أنا بنت عندي 22 سنة، حبيت واحد سنتين حب جنوني وهو كمان، اتخطبنا بقالنا فترة بس في الفترة دي اتغيّر معايا بقى بيزعق لي كتير تصرفاتي كلها مش عاجباه، أنا مش عارفة بيعمل معايا كده ليه، ساعات بيكون حنيّن أوي، وساعات بيكون قاسي عليّ أوي أوي. حصلت بينا مشاكل في الفترة الأخيرة كتير لحد ما حسيت إني من جوايا اتغيّرت، وحسيت إنه هو كمان اتغيّر؛ بقينا على وشك الانفصال!! كل صحابي بيقولوا لي إنتِ إزاي مستحملة كده؟!! أقول لهم بحبه.. يقولوا لي ربنا بيّن لك كل حاجة قبل الجواز، وإنتِ برضه مش شايفة الحقيقة، أنا حاسة إني مش هاعرف أعيش من غيره، بس ساعات كتير بافكر في بعد الجواز خايفة يكون قاسي عليّ، وأكره حياتي أو أكون مطلقة وخايفة ما لاقيش حد أحبه أو يحبني كده، أنا مش عارفة أعمل إيه ساعدوني أرجوكم بسرعه.
monyshms
قد لا يستطيع أحدنا أن يكشف النقاب عن صفات الآخر أثناء فترة الارتباط غير الرسمي؛ حيث إن الاحتكاك بينهما ليس كافيا ليفعل هذا بدرجة كافية.
وقد يفعل هذا الارتباط الرسمي حيث يتيح قدراً من الاحتكاك المباشر وقدرا أكبر من الحرية لكل طرف كي يكون أقل تجملا.
كما أنه يكون هناك احتكاكات مادية وبعض المحكات الأخرى التي قد تكشف عن جزء أكبر من شخصية كل طرف للآخر بعض أن يطمئن إلى تحقيق أحلامه.
صديقتي:
إن الحياة الزوجية قد تستقيم وتستمر بغير الحب، لكن الحب وحده قد لا يقيم حياة زوجية سعيدة.
فهذا الحب الذي بينك وبين فتاك قد يكون هو نفسه سبباً من أسباب عدم نجاح الحياة الزوجية بينكما -لا قدر الله- حيث يفتقد إلى سبل التفاهم والمودة والرحمة التي هي من أهم أسس الحياة الزوجية.
ففتاك يشعر أنه امتلكك بعد أن أصبحت خطيبته؛ فبات يعتقد أن التعبير عن مشاعر الحب داخله بعد ذلك ليس له قيمة على أساس أنك تعرفين ما بداخله جيدا وإلا ما طرق بابك منذ البداية.
وبات كذلك يتصرف معك على حريته ولا يحاول التجمّل الذي تعودتِ عليه منه قبل ذلك مما جعلك تشعرين بهذا التغير غير المتوقع من وجهة نظرك.
لكنه في الحقيقة لم يكن تغيرا، ولكنها الحقيقة التي كانت مستترة خلف المشاعر الملتهبة قبل الارتباط الرسمي.
تلك الحقيقة التي لم يستطِع حبك له تقبلها والتعامل معها بشكل طبيعي، ولكنك تحاولين عمل هذا ليس لشيء إلا لتؤكدي للجميع قدرتك على الاختيار الصحيح.
ولكنك في الحقيقة لست مضطرة لهذا أبداً؛ حيث إنك الوحيدة التي سوف تتحملين تبعات هذا الاختيار.
صديقتي:
ليس عيبا أن نعترف بالخطأ، لكن العيب أن نتمادى في هذا الخطأ لهذا فليس مطلوبا منك أن تتحملي ما لاطاقة لك به من خطيبك، وأن تستمري معه، وأنتِ على يقين أنك لن تستطيعي التحمّل ليس لشيء إلا لأنه اختيارك ولأنك لا تريدين أن يشمت بك الناس.
عليك أن تجلسي إلى نفسك جلسة صدق بعيدا عن أي ضغوط؛ لتقفي على قدراتك الحقيقية للتحمل وما تستطيعين تقبله وما لا تستطيعين قبل أن تواصلي معه الطريق.
فإن وجدتِ أن حبك له قادر على دفعك القوة اللازمة لتحمّل طباعه وعيوبه التي لن تتغيّر بشكل يمكنك من الاستمتاع بحياتك معه فلتواصلي الطريق معه بحلاوته ومرارته.
أما إن كان حبك له غير قادر على جبر عيوبه وتصرفاته وحل مشكلاتكما بعيدا عن تدخل الأهل من الآن فلن يستطيع هذا بعد الزواج.
وعليك أنتِ أن تقرري بعد ذلك ما ترينه مناسباً لك ولقدرتك على التحمّل بعد أن وضحت الصورة أمام عينك على أن تضعي في اعتبارك أنك لست مطالبة بدفع ثمن اختيارك الخطأ طوال عمرك.
قساوة اية يابنتى بلا خيبة؟؟
قساوة اية يابنتى بلا خيبة؟؟ شكلك مش صريحة ياأسمك إية ياأمى دورى على عيوب عدلة قال قاسى قال عايزة يفضل يحب فيكى طول النهار ويشعر فجمالك خليكى عاقلة ولو سبتية أهى دقنى أهى لو حبيتى حد بجد حتندمى جدا ربنا يهديكى ياحجة
هو ماتغيرش انا عندى نفس
هو ماتغيرش
انا عندى نفس الموضوع
اللى كنت بعتبرة مشكلة بس لما صارحته وقلتلة مبقتش تكلمنى بحماس وشوق زى الاول
قالى انا لو مش بحبك كنت ليه دخلت بيتك من الاول ؟؟
وهو عنده حق وانا أقتنعت
الولاد غيرنا إحنا حياتنا العاطفية هى اللى بتحدد يومنا وأسلوب حياتنا هما العكس لو ما أشتغلش وإنشغل بحياته العملية مش هيبقى فيه خطوة عملية زى الجواز اللى هيحققلكم أنتم الأتنين السعادة إن شاء الله
(ففتاك يشعر أنه امتلكك بعد أن أصبحت خطيبته؛ فبات يعتقد أن التعبير عن مشاعر الحب داخله بعد ذلك ليس له قيمة على أساس أنك تعرفين ما بداخله جيدا وإلا ما طرق بابك منذ البداية)
وهو ده الصح
وربنا معاكى
انا كانت ليا مشكله هنا بس
انا كانت ليا مشكله هنا بس الميل اللي كنت مسجلاه مقفول حاليا ممكن التواصل يكون من الميل بتاعه الرساله دي
======================
رد بص وطل
صديقتى إن شاء الله بس ممكن تبعتيلنا اسم الميل القديم كان إيه .
انفدى بجلدك من الاول كده اللى
انفدى بجلدك من الاول كده اللى زى ده حيفضل كده قبل الجواز وبعده مش حينصلح ابدااااااااااااااا انتى دلوقتى موقفك اقوى لانك لسه على البر لكن بعد الجواز الدنيا حتسود وعيوبه حتبان وانتى كمان عيوبك حتبان له والحكاية حتبقى كوسة وعلى اية الجيات اكتر من الريحات وشكككككككككككككرا
استفتى قلبك يا اختى وشوفى ايه
استفتى قلبك يا اختى وشوفى ايه اللى حصل وصارحيه
انتى عايزة ايه كمان ياشيخة
انتى عايزة ايه كمان ياشيخة اتجوزي واخلصي بقى دي مابقتشي عيشة.
بصي هقولك حاجه بدل انتى
بصي هقولك حاجه بدل انتى بتفكرى في الانفصال يبقي ده مش حب
انا ليا تعليق بسيط على رد
انا ليا تعليق بسيط على رد موقع بص وطل على المشكلة وهى ( ان الحب لوحده لا يقيم علاقة زوجية سعيدة ) انا ليا رأى اخر الحب فعلا هو القادر على اقامة علاقة زوجة سعيدة وعلى سبيل المثال جواز الصالونات لو طرف منه بيحب الطرف الاول مثلا مع العشرة والتعامل الطرف الاول هيحب الطرف اللى بيحبه ده لان لولا الحب مكنش قدر يوصل للطرف الاخر حبه بحسن المعاملة والحب اللى بجد بيخلينا نتحمل بس بشرط انه يكون حب متبادل انا بقول ده عن تجربة والحمد لله عايشة راضية ومبسوطة وربنا مايحرمنى من زوجى ولا بنوتى واتمنى للجميع السعادة. وشكرا
اتكلمى معاه بصراحه شوفى ايه
اتكلمى معاه بصراحه شوفى ايه سبب التغير ده ولو متغيرش وبردوا بيزعق وكدا يبقى بلاش منه وتعاله على قلبك ياإما تتجوزى وميتغيرش وكدا تبقى جيتى على حياتك كلها
الحب والزواج ليهم ارتباط ببعض
الحب والزواج ليهم ارتباط ببعض وثيق فالحب نهايته الطبعية الزواج والزواج ممكن يترتب عليه حب وممكن لاء لو تم الزواج بطريقة تقليدية دون حب ... فى الحقيقة مقدرش اقولك اكتر من الكلام من اللى اتقال فى الرد عليكى لانه شامل ووافى بس اللى اقدر اقولهلك ان الحب حاجة والحياة الزوجية حاجة تانية خالص مش معنى ان اثنين بيحبوا بعض يبقى هيقدروا يعيشوا حياه سعيدة متفاهمة سلسة لان الحب حالة من المشاعر بنعيشها فى لحظة من عمرنا انما الزواج عمر كامل بنقضيه سويا بكل تفاصيله وكل مشكلاته اللى بتبقى قائمة اساسا على الشخصية والفكر والطباع وانتى حبتيه بس مش قادرة تتحملى تعيشى معاه على طباعه من فترة الخطوبة يبقى تفتكرى هتقدرى تتحميلها فترة الزواج ؟؟؟ القرار صعب جدا ومش سهل بس هقولك نصحية واحدة خوفك من انك مش تلاقى حد تحبيه زيه فده مش حقيقة ابداااا لان الحب ممكن بتولد بالعشرة الطيبة والخلق الحسنة والحياه الكريمة بينك وبين زوج تختاريه صح ... قبل ما تبحثى عن الحب فقط ركزى اكتر على الزوج وشوفى انتى محتاجه زوج صفاته ايه وطباعه ايه واختارى على الاساس ده واكيد هتحبيه وتلاقى معاه الحب ... واتمنى لكى الخير
اسف بس انا ضد هذا الرأى لان
اسف بس انا ضد هذا الرأى لان ممكن يكون بيقسى عليها من خوفه عليها ولانه بيحبها اكتر ومدام هى مسلمتش نفسها ليه هيفضل عايزها وبعد كدة من المفترض انهم يكونوا فاهمين بعض وانهم كمان يتكلموا ويفتحوا قلوبهم لبعض عشان لو فى اى حاجة جواهم تتصفى التفاهم والكلام شرط اساسى للحب بس قبل ده كلة لازم كل واحد يعرف معنى الحب بالنسبة للتانى ممكن يكون المعنى عن واحد منهم الجنس او مجرد الزواج والاستقرار وممكن يكون المشاعر وممكن يكون الراحة وممكن يكون معناه مجهول بين الاتنين عشان كدة لازم تقربوا من بعض اكتر لان الابعتاد والبعد عن الحب بين العشاق اول طريق الفراق
