قليلة جداً الجوازات الناجحة..
مهمتنا ندلكم على النجاح والسعادة اللي تستحقوها..
1- كيف تفقدين حب زوجك؟!
نهدي كل زوجة وصفات "مجرّبة" أثبتت فعاليتها (الجبارة) اتّبعتها زوجات كثيرات، وتناقلن الخبرات فيما بينهن واستفدن من نصائح الصديقات (المدمّرة)، وقمن باتّباعها ولم يتراجعن عنها أبداً، ورفضن (باستماتة) كل التحذيرات، وأغلقن أسماعهن تماماً عن كل النصائح (المضادة)، حتى حققن النتائج (الوحيدة) من هذه الوصفات، ففقدن تماماً حب الأزواج، وانتهى زواجهن إما بالطلاق العاطفي أو الانفصال التام عاطفياً وجسدياً أو بالطلاق الفعلي، أو بالاستمرار في زواج تعيس مع علمهن بخيانة الأزواج وتجاهلهن لهذه الحقيقة لأسباب مختلفة..
لَوي البوز
أهم وصفة مضمونة للتخلّص من حُب الزوج، هي التجهم في وجهه أولاً بأوّل، أو ما اتفق على تسميته بـ"لوي البوز"، وإشعاره دائماً بالذنب والتقصير تجاهك وتجاه أولادك، وبأنه لا يستحق "النعمة" التي وهبها له الرحمن، وبالطبع فالمقصود بالنعمة هي أنتِ شخصياً ولا أحد سواكِ، وأنك تندمين ندماً بالغاً على زواجك به؛ بسبب سوء حظك ودعاء الوالدين عليكِ، وكيف كان يمكنك الفوز بمن هو أفضل منه بمراحل لا توصف، لكنه النصيب، فكما يتعرّض للموت إنسان يسير على الرصيف بعيداً عن منتصف الشارع حتى لا تصدمه سيارة، فإذا بحجر يقع عليه من مبنى قديم فيصيبه في مقتل، وهذا ما حدث معك لسوء حظك ولحسن حظه هو..
أنتَ لا تشعر بي
وبعد (لوي البوز) يأتي حفظ الجملة الآتية وترديدها ليلاً ونهاراً على مسمعه ودون ملل أو كلل وبلا تراجع: "أنتَ لا تشعر بي أبداً".. هذه هي الجملة، ويمكنك إضافة الكلمات الآتية لتصبح أقوى، وهي: "طول عمرك أو منذ أن عرفتك"، وللمزيد من الفائدة: "ولن تشعر بي ما تبقى لك من عمر أيضاً". فبذلك تغلقين أمامه كل الفرص لإنقاذ نفسه.
مش وش نعمة
واحرصي على شتمه بمناسبة وبدون مناسبة؛ بسبب علاقته بأهله وأصحابه، وكيف أنه (مدلوق) عليهم ويمتهن نفسه لإسعادهم، وهم لا يحترمونه ولا يُقدّرون ما يبذله لأجلهم، وأنه رجل (خائب)؛ لأنه يفضلهم عليك، ولو كان ذكياً لقام (بتطليقهم) جميعاً فور زواجه منك، واكتفى بكِ وبأهلك وربما بأصدقائكِ أيضاً، لكنه إنسان لا يعرف أين توجد مصالحه وباختصار (مش وش نعمة).
اسخري من أسرته
ولا تنسي إساءة معاملة أهله عندما تزورينهم، فكما قالت لي إحدى الزوجات، أجلس صامتة على المقعد فلو نطق الكرسي لنطقت أنا، ولم نسمع حتى الآن عن مقعد ناطق..
وأكثري من انتقادهم وإظهار ضيقك منهم وتأففك من كل شيء، بدءاً من مستواهم الاجتماعي، وترتيب منزلهم، ومذاق طعامهم، وسخف مزاجهم، وبشاعة ذوقهم في كل شيء، بدءاً من مكان السكن، ونوع الأثاث، وانتهاءً ببرامج التليفزيون التي يشاهدونها و.. و.. ولا تتركي شيئاً بدون تعليق سيئ، وتنهدي في النهاية لسوء حظك الذي أوقعك في هذه العائلة..
خطط لمضايقة أهله
واسخري من أهله أمام أولادك، وتحدّثي بانبهار عن نفسك وعن أهلك وحرّضي أولادك دائماً أن ينفّذوا أوامركِ وحدكِ، ويحبونكِ أنتِ وأهلكِ فقط، ومضايقة أهله بالفعل وبالقول مع إمدادهم بالخطط الجاهزة لضمان حسن التنفيذ؛ مثل الرد بكلمات مقتضبة أثناء الزيارات، أو تركهم لأداء أية أعمال في المنزل، ويُفضّل مغادرة المنزل لإشعارهم بأنهم غير مرغوب فيهم، فضلاً عن ضرورة الإشادة بما يفعله أهلكِ معهم أمامهم لإشعارهم بالنقص وبالخجل من أنفسهم دائماَ.
سخرية وغلاسة
وتذكّري أهمية السخرية من آرائه سواء أكانت في الدين أم في السياسة أو حتى في كرة القدم، واسخري من البرامج التي يًحب مشاهدتها في الفضائيات، وضايقيه و(غلّسي عليه) والتصقي به أثناء مشاهدتها، ويُفضّل لو كانت مباراة كرة قدم في نهائيات مسابقة مثل كأس العالم مثلاً، أو أن يقرأ مقالاً مهماً لكاتب يحبّه في جريدة، أو منشغلاً بأداء لعبة يُفضّلها على الكمبيوتر.
افرضي نفسك عليه
واقتحمي عزلته وافرضي نفسكِ عليه، واسأليه هل تحبني؟ لماذا تغيّرت؟ أين كلام الحب الذي كنت تغرقني به قبل الزواج؟ ولماذا حظّي أسوأ من كل زميلاتي وصديقاتي؟ وتنهدي بحسرة وارفعي صوتك بحدة وأنتِ تقارنين بينه وبين أزواج كل من تعرفين، وكيف يتسابقون للفوز برضا الزوجات اللاتي يتدللن (براحتهن) ويرفضن منح الأزواج صكوك "الرحمة"، مع أن أقل واحد من هؤلاء الأزواج يفوقه أصلاً ومكانة اجتماعية ومادية، فضلاً عن الوسامة والذوق والأخلاق واللباقة والثقافة و.. و.. و.. وأفضل واحدة من الزوجات تقل عنك في كل المستويات، لكنه "سوء الحظ" الذي أوقعك فيه.
رغماً عن أنفه
واجعليه يستمع رغماً عنه إلى أخباركِ كلها، والتفاصيل الدقيقة "للغاية" عن كل ما فعلتيه في يومك سواء في العمل أو مع الأهل أو مع الأبناء، ويُفضّل لو كان كل ذلك حتى تجهزي عليه تماماً، مع ضرورة أن تحكي له "بانبهار" عن زملائك في العمل، وأقاربك أيضاً، وعن إنسانيتهم وذوقهم ومهاراتهم، وتنهدي بحسرة في آخر الكلام، وأنتِ تقارنين بينه وبينهم.
فليُجبِر أهله
واحرصي على اهتمامك بالوسائل الفعّالة مثل عدم تصفيف الشعر"ويُفضّل نكشه"، ومخاصمة أدوات التجميل، وطرد الأناقة داخل البيت، والحرص على زيادة الوزن، وعدم مصارحته بما يضايقك "وتوقّع" أن يعرفه من تلقاء نفسه، أو أن يأتي إليك يسألك عما يضايقك منه، وأن يتعهد لك بتجنب كل ما يثير غضبك، وألا يكتفي بذلك بل يوصي أولادك بحسن معاملتك وتقدير "تضحياتك" من أجلهم، و"يُجبر" أهله على حسن معاملتكِ، وأن يضعونك في مكانة أعلى من زوجات أشقائه وإخواته البنات أيضاً.
ردّي على الكلمة بعشرة
وقولي له دائماً إنه جعلكِ تعيشين في الهم، وأنت لم تعرفي شيئاً عن الهم قبل الزواج، وأنه تسبب في إهمالك لجمالك ولأناقتك وبدانتك أيضاً، ووجهي له المسئولية عن كل مرض تصابين به حتى لو كان نزلة برد عادية، وحاسبيه على أي تقصير أولاً بأوّل، وركّزي تفكيرك عليه، وإذا قال كلمة قومي بالرد عليها بعشرة على أن تختاريها بعناية فائقة، وكأن كل كلمة خنجر مسموم يصيب في مقتل، وتعاملي معه بمنطق المثل القائل (الغجرية ست جيرانها) ولا تتسامحي معه أبداً.
وتابعينا لتعرفي المزيد من أساليب "تطفيش" زوجك!
ههههههههههههههههههههههههههههه
ههههههههههههههههههههههههههههههههههههههههه
بس المشكله ان كل الستات كده فعلا
ربنا يقدرنا ونتغير
موضوع ممتاز وعرض ممتاز كثير
موضوع ممتاز وعرض ممتاز
كثير من النساء لا تفهم الرجل وهذا سبب اساسي للخلاف
ربنا خلق الرجل رجل والمرأة مرأة
لكل منهم واجب وكلٌ خلق لما يسر له
وهذا لا ينقص من الاثنين أبداً
كالشمس والقمر ، فالقمر يتحكم فى المد والجزر ولا تقدر الشمس ، والشمس تمدنا بالأشعة تحت الحمراء والفوق البنفسجية والقمر لا يقدر
كذلك الرجل والمرأة.
على المرأة عبء كبير لا ننكر وهى بيدها سعادتها وسعادة بيتها
لو (لوت بوزها) واستفزت الرجل بتصرفاتها طبيعي انه حينكد عليها
لكن لو اهتمت به ولامست شخصيته الرجولية ستملكة، فالرجل يحب أن يعامل كرجل وليس كطفل مخطئ! يحب التدليل ويراعي هذا مع المرأة وسيعاملها بالمثل وليس بالتعالي والغطرسة
اذا فعلت ما يحب سيصبح ملكها
لكن تعلم ان (كذا) يغيظه او لا يحبه او يستفز منه ، وتفعله بإصرار غريب!
ما المشكلة لو فعلت المرأة ما يحبه الرجل وتجنبت ما يكره؟
لن تخسر أبداً، بل على العكس تماماً ستكسب كل شئ
زوجة واحدة لاويه بوزها ومنكده عليه وطلبات سخيفة وتقليل من شأنه
رد فعل طبيعي جداً لو جعل حياتها جحيم او هرب منها لأقصى الارض
والرجل تمر عليه ايام يحب ان يخلوا لنفسه ، فيجب على المرأة ان تراعي هذا التوقيت لا تلاحقة بالأسئلة الملحة التى تجعله يكره نفسه
بتفكر فى ايه؟ سرحان فى ايه؟ مالك؟ انت مبتتكلمش ليه؟ هذه الاسئلة تثير أعصاب الرجل أكثر، دعيه يصفوا لنفسه وسيأتي لك هو بنفسه ليبث لكى همه او يستشيرك فيما يفكر لكن امنحيه الفرصة أولاً
من الامثلة الاخرى وهو الزًنْ، الرجل لا يحب المرأة اللحوحة الزنانة
وللأسف تملك المرأة قدرة غير عادية على الزن على نفس الموضوع ليل نهار لمدة 100 عام بلا كلل!
بإختصار وما اود قوله ان المرأة هى من بيدها كل شئ، تملك ان تجعل حياتها جنة أو جهنم، عليها فقط ان تفهم الرجل.
علشان تعرفوا الستات ممكن
علشان تعرفوا الستات ممكن يطهقوا أي راجل أزاي، قريت هذة المقالة التي تكاد تنطبق عليها تماما- تصوروا قالت إيه؟ بلاش تقرأ هذا الكلام ليا واحتفظ بيه لنفسك وماتوجعليش دماغي وماتنكدش عليا ولا تجعلني بطلة أفلامك، عشان تعرفوا أنا عايش مع ست شكلها ايه؟أدعوا لي بالله عليكم بالصبر.
وبكدة يبقى انتى مطلقة مية فى
وبكدة يبقى انتى مطلقة مية فى المية
فعلا الفاضى يعمل قاضى الولاد
فعلا الفاضى يعمل قاضى
الولاد مش سابوا حاجه من البنات
رغى وفراغ
هى البلد خربت من شويه
هو الموضوع حلو جدا ومفيد
هو الموضوع حلو جدا ومفيد للبنات يعنى انا فهمت حاجات منه ان شاء الله ما اعملهاش يعنى مضايقة اهله ومضايقته هو وكمان عدم النضافة ونكش الشعر دى حاجات تفيد انما لازم برضة يبقى البنت عندها رأيها اللى تظهره قدامه ويكون لها شخصيتها عشان لا تبقى مدلوقة علية قوى ويسوق فيها لان ناس كتير بيعملوا كدة ولا تبقى مطفشاه برة البيت وبعدين ايه المشكلة اما البنت تفضل نضيفة فى بيتها وتعمل له حتى يوم فى الاسبوع شموع أو نور هادئ وورد حتى وردة واحدة وتلبس شيك وتقعد بمظهر نضيف وتتناقش معاه فى اللى بيضايقها هتلاقيه هو كمان بيناقشها فى اللى مضايقه يعنى ممكن هى اللى تجرجره الرجل على فكرة لو عرفتى تفهمية هتلاقيه بيبى خالص وطيب بس دة لو فهمتيه بصراحة انا لسة ما اتجوزتش ونفسى اعمل دة مع جوزى بس اما بقول دة قدام وحدة متجوزة تقول لى وانتى هتفضى للكلام دة دة انتى هتبقى قرفانة من العيال والشيل والحط والتنضيف كلنا كنا بنقول كدة قبل الجواز ودلوقتى اهو بالطرح وشكلنا يقرف هو ده فعلا حقيقة ولا اييييه؟
انتوا ناوييين على خرابها بجد
انتوا ناوييين على خرابها بجد بقى فكرتينى بمارى منيب اسمعى كلامى انا انا امك مدوباهم اتنين هههههههههههه
السلام عليكم ورحمة الله
السلام عليكم ورحمة الله وبركاته
انا عايز اقول ان الستات هما النص الحلو في حياتنا وهما اجمل شي موجود في حياتنا وعايز اقول لكل ست متجوزة انتي اللي في ايدك تخلي حياة جوزك جنه وفي ايدك تخلي حياته نار بشكلك واسلوبك ومعاملتك وكمان الرجل هو اللي عليه العبء الاكبر لانه هو اللي يخلي الست طايرة في السما او واقعة علي الارض لو كل راجل جه علي نفسه شوية والستات يقدروا كده هتبقي الحياة جميلة واهم حاجة عشان الاتنين مايحسوش بملل من الحياة الزوجية التجديد الواحد لازم يعمل كل قترة حاجات جديدة هو ومراته عشان الحياة تبقي فيها طعم جديد والحمد لله اني رزقني بزوجة صالحة عوضني بيها عن كل شي وحش.
طب قولوا لنا نعمل ايه حتى كل
طب قولوا لنا نعمل ايه حتى كل الحاجات الكويسة بنعملها وبرضه مش عاجب اصلا معظم الرجالة ما بيقدروش اللى بتعمله زوجاتهم عشانهم وياريت تشوفوا اخطاء الرجالة هتلاقوها اكتر بكتيييييييير من اخطاء الستات.
هو ايه لازمة الموضوع دة!!
هو ايه لازمة الموضوع دة!! ...دة هيخلى اللى مبيعملش كده يعمله
انا من رايى يبقى بداله نصايح جميلة لعدم تطفيش الزوج او الزوجة...انا اتعقدت كده:(
بجد كلام صح وحسيته اوى مع
بجد كلام صح وحسيته اوى مع زوجة ابنى، والله العظيم ربنا هيحاسبنا طبعا بنعاملها احسن معاملة عشانه وشايلنها فوق راسنا لدرجة مراتى وانا بنروح عندهم نغسل لها المواعين ونطبخ لها ونغسل لها الغسيل ونجيب هدايا وبنعاملها بكل حب خاصة اننا مش عندنا بنات وقولنا دى هي بنتنا وهى بتعمل معانا اكتر من المكتوب والله، واهلها واخواتها بيحسدوها علينا لكن هي حسبى الله ونعم الوكيل فيها وعلى فكره اهلها مش بيقدروا عليها.. مفتريه.
أخب صاحب التعليق: ((والنبي مش
أخب صاحب التعليق: ((والنبي مش حرام عليكم ده)) الحلف بغير الله محرم .. وهذه فتوى للشيخ عبد العزيز بن باز-رحمه الله- عن حكم الحلف بالنبي :
حكم الحلف بالنبي صلى الله عليه وسلم
السؤال اعتاد بعض الناس الحلف بالنبي صلى الله عليه وسلم وأصبح الأمر عادياً عندهم ولا يعتقدون ذلك اعتقاداً فما حكم ذلك؟
الجواب
الحلف بالنبي صلى الله عليه وسلم أو غيره من المخلوقات منكر عظيم، ومن المحرمات الشركية، ولا يجوز لأحد الحلف إلا بالله وحده، وقد حكى الإمام ابن عبد البر رحمه الله الإجماع على أنه لا يجوز الحلف بغير الله، وقد صحت الأحاديث عن النبي صلى الله عليه وسلم بالنهي عن ذلك، وأنه من الشرك؛ كما في الصحيحين عن النبي صلى الله عليه وسلم أنه قال: ((إن الله ينهاكم أن تحلفوا بآبائكم فمن كان حالفاً فليحلف بالله أو ليصمت)).
وفي لفظ آخر: ((فمن كان حالفاً فلا يحلف إلا بالله أو ليسكت)).
وخرج أبو داود والترمذي بإسناد صحيح عن النبي صلى الله عليه وسلم أنه قال: ((من حلف بغير الله فقد كفر أو أشرك))، وصح عنه صلى الله عليه وسلم أنه قال: ((من حلف بالأمانة فليس منا))، والأحاديث في هذا الباب كثيرة معلومة، والواجب على جميع المسلمين ألا يحلفوا إلا بالله وحده ولا يجوز لأحد أن يحلف بغير الله كائناً من كان للأحاديث المذكورة وغيرها. ويجب على من اعتاد ذلك أن يحذره وأن ينهى أهله وجلساءه وغيرهم عن ذلك، لقول النبي صلى الله عليه وسلم: ((من رأى منكم منكراً فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان)) خرجه مسلم في صحيحه.
والحلف بغير الله من الشرك الأصغر للحديث السابق، وقد يكون شركاً أكبر إذا قام بقلب الحالف أن هذا المحلوف به يستحق التعظيم كما يستحقه الله، أو أنه يجوز أن يعبد مع الله ونحو ذلك من المقاصد الكفرية.. نسأل الله أن يمن على المسلمين جميعاً بالعافية من ذلك، وأن يمنحهم الفقه في دينه والسلامة من أسباب غضبه إنه سميع قريب.
يا استاذ تمورة لو تقبل رايي
يا استاذ تمورة لو تقبل رايي ياريت لو حضرتك تتفاهم معاهاوتكلمها و تعرفها
انك عايز مناقشة عايز تحس ان في حد جنبك بيساندك ومهتم بيك مش في اكل وشرب زى الاهتمام بالفكر ولامانع من الخروجات مرة في الاسبوع او عشا هادى في البيت ضيفوا رومانسية وحسسهاانك حابب انها تشارك في الحياة وخد رايها مرة واتنين وتلاتة ماتيأسش خليك محارب لوعايز فعلا تسعد واهم حاجة خليكوا دايما مع بعض في الخير وربنا يوفق حضرتك.
الكلام ده كله صح فعلا وبيأثر
الكلام ده كله صح فعلا وبيأثر في العلاقه بين الرجل وزوجته بس بجد الرجاله محتاجين الحاجات دي في بعض الاوقات يعني مبيجوش غير بالطريقه دي بس مش على طول والا هيزهقواااا
انا بحب خطيبى وبعامله كويس
انا بحب خطيبى وبعامله كويس اوى وبحب اهله وبتعامل مع والدته بما يرضى الله والغريب بقى ان هو اللى بيفضل يقولى يابت اتقلى عليا شويه خلينى اتشحتف عليكى.
طب دة انا مخطوبة وبعمل كل دة
طب دة انا مخطوبة وبعمل كل دة امال لما اتجوز هعمل اية
مش كل الستات زى بعض هما ممكن
مش كل الستات زى بعض هما ممكن يكونوا رغايين شوية ولما بتطلع عن شعورها بيكون الراجل اللى شايف نفسه ملاك هو السبب ببروده وتجاهله ليها وعدم اهتمامه بكلامها.. انا مخطوبة ولسة متجوزتش بس بسمع كتيييير وخايفة اتجوز لحسن اقضى على نفسى انا فعلا كدة عايشة مرتاحة وبحرية ومحدش قرفنى.
انا شايفة ان مش كل الستات زى
انا شايفة ان مش كل الستات زى بعض بس ممكن يكونوا رغايين شوية بس المشكلة فى الراجل هو اللى بيوصلها لكدة ببروده وتجاهله لكل كلامها وعدم اهتمامه بها
على فكره مش دايما الست هى
على فكره مش دايما الست هى النكديه اللى انا شايفاه دلوقتى العكس ان الراجل هو اللى نكدى انا متجوزه وجوزى على طول يدخل البيت مكشر ومش عاوز يتكلم ولا حتى بيسألنى عامله ايه مع انى وربنا شاهد على كلامى عمرى ماقولت له على حاجه لا بالعكس كنت بحاول ارضيه واريحه وبهتم بنفسى جدا وهو مافيش حاجه بترضيه ياريت تقولوا للازواج كمان يتقوا الله فى زوجاتهم وبكلمه حلوه ياخد عنيها وهى راضيه وتكون ليه نعم الزوجه بس يحسسها انها فى باله وانها مهمه عنده والله يا رجاله صدقونى الست مش محتاجه اكتر من انها تحس بالحب والامان والحنيه من جوزها.
هههههههههههههههه يا جماعة هى
هههههههههههههههه يا جماعة هى كتابة الكلام دة مش عشان ننكد على ازواجنا لا عشان نتلاشاه ومانعملش كدة بس ربنا يستر وهما اللى مايعملوش كدة فينا.
هههههههههههههههههههههههه انا
هههههههههههههههههههههههه انا مبعملش ولا حاجه من دول وبرضه جوزى طفشان منى على طول ومتجوز عليه شغله وصحابه طب اعمل ايه اتبع النصايح دى يمكن يقعد فى البيت
والله ساعات الرجاله هما اللي
والله ساعات الرجاله هما اللي بيبقوا كده انا مثلا لو زعلت من جوزي في شئ بيبقي صلحي سهل من اي كلمه لاني بكره النكد انما هو لو زعل يقعد لاوي بوزه كتير واصالحه مايصطلحش علشان كده بطلت اقوله علي اللي بيضايقني منه ولما يزعلني ويجي يتاسف لي وده مش بيحصل الا لما يكون واثق انه غلطان مش بطول في الكلام ولا بعاتبه علشان ما يتلويش لاني لو ما قبلتش اسفه على طول هيتلوي وانا مش بحب النكد واخر مره قولت له خلي بالك الست النكدية جوزها بيزهق منها الاخر ويطلقها وانت هنا عامل الدور ده كويس ضحك علشان يفهم ان انا قرب يفيض بيا قام ضحك وقال لي ما انتي قلبك طيب ولازم تستحمليني لاني برجع من الشغل تعبان ده طبعا علي اساس انه محدش بيتعب غيره وانه انا وشغلي وشغل البيت والعيال دول كلهم مش تعب عليا والاخر تقولوا ان الستات مفتريه ده الرجاله هما اللي متدلعين وشايفين ان شغلهم علشان يصرفوا علي البيت قمة التضحية اللي لازم نكون ممنونين ليها جدا ونستحمل اي حاجه علشانها وشكرااااااا انكم سمحتوا لي افضفض شوية باللي محدش يعرفه غيركم دلوقتي.
ليه السلبيه دى ليست معظم
ليه السلبيه دى ليست معظم الزوجات بهذة الدرجة فهناك زوجات ولست اذكر نفسى يكافحن من اجل ازواجهن ويتحملن الصعاب فى سبيل ان تدوم الاسرة وفى ضوء رعاية الاولاد وانا انكر على الزوجات الذين يفعلون مثل هذة الاشياء فهم يضرون انفسهم دون ان يشعروا وربما يضرون ابنائهم ايضا.
الله يبارك لك يارب اما اتجوز
الله يبارك لك يارب اما اتجوز مش اعمل كده وهحاول فعلا انى مش اعمل كده.
انا مراتي مكنتش بتطبق أي
انا مراتي مكنتش بتطبق أي نصيحة من دول بالعكس انا اللي كنت بلوي بوزي ومطلع عينيها وهي فضلت تكتم في نفسها ومتردش لحد اما زهقت وكانت مصممة على الطلاق بس الحمد لله رجعت في كلامها والحكاية جت على خير من ساعتها وانا بطلت ازعلها
هههههههههه ... ده على كده بقى
هههههههههه ... ده على كده بقى مراتي ملاك لأنها مش بتعمل حاجة من دي خالص كمان هي تمتلك صمت أسطوري لم أجد له مثيل ... ده انا حتى نفسي تلوي بوزها ولا تتخانق عشان أحس اني متجوز شكل اصحابي
وليه كل التحامل ده على الستات
وليه كل التحامل ده على الستات بس يا أستاذة نجلاء .. زي ما في ستات وحشة .. في ستات ينحطوا ع الجرح يطيب .. والواحد مش عارف ليه محدش بينصح الرجالة أبداً .. نفسي ألاقي حد بيكلم الرجالة وبينصحهم ازاي يعاملوا زوجاتهم .. زي ما الكل هاري ودن الستات نصايح .. ومستنيين بقى يا أستاذة نجلاء نصايح للرجالة .. كيف تفقد حب زوجتك ؟
ههههههههههههههههههههههههههههه
هههههههههههههههههههههههههههههههههههههههههههههههههههههه انا مفيش تعليق على كلام الموضوع... بس كل تعليقى بجد على العرسان اللي بعتوا التعليقات ومدى تفائلهم في الحياه... هههههههههههههههههههههههههه انا اسفه يا جماعه بس !!!!!!!!
جزاكم الله خيرا، قال صلي الله
جزاكم الله خيرا، قال صلي الله عليه وسلم(خيركم خيركم لاهله)، وكم كان صلي الله عليه وسلم رحيم بزوجاته، فلابد لكل الزوجات ان يتقوا الله في أزواجهم، لقد كفل لهم الاسلام حقوقا لم يكفلها اي دين اخر. وان ظلمت من زوجها فعليها ان تصبر وتحتسب عند الله، وسوف يعوضها الله في أولادها وصحتها واخرتها. ولتعلم الزوجه ان معظم الأزواج عليهم ضغوطا كثيره ومنهم من يتحمل عذاب في عمله حتي يوفر لأسرته حياة كريمه، ومنهم من يستدين احيانا حتي يأتي أولاده بملابس جديده للمدارس او الأعياد، وكثره المشاكل في البيت وخاصة امام الأولاد أيا كانت أعمارهم تدمر نفسيتهم، وتلحق بهم الاذي عند الكبر، فصبرا جميلا والله المستعان.
والنبي مش حرام عليكم ده ربنا
والنبي مش حرام عليكم ده ربنا حث علي الزواج الناجح والعيشه الهنيه وقال يا تعاشروهن بالمعروف يا تهجروهن بالمعروف فاذا لم يكن بين الزوجين اي توافق ممكن يتطلقوا لكن بالطريقه دي الكلمه بعشرة ونكش الشعر وزهقيه واهمليه واسخري منه ومن اهله ولوي البوز ده مش جواز بقي ده تطفيش وان كان الواحده ناويه علي التطفيش يبقي تتعب نفسها وتتجوز ليه بقي خليها عند الحاجه في بيتها احسن لحد ما تتعلم اصول الزواج والحياة الزوجيه
ربنا يهدي الجميع
كل الكلام ده فعلا بيحصل بس لو
كل الكلام ده فعلا بيحصل بس لو الزوجة لقت ان زوجها بيراعي شعورها اكيد هتستحمل اي شي ده لو هو مراعي شعورها حتى ولو بكلمه طيبه.
والله حرام عليكم انا هتجوز
والله حرام عليكم انا هتجوز بعد 3 شهور بس مش عارف اعمل ايه بعد الكلام اللى زى الفل ده، الحمد لله ان خطيبتى مش بتدخل عالنت عشان تقرا الكلام ده بس بجد لو واحده طبقته انتم اللى هتشيلوا ذنب الراجل الغلبان اللى هيتهرس بسبب كده.
ممكن المواصفات لما تيجى كده
ممكن المواصفات لما تيجى كده تبقى فعاله اكثر من عكسها بس انتم كده هتفيدوا اوى الستات اللى عايزه تطلق والعياذ بالله.
دي الوصفات اللي تتطلقي بعدها
دي الوصفات اللي تتطلقي بعدها على طول
ونعم الوصفات.
نصائح هامة جدا لو التزمت
نصائح هامة جدا لو التزمت الزوجة بعكسها هتبقى كل البيوت عمرانة بإذن الله .
أنا معجبة جدا بطريقة عرض
أنا معجبة جدا بطريقة عرض الموضوع وفعلا في حاجات مستفزة الستات بتعملها, وفي حاجات الرجالة بتعتبرها مستفزة بس عايزة أفهم هي الست مطلوب منها إيه ساعتها: يعني مثلا موضوع إنها بتقعد تحكي له حكايات في حياتها, طب ماهي بتعتبره صاحبها وتفضفض معاه المفروض هو لو بيزهق يعود نفسه إنه يريحها, وموضوع إنها عايزاه يقولها كلام حلو ماهي من حقها تسمع الكلام ده علشان تحس بأنوثتها برضه بدل ما تحس بالمتعة دي لما تسمع الكلام ده من حد غير جوزها.
اللي عايزة أقوله إحنا ليه دايما بندور على متطلبات الراجل ونحاول نغير من سلوك الستات, لو جربنا في حاجات إننا نعمل العكس وخدنا الأمور اللي بتضايق الست على إنها مقترحات لتحسين حياتهم -بدل ما دايما بتعتبرها شكاوي- الموضوع هيبقى أفضل بكتير.
يالهوي يالهوي المسكين خطيبي
يالهوي يالهوي المسكين خطيبي بعمل معاه شويه حاجات من دي وانا مش حاسه بجد شكرا ليكم انكم لفتوا نظري للحاجات دي وياريت تفيدونا كمان وكمان
ونفسي اعرف هي ليه كل الستات دايما عندها الاحساس ده ان جوزها المفروض يحمد ربنا ويشكره انها متجوزاه بجد دي حقيقه عند كل الستات بس معرفش ايه سببها
وياريت كمان تقولوا لنا ايه اللي المفروض الست تعمله عشان تخلي البيت جنه الراجل وراحته، شكرا ليكم بجد.
ابسط نصيحة لتجعلى بيتك جنة لك
ابسط نصيحة لتجعلى بيتك جنة لك ولزوجك هى الحب واتباع نصيحة الام لابنتها عند زواجها كونى له امة يكن لك عبدا الطاعة تريح الزوج وتوفر عليه الكثير من المشاكل بسبب مناقشات عقيمة
لا تدعيه يرى منك الا اطيبك ولا يشم الا افضل عطورك ابتسامتك هو اولى بها من غيرةصوتك الهادئ يريح اعصابه بعد يوم عمل طويل ببساطه الحب والتفاهم والهدوء هم اساس الحياة الزوجية الناجحة
والله عندك حق في كل اللي
والله عندك حق في كل اللي قولتيه احوال النساء تحولت بشكل كبير الى الاسوء والاسوء والاسوء اضيفي على ماكتبتيه الاستعانة باهل الزوجة في حل مشاكل بنتهم مع زوجها وتدخل امها في ادق ادق التفاصيل بينها وبين زوجها بحجة انها امها وخايفة عليها المسكينة.
انا متجوز من 8 اشهر تقريبا وانا على وش طلاق دلوقتي تقريبا كل الاسباب اللي مكتوبة فوق دي حصلت عندي بيني وبين زوجتي اضافة الى التدخل السافر من اهل زوجتي والذي لم ولن اقبل بيه.
ياريت البنات تتعلم من المقالات دي وتستفيد منها علشان المصايب دي ماتتكررش في بيوتنا تاني ياريت الزوجات تتعلم وتعرف ان مالهاش غير زوجها، واهلها خلاص بقوا ماضي وده مش معناه انها تنساهم او ماتودهمش بس تعرف ان مستقبلها مع زوجها بس.
نصائح مفيده جزاكم الله خيرا
نصائح مفيده جزاكم الله خيرا . بس الزوجات هيستفيدو من الكلام ده . عل وعسى
الله الله عليكم يا بص وطل
الله الله عليكم يا بص وطل ايوه كده خلينا نعرف الاسباب عشان ننفذها الواحد لسه معندهوش خبره لما يجى العربس ان شاء الله كل ده هيتنفذ وعليهم شويه حاجات منى طبيعى مستنيه بقيت الاسباب D:
معقول كل ده طيب اعمل ايه,
معقول كل ده
طيب اعمل ايه, اوافق على الزواج ولا لأ.
والله العظيم هى دى الحقيقة
والله العظيم هى دى الحقيقة انا متجوز من خمس شهور بس وبعانى من 75% من الكلام مع اننا متجوزين عن حب وسننا لسه صغير جدا
بس بجد انا ابتديت ايأس
حسبى الله ونعم الوكيل
طيب ولية كده لية نفتح عينيهم
طيب ولية كده لية نفتح عينيهم علي المشاكل دي
الله بنور عليكي والله انتي
الله بنور عليكي والله انتي قولتي اللي في قلبي بجد والله دي بقت الحياة مع الزوجة دلوقتي بكافة تفاصيلها زي ما تكوني عايشة معانا لما الواحد أعصابه تعبت مش ملاحق مشاكل الحياة والشغل والبيت اللي المفروض يكون مكان الراحة والمتعة والحديث الممتع اللي ينسي الواحد همه بقى هو مكان النكد والقرف والزهق عمال على بطال والطلبات والشكاوي التي لا حصر لها.
