أنا شاب عندي 22 سنة، حبيت واحدة من 5 سنين وبحبها أوي وهي كانت بتحبني، بس من حوالي سنة حسيت إنها بدأت تكرهني علشان بتقول إني ما باعملش حاجة علشانها، وإني دايماً باخنقها بتصرفاتي، بس بعد كده اتضح ليّ إنها على علاقة بشخص تاني، أنا اتصدمت جداً وأنا لسه بحبها أوي، ومش عارف أنساها بجد نفسي أنساها، أنا حياتي مدمرة أوي ما باعرفش أنام.. أعمل إيه؟!!
love
جميل هو إحساس الحب عندما يدق في قلوبنا باكراً، ولكن الأجمل منه هو أن نتأكّد مِن أنه شعور حب فعلاً، وليس مجرد سهام حب وهمي تصيب قلوبنا في فترة المراهقة التي نمرّ بها جميعاً.
فكما هو ظاهر في رسالتك يا صديقي العزيز أن سهام الحب الوهمي قد صابت قلبكما في فترة مبكرة من عمركم في سن السابعة عشرة، ومن المحتمل أنها أصغر منك سناً.
وهذه السن المبكرة تخلق حباً غير ناضج أو قد نسمّيه مجرد إعجاب عندما لا يرى كل طرف في الطرف الآخر سوى المميزات فقط، وعندما لا يلتفت أي من الطرفين إلى أبعاد العلاقة.
وحتى إذا كنت واثقاً من شعورك تجاه هذه الفتاة فهذا لم يحدث معها، فعندما بدأت تكبر وينضج عقلها وَضَحت العلاقة لها من كل جوانبها، وبدأت تُفكّر في العيوب قبل المميزات، وتبحث عن أي شيء يمكن أن يُفسد العلاقة.
هذا بالإضافة إلى اكتشافك أنها على علاقة مع شخص آخر، فهي بدأت تبحث عن الحب الناضج الذي يولد على نار هادئة، ويكون متوافراً به كل مقومات النجاح والتي من أهمها النضوج في المشاعر، وفي أسلوب تفكير كل طرف في الطرف الآخر، وفي العلاقة نفسها وكيف يعملان معاً لإنجاحها.
نصيحتي لكَ صديقي العزيز أن تبدأ من جديد، ولا تجعل قصة الحب البريئة تلك عقبة في حياتك، وإنما أريدك أن تتعلّم منها حتى تعرف ما هي أخطاؤك التي عليك تجنّبها في المرة القادمة؛ لتبدأ حباً جديداً ناضجاً مكتملاً على أسس سليمة تستطيع أن تحميه، وأن تُكمِله بالزواج إن شاء الله.
فأنتَ الآن في سن مناسب لكي تختار بعقلك وقلبك معاً كما أريد منك أن تلتفت أكثر إلى التفكير في مستقبلك وفي عملك وفي تنمية مهاراتك التي تؤهلك لكي تشغل أعلى المناصب، وهذا وحده كفيل أن يساعدك على نسيان تلك الفتاة.
وأعتقد أن أكثر شخص يستطيع أن يُساعدك على النسيان، هو أنت فأنصحك بأن تأخذ القرار سريعاً حتى ولو كان صعباً عليك، ولكن مع الوقت ستتمكّن من ذلك، وإن شاء الله ستجد الحب المناسب الذي يستحق مشاعرك النبيلة وإخلاصك.. مع تمنياتي لك بالتوفيق في حياتك.
عزيزي سمعت عن المثل اللي
عزيزي سمعت عن المثل اللي بيقول مرايه الحب عاميه تخلي الكوسه باميه والله اللي قاله ماغلطش لاننا لما بنحب المشاعر وبس هي اللي بتسيطر علينا والعقل بيتجمد وقتها وبيقف عاجز
احيانا وانت بتحب بتبقي شايف حاجات كتير غلط في الطرف التاني بس بتتغاضي عنها ويتعمل نفسك مش واخد بالك منها هو ده العمي اللي بيصيب القلوب
انت وهي كمان كنتوا في فترة مراهقه وانت اهو يادوب هتخرج منها بسلام ابدأ حياتك بالالتزام انتبه لدراستك لو بتدرس ولو خلصت شوف وظيفه كويسه وأقف علي ارض صلبه وبعدين فكر في الارتباط الرسمي وحب بقلبك وعقلك مع بعض وقرب من ربنا وادعيه انه يرزقك بالزوجه الصالحه وانسي اللي فات وابدأ من جديد
بص لسه قايلة الجملة دى في
بص لسه قايلة الجملة دى في مشكلة تانية اللي باعك بيعه انامش هقولك انك محبتهاش ولا ده سن حب ولا كل ده انت اكيد اتعلق بيها لان خمس سنين مش شوية يعني .. اكيد هيبقت حاجة اساسية في حياتك بس انت لازم تنساها عشان هي باعتك ومش بتحبك يبقي ليه تعلق نفسك بيهاحاول تشوف مستقبلك وتنساها هي مش باقية عليك هتبقي انت بقى عليها ازاي ؟ ربنا يوفقك يارب
يا جماعة ارحموا نفسكوا بأة م
يا جماعة ارحموا نفسكوا بأة م الحب و الهبل دا
كل الناس نفسها تحب و تتحب ( أو بمعنى أصح تصاحب )
و لما أمنيتكوا تتحق و تحبوا و تموتوا ف بعض
ايه اللى بيححصل بعد شوية ؟؟؟
كلو مشاكل بعد كدة
بغض النظر عن الحرمانية و الذنوب اللى بالهبل
كل الناس دى , مفيش واحد عنده مخ يستفيد من تجارب الاخرين
الفااااشلة .. أو اللى هتفشل بعدين
انتوا بتضحكوا على نفسكوا و ربنا بيمتعكوا شوية و ف الاخر بينزل عليكم غضبه و تعيشوا ف غم
فاقد الشىء لا يعيطه موش معقول
فاقد الشىء لا يعيطه موش معقول هى سابتك من غير سبب
واكيد دى نتيجه اهمالك ليها متلومش الا نفسك
وخليها تشوف حياتها مع الى يستحقها ويسعدها
ونت حاول انك تستفاد من تجربتك دى ومتتكررش ده تانى
وحاول تحافظ على الى بتحبها
اعتقد ان الحل بايديك واكيد
اعتقد ان الحل بايديك
واكيد لما تفتكر انك بعد الحب دا كله سابتك وغيرت اكيد من نفسك هتكرهها وتندم ع اي يوم حبيتها فيه
وبعدين ال يقدرك قدره وال يحبك تشيله فوق راسك والدنيا موقفتش ع واحده زي دي
دي اصلا ولا تساوي انك تحتار لنسيانها
ربنا يوفقك وتلاقي ال تحبها بس ساعتها متغلطش ف اختيارك ليها وادخل في علاقه تربطك بيها للابد خطوبه ومن ثم زواج وبلاش تضيع سنين تانيه ف حب مش عارف اخره ايه
نجاح اي حب الزواج
ربنا معاك ويوفق الجميع
غريبة الناس غريبة الدنيا دية
غريبة الناس غريبة الدنيا دية اعز الناس بيتغير علية مفيش احساس مفيش ولا كلمة لية خلصنا خلاص قال ماشي وجبها فية لو كنت عملت خاطر ليوم حلو عشناة معقول كدا ياستر بقي كدا في الحياة صلي علي النبي وسيبك منها لاني حب مراهقة ومكنش هيتم يعني لو كنت اتجوزتها من زمان وكنت تسطتيع الجواز كانت هتخونك يعني سيبك منعا وفكر وكبر وقول يارب يخسارة علي الشباب والبنات بصوعلي الناس اللي في المستشفيات العيانة اللي بتقول يارباالشفاء وحنا بنقول حبتني وخنتني بلا حب بلا عشقك الحب في الله يخسااااااااااارة
@myangel.nana جزاكى الله خيرا
@myangel.nana
جزاكى الله خيرا
لا اله الا الله يا اخى اتقى
لا اله الا الله
يا اخى اتقى الله فى نفسك خلاص هى زهقت منك وكبرت بتشوف حد تانى ربنا يهديها
واخرة الحب ايه يا اخى يا اخى اتقى الله فى نفسك واهلك ودينك قبل كل شىء ويا بنى دى بنت عاوز تعيش حياتها وخاينة لأهلها معاك أو مع غيرك يعنى فى طبعها الخيانة فعادى بقا
يعنى موضوعكم اصلا غلط يعنى انت عندك 22 سنة من 5 سنين حب يعنى 17 يعنى سن ثانوى انت شايف ده سن حب
يا شباب بلاش الفكر الصهيونى اللى دخل مجتمعنا ده من حب وعلاقات كلها حرام وخيانات
ابدأ بتقوى الله والصلاة وحفظ القرآن والاستغفار الكثير حتى يساعدك الله فى ان تسعد فى دنياك ووآخرتك
اللهم اهدى شبابنا شباب المسلمين
والله يا اخي انت اللي حرام
والله يا اخي انت اللي حرام عليك الطريقة اللي انت بتتكلم بيها دي انت دخلتنا في متاهات تانيه خالص وكلام ملوش لازمه الراجل عنده مشكلة عاطفية بسيطه وبتحصل كل يوم لناس كتير وبتتنسي مع الايام وانت قلبت الموضوع صهيونية وشيوعية وناقص تقول للراجل انه السبب في حرب العراق .. ياريت تهدى شوية وماتدخلش المواضيع في بعض ولو عندك كلمة حلوة قولها الراجل مش ناقص .
