أنا مش عاوز ردّ على رسالتي دي، أنا عاوز بس الناس تقرأها وتتعلّم منها، وتدعي لمراتي بالشفا، ولي بالمغفرة، وإني أحصّلها بسرعة لو ماتت.
أنا شاب في أوائل الثلاثينات.. من سبع سنين ونص اتعرّفت على بنت متوسطة الجمال في الشغل، وحبيتها، وهي كمان حبيتني بجنون، ولأن الظروف مش سامحة، وقفت جنبي خمس سنين كاملة، اشتغلت معايا فيهم، وحرمت نفسها من كل حاجة؛ علشان أقف على رجلي؛ لغاية ما فتحت مشروعي الخاص ونجح بصورة كبيرة جداً.
المهم اتقدمت لها واتجوزتها وكتبت باسمها الشقة، وعملت وديعة باسمها في البنك، وجِبت ليها ذهب، بدل الذهب اللي ورثته عن أمها وباعته علشان تقف جنبي.
عِشت معاها أروع سنتين؛ لغاية ما دخلت مشروع مع أبوها، هي نصحتني إني ماكملش؛ لكني ما سمعتش، وفي الآخر أبوها نصب عليّ في الفلوس، واتهزّ شغلي، وبقى عليّ ديون كتير.. اتغظت جامد؛ لدرجة إني كنت هاطلقها، توسلت لي إني ماعملش كده، وطلبت إنها تعيش في بيتي خدامة بالفلوس اللي أخدها أبوها، وحتى مش عاوزة مني أكل.
وأنا زي ما أكون ما صدقت، بدأت أذلها بكل الطرق، منعتها من النوم على السرير، وفي عز البرد كانت بتنام على السيراميك بهدوم خفيفة، ضرب وإهانة وشتمية بألفاظ بذيئة، كل يوم وهي ولا حتى بتشتكي.
لدرجة إني اشتريت كرباج، وبقيت أجلدها بيه على أي حاجة، على إن الملح خفيف في الأكل مثلاً، وكنت باطفي السجاير في جسمها بقى مزاج عندي، وهي كل اللي تعمله إنها توطي رأسها في الأرض، وما تبصش في عيني، وكلمة "آه" مكتومة بتطلع منها.
بقيت أعاشرها بعد ضربها مباشرة، مش للمتعة؛ مع إنها كانت بتحاول تمتعني بكل الطرق الممكنة؛ بس علشان أعذبها وأذلها وأهينها!!
وصلت إن بقى ترتيب يومها إنها تصحى من النوم تحضر الفطار، وتقعد في المطبخ لغاية ما أنا أنزل، أرجع أتغدّى وأضربها، وبعد كده أعاشرها وأرجع أضربها تاني.. أنا في مرة شتمتها بلفظ بذيء جداً، وقلت لها: ده اسمك؛ فلما كنت بانادي عليها باسمها تعرف إنها هتنضرب؛ لأنها لو مارديتش هاضربها علشان ما بتردش، ولو ردت هاضربها وأقول لها: أنا مش قلت اسمك كذا.
وصلت إني بقيت أضربها قدام أهلي، وأجبرتها تبوس رجل بنت خالي؛ مع إن هي اللي غلطت فيها مش العكس، يومها كان في عينها نظرة بتقول لي: أبوس إيديك اعمل فيّ اللي إنت عاوزه؛ بس بلاش تخلّي حد تاني يذلّني.
واستمرّ الوضع ده حوالي شهرين ونص.. وأنا راجع البيت في يوم، عملت حادثة بالعربية، وكانت حالتي خطيرة جداً، بعد ما خرجت من العناية المركزة لقيتها قاعدة في الأرض في حضنها المصحف، ورأسها ساندة على السرير؛ فحركت رجلي؛ فصحيت شافتني فرحِتْ أوي، باستني، وبعد كده اعتذرت، وخرجت قعدت بره.. أمي قالت لي: إنها طول الفترة اللي أنا كنت فيها في المستشفى كانت هي جنبي طول الليل تصلي علشان أقوم بالسلامة والمصحف في أيديها.. حتى أمي استغربت؛ لأن بعد ما ضربتها وذلتها بالطريقة دي، كان المفروض تدعي إني أغور في ستين داهية.
جت بنت خالي (اللي أجبرت مراتي تبوس رجلها في يوم)، ومراتي بتخدمني وتخدم الموجودين معايا كعادتها، وبنت خالي أهانتها تاني؛ بس المرة دي أنا اللي دافعت عن مراتي، وشتمت بنت خالي، ولما خالي لامني، قلت له إنت ماعرفتش تربّيها، وده اللي كان لازم أعمله لما أهانت واحدة أشرف منها زي مراتي في المرة الأولى.
حسيت إن مراتي عاوزة تبوس رجلي على الكلام ده، وطايرة في السما، ولما سألتها: ليه دايماً كانت بتبص في الأرض وأنا باضربها؟ ردت عليّ ردّ خلاني عاوز أولّع في نفسي، قالت لي: أصلي كنت باخاف أشوف في عينيك نظرة قسوة فأكرهك غصب عني.
رجعت البيت وأنا حالف إني أعوّضها عن كل حاجة؛ بس المشكلة إن ربنا حب يعاقبني على اللي عملته فيها؛ وكأنه بيقول لي: أنا إديتك هدية إنت ماصنتهاش، علشان كده هاستردها تاني.. مراتي قبل الموضوع ده كانت عيانة، قلبها كان تعبان؛ بس مش في حالة خطر، رجعت في يوم البيت لقيتها واقعة في الأرض، اتصلت بدكتورة صاحبتنا، وقالت لي على الكارثة؛ إن مراتي من التعذيب اللي شافته على إيدي والنوم على السيراميك من غير هدوم تقريباً في عزّ البرد قلبها ضِعِف جداً؛ لدرجة إن موتها بقى مسألة وقت؛ عشر شهور غايته.
وعرفت إنها عارفة من ساعة الحادثة بتاعتي، وإنها طلبت من الدكتورة ماتقولش لي حاجة، وحلّفتها إنها ما تبلغ عني لما شافت آثار التعذيب على جسمها، وهدّدتها إنها مش هتعرفها تاني لو عملت ده، وقالت لها: إن هي كده كده مش هتتهمني بحاجة.
الألعن إني عرفت إن مراتي باعت الذهب بتاعها، وكسرت الوديعة، وسددت كل ديون الشغل، وكمان تنازلت لي عن الشقة والأثاث اللي موجود في القائمة، وفلوس جهاز أختها، ووصتني عليها.
كل يوم باشوفها قدامي فيه، باتعذب وأنا باشوف الوردة الجميلة اللي أنا قتلتها بإيدي بتموت كل يوم، وأنا مش قادر أعمل لها حاجة، بيبقى نفسي أنتحر أو أسلم نفسي للبوليس، هي حست بده؛ فحلفتني بكل غالي إني ماعملش ده، وحلفتني كمان إني أتجوز بعدها، بجد أنا كان في إيدي ملاك؛ بس مع الأسف الملايكة مش بتعيش مع القتلة.
Aksa.somod
لا حول ولا قوة إلا بالله العلي العظيم.. تعجز أي كلمات عن وصف مقدار الألم والحسرة التي سيشعر بها بالتأكيد كل من يقرأ قصتك، ووصفك لظلمك لزوجتك وقهرك لها؛ فرسالتك بقدر ما تثير الغضب عليك، لا بد أن تثير الشفقة والعطف والرثاء لحالك، بعد استيقاظ ضميرك وندمك على غلطك؛ ولكن مع الأسف بعد فوات الأوان.
قد يعجز العقل عن تصديق طيبة زوجتك واستكانتها أمام قسوتك؛ فإن كنا نتصور في زماننا هذا وجود مثل هذه الوحشية؛ فإننا لا نتخيل بحال وجود مثل هذه الملائكية؛ لكن ظني أن الله تعالى كما يسّر للإنسان أن يصل بعقله وعلمه لما يفوق الخيال؛ فأعتقد أنه قادر على أن ييسر له الشعور بالطيبة ولو حتى في زماننا هذا.
إن ما فعلته في زوجتك يا سيدي لو فعله ابن في أمه لدَعَت عليه بكل حرقة عالمة باستجابة الله تعالى لها وردّ حقها ممن أهانها وكسَر قلبها؛ فما بالك بزوجة مهما كان ما ستحمله من حب؛ فلن يصمُد أبداً أمام التعذيب والإهانة، ولن يُقاس أبداً بحب أمّ لولدها ولو كان عاقاً.
ولكن لأن الله تعالى عادل ولا يرضى بالظلم، أخذ حقها منك، حقّها الذي لم تسعَ هي إليه من قريب أو بعيد، حقها الذي أغالب دموعي جاهدة لأستطيع تصوّر أنها أضاعته واحتملت ذلاً وإهانة بلا أي مبرر إلا حبّها لك؛ فهي لم تكن تحتاج إليك مادياً، وقسوتك حَرَمتها حتى من احتياجها المعنوي إليك؛ وبرغم ذلك تحمّلت وصبرت، وندعو الله أن يأجرها على صبرها هذا خيراً.
لن أستفيض في لومك أو عتابك؛ فرسالتك تقطر دماً وحزناً على ما اقترفته يداك، كما أنك الآن بين يدي الرحمن، وسيصدر فيك حكمه العادل؛ لكن واجبي تجاهك يحتم عليّ أن أطلب منك تعويض هذه الزوجة الملاك؛ فهي الآن في أشدّ حالات احتياجها إليك، ولا تيأس من رحمة الله، وجرّب عرضها على أكثر من طبيب، وإذا كنت تستطيع -بعد أن تم تسديد ديونك- أن تسافر بها للخارج؛ فلا تتردد؛ فعلاج القلب في تقدم مستمر، وإذا عاد إليها أملها فيك؛ فظني أنها ستتشبث بالحياة أكثر، وتجد فيها ما يستحقّ العناية بنفسها؛ فاجلس معها كثيراً، وأطلب منها الصفح والغفران، وارجُها أن تحرص على الشفاء من أجلك ومن أجل ألا تعيش بذنبها طول العمر؛ فتشقى ولا تهنأ.
واطلب من والدتك التي تبحث لك عن عروسة ألا ترضى لها ما لن ترضاه لبنت من بناتها، وأن تقدّر قيمة هذه الإنسانة، وأن تقترب منها وتزورها وتسرّي عنها؛ حتى لا يكون في قلبها أي ضغينة لا لك ولا لوالدتك.
وقبل كل هذا ومعه، استغفر لذنبك كثيراً، واطلب من الله تعالى العفو، بعد أن تكون قد بذلت كل ما تستطيع لردّ المظالم إلى أهلها، وبعد أن تكون قد فعلت كل ما تقدر عليه لرأب ألم زوجتك وعلاج قلبها، وإذا -لا قدر الله- كان الموت الوشيك والفراق القريب هو القدر المحتوم؛ فلا تزِد من غضب الله عليك بسخطك على قدره؛ بل اصبر واستغفر لها ولك، وقم بعمل أي مشروع خيري -ولو بسيط- ويكون دخله صدقة جارية على روحها؛ فانتحارك بعدها لن يفيدها، وسيجعلك تخسر آخرتك كما خسرت دنياك؛ في حين أن الصدقة الجارية ستتيح لك مساعدتها في آخرتها، ما دام لم يمهلك القدر أن تساعدها في دنياها.
وفي النهاية، أتمنّى أن تكون رسالتك عبرة لكل إنسان يُنكر فضل الله عليه، ولا يُدرك قيمة ما في يديه، ويظلم أحبابه أو مَن هم أضعف منه، ويتجبر عليهم؛ مستهيناً بقدرتهم على طلب حقهم، ناسياً أن من خلقه وخلق الحياة قادر وعادل، لا توازي قدرته شيئاً، ولا يساوي عدله شيئاً؛ فلكل زوج يهين زوجته، ولكل أب يقهر أولاده، ولكل صاحب عمل يستعبد مرؤوسيه ويذلهم بفرصة عمل جعله الله وسيطاً فيها، اقرأوا قول رسول الله صلى الله عليه وسلم واعقلوه: "ارحموا مَن في الأرض يرحمكم من في السماء".
ياااااااااااااااارب يشفيها
ياااااااااااااااارب يشفيها يااااااااااااااارب يااااااااااارب ياااااااااااااارب ياااااااااااارب .. حرام عليك والله يسامحك بكيت وكسرت قلبي علي ايلي قريته .. يااااااااااارب يشفيها
تصدق وتؤمن بالله مع اني
تصدق وتؤمن بالله
مع اني راجل
واستحاله ادمع لو شوفت حد بيندبح قدامي حتي
بس اللي الافترا اللي عملته في بنت الناس ده وجعني اوي
ربنا ينتقم منك يارب تتعذب بقدر العذاب اللي عذبته ليها
لو القصة حقيقية حقول منك لله
لو القصة حقيقية حقول منك لله بجد انت مرحمتش وربنا بجد ينتقم منك ولو القصة خيال احب اقولك انك انسان معندكش دم لان الناس عيطت ودمها اتحرق مش مصدقة انى عيطت بجد
يخرب بيت الرجالة اللى بالمنظر دة ربنا ينتقم منهم وربنا يرحم كل ست تعبت عشان جوزها ال... وهو مصانش حبها وكرامتها
يخرب بيت كدة ياجدع
فيلم حلو أوي ...إنزل بتتر
فيلم حلو أوي ...إنزل بتتر النهاية بقى...يخرب بيت التراجيديا اللى كلت دماغكم
هههههههههههههههههه, ربنا
هههههههههههههههههه, ربنا يكرمك يا جميل ضحكتني بعد الجو الغريب اللي دخلته فوق
عارف انا كنت مرتبط بانسانة
عارف انا كنت مرتبط بانسانة مغرورة ومتكبرة وبرغم انها عملت معايا وحش كتير وكنت مستحملها عشان كنت باراعى ربنا وسبنا بعض عشان اتخدعت فيها وبرغم الانفصال كنت هرجعلهالما طلبت منى كدة ملخص كلامى انى بتمنى من ربنا انى الاقى انسانة زى دى بجد لسة فى بنات كدة والله انا مش مصدق بجد لو فى اقسم بالله ارتبط بيها فورا واعاملها احسن معاملة اللى زى دى الواحد يعيش معاها اسعد ايام حياته بادعى ربى من قلبى انه يشفيها ويجعل كل اعمالها فى ميزان حسانتها يارب يارب يكرمها بالجنة (اسير الحزن والهم)
اقسم بالله ما لاقي كومنت
اقسم بالله ما لاقي كومنت اكتبه
فكرت اكتب شعر الابيات اللى بكتبها موش قادر اوصف فيها قسوتك
مجرد كلمات برضو موش قادر فيها اعبر عن الضيق اللى اضايقته
بس بجد لو انت مألفها انت مبدع وموهوب ومنك لله على الاحباط والدموع اللى نزلت منى فى ظل اعتقادى انها حقيقة
تعرف انا عيطت بجد وانا بقرا
تعرف انا عيطت بجد وانا بقرا الرساله دي مش هاقولك منك لله
بس هاقولك ازاي حبك اتحول لكره ازاي مافتكرتش اي لحظه حب بينك ازاي ماصدقت انا ابوها نصب عليك وعشان كده بدات تذلها مع انها نصحتك عالعموم اي راحت وسابتك لضميرك يعذبك طول عمرك وهيا ربنا يجزاها كل خير
الراجل ده شكلوا بيشتغلنا,
الراجل ده شكلوا بيشتغلنا, والقصة دي كلها تأليف في تأليف, والدليل أهو:
"الألعن إني عرفت إن مراتي باعت الذهب بتاعها، وكسرت الوديعة، وسددت كل ديون الشغل، وكمان تنازلت لي عن الشقة والأثاث اللي موجود في القائمة، وفلوس جهاز أختها، ووصتني عليها."
إزاي عايز تقنعني ان بعد الذل والاهانة وعيشة العبيد اللي كنت معيشها لمراتك, مكنتش قادر تاخد فلوسها والشقة وكل حاجة, قال إيه بيقول الألعن إني عرفت إنها باعت دهبها. وليه مبعتهوش انت, ماانت ذاللها, هتيجي عالدهب يعني.
روح يا عم اكتب قصة قصيرة ولا طويلة ولا مدونة ولا اي حاجة, بس بلاش اسطوانة القصص الحقيقية اللي مبقتش بتدخل مخنا.
اتصرف وخليها تسامحك قبل ما
اتصرف وخليها تسامحك قبل ما يحصلها حاجه وعيش خدام ليها الكام شهر الجايين و ربنا يغفر لينا وليك يا مريض نفسي
مع احترامي لكل معاني التضحية
مع احترامي لكل معاني التضحية والتحمل اللي انتوا حستوها في الست دي . بس هس اللي غلطانة . الرسول قال "اطلبوها بعزة انفسكم فإنها مقادير مكتوبة" كل حاجة في الدنيا قدر مكتوب حتي الحب والسعادة والجواز . مفيش حد مطلوب منه يذل نفسه علشان بيحب حد .كان ممكن تديله الشقة والذهب وكل ما تملك علشان تعوض عليه خسارته .اوتشتغل معاه .اوتستحمل ذهقه شوية او اي شئ غير انها تستحمل منه اذلال وتعذيب .قبل ما يكون حرام عليه فهي حرام عليها نفسها"ان لنفسك عليك حقا"
أول مره أقرأ قصة مرتين وأبكي
أول مره أقرأ قصة مرتين وأبكي في المرتين من عظمة هذه المرأه الملاك
اللهم اشفها واهدني وهدي زوجها واهدي جميع المسلمين واشفي جميع المسلمين يارب العالمين
أنا لو مكانك أبوس أيديها ورأسها كل يوم لعظمة ما فعلته معك
يا جماعة ياريت بس تدعو للراجل
يا جماعة ياريت بس تدعو للراجل دة ومراته ربنا يشفيها ويغفر للراجل دة هما مش محتاجين غير الدعاء مالوش لزوم الشتيمة والحسبنة ومنك لله والكلام دة حرام كدة عيب اوى "من كان يؤمن بالله واليوم الأخر فليقل خيرا او ليصمت"
على الرغم من انك كنت قاسى
على الرغم من انك كنت قاسى لاقصى درجة مع هذا الملاك البرئ الذى يصعب أن نجد مثله الآن وعلى الرغم من أنك اخذتها بذنب ابيها وعاملتها بكل عنف وشده لكن طالما انك رجعت لعقلك وتذكرت ربك الذى سيحاسبك على تعذيبك لزوجته وعدم محافظتك على هذا الكنز الثمين فعليك الآن ألا تنسى الله عز وجل وأن تعلم يقيناً أنه غفور رحيم وأيضا مجيب الدعوات وعليك أن تتوب إلى ربك أولا ثم تدعوه ثانيا بأن يغفر لك ما سبق لك من ذنوب فى حق زوجتك الطيبة وأن تدعوه بأن يشفيها من مرضها ويجب أن تدعو من قلبك وانت على يقين بأن الله قادر على كل شئ ويجب عليك أيضاً أن تتصدق من مالك وتقوم ليلك وفى كل حال تدعو الله دائما...نسأل الله أن يشفيها لك وأن يهديك ويغفر لك وأن يكشف عنا السوء جميعاً
طلع صدقات كتير بنيه ان ربنا
طلع صدقات كتير بنيه ان ربنا يشفيها
ويارب يهديك
ربنا ينتقم منك دنيا واخرة
ربنا ينتقم منك دنيا واخرة وتشوف عذاب عمر ما حد يقدر يطيقه حسبى الله ونعم الوكيل فيك
و أنا أقول لك لا آجرك الله و
و أنا أقول لك لا آجرك الله و لا سامحك و لا عفا عنك إلا إذا عشت بين يديها خداماً ذليلا كما ذللتها و كنت لها كما كانت تحب ان تكون لها و أن لا تترك شيئا هي تحبه إلا فعلته من أجلها حتي و لو كنت لا تحبه أنت لعل كل هذا يعفو عنك.
و أخيراً أقول لك لا تيأس من رحمة الله و أدعو الله لها في كل صلواتك و خاصة صلاة الليل و قم من الليل و إستغفر ربك و تب إليه و أدعوه أن يشفيها و أن يجعلها في حالة أفضل مما كانت عليه و إجعل بينك و بين ربك حسنة كصدقة في سر أو زيارة مريض أو مساعدة فقراء أو غير ذلك من أبواب الخير و أدعوا الله به لعل الله يتقبل منك .
و إعذرني إن قسوت عليك بكلماتي فما تحكيه انت لا يمكن أن يصدق.
و أنا و الله أدعو لها بالله و بحق إسمه الأعظم أن يشفيها و أن يمتعها بالصحة و العافية حتي تكون أفضل مماكانت عليه و أن يعطيك من الزمان حتي تعوضها علي ما فعلته بهااللهم أمين اللهم إستجب.
تعرف الست دي لو دعت عليك دعوه
تعرف الست دي لو دعت عليك دعوه واحده والله ربنا كان خسف بيك الارض لانك ظلمتها ظلم شديد وربنا بينصر المظلوم حتي لو كان كافر ما بالك بقا بست دي اللي انت اسئت ليها وهي احسنت اليك هي جزاءها هتخده من اللي خلقها اما انت بقا .... فربنا هينتقم منك في الدنيا قبل الاخره ( زي ما عملت هيتعمل فيك وبكره تشوف بنفسك ) وانصحك بتوبه ده لو كان ليك توبه اصلا !!
بص القصة دى فيها حاجة حقيقية
بص القصة دى فيها حاجة حقيقية وحاجة تاليف انا مش بالعهايعنى طب هى حبة فيك ايه دى لو كانت بتموت فيك كانت سابتك وقالت عشان بحبه مش هجبره يعيش معاياانا والله جوايا كلام كتير بس مش قادر اجمعه بس باختصار ربنا ينتقم منك
حسبى الله ونعم
حسبى الله ونعم الوكيل
ياااااااااااارب عمرك يطول عشان تتعذب فى كل لحظه بتمر عليك
عسى ربنا يغفرلك
انت انسان عديم الاصل وتستاهل
انت انسان عديم الاصل وتستاهل اللي يجري لك وهتفضل شايل ذنبها طول عمرك
والله انا مش فاهمة مخك اد ايه
والله انا مش فاهمة مخك اد ايه تعبان
بس ايه علاقة ان ابوها يسرقك انك تبهدلها انت من كلامك يتضح انك مريض نفسي ومش هتعرف تكمل حياتك من غير علاج لازم تروح لدكتور نفساني انت خطر علي الناس
حسبي الله ونعم الوكيل فيك بجد
حسبي الله ونعم الوكيل فيك بجد انت عمرك ما حبيتها انت شيطان شيطاااااان مش عارفة اقولك ايه غير ربنا يحاسبك على كل اللي عملته فيها بجد انا منهارة من العياط
اه وفي الاخر صحيت من النوم
اه وفي الاخر صحيت من النوم صح
بصراحه انا مش مصدقه القصه دي بجد
والله انت خسارة فيك او معاك
والله انت خسارة فيك او معاك الكلام انت اصلا حرام تبقى عايش انا مش مصدقة ان حد ممكن يعمل كده و لو قدر و عمل ميكونش فى مراته . ربنا يرحمها منك و من امثالك ده لو كان فيه امثالك ... بجد حسبى الله و نعم الوكيل يا ريت تتعذب زى ماعملت فيها و تحس بالذل و الالم و المهانة ربنا يريحنا منك يا ...... بجد ملكش و صف
المشكلة قعدت شاغلة بالي فترة
المشكلة قعدت شاغلة بالي فترة طويلة وفضل سؤال واحد يلح عليه ليه الزوجة تعمل ده كله بسبب خطأ هي لم تخطأ بيه ووجدت تفسير واحد فقط إن الزوجة تعاني من الماسوشية أو الخضوعية هو الإحساس بالمتعه عند التعرض للتعذيب أما الزوج فهو لدية ما يسمى بمرض المازوشية وهو الإحساس بالسادية وبالطبع كلا النموذجين مرفوضين تماما في مجتمعنا .. هذا إن كان كل ما قيل حقيقي وليس فيلما جديدا حابب تشتغلنا بيه
:)
قال صلى الله عليه وسلم : (
قال صلى الله عليه وسلم : ( عذبت امرأة في هرة سجنتها حتى ماتت ، فدخلت فيها النار ، لا هي أطعمتها وسقتها إذ حبستها ، ولا هي تركتها تأكل من خشاش الأرض )
فما بالك بالانسان ؟
مش هفدر اقولك غير ربنا يهديك ويتوب عليك
انا مع رد الاستاذ مصطفى
انا مع رد الاستاذ مصطفى الصارف
طبعا انا مش هقولك إنك عملت
طبعا انا مش هقولك إنك عملت ذنب كبير وأعاتبك بس أنا مش هتكلم فى الموضوع ده بس إنت اللى لازم تعملوا زى ما فريق بص وطل قالوا حاول تحن عليها وتعوضها القسوة اللى إنت قاسيتها عليها وتعرضها على أكبر دكاترة فى مصر أو فى أوروبا لو تعرف تسفرها وما تسيبهاش وإن شاء الله تقوم بالسلامة .
انا والله قريت القصه دى
انا والله قريت القصه دى معرفتش اتكلم غير انى عيطت وعلى فكرة انا مش هجنى عليك زى بقى التعليقات بس هقولك ربنا يصبرك ويسامحك ويعوضك فيها خير ادعى ربنا الله غفور رحيم
انت اقل من اني اتكلم عليك بس
انت اقل من اني اتكلم عليك بس لازم مراتك دي يتعملها تمثال او فيلم ليحياتها
منك لله بجد لو انتا فعلا عملت
منك لله بجد لو انتا فعلا عملت كدا حسبي الله ونعم الوكيل فيك بجد استحالة تكون بني ادم انا معرفش ايه يجبرها تعقد مع انسان مقرف زيك ربنا يرحمها برحمتها
لو فضلت تدور طول عمرك على
لو فضلت تدور طول عمرك على واحده زي مراتك مش هتلاقي
ربنا يشيفهالك وصلي لربنا وادعيله ان يشفيها ربك قادر على كل شئ وعوضها الايام دي عن كل اللي شافته معاك
لو الكلام ده حقيقى يبقى منك
لو الكلام ده حقيقى يبقى منك لله ليه بس كده حرام عليك فى حد يعمل ده فى انسانه بالطيبه دى و الاخلاق دى بجد حرام بصراحه مش عارف اقول ايه بس اقسم بالله العظيم انا كشخص اذا انعم عليا ربنا و اكرمنى و رزقنى بانسانه زى دى اقسم بالله دى الواحد يحطها فى عينيه و على راسه من فوق و يكون مثالى معاها يعنى وقفت جمبك قبل ما تتجوزو و استحملتك بعد الجواز ربنا يكرمها و يمد فى عمرها يمكن لو ربنا مد فى عمرها تقدر تعوضها و لو عن جزء صغير من اللى عملته فيها
انت مش بنى آدم ربنا ينتقم منك
انت مش بنى آدم
ربنا ينتقم منك ويوريك يوم
ربنا ينتقم منك ف الدنيا والارخة
ازاى قدرت تعمل كده
دى ل وقطة بتربيها كانت هتتعامل أحسن من كده
ذنبها ف رقيبتك وربا هيحاسبك على اللى عملته ده
بس سهى كمان غلطانة انها حبتك بالطريقة دى وانت متستاهلش
كانت المفروض تسيبك غرقان وتتطلق منك بس هى فكرت انك بتحبها ولما هتقولك هشتغل عندك خدامة بفلوس ابويا انك هترحمها ومش هتعمل كده
مش عارفة اقولك ايه انا قرفانة جدا من اللى انت قلته وعملته
ربنا هيخلص حقها منك ان شاء الله وعمر صورتها ما هتروح من بالك وانت بتبهدلها
لو ده كلام حقيقى و مش كدب
لو ده كلام حقيقى و مش كدب يبقى حسبى الله و نعم الوكيل فيك فى حد يبقى معاه جوهره و ملاك زى كده و يعمل اللى انتى عملته ولله العظيم حرام حرام بجد اما للزوجه فهيا فلا ملاك و باذن الله ربنا هيمد فى عمرها يارب- ياريت ربنا ينعم عليا او يرزقنى بزوجه زى الانسانه دى ولله احطها جوه عينيا و اشيلها فوق راسى انما انت انا مش عارف ازاى قدرت تعمل كده بس
لا اله الا الله انا مش قادرة
لا اله الا الله انا مش قادرة اصدق ان فى حد ممكن يبقى بالقسوة والفظاعة دى بس بشفق عليك من نفسك اللى خلتك تعمل كده ف واحدة مش هتلاقى زيها ابدا استغفر ربك وتوب اليه يمكن يسامحك ويغفرلك
بجد حرام عليك انا مقدرتش امسك
بجد حرام عليك انا مقدرتش امسك نفسى من الدموع وقلبى اللى اتوجع انت ايه شيطان بجد ربنا هو المنتقم الجبار وفعلا كفايا عذاب ضميرك
ربنا يسمحك بجد انت مش بنى ادم
ربنا يسمحك بجد انت مش بنى ادم انت لودفعت عمرك كلة مش هايكفى تعويضها بس ربنا هايعوضهاان شاء اللة
أنا مش مصدقة أن في بني أدم
أنا مش مصدقة أن في بني أدم بالقسوة دي أنت أنسان أنت ؟؟
ربنا حيرحمها منك
و حيفضل ضميرك يعذبك طول عمرك لحد ما تمووت من الحسرة والخوف
اقسم بالله لو بتحكى الكلام دا
اقسم بالله لو بتحكى الكلام دا قدامى ميكفينى عمرك لا قطعك حتة حتة وارميك لكلاب السكك تنهش فى لحمك انت شيطان مش بنى ادم فظظظيع اعوذ بالله منك لو سمحت اللى مسئول على الباب ينشر كلامى هو دا احساسى من البنى ادم دا انشششششششششر
امى بتقولك لسه فى انتقام ربنا
امى بتقولك لسه فى انتقام ربنا منك وبتقولك حسبى الله ونعم الوكيل فيك والظالم بيشوف فى المظلوم يوم فى الدنيا وانها ليها زميله كانت حامل عيبت على قطه وقالتلها ياعوره سبحان الله الست دى خلفت بنت لها نفس عين القطه عين وعين زى القطه بالظبط ربنا انتقم للقطه امال البنى ادم هيعمل فيه ايه لسه فى انتقام ربنا
والله انا من اللى قرأته
والله انا من اللى قرأته حاسس انك كاتب قصة وبعتها لبص وطل................لان لو اللى انته كاتبه ده حقيقى............والله والله ما عارف اقلك ايه............والله يابنى ما عارف اكتب...............لا انسان ولا اى مخلوق لله ممكن يعمل كده فى بنت او ست................انا لما بشوف اللى زيك ببقه عاوز ارجع..............وببقه قرفان من نفسى كراجل...........ونفسى ابكى اووووى عشان اللى زى المسكينه دى.............مع انى زى ضرفت الباب...........بس حقلك ايه...........لا سمعت لربنا لما وصاك بيها ولا للنبى اللى قلك(اتقوا الله فى النساء)............انا مش عاوز ادعى عليك لاكن انته وقعت نفسك فى بلوه كبيرة وذنب ربنا اعلم بشدته...............الحق نفسك ولو حتلح الارض حاول تعالجها ................تنيمها على السيراميك................اللهم انى ابرأ اليك مما فعل............يارب والله انكرت لما قرأت.............والله ياربى انكر قلبى وعينى وايدى عليه............لا حول ولا قوة الا بالله انا لله وانا اليه رآجعون
يا الله لطفك يا الله رحمتك يا
يا الله لطفك يا الله رحمتك يا الله عفوك >> و الله قصه ادمت قلبي و ابكت عيني هو فيه كده يا رب يا رب استرنا و لا تفضحنا وخفف عليّ ما شعرت به من الم من هذه القصه و خفف عن هذه المسكينه المغلوب علي امرها التي دمرت و لم تستحق ما جري لها انا لله و انا اليه راجعون تب الي الله يا من قد قمت بكل هذا و ارجع اليه و ابكي علي قلبك فقد مات عسي الله ان يحييه لك وتفيق من غفلتك و ان الله ان اراد لك الخير ان تعوضها فيما بقي لها من عمرها وتشعرها انها انسانه و كنز لن يعوض >> و الله كرهت الزمان اللي عايشه فيه ناس لا فيه في قلوبها رحمه او انسانيه و احترام
انت بنى ادم سادى مريض حسبى
انت بنى ادم سادى مريض حسبى الله ونعم الوكيل فيك انت مش انسان ربنا رحمها منك
انا الدموع ف عيني معادنش فيه
انا الدموع ف عيني معادنش فيه بنات ذي دي ربنا يشفيها يارب
انا دموعى نزلت غرقت وشى وبكيت
انا دموعى نزلت غرقت وشى وبكيت بحرقة وانا بقرى القصة دى بس كل اللى اقدر اقوله ربنا يشفيها ان شاء الله ومحدش بيحسب عمر حد ربنا لوحده هو اللى عالم هنعيش اد ايه وربنا يسامحك على اللى عملته
عنيا دمعت بجد انت ليه اصلا
عنيا دمعت بجد
انت ليه اصلا عذبتها كدا هى ذنبها ايه
احنا كدا منحسش بقيمه اللى معانا الا لما يبقى خلاص هيضيع مننا
حسبى الله ونعم الوكيل
ربنا يشفيكى بجد انتى انسانه رائعه بس هو معرفش يقدرك
- 1
- 2
- 3
- 4
- التالي >
- الأخيرة >>
