتين ودوف وهيربل كويسه جداً وبالنسبة لحمام الكريم ممكن تستخدمى لوريال، وبالنسبة لحمام الزيت فى حاجات كتير ممكن تستخدميها بس تكون مناسبه مع إحتياج شعرك وهتلاقى فى الأعداد القديمة حمامات زيوت كتير ممكن تستخدمى المناسب معاكى، أما بالنسبة لصابونة فإنتى بتستخدمى صابونة حسب نوع بشرتك .

شكرا بجد أوى على مجهودك الجميل دة أنا متابعاكى وبجد كل حاجه بتقوليها فى منتهى الجمال .. أنا كان عندى سؤال ليكى ياريت تجاوبينى أنا فرحى فى الصيف إن شاء الله وعندى مناطق غامقه فى الجسم أنا مش عارفه ليها حل ولاهتفضل كدة على طول ياريت تنصحينى أعمل إيه?

===============================
رد بص وطل :
صديقتى العزيزة العناية الشخصيه مهمه جداً وإستخدام الليفة العادية مرتين فى اليوم والليفه المغربى مرتين فى الأسبوع وممكن تستخدمى صابون الأرز اللى عملناة وكمان ممكن تعملى ماسك حبه البركه والأرز المطحون يومياً لأنه بيساعد على تفتيح المناطق الغامقة فى الجسم .

السلام عليكم إزيك يارانيا يارب تكوني بخير بصراحه وبجد كل نصايحك روعه وكل الماسكات اللي بتقوليها تجنن وسهلة بس كنت عايزة اسالك علي ماسك حبة البركة والأرز أنا سمعت إن حبة البركة بتزود الشعر في الوش الكلام ده صح ولا إيه .

===========================
رد بص وطل :
صديقتى العزيزة ماسك حبه البركه كويس جداً، ومش بيزود الشعر خالص .

لو سمحتى كنت عايزة أعرف حل لمشكلتى أنا عندى قشرة وشعرى متقصف من الجناب وبيتساقط وغير كدة أنا بغسل شعرى مرتين يوميا وشكراً.

============================
رد بص وطل :
صديقى العزيز القشرة بيكون ليها أنواع كتير فى قشرة كبيرة وكتير ودى بتكون محتاجه علاج طبى، وفى قشرة موسميه ودى بنعالجها بالماسكات الطبيعيه وفى ماسك عملناة قبل كدة وهو عبارة عن معلقه حمام كريم ومعلقه عسل وتابعنا عشان العدد الجاى هيكون فيه ماسك كويس جداً للمشكله دى .