بسم الله الرحمن الرحيم، أكيد طبعاً مش محتاجة أقول لكم إن الموقع ده جامد جداً لأنكم أكيد عارفين.
أنا بقى مشكلتي إني محتارة جداً في شخص اتعرفت عليه تقريباً من سنتين، هو صاحب خطيب صاحبتي؛ المهم إن إحنا بنتكلم إن إحنا أصحاب وكده؛ لكن لقيته بدأ يهتم بيّ أوي، وأنا ما أنكرش إني مرتاحة له؛ حتى صاحبتي دي على طول بتقول لي إنه بيحبك؛ بس خايف تصدّيه لأن أنا معروفة إني ما ليش في المشي مع الولاد؛ يعني اللي عايزيني ييجي يتقدم.
كل ده عادي؛ بس المشكلة إنه كان يعرف بنات كتير أوي، وعلى فكرة هو اللي جه وقال لي وقعد يحكي لي؛ بس قال لي إنه بطّل الحوارات دي من مدة؛ بس أنا خايفة فعلاً أكون زي أي بنت عرفها؛ لأن أنا باكره الفشل جداً، وعمري -والحمد لله- ما فشلت.
آه ونسيت أقول كمان إنه من ناحية مستواه الاجتماعي والثقافي كويس جداً؛ بس أنا فعلاً قلقانة من حوار البنات ده، ومش عارفة لما يلمح لي تاني أصدّه ولا لأ.
bosy
الفشل مش عيب ولا يقلل منك
الفشل مش عيب ولا يقلل منك بالعكس بيقوي ادي لنفسك فرصة وجربي وخليه يجي البيت صدق في مشاعرة تكوني كسيبتي انسان كويس ومستريحة ليه لم يصدق تكوني كسبتي برضه انك عرفتي انه ما يستهلش وربنا موفق
حبيبتي انا من رأيي انك لو
حبيبتي انا من رأيي انك لو حاسة من ناحيته بميل وقبول خلاص مفيش مشكلة يروح يقابل بابا ويتكلم معاه ويتقدملك وخلال فترة الخطوبة تقدري تعرفي اذا كان بيحبك بجد وهيحافظ عليكي ولا لا بس قبل ماتشوفي هو هيعمل معاكي ايه شوفي الاول انتي عملتي اللي عليكي ولا لا يعني كنتي ليه الحبيبة اللي بتشيل الهموم وتحافظ على اللي بتحبة والصديقة مخزن الاسرار وكمان تكوني المكان اللي يرتاح فيه من غير مايكون فيكي الاندفاع في العواطف اللي ممكن يخنقة وبرضة متكونيش جامدة في مشاعرك وتبخلي بيها عليه يعني خير الامور الوسط يعني انتي فاهمة طبعا وانا اسفة اني طولت عليكي وربنا يوفقك ويديكي اللي فيه الخير بس متنسيش تعزمينا على فرحك وربنا يملى أيامك فرح وسعادة يااااااااااااااااااارب
بصي يا حبيبتي طالما مرتاحة
بصي يا حبيبتي طالما مرتاحة ليه وعندك قبول ليه خلاص يبقى خليه يتقدم لباباكي ولو باباكي وافق إن شاء الله يبقى خير إن شاء الله وخلال فترة الخطوبة تقدري تعرفي إذا كان إتغير فعلا ولا لسه بيهرج وكمان إنتي كبنت تقدري تحتويه بأنك تكوني ليه حبيبة وصديقة وأخت وأم كمان ومتخليش عينه تزوغ كده ولا كده أما إذا كنتي كل دول وبرضه عينه زاغت يبقى هو كده ومايستاهلكيش وماتزعليش عليه وربنا يقدم اللي فيه الخير ويديكي الخير مكان ما يكون بس متنسيش تعزميني عالفرح
لو بيحبك بجد يجي يتقدم لاهلك
لو بيحبك بجد يجي يتقدم لاهلك وخليكي زي ما انتي ونصيبك هتاخديه لا محاله
بصى ياحبيبتى انا زى اختك انتى
بصى ياحبيبتى انا زى اختك انتى لو حاسة ميل او مشاعر له مفيش مانع انك تخليه يتقدملك وفترة الخطوبة دى اكيد هتبين لك انه شاريكى ولالا واكيد هو عرف بنات كتير غيرى ولو اقدم على مرحلة الخطوبة دى فهو اكيد شاريكى لان اى شاب من دول اكيد مش عاوز يضيع وقت مع واحدة الا وكان بيحبها
انا شايفه بردو ان اللى عاوزك
انا شايفه بردو ان اللى عاوزك هيجيلك لحد بيتك وماحدش بياخد غير اللى ربنا كتبهوله
@myangel.nana Excellent
@myangel.nana
Excellent
شوفى يا بنتى هقولك على حاجة
شوفى يا بنتى هقولك على حاجة ملكش فى المشى مع الولاد أمال أنتى بتكلميه ازاى وبيحكيليك ازاى
يا بنات أنتم بتضحكوا على انفسكم ولا بتضحكوا على مين صارحى نفسك قبل أى شىء أو حد
وبعدين خليك على موقفك متكلميش حد إلا لما يجى يتقدملك
وأستخيرى ربك
وبعدين دينا قالنا من ترضنوه دينا وخلقا
واتقى الله فى نفسك وفى أهلك ودينك وأغتنمى آخرتك قبل أن يأتى وقت تندمى عليه وهو حساب الآخرة
والحل فى تقوى الله واللهم اهدى بناتنا بنات المسلمين
صحيح أهم من كل ده تثبتي على
صحيح أهم من كل ده تثبتي على مبدئك "اللي عايزيني ييجي يتقدم."
اختي العزيزة انا هقولك رأيي
اختي العزيزة
انا هقولك رأيي عن تجربة وبصفتي ولد زيه
أي شاب خصوصا في الايام الصعبة اللى إحنا عايشنها بتبقي المغريات قدامه كتير اوي في فترة المراهقة وكل شاب فى بينغمس في المغريات دي ولكن لو لقي الانسانه اللى بيحبها وحس فعلا أنه يتمناها شريكة حياته صدقيني الحال كله بيتغير المشكلة انك تلاقي الحب الصادق ومادام موجود صدقيني اللى فات ده فترة مراهقة وعدت فقط أتأكدي من حبه بس وده أهم حاجة وهو هيحافظ عليكي زي عنيه وأنا متأكد وأنا مش ببرر له اللى عمله قبل كده بس الرسول عليه صلاة والسلام قال سوف يأتي يوم القابض علي دينه كالقابض ع الجمر والدين هو الجمر في الزمن ده والقبض عليه والتمسك بيه عايز قوة إيمان قوية جداااا و محاربة مع النفس معلش طولت عليكي بس انا بخرجلك اللى جوايا كمان أنا ولد زيه
وفقكك الله بما يحبه ويرضاه
السلام عليكم
