السلام عليكم ورحمة الله وبركاته، أنا عندي مشكلة مضايقاني أوي أوي وعايزة أعيط على طول، والمشكلة تتلخص في إني بحب واحد محترم أوي وكويس أوي أوي الحمد لله؛ بس عيبه الوحيد إنه متفرغ بس لشغله، وبقى كلامنا قليل أوي، ويوم ما نتكلم نقول إزيَك إزيِك؟ إيه الأخبار؟
تعبت والله أوي وما بقاش فيه أي كلام بيننا كده رومانسي مثلاً؛ ده على أساس إني بنت ومحتاجة ده، ونفسي أقول له كده، إن يبقى ليّ جزء أنا كمان؛ بس أنا عارفة هيقول لي إنه مشغول، وده كله علشاني، والمفروض ما ازعلش والكلام ده كله؛ بس أنا أحياناً باحتاج على الأقل كلمة "بحبك" إن شا لله كل فين وفين، بجد قولوا لي أعمل إيه معاه.
eng yoyo
صديقتي العزيزة:
بعدما انتهيت من قراءة رسالتك، لفت انتباهي قولك "والمشكله تتلخص في إني بحب واحد محترم أوي...."، ودار في رأسي سؤال حول هل أنت متأكدة من حبه لكِ أم أنت فقط من تحبيه؟
فكل ما تشتكين منه يترتب على إجابتك أنت على هذا السؤال؛ بمعنى هل أنت واثقة من أنه يحبك حقاً؟ وإلى أي مدى وصلت علاقتك به؟ هل صرّح لك قبل ذلك بحبه لك؟ أم أنت تعتقدين مثلاً أنه يحبك؟ كل تلك الإجابات تحدد مشكلتك وتصفها بدقة؛ لأن مشكلتك قد تكون اعتقادك بأن هذا الشخص يحبك، وفي الحقيقة أن كل شعوره نحوك شعور أخوة أو صداقة، ومن ناحية أخرى من الممكن أن تكون مشكلتك متمثلة في جدية وعملية شخصية حبيبك؛ فأنت تقولين إنه لا يقول لك أي كلام حب ويعاملك بجفاء، ويهمل مشاعرك، وهي كلها أعراض المشكلتين اللتين قلت لك عليهما من قبل.
وكما قيل من قبل "إذا عرف السبب بطل العجب"؛ لذلك يجب أن تعلمي السبب؛ إذا لم تكوني تعلمينه، ويجب أن تجلسا سوياً لتتحدثا في هذا الشأن؛ فالصراحة هي الحل الأمثل لمعظم المشاكل.
ونصيحتي لك هي أن تطلبي منه أن يلقاك في أقرب فرصة ممكنة، ولو تحجج لكي بالعمل أو الانشغال بأي أمر آخر اجعليه يترك هذا الأمر ويلقاك لأمر ضروري، وبعد أن يلقاك حدّثيه بصراحة في أمركما سوياً واسأليه صراحة هل يحبك أم لا؟ وإذا كان يحبك حقاً فاسأليه لماذا يعاملك بهذا الجفاء وعدم الاهتمام؟ فأي شخص في العالم يحتاج الحب والرعاية والحنان حتى إن كان ذي شخصية جادة، وإذا كان يحبك ويبخل عليك بالمشاعر؛ فهذا يعني أنه بخيل ومن يبخل في مشاعره يبخل في كل شيء آخر.
وقولي له إنك -كأنثى- تحتاجين منه بعض الاهتمام، تحتاجين إلى أن تسمعي بعض الكلام الحاني الرومانسي؛ فليس من الجيد أن يعطي الإنسان دون أن يأخذ، والعكس صحيح؛ ولكن علاقة الحب هي عبارة عن علاقة أخذ وعطاء.
أما إذا كان جوابه بالنفي أو إذا تهرب من الإجابة على سؤالك عن حبه لك؛ فهذا يعني بكل وضوح أنه لا يحبك أو يعتبرك كأخت وصديقة، ولا يريد أن يجرح مشاعرك؛ لذلك أرجو منك أن تحافظي وقتها على الباقي لديك من الكرامة وتنسحبين فوراً من حياته، وأرجو أن يوفقك الله لما فيه خير لك.
بصي انا مع سمر اللي قالتلك
بصي انا مع سمر اللي قالتلك انك لو نستيه اكيد ربنا حيعوضك بالاحسن واكيد كلنا حبينا وبرضه مخدناش اللي حبيناه بس ربنا المخلف علينا دائما بالاحسن
حاولي الاول تكلميه مش حقولك فهميه وقوليله انا محتاجه لكلام ناعم ورومانسي منك عشان اكيد هو مش عبيط وعارف يعني ايه حب ويعني ايه كلام رومانسي بس حاولي معاه مرة تانية ولو منفعش كبري دماغك منه وانسيه وسبيه بقي لحد مهو اللي يجيلك ولو جه لكي يبقي اكيد بيحبك لو مسالش يالا بالسلامه انسيه ولا تسألي فيه
متزعليش مني .. بس على أي أساس
متزعليش مني .. بس على أي أساس بتطالبيه بكلام رومانسي .. وانت مفيش اي خطوة رسمية بينكم .. لو بيحبك بجد يبقى كل شيء في النور .. وساعتها اسأليه ليه مش بيهتم بيكي .. اما لو اتحجج بظروف ومشاغل وانه لسه شوية يبقى مع السلامة
السلام عليكم أرجو ان كلامى
السلام عليكم
أرجو ان كلامى ميكونش تقيل عليكم
واضح بسم الله ما شاء الله ان عدد زوار الموقع كبير جدا وبيزداد وبصراحه الموقع جميل جدا اجدا
لكن انا ليا استفسار وعتاب لبص وطل
الاستفسار: طبعا الكلمة امانة وهنسأل عنها يوم القيامة فمن فترة وانا عاوز اسأل بص وطل عن علم و خبرة اختصاص المحريين اللى بيردو على الاسئلة اللى بتجلهم فى باب "سؤال محيرنى"
العتاب: ساعات بحس ان فى تساهل فى الردود
لان فى اسئله كتيرة بتجلكم بتبدى دائما بواحد او واحدة بيحبو بعض ومفيش بينهم اى ارتباط ومصرحين لبعض بالحب ده مابينهم كده والاهل اخر من يعلم وبيكلمو بعض الى اخرة وساعات اسوأ
وعادة الرد مبيتطرقش الى ان الكلام ده لا يجوز شرعاكما جاء في أكثر من فتوى للكثير من الشيوخ مثل الشيخ محمد حسان
ليكم الحريه فى نشر ردى فى الصفحة والجواب عليه فى نفس الصفحة او نشر الجزء الاول بما فيه الاستفسار وحجب الجزء الخاص بالعتاب والرد عليه على ميلى الشخصى (وانا هنا بذكر ده لان غرضى هو النصيحة لاخواتى المحريين فى بص وطل بدون مجرحهم)
شكرا.........اشوفكم على خير
==============================
رد بص وطل
صديق بص وطل أولا بنشكرك جدا جدا على رسالتك وتعليقك وننشره كما هو أولا لأننا نرحب بكل عتاب ونقد للموقع وثانيا لأنك تفضلت وذكرت رأيك بكل احترام ورغبة في التطوير
بالنسبة لاستفسارك عن خبرة واختصاص المحررين فمنهم أساتذة وأطباء نفسيون ومنهم من له خبرة صحفية طويلة في الرد على مشكلات الأصدقاء ومنهم شباب صغير السن يعبر عن رأيه وفقا لخبراته ووفقا لما يراه في المصلحة وبما يتفق مع الدين والمجتمع.
أما عن عتابك يا صديقي فهو بالفعل جاء على الجرح لأننا للأسف في زمن لا يجدي معه إطلاقا الوعظ المباشر والقول بالحلال والحرام دون أدلة مقنعة للمصلحة البشرية بمعنى أننا نخاطب في الغالب شباب صغير عنيد يهمه مصلحته الملموسة في الأول وفي الآخر وإذا قلنا لكل واحد أو واحدة منهم هذا حلال أو حرام دون اقناع فتأكد صديقي أنه لن يستمع ولن يأتي هنا مرة أخرى وبالتالي نحرص على إدراج الأدلة المقنعة ونحاول وضع وجهة النظر الدينية بشكل غير مباشر بقدر ما نستطيع فلا يمكن تجاهلها بالطبع ولكن يجب أيضا أن تظهر بشكل مقنع للعقل الصغير الذي يرى الاباحية والعلاقات المختلطة شئ عادي جدا في حياته وحتى يبتعد عنها نرى في وجهة نظرنا أن هذا لابد أن يأتي بالتدريج وبالاقناع الهادئ وليس الثوري ونحسب أننا وفقنا في هذا وندعو الله تعالى أن يلهمنا المزيد بمساعدة أصدقاءنا من أمثالك
يا سلام يعني بقى اللي بيحب
يا سلام يعني بقى اللي بيحب دماغه صغيره وغبي؟؟؟؟؟؟؟؟؟ هو ده رأيكم في اللي بيأمنلكم وبيبعت مشكلته ومشاعره؟؟؟؟؟؟؟؟ بعدين ربنا ما حرمش الحب ابدا , ولولا الحب لا كنت انا ولا انت موجودين ف الدنيا ولا اي حد لان ادم لو مكنش حب حواء مكناش جينا على الدنيا بطلو نفاق بقي بجد زعلتوووووووني من موقع بص وطل
========================
رد بص وطل
صديق بص وطل العزيز أولا شكرا على رسالتك وثانيا منقدرش طبعا على زعلك ابدا ولو أننا لم نفهم سر هذا الزعل، فنحن لم نقل أبدا أن الحب حرام ولا إن اللي بيحب دماغه صغيرة وغبي ولا نجرؤ على هذا لكن أكيد أنت تعرف أن لكل شئ حدود وأصول وحدود الحب وأصوله أن يكون في نطاق يقبله الشرع والمجتمع وهذا بالطبع لا يتحقق في كثير من حالات الحب التي ترد إلينا من شباب وفتيات صغيري السن سواء من حيث القدرة على الحكم على جدية مشاعرهم وأيضا وهو الأهم من حيث القدرة على تحمل مسئوليات الحب وتبعاته والتي يتم تجاهلها بشكل كبير في كثير من الحالات ..يسعدنا استقبال المزيد من رسائلك.
بصي الحب مش كلام بلا إحساس
بصي الحب مش كلام بلا إحساس بصي في واحد يقعد يقول بحبك في اليوم مليون مره ويطلع كداب بس ده عيبه انه واقعى شويه
بعد السلام اكيد كلام أ/ مروة
بعد السلام
اكيد كلام أ/ مروة جميل جدا وعقلانى الى ابعد الحدود
بس انا شايف ان ما يخرج من القلب لا يصل الا للقلب
ولو هى فعلا قالتله هذه الكلمه ليست بمعناها الحرفى وانما بكل ما تحمله من معانى كبيره جداااااااااا اكيد حتشوف وحتسمع ما يذهلها وما تحتاجه واكتر
فنصيحتى ان تبدأى انتى ..........
وشكراااااااااااااااااااا
انتى عندك حق البنت بردوا
انتى عندك حق البنت بردوا بتحب تسمع كلام جميل بس فى رجاله مش بيعرفوا يتكلموا الكلام ده او مش بيعرف يعبر بالكلام بس انتى بتقولى مشغول...يعنى هوه شغال 24 ساعه مش فاضى حتى يكلمك نص ساعه فى اليوم ...انا متعاطف معاكى بجد
السلام عليكم ورحمة الله
السلام عليكم ورحمة الله وبركاتة بصي يابنتي والله انتي زي مايكون بتتكلمي عني انا مريت بموقف زي دة بالظبط وكنت تعبانة جدا لكن مع الوقت حسيت اني فقت وفهمت ودلوقتي الحمد لله نسيت وعشت حياتي وركزت علي نفسي ومستقبلي وبس والبني آدم ده نسيته وانسحبت من حياتة تماما لانة مايستهلش لحظة تبكي عليه فيها ربنا بجد يكرمك وتعدي عليكي الفترة دي علي خير وتستعيدي حياتك . صحيح هتتعبي شوية لكن هترجعي لحياتك الطبيعية الجميلة ربنا يوفقك ويرعاك .
