السلام عليكم ورحمة الله وبركاته.
أنا شاب عندي 25 سنة، حاصل على بكالوريوس هندسة، وشغال مهندس في شركة محترمة جداً، مشكلتي بقى حاجة اسمها عقدة الذنب، ودي مسيطرة عليّ طول الوقت، ومش عارف أخلص منها.
الموضوع ببساطة شديدة إن أنا كان ليّ علاقات كتيرة جداً جداً، وكلها مبنية على الكذب من طرفي أنا، وكنت باجيد فن الكذب واستغلال نقاط ضعف البنات وحبهم ليّ لأن في بداية أي علاقة ليّ كنت بارسم الدور المثالي اللي أي بنت بتتمناه، ومع كثرة العلاقات بقيت باقدر أعرف البنت دي بتحب شخصية إيه في الولد وباقدر أمثّلها عليها كويس، مرة واتنين وتلاتة وعشرة حصل معايا الموضوع ده.
عاوز أقول لك إني قعدت وكتبت في ورقة جميع العلاقات اللي حصلت في حياتي في خلال 8 سنين بالضبط، كنت عملت حوالي 22 علاقة مشبوهة؛ ما بين خروجات وفسح وبوس وأحضان وشقق؛ بس كان عندي مبدأ معيّن إن أنا مش هاعمل الغلطة الأكبر، وهي إني أنتزع عذريتهم منهم.
كنت باستمتع كل مرة مش بالقرف اللي باعمله، لا بمدى قدرتي على التحكم في البنات وإني أعمل اللي أنا عاوزه وفي الوقت اللي أحبه.
بعيداً عن الغرور، أنا حد مستواة المادي والاجتماعي والعلمي كويس جداً، بجانب إن أنا -الحمد لله- وسيم جداً، وكل الحاجات دي كنت باستغلها للأسف في الموضوع ده.
بس للأسف مش قادر أنسى كل اللي حصل، وكل ما أفكر في الجواز أو الارتباط ببنت علشان تبقى مراتي وأبدأ حياة مستقرة، ألاقي عندي أزمة ثقة شديدة في البنات، ودايماً كل واحدة أقرر إنها مناسبة أفتكر إن كان فيه واحدة زيها بنفس أسلوبها وطريقتها وكل حاجة، وبرضه غلطت معايا؛ فأكيد دي مش كويسة زيها.
بس أنا معترف إني كنت غلطان، وعارف إن كل البنات مش وحشين، واللي فيهم عَمَلت حاجة غلط معايا كان بدافع حبها ليّ، وأنا كنت باستغل ده.
اللى أنا عاوز أعرفه بقى؛ أنا عاوز أقفل الصفحات القديمة كلها بشكل لا رجعة فيه، وأبدأ صفحة جديدة وما يبقاش الماضي بيطاردني طول الوقت، ومع كل حد جديد أعرفه.
skoot
صديقنا:
ليس عقدة الذنب ما يؤرق نومك ويتعب ضميرك؛ بل هي أزمة الثقة التي فقدتها في كل بنات حواء لما رأيته منهن.
وقبل أن أخوض في الحديث عن هذه الفتيات، وأن بعضهن من الممكن أنه كان ساذجاً وبريئاً لدرجة الانقياد لزيف كلامك؛ فاسمح لي أن أقول: إن ما أنت فيه من فقدان الثقة ليس نابعاً من شيء واقعيّ بقدر ما هو انتزاع الأمان من القلب حين يضربه الله على العبد؛ كانتزاع البركة من المال الحرام؛ فعندما ينال المرء مالاً حراماً ويخوض فيه؛ فإن الله تعالى ينزع بركته ولذة المتعة به؛ وكذلك العلاقة بالجنس الآخر الذي هو مودة ورحمة وأمن وسكينة ومحبة حينما يكون بشرع الله؛ وعليه فإن خلاف ذلك ينزع الله البركة والأمان منه؛ بل ويجعلك دائم الشك والوسوسة حتى في أصدق من خَبَرت ومن علمت من أهلك وذويك.
ولذا فإن ما تطرحه من مشكلة ليس هو طرف الخيط الذي يجب أن نبدأ منه؛ بل إن طرفها يبدأ بالتوصيف الصحيح، وهو سبب ما أنت فيه حتى نتمكن من حله.
لو كانت مشكلتك صديقي في وخز الضمير وخوف غضب الجليل تعالى وعذابه، وندم على ما ارتكبته في حق فتيات قد تكون إحداهن أو بعضهن عفيفات انسقن خلف وسوساتك التي زيّنتها بالحب والوعود الوردية لحياة وزواج واستقرار؛ إن كان الندم هو قائدك في كل ذلك؛ فأنت -صديقي- لا تحتاج لحل؛ لأنك بدأت بالفعل في مرحلة الحل وهي التطهير؛ لكن ليس هذا ما تحويه رسالتك؛ إنما هو فقد للأمان وخوف على سمعتك وعرضك لاحقاً؛ دون أن ألحظ أي ندم على ما فات.
المشكلة عزيزي هي داخلك أنت، في كيف تطهّر ذاتك لترى العالم بعدها طاهراً؛ فالنفس الخبيثة -غالبا- لا ترى ما حولها إلا خبيثاً.
عليك صديقي بتطهير نفسك بعد تذكّر ما فات، والاستغفار كلما ذكرته، والأحرى أن تخصص وقتاً محدداً يومياً أو تضرب موعداً ثابتاً تقوم فيه بعمل خير أو طاعة تتقرب إلى الله تعالى بها علّه يغفر لك ويطهّر لك نفسك من هذه الخطيئة ويحفظ لك أهلك بعد ذلك.
وأن تندم كلما خطر ببالك صور هذا الذنب، وأن تستغفر في كل ذكرى له، وأن تستغفر بعد كل خير أو عمل صالح تقوم به؛ لأنك ساعتها تدعو الله بقبوله ليغفر ما فات، وتدعوه أن يحجب عن نفسك العُجب بما فعلته من خير؛ فما قدمته سابقاً من سوء كان أكبر مما تقدمه من خيرات.
صديقي.. بعد أن تبدأ في ذلك وتشعره من داخلك؛ فلا مانع أن أخوض معك قليلاً في أسباب ما كان:
أولاً: هناك مَثَلٌ يقول "الطيور على أشكالها تقع"؛ وبالتأكيد هناك جزء من هؤلاء الفتيات مستهترات في عرضهن، لا يبالين بما سوى اللعب واللهو، ومن ثم ليس هناك فارق من أن تتجاوز معك أو مع غيرك؛ فهي عرفت دواخلك وتماشت معك لاتفاقكما في الاعوجاج دون أن تعلن هذا؛ بل كان كل منكما يلعب على الآخر.
ثانياً: هناك من الفتيات من هن محترمات متحفظات؛ لكن وعودك التي دخلت بها، ولعلها تخص التقدم أو أنك بالفعل قد دخلت إلى بيتها وأحدثت موضوعاً رسمياً بغرض اللعب بها؛ المهم أن هناك نوعية من هذه الفتيات لا تصمد كثيراً أمام الاستسلام لأول بادرة أمان تشعر بها أمام من أحبت.
وبرغم تحفظي على هذه النوعية؛ إلا أن الطبائع البشرية تتفاوت في تلقّي الفتن والتعامل معها وصدها ومجاهدة النفس، ومن النفوس ما هو قوي ومنها ما هو ضعيف؛ لكن الشق الأكبر يقف عليك أنت في الإغواء والخيانة؛ ولذلك يقول تعالى {إن الذين فتنوا المؤمنين والمؤمنات ثم لم يتوباوا فلهم عذاب جهنم ولهم عذاب الحريق}.
ثالثاً: هناك نوعية من الفتيات صافيات النفس وبريئات لدرجة السذاجة؛ حتى أنها يمكن أن تطمئن إليك لمجرد أن ذكرت لها رغبتك في الارتباط، وهن قليلات خبرة إلى أبعد الحدود؛ وهؤلاء أقل قدرة على التفكير والتصرف ساعات الخطر؛ فيمكن أن تكون من داخلها ترفض الانجراف لكنها لا تعرف كيف ترفضه وتوقفه حتى على مستوى القول؛ والعارف بأحوال النساء والبنات خاصة، يعلم أن منهن من تقبل المعاكسة -على سبيل المثال- فقط لأنها لا تعرف كيف تردها أو تتجاهلها أو حتى تفكر فيها.
والنوع الأخير أنت أعظم ذنباً في إغوائهن؛ لأن الأصل في المرأة أنها جوهرة وكائن رقيق نحسن معاملته وتوجيهه والحفاظ عليه، وعدم جرحها قولاً وفعلاً، وهذا ما نتبعه جميعاً مع أمهاتنا وأخواتنا وبناتنا من متابعتهن والنهوض لحل مشكلاتهن والبحث عن كل ما يضايقهن ولا يستطعن رده؛ ليس لأنهن غير أهل للثقة؛ بل لأنهن أحياناً تمنعهن رقتهن وبراءتهن من التصرف.
صديقي.. كما قلت لك في البداية: يجب أن يكون الإحساس بالذنب من داخلك؛ ليس لأنك تخاف من رد الدَيْن في زوجتك المستقبلية، وصدّقني أن الله تعالى إذا شعر بصدق ما أنت مقدم عليه؛ فإنه سيرزقك ما يرضاه هو لك، وهو خير مما ترضاه لنفسك.
واعلم أن النساء ثلاث كما قلت لك؛ فاختر ذات الخلق والدين، وساعدها ولتساعدك على الطاعة؛ فإن النفس البشرية تتقلب وصحبة الخير هي من يعين على الخير قال صلى الله عليه وسلم "عفوا تعف نسائكم".
وفقك الله وهداك.
انت بس اتجه لله وخلي املك في
انت بس اتجه لله وخلي املك في ربك كبير
حاول انسى الماضي بس اتعلم من اخطائك انك ما تكررها
ان الله غفور رحيم
الله يهديك ويصلح احوالك
انت وشباب المسلمين اجمعين
ههههههههههههههههههه يا سبحان
ههههههههههههههههههه
يا سبحان الله اهو هو ده بقى انتقام ربنا وعلى فكرة عايز اقولك حاجة حتى لو وثقت فى واحدة وارتبط بيها وكانت كويسة عمرك ما هتكمل معاها لانك عمرك ما هتفضل واثق فيها وهتشك فيها وهتعيشها فى جحيم
وعموما لو كل واحد احترم نفسه من الاول وراعى ربنا فى نفسه وفى بنات الناس كان ربنا عمره ما هيزرع الشك فى قلبه لكن من اعمالكم سلط عليكم بذنب البنات الى فضحتها والى لعبت بيها الكورة ربنا بيعاقبك وصدق ربى عندما قال ( الطيبون للطيبات والخبيثون للخبيثات ) والرسول صلى الله عليه وسلم قال اعمل يا ابن ادم كما شئت فكما تدين تدان
وعلى فكرة البنات دى مش هقول مش غلطانة لا غلطانة طبعا بس الى غلطان اكتر هو الشيطان
مش ابليس لاء انت انت الشيطان الى غواهم باسم الحب والله اعلم يمكن باسم الجواز كمان والمشاعر والرومانسية
توب لربنا توبة نصوحة وكل واحدة ظلمتها خليها تسامحك لو أمكن يمكن ربنا يرضى عنك وينزع الشك من جواك ويهديلك حالك ويرزقك بانسانة كويسة تصونك وتراتعى ربنا فيك وما تعملش فيك الى انت عملته فى بنات الناس
كما تدين تدان ولو بعد حين
كما تدين تدان ولو بعد حين
شوف اللى إنت عملته فى دنيتك
بس معلش دا ميحصلشى .. أنا ممكن أقتنع بكلامك بس مش مع واحد شبه كان زيك , الى هو انا
بس أنا مش كنت بعمل زيك كده
معنى إنك عملت حوالى 22 علاقه وإنك تقعد 8 سنين. إنت كان عندك طاقه بقىلكل دا .كويس يابنى ربنا يهيديك
دى رقم قياسى
انت حطمت الارقام هههههههههههههه
ربنا يهديك ويغفرلك برحمته
وتلاقى بنت الحلال اللى تسترك :)
سبحان الله ربنا يهديك والغلط
سبحان الله ربنا يهديك والغلط برده مش عندك لوحدك لا الغلط برده من البنت اللى بتسمح لنفسها تعمل اى حاجه غلط او تصدق اى حد بسهوله كده
البنت زى الجوهرة لازم تظل محتفظه ببريقها لمن يستحقها فقط
الغلط فى اخلاقنا وضمايرنا اللى غابت
مش كل واحد هيغلط ويرجع
مش كل واحد هيغلط ويرجع يقووووول اقفل صفحاتى القديمه واعيش حياه مستقره ده بمبدأ ايه بقى طب والبنات دووووول مهو اكيد هيتردلك فى حد من اقاريبك بنتك مراتك اختك اى واحده من عرضك عشان تتعظ بجد
بس ان الله غفور رحيم ربنا يغفر لنا ويهديك بس لاازم ترجع بجد لربنا مش هينفع انك تقوول اقفل الصفحات القديمه بس
ولو كل ولد فكر الف مره قبل ما يخسر نفسه كان هيعرف انك اللى بتعمله ده حرام وزنا يعنى من الكبائر
ربنا يتقبل منك بس اكيد لازم تووبه نصوحه وياريت تعجل بالزواج عشان يديك دفعه انك تتوب
حلك شئ واحد هو التوبة والندم
حلك شئ واحد هو التوبة والندم الشديد لربنا ويا ريت بما انك مقتدر ماديا تروح تعمل عمرة وتتوب هناك وتغسل ذنوبك وتعاهد ربنا إنك مش هتلعب بحد تاني النقطة دي بداية الطريق من غيرها عمرك ما هترتاح لأن الماضي هيطارك طول ما أنت ما غيرتش شئ أساسي في حياتك اللي هو أخلاقك لازم تبقى علاقتك قوية بربنا وتلتزم
الحاجة التانية يا ريت تعرف كويس إن ربنا إداك هبة اللي هيا الوسامة وربنا قادر ياخدها منك يبقى لازم تحافظ على نعمة ربنا ومتستخدمهاش الاستغلال السئ
لازم تعرف كويس انك لو ما تبتش لازم هتقع في واحدة تعمل فيك اللي عملته قبل كدا ودا شئ اساسي
لكن والله لو تبت ربنا هيقبل توبتك ربنا غفور رحيم وبيقبل التوبة في أي وقت وبيقبل توبة العباد كلهم مهما كانت أخطائهم وساعتها صدقني هيرزقك بواحدة تحافظ عليك وعلى شرفك وساعتها لازم تلغي نظرية الشك من عندك ويبقى عندك يقين بربنا وحسن ظن فيه إنه قبل توبتك
وربنا يهديك ان شاء الله ويمتعك بالصحة والعافية والزوجة الصالحة
السلام عليكم ورحمة الله
السلام عليكم ورحمة الله وبركاته ..
انا اسف ردي متاخر
بس انا عايز اقول كلمة واحدة لصاحب المشكلة ..
الطيبون للطيبات .. وكما تدين تدان
دي اقل لكمة ممكن تقال لك .. لانك استغليت وسامتك ولباقتك في خداع البنات .. وفي الاخر بتقول انك قلقان وخايف ترتبط ببنت كان ليها علاقات قديمة .. بس علشان انت وحش وبتعرف بنات وحشة .. فاكر ان كل البنات وحشة .. انا عايز اقولك انك دمرت نفسك بعلاقاتك المشبوه دي ..
انا مش عارف انت ليه عملت كده .. كنت بتحس بمتعة وانت بتكذب علي البنت ولا علي كنت بتحس انك راجل لما بتخلي بنت تتعلق بيك .. والمصيبة الاكبر انك كنت بتزني وبتقول انك كنت بتقف عند حد معين .. محسسني ان ضميرك صاحي .. وبتقول انك بتستمتع بقدرتك على التحكم في البنات .. وبعد ما بتتحكم فيهم .. بتستفيد ايه ؟
وكمان انا هسألك سؤال واحد ؟
تقبل ان شاب يعمل كده مع اختك ؟ بلاش اختك بنت عمك .. بنت خالك اكيد لا .. ولو لابعد قريبة ليك .. بجد انت لا يمكن تكون انسان طبيعي ابدا
وفي النهاية بتقول انك عايز تقفل الصفحة القديمة دي وتبتدي صفحة جديدة .. يا سلااااااام .. بمنتهي البساطة كده ..!!!!!
* اللي اقدر اقولهولك ان ربنا هو اللي بيسامح مش البشر ..
استغفر ربنا وتوب إليه .. توبة نصوحه ..
وحاول تتغير وتكون أنسان بجد ..
وربنا يهديك
وتقبل مروري
** باهر الحميلي **
انا ملاحظ ان كل اللى ردوا على
انا ملاحظ ان كل اللى ردوا على الموضوع كلهم بنات طبعا دا رد على غيرتهم على نفسهم و ل\على البنات اللى زيهم من افاعى البشر البائسه فى الدنيا الحلال و يزين لهم شيطانهم الفرح فى دنيا الحرام انت غلطت و غلط كبيرررررررررررر جدا ولازم عشان تفوق تتوب من غلطتك الاول و تكفر عن ذنوبك اللى ارتكبتها فى البنات اللى ملهمش ذنب و بالرغم من كده انا بعاتب البنات انها ممكن تعمل كده عشان خاطر مجرد واحد قالها بحبك و مش كلهم بس لازم يكون فى وعى اكبر من كده و ان الواحد لما تفرط فىاى حاجه لمجرد كلمه حب امال لما تتجوز هتفرط فى ايه رسالتى ليك انك تفقو من وهم الحياه الغير شريفه و انك تهتدى الى الله عز وجل عللى وعسى ان يمحو ذنبوك وخير التوابين الخطائين .
تصدق استفزتنى اوى بجد انت
تصدق استفزتنى اوى بجد انت طايق نفسك ازاى؟؟؟؟
روح توب عن عمايلك السوده ربنا يهدى
لاء فعلا عندك مبدأ!!!!! ياشيخ
لاء فعلا عندك مبدأ!!!!!
ياشيخ اتقي ربنا حرام عليك
هو في كده يا اخي
حسبنا الله ونعم الوكيل
انت انسان مستفز وحاسس انك
انت انسان مستفز وحاسس انك بتتكلم بثقه كبيره جدا كانك انت مجنى عليك هو معنى ان ربنا انعم عليك بطلاقه اللسان والشكل الحسن انك تغرى بنات الناس وبعد ام البنت تحبك وتكون مخلصه ليك وتسلّمك قلبها ونفسها وهيه على ثقه انك انت الانسان اللى هتخاف عليها وتشيلها فى عنيك فانت تستغل ده لشهواتك الحقيره وترجع تقول خايف اللى ارتبط بيها تكون زيهم هما مش هيعملوا كده الا علشان بيحبوك بجد ومؤمنينك على انفسهم اتقى الله فى الانسانه اللى تثق فيك وتأمنك على اغلى ما عندها خلى عندك قلب يتقى الله فى كل خطوه واوعى تكون فاكر ان هما كمان ملايكه هما بردو ا ذنبهم كبير ان اى بنت تفرط فى نفسها لاى سبب حتى لو علشان بتحب الشخص ده تبقى غلطانه لان هيه متعرفش ان طلبك منها ده هوا اكبر دليل على انك لاتؤتمن عليها لان اكبر دليل على حبك وخوفك على اى بنت انك تخاف عليها حتى من سلامك ليها ومن نفسك و ربنا يسامحك ويغفرلك ويغفر لضحاياك اللى كانوا فاكرينك تستاهلهم انا بجد متنرفز منك اوى وربنا يهديك ويغفرلك ويغفر لامثالك ويهديهم احب اقولك انك انسان عديم الايمان و القلب والضمير وكما تدين تدان
انت اول حاجة تعملها تستغفر
انت اول حاجة تعملها تستغفر ربنا وتتوب وتطلب من ربنا انه يسامحك ،تانى حاجة لازم تعرف ان مش كل البنات وحشة ولا حاجة بس طبعا من كتر اللى انت عملته طبيعى جدا تحس بكده وده عقاب من ربنا انك تفضل تشك فى كل حاجة وتحس دايما بعدم الرضا عشان كده استغفر ربنا ولو ندمان فعلا ربنا هيغفرلك ان شاء الله وهتقابل البنت اللى تبقى واثق فيها جدا وتبقى متاكد انها معملتش حاجة غلط
المثير للاشمئزاز انه كلامك دة
المثير للاشمئزاز انه كلامك دة مش لانك حاسس بالذنب علشان اللى عملته و عاوز ترتاح من عذاب الضمير المشكلة انه بردو مابتفكرش الا في نفسك و بعد ما عملت كل اللى انت عاوزه بتفكر في الاستقرار بس دة عقاب ربنا انك حتى مش عارف تستقر لانه الوسواس اللى عندك مش مخليك تتهنى باي بنت محترمة مع ان المحترمات و بنات الناس كتير بس طبعا عيونك معمية عنهم و دة عقاب ربنا لواحد زيك..نفسي تحس بالذنب بجد و تنوى تتوب عن كل دة و ربنا يهديك
يقول الله تعالى فى كتابة
يقول الله تعالى فى كتابة (الزانى لا ينكح الا زانية او مشركة والزانية لاينكحها الا زانٍ او مشرك وحرم ذلك على المؤمنين)صدق الله العظيم .
هههههههههههههههه مهو انت مش
هههههههههههههههه مهو انت مش عايش فى الدنيا لوحدك يا مااااااان
يعنى فى ذئاب تانية والى يفتكر انه هو الناصح والبقية اغبياء ده اول واحد بيلبس الطرطووور واوعى تفتكر انك الصياد الوحيد
انما بالنسبة للجواااز ده مش زى اى علاقة انت ممكن تكون مفيش زيك فى علاقاتك المشبوهة بس مراتك تخونك وتحب عليك كمان الجواز محتاج صبر وصرااحة ووضوح
لازم طبعا الماضي يطاردك ويهدم
لازم طبعا الماضي يطاردك ويهدم اي سعاده جايه ده انت موت بنات كتير ازاي ربنا هيسبك من غير ما يموت فيك روح وتقبل اي عقاب واتحمل العزاب النفسي الي انت فيه يمكن ربنا يغفرلك
هقولك كلمة واحدة كما تدين
هقولك كلمة واحدة كما تدين تدان..ومراتك هتعمل فيك كل دة وهيجى ولد ويطلع على بنتك كل اللى عملتة ف البنات الله يسامحك استغفر ربنا واطلب السماح من كل بنت جرحتها ربنا يهديك
علي فكرة ياشباب بلاش الشماتة
علي فكرة ياشباب بلاش الشماتة ده تائب الى الله يعني مش تحسسوة بالذنب اكتر والاخت اللي بتقول قرفانة منه دي بلاش الكلام دة واتقوا الله في كلامكم لان ده طالب باب التوبة عبدي لو جئتني بتراب الارض خطايا فاستغفرتني لغفرت لك وعلى فكرة مش هو اللي غلطان بس انا وعدتك ورسمت لك من البحر طحينة فيه حاجة اسمها الاصول والشرف والعرض عايزني في الحلال عندك بيت اهلي غير كدا معرفكش مش تكون ساذجة ومحترمة ويسرح بيها من غير ما تعرف مامتها وكمان اهليهم مشتركة في الموضوع دة وربنا ان شاء الله هيتوب عليك وما تخاغش وانسى اللي فاتت وصلي وصوم واتقي الله كدا ومتفكرش في اي حاجة وادي الثقة خالص وسبها علي الله وما تقلقش وتوكل على الله واتجوز وما تفكرش في كلام بينك وبين اي بنت فاتت ولا اي حاجة حصلت وديها الثقة مراتك لازم لازم وسبها علي الله وشيل النت من البيت بعد الزواج نصيحة مني ليك يارب اغفرذنوبة ياااارب وذنوبي وسمحني وتوب علية بحق لا اله الا الله
دا طبيعى اللى انت فيه ده
دا طبيعى اللى انت فيه ده واكيد ربنا لسه هيوريك عشان بنات الناس واللى انت عملته فيهم والمشكلة ان انت السبب فى كل حاجة يعنى كذب وخداع وغش جاى دلوقتى تقول اقفل صفحة الماضى وعاوز حل لعقدة الذنب اللى عندك طيب والبنات دول كان كل ذنبهم انهم حبوك وانت ماشاء الله بروفسور كذب وعلاقات انت مبسوط بنفسك كده انا بدعى ربنا انك تحس بالذنب طول عمرك ومتنساش الله يمهل ولا يهمل
حسبى الله ونعم الوكيل فيك
انتا عملت كتير اوى غلط وانتا
انتا عملت كتير اوى غلط وانتا اللى غلطان لانك استغليت ضعف البنات وعلى فكره كل البنات كدا بدليل ان النساء ناقصات عقل ودين وانتا اللى هتتحاسب اكتر منهم لانهم كلهم بقو امانه فى ايدك من اول مرسمت الحب بجد انا بتمنى لك حد كويس بس صدقنى هتعيش طول عمرك تندم على الزنب ده لان فى غيرك انتا اخت حقه ولمست مراته واكيد لازم يحصلك زيهم مش شرط فى مراتك بس كله دين عليك وهيتعمل فيك ربنا يحفظنا جميعا بتمنالك انك متزعلش لو حصل ده لحد من اهلك او مراتك او بناتك لانه ده دين عليك ومسيرك هتوفيه
مش عارفة اقولك ايه بس مش معنى
مش عارفة اقولك ايه
بس مش معنى ان بنت غلطت معاك انها كانت وحشة
ومش معنى ان وحدة ادت نفسها لواحد انها هتدى نفسها لميت واحد غيره
بس لازم تتعذب وتشك فنفسك
لان العلاقات دى عدت بسلام ولا كانك عملت حاجة ولازم ربنا يعاقبك
ويخلص زنب البنات الى انت علقتهم معاك دول
ياريت تحاول تتقرب من ربنا واستغفره كتير وادعيه انه ينسيك الى فات وانه يرزقك ببنت الحلال
انت شيطان مش بني آدم عملت كل
انت شيطان مش بني آدم عملت كل ده وحاسه انك فخور بكده ومش ندمان ولا عايز تتوب لربنا عشان يسامحك ... ارسلت رسالتك هذه لمجرد معرفه كيفيه طوي الصفحات القديمه وعدم مطارده الماضي لك ...
تذكر انه كما تدين تدان وكل اللي عملته في بنات الناس هيترد ليك والشك في كل شئ هيفضل ملازم ليك طول عمرك لان الانسان السيئ اللي زيك بيشوف كل الناس زيه وبكرة ربنا يديك علي اد نيتك
اندم علي اللي عملته في حق ربنا وحق نفسك وحق بنات الناس اللي وثقوا فيك وانت غررت بيهم وربنا سبحانه وتعالي بيقبل التوبه النصوحه... ربنا يهديك ويهدي شباب المسلمين.
ردك فى محله بارك الله فيك يا
ردك فى محله بارك الله فيك يا اخى
تصدق والله طول مانا عماله
تصدق والله طول مانا عماله اقرأ رسالتك وانا حاسه بالقرف منك ومن الشباب اللي زيك ، ربنا يهديك !!!!
الله يهديك ويثبتك ويبعد عنك
الله يهديك ويثبتك ويبعد عنك الشيطان
توكل على الله
واتمنى تكون عند حسن ظن ربك فيك
ربنا يوفقك ويساااااااااااااااااااااامحك
بصراحة ... تستاهل اللي انت
بصراحة ... تستاهل اللي انت فيه واكتر ..ولسه
لا اله الا الله صح يا أخى
لا اله الا الله
صح يا أخى تفكيرك وكما تدين تدان
طيب الحل
التوبة النصوحة والتقرب من الله عز وجل وان تخلص نيتك لله وكثرة الاستغفار وتعف نفسك وتوب ووجه نيتك لله بأنك سوف تتزوج للعفة والسترة وتتقى الله
وصدقنى إن شاء الله يتقبل الله منك ويوعدك بزوجة صالحة وتوكل على الله حق توكله
وقل لن يصيبنا إلا ما كتب الله لنا
أم ما أنت فيه تفكير شيطانى سوف يستغلك وسوف تظل على هذا الوضع وتخسر دنيتك وآخرتك بسبب الشك وعدم الثقة فى الآخرين
الرد ده وافي جدا علي فكرة
الرد ده وافي جدا علي فكرة مفيش كلام يتقال بعده وربنا يوفقك ويسامحك .
