السلام عليكم، أنا نفسي رسالتي دى تتنشر، وألاقي آراءكم وتفيدوني بالحل.
أنا اسمي حازم، داخل على اتنين وعشرين سنة، باشتغل مدير حسابات في شركة أوراق مالية والحمد لله، باحاول جاهداً إني أقف على رجلي بنفسي، عرفت إنسانة من خمس سنين بالتمام كانت العلاقة في الأوّل صداقة، وكانت هيّ أقرب صديقة وأقرب صديق ليّ، كنت دايماً باخد رأيها في كل حاجة؛ بس كنت باحس بإنها بتخدع وتتلون عليّ؛ بس كنت كل ما أحس بالإحساس ده أهرب منه بأني أقرب ليها أكتر؛ لحد ما حبيتها بعد سنتين ونصف من معرفتي بيها.
وأنا فاكر أول يوم صارحتها فيه ما حستش بنفسي، وكان بالنسبة ليّ أوقاتها أجمل أيام حياتي. عدا شهر واحد من بداية اعترافنا بحبنا لبعض، وكان زي ما تقولوا أجمل شهر عسل حقيقي، بعد الشهر اتقلبت الآية وبدأت تظهر شخصيتها الحقيقية وإنها إنسانة كدابة ومش كويسة، ومرت الأيام وكل يوم تبان على حقيقتها أكتر وأنا أهرب من كده بالتقرب ليها أكتر.
استحملت منها ما لا يقدر أحد أن يتحمّله من كل معاني الظلم، وقدّمت علشانها تنازلات ما كانش ينفع إني أتنازل عنها؛ دست على كرامتي علشانها، فعلاً بتبقى قدامي حنينة وتيجي من ورا ظهري وتضربني بمجموعة سكاكين مع بعض؛ عودتني إني ما اعرفش أكلّم أي حد غيرها، وإني أفضفض مع أي حد غيرها هي.
وعلشان بحبها حاولت أغيّرها بشتى الطرق؛ بالذوق بالعافية مش عارف، وكنت هابوس إيديها وأقول لها هنضيع من بعض إنتِ ممكن تقسي عليّ؛ لكن أنا مش هاقدر أبعد عنك.
كانت بتطلع منها مواقف تدل على إنها إنسانة خاينة وما لهاش أمان، وكل الناس كانت تقول لي أبعد عن الإنسانة دي وأنا كنت برضه أقرّب، كانت هي تقول لي والله اتغيرت؛ لكن كل تصرفاتها كانت تدل على إنها خاينة؛ لكن أنا بغبائي مش هاقدر أقول لأ.
من حبي كنت باشوف الحقيقة بعين مزيّفة اللي هي عينها.
لما كلمت أهلي قالوا لي ابعد عنها قلت لهم لا أنا مديها وعد وما اقدرش أخلفه؛ فلما جينا نخطبها اكتشفت حاجات من بره كانت مخبياها عني وما كانش ينفع إنها تخبيها؛ فقلت لها أنا هأجل الخطوبة لحد ما ألاقيكِ فعلاً تستاهلي وإنك اتغيرتِ زي ما بتقولي، أنا هافضل معاك لحد الآخر لحد ما تتغيري، لكن أنا عمري ما هاخطبك وإنتِ كده، وجينا بعدها مع بعض عادي، وكانت برضه تصرفاتها مش تتغير.
تتخيلوا كانت بتكدب عليّ في كل حرف وأنا أصدقها لحد ما قلت أنا هاحاول أفوّقها بأهلها كلمت والدها، وقلت له خد بنتك تحت جناحك، أنا مش عارف أغيّرها، أنا اتأذيت منها كتير، ومش عارف برضه وهي مش راضية تحس.
وفي سحور تاني يوم في رمضان جالي خبر خطوبتها من صديق أخوها. شفتم بقى مع إنها كانت مواعداني بحاجات كتير وعملت عكسها، كانت دايماً تقول لي على صديق أخوها ده بالذات إنه زي أخوها وأكتر كمان بكتير، كان قلبي حاسس من سنة فاتت؛ لا بس ما طلعش إحساس وبس، لا ده كان فيه اتفاق في الخفى وأنا مش عارف وكانت بتكدب عليّ..
فاتصلت بيها وقلت لها خلاص ضيّعتيني واستريّحتي، طيب أنا عايز أفهم حاجة إزاي أخ بيخطب أخته، مش ده أخوكِ، والأهم من ده كله أنا فين في وعودك ليّ، ده ما اعرفش أعيش الدنيا من غيرك، قالت لي وأنا أعمل إيه؟ دي كلها فترة مراهقة وده كله كان لعب عيال وأكيد بُكره هتلاقي غيري. قلت لها إنتِ قاسية وتعرفي إزاي تعرفي غيري، وفي نصف الكلام لقيتها طريقتها معايا نفس طريقة زمان، وقالت لي بحبك ووحشتني.
مش عارف هي قالت لي كده ليه بتكمل كدبها ولا هي عايزة إيه بالظبط مني أو من خطيبها اللي هي خانته خيانة كبيرة.
على فكرة أنا كده كاسر عينها طول عمري؛ بس أنا عايز أعرف أنا أعمل إيه من بعدها، مش عارف أعيش، أنا حصل لي موقف النهارده مش عارف دي حقيقة ولا لأ؛ قعدت في مكان كنا متعودين نروحه مع بعض، قعدت لقيتها داخلة عليّ وقعدت معايا وكل تصرفاتها كانت زي تصرفات زمان؛ بس ما كلمتنيش ولا حرف؛ حتى أنا مش عارف إيه اللي حصل ده، وكمان لما جيت خدتني بين إيديها ونمت في المكان ده مش عارف ده خيال ولا إيه؟ ولا أنا اتجننت بسببها؟ بس كل اللي أنا أقدر أقوله لو هي كده فعلاً حسبي الله ونعم الوكيل، أنا عايز حد أكبر مني يكلمني ويقول لي أنا أعمل إيه، أنا مش عارف أعيش ومؤثرة على حياتي بكل المقاييس.
أرجوكم أفيدوني.
ح.م
رغم أني أشعر بحالتك جيداً وأقر الظرف الذي تمر به؛ إلا أني لابد أن أسألك عما تريد الآن يا صديقي؟ الذي أظن أنك لا تنقصك الحكمة والفطنة لاستنتاجه؛ أنك تريد فقط أن تفضفض، وأن تخفف مما في قلبك، وأن تعلم كثيرين ممن ينخدعون ويعمي الحب أبصارهم وبصائرهم عن رؤية الحقيقة..
هذا هو ما أظن أنك تريده، أما أن تكون مازلت تبحث عن حل مع هذه "الإنسانة" -مع الاعتذار للإنسانية كلها- فأظنك واثقاً في أنها لا تصلح لك، وأظن كذلك أن هذه الثقة ليست وليدة الموقف الأخير؛ فقد كان هذا الشعور يلازمك طوال فترة علاقتك بها.. والصوت يتردد في داخلك أنها لا تصلح لك.. ولكنك كنت تتعامى عن الحقيقة الواضحة وضوح الشمس؛ لأن الحب سلب بصيرتك وأعمى عينيك عنها..
لقد فعلت ما بوسعك يا صديقي لتحافظ على حب كان من طرف واحد وهو طرفك أنت، ولكن لأن الله يحبك ولأنه يريد لك الخير الذي لا تعلمه أنت فقد نجاك من هذه العلاقة..
ربما أن في نفسك بعض المشاعر والذكريات التي مازالت تملأ نفسك وتحرك عواطفك ناحيتها حتى وصلت بك إلى درجة أنك دخلت مرحلة الخطر.
ولا أخفيك اندهاشي من شخص عاقل مثلك، نجح في حياته بسرعة -وفقك الله- ويحظى بمكانة اجتماعية جيدة بما يجعلنا نظن أنك أقوى مما أنت عليه وأنك قادر على اجتياز محنتك؛ أن يستسلم لهذا الماضي البغيض، وصدقني أنا أعني كلمة البغيض هذه.. تريد أن تعلم لماذا؟؟
لأنك يا صديقي كنت تتعرض للخيانة منذ البداية، وكل ما بينك وبينها على قدر ما كان حباً وإخلاصاً منك؛ كان كذباً وخداعاً منها؛ فهذه الفتاة لم تكن تحبك يا صديقي من البداية؛ ولكنك لما اعترفت لها بحبك لعلها قالت في نفسها: "خير وبركة" عريس كويس؛ فجارتك في حبك وقابلت حبك الحقيقي لها بكلام معسول، وحب زائف مصطنع، لم يكن له في القلب أي رصيد يقدر أن يغير ولو أي سلوك كنت تكرهه أنت وتطالبها بتغييره؛ ولكن لِمَ تضحي من أجلك بأي شيء؟؟ هل هي تحبك؟؟؟
لم تمتنع يا صديقي عن الخيانة في أي وقت كانت معك فيه، وكان الهدف من وراء "صبرها عليك" -واعذرني على الأسلوب- هو أنك عريس كويس، ولكن لما رأت أنك ربطت زواجك بها بأن تغير من نفسها فضّلت الكذب والخيانة والتلاعب أي فضّلت نفسها؛ وباعتك لما وجدت "عريس كويس آخر".. وليس ما نحكيه بجديد عن النفس الخوانة..
ثم اسمح لي أن أسألك الآن: هل بعد أن فشلت في أن تجذبها لأخلاقك العالية تريد أن تجذبك هي في أخلاقها السافلة، لماذا خطر ببالك حين هاتفتها أنها لا تزال تحبك، ولماذا تأثرت بمحاولتها الجديدة للتسلية؟ هل تريد أن تقدم لها تنازلات أكثر -كما كنت تفعل دائماً- وتستمع لها وهي تخون خطيبها معك؟؟ هل تحتاج أذناك إلى وصلة كذب جديدة افتقدتها منذ هجَرتك؟
اعذرني إذا كنت قاسياً عليك؛ ولكن النائم يحتاج إلى هزة ليستيقظ؛ فما بالك إذا كان غارقاً في النوم "لشوشته"؛ إنه يحتاج إلى نفضة قوية ليقوم فيرى الحقيقة أمامه فيندهش كيف كان يعيش في الأحلام وكأنها هي الواقع، ويرى كيف أنه في الحياة يستطيع أن يكون فاعلاً وأن يغيرها حسب مشيئته أما في النوم فقد كان مفعولاً به مسيراً لا يملك قراره..
فاستيقظ يا صديقي، واحمد الله أن نجاك منها بفضل إخلاصك وحسن نيتك وحسن تربيتك.. اشكر الله كثيراً على أن حافظ عليك منها.. وفي النهاية أريد أن أخبرك أن في حياتنا الكثير من الخير كما فيها الكثير من الشر، وفيها من الفتيات من يبلغن درجة حور الجنة في العفة والنقاء، كما فيها من يرتفعن عن درجة أبالسة الجحيم في الخيانة والتلون..
انس ما فات وفكر فيما يأتي، وأنت أقوى في مبادئك، وأقدر على تمييز الخبيث من الطيب، مصحوباً برعاية الله وعنايته وربنا يوفقك..
أنا مش متعاطف معك لأنك ببساطة
أنا مش متعاطف معك
لأنك ببساطة غلبتك إمرأة
إستغلت ضعف شخصيتك
غربية الدنيا بجد شفت ياحازم
غربية الدنيا بجد شفت ياحازم انت راجل وبتشكتى منها وانا بنت وبشتكى من الى كنت مرتبطة بية متزعلش وعسى ان تكرهوا شئيا وهو خير لكم وعسى ان تحبوا شئيا وهو شرا لكم وتأكد ان ربنا ما بيعملش حاجة وحشة وان شاء الله خير
تجربتك دى انا تقريبا مريت
تجربتك دى انا تقريبا مريت بيها وكنت واثق انها مش بتحبنى بس برده كنت بكلمها وكانت بتشتغلنى برده وتقولى بحبك ومش هرتبط غير بيك ,,, والحمد لله انا اللي سبتها بعد ما تغلبت على نفسى وقلبى وفكرت بعقلى وفكرت فى مستقبلى صدقنى انت مجرد اما تلاقى انسانه غيرها وترتبط بيها هتنسى الاولى ,, وممكن تحسى انك كنت عبيط انك كنت مرتبط بيها وهتحس انك كنت بتعمل الحاجات دى ازاى اهم شىء قرب من ربنا اوى وركز فى شغلك وربنا يكرهمك بإنسانه فعلا تكون زوجه صالحة
أخي الكريم علي قد مافيك من
أخي الكريم علي قد مافيك من مزايا ولكن أيضا عيوبك قاتلة فهذا ليس حب انما هو زل وأهانة ان ترضي بكل هذا علي نفسك وياريت انسانه تستاهل ولكنك للأسف قللت من كرامتك كثير فارجو منك أن تتأني وتنهي علاقتك مع هذة البنت نهائي وبدون راجعة وتدور علي أنسانه حقيقية بمعني الكلمة تقدر بأن تحبك وتحافظ عليك وتخاف الله فيك
السلام عليكم ورحمة الله
السلام عليكم ورحمة الله وبركاته
كفايه الرد الجميل من الساده " بص وطل " اعانهم الله على حل مشاكلنا بتوفيق الله سبحانه مشكورين اسرة " بص وطل " انتم فعلا اسرة جميله تستحق التقدير
واضيف تعليقا مني لأخي حازم قال تعالى "وليبلي المؤمنين منه بلآء حسنا إن الله سميع عليم " وقال رسولنا الكريم عليه الصلاة والسلام "ما من مصيبه تصيب المسلم إلا كفر الله عنه بها ،حتى الشوكة يشاكها " وياخي العزيز اذا أحب الله عبدا ابتلاه وانت كم كلامك انك انساس مجتهد وموفق وربنا يوفقك دايما يارب ومؤمن فاكيد ده كان ابتلاء من ربنا واختبار فانت كده عرفت مين اللي يحب بجد ومين اللي يخون ومن كلامك وسؤالك انك متأكد مليون % انها خاينه وماتستحق حبك ليها وده لواحده رد على سؤالك حبيبي حازم اتمنى لك بنت الحلال اللي ربنا يوفقك معاها واللي يريح قلبك بوجودها في حياتك وان شاء الله تصلي وتدعي ربنا ولما تلاقيها تصلي تاني صلاة استخاره وتشكر ربنا بعد التوفيق طبعا وخليك قريب من ذكر الله علشان يحفظك من خيانة ابليس
وربنا يوفقك ان شاء الله
دة أنت ياابنى تبوس إيديك وش
دة أنت ياابنى تبوس إيديك وش وظهر إنك مخطبتهاش
بسم الله الرحمن الرحيم اولا
بسم الله الرحمن الرحيم
اولا اخي الكريم احب ان اشكرك علي صراحتك المطلقه
ثانيا انت احببت من لايستحق هذا الحب ولكنك اخلصت كثيرا في حبك وهذا ليس في مجمله بخطأ ولكن لا تعطي حبك الا لمن يستحق ولكن كما يقال في امثالنا الشعبيه مرايه الحب عاميه لاننا لا ندرك عيوب من نحب او اننا نعلم تلك العيوب ونتغاضي عنها اقول لك لا تستعجل الحب وتأني وكن علي يقين تام ان الحب الحقيقي هو الذي يبحث عنا ويدق ابواب قلوبنا وليس نحن من نبحث عنه لا تيأس وامضي قدمنا في مستقبلك فأنت مازلت صغير ولعل المستقبل افضل واخيرا احب ان اقتبس قولا مشهورا وهو( من الحب ماقتل )
انا اسفه جدا لانى مش حجاوب
انا اسفه جدا لانى مش حجاوب على المشكله بس اناعاوزه اكلم حد عن مشكلتى ومش عارفه ابعتها للموقع ياريت لوحد يساعدنى
=========================
رد بص وطل
صديقتى شكرا على ثقتك فى بص وطل وبالنسبة لمشكلتك تقدرى تبعتيها من خلال الضغط على لينك "لو عايز تفضفض لنا دوس هنا " الموجود داخل أى فضفضة فى باب سؤال محيرنى .
ياحازم بجد انا اكتر واحد حاسس
ياحازم بجد انا اكتر واحد حاسس بيك بجد لأن انا حصلي نفس الموقف بالضبط كأنك بتحكي حكايتي بس انا عدى عليها دلوقت 3شهور وكنت تعبان زيك واكتر والمصيبه عندي انها كانت بنت عمي انا حاسس انها بقت موضه عند البنات تحب واحد وترتبط بواحد وقلتلي نفس الكلمه دا كان لعب عيال واعتبرني اني عيله ووعدتك المشكله كنت حاسس وكنت مصارحها بالكلام ده تقولي اوعى تسبني احساسك غلط انا بحبك وعوزاك وفجأه قالتلي انا عيله ههههههههههههه سبحان الله بنات عجيبه ولا قرايب نافعين ولا غرب شافعين المهم انا عاوزك تخرج نفسك من حاله دي والحل بتعها انك اي حاجه كانت بتفكرك بيها تبعد عنها الاماكن والاغاني وكله ومتفكرش غير في نفسك وصدقني هتلف تلف وهترجعلك بس انصحك لما ترجعلك اوعى تعبرها وخليها بالنسبة لك انت كمان لعب عيال وربنا معاك
أخوك أمشير قصتنا واحده
افرح بنفسك ان حبك ده مش كامل
افرح بنفسك ان حبك ده مش كامل لو كان كامل كنت لغيت عقلك في تقييمها وده محصلش والحمد لله انت عقلك مش مقتنع بيها انت اللي حصلك ده انا مريت بيه برضه انسانه كنت مجنون بيهاوحبيت اغيرها للاحسن وماعرفتش سيبها تعيش حياتها زي ماهي عايزه وعيش حياتك انت كمان زي مانت عايز تعيشها ولو مش معاها يبقي مع غيرها وهتلاقيها ان شاء الله انت اللي فيه ده دلوقتي حنين جامد اوي للي كان بيحصل بينكم لكن صدقني مهما كان درجة اشتياقك ليه ولكل مواقفكم مع بعض هييجي برضه الوقت اللي هتشوف الحاجات دي كلها مواقف عاديه جدا انت عيشتها ده ان افتكرتها اصلا انا عارف ان الكلام سهل بس انا بكلمك عن تجربه فعلا وكلمه في ودنك (اوعي تدي قلبك غير للي يجيلك بنفسه عشان يشتريه)وربنا يوفقك ويوفقنا كلنا
مش هقولك اكتر من اللى الناس
مش هقولك اكتر من اللى الناس قالته ياحازم احمد ربنا بجد وركز فى شغلك وبكره صدقنى ربنا هيديك الأحسن... بجد خساره لحظه تفكير ف..... زى دى اسفه متستهلش انى اشبها بأى لفظ
(اذا اردت شياء بقوه فأطلق
(اذا اردت شياء بقوه فأطلق صراحه فإن عاد لك هو ملكا لك وان لم يعد فأعلم انه لم يكن ملكا لك من البدايه ) تمسكك بحبك ده حاجه جميله ونادره فى الزمن ده بس انت حاولت تغيرها كذا مره وفى الاخر خانتك .والخيانه ملهاش حل غير الفراق .حول تتقرب من ربنا وتدعى انه يساعدك على تخطى هذه المحنه ويبعتلك نصيبك واللى مكتوبلك وقريب هتبقى أسعد من الاول إن شاء الله .
مش هقولك غير مثل مشهور اوى (
مش هقولك غير مثل مشهور اوى ( اذا ارت شاء فطلق صراحه فان عاد لك فهو ملكلا لك واذا لم يعد فاعلم انو لم يمكن لك من البدايه ) انت انسان طيب وحولت تحافظ على حبك كثير وده حاجه جميله ونادره دلوقتى تقرب الى الله واعيى انو سنيك ده ربنا سبحانه وتعالى انعم علينا بنسيان وان شاء الله نقليك قريب بقول انك قبلت حب حياتك ونصيبك ال مكتوب عليك
هى فعلا مريضة نفسيا بمرض اسمه
هى فعلا مريضة نفسيا بمرض اسمه النرجسية اى حب الذات مش بتحس بأى حد وهتفضل طول عمرها على الحال ده مش هتتغير أنا كمان جوزى كده وتعبانه معاه جدا ومش قادرة اسيبه ولا قادرة اتخلص من عشقى ليه ياريت تستحمل شوية وتسيبها وجع ساعة ولا كل ساعة
خد القرار وانساها ,حب نفسك
خد القرار وانساها ,حب نفسك واديها حقها ومن حق نفسك عليك انك تختار انسان فاهمك وبيحبك عشان تعيش معاه بقيت حياتك , مشكلتك انك مش عارف تقدر نفسك لان اللي يخلص لحد بالشكل ده ويصبر للنهاية ويحافظ على حبه لحد اخر لحظة لازم يكون انسان قلبه كبير ويستاهل حد زيه يحبه ويقدره ويديله على قد ما بياخد منه .انا باقولك الكلام ده عن تجربة شخصيه حصللي فيها تقريبا نفس اللي حصلك بس المرة دي كان خطيبي وفسخت الخطوبة لانه كدب عليا ولانه اتعود ياخد بس وميديش , انا عارفة ان الموضوع صعب وهايجرحك كتير بس في خطوة واحده هي اهم واخطر خطوة , انك تاخد القرار وعلى قد ما حبيتها تكرهها , الكره مش دايما وحش لانه ساعات بيكون هو طوق النجاه الوحيد اللي بينقذنا من الغرق في دوامة الحب الاعمى ..
انا عايزه اعرف شى وحيد انت
انا عايزه اعرف شى وحيد انت عديت كل الحاجات دى ازاى على فكره انا مش هلومها هى على اللى عملته لانها من حقها تعمل اكتر من كده طالما انت انسان ضعيف جداااااااااااااااااااا وكويس كمان انها مستغلتكش اسوا استغلال واتجوزتك كان زمانك دلوقتى بتلف حوالين نفسك من كتر الشك احمد ربنا اوووووووووووى انها سبتك ده من حسن حظك
خد القرار وانساها , حب نفسك
خد القرار وانساها , حب نفسك واعرف كويس ان من حق نفسك عليك انك تختار انسان يحبك ويقدرك تشاركه حياتك ,انت مشكلتك انك مش مقدر نفسك ومش مديها حقها لان اللي يسامح ويصبر كل ده ويحافظ على حبه لحد اخر لحظه اكيد انسان قلبه كبير ويستاهل حد زيه يقدر يفهمه ويقدره ويحافظ عليه , انا باقولك الكلام ده عن تجربه شخصيه تقريبا حصلي فيها نفس اللي حصلك بس المرة دي كان خطيبي وانا اللي فسخت الخطوبة وسبته لانه كدب عليا ومقدرش كل اللي استحملته عشانه , انا عارفه ان الموضوع مش سهل بس فيه خطوة واحده هي اللي بتفرق وهي اللي بتحدد ايه اللي هايحصل بعد كده وهي انك تاخد القرار وعلى قد ما حبيتها
.. تكرهها
انا من رأيى أن دى انسانه مش
انا من رأيى أن دى انسانه مش واضحه وياريت تشيلها من دماغك لأنها بجد متستهلش كل الحب اللى انت بتحبهولها دا..وحاول انك تفكر فى حياتك ومستقبلك واكيد ربنا هيعوضك بإنسانه أحسن منها وتستاهل حبك دا ..لكن بجد دى متنفعش تكون الإنسانه اللى ممكن تأمنها على اسمك ..وأتمنى ان ربنا يوفقك ويعوضك بواحده أحسن منها
سيبك منها وهي حسابها عند
سيبك منها وهي حسابها عند ربنا
لو هي بني آدمه طبيعية وعملت كده
وأنت أنتبه لمستقبلك قرب من ربنا وادعيله
وهو الوحيد القادر يرحمك من عذابك ده
ربنا يعوضك بالأفضل
انا مش أكبر منك ولا حاجه انا
انا مش أكبر منك ولا حاجه انا لسه فى سنه أولى جامعه بس بجد ومن غير زعل دى إنسانه المفروض متحزنش عليها خالص ومن كلامك ده أنا شايفها إنها مكنتش بتحبك وبعدين المفروض أنت تطلعها من دماغك علشان هى كدبت عليك من الأول انت ربنا نجاك منها اكيد بعد الجواز كانت هتبقى كده برده وثق تماما انها مش من نصيبك وبكره تلاقى الإنسانه اللى تستاهلك وتحبك بجد
انا مش اكبر منك ولا حاجه بس
انا مش اكبر منك ولا حاجه بس ياريت تحس كلامي لانه من اختك اللي بتخاف عليك اولا انت مش بتحبهاطبعا مستغرب لأن لو هى رجعتلك تاني دلوقتي اعتقد انك مش هترجعلها لأن اللي بيحب مش يتكلم عن اللي بيحبه بالطريقه ديه وعارفه ان عندك حق بس هي نجحت في حاجه واحده وهي انك تقتنع انك مش بتحب ولا هتحب غيرها انت اتعودت عليها بس لكن حب لأ انت بتوهم نفسك لأن الحب يخلي عقلك وقلبك وروحك بتقول هي ديه وانت عقلك مش مقتنع بيها وقلبك طيب وقدرت تخدره انا عايزاك تعرف انك اقوى من اي حد وان قلبك لو طلع منه الدهب لازم مش يدخله ألا الماس لانك لازم تدي حبك للي يستاهله وصدقني والله العظيم هي اللي خسرانه وانت ربنا بيحبك مش انت موقفك احسن من خطيبها ولا كنت تتجوزها وتعرف كل ده بعدين وتعيش الموت بجد (نصيبك مستنيك يا قمر بس نصيبك اللي يستاهل قلبك الماس وحبك الحقيقي مش شغل التخدير ده ) وربنا هيثبتلك انه عايزلك الاحسن لانه مش بيعمل الا الخير قلبي معك (ياريت تسمع لاختك الاصغر)
ممكن تساعدينى ازاى ابعت
ممكن تساعدينى ازاى ابعت مشكلتى للموقع وشكرا ليكى
=========================
صديقتى شكرا لثقتك فى بص وطل وبالنسبة لسؤالك فتقدرى تبعتى مشكلتك من خلال الضعط على لينك " لو عايز تفضفض لنا دوس هنا " الموجود دا أى فضفضة فى باب سؤال محيرنى وإن شاء الله مستنين مشاركتك .
والله ياأستاذ حازم أنت مشكلتك
والله ياأستاذ حازم أنت مشكلتك صعبة بس أنا عايزة اقولك حاجة بسيطة جدا هى دلوقتى حاسة بيك وأنت بتتعذب وبتتألم علشانها هى ولا هى هنا اصلا مين الى تعبان وكاد يكون خسر كل حاجة انت علشان كده نصيحة منى لك ان الوهم بيدينا دروس لازم نتعرف عليها على المشاكل الى ممكن تقابلنا بعد كده وللعلم انا مش كبيرة اوى ولا حاجة انا يعتبر فى نفس عمرك بس اصغر بسنتين علشان كده بقولك حاول تسترجع نفسك تانى وتقف متحولش انها تهزمك او تشمت فيك وفى مثل بيقولك الضربة الى مش تقنلنى تقوينى وتحياتى وربنا يفك كربك وكرب المسلمين آجمعين
فوق لنفسك شويه هى شكلها مريضه
فوق لنفسك شويه هى شكلها مريضه نفسيه
دى واحده متعرفش شكل الانسانيه ولا حاجه اسمها مشاعر
اكيد انت اختيارك غلط من الاول احمد ربنا والله على اللى حصل احسن ما تكون انت بدل الخطيب اللى هي بتخونه ومخدوع فيها
ربنا يوفقك وحسبي الله ونعم الوكيل
يا اخى انا مريت زيك كده
يا اخى انا مريت زيك كده بظروفك بس صدقنى مفيش بنت تستاهل وكل الكدب حصل معاى وقالتلى انه محترمة ومتلكمش شباب هى اسمها نهال وانى الراجل الوحيد اللى فى حياتها وبرضه طلع كل ده كدب
صدقنى ده خير لك والله إن شاء الله وصدقنى دى انسانة متستهلش انك تفكر فيها وان شاء الله هتلاقى انسانة تقدرك وتحبك اكتر من حبك ليها بس ادعى ربنا وان شاء الله هتلاقى الخير جايلك
السلام عليكم بداية انا عايزاك
السلام عليكم بداية انا عايزاك تحمد ربنا انك ما ارتبطتش بهذه الفتاة لانها لم ولن تحبك فى يوم من الايام وبعدين دى كدابة وخاينة يعنى ما كنتش هتعرف تصونك وكمان على فرض انك اتجوزتها وبعد كدة خانتك تعرف شكلك قدام الناس وقدام نفسك هيكون ازاى ؟!!!! وبعدين لما تختار شريكة لحياتك لازم تعرف انك بتكون بتختار كمان أم لاولادك مش مجرد زوجة وبس ! فعايزاك تسأل نفسك سؤال الإنسانة دى تقبل تخليها أم اولادك والمسئولة عن تربيتهم؟!!! لا اعتقد ذلك والمفروض انك رجل يعنى لازم تكون أشد من كدة شوية وعندك إرادة إنك تنساها وصدقنى هتنساها ولازم تخلى كدبها وغشها وخيانتها قدام عينيك كل لما تفتكرها واختار انسانة تكون محترمة تقدر تحس معاها بالأمان ويكون فيه قبول ومحاولة أنك تحبها وأكيد هتحبها وكما قال رسولنا الكريم صلى الله عليه وسلم اظفر بذات الدين تربت يداك وفقك ربى وقواك
بصراحة احمد ربك بجد لان
بصراحة احمد ربك بجد لان الخاين ملوش امان كنت هتعمل اية لو اتجوزتها وصدقني هتلقي الف واحدة غيرها
