أولا وقبل كل شيء، كل سنة وأنتم طيبين بمناسبة عيد الفطر المبارك، لكن بالتأكيد التهنئة اللي وصلت الدكتور محمد البرادعي ماكانتش لطيفة بالمرة؛ لأنها كانت متغمّسة بصور لابنته بالمايوه.. نقطة ومن أول السطر وشوف معايا اللي حصل.
اللي حصل إن الدكتور البرادعي استيقظ في صباح أحد الأيام ليجد شخصا مجهولا يدّعي أنه فتاة وصديقة شخصية لابنته، قامت بعمل حساب مخصوص على موقع فيس بوك عرضت من خلاله صورا شخصية جداً لابنته مرتدية فيها المايوه بصحبة شخص آخر تظهر معه في صورة أخرى، وكما لو كانوا أثناء إتمام مراسم زواج.
أيون اللي سمعته مظبوط.. بالمايوه.. صور عائلية جداً لابنة الدكتور البرادعي، كتير من الناس كان عندهم أمل إن الصور تكون مجرد صور مفبركة، وينتهي الأمر عند هذا الحد، ولكن للأسف ثبتت صحة الصور، وثبت أيضاً أنها لم تكن صورا التقطت خلسة، بل كانت صورا عائلية جداً، ملتقطة من طرف قريب منها بشكل أو بآخر.
هذه الفتاة المزعومة قالت -حسب ما أشارت مصادر إخبارية مختلفة- إنها نشرت هذه الصور حتى تثبت أن أسرة البرادعي هي أسرة علمانية، وليست متدينة بالمرة كما حاول البرادعي أن يوحي بذلك بعد تحالفه مع جماعة الإخوان المسلمين.
على أية حال فإن البرادعي لم يكن أول أو آخر شخص يتم التشهير بحياته الشخصية في إطار الحرب السياسية ضده، فالنماذج كثيرة وأكثر من أن يتم عدّها، منها على سبيل المثال لا الحصر:
• الرئيس الأمريكي السابق بيل كلينتون كان واحداً من أكثر السياسيين تعرّضاً لمقصلة التشهير بالحياة الشخصية، عندما انكشفت علاقته بمتدرّبة البيت الأبيض مونيكا لوينسكي، وهو ما أحدث عاصفة مدوّية داخل أركان البيت الأبيض، اهتزّت خلالها مكانة الرئيس وثار ضده الرأي العام أجمع.
• رئيس الوزراء الإيطالي سيلفيو بيرلسكوني هو الآخر تم التشهير بحياته الشخصية من خلال عرض الصحافة صوراً لنساء داخل حديقة فيلته، ووصف بيرلسكوني هذه الصور بأنها "بريئة"، ووصف نشرها بالاعتداء على خصوصيته.
• إليوت سبيتزر -حاكم ولاية نيويورك- هو الآخر اضطر إلى تقديم استقالته من منصبه بعد أن ثبت تورطه في فضيحة أخلاقية.
كلّمني حتى أراك
ولو دقّقنا النظر سوف نجد أن أي صور شخصية عندما يتم تسريبها يكون الهدف منها ضرب هذه الشخصية السياسية -موضوع الصور- في مقتل.. والمقتل هنا هو عِرْضه وشرفه سواء كانت صورا له أو لابنته.
عموماً صور ابنة البرادعي انتشرت وستنتشر غيرها لآخرين دون شك.. إنت بقى.. أخاطبك أنت أيها المواطن المحايد حياد المياه.. هل تتأثر نظرتك عندما تشاهد صورا خاصة بالحياة الشخصية لشخصية عامة تقدّرها؟ وأنا هنا أتكلم عن نظرتك له سياسيا، نظرتك له كسياسي وليس كإنسان عادي.
وإذا كانت إجابتك بالإثبات فخليني أسألك سؤال.. تعمل إيه لو مديرك في العمل طلب منك إنك تسيب الشغل؛ لأنه شاف زوجتك بلبس مش محتشم -من وجهة نظره- وقتها ستردّ عليه بكل ما أوتيت من نرفزة وعصبية وغضب قائلا: دي حياتي الشخصية ومالكش الحق إنك تتدخل فيها، ومقياسي هنا شغلي وبس.
ربط السياسة بالمايوه.. عدْل ولا ظلموه؟!
إيه رأيك لو طبّقنا نفس المبدأ اللي اتفقنا عليه فوق مع الشخصيات العامة؟، فمعروف إن من حق أي شخص أن تكون له مساحته العامة -حيث يمكن لأي شخص أن ينتقد تفاصيلها كما شاء- ومساحته الخاصة -والتي لا يسمح لأحد أن يقترب منها- حلو أوي، ومن الواضح -لا ده أكيد واضح- إن الصور العائلية دائما صور خاصة التقطت في لحظات عائلية بعيدة عن أعين الصحافة أو الإعلام، وعليه فهي تدخل في نطاق مساحة الإنسان الخاصة اللي أنت بتتعرض ليها مع إنك لسه مزعق مع مديرك لما عمل زيك بالظبط دلوقتي حالاً.
قارئ غاضب: اسمح لي يعني يا سيد يا محترم، هو أنت ما وصلش لفكرك قبل كده إن الحاجات دي (المايوه يعني وما على شاكلته) إنما هي مؤشرات للخلفية الفكرية؟، والخلفية الفكرية بتؤثر في القرارات السياسية والقرارات السياسية بتأثر على حياتنا؟، عرفت بقى علاقة المايوه بالسياسة، شفت بقى إن الصور من النوعية دي تُعتبر مساحة تداخل بين حياته العامة وحياته الخاصة، شكلك مش فاهم مع إن شكلك كاتب ومثقف، عموما أشرح لك.. :
ارتداء ابنة الدكتور البرادعي للمايوه يعني أنه ينطلق من خلفية ليبرالية متحررة جداً، وكونه رجلا ليبراليا متحررا فستكون قراراته -في حال وصل للسلطة- ليبرالية مثله، ونحن في مجتمع محافظ ومتدين، نحن في بلد الأزهر، مصر.. يعني مشكاة الإسلام ولا مش واخد بالك ولا مؤاخذة؟!!
القدوة التفصيل
عزيزي القارئ الغاضب نفسه.. ماذا لو حاولت جاهداً الآن أن تذكر لي شخصاً واحداً فقط من الشخصيات العامة يكون لديك علم بحياته الشخصية، بالطبع ستجد أن معلوماتك في هذه النقطة صفر مدوّر!، وإذا علمت هذه التفاصيل الشخصية الخاصة به، ستجد ليبراليين متحررين يحافظون على صلواتهم وشعائرهم وأكثر تديناً من غيرهم، وستجد متدينين أكثر ليبرالية من أي شخص في العالم، وبالتالي سنصل إلى استنتاج منطقي وهو أنك من المحال أن تغيّر نظرتك تجاه أي شخصية سياسية مثل البرادعي لو لم تكن ظهرت لها صور على السطح، بالضبط كما هي الحال مع تلك الشخصيات التي تفضّلها وتحبها وتعتبرها مُثُلك العليا.
القارئ الغاضب: لم يظهر لهم شيء؛ لأنهم ليس عليهم شيء؛ لأنه لا يوجد تناقض بين حياتهم العامة والخاصة، ولغة النفاق غير موجودة في كلامهم، وإلا لكانوا قد وقعوا في أقرب فخ "فيسبوكي" كما حدث لأخينا، فيه ناس كتير مافيش تناقض بين حياتهم الخاصة وحياتهم العامة..
هل يتوحد العام والخاص، ولّا يُحجب الأخير عن الناس؟
في النهاية أيها القارئ العزيز الكلمة لك.. يا ترى شايف إنه شيء غير طبيعي وغير إنساني أن نتقمّص جميعاً دور الإله الذي يحاسِب، وأن هوية الإنسان في لسانه وفي فكره وليس في بيته ومايوه ابنته؟ أم إن كل إناء ينضح بما فيه، وعدم الاتّساق بين الحياة العامة والخاصة للشخصية العامة يعني نفاقها وكذبها وتدليسها..
هل تؤيد نشر أية أسرار شخصية متعلقة بالشخصيات العامة؟
أم إنه لا يهمّك منها سوى الجزء العام فقط؟
قول بصراحة ومتخافش.. صورك مش عندنا!!
والله انا مع الراى المحايد
والله انا مع الراى المحايد احنا بقلنى كتير تحت حكم الحزب الوطنى ودعونى نجرب حد تانى به احنا زهقنا
على الرغم من انى معارض
على الرغم من انى معارض لعلمانية البرادعى بس برضو نشر صور بنته بالاسلوب ده يعتبر شئ مقزز من اللى نشره لان كل واحد فينا ليه حياته الشخصيه وما يحبش حد يتدخل فيها
عليه العوض ومنه العوض حتى
عليه العوض ومنه العوض
حتى البرادعى اللى قلنا سيقوم باصلاح مصر طلع من جماعات المايوه فماذا ننتظر الضياع ام سنأكل بالمايوه إذا فلا حل امامنا سوى الريـــس
وعليه العوض فى رجالك يا مصر
خلاص يعنى اللى ماسكين البلد
خلاص يعنى اللى ماسكين البلد ماسكين الكتاب وبيعملوا بكلام ربنا والبرادعى عشان بنته لبست مايوه بقى هو فاسد مش للدرجة دى التخلف.. ماهو معظم بنات اللي ماسكين البلد بيلبسوا مايوهات ماحدش كلمهم ليه ولا علق عليهم بصراحه ناس تافهه اللى تتكلم فى الموضوع ده
لم يرشح نفسه اصلا .. انتو
لم يرشح نفسه اصلا .. انتو بتتكلموا فى ايه
البرادعى او غيره كله زى
البرادعى او غيره كله زى بعضو
الله اعلم رايحين على فين
يعنى لو بنت البرادعى لابسه مايوه يبقى فين التدين اللى المفروض نكون عليه واحنا بلد اسلامى المفروض بلاش نقول كلهم كده لان دلوقتى احنا فى ايدنا نزودهم واحد زيهم او نخليه
المفروض ان الناس دى تكون مش منافقه وواضحه المفروص ان دول اولى الامر
وربنا يتولانا
والله يا جماعه احنا معمول لنا
والله يا جماعه احنا معمول لنا عمل زى الزمالك بالضبط كل ما يجى يحصلنا حاجه بوادرها خير يركبنا النحس ونفضل نهيس ونظيت وويك وويك وفى الاخر ولا هيجيبو الدو ولا هيشيلو شاهين لان احنا اكيد اكيد فى مصر
انا بصراحة مش فاهمة ليه الغضب
انا بصراحة مش فاهمة ليه الغضب ده كلله .... هو حر فى حياته الشخصية و احنا احرار فى اللى نختاره
السؤال " هتعمل ايه لو شوفت
السؤال " هتعمل ايه لو شوفت بنت مثلك الاعلى بالمايوه ... مش موظف عندك بيعمل اللى بتقولله عليه"
تلبس مايوه ولا ماتلبسى كدة
تلبس مايوه ولا ماتلبسى كدة كدة لا هو ولا غيرة هاينجح فى الانتخابات, علشان انا نويت أرشح نفسى واللى هايقف قدامى هاشوطه!!!!!
الجزء العام هو المهم بالنسبه
الجزء العام هو المهم بالنسبه ليه فى اى شخصيه عامه اسراره الخاصه ما تخصنيش و ﻻ تهمنى اﻻ يمكن من باب الفضول لو تم نشرها ﻻنى ما احب تكون اسرارى عرضه للناس و حياتى الخاصه اسمها خاصه و ﻻزم تبقى خاصه ومن منطلق حب ﻻخيك كما تحب لنفسك ﻻزم اعقلها و اعرف ان استخدام اسرار و حياة اى انسان الخاصه فى حرب سياسيه او خﻻف ذلك يبقى قذاره
بنت البرادعى بتلبس مايوه ...
بنت البرادعى بتلبس مايوه ... يا سلاااااااااااااام خلاص كده يبقى الراجل مش راجل يعنى ... على اساس ان مش نص بنات بلدك فى مارينا لابسين مايوهات ... الراجل بيشرب نبيذ يا سلااااااام بردو انت مالك اساسا هو بيعمل ايه ... انا مش مع البرادعى اصلا من الاول بس مش الحاجات دى هى اللى هتغير فكرتى عن الراجل وتخلينى اقول عليه مش محترم او كل الكلام اللى اتقال عليه خلينا نبقى موضوعيين ومنبقاش شعب عبارة عن قطيع رايح ناحية الحتة اللى الناس اللى حاكمينهم عايزاها .. مش كل ما حد يرميلنا عضمة نمسك فيها وننسى كل حاجه تانية .. اعرفوا مين فى مصلحته انه يأذى الراجل ده .. وفكروا بمنطق راجل كان عايش فى امريكا ... اكيد طريقة حياته هناك كانت ليها شكل تانى ومضمون تانى غير هنا خالص
المسلم من سلم المسلمون لسانه
المسلم من سلم المسلمون لسانه و يده
فيا من تتهموه بعدم التدين
أين انتم من الاسلام؟؟
اقولكم حاجة يا جماعة ....
اقولكم حاجة يا جماعة .... بجد مش قادر اتخيل لية احناالمصريين لازم لما نشوف حاجة كويسة فى حياتنا وهتغير مجرى حياتناا نقعد ندور وننخر وراها لحد ما نشوف ثغرة تافة ونعمل عليها قصة وحوار زى ما انا شايف انسان او انسانة تافة عامل قصة عشان بنت الدكتور البرادعى لابسة مايوة ... اية المشكلة يعنى دى حرية شخصية وبعدين يا جهلة دى اسرة يكفى انها افادت العالم كلة باسرة بعلمها والدكتور البرادعى لا يحتاج الا ان نعرفة اللى ما بيعرف يسأل ... يكفيك شرفا انك مصرى ويكفيك شرفا انك من ابناء مصر ... لو عايز تشوف الفضايح سلط الاضواء على الاموال المسروقة من كل جهات الانظمة الموجودة .... مش عارف اقولكم اية بس حقيقى صعبان علية شعب مصر الذكى الشجاع لحد امتى هنبقى فى ذل لحد امتى عايزين ناس يعيشونااا مش يجوعوناا ويحرمونا حتى من ابسط حاجة فى حياتناا .... انا عندى كلام كتير بس مستعجل ... ربنا معاكم يا شعب مصر ... كفاية ياا فشلة تفضحون اشرف الناس ... تحياتى للدكتور البرادعى وحقيقى يارب تمسك مصر عشان تفيدنا بعلمك..
أنا ليا رد تاني لسه ما اتنشرش
أنا ليا رد تاني لسه ما اتنشرش مش عارف ليه لكن دا الرد التاني اللي هرد فيه على الناس اللي بتقول ان دي حرية شخصية والناس اللي بتتهم الشعب بالغباء أحب أقولكم والله العظيم انتم اللي اغبيا لأن مصر عمر ما هيتصلح حالها الا برئيس صالح ومربي فاضل لنفسه ولأسرته قبل كل شئ ما بالك لو الكلام دا صحيح وانه عالماني فعلا او انه بنته متجوزة مسيحي اي عقل يخلينا نقول على دي ديمقراطية واي عقل يخلينا نقول ان دا تفتح وحرية بلاش غباء انتم مصر مش ناقصة مصر محتاجة شخص يقدر يحكم بيته اولا عشان يعرف يحكم شعب
لا البرادعى ده راجل عميل
لا البرادعى
ده راجل عميل امريكى لازم يكون طبعه كده
مش ده السبب اللى وده العراق فى داهيه لما قال ان فيها نووى
مش هو ده عميل الامريكان وغير كل ده ده راجل عايش عيشه عمره مايحس بالفقير اللى زى حالتنا
ده راجل عايش بره اغلب عمره جاى يمسك رئيس ليه؟؟ علشان الشعب ولا عشان يكمل بقيت رغباته
على الاقل جمال مبارك واحد عايش فى مصر وشايف حالها يمكن يحس بينا اما ده لو بقا رئيس اقسم بالله اموت نفسى
لو البرادعى رئيس يبقا تقول على مصر يارحمان يارحيم
وابقا قابلنى لو نمت فى بيتكم مرتاح
ولا ننام نلاقى واحد امريكانى داخل علينا
عالم منها لله
والله ياجماعة البرادعى معروف
والله ياجماعة البرادعى معروف من زمان بأنه علمانى وده بالدليل القاطع من ماما امريكا وهما كمان اللى خلوه نزل مصر عشان يدولو الرئاسة بأمر من اللوبى اليهودى ولكن انا اريد وانت تريد والله يفعل ما يريد حسبى الله ونعم الوكيل فى كل المناصب العليا
مقارنه مغلوطه احنا مش بنختار
مقارنه مغلوطه
احنا مش بنختار السياسيين دول اصلا علشان نحاكمهم
لكن الدكتور البرادعى احنا اللى مختارينه و احنا اللى عاوزين نصوصله للسلطه كشعب
يبقى لازم ندقق و نعرف تفكيره ازاى
و كمان الفتره اللى لو اترشح للرئاسه و كسبها هتكون مرحله انتقاليه لمصر هتحدد كتير فى مستقبلنا
و فى الاخر تقول انه مش مهم اعرف خلفيه عنه
دا ميمنعش بردوا انه زى ما قيل الفتره ديه اهم من ان احنا نحط خلافات بين قوى المعارضه
ههههههههههه حلو اوى النقاش
ههههههههههه حلو اوى النقاش حول المايوه ده ... هى دى اخرتكم يا امة ضحكت من جهلها الامم ..
السياسون الكبار فى مصر الذين
السياسون الكبار فى مصر الذين لهم بنات فى عمر الزهور تجدهن مثلا فى مصيف مارينا وهم شبه عرايا على البلاج صباحا أما فى المساء تجدهن فى الملهى أكثر عراه وهذا لايخفى على أحد أيها السادة الكرام المثل البلدى يقول اللى بيته من زجاج لا يلقى أحد بالطوب ... عموما شكرا جزيلا لكم على اكتساب الدكتور البرادعى مساحة أكبر فى الانتشار وحب الجماهير له
كل واحد فتاى يطلع ويقول مايوه
كل واحد فتاى يطلع ويقول مايوه عايزن يضربو الراجل فى مقتل اهو المايو احسن لما تبقى ذليل ومسلوب الكرامه ومهان ومعتقل ومش عارف تاكل رغيف حرام عليكم بقى كفايه اشاعات انتم الى البلد باظت منكم
حسبنا الله ونعم الوكيل
اولا بسم الله الرحمن
اولا بسم الله الرحمن الرحيم
ثانيا مال الشعب بنت البرداعى تلبس مايوة ولاة لا وبعدين اى بنت عايشة فى الخارج بتنزل البسين او البحر بتلبس مايوة مش جلابية وانا نفسى فى التغير جدا وتعالو بقى نبص للاهم مش للمايوة واكيد الرجل دا مسلم وربنا يوفق الشعب الغلابان دا بقى
طبعا انا مش مع اسلوب الفضايح
طبعا انا مش مع اسلوب الفضايح ومن الأول مش بأيد البرادعي لأني مش حاسس انه قوي كرئيس لكن لو الكلام دا حقيقي تخيلوا معايا كدا واحد بنته ماشية كدا وعادي بالنسبة ليه ممكن اعرف هيمشي شعبه ازاي بلاش دي واحد بنته متجوزة مسيحي ممكن أعرف يكون رئيس بلد مسلمة ازاي بلاش دي بردو لو صحيح هوه علماني واهله عالمنيين يبقى ايه اللي ممكن يحصل في البلد يا جماعة البلد مش ناقصة خراب والله حرام اللي بيحصل دا
اتمى ان مصر ربنا يرزقها بانسان صالح يكون مسلم على حق يقيم الحق ويدحض الباطل ويرجع لينا مجدنا ونسيبنا من كل الروايات دي بقى
الى التعليق بتاع د ميدو
الى التعليق بتاع د ميدو السادات ليس عميل ولا خاين وطالما انت قلت كده يبقى انت مش فاهم سياسه وبتاكد ان المصرين معظمهم بيصدق اى حاجه ياجماعه السادات قضى عمره دفاع عن مصر اتسجن واتمرمط مش علشان السلطه بس لانه بيحب مصر عمره ما خان الله يرحمك ياسادات ظلموك حيا وميتا انا دخلت اعلق دفاع عن رجل طالما احترمته بالرغم انى لم اعش ولا يوم تحت حكمه ناتى لموضوع المقال الاتهامات المنسوبه للبرادعى تشمل ثلاث اجزاء هامه
الاول من رايى ظهور الصفحه الشخصيه وكلمة ملحده بس عاوزه اطالبكم تركزو فى الصفحه شوفى الكتابه والبيانات اللى نصها عربى ونصها انجليزى ده ينفع؟ وحتى الكتابه نفسها نصها ازرق ونصها اسود دى مليون الميه متفبركه واحكموا بنفسكم
ثانيا اتهام ليلى بانها متزوجه من مسيحى فى كنيسه دققوا فى الصور هتشوفوا صوره واحده بس هى صوره لمعركه حربيه فى عصر المماليك او محمد على طب بلاش دى هل فيه اى صوره او رمز لصليب بالله عليكم دققوا قبل ما نتهم الناس بالكفر ونخسر دينا احنا كمان اللى عرفتوا انها سفارة مصر فى النمسا وان زوجها رجل مسلم فيه حاجه كمان ركزوا فى الصور هتلاقوا ست محجبه عجوزه اعتقد انها والدة البرادعى هل الست دى هتدخل كنيسه وتوافق ان حفيدتها تتزوج مسيحى وهى مازالت متمسكه بحجابها ده يعقل؟
ثالثا موضوع المايوه انتم شفتم الناس الكبار اللى انتم عارفينهم بالذمه انتم مستبعدين انهم يلبسو مايوهات بعد الفساد الكتير اللى مالى البلد
وبعدين انهى اهم محاربة الفساد وارجاع حق الغلابه وحماية المواطنين من الافترى وحياه محترمه واقتصاد عالى وارجاع كرامة المصرى اللى اتبهدلت فى التراب ولا مايوه ليلى
اخيرا اتقوا الله واتحكموا بعقولكم مصر محتاجه لتغير ولازم نقف ايد واحده والا مصر الامانه اللى فى ايدنا هتضيع وربنا يرزقنا بحاكم صالح للامه كلها0وارجوكم تنشروا دفاعى عن اعظم من حكم مصر وكمان دفاعى عن البرادعى دى امانه
انا مش تفرق معايابنته لبسه
انا مش تفرق معايابنته لبسه ايه بس يفرق معايا ان اشوف فى تداوال للسلطه فى مصر يعنى مثلا لو الانتخابات بتعتنا هتكون نزيهه والله الراجل هياخد دوره عجبنا ولقنه ماشى كويس يكمل مش كويس نتتخب غيره فى الدوره اجايه فالمشكله مش فى المايوه المشكله فى تداول السلطه فى مصر كل واحد ياخد الكرسى ينام عليه
بسم الله الرحمن الرحيم (
بسم الله الرحمن الرحيم ( ولاتحسن الله غافلا عما يعمل الظالمون انما يؤخرهم ليوم تشخص فيه الابصار معهطعين مقنعي رؤسهم لا يرتد اليهم طرفهم وافئدتهم هواء ) صدق الله العظيم والله يعني لو كانت جات علي المايوة دي هتبقي احسن حاجه عملت بنت انسان عادي وبسيط مش لازم يعني اي كلام يتقال نصدقوا ان بعض الظن اثم والاعراض دي عذابها ما يعلم بها الا ربنا خصوصا لو كانت صحيحه اللهم استر علي الاونا وناتنا امين يارب العالمين
شعب جاهل و غبي و مريض نفسيا
شعب جاهل و غبي و مريض نفسيا مالك انت و مال بنته يا شوية اغبية مش فاهمين حاجة
و مال البرادعي و مال الرياسة يا جهلة الراجل رئيس جمعية عايزة تغير الدستور
و اللي من التغير ده هيثروح اخونا ابو دقن ينتخب اللي يرحلوا دقنوا
و طالما انت محتاج الديموقراطية دي زيك زي العلماني زي القبطي مل تروح تمضي علي البيان و تطلب التغير
و أي واحد فيكم بيعما مليون حاجة غلط في اليوم
فأجئة بقي الحاكم بأمر الله
يا غباوة من ليه
لو ابس بنت البرادعي للمايوه فبيع الغاز لأسرائيل بربع تمنه و الكهربا تقطع عندنا و لمؤخذة --- من حكومتنا
و حصار غزة و نسيب اسرائيل تعمل اللي هما عايزينه فيهم يبقي لا مؤخذة حكومة--- القرون
و الناس اللي عمالة تموت برة و جوة بغير تمن و القمح اللي الحمد لله حققنا الأكتفاء الذاتي من الكانتلوب بسببه شحاتة
و الخصخصة و السرقة اللي حصلت فيها
بس برضه عشان انتم شعب بيفكر بشهوته سيبته كل ده و يقوللك هيطلع بخلفيه لبرالية
انتم هتفضلوا كدة احسن لكم في ديل العالم تتحكموا بالكرباج طول ما عندكم سؤ تقدير للامور و بدل ما تنتكاتف علي المطالب السبعة نروح ندور علي المايو و نقول للديموقراطية بلاش اصل صاحبها لابس مايوه
انا رايى ان دى حياة خاصة لا
انا رايى ان دى حياة خاصة لا يجب ان يركز عليها الناس وتكون هى الشغل الشاغل وانا اعتقد ان فى بنات لبعض الوزراء والسياسين بيلبسو المايوه بس للاسف انت هتوصلهم ازاى وتصورهم ازاى مستحيل لان الامن يمنعك وممكن يصادر اى صور معاك وده ممكن يكون مقصود لتشويه صورته طبعا لصالح الحزن الكاتم على صدور المصريين وتعتقد خدت كام الخاينه او الخاين اللى نشرت الصور للاسف الحكومة المفروض تاخد جايزه نوبل لانها قدرت تلهى الشعب باقتدار وتصرفه عن مصالحه وتشغله بالتوافه اللهم اصلحنا واصلح ولاة امورنا
ديه حريه شخصيه وكل واحد ليه
ديه حريه شخصيه وكل واحد ليه اسراره وحياته الشخصيه ولازم الشخصيات العامه يكون لهم خصوصيه واحنا ملناش دعوه بصور الناس عيب والله اللى بيحصل
لكل شخص حياتة الشخصية ولما كل
لكل شخص حياتة الشخصية ولما كل هذ التعليق والحوارات على ابنة الدكتور محمد البرادعى ايضا اذا دخلنا فى حيات الرؤوساء ايضا سنجد لكل رئيس منة حياتة الشخصية ولكن اذا كنا متتطفلين الى هذ الحد فى حيات الاخرين لا نتقدم ابدا لماذا ننظر الى الحياة الشخصية لماذا لاتنظرون الى علم الدكتور محمد البرداعى هل حياة ابنة الشخصية مهمة الى هذا الحد ام علم الدكتور محمد البرادعى
يا جماعه دا حد عايش طول عمره
يا جماعه دا حد عايش طول عمره فى امريكا يعنى دا شئ عادى جدا عنده وغير كدا هو فجأه افتكر مصر وعاوز يبقى ريسها طيب ايه الأمره
يا جماعة دي حياته الشخصية
يا جماعة دي حياته الشخصية وأنا مقتنع بكل اللي ف المقال
و يا ريت الناس اللي مش مقتنعين يسألوا نفسهم سؤال رفيع كده "اشمعنا الصور تظهر ف التوقيت ده و مين اللي مستفيدين من ظهورها" مفيش طبعا مستفيد غير الحزن الوطني اللي بكده هيخلص من أقوى المنافسين وبكده يبقى الحال على ما هو عليه لمده 30 سنة كمان ....و عجبي
التعليقات تدل علي اننا خلاص
التعليقات تدل علي اننا خلاص بقينا مرضي شعب مرييييييييض ومش حيفوق
وفيها ايه لو علماني يعني المهم انه يحكم كويس ويسود مناخ من الحرية واللي عايز يلبس يلبس واللي يقلع يقلع
بغض النظر اني لا اؤيد
بغض النظر اني لا اؤيد البرادعي...و لكن ليست تلك الطريقة المثلى للمنافسة...فذلك اسلوب وضيع جدا
كلامكو دلوقت بيفكرني بفلم
كلامكو دلوقت بيفكرني بفلم هاني رمزي بتاع عاوزحقي الي يبيع البلد علشان يلاقي شقة يجوز فيها يا جمماعة انتو بلد اسلامي مش غربي وتجيبو حد يحكمكم علماني مش ينفع هوا لو نفع فحاجه يبقه هيوزن بين المسحيين والمسلمين وبس ده التغيير الوحيد الي هيحصل لانو مش هيحط عسكري على كل واحد بينصب او يسرق ده شغلنا احنا
إن شالله بنته تكون بتمشى
إن شالله بنته تكون بتمشى عريانة على البلاج فى شاطئ العراه بس لو هو هايكون رئيس ديمقراطى ومصر على إيده هاتعلى والناس على أيده هاتستريح يبقى هو أحسن من غيره
والله حرام التكلم على اعراض
والله حرام التكلم على اعراض الناس احنا مش فى ساحة مبارة على الفوز بالانتخابات
السلام عليكم ورحمة الله
السلام عليكم ورحمة الله وبركاته
من زمان وانا نفسي اقول رأيي بجد .. مش مشكله انت ابنة البرادعي ترتدي المايوه .. هوه المايوه هوه المشكله يعني؟ هوه ده الي الناس شافته من الموضوع؟ .. المصيبه لو طلع البرادعي لا يدين بالدين الإسلامي او انه علماني .. ايوه دولتنا علمانيه بس في الخفاء .. لكن ممكن يوصل بينا الحال زي دول عربيه كتير يبقى فيها الحجاب ممنوع والشعائر الدينيه لا تقام .. ربنا يستر عليكي يا مصر ويا ريت واحنا بنقرأ الخبر نقرأ ما بين السطور ولا نبقى سطحيين ... ولا انا غلطانه؟
هل تؤيد نشر أية أسرار شخصية
هل تؤيد نشر أية أسرار شخصية متعلقة بالشخصيات العامة؟
أبدا وزى ما أنا أرفضها لنفسي أرفضها لغيري ( من حسن خلق المسلم تركه لما لا يعنيه)
وبعدين إيه هيزعل البرادعي شخصيا ؟
جريدة زي أى جريدة بتحب تنشر نفسها حتى لو على حساب الديانات
مع إنى معترض على ترشيحه للرئاسة بس زعلت عليه جدا والله
يعني هو اللي ماسكين البلد
يعني هو اللي ماسكين البلد عدلين اوي
على حسب شكل المايوه يعنى لو
على حسب شكل المايوه
يعنى لو قطعه واحدة يبقا عادى انما باه لو قطعتين فعادى بردو
لكم دينكم وليا دينى المهم انه يعرف يغير بلدنا للاحسن ويدخل
المايوهات فكل حتة فمصر هههههههههههههههههههههههه
وهى بنت البردعى بس الى بتلبس
وهى بنت البردعى بس الى بتلبس مايو ما فيه مراتات اولاد رؤساء بردو بيلبسو مايو وله ايه وبعدين عاوزين حد متدين ابقو انتخبوا حد اخوان وله سيبوها زى ما هى كده بصراحه احنا من كتر التدين الى احنا فيه دلوقتى ولا فى حرميه ولا ضباط استغفر الله العظيم فى خدمه الموزمازيلات والكاشات النقديات ولا احنا مش عارفين راسنا من رجلينا كلو تمام والله وسلملى على الديموقراطيه واسمع سلام مربع لحريه الرئ الرئ الاخر اه مش اى رائ ويا سلام على قانون الطوارئ حاجه عظيمه ماشاء الله بيمسكوا ولاد الناس بيظبطوهم على القبر عدل خليكو كده مش بنتقرع بعد ما بناكل ابقو قابلونى لو لقيتو تشربوا اه صحيح عيد سعيد
والله الله ينور عليك احنا فى
والله الله ينور عليك احنا فى ايه ولا فى ايه على فكره يا صديقى فى ناس تعبانه فى دمغها مش وراها حاجه الا الهبل
طيب قولى والنبى هى فين الصور الى بيقولو فيها مايو دى ..؟؟؟
السلام عليكم اولا000تحية اهل
السلام عليكم اولا000تحية اهل الاسلام فى الدنيا والاخره لو فى مسلم هيقرأ اللى انا كاتبه000انا لن ادعى اى حاجه000البرادعى رئيس ولا ولا حتى شعبولا000واقراوا القران والسنه هتعرفوا ان اللى ما يطبقشى شرع الله حكمه حكم الكااااااااااااااااافر اما راى الشرع فى الحاله الاجتماعيه فى البرادعى كشخص وبس0000كان عمر ابن الخطاب اذا امر الناس باجتناب عاده امر أهل بيته قبلها ان ينتهوا عنها0000والحدق العاقل يفهم000والسلام عليكم
انا مش فاهمة ايه علاقة لبس
انا مش فاهمة ايه علاقة لبس بنته بادارته للبلد ... الا اذا كان منصبه ترزى البلد مثلا فا هيلبسنا كلنا عريان و هيمنع عننا الهدوم المحترمة و يجبرنا على لبس المايوه و احنا بنحيى العلم !
و هو التدين الرئيس بيتحسب بلبس عياله ؟!!!
لا باتقاء ربنا فينا و فى اموال البلد
لو كان الرئيس القادم هيحكم بالعدل و ينضف البلد من اللى سارقينها و يحسن حال المواطن اللى طلعت عينه لكن عيبه ان بنته بتلبس مايوه بيكينى مع جوزها و لا حتى رقاصة فاانا معنديش مانع خالص لان كل واحد حر فى حياته طالما مش بيتعدى على حرية حد و هى مجتش اغرتكوا بالمايوه غصب عنكوا
لا انتو الى اختارتوا انكوا تفتحوا و تدوروا على الصور و اللى مؤمن قوى و خايف على حيائه و عفته مايدورش على صور الفضايح على جوجل و بعدين يرجع يستغفر و يشتم الكفرة !
انا شايف ان مفيش مشكلة ان بنت
انا شايف ان مفيش مشكلة ان بنت مرشح للرئاسة او بنت رئيس حتى لابسه مايوه لان طبيعى حد فى المستوى ده لما ينزل البحر يلبس مايوه لكن اللى مش طبيعى ان مرشح للرئاسة او رئيس بلد الديانة الرسمية الاسلام ولا تعترف الا بالديانات السماوية انه يكون هو وعائلته ملحد هو ده اللى مضايقنى
لاول مرة اقف محايدة .... غير
لاول مرة اقف محايدة .... غير مؤيدة وغير معارضة
لا اعلم سوى ان ماحدث هو نوع من تدنى الاخلاق
اخلاق الناس اللى صورت ونشرت وفضحت ...
واخلاق الناس اللى وافقت انها تقف تتصور بالمايوه على الرغم من انهم مسلمين
ربنا يرحمنا بقى ويعفو عننا ويرفع عننا البلاء ويكفينا شر حاكم ظالم
ويجعل الرياسة فى ايد حد بيراعى ربنا
بردعى اية يارجالة بصور دى هوة
بردعى اية يارجالة بصور دى هوة لو رشح بنتة احنا هنديها بس تبقى رمز المايوة هههههههه
- 1
- 2
- 3
- التالي >
- الأخيرة >>
