هو ليس زوجك.. وحبّه وحنانه ليس من حقك

بصي بصراحه صعب اووووي انك تحب حد اووووي وتفترقي عنه بجوازك وهو يخسرك بس برضه لازم يجي يتقدملك مش معقول تضيعي عمرك عشانه لانه لو بحبك بجد حيعرف مصلحتك فين وحيعمل المستحيل عشان يتقدملك وبقرب وقت ممكن عشان انتي ما تضلي بالحاله هاي من التردد وانتي مستنياه تحياتي لك...

بص انا حاسة بيك جدا انا كمان كنت بحب واحد اوى هو مكنش فى مستواه المادى ولا التعليمى ولكن قولت عادى الحب اهم حاجة طبعا انا كنت عبيطة لما قولت كده الشخص ده اتقدملى بس عندنا فى البيت محدش وافق عليه
اتحديت الدنيا عشان نبقى مع بعض بس جرحنى حسسنى انى ولا حاجة عشان استنيته كان كل يوم بيحسسنى انى بجرى وراه ذلنى واهنى وكل الحب ده عشان اهله رفضوه بقى انتقام منى وبس انا سيبته بس لسة بحبه ولكن هنساه بلاش تعملى زى حرام عليكى

السعاده النفسية تغنى عن السعاده المادية والحب الحقيقى باقى لدوام الحياة ربنا يوفقك أسامه منير

انا من رأيي انك ترفضي اي حد يتقدملك لو واثقة بجد انه هيجي ويتجوزك بجد ولو مجاش اتمني انة الواحد يعيش ع ذكري الحب دة وساعتها مش هتقدري تتجوزي لاني اللي فهمتة انك بتعشقية فبعد جوازك من شخص اخر اكيد هتتخيلية فكل لحظة ودي فحد ذاتها خيانة والامر ليكي طبعا

لا بصراحة الفرصة مبتجيش الا مرة واحدة حاولى تفكرى شوية بعقلك وشوفى لو فى حد مناسب اتقدملك وافقى انا استنيت واحد 5 سنين وفى الاخر كانت تجربة وانتهت ومازلت برفض علشان لسه بفكر فيه مع انى بعيدة عنه

السلام عليكم
مشكلتك مثل مشكلة بنات تقدمت لهم وفى الاخر يقولوا لى " أنا مرتبطة " كلمة لم اقابها الا عندما فكرت فى الزواج وهو واحدة منهم تقدمت لها اكثر من مرة وفى الاخر تقول انا مرتبطة بالر غم عمرها 28 او اكتر .
يبدو ان هذا خطأ الكثير من البنات انها تعيش فى وهم الحب حتى يفوتها قطار الزواج وفى الاخر من منتظرها لكى ييتزجها يرتبط بأخرة وقد لا يرتبط بأحد خالص.

الاخت العزيزة/قصص الحب كثيرة منها مايصل الى التتويج والنجاح ومنها مايصل الى الافتراق وليس بلحب يحيا الانسان فالحب كلمةنعجز عن وصفها اوالتعبير عنها كلمة أسعدت الكثيرين وأتعست الأخرين قديكون فية نجاتنا وقديكون فية هلاكنا---ومع ذلك نظل نبحث عنة--ويبقى فى النهايةداءليس لة دواء---
------------------------------------------------------------- نصيحتى لكى /
ان تخبرى من تحبين بذلك وان كان صادق فى مشاعرة سيفعل المستحيل لكى يحافظ عليكى وحاولى ان تتحكمى فى مشاعرك وبقدر الامكان حاولى النسيان فجراح القلوب وكسرها شيء لايوصف --
وفى النهاية فوضى الامرلله --واتمنى لكى السعادةمع من يختارةقلبك--
التــــــــــــــــــــــــوقيع/قلب بلا عنوان@طائرالليل الحزين

زى ما قال الدكتور على جمعة مفتى الجمهورية
ان حبك ليه كشعور واحساس مش حرام
ولكن هو أجنبى عنك
يعنى غريب عنك وماتتعامليش معاه بأى شكل إلا في حدود الزمالة زيه زى غيره من الأولاد
وتقدرى تشوفى الفتاوى دى ف قسم اسألو المفتى ف بص وطل هنا
أما رأيى ف الجزء الأجتماعى من مشكلتك وهى التقدم للزواج
فعلا ممكن تستنيه وف الآخر ما يحصلش نصيب
ف أنا رأيى تصلي صلاة استخارة وتطلبى فيها من ربنا أنه يهديكى للصح
سواء تصبرى عليه أو لأ
ولو متعرفيش صلاة الاستخارة أسألى عنها دى سهلة خالص
وربنا يوفقك يارب ويسترها معاكى

اوعي تضيعي حبك من ايديكي .. في ايديكم انكو تكون اسعد اتنين .. وفي ايديكم انكو تكونو اتعس اتنين

خليه يقابل حد من اهلك تكوني واثقه فيه وصممي انك ليه وهو كمان ليكي ومش لحد غيرك .. الحب بيقوي مبيضعفش والحيره اللي انتي فيها دي ضعف ..

انتى مش واثقه فى الناس اللي بيتقدمولك ليه ؟؟؟
جربى وشوفي واكيد هتلقي حد فيهم مناسب ليكي من كل النواحى
وبيتهيألى انه بيتقدملك يبقى اكيد هيحبك ومع الوقت هتاخدو على بعض وتحبيه اكتر من الشخص الغريب ده ... وبعدين انتى قلتيها بنفسك حب الجامعه ده كله في الآخر مش بيتمّ .. يعنى اشتري نفسك بقى!
وفكري بعقلك علشان لو فضلتى كده قلبك هيوجعك جااامد وهتقولى يارتنى ما كنت عرفتك ! ويارب ما توصلي للحاله دي .
ربنا يوفقك لما فيه الخير ليكي ...

صلى على سيدك النبى
انا كمان زيك كدة باحب واحدة قريبتى جدااااااااا
انا اكبر منها باربع سنين
بس انا لسة قدامى شوية فى كليه الطب على ما اخلص
بس وعدتها وهى وعدتنى انها هترفض اى حد لأننا باذن الله لبعض
فكذلك لو انتى مطمنة له يبقى خلاص استنية لو 10 سنين
اما لو مش واثقة فيه يبقى حرام تستنيه
لأن محدش عارف ايه اللى ممكن يحصل بعد كده

البنت ملهاش غير الجواز الحقي اتجوزي قبل ماتندمي!

يا اما يجي يخطبك يا اماتبعدي عنه وانا عارفة انه مش بالساهل بس ربنا يعينك

واطلبي من ربنا بصدق انه يعينك

وماتحاوليش تتخطبي الوقتي استني شوية عما مشاعرك تركز

قولى له بلاش تلكيك الى عايز حد بيتقدم له هو شكله عايزيتسلى وحضرتك مدياه الفرصة بالسكوت

بالاراده والتوكل علي الله يمكن النسيان

ليس بالحب وحده يحيا الإنسان!

قصتك مش جديدة وهي مشكلة الشباب كلهم بس هتعملي ايه يعني طبعا العلاقة حرام شرعا والحب الحقيقي بيكون عن طريق الارتباط الشرعي وزي ما انتي قلتي لسه قدامه كتير ويا عالم بعد ما الكتير دا يعدي ويفوت ايه اللي ممكن يحصل ؟؟؟!!! ابعدي عنه واستني نصيبك وقربي من ربنا اما بالنسبة للحب والحنان اللي افتقدتيهم من والدك مش بيديكي المبرر انك تدوري عليهم من حد تاني مفيش بينك وبينه اي رابط شرعي

و الله انتى بتفكرينى بواحدة اعرفها . و اوعى فى يوم و انا اسف و انا باقولها تغلطى معاه لانى الظاهر من كلامك انك مستعدة تعملى المستحيل علشان تطوليه .و قال الله تعالى: "إنما أمره إذا أراد شيئًا أن يقول له كن فيكون . فسبحان الذى بيده ملكوت كل شىء و اليه ترجعون ".