السلام عليكم ورحمة الله وبركاته..
أولاً: أحب أن أشكركم كثيراً على تفاعلكم معنا ومشاركتكم لنا مشاكلنا.
ثانياً: كنت من فترة قد تقدمت لإنسانة وذهبت لخطبتها ولم يحدث نصيب؛ حيث قال أهلها لي: بعدما تنتهي من جامعتها.
أنا الآن تعرفت على إنسانة مؤدبة جداً ستدرس في كلية الطب، حافظة للقرآن وهي ما شاء الله عليها غاية في الأدب والأخلاق, وهي أصغر مني بحوالي ثلاث سنوات, وأنا فعلاً أعجبت بها كثيراً.
وحتى لا أطيل على حضراتكم, أنا تعرّفت عليها من النت, كنت معها صريحاً جداً؛ حيث قلت لها: أريد التقدم لأهلك؛ لكن قبل هذا قلنا إننا لا نريد التحدّث إلى بعض مرة ثانية؛ لأن هذا حرام, ووافقنا على ذلك, وهذا ما جعلني أزداد إعجاباً بها؛ فقلت لها أريد الارتباط الرسمي حقيقة؛ فقالت لي: أنا مرتاحة لك كثيراً؛ لكن اترك هذا لقدر الله ومشيئته؛ مع أني لم أرها لكن أراها بحسي وأشعر بها بقلبي مؤدبة مهذبة.
المشكلة الآن: أن البنت التي كنت قد تقدمت لها من قبل وأهلها ردوا بالرفض لحين انتهائها من الجامعة, فتحوا الباب بأنه يمكن لي أن أتقدم الآن لأن الطريق أصبح مفتوحاً والأمر متاحاً.
لا أعرف ماذا أفعل حقًّا لقد شردتُ وتشتتَ عقلي وفكري, بين هذه البنت التي تقدمتُ لها والأخرى التي أريد أن أتقدم لها..
أرجوكم ساعدوني لأني لا أستطيع التفكير، وأرى البنتين في غاية الأدب وعلى قمة من الأخلاق، فماذا أفعل؟
bolla
صديقنا قارئ "بص وطل"، تسرنا مشاركتك، وأدعو الله أن تتضح لك الصورة التي قد تكون غائبة عنك.
بداية أرى أنك لم تستطِع أن تحدد مشاعرك الحقيقية تجاه أي من الفتاتين، ربما يعود هذا لصغر سنك أو أنك لم تضع ملامح ومواصفات معينة لشريكة حياتك سوى أن تكون فتاة خلوقة ومهذبة.. ربما يعود هذا لنشأتك، والاحتمال الأكبر أنك في الأصل لا تعرف معنى الحب الحقيقي والفرق بينه وبين الإعجاب.
فالإعجاب أن تُعجب جداً بمواصفات إنسان تُعامله عن قرب أو حتى عن بعد؛ صحيح أنه قد يكون أحد مراحل الحب، ولكن يمكن أن تعجب جداً بمواصفات إنسان آخر، وحينها تنسى أو يَقِلّ إعجابك بالشخص الأول.
أما الحب الحقيقي فيحدث تدريجياً حتى تصل لمرحلة الاقتناع؛ حيث تنجذب أولاً للشخص عاطفياً فتريد التعرّف على أخباره ولو بطريقة غير مباشرة، وتشعر بسعادة غير مبررة عند سماع اسمه، وعند التفكير في السبب لا تجد سبباً محدداً، وإذا سألك الآخرون عن رأيك في هذا الشخص تصفه بأجمل وأروع الصفات.
الحب الحقيقي أن ترى الإنسان الذي تحبه أجمل مخلوقات الله، وتتحيّن الفُرَص لتكون بجواره سواء في لحظات السعادة أو أشد اللحظات ضيقاً، وتجد مبرراً لأي شيء يضايقك منه، وحتى إن حاولت تغييره للأفضل يكون بشكل غير مباشر تفادياً لحدوث أي مشاكل، وتتفنن في ذلك.. ومهما كان الأمر مرهقاً؛ فهو عندك ألذّ شعور في الحياة.
باختصار، في الحب الحقيقي لا تستطيع أن تحدد صفة معينة أعجبتك في الشخص الذي تحبه؛ فإن حدث وحددت؛ فما هو إلا إعجاب، وألا تستطيع أن ترى أو تشعر بأي إنسان آخر، وهذا لم يحدث معك في الحالتين.
وبصراحة، أنا لا أرى منك مشاعر حب حقيقي لأي من الفتاتين، وأرى أن قربك منهما وعرضك الزواج على الثانية -على وجه الخصوص- فيه خطأ كبير جداً منك سواء تجاه الأولى أو الثانية.
صديق "بص وطل" فكّر وتأمل: ما ذنب الفتاة الأولى التي استأمنتك على نفسها، ووثق بك أهلها وأعطوك كلمة رجل لرجل، ثم تذهب وتتحدث مع فتاة أخرى عبر النت؟.. إذا كان هذا هو الحال وأنتما لا زلتما في البداية وفي الوقت الذي من المفترض أن تحرص على الاجتهاد والصبر والعمل فيه، كي تفوز بهذه الإنسانة التي تقول إنك تحبها؛ فما هو الحال إذا حدثت خطبة أو زواج؛ فأنت لست مقتنعاً بها كزوجة تملأ عليك حياتك حتى لا ترى غيرها من بنات حواء؟
وما ذنب الفتاة الأخرى التي استأمنتك هي كذلك ووثقت بك، وفكّرت في تقديمك لأهلها كإنسان متدين وعلى خلق؟ لا أظن أن هذا سيكون رأيها إذا علمت بأنك لا تزال تفكر في الفتاة الأولى، وإذا كنت تشعر بأنك غير مخطئ؛ فأنا متيقنة من أنك كنت ستروي عليها الموقف، ولكن هذا لن يحدث لأنك تعلم أن فتاة خلوقة مثلها لن تتقبله وستسألك سؤالاً واحداً هو: ما دمت ارتبطت بكلمة رجل مع فتاة وأهلها ولا تزال تفكر بها؛ فكيف بك تتحدث مع أخرى حتى يتطور الموضوع لطلب الارتباط؟
نصيحتي هي كما تضمّنها كلامي أن تبتعد عن الفتاتين -فلو أن إحداهما فكرت في شخص آخر مجرد تفكير؛ فبالتأكيد كنت ستعتبرها إهانة لرجولتك.
إن إحساسك تجاههما لم يتعدَ مرحلة الإعجاب مختلطاً ببعض الأنانية وحب المغامرة والانجذاب لكل ما هو بعيد عن يدك دون أن تشعر بقيمته الحقيقية.
انا من رايى انك تنسى الاتنين
انا من رايى انك تنسى الاتنين عشان الاولانيه اهلها ليه وافقوا بعد ماكانوا رافضين وقالولك بعد ماتخلص جامعتها ايه اللى حصل بعد كده خلاهم يوافقوا والتانيه بتاعه النت انت متعرفهاش كويس وكمان مشوفتهاش ويمكن تكون بتمثل او بتوهمك بحاجات وانت بتصدقها والله احسنلك انك تنسى الاتنين وخاصه انك مقلتش انك بتحب حد فيهم يمكن كنت بترتاحلهم
وربنا يوفقك
السلام عليكم انا مستغرب من
السلام عليكم
انا مستغرب من موقف اهل البنت الاولى والتراجع المفاجئ انا بنصحك بالاستخارة وبنت النت ال 2 برضة بشر قرب منها واعرفها كويس بس انصحك بالاستخارة
اللى تعرفه احسن من اللى
اللى تعرفه احسن من اللى متعرفوش بلاها سوسو وخد ناديه هههههههههههه ارتبط باللى ادتها كلمه واللى انت تعرفها لكن النت ماوراهش غير المقالب تلاقيها مخدتش الابتدائيه وبتقولك انا دكتوره توكل على الله وارتبط باللى تعرفها
نصيحة مني ليك خد اللي رحت
نصيحة مني ليك خد اللي رحت خطبتها الاول عشان الانسانة تانية بتاعة نت محترمة اي نعم وكل حاجة بس انت مشفتهاش وبعدين تعلقها بيك وتتعلق بيها ومتكنش هي اللي انت عايزها وتجرها وتلاقي نفسك خسرت الاولانية وتانية وكل حاجة راحت بص قول لبتاعة النت اني مسافر وغير خطك وكدا وروح اخطب التانية وخلاص واستخير الله ده نصيب بجد مني ليك لاني حرام اظلم غيري بنات النت ربنا يصلح حالهم وجميعا يارب وستار موجود الا ما رحمي ربي اسف ليك نسالكم قراءة الفاتحة لوالدي رحمة الله ولجميع المسلمين ودعاء لنا بصلاح الحال الرجاء النشر
اللهم اغفر لوالديكي وارحمهم
اللهم اغفر لوالديكي وارحمهم رحمة واسعة, ولجميع المسلمين في مشارق الأرض ومغاربها
انا رايى انك ما ينفعش تتجوز
انا رايى انك ما ينفعش تتجوز دلوقتى ( اذا كنت مش قادر تعرف عواطفك رايحه فين يبقى هاتعرف تفتح بيت وتشيل مسئوليته ) وبعدين هى اى واحده تقولك على النت انا حافظه القران وماينفعش نتكلم تانى تقول عايز اتجوزها ده ممكن يكون واحد صاحبك وبيشتغلك على النت هههههههههههههههه يابنى يا حبيبى الواحد عشان يختار واحده يتجوزها لازم يكون عارفها كويس ومقتنع بيها وبيحبها وعارف اهلها كويس لانهم هايبقوا اهل اولادك ولازم كمان يبقى فى ما بينكوا توافق فكرى وثقافى واجتماعى ده جواز مش لعب عيال يعنى انسانه هاتشاركك بقية عمرك وهاتبقى ام لاولادك
الصراحة اشكر كل العاملين فى
الصراحة اشكر كل العاملين فى موقع بص وطل لانكم بمثابة البيت الثانى لاى شخص والحقيقة انكم تنصحون الانسان بكافة الطرق التى يستطيع ان ينفيذها الحقيقة انى فى ثالثة كلية اداب وبشتغل فى المنزل بس عايزة امل فراغى باى شى تانى فانا احب الكتابة ومناقشة مشكلات الغير فاننى اعتقد انكم عندكم مجلات فى كافى محافظات مصر فاود لو يوجد شغل لى فى اى مجلة او جريدة فى محافظة البحيرة ولكم جزير الشكر
أنا رأيي كده بردو. شيل
أنا رأيي كده بردو. شيل الاتنين شروة واحدة وأكيد واحدة فيهم هتصيب
انا رايى لادى ولادى ولو اخدت
انا رايى لادى ولادى ولو اخدت خد البنت الاولى اللى اهلها رفضوك لحد لما تخلص جامعه
(( فاذفر بذات الدين تربت يداك
(( فاذفر بذات الدين تربت يداك ))
انا من رأيى تصلى استخارة
انا من رأيى تصلى استخارة وربنا يوفقك لما فيه الخير وبالنسبة للحب الحقيقي فهو بيجي بعد الجواز اللى مبنى على أسس سليمة مش قبله..
استخير ربك فى امرك افضل شى
استخير ربك فى امرك افضل شى
انا رأيي تنفض لنفسك و تنسي
انا رأيي تنفض لنفسك و تنسي الاتنين قبل العيد الكبير!
انا راى انت مش عارف تحب يبقى
انا راى انت مش عارف تحب يبقى اتجوز جواز تقليدى شوف ماما او اختك تجيبلك عروسة او حد من قرايبك اصلك كدة مش بتتكلم صح اساسا وكلامك فى الاولى مش حب ولاالثانية اساسا هتحب واحدة مش تعرفها ازاى اساسا وتوصل للجواز من غير ما تشوفها ازاى وبعد كدة تخونها ولا تفكر فى غيرها موضوعك الصراحة مش كويس اساسا خالص ومش فى مشكلة عشان انت بجد انسان مش متظبط عاطفيا مش اكتر وكتير بنات بتضحك على غيرها بلغة الادب والمشاعر والحب او انها محترمة او انها خجولة وعلى فكرة عاوز اقولك انى فى ناس بتحب البنت الى مش مؤدبة او الى مش طيبة او الى مش خجولة او العكس او الى ليها مغامرات كل واحد بيفكر بشكل غير التانى بس نصيحة خد الواحدة زى الرسول علية الصلاة والسلام ما قال تنكح المرأة لثلات مالها وجمالها وحسبها ونسبها فاظفر بذات الدين دور على حد كويس وتحسة من جواك بجد عشان مش تظلم نفسك ولا تظلم حد معاك
انت لسه مش شوفت اللي اتعرفت
انت لسه مش شوفت اللي اتعرفت عليها علي النت
مش جايز مش تعجبك او في الحقيقه مش زي النت
انت بتقارن الوهم بالحقيقه
شوفها الاول واتعرف عليها
وبعدها انت من نفسك هتحكم من غير تردد
يا اما دي او الاولي
وربنا يهديك للخير
رأيى تأخذ اقربهم لقلبك وشوف
رأيى تأخذ اقربهم لقلبك وشوف مين تقدر تستحمل بعدها ومين بترتاح بقربها المهم ان اللى تختارها تكون بتبادلك نفس الحب ومتستحملش بعادك
المفروض انت اللى تقرر انت
المفروض انت اللى تقرر انت عايز مين ومرتاح لمين اكتر وحاسس انك هتكمل مع مين الناس مش هتخترلك صلى صلاة استخارة وشوف ايه اللى هيحصل ربنا معاك
انت فى حاجه موضحتهاش فى
انت فى حاجه موضحتهاش فى الموضوع هما ليه رجعوا تانى قبلوك بعد ما رفضوك و لو كان السبب على حسب مخيلتى انا ان كان فى حد تانى متقدم قبلك و هما شافوه احسن منك و لما منفعشى قالوا انك احسن
يعنى طالما كان المبدأ من الاول لما البنت تخلص كليتها طيب رجعوا فيه ليه هنا السؤال و لا هى خلاص خلصت كليتها و قالوا يرجعوا الموضوع تانى
و تانى حاجه انا مش بتهم البنت التانيه بعدم الاخلاق بالعكس اكيد هى مؤدبه و محترمه بس هى كلمتك من على النت يعنى و بعدين تقولك بلاش نتكلم تانى طيب افهمها ازاى ديه ما الواحد ممكن يكلم حد من على النت عادى نقول اصحاب لكن لما يصرح انه عاوز يتقدم و تقول كده نرجع نفكر طيب ليه دخلت نت من الاول بقى
اظن انك محتاج تفكر فى الموضوع بشكل صريح و تحدد انت عاوز ايه بالضبط و كمان انا عاوزه افهم ازاى ( مع أني لم أرها لكن أراها بحسي وأشعر بها بقلبي مؤدبة ) يعنى انت مش مهم عندك الشكل و لو لما ممكن تشوفها متعجبش بيها اصل لما تدى لحد وعد بالزواج او انك تتقدم مفروض تكون قده من كل حاجه ماديا و نفسيا
بجد راجع نفسك و ربنا يهديك لما فيه الصواب ان شاء الله
شوف يابنى أنا لو منك هاخد
شوف يابنى أنا لو منك هاخد التانية وخلاص , بس إزاى وإنت بتقول إن إنت ماشوفتهاش خالص , والله حاجه تحير فعلا , حتى لوفكرت ترتبط بالأولى فيه سؤال لازم يتسأل - إزاى قالولك البنت لسه فى الجامعة وإزاى بعدها بفترة قالولك تعالى نتكلم ? , والواضح من كلامك إنها فترة صغيرة يعنى مالحقتش تخلص جامعة , .......
على الرغم من إنها حاجه تحير إلا إنك مالجأتش للإستخارة , حاول تستخير ربنا كده وشوف , وإوعى تتسرع , ربنا معاك
تفاصيل البنت بتاعه النت مش
تفاصيل البنت بتاعه النت مش كامله.مش نقدر نديك رأينا بوضوح
أنا قلت كده برده , ومحدش سمع
أنا قلت كده برده , ومحدش سمع كلامي, طب ينفع بجد ؟!!!!
