السلام عليكم.. من فضلكم أنا عمري 17 سنة وعندي مشكلة وعايزاكم تحلّوها لي؛ عشان مافيش حد هيفهمني غيركم؛ لأني ماليش حد أحكي له، ولو حكيت لحد مش بيصدقني ولا يفهمني..
مشكلتي إني دايما مش باسمع كلام أمي في أي حاجة تقولها لي؛ فردّ فعلها إنها بتزعل مني أوي، وأنا مش بحبها تزعل مني؛ بس في نفس الوقت بحب أعمل اللي أنا عايزاه؛ على الرغم من إني باكون عارفة إن ده غلط.
المشكلة إني لما باغلط باعتذر لها؛ لكن بارجع أكرر الغلط تاني بنفس الطريقة أو طريقة تانية؛ مثلًا تقول لي: ماتكلميش أولاد على الشات، أقول لها: ماشي، وبعدين أرجع أكلم أولاد تاني من وراها؛ لحد ما تكتشف، وبعدين تحصل مشكلة كبيرة أوي بينا.
بصراحة، ومن الآخر، بحب أغلط وأعيش براحتي من غير ما حد يعاقبني! حاولت أتكلم مع أهلي في إني عايزة أروح لدكتور نفسي؛ لكن الردّ بيكون: قرّبي من ربنا وإنتي ترتاحي.. والله أنا الحمد لله باصلي وباقرأ قرآن؛ لكن دايما حاسة إن فيه حاجة مسيطرة عليّ أوي مش عارفة أتحكم فيها.. أنا خلاص كرهت نفسي من اللي باعمله.
z.a
كنت أتمنى أن تعطيني أمثلة "الغلط" الذي تحبين فعله؛ حتى أحدّد معك درجته؛ لنعرف سويًّا هل هي مجرد مرحلة مراهقة تحتاج فيها الفتاة أن تشعر باستقلاليتها وأنها كبيرة وتستطيع أن تفعل ما تريد، أم إن للموضوع شقًّا نفسيًّا يحتاج لتدخل مبكر حتى لا يتفاقم؟ لذا فأنت من ستحددين ذلك.
فإذا كانت المشاجرات بينك وبين والدتك على أمور في حدودها الطبيعية؛ فغالبًا هذه ليست مشكلة نفسية؛ لكن إذا كانت بشكل غير طبيعي؛ فلتسرعي بالتواصل مع طبيبة، وحاولي إقناعهم بذلك؛ ولأوضح أكثر؛ فمثلًا إذا كانت المشاجرات على تعاملك مع أولاد على الشات فقط لمجرد أنهم أولاد؛ فهذه حدود طبيعية لك في سنك، وكذلك المشاجرات طبيعية من والدتك لخوفها عليك.. أما إذا كنت في تعاملك مع الأولاد تتجاوزين في الشات العام، وتستخدمين الكاميرا والكلام غير اللائق؛ فذلك مخالف لرأي الدين والمجتمع؛ والأمر هنا يختلف..
مثال آخر: لو كانت المشاجرات حول ملابسك بألا تكون ضيقة أو قصيرة؛ فالمشاجرات ستكون طبيعية في سنك ومن والدتك، أما إذا كنت ترتدين ملابس ساخنة أو ما شابه؛ فهناك مشكلة.. وقيسي على ذلك قدر الإمكان.
فهناك اضطراب نفسي اسمه "الشخصية المستهينة بالمجتمع"، وقد ذكرتِ من صفاتها أنك تحبين "الغلط" وتكررينه برغم العقاب، وهو ما نسميه بـ"السيكوباتي"؛ فمثلًا نجد معظم المسجونين شخصيات سيكوباتية تدخل السجن بسبب مخالفة الدين والمجتمع كالسرقة مثلًا، ونجد السارق برغم أنه تمّت معاقبته بالحبس والغرامة؛ إلا أنه يعود مرة أخرى للسرقة ويدخل السجن مرة أخرى ويعاقب.. وهكذا لا يتعلم من عقابه، ويحب أن يكسر قوانين المجتمع وتعاليم الدين.
أعلم أني أخفتك قليلًا؛ ولكن أتصور أن ما أنت فيه هو مجرد مشاحنات سن المراهقة، ولا يسعني إلا أن أقول لك شيئًا مهمًا جدًّا؛ ألا وهو: أن ما تتصورينه عقاب أو "خناقة" هو تعبير عن الحب من والدتك وخوف عليك؛ لأنك حلمها الجميل الذي تحب أن تراه دومًا متألقًا، وبه كل الصفات الحميدة، وأسرّ لك بسرّ صغير لا تعلمه الفتيات؛ وهو أن الولد الذي يصادق فتاة فهو أول مَن تقع الفتاة من نظره؛ فلا شفاعة عنده لحب أو غيره؛ فستجدينه لا يرضى بذلك أبدًا لأخته مثلًا؛ ناهيك عن أن عالم الشات عالم يغلب عليه الغش والخداع، وكما تخدعين الآخرين ببعض المعلومات غير الصحيحة عنك فإنهم كذلك يفعلون.
لو كان في حبيب مقرب جدا إلي
لو كان في حبيب مقرب جدا إلي قلبك يعني ولد إنتي بتحبية جدا جدا وقالك ما تعمليش كذا علشان دا موش بيحبه هاتعملية ولا لأ ؟؟
طبعاً بتقولي مستحيل أعملة تاني نوووووووو أنا بقولك هاتعملية علشان إنتي لسه عيلة صغيره موش مدركه لمجريات الأمور كويس كل ما في الموضوع إن سن لما يزيد شوية إدراكك ونموك وتفكيرك هايزيد وبالتالي هاتلاقي الحاجات اللي بتعمليها دلوقتي موش موجوده في حياتك سيبي الأمور علي طبيعتها وبلاااااااااش إنك تعقدي نفسك وتقولي بقا دكتور والكلام العبيط دا إنتي مش محتاجه دكتوووور وأكبر دليل إنك إنسانه داخليا كويسه إنك حكيتي مشكلتك بدون أي حذف إنتي إنسانه أجمل من الملاك حسي شوية بنفسك وبالناس اللي حواليكي وبمشاعرهم وأحاسسهم وإنتي هتلاقي كل حاجه مظبوووطه
إنتي مش بتحبي الغلط ولا حاجه
إنتي مش بتحبي الغلط ولا حاجه والدليل علي كده انك شايفه نفسك غلطانه وبتحاولي تصلحي وبعتي لينا اهو
بس يمكن انتي ليكي شخصيه عايزاها تبقي مستقله وغالبا اهلك في البيت مش بيفهموكي قوي فبتحاولي تعانديهم كنوع من انك تربيهم علي عدم فهمهم ليكي بس في نفس الوقت انتي متربية وبتحبيهم فبتزعلي من اللي عملتيه معاهم
سيبك من تحليلي لو كان غلط
المهم لو انتي شايفه نفسك غلطانه وعايزه تصلحي يبقي عليكي ب:
الإستغفار والتوبة من اللي بتعمليه غلط
الدعاء والإستعانه بالله كل شوية
صلاة قضاء الحاجة
ثم
جاهدي نفسك كل اما تيجي تعملي الغلط انك ترجعي قد ما تقدري وعلي قد استطاعتك علي قد ما ربنا هيعرف انك صادقه علي قد ما هيعينك
عظمي عيوبك:حددي مشاكلك وحددي عيوبها في ورقة وحددي اد ايه انتي ممكن تأذي بيها نفسك وغيرك
أو الاولي شوفي مميزات أهلك ومميزاتك الشخصية إللي ممكن تحفزك
إستعيني بأي وسيلة تعينك من أهل او صحبة بنات صالحة وبلاش ولاد أو مدرسين
إنشغلي بحاجه ليها قيمة عشان تبعدك عن محاولاتك لإثبات قيمتك في عمل الغلط
إدعيلي لو كلامي ده عجبك وجه بفايده وكلنا ندعيلك يهدي بالك
المراهقة والتحرر من قيود
المراهقة والتحرر من قيود الأسرة والشعور بالاستقلال الذاتي
مرحلة المراهقة هي فترة انتقالية يتوق المراهق خلال هذه الفترة إلى الاستقلال عن أسرته والى أن يصبح شخصا مستقلا يكفي ذاته بذاته
إن المراهقة تختلف من فرد إلى آخر، ومن بيئة جغرافية إلى أخرى، ومن سلالة إلى أخرى، كذلك تختلف باختلاف الأنماط الحضارية التي يتربى في وسطها المراهق، فهي في المجتمع البدائي تختلف عنها في المجتمع المتحضر، وكذلك تختلف في مجتمع المدينة عنها في المجتمع الريفي، كما تختلف من المجتمع المتزمت الذي يفرض كثيراً من القيود والأغلال على نشاط المراهق، عنها في المجتمع الحر الذي يتيح للمراهق فرص العمل والنشاط، وفرص إشباع الحاجات والدوافع المختلفة.
كذلك فإن مرحلة المراهقة ليست مستقلة بذاتها استقلالاً تاماً، وإنما هي تتأثر بما مر به الطفل من خبرات في المرحلة السابقة، والنمو عملية مستمرة ومتصلة".
1- مراهقة سوية خالية من المشكلات والصعوبات.
2- مراهقة انسحابية، حيث ينسحب المراهق من مجتمع الأسرة، ومن مجتمع الأقران، ويفضل الانعزال والانفراد بنفسه، حيث يتأمل ذاته ومشكلاته.
3- مراهقة عدوانية، حيث يتسم سلوك المراهق فيها بالعدوان على نفسه وعلى غيره من الناس والأشياء.
والصراع لدى المراهق ينشأ من التغيرات البيولوجية، الجسدية والنفسية التي تطرأ عليه في هذه المرحلة، فجسدياً يشعر بنمو سريع في أعضاء جسمه قد يسبب له قلقاً وإرباكاً، وينتج عنه إحساسه بالخمول والكسل والتراخي، كذلك تؤدي سرعة النمو إلى جعل المهارات الحركية عند المراهق غير دقيقة، وقد يعتري المراهق حالات من اليأس والحزن والألم التي لا يعرف لها سبباً، ونفسيا يبدأ بالتحرر من سلطة الوالدين ليشعر بالاستقلالية والاعتماد على النفس، وبناء المسؤولية الاجتماعية، وهو في الوقت نفسه لا يستطيع أن يبتعد عن الوالدين؛ لأنهم مصدر الأمن والطمأنينة ومنبع الجانب المادي لديه، وهذا التعارض بين الحاجة إلى الاستقلال والتحرر والحاجة إلى الاعتماد على الوالدين، وعدم فهم الأهل لطبيعة المرحلة وكيفية التعامل مع سلوكيات المراهق، وهذه التغيرات تجعل المراهق طريد مجتمع الكبار والصغار، إذا تصرف كطفل سخر منه الكبار، وإذا تصرف كرجل انتقده الرجال، مما يؤدي إلى خلخلة التوازن النفسي للمراهق، ويزيد من حدة المرحلة ومشاكلها.
وأهم ما يعاني الآباء منه خلال هذه المرحلة مع أبنائهم:
* الخوف الزائد على الأبناء من أصدقاء السوء.
* عدم قدرتهم على التميز بين الخطأ والصواب باعتبارهم قليلو الخبرة في الحياة ومتهورون.
متمردون ويرفضون أي نوع من الوصايا أو حتى النصح.
* أنهم يطالبون بمزيد من الحرية والاستقلال.
* أنهم يعيشون في عالمهم الخاص، ويحاولون الانفصال عن الآباء بشتى الطرق.
وكل ام واب وخصوصآ لو كان عندهم اولاد اكبر منك عارفين هذه المرحلة وعمرها محاتزعل منك لان حضن امك يسعى كلك بمشاكلك وربما الان بتدعى ليك ان يهديكى الله وليس فيك ياابنتى اى مرض انت طبيعية مئه بالمائة
روحي لدكتور عادي جدا طالما ده
روحي لدكتور عادي جدا طالما ده احساسك انك محتاجه مساعده متخصص ..انا بروح عادي علي فكره لاني استحملت ضغوط كتير وف الاخر جت عليا..ربنا يوفقك
walahy ya gama3a el takarob
walahy ya gama3a el takarob min rabena howa asa7 7al, w kaman el sala Rabena sob7anaho wata3ala 2alena esta3eeno bel sabr wa el sala, w el do3a2 kaman mohem awy awy be2el7a7 w mazala l Rabena
جاء رجل إلى أمير المؤمنين علي
جاء رجل إلى أمير المؤمنين علي رضي الله عنه
فقال
إني أجد في رزقي ضيقا
فقال له على رضي الله عنه
لعلك تكتب بقلم معقود فقال لا
قال لعلك تمشط بمشط مكسور فقال لا
قال لعلك تمشي أمام من هو أكبر منك سناً فقال لا
قال لعلك تنام بعد الفجر فقال لا
قال لعلك تركت الدعاء للوالدين
قال نعم يا أمير المؤمنين
قال رضي الله عنه
فاذكرهما
فإني سمعت رسول الله صلى الله عليه وآله وسلم يقول
ترك الدعاء للوالدين يقطع الرزق
تعليق
الاب والام حاجة مقدسة يعنى ايه مش بسمع الكلام ماهو طبيعى طول مانتى ماشية بدماغك بعيد عنهم وبتضايقيهم هاتوصلى للى انتى فيه شفتى لايقبل الدعاء الا بالدعاء ليهم وبعدين عندك 17 سنة مدخلة ناس فى امور صعبة شات مع ولاد وعايزاها تقولك ايه يعنى لما واحد من اللى شيتى معاه يعرفك ويصاحبك ويضيعك هاترتاحى انتى بتعاندى نفسك سكك الفيس بووك والنت بتودى لسكة بعيدة الكل بيكدب على بعضه والكل بيضيع وقت ترضى على نفسك حد يضيع وقته معاكى انتى بتخونى ربنا ونفسك لانى ماحدش عارف باللى انتى بتعمليه غيره استهدى بالله وفكرى صح وشوفى مستقبلك هو اللى هاينفعك وبكره تخلصى تعليم وتشتغلى وتتجوزى بس سيبى كل حاجة لوقتهااا ربنا يهديكى ويصلح حااالك اللهم امييين
ايماان صبرى
يعني ايه قلم معقود ومشط
يعني ايه قلم معقود ومشط مكسور؟؟؟؟؟Oo
قصة واضح اوي من لهجتها انها مكذوبة وغير صحيحة معلش انا عارفة ان نية حضرتك خير وكده بس هو اي كلام يتقال وخلاص ??ايه علاقة ضيق الرزق بالمشط المكسور?? اعتقد ده من باب الايمان بالخرافات والتطير واحنا معندناش حاجة كده ف الاسلام هو اللي بيتمشط بمشط مكسور بيضيق رزقه؟؟؟..اسفة على الازعاج بس اول سطرين فعلا خلوني اسبهل واضحك وبعدين لما قريت امير المؤمنين عملت سرش عليها وعرفت انها قصة مكذوبة وبصراحة اغير ان حد مسلم او غير مسلم يقراهاويضحك على احد الصحابة الكرام"اصحابي كالنجوم بايهم اقتديتم اهتديتم"
اشغلي نفسك ف حاجات
اشغلي نفسك ف حاجات مفيده.العبي رياضه .اقري قصص او كتب .ارسمي.اي هوايه مفيدة.
افضل رد مع احترامي للجميع
افضل رد مع احترامي للجميع كلمة التقرب من الله شفاء tarek el ghareeb
الفترة دي فترة مصيرية لحياتك كلها اما ان تكوني انسانة محترمة متدينة او منحرفة عاصية
مثال آخر: لو كانت المشاجرات
مثال آخر: لو كانت المشاجرات حول ملابسك بألا ""تكون ضيقة أو قصيرة؛"" فالمشاجرات ستكون طبيعية في سنك ومن والدتك، أما إذا كنت ترتدين"" ملابس ساخنة""" أو ما شابه؛ فهناك مشكلة.. وقيسي على ذلك قدر الإمكان.
what is the different between short and skinny cloths & between hot cloths??i mean they are the same, so how come the first one is normal problem while the second one is serious issue!!!
اختى العزيزة : فى الاول
اختى العزيزة :
فى الاول صراحتك واحساسك بالندم وانك عملتى حاجة غلط دى اول واهم خطوة .
* مش هاقولك انت صغيرة والكلام ده لا انتى كبيرة بس المرحلة العمرية اللى انتى فيها صعبة شوية وانا ولد مش بنت زيك ومريت بيها طبعا وكنت عنيد لدرجة انتى مش متخيلاها بس كنت حاطط لنفسى حدود لا يمكن اتعدها وكنت برده بزعلهم فى البيت وبرجع اتاسف بس للعلم انهم بيبقوا عارفين ان المرحلة دى حرجة فى التعامل والاهل بيقدروا وحاجة واحدة بس لازم تعرفيها ان مافيش حد مهما قالك بحبك هايخاف عليكى وهايكون عايز مصلحتك غير اهلك وبس .
ياللا سلام واتمنالك التوفيق فى الحياة ان شاء الله هاتبقى ممتازة طالما عارفة انتى حدودك ايه .
الحمد لله انا انسان متدين
الحمد لله انا انسان متدين وسلفى كمان..........وبقلك اللى اتعلمناه من شيوخنا اللى ( واسف يعنى) عندهم دراية ودراسه للدين اكثر من اهلك..........اتعلمنا ان المرض النفسى زيه زى اى عرض تانى....لازم تروحى للطبيب المختص ليه........مش نقول نقرب من ربنا وبس......طبعا نقرب دايما ونرتجى من الله الشفاء....لاكنلابد من انى آآخد بالسبب واروح للطبيب النفسى...........يعنى هل القرب من ربنا حيشفيكى؟؟؟..........الجواب ان طبعا رب العزه قادر يشفيكى منه زيه زى اى مرض..........لاكن رب العزه وعلى لسان النبى صلى الله عليه وسلم قلنا نتداااوى.........اضغطى عليهم وحولى تروحى لدكتور نفسى........ويسلااااام لو متدين يعنى يراعيكى من الناحية الدينيه ويقلك ايوه قربى اكتر...........ويكون طبيب نفسى ماهر يبقه ممتاز
اولا انتى فى سن حرج وخطر جدا
اولا انتى فى سن حرج وخطر جدا وانتى بنفسك لازم تعرفى كده كلنا كنا زيك كده هى المرحله دى صعبه شويه بس حاولى تقربى اكتر من ربنا واكيد عندك اصدقاء ابعدى عن اصدقاء السوء وان شاء الله تتخطى المرحله دى بسرعه.
