أنا عندي 21 سنة وعمري ما ارتبطت؛ بس كنت طول عمري باحلم بفارس رومانسي، ما كنتش باحلم بأي حاجة غير إنه يسمّعني الكلام اللي كنت باسمعه من زمايلي البنات إن أصحابهم الأولاد بيقولوه لهم؛ بس أنا دلوقتي متقدم لي واحد كويس دينياً؛ يعني هو محفّظ قرآن وإمام مسجد، وهو مثقف جداً، بيحب يقرأ في كل المجالات، وأنا يعني عادي ما ليش في القراءة، وأنا عادي باصلي وباصوم وما باعملش حاجة تغضب ربنا؛ بس في لبسي بناطيل عادي وتونيكات طويلة.
بصراحة مش عارفة أعمل إيه أوافق، ولا هو بيقول هاصبر عليها لحد ما اعودها على كل حاجة كويسة؛ بس مش عارفة أنا حاسة إنه من عالم وأنا من عالم تاني.
أرجوكم ردوا عليّ بسرعة علشان هو عاوز رد، ومش عارفة أقول لبابا يقول له إيه.
gogo
أهم حاجة تستخيرى ربنا وتدعى
أهم حاجة تستخيرى ربنا وتدعى وان شاء الله يختارلك الخير
لكن لازم تفكرى و مش كفاية انه حافظ للقرآن مش معنى كده ان اللى بيقرأ القرآن وحش
انا كنت مخطوبة لشاب حافظ القرآن بس كان بخيل جدا جدا ومالوش شخصية ووالده مسيطر عليه وفسخت الخطوبة وبعد مافسختها عرفت حاجات كتير انا كمان ماكنتش عارفها وانه بيكلم بنات وبيعاكسهم وكان مقضيها زى مابيقولوا
السلام عليكم الى الاخت
السلام عليكم
الى الاخت الراسله هو عيب انك تتغيير من اجل واحد حافظ القرآن الكريم
اتقى الله فى نفسك وبلاش تردد
والسلام
السلام عليكم بصى يا غالية
السلام عليكم بصى يا غالية يكفى أنه حافظ للقرآن ودى وصيه الرسول عليه الصلاه والسلام وانتى بإذن الله متدينه هتقدرى تتعايشى معاه وتكون حياتكم كويسه ومستقره يكفى انه هيتقى الله فيكى
هو الجواز كده مش هاتلاقي فارس
هو الجواز كده مش هاتلاقي فارس احلامك اللي رسماه
وسيبك من الهراء بتاع البنات أصحابك لان كله غلط وقلة أدب مخلاهوش صح إلا كتر تكراره السكوت عليه لحد ما بقى شيء أساسي عشان الخطوبه تتم...
لازم الجواز عشان يتم يكون فيه حبه تنازلات من طرفك وهو كمان لازم يتنازل عن حاجات واللي يلاقي التاني منكم مصر على حاجة غلط يقوله بالسلامة وفي حاجة اسمها خطوبة تعرفي من خلالها شريك حياة المستقبل عايز منك فيها ايه...
أنا بالنيابه عن نفسي رجال الدين السنيين ومحفظين القرآن والمنتقبات على دماغي من فوق وجزمهم برقبتي... بس بصراحة أنا كشخص عامي مبياخدش من الدين إلا اللي يلزمني مش هاجوز أختي لواحد ملتحي وملتزم 100% ولا هاقبل اني اتجوز واحدة منتقبه... مش لأنهم وحشين... لا... لأني متأكد إن التوافق بينا مستحيل... هما عالم وإحنا عالم تاني... وأخونا الملتزم اللي اتقدملك مش هايناسبك وأحسنلة يشوفله واحدة منتقبه او بتلبس اسدال وهو ينقبها... واحدة من توبه يعني... لإن هو شافك وجه يتقدملك برغبته يعني عجبتيه وإنتي بالتونيك والبنطلون... ميجيش بقى يطلب إيدك ويكون أول شروطه إنك تغيري الحاجة اللي عجبته
انتي بتستقلي بانسان محفظ قرآن
انتي بتستقلي بانسان محفظ قرآن عموما انتي لو شايفه ان طبعه كويس اوك رسولنا صلى الله عليه وسلم قال إن جاءكم من ترضون دينه وخلقه زوجوه صدق رسول الله اسخيري الله
على فكره مش شرط خالص انه محفظ
على فكره مش شرط خالص انه محفظ قران معناها انه مش حيقولك كلام غزل لا طبعا لان الرسول صلى الله عليه وسلم كان يغازل زوجاته والكلام والرومانسيه مش بتعتمد على الثقافه وطريقه التعليم بتعتمد على شخصية الانسان وفكره ونظرته للموضوع ده فيه ناس بتشوف الموضوع ده مهم ولذيذ وفيه ناس بتشوفه تافه وملوش لازمه وده زى ما قلتلك بيعتمد على فكر الانسان وعلى فكره فيه شباب بيحبو يقولو كلام حلو بس البنت الى قدامه مش بتساعده على كده ممكن تكون بتستى زياده ن اللازم او معندهاش الثقافه الى ممكن تعبر بيها بس كل الى انا ممكن اقوله ليكى اقعدى معاه مرتين واستخيرى ربنا وانا شاء الله ربنا يكرمك ولو حصل نصيب تبقى تساعديه انه يقولك الكلام الى انتى محتجاه بطريقه تحفظى بها حيائك
الرسول عليه الصلاة و السلام
الرسول عليه الصلاة و السلام قال : "اذا جاءكم من ترضون دينه و خلقه فزوجوه, ان لم تفعلوا تكن فتنة في الارض و فساد كبيرا".. صدق الحبيب المصطفى صلوات ربي و سلامه عليه..
و المتأمل في معنى الحديث يجد أن الرسول صلى الله عليه و سلم قال "من ترضون دينه و خلقه" ولم يقل مثلا "صاحب الدين والخلق".. فشرط التوافق مطلوب.. لا أعنى بكلامى أن ترفضى هذا الشاب الخلوق الملتزم فقط لانه اكثر التزاما منك, و لكن على حد تعبيرك كل منكما من عالم اخر.. من الممكن ان يسبب ذلك فجوة بينكماو ليس العكس.. فاستخيرى الله و توكلى عليه فالقرار بيدك و حدك.. وفقك الله لما فيه خير الدنيا و الاخرة.
دا انسان ما يتسبش كفاية انه
دا انسان ما يتسبش كفاية انه هيصبر عليكى وهيرفعك معه وهيقربك من ربنا
ويمكن كمان ربنا يكرمك فيه وبعد الجواز يكون لك جوزك وحبيبك وكل حاجة
حد يلاقى حد كده ويسيبه؟!
حد يلاقى حد كده ويسيبه؟! امسكى فيه بأديكى وسنانك واوعى تسبيه يضيع منك.
بصى ياقلبى انا زيك بس كنت
بصى ياقلبى انا زيك بس كنت بلبس اسدال
متفكريش ان الشيخ مش بيعرف يتكلم انا خطيبى شيخ ومكتوب كتابنا
وبيقولى احلى الكلام اعتقد الشاب الروش ميعرفش يقوله وانا سعيده جدا بخطيبى وبحبه جدا وهو كمان يكفى معرفته بربنا كونه عايز يغيرك للافضل متزعليش ده حب ليكى انا خطيبى بيقولى البسى الجونتى باقول له حاضر لانه خوف وعايزنى ادخل الجنه ربنا يسعدك توكلى ع الله ووافقى عليه
قال رسول الله صلى الله عليه وسلم من جائكم من ترضون دينه وخلقه فزوجه والا تكون فتنه بين الناس
قال رسول الله صلي الله عليه و
قال رسول الله صلي الله عليه و سلم اذا جاءكم من ترضون دينه و خلقه فزوجوه صدق رسول الله صلي الله عليه و سلم
اوعي تفكري ان الشاب لما بيكون متدين دا معناه انه مش رومانسي او مش هيسمعك كلام حلو او كدا
بالعكس و عن تجربة اصحابي و زوجتي
بالعكس ممكن يكون رومانسي جدا بالاضافة لذلك انه هيحافظ عليكي و يصونك باذن لله
و هو لو طلب منك ما تلبسيش بنطلون و تلبسي عبايات او حتي نقاب مثلا يعني
فا هو مش بيطلب منك حاجة تغضب ربنا
بالعكس هو بيعينك علي طاعة ربنا
و دا احسن ما يجيلك واحد يكون عايك تلبسي بناطيل و تحطي ميكياج و تمشي معاه علشان يتمنظر بيكي قام اصحابه مثلا
فا نصيحتي انك اولا تعملي استخارة
و كامن توافقي و تتوكلي علي الله
و بالتوفيق باذن الله
يا أختى أنتى محتاجة إنسان
يا أختى أنتى محتاجة إنسان يقومك وشكله إنسان على خلق ويكفى إنه محفظ قرآن
وصدقينى الانسان اللى عارف دينه يقدر يصونك
وأستخيرى ربك
قبل كل شىء وإن شاء الله ربنا يحفظك ويصونك من كل شىء
اللهم أهدى بناتنا وبنات المسلمين لما ترضاه
اختي العزيزة تحية طيبة
اختي العزيزة تحية طيبة وبعد
الرسول عليه الصلاه و السلام قال فيما معناه اختر من ترضونه دينه وخلقه صدق رسول الله والرسول عليه الصلاه و السلام عمره م يقول حاجة إلا اذا كان موثوق فيها اقصد في بقوله ان اللى قاله ده هو مفتاح السعاده وصدقيني هو مادام عارف ربنا كويس أوي زي ما بتقولي كده ربنا هيفتح ليكي أبواب السعادة على مصرعيه وهتلاقي الكلام الحلو وكل حاجة لان ربنا هيطرح فيكم البركة صدقيني وتوكلي علي الله وصلي قبلها صلاة استخارة وربنا يقدم لك بما فيه الخير وبما يحبه ويرضاه.
السلام عليكم
