وجّهي مشاعرك لخطيبك وشوفي مميزاته اللي إنت فاكراها عيوب

بصى انت اصلا عمرك ما حبتيه لان اللى بيحب بجد مش بيشوف عيوب حبيبه و بيشوفو احسن انسان في الدنيا. ادي نفسك فرصة تشوفي مميزاته اللى مش هتلاقيها فى حد تانى. لان انت مشكلتك انك ماشوفتيش السىء علشان تعرفى قيمة الحلو انت ربنا اعطى لكى هدية عمرك لا تضيعيها نصيحة من اخت شافت السىء و الحمد لله ربنا انعم عليا بخطيب زى خطيبك فحسيت بقيمته.الولاد فى الزمن ده نادرا لمل تلاقي حد كويس بجد و يحبك لذاتك بدون غرض

بصى بقى المشكلة فيكى ازاى تبقى مخطوبة وتحبى واحد تانى وبعدين انت متستاهليش كل الحب دة انتى علشان شيفاة بيحبك ومتاكدة انة مش هيسيبك فحطتية فى الاحتياط هو لو تقل عليكى شوية هتعرفى قيمتة والحل انك تسيبية لانك متستاهليهوش خااااااااالص

السلام عليكم
بالنسبه لخطيبك الرومانسي واضح من افعاله انه شخص غير مسؤول وانت لا تحبينه لذا فلا مفر من الانفصال ومحاوله انتحاره تكون بسبب امرض نفسيه

ام الاخر الذي تحبينه فلا يمكنك انت المصارحه بمشاعرك وعليك ان تنتظري اذا تقدم لكي فهو مكتوبلك اما اذا لم يتقدم لكي فهو لم يكن يحبك واعتقد انه لا يمكنك العيش مع شخص لا يحبك

ايه ده هي الناس كلها بتهاجمها ليه ايه التخلف بتاعكم ده ...هي مش مستريحه وحاسه انها مش عارفه تكمل معاه ايه اللي يجبرها انها تكمل... مفيش في الجواز ده هيصعب عليا والكلام ده ,,,بصي يا بنتي انتي حاولي تجيبيها له بطريقه ان انتوا طباعكوا غير بعض ساعات الرومانسيه الاوفر بتخنق ولو انتي حاسه اني خلاص مش عايزه تكملي افسخيها عشان مش تظلميه معاكي ولا تظلمي نفسك وانتي مش ظالمه ولا حاجه مش تسمعي كلام الناس دي وربنا يوفقك في حياتك اللي جايه وهو برده ربنا يوفقه ,,,وبعدين ايه ينتحر دي وده يبقي حل لمشكله واجهته المفروض يبقي عنده ايمان اكتر من كده

ده أكيد مجنون بحبك
ومينفعش تكونى مخطوبه وتسيبي نفسك تفكري في حد تانى
وقفي نفسك عند حدها لانه ممكن ميكنش بيحبك وبعد كده تندمى على واحد بيحبك وضيعتيه بجد

وبعدين أى حد بيحبك كده أكيد بيغير ؟ انتى ايش عرفك؟

استحملى شوية رومانسيه زايده

لانى معتش في دلوقتى راجل رومانسى

بكره هتندمى !

يعنى هى البنات لا كده عاجب ولا كده عاجب

البنات بتشتكي من عدم الرومانسيه

سارد ببعض كلمات واعذروني لردي وسخافة قولي

من السهل ان يضحي الشاب من اجل فتاة

ولكن من المستحيل ان تجد فتاة تستحق التضحية
نزار قباني

امبر الرومانسية

بسم الله الرحمن الرحيم--الاجابه تونس
هههههههههههه
البنات دى عايزه الحرق والله سيبيه يا ماما علشان بعد كدا تلطمى وتقولى ياريتنى وانتى الى هتقطعى شراينك علشان ضيعتى الحب

بصى هو الموضوع صعب لانى مش هقنعك انك تعيشى معاة وانتى مش بتحبية بس انا بقولك لو هو رومانسى زيادة عن اللزوم مادام بيحبك يبقى هيتغير عشانك عارفة لو تصارحية بكل المشاعر دى هتبقى حياة جميلة اوى وتحاولى تغيرى وتقوليلة انا بجد تعبانة من الموضوع دة وحاول نصلحة مع بعض عشان الحياة الى جاية تبقى احلى هو اكيد هيتغير لما يسمع كدة النصيحة انك ماتسيبيهوش مش عشان انتحار وكلام فاضى دة انتى اصلا تعاتبية على الكلام دة لكن عشان ماتندميش وماتعلميش التانى ممكن يحبك ولا ياخدك

هو انت سبتيه بس مش عشان هو مبيغرش و رومانسى لا انت سبيه عشان واضح انه شخص ميقدرش يتحمل مسئوليه او يواجه مشكله لانه حاول يقطع شرايين ايده امال لما يواجه مشكله فى الحياه هيعمل ايه ممكن يموتك ويموت نفسه

ههههههههههههههههههههههه سيبكوا بقى من ده كلو واتفرجو على الرد ده
............ الرد ده ...............

إضافة رد  new
لو عملتي اللي ف دماغك هتندمي
أرسلها yara_11_yara (زائر) في Thu, 2010-09-02 02:0

وبعدين طالما بيحبك اوي كده يبقي هتغير زي مانتي عاوزة وهتشكليه ع مزاجك

............. ايه الزمن اللى اتشقلب ده .............

البنت دلوقتى هى اللى هتشكل الراجل على مزاجها ليه هى الاية الكريمة بتقول النساء قوامون على الرجال ....؟؟؟؟؟؟؟؟

قال الله تعالى : { الرجال قوامون على النساء }

وفى سورة البقرة : { وللرجال عليهن درجة }

.........................

اما بقى فى مشكلة البنت وخطيبها فهى كده بتخونه ومش مقدره مشاعره والمصيبه الاكبر انه كان هاينتحر وده ذنب اكبر وفعل شنيع

بصى هاقولك حافظى عليه وصونيه وهاقوله حافظ عليها وصونها وحافظ اكتر على علاقتك بربنا سبحانه وتعالى واتقى الله في نفسكم

ايه اللى وصلك لكده . طالما وافقتى بيه من البداية تبقى شايفاه مناسب . لو الشخص التانى غيرك فمفيش اى حاجه ما بينى وبين التانى شوفى مين اللى يستحق وشوفى كل واحد يستاهل ايه . أقولك شوفى خطيبك ده يصلح زوج ليكى واب لولادك ولا لاء وساعتها القرار بقى موجود

مش عارفه اقولك ايه بجد
هو حد لاقى حد يحبه فى الزمن دا
راجعي نفسك يابنتى
الراجل رومانسي وبيحبك وبيضحي بحياته عشانك وانتى بتخونيه
اتقى الله فيه
دا مش جزائه الخيانه ابدا

انتى ايه يعنى ولا بترحمى ولا سايبه رحمه ربنا تنزل قال بيحبك حد طايل فى الزمن دة حد يحبه كدة بوسى اديكى واعقلى الست ملهاش غير بيت جوزها وعيالها ومعنى انك بتحبى واحد تانى وانتى مخطوبه دى مصيبه سودة فى حد ذاتها معنى كدة ان خطيبك دة خلتيه طرطور معملتيش حسابه ولا قدرتيه سلام يا مهما كنتى
اسمك انتى مخطوبه مش هغلط

ربنا يوفقك

بس انا مش معاكوا فى نقطه مهمه جدا انه حاول ينتحر وقطع شرايين ايده علشانها يعنى مش قريب من ربنا لانه مخافش انه يموت كافر ودى حاجه مش حلوه .

ههههههههههههههههه خلاص قوليله انك بتحبى واحد تانى وشوفى هيغير عليكي ولا لاء وبعدين هو لازم يعنى يبين ليكي غيرته علشان تعرفى على فكرة خطيبك ده خساره فيكي

لو عملتي اللي ف دماغك هتندمي اشد الندم وواضح انك عاوزة واحد يبهدلك ويزعقلك مش كده والله هتندمي ومفيش حد هيحبك زيه كده الحب اللي زي كده مبقاش فيه منه خالص ومتعرفيش ممكن يحصل ايه بعد كده وشخصيته تتغير وده اكيد وبعدين طالما بيحبك اوي كده يبقي هتغير زي مانتي عاوزة وهتشكليه ع مزاجك

انتى فى ايدك نعمه بس مش حاسه بيها للاسف هو الانسان كده مش بيحس بقميه الحاجه اللى معاه انتى زعلانه ومتضايقه عشان لقيتى اللى يحبك بجد ده المفروض تفرحى انك لقيتى حد يحبك بجد لان زمانا ده مبقاش فيه حب بجد ولا اخلاص وبدل ماتفكرى فى حد تانى وممكن ميكونش بيحبك ولا انتى فى باله فكرى ازاى تحبى خطيبك واهتمى بيه مش لازم الحب يجى دلوقتى ياريت متتسرعيش فى قرار انك تسبيه وبعدين انتى ممكن تصارحى اللى انتى بتحبيه ده بحقيقة شعورك بس تضمنى منين انه يكون بيحبك بجد او مرتبط بحد تانى فياريت متضيعيش اللى بيحبك من ايدك عشان حد تانى ممكن ميستاهلش الحب ده وممكن تتعبى معاه ومش هترتاحى انما ما دام اللى بيحبك معاكى صدقينى هتبقى مرتاحه ع الاخر ياريت تاخدى بنصيحتى وخليكى مع خطيبك ومتقوليش انه مش بيغير عليكى يمكن تلاقيه بيغير اوى بس مش عايز يبين عشان انتى متضايقيش ياريت تكلميه بصراحه فى كل الحاجات اللى بتضايقك اهم حاجه فى الحب الصراحه

بصي في فرق بين الشخصيات ومفيش انسان كامل الاوصاف بس كفايه ان هو بيحبك بجد وانتي متاكده من كده المتعه مش في اني احب بس وكفايه انك تعيشي عشان تسعدي انسان فكري في متعه العطاء وبعدين هو رومانسي بس مش بارد اكيد بيحبك اوي وممكن يكون مش عايز يوضح غيرته عشان متزهقيش اعملي مقارنه بين ما تريه ميزه وعيب

بذمتك فى حبيب يعمل عشان حبيبه كل ده لدرجة انه يفكر فى الانتحار وبعدين احيانا المشاعر بتخدع ممكن الانسان الثانى الى انتى بدأتى تحبيه ده يطلع حد مش كويس وبيلعب بيكى يبقى ساعتها خسرتى الاثنين يبقى لازم تحاولى تصلحى علاقتك مع خطيبك واكيد هو هيستجيب ليكى طالما بيحبك وعرفيه ايه الى بيزعلك منه وان شاء الله يعدل من نفسه فكرى شويه قبل ماتاخدى اى قرار نحيته وربنا يوفقوا.

يا بختك بخطيبك معقولة لسه فيه ناس مخلصة اوي كده؟الناس دول انقرضوا من زمان ومعدش فيه منهم-طالما انت اتخطبتيله ورضيتي بيه علي الاسس السليمة لاختيار الزوج ,وهو مضحي ليك ,خليكي معاه وربناهيباركلك فيه وقادر انه يجمع قلوبكم علي الخير وسيبك من الي انت شاغلة بالك بيه لاني حبك ليه مش هيودي ولا هيجيب طالما انه هو اللي مبيحبكيش,وبعدين ده شغل شيطان عايز يحلي في عينك الحرام عشان تسيبي الحلال وتمشي ورا الشيطان
وعموما صلي صلاة الاستخارة وادعي ربنا يوفقك للخير وادعيلي معاكي بالمرة

اتقى الله فى خطيبك ومتبصيش برة
لان من يتقى الله يجعل لة مخرجا من حيث لايدرى ولا يحتسب
وبعدين بذمتك هو حد لاقى حد بيحب كدة
ولا احنا كدة زى الزمن غدارين لما نلاقى اللى يحبنا
منحبهوش وبسرعة ندور على غيرة
هى كدة حاجة من غير ولا حاجة
حافظى علية وهتلاقية
ملاك بين ايديكى وهيعمل المستحيل علشانك

بصى اجمل شئ فى الدنيا انك تلاقى حد يحبك قوى بس حاولى تحافظى عليه وابعدى عن الشخص التانى وربنا يوفقك ويكرمك

واضح انك متغيرة من خطيبك بسبب الشخص التانى ده
حاولى تقربى من خطيبك شويه وهو شكله كده بيحبك اهوو
طيب يعنى مش وحش يعنى ولا حاجه كفايه انه بيحبك وحاول ينتحر علشانك ... ركزى معاه وسيبك من التانى ده
وربنا يهديكى ! (( خد اللى يحبك ... ))

إنتى ظالمة

هو ليه دايما الانسان مش بيرضى باى حاجة كدا يعنى بيحبك لدرجة انه فكر يموت وينهى حياته لو انتى مش فيها عايزة اية اكتر من كدا انا كمان والله خطيبى فى مشاكل بينى وبينه بس صدقينى مش بعمل زيك واشوف الوحش فيه ببص دايما للحلو فيه واشوف حبه ليا كله وقتها بيهون وبنسى اى حاجة ودا بيخليه يحبنى اكتر

طب تقولي ايه في اللي بيحب والمفروض بيتحب بس في ظروف تموت اي واحدة من الحسرة علي حبها كل يوم ؟ احمدي ربنا

بصى يا بنتى
المثل بيقول خد اللى يحبك وما تاخدش اللى تحبة
لانة طالما بيحبك هيخاف عليكى وهيصونك ويرعاكى ومع الايام هتحبية انتى كمان

عيشي واسكتي

حاول ينتحر !!
قطع شرايين ايده فعلا ؟

ولا قالك كدا من باب التهديد ؟
ولا انتى اللى قولتى كدا من باب المبالغة D: ؟

لو بجد يبقى شايف انك تعيدى حساباتك معاه تانى , أو تخليه يعيد حساباته مع نفسه .

الانتحار كفر . ( قاعدة عامة )

اذا كنت في نعمة فارعها
فان المعاصي تزيل النعم
نصيحتي ليكي : انك تسيبي خطيبك لانك متستهليهوش ... ولما تسيبيه هتعرفي النعمة اللي انت كنتي فيها .. بس بعد فوات الاوان
الفرصة بتيجي مرة واحدة

احمدى ربنا يا بنتى والله .. فعلا الانسان ميملاش عينه الا .....

وانتى ليه وافقتى عليه من الاول ؟؟؟ عشان يبقى اسمك مخظوبه !!
والله حرام عليكى ... عارفه ... اننى لو سبتيه هو الكسبان انه بعد عنك .... انا لو مكانك اكرهه فيا طالما هو مش قادر يبعد عنك ...اعملى كل حاجه هو قايلاك متعمليهاش ...عامليه وحش ... بجد حرام عليكى !!!

انا احب اقولك انه انسان عنده مشكله نفسيه خطيره
الحب مش قطع شريان او غيره الحب هو الخوف على الانسان ده و محاوله حمايته و كل واحد بيعبر عن حبه بطريقته
بس انه يقطع شريان ايده و محاوله الانتحار ديه مشكله نفسيه لان اى انسان مفروض لما بيواجه المشكله ديه يكتئب او يحاول يصلح الوضوع و يرجعه لكن الانتحار ده ضعف ايمان
انا بقترح انتى تروحى معاه لدكتور علشان فكرى فى المستقبل ده مقدرش يواجه مشكله انك سبتيه ازاى حيواجه مشاكل الولاد و المسئوليه
و يا ريت تنشروا ردى

والله العظيم حرام عليكي صوني النعمه ال بعتهالك ربنا

يابنتي خديها نصيحه وحاولي تهتمي بخطيبك وتحبيه علشان هو وبجد بيحبك ومش هتحسي بقيمته غير لما يسيبك ويبعد عنك وكلامي والله عن تجربه

يا بنتى فى الدنيا دى حد لاقى حد يحبه بطريقه دى استهدى بالله حاولى تدورى فى خطيبك على المميزات ومتبصيش لميزاته على انها عيوب واعرفى ان كما تدين تدان اوعى تظلمى خطيبك ولا تخونيه اتقى الله فيه

ابدأ كلامي باسم الله واقول قوله تعالى فيما معناه " وعسي ان تكرهوا شيئا وهو خير لكم وعسي ان تحبوا شيئا وهو شر لكم ". استعيني بالله جيدا وعشان تعرفي تختاري صح لازم يكون عندك ثقة فى نفسك واذا كان الحب هو قطع الشرايين يبقي قلة الحب احسن ولا الكفر بالله وما فى اغلي من رسول الله (ص) الا حلال احسن منه مفيش كملي مع خطيبك واللى ليه نصيب فى حد حيشوفه باذن الله بس انتى اتقي ربنا فى خطيبك وفى حلالك اللى ربنا كتبة ليكي ... تحياتي لكي

اللي يعمل كدة يا بنتي يبقى مش هاتعرفي تعيشي معاه ... لانه ببساطة مش راجل وشخص لا يعتمد عليه في مسئولية

فكك منه باي طريقة

بجد نصيحه من اخت ليكى اوعى تسيبى اللى بيحبك وتجرى ورا وهم هتندمى عمرك كله احمدى ربنا على خطيبك وقربى منه

الحب من غير غيرة ميبقاش حب ماهو المفروض يغير عليها

اولا احب ان احسدك على وجود شخص يحبك كل هذا الحب فى حياتك وهو ليس شخص عادى فى حياتك بل هو خطيبك ,فأنت انسانه محظوظة لانك وجدتى من يحبك.
ثانيا ارجو ان تتق الله فى خطيبك وان تبادليه شعوره وتتعايشى معه وتبحثى عن مميزاته وتنصهرى معه افضل ماتشغلى بالك بحب اخر لا يشعر بك وتخونى من احبك وممكن ان تطلبى من خطيبك ان يتغير وهو يحبك وسوف يتغير من اجلك
واخيرا : تأكدى اننا لا نعرف قيمة النعم الا بعد ضياعها منا فلا تضيعى نعمتك لكى تعرفى قيمتها

مش بيغير عليكي ازاي وضحي اكتر وبعدين الراجل رومانسي وبيحبك فين المشكلة يعني مثلا بيشوفك تدلعي على حد او حد بيعاكسك وعادي بالنسبة ليه ؟

قلما وجدتي انسان يضحي بحياته من اجل فراق حبيبته تمسكي به فلربما كان خير لك من الاخر الذي تحبينه. وحاولي تبحثي فيه عن ما يعجبك في الاخر واكيد هتلاقي بس انت حاولي. وصلي لله ركعتين استخارة.