أنا بنت عندي 18 سنة، الموضوع ابتدى من سنة ونص لما عزّلنا.. في البداية كان بيعمل أي حاجة علشان يلفت نظري.. هو أكبر مني بأربع سنين، وكان معايا في نفس الكلية قبل ما يتخرج.
أنا أعجبت بيه جداً، إحنا كنا بنتكلم على إننا جيران؛ بس يعني كل كام أسبوع مرة مش أكتر، وفي البيت عندي كانوا عارفين؛ بس أنا كنت حاسة بحاجة غير كده.
الموضوع فضل يتطور، هو طلب رقمي أو إننا نتكلم على النت، وأنا رفضت طبعاً لأني ما ينفعش أعمل كده، وبعدين أبتدي يلمح لي إنه معجب بيّ، طبعاً كنت طايرة من الفرحة؛ بس ما بيّنتش لحد ما في يوم لقيته جايب لي هدية اتدبست واضطريت أقبلها لأني ما كنتش عارفة أتصرف.
وبعدها عرفت عنه حاجات كتيير بايخة، وإنه كان بيتسلى بيّ لأنه في نفس الوقت راح قال لواحدة تانية على إنه بيحبها.
أنا اكتأبت من يومها واتخنقت أوي، وقررت أشيله من دماغي، وده كان من 3 شهور.. والحمد لله، قرّبت أوي من ربنا، وركّزت أكتر في مذاكرتي، وحفظ القرآن.
المشكلة إن أنا مرعوبة لا يقول لحد أو يعمل لي مشكلة، أنا ما بقيتش باثق في حد.. أنا مش عارفة لو عرفوا عندي في البيت هيعملوا إيه.. أنا والله مش عارفة أنام كل ما أفكر في كده.. أنا تقريباً مش باكلم حد دلوقتي وأعصابي تعبت أوي.. خايفة يعمل لي مشاكل ومش عارفة أعمل إيه.
أنا آسفة إني طوّلت أوي عليكم؛ بس دي أول مرة أحكي لحد.. وميرسي أوي إنكم سمعتوني.
p
دى مش مشكلة هو اجبن من انه
دى مش مشكلة هو اجبن من انه يعمل حاجة دة كلب وراح وخالى بالك بعد كده
بصى متخافيش وممكن تقولى
بصى متخافيش وممكن تقولى لمامتك انتى بحيث تبقى عارفة واحكيلها اللى حصل كله وان الموضع كله هزار وخديها بضحك قوليها عارفة جارنا اللى كان كذا باعتلى هديه وانا اتحرجت اكسفوا فقبلتها واتكلمى وانتى بتضحكى ولو ليكى اخوات بنات احكى برضوا بضحك خلى الموضوع بالنسبالك تافه وحسسيهم بكده وعمتا انتى غلطى واتعلمتى
مادام عدى 3 شهور اطمنى ان
مادام عدى 3 شهور اطمنى
ان شاء الله مش هيعمل حاجه لأنه مش هستفيد حاجه من ده عشانه أخد منك اللى هو عاوزه
والنوعيه دي مبيفرقش معاها حاجه لانه زي ما كلمك هيكلم غيرك وده بس اللى بيشغل باله
لكن مش هيفرق معاه انه يعمل فضيحه لبنت
نوعية عايزه الحرق
فكك وخدى بالك
انا و انا بقرأ كلامك حسيت اني
انا و انا بقرأ كلامك حسيت اني بتفرج علي فيلم بيتكرر كتيييير جدا
انتي ماعملتيش اي حاجه غلط علي فكره بالعكس انتي كنتي محترمه و فوق مستوي الشبهات و مش ذنبك انك ماتعرفيش انه كده
و لو حاول يكلمك تاني ماترديش عليه سواء رد حلو او وحش
لو مابصتيش عليه خالص و ماعبرتيهوش اصلا هتحطيه في موقف باااااااااااايخ و هتاخدي حقكك تالت و متلت
بس هو جابلك ايه بقي ؟
ههههههههههه
هو اية اللي عاملة المشكلة دي
هو اية اللي عاملة المشكلة دي مفيش اساسا مشكلة عشان تقولي كلام دة انتي اللي مكبرة موضوع لاني هو مش هيتصل ولا حاجة ولا انتي هتتصلي وانتي هتبعدي وطول ما انتي معملتيش اي حاجة تسئ ليكي ولاهلك يبقي متخافيش ولو انتي بتصاحبي مامتك احكيلها عادي جدا وخليكي صريحة قوليلها اني حبيت شخص واكتشفت انه مش كويس وكدا انتي مش واثقة من نفسك اني متجاوزتيش حدودك معاة يبقي دة مش يخوفك ولا يهينك ولا يخليكي تبقي مضطربة كدا عادي جدا الا اذا وربنا يارب يكرمك ويطمنك يارب ويشيل خوفك وخوف جميع المسلمين يارب نسالكم قراءة الفاتحة لوالدي رحمة الله ولجميع المسلمين ودعاء لنا بصلاح الحال الرجاء نشر
ميرسى على سعة صدركم ونصائحكم
ميرسى على سعة صدركم ونصائحكم الغالية والاستفادة اللى بنستشعرها من الموقع الهايل ده
en shaa alah mesh hayhsal
en shaa alah mesh hayhsal haga elensan elkreeb mn rabna mahdsh ykdare yezih
ابعدى عنه خاااالص ولو حاول
ابعدى عنه خاااالص ولو حاول تانى صديه جامد جداااااا خليكى قويه وفعلا مفيش احسن من ربنا معين ليكى ومتخافيش ولو ينفع تلمحى لمامتك انك كنتى بتكلميه قولى لها او حد اكبر منك فى البيت وان شاء الله هو مش هيعمل كده لانه اجبن من انه يقول حاجه ولو عمل قولى له فين الدليل .. انتى شكلك محترمه وبريئه ومش عارفه النوعيه دى اخلاقها ازاى .. ربنا يهدينا كلنا
هو من الاول واضح انه مش كويس
هو من الاول واضح انه مش كويس لانه طلب التليفون ومدخلش من الباب
انت معملتيش حاجه غلط على حد كلامك
ارمي الهديه وفكك منه
واضح اووى انه كان عاوز يتسلى
واضح اووى انه كان عاوز يتسلى مش اكتر بدليل انه طلب منك رقم الموبيل اوعى النت وده كفاية انه يثبتلك انه عاوز يتسلى
وبعدين فى سنك ده الواحد مش بيعرف يحدد كويس يعنى بيكون متلخبط ومش عارف يتصرف وكده لانه ما اتعرضش للموقف دى قبل كده فأنا بقولك سيبك منه خالص وهو هيحاول يرجع بس انتى صديه جامد
وان شاء الله ربنا هيرزقك بحد يحبك بجد ويخاف عليكى بس انتى حافظى على نفسك !
وربنا معانا ومعاكى ... !^_^!
فعلا هو مش هيقدر يعمل حاجه بس
فعلا هو مش هيقدر يعمل حاجه بس لو فيه حاجه خايفه ان اهلك يعرفوها حاولى انتى تقوليهالهم علشان محدش منهم يحس ان فيه حاجه ولا هو كمان يحس انك خايفه ان البيت يعرف ومتقلقيش ان شاء الله خير
سبيها لله وخليكي واثقه في
سبيها لله وخليكي واثقه في نفسك انها تجربه وعدت وانسي كل ما فيها
وربنا هيكرمك بواحد يحبك بجد
وربنا يهدينا كلنا
لو سمحت اداره الموقع تقولى
لو سمحت اداره الموقع تقولى ليه خدمه الرسايل مبقتش شغاله ببعت لنفسى رسايل ع الموبيل مبتوصلش؟
=======================
رد بص وطل
شكرا على ثقتك فى بص وطل وبالنسبة لخدمة الرسائل فهى تعمل بكفاءة فبرجاء إعادة المحاولة مرة أخرى .
بعد اللي قولتيه متخافيش لانه
بعد اللي قولتيه متخافيش لانه عمره مهيقدر يعمل حاجه لان مكنش بينكم اي حاجه اساسا.وفكك منه ومتعبريهوش ولا تردي عليه لو قالك ازيك حتي
هاى إزيك بصى يا ستى انا هقولك
هاى إزيك بصى يا ستى انا هقولك وجهة نظرى الولد دة كويس انك بعدتى عنة بس انا حاسس ان فى حاجة غلط فى علاقتك معاة يعنى مسك ايدك او حاول يعمل اكتر من دة لان طريقة كلامك حاسس فيها انك مخبية حاجة بس لو دة ماحصلش وانا راى غلط يبقى تمام اوى والحمد للة اهم حاجة انك تبعدى عنة وهو مش هيحاول يقول حد لسبب انة اكيد مش بيحبك لدرجة الجنون عشان يعمل معاكى حركة زى دى او انتى تقلانة علية اوى اوى لدرجة انة ينتقم منك اهم حاجة ابعدى عنة ولو شوفتية فى الشارع لفى من الشارع التانى
يخبط دماغه في الحيط مهما عمل
يخبط دماغه في الحيط مهما عمل هيصل ايه يعني متخافيش شكلك بنت محترمة واللي زيك خلصوا من زمان وبلاش تعملي علاقات ملهاش لازمة زي دي
يا حبيبتى ماتخفيش هو مش هيقدر
يا حبيبتى ماتخفيش هو مش هيقدر يعمل حاجة حتى لو هددك لانه هو كمان هيخاف ومش عايز مشاكل بس فعلا ابعدى خالص ومتدهوش فرصة يقولك اى حاجة واوعى تبينى انك خايفة او ضعيفة عشان مايستغلش ده
.........ليا تعليق كمان الصورة وحشة اوى واستفزتنى اوى
