أنا شاب في الثلاثين من العمر، جاهز وقادر على الزواج منذ ما يقرب من 5 سنوات، خطبت مرتين وفشلت فيهما: المرة الأولى بسببها وهي الآن متزوّجة، ولكنها تتصل تسأل عليّ وتندم كثيراً على ما فعلته معي، ولا أنكر أني لم ولن أنساها، وعندما أتقدم لخطبية فتاة غيرها أقارن بينهما، ودائماً ما تنتهي بعدم الموافقة من جانبي.
أما بالنسبة للخطوبة الثانية فأنا الذي تركتها وتركت كل حاجة ليها؛ لأنها كانت خطوبة صالونات، واكتشفت عيب فيها سيئ جداً وهو موجود أساساً في أمها، وهو إنهم يتكلموا ويجيبوا سيرة الناس، وأنا أكره ذلك.
وعموماً لم أكن أحبها، ولم تفرق معي أساساً؛ لأني أحب الأولى وأنا على علاقات كثيرة جداً ما بين صداقة شريفة وأخرى لإشباع بعض الرغبات لديّ؛ لأنني رجل ولكني لا أصل إلى الحرام، وأنا الآن أمامي أكثر من بنت كلهم موافقون؛ لكنني لم أحب أحداً منهن أبداً.
وأنا الآن متعلّق ببنت مخطوبة، وأحبها وهي تحبني، وكانت ستتركه ثم حدثت مشاكل كثيرة، ثم أكملت معه؛ لكنها تحبني أنا؛ ولكنها تقول إن ما حدث يحسسها أنها لو تركته ستدمر حياته وتخاف أن تتسبب في انهيار أحد حتى لو على حساب نفسها، وأنا أريد بنتاً فيها كل حاجة؛ الجمال الأدب الأخلاق الأصل التعليم، مجنون طبعاً؛ بس مش عارف أتعلق بحد تاني غيرهم أعمل إيه؟!!
ساعدوني.. هل أتزوج أول بنت تقابلني وتكون جيدة الشكل وعلى خلق لتحفظ لي بيتي؟!! أم أنتظر وأواصل البحث عن حاجة مش لاقيها تاني قدامي، بنت حلوة ومتدينة وتحفظ القرآن؛ لكنها غير متعلّمة، وأنا معي دراسات عليا؛ لكنها عاقلة جداً مش عارف هاتجنن بجد، أرجو المساعدة..
stam
هل تريد المساعدة فعلاً أم تريد شخصاً يواسيك ويساعدك على الاستمرار فيما تفعله بحياتك؟ سؤال يجب أن تجيب عليه أولاً، وإذا كنت تريد المساعدة الحقيقية وتغيير حياتك؛ فيمكنك قراءة الرد، وإن كنت تريد الاستمرار في هذه الفوضى فدعك من الفضفضة، واستمر فيما تفعله؛ ولكنك لن تصل لشيء سوى سنوات جديدة تضاف إلى عمرك دون أي معنى حقيقي أو قيمة مضافة إلى حياتك.
أنت شخص في الثلاثين، وهذا يعني مرحلة من النضج التي ستساعدك كثيراً، كما أن العشرين سنة القادمة من حياتك هي أهم 20 سنة في عمر أي إنسان، وأنت جاهز للزواج بالفعل، ولكن دعني أسألك.. ولتسأل نفسك.. لماذا تريد الزواج؟
تقول إنك تريد أن تتزوّج من أجل أمك وأبيك وكل أصدقائك الذين تزوّجوا وأنجبوا؛ فهل يكفي هذا كسبب؟! أيضاً أسباب علاقاتك كما ذكرتها في رسالتك اثنين صداقة شريفة وإشباع لرغباتك، وهذا ليس عيباً فكل البشر يحتاجون إلى ذلك والزواج هو الطريقة الشريفة لإشباع رغباتك؛ ولكنك أيضاً تحتاج بجانب هذا إلى الصداقة وعقل يفهمك وأنثى تشاركك اهتماماتك وأحلامك وتستطيع أن تتحدث معها وتكون صديقتك.
فالزواج ما هو إلا وسيلة لتحقيق غاية كل البشر وهي السعادة؛ فنحن نريد أن نكون سعداء بحياتنا، ليسعد من حولنا. ولن يحدث هذا بزواجك من أول بنت تقابلها؛ فربما لن تكون هي الإنسانة المناسبة لك وتسبب لك تجربة سيئة وحياة تعيسة. صدقني السعادة لن تأتي إلا بحسن الاختيار.
نعم حسن اختيارك لشريكة حياتك، على رأي جدتي "بنات الناس كتير"، وهناك العديد والعديد من الفتيات الرائعات، ولكنك لا يمكن أن تجدهم على النواصي أو في الشوارع.
وهناك طرق كثيرة محترمة للتعارف، وبالتأكيد أنت تعرفها؛ لأنه يبدو من رسالتك أن لك خبرة كبيرة في هذا المجال.
ولكنني عندما قرأت رسالتك أحسست أنك في أمسّ الحاجة لبداية جديدة، بداية معها تمحو كل الماضي قبل أن تبدأ في اختيار المستقبل، تمحو خطيبتك القديمة المتزوجة، ويكفي أنها قد تزوجت لتبتعد عنها؛ خاصة أنك ما زالت تحمل لها بعض المشاعر ولا تدري كم من الممكن أن يؤثر هذا على حياتها وزواجها، وتمحو أيضاً البنت الثانية التي تأتي بسيرة الناس؛ فهي تجربة وبالتأكيد تعلمت منها شيئا جيدا؛ أيضاً يجب أن تمحو علاقتك بالبنت المخطوبة، أو تطلب منها اتخاذ قرار حاسم في شأن خطوبتها، ولا أظن حبها لك وخطوبتها لشخص آخر يحبها شيء مطمئن لك أو سيجعلك مرتاحاً لوضعكما سوياً، وأيضاً البنت غير المتعلمة؛ وإن كان هذا يتوقف على أي درجة هي متعلمة؛ خاصة أنها تحفظ القرآن، وهذا معناه أنها تقرأ وتكتب.
وإذا أحسست بصعوبة في محو أي منهم من خيالك، فكر في سؤال واحد: من منهم تستطيع أن تتخيلها لتكون أمًّا لأولادك؟ من منهم ستحفظك في بيتك؟ وتحترمك في غيابك مثل وجودك؟ وتساعدك على النجاح وبناء حياتك ومستقبلك.
وإن بقي اسم واحد، وأنا أشك أن واحدة منهم تصلح! فأنصحك بالتوقف عن النظر إلى عيوبها، والتفكير أكثر في مميزاتها والتي ستجعلها أنسب إنسان لك وأفضل أم لأولادك.
وإذا لم يبقَ منهم أي اسم؛ فيجب أن تفتح مع نفسك صفحة جديدة، وتنسى كل هذه القائمة من العلاقات، وتتبع أفضل طرق البحث وهي "الخل على دين خليله" و"الطيور على أشكالها تقع"؛ ابحث عن الأسرة الجيدة، أو صديق لك يتضح من مظهره السعادة والاستقرار في حياته الزوجية ويتحدث دائماً عن زوجته بالخير، وجرب أن تجد صديقة من صديقاتها أو صديقة لأحد أقربائك المعروفين بحسن الخلق.
ومن حقك أن تجد الجمال والأدب والأخلاق والأصل والتعليم في زوجتك المستقبلية؛ وهذا ليس جنوناً أو مستحيلاً؛ بل بالعكس هناك بنات كثيرات جميلات الخلق والخلقة، وبنات ناس ومتعلمات تعليم عالي؛ ولكنك تبحث عن برتقالة في غيط برسيم.. انسَ الماضي وأبحث عن حبيبة وزوجة في المكان الصح.
انا بقى هجيبلك من الأخر أصلا
انا بقى هجيبلك من الأخر أصلا عمرك ما هترتاح عارف ليه لأن دايما اللى بيعمل علاقات كتير ربنا بيعاقبه ودايما مش عارف يجوز من كتر المقارنات وحتى لو أتجوزت هتفضل فى شك لأن كما تدين تدان توب وإدعى وربنا هيكرمك
ابعد عن العلاقات وربنا هيديك
ابعد عن العلاقات وربنا هيديك وحدة تصونك ولو فضلت زى ما انت علية ان شاء الله تاخد واحده (؟؟؟؟؟؟؟؟؟؟؟؟؟؟؟؟؟؟؟)اترك الماضى
المشكلة دى مش مشكلة واحد بس
المشكلة دى مش مشكلة واحد بس أو واحدة بس فى المجتمع أكيد البنات اللى يعرفهم عندهم نفس المشكلة و غالبا كتير أوى من المجتمع عنده نفس المشكلة وهى الإختيار
من وجه نظرى الضعيفة إنك محتاج تغير الوسط اللى بتتعامل معاه وتدور على إنسانه على نفس مستواك الفكرى علشان تعرفوا تتواصلوا وتسعدوا بس حاول إختيارك يكون بعيد عن أى مشاكل إجتماعية
وأكيد إنت من خبرتك عارف الكلام دا كويس بس أنت ممكن تكون محتاج إنك تصفى ذهنك من كل الى فات دا وتفكر فى نفسك والمستقبل
أفكارك فى الحاضر هى وافعك فى المستقبل
ركز فى الحاضر على اللى تتمناه فى المستقبل دا هغير تفكيرك فى الأختيار وهتعرف اللى يناسبك ....إنسانه كويسة أو وحشة المهم اللى تناسبك و تأثر فيك وأنت تأثر فيها
لو حضرتك فيك كل مواصفات البنت
لو حضرتك فيك كل مواصفات البنت اللى عايزها يعنى مؤدب ومتدين وجميل ومعاك شهادة معتقدش ان واحدة بالمواصفات دى هتقبل انك تكون شريك حياتها انت بتحب واحدة متجوزة وعايز واحدة زيها هنفصلهالك ولا ايه وبتحب واحدة مخطوبة وهى بتحبك وبتتسلى لحد ماتوصلش للحرام هو بعد كل ده فى ايه حلال انت بتعمله
معلش يا جماعه مع احترامى ليكو
معلش يا جماعه مع احترامى ليكو جميعا بس الراجل ده باين من كلامه انه واقع فى مشكله ومش عارف يحلها مش معقول كلنا هنهاجمه
قليل جدا من الردود اللى حاولت تحل مشكلته
ماهو عارف انه غلطان وبيعترف بده بس هو عاوز يعرف يعمل ايه علشان يمشى مظبوط
المفروض اننا نساعده انه يحل مشكلته
وماشاء الله فيه ردود كتيره قالت انه يستغفر ربنا ويبعد عن اللى بيعمله وده صح
انما فيه ردود هاجمت بس وشتمت كمان
اعتقد انه لازم اللى يحط رد مايحاولش يكون أصعب من القصه
وردى يحتمل الصواب ويحتمل الخطأ
بس اعتقد اسلوب الترغيب مع واحد معترف اصلا بذنبه هو اللى هيجيب نتيجه
واسف على الاطاله
ارجع لربنا وصلى وادعى ربك ان
ارجع لربنا وصلى وادعى ربك ان يمن عليك بالزوجة الصالحة
واستغفرة انة كان غفارا
فكر فى اللى عليك الاول انا
فكر فى اللى عليك الاول
انا اسفة جدا أنى حارد الرد اللى ممكن يكون جامد شوية بس انت عمال تحكى عن نفسك و ان مشكلتك انك مش عارف تتجوز مين؟؟؟
و بتقول إنك ساعات تعمل علاقات لمجرد إشباع رغباتك لأنك "رجل" مع أن الدين مابيفرقش فى عقاب الزنا بين الراجل و الست عقابهم واحد يعنى راجل دى مش مبرر
و مع ذلك عاوز تتجوز واحدة متدينة!!!!!!
بتقول انك بتعمل علاقات صداقة عشان تلاقى واحدة تفهمك طيب ايه ملاقتش ولا واحدة؟؟؟؟ و لو لقيت مكملتش ليه؟؟؟
و كلامك بيقول انك على علاقات ببنات كتير
و بعد ده كل عاوز تتجوز واحدة محترمة!!!!!!
بتقول ان معاك دراسات عليا رغم انى شايقة ان تفكيرك اسمحلى محدود جدا و مع ذلك الدراسات العليا مش دليل على التفكير السليم ابدا
انت كل اللى بتفكر فيه تتجوز مين مافكرتش مين ترضى تتجوز واحد بمواصفاتك
و معلش يعنى أما واحد بيعرف بنات من كل الأنواع متجوزة و مخطوبة و غير كده و عايش حياته بالطول و بالعرض عاوز واحدة جميلة مؤدبة متدينة ذكية محترمة أصلها طيب أخلاقها عالية أمال اللى بيتقى ربنا و بيغض بصره وصابر رغم أنه راجل برضه و له رغبات بس فضل أنه مايشبعهاش إلا بالحلال ده بقى المفروض يتجوز واحدة مواصفاتها ايه؟؟؟؟
حسبى الله ونعم الوكيل فيك
حسبى الله ونعم الوكيل فيك مفيش خلاص أعراض ناس حتى المتجوزة والمخطوبة مابتسلمش اتفوووووووووووووووو على ده مجتمع مصرى ويقولك مصر ام الدنيا ماهى مرة وكل الى فيها مرة
انت يتحب مخطوبه يا مجوزة
انت يتحب مخطوبه يا مجوزة و المجوزا دي تستاهل تكارن حد بيها افرض اتجوزت واحدا زيها هتكون فرحان
(( انا على علاقات كثيرة جداً
(( انا على علاقات كثيرة جداً ما بين صداقة شريفة وأخرى لإشباع بعض الرغبات لديّ؛ لأنني رجل ولكني لا أصل إلى الحرام ))
طب ومعلش يعنى هو علاقاتك اللى بتشبع بيها رغباتك مش حرام ولا انت ايه ما خدتش بالك انت كاتب ايه ايه التناقض ده يعنى ايه تقول اشبع بيها رغباتى عشان انا رجل وفي نفس الوقت تقول انا ما باوصلش للحرام ازاى يعنى...؟وهو علاقاتك الكتيره دى كلها حلال وهو ايه اصلا تعريف حلال بالنسبالك..؟ مفكرتش في رأى الى ممكن تتجوزها في يوم دى في كلامك ده دلوقتى..؟
مجرد سؤال
صدقني انت باللي بتحكيه عن
صدقني انت باللي بتحكيه عن نفسك دا مينفعش حد يوافق عليك لان اللي بيكون عاوز كل حاجة ف الاخر مش بياخد اي حاجة
انا عارفة ان الواحد لو كلم
انا عارفة ان الواحد لو كلم واحدة متزوجه او مخطوبة مرتبطة عامة حرام عليه وعليها لانها خيانة ربنا يحفظنا منها يارب وكل امة المسلمين
انت غلطت وكلنا بنغلط وخير الخطائين التوابين وربنا يهدينا جميعا نصحتي لحضرتك انك تبدأ صفحة جديدة وتدور صح وتوكل ع الله وان شاء الله هتلاقي بنوتة محترمة وبنت ناس تصونك وتحفظك
صدقني في ناس كتير حلوة من الخارج بس وحشة اوي من الداخل ومش بيبانوا الا بعد ما تدبس فيهم بجد لان مفيش حد كامل لان الكمال لله وحده
ربنا يبعد عنك وعننا الشر ويكتبلنا الخير ديما
معظم الردود هنا متحاملين عليك جدا لانك عايز كل حاجة حلوة
لو كل حاجة حلوة عوزناها في الدنيا وخدناها هنعوز ايه في الاخرة
"الاخرة خير وابقي "
انا اتمنالك تلاقي العروسة اللي تناسبك بس ياريت تنسي اي واحدة كلمتها لان اللي بيخون مرة هيفضل خاين ع طول ده طبع والطبع يغلب التطبع
وسوري لاني طولت اوي وربنا يهدينا جميعا
لا تبحث عن المظهر ولكن إبحث
لا تبحث عن المظهر ولكن إبحث عن الجوهر
خلاص ياجماعه سبو هو حر متبقوش
خلاص ياجماعه سبو هو حر متبقوش كلكو علية كدة حرام
مش معنى ان مش لاقي بنت يبقي
مش معنى ان مش لاقي بنت يبقي مش فى بنات انت اصلا مش مدى فرصه لنفسك تعرف بنات كويسه بتبص ليه لحاجة مش بتعتك حاجة فاتت وعدت هو يعنى المتجوزة دى مش فى غيرها بالعكس وسوري يعنى فى احسن منها كتير اوى دا كفايه ان مش ممكن حد يثق فيها والله لو اطلقت انت نفسك ماهتبص ليها ولا اللى مخطوبه لو سابت خطيبها رضو ماهتبص ليها ومش معنى كدا تتجوز واحدة مش متعلمه لا طبعا مش ينفع خالص اهم حاجة العقليه وعمرها ماهتبقى زى الجامعيه انا نفسي محتاره جدا بسبب موضوع الارتباط دا بس جد بجد................ فى ناس كتير بخير
ليه كلكم عليه اناعارفةانه
ليه كلكم عليه اناعارفةانه غلطان بس فى انسان كده يعنى مثلابيحب واحدة بس نقصهاحاجةفبيدورعلى واحدة تانية تشبعه من اللى نقصله بس انت عارف ليه بيحصل كده عشان انت بعيدعن ربك روح صلى اتقرب من ربنااوى حتلاقى بيسندك لان الشيطان بيجى من نقطة ضعف اى حدربنايهدينى ويهديك ويهدى الامةالاسلامية
اتقي الله يجعل لك مخرجاً ....
اتقي الله يجعل لك مخرجاً .... لوقربت من ربنا اكتر واستعنت بالله ربنا اكيد هيكرمك ..... لكن للاسف انا حاسه من كلامك انك واحد فاضي من جوه مفيش عندك ادني احساس بالمسئوليه فرحان بنفسك "كل البنات بتحبك كل البنات حلوين" مفيش عندك حاجه اسمها حرام ولاعيب مش فارقه لا المتجوزة ولا المخطوبه يا اخي اللي مترضاهوش علي نفسك مترضاهوش لغيرك تقبل ان خطيبتك تحب عليك واحد تاني ولا مراتك تكلم واحد تاني من وراك خلي بالك كما تدين تدان
لازم تطوي كل صفحاتك القديمه وتبدأ من جديد بدايه نظيفه وربنا هيكرمك وألاااااااااااا خلي بالك الطيور علي اشكالها تقع
باي حق عايز واحده فيها كل حاجه وانت مافيكشي ولا حاجه ...
والله انت كدا اشطا اوى وانا
والله انت كدا اشطا اوى وانا زيك بالظبط خليك بقى مقضيها يامعلم لحد ماتعدى الخمسين ان شاء الله انا بعمل زيك كدا برضه عرفت المتجوزة والمخطوبه والمطلقه واللى مش مرتبطه بس انا ف الاخر لسه عندى 22 سنه ربنا معاك يامعلم (جتك خيبه )
بصراحة انت إنسان أنانى فاكر
بصراحة انت إنسان أنانى فاكر إن كل البنات بتحبك وعاوزاك وبتجرى وراك بس بصراحة دة غرور وهتفضل كدا طول عمرك ولا حتحب بجد ولا حتجوز كمان عمر ما فى واحدة ممكن ترضى ترتبط بيك ولو رضيت حتبقى حياتكم مشاكل عارف ليه لأنها عمرها ما حتحس معاك بالأمان
اقولك حاجة ومتزعلش انت لو
اقولك حاجة ومتزعلش انت لو خطبت حبيبتك هتخونك لأنك قبلت على خطيبها إنه سورى يتأرطس وأقولك على حاجة تانية لو اتجوزت مراتك هتكلم راجل فى التليفون عشان قبلت على جوزها انة سورى يتأرطس فكرت نفسك روميو وحبيب بكرة تجرب الأرطسة على حق ممكن تقول رأيك مش مهم بس متنساهوش وافتكرنى بعدين سلام
انا حاسة انك عاوز تشبع رغبة
انا حاسة انك عاوز تشبع رغبة بس انك تلاقى كل اللى حواليك عاوزين يرتبطوا بيك ومش فارق معاك إذا كانت متزوجة مخطوبة المهم إنت وبس وللاسف مع كل ده أنت مش مبسوط فى حياتك عارف ليه لأنك أصلا مش عارف انت عاوز إيه متزعلش من حدتى معاك فى الحديث بس حرام تضيع عمرك كدا البنات كثير وفكر كويس قبل ما تقدم على الخطوة ومفيش حد كامل وفيه الصفات كاملة لازم حتلاقى عيب حتى لو بسيط لأن الكمال لله وحده وربنا يوفقك تحياتى
انا بعت مشكلتى بس مش عارفة هى
انا بعت مشكلتى بس مش عارفة هى هتتنشر امتى ولا عارفه هعرف الرد ازاى وياريت لو اتنشرت من غير الإميل وياريت إرسال رساله على الميل اعرف الرد
========================
رد بص وطل
صديقتى شكرا لثقتك فى بص وطل وبالنسبة لمشكلتك فالرد هيوصلك فى الأول عن طريق الإيميل الخاص بيكى وبالنسبة للنشر فمشكلتك هتاخد دورها فى النشر مع مراعاة ان طبعا الميل الخاص بيكى مش هيظهر عند النشر .
انت عايزكل حاجة وانت بقى يعنى
انت عايزكل حاجة وانت بقى يعنى فيك كل حاجةوكامل من كلة وكل البنات ماتوا ومفيش غير المتجوزة والمخطوبة ولا دى رغبتك انت فى امتلاك ما ليس لك وبعدين تاخد واحدة مخطوبة وبتكلمك امال لما تتجوزممكن تعمل اية من وراء جوزها انت ممكن تبص لنفسك الاول وتشوف انت فيك اية وبعد كدا تشرط الجمال والاخلاق وكل الشروط اللى عايزها ((الحمدلله الذى عفانا من هذا))
انسان غريب فعلا اللى زيك عايش
انسان غريب فعلا اللى زيك عايش كده بيلعب بمشاعر البنات ربنا مش هيكرمه وكما تدين تدان أسأل نفسك فى الأول تكون إيه أنت أساسا وهل كل حاجة فيك كويسه علشان تقعد تقول دى تنفع ودى لا ربنا يهديك
شخص أناني جدا وعايز واحدة
شخص أناني جدا وعايز واحدة فيها كل حاجة على اساس ايه انك فيك كل حاجة ومراعي ربنا ..!!!!
الحق اتجوز قبل العمر يسرقك ده
الحق اتجوز قبل العمر يسرقك ده الى فى عمرك اسمه بابا
لما الولد بيكون عاوز كل حاجه
لما الولد بيكون عاوز كل حاجه البنت كمان بتكون عاوزة كل حاجه بنت مين دى اللى هتقبل بواحد ومتزعلش منى بيعرف بنات كتير عشان يشبع رغبات اسلوبك اساسا اسلوب واحد زى ما ما وصفت نفسك انتا معقد جدا وصدقنى لو فضلت كده هتضيع سنين عمرك على الفاضى مش هتلاقى بنت كامله وكما تدين تدان
هو طول ما فيه ناس زيك
هو طول ما فيه ناس زيك ماعندهاش ضمير وتمشي وتكلم وتحب بنات مش من حقها هتلاقي بنات كامله .
انت عمرك ما هتستريح لانك اصلا نسيت ان في ربنا بيحاسب ويوم ليك ويوم عليك كما تدين تدان ترض لنفسك ان خطيبتك تحب واحد وتكلم واحد تاني توب لربنا وارجعله وابعد عن كل اللي بتعمله ده وهتلاقي ربنا بيكرمك في حياتك ويبعتلك البنت اللي نفسك فيها واكتر
انا هقولك حاجه انت كده انانى
انا هقولك حاجه انت كده انانى يعنى انت عايز واحده فيها كل حاجه ولقيت ده فى المخطوبه والمتجوزه بس انت كده عايز تثبت لنفسك بس انك مرغوب فيك عشان كده مش بتكلم الا المخطوبه والمتجوزه سورى دى وجهه نظرى
اقولك على حاجه أخى الفاضل انت
اقولك على حاجه أخى الفاضل انت متحطش الجمال فى الحسبان لأن الجمال جمال الطبع والروح دى أولا ثانيا الكمال لله وحده وصعب تلاقى كل مواصفاتك دى فى أنثى واحده المهم الأخلاق والطباع والتدين وصلى استخاره وخلى كل شيء على ربنا وبلاش تعرف حد مخطوب علشان حرام جدا انت بتسرق حاجه مش ليك وممكن ربنا يكرر ده معاك واخيرا ربنا يهديك للعروسه التى تناسبك واتمنى لك التوفيق .
ربنا يحفضك يا سماح كلامك
ربنا يحفضك يا سماح كلامك مظبوط جدا وكويس انك عرفتيه ان لا الاولى ولا الثانية ينفعوا هيوجد شك وبالطبع مفيش مصداقية..ربنا يهدي الشباب
هو بعد ماشاب ودوه الكتاب انت
هو بعد ماشاب ودوه الكتاب انت فاكر نفسك صغير عمال تبيع وتشترى فى البنات ولا على رأى الأغنية ماخدش العجوز انا
السلام عليكم ورحمه الله
السلام عليكم ورحمه الله وبركاته
والله يااخي انت صعبان عليه جدا مش لأنك مظلوم بالعكس انت ظلمت بنات كتيره بتصرفاتك
واكبر ظلم انك ترتبط ببنت مخطوبه ياتري لو تركت خطيبها وتزوجتها انت هاتقدر تنام مرتاح والرسول عليه الصلاه والسلام قال لايخطب أحدكم علي خطبه أخيه المسلم
وكمان هاتطمن إنها لما تكون زوجتك ماتعملش نفس الحكايه معاك وتتركك عشان رجل اخر
المفروض إنك في سن النضج والوعي السليم لازم يكون تفكيرك أحسن من كده وسامحني إن كنت بقسي عليك
لكن انت تصرفاتك غريبه ياريت تقرب من ربنا زياده وإن شاء الله ربنا ينور طريقك ويهديك للصواب
اسمحلى اقولك انك انسان طماع
اسمحلى اقولك انك انسان طماع انت مش عايز اى بنت من البنات دول بس انت شايف ان كل واحده فيها حاجه بتشبع رغبه جواك المفروض انك فى التلاتين تكون انضج من كدا ولو انت فعلا بتدور ع الاستقرار هتعرف تختار صح مش شرط ان يكون بينكم علاقه سابقه أو تعرفها يعنى ممكن تكون برده خطوبة صالونات وطالما هيكون فيه بينكوا ارتياح هتلاقى حب بعد كدا واكيد انك بتسأل كويس قبل ماتتقدم لأى بنت حاول تختار صح ممكن بنت مش جميله لكن روحها تخليها ملكه وممكن ملكة جمال وبارده جدا ايه مش بتشوف امثال فى الممثلات وبعدين بنات الناس المحترمين كتير وحلوين وبرده عارفين ربهم ومتعلمات ربنا يهديك للخير ليك
لو سمحتم يا بص و طل انا
لو سمحتم يا بص و طل انا مشكلتي اتنشرت كام يوم و بعدين اختفت هي راحت فين؟
==================
رد بص وطل
شكرا على ثقتك فى بص وطل ويارب يكون ردنا حل ولو جزء بسيط من مشكلتك وبالنسبة ليها فأنت اكيد هتلاقيها موجودة فى الصفحات الموجودة داخل قسم فضفض لنا.
تعرف بنات كتير وهما كلهم
تعرف بنات كتير وهما كلهم موافقين ما شاء الله
أعذرنى يا أخى فأنت بالغت كثيرا عندما تقول أنك تبحث عن الكمال
فهل أنت كامل وتعرف كذا بنت فبهذه الطريقه أنت تخدعهم جميعااااا
انا مع سماح فى كل اللى بتقوله
انا مع سماح فى كل اللى بتقوله وده كلام صح جدا لازم تخرج من اللى انت فيه بنتيجة صح وحاسب وانت بتختار الإنسانة الجديدة انك تظلمها يعنى لازم تكون رميت الماضى وراك علشان ميكونش ليه تدخل فى حياتك بعد كده لانه زى ماهى أتأذيت انت كمان هتتأذى وكما تدين تدان
انت فكرت بقى عايز واحد فيها
انت فكرت بقى عايز واحد فيها كل حاجه وانت ياترى فيك كل حاجه تتمناها اى بنت ؟
كوكو كلامك صح مليون الميه
كوكو كلامك صح مليون الميه المشكله دلوقتى ان معظم الشباب حالتهم تعبانه واما بيجوا يتجوزوا عايزين بنت كامله متكامله طيب انت كمان شايف نفسك كامل عشان البنت الكامله دى ترضي بيك كمان الكمال لله وحده بصوا الاول للبنت اللى من عائله محترمه واخلاقها كويسه ومتدينه دول اهم حاجه وبعد كده ييجي الجمال ولو انتوا مثقفين يعنى اكيد عارفين حديث الرسول
فاظفر بذات الدين يابنى مفيش حد كامل فى الدنيا مينفعش تلاقي كل المواصفات متجمعه فى بنت واحده
هقولك حاجة انت انسان طماع
هقولك حاجة انت انسان طماع وبتجرى وراء شهواتك يعنى بتحب بنت مخطوبة وهى اللى عاجبك لا اله الا الله صدقينى كما تدين تدان وصدقنى حرام عليك وعليها خيانة خطيبها وانت مساعدتها فى خيانة اهلها وخطيبها اتقى الله فى نفسك وبنات الناس علشان ربنا يكرمك وعلى فكرة انا نفس الظروف والسن خطبت مرتين ومحصلش نصيب وبرضه بدور على نفس مواصفات البنت اتقى الله يا اخى
"تبحث عن برتقال ف غيط برسيم "
"تبحث عن برتقال ف غيط برسيم " !!!!!!!!!!!!
كلام موزون
السلام عليكم ورحمة الله
السلام عليكم ورحمة الله وبركاته ..
استاذة/ سماح بجد رأيك أكثر من رائع .. وطبعا متعودين منك علي الرأي الجميل المقنع .. بجد انا من أشد المعجبين بتعليقاتك وفكرك .. واد ايه انا بستفاد كتييير من ردودك .. وفعلا المشكلة دي خير دليل علي ذلك .. واظن ان معظم الشباب مش عارفين يرتبطوا ببنت مثالية تجمع كل الصفات التي يريدونها ولا كيفية البحث عنها ..
بجد جزاكي الله كل خير
وتقبلوا مروري
** باهر الحميلي **
السلام عليكم مش لاقيه كلام
السلام عليكم مش لاقيه كلام اقوله ولا قادرة اتعاطف معاك واقول شخص مظلموم بس حسيتك شخص مش بيفكر غير في نفسه مممكن الرد مش يعجبك بس بجد حرام عليك لانك علي علاقة بواحده مخطوبة وعايزها تسيب خطيبها وطبعا كمان لانك علي علاقه بالاولي اللي هي متجوزة وممكن في لحظة تخرب بيتها وتدمر اسرتها والغريبة بقي انك معلق بيك اكتر من بنت وهما كلهم عايزينك وانت مش عجبك ولا واحده فيهم يعني شخص في 30 يعني عارف ياخد قرارات المفروض تكون صح حرام عليك الناس اللي بتظلمهم وبتعلقهم بيك بجد ربنا يكون في عون اللي زيك وبجد مادام انت معلق بيك ومش عايزهم اقولهم وسيبهم بدل ما إنت معلق الناس بوهم واتقرب لربنا يعينك ووقتها شوف زوجه صالحه ربنا يرزقك بيها ويهديك
هقولك اتقى ربنا فى افعالك
هقولك اتقى ربنا فى افعالك علشان ربنا يوفقك فى الى فى بالك واذا طنت مش عارف توصل لقرار علشان حالك اللى انت فيه انا اسفه متزعلش من ردى انا عايزال تراجع نفسك عاشان ربنا ينورر لك البصيره وتلاقى اللى انت عايزه لان الـــجـــزاء مـــن جــنــس الــعــمـــل ربنا يوفقك
