أنا سني 20 سنة، عرفت من النت إنسانة عندها 24 سنة ومحترمة جداً، وأنا اتأكدت من ده، وكلمنا بعض على أساس أنا أخوها الصغير، وهي أختي الكبيرة، ودايماً نخاف على بعض ونطمّن على بعض، لو حد فينا مش ظهر في يوم على النت يتطمّن على التاني في أوف لاين، ويتجنن، وفيه وعد بيننا مش نتصل لحد ما والدتها تعرف إن هي بتكلمني، وكنّا بنخاف على بعض جداً من أي حاجة؛ حُب أُخوّة بجد على أعلى مستوى، ودايماً احكي لها وتحكي لي.
اتقدم لها عريس وأخذت رأيي وقلت لها كويس لأنه إنسان محترم وأكبر منها، ودايماً أحببها فيه، وهي فعلاً حبته، وطبعاً كده أنا أخوها، وكنت باقول لها كلام عادي واطمّن عليها؛ بس بخوف ولهفة عليها لأني حبتها زي أختي، وننصح بعض.
وفيه يوم نمت وصحيت لقيت 4 مكلمات من البنت دي، استغربت؛ وكلمتها على النت قالت: إنت ما فكّرتش ليه تتصل؟ قلت لها أكيد قلقت عليك؛ بس أنا وعدتك ما اتصلش، قالت: أنا متعلقة بيك أوي، وده مش حب إخوات، قلت لها: بس فيه فرق سن بيننا، وإنتي مخطوبة، وده لوحده كفاية دليل إني بحبك زي أختي، وباخاف عليكي، قالت وأنا اتشديت ليك وما اعرفش إيه اللي بيحصل ده. وأنا ما عرفتش أرد وأنا متأكد إنها حبتني، وأنا خايف عليها لأنها مخطوبة، مش عارف أعمل إيه؟ يا ريت حد يقول لي أعمل إيه؟
kza.meza
اتصل ب 107 وأسأل ورأي الدين
اتصل ب 107 وأسأل ورأي الدين هو اللي يمشي
لأن مفيش خطبة على خطبة حد.. والله أعلى وأعلم
الموضوع ده لو كان هي مش مخطوبة..
في تعامل بينكم على أرض الواقع ولقيتوا نفسكم واقعيا متفاهمين زي ما انتوا متفاهمين على النت
لو انت حتقدر تفتح بيت وتشتغل وتسعدها فعلا ومقتنع بفرق السن وواثق انك حتواجه الدنيا كلها في سبيل ارتباطك بيها
حاليا..
من فضلك ابعد عنها أنت إنسان واضح أنك محترم وبتخاف عليها بجد وعلى خلق..وربنا ييسر لكم الخير ويبعد عنكم كل شر..
ماينفعش اللى انت بتقول عليه
ماينفعش اللى انت بتقول عليه ده
أولا : عرفتوا بعض من النت
ثانيا : هى اكبر منك بأربع سنين
ثالثا : انت شاب لسه بتدرس ولسه هتكون نفسك
رابعا : انت مش بتحبها
يبقى ماينفعش بالمرة الارتباط بينكم بأى شكل من الأشكال ولو حصل هتحسوا بالفرق وممكن ماتكملوش مع بعض التكافؤ ثم التكافؤ ثم التكافؤ
وأخيرا بقى مفيش حاجة فعلا اسمها حب أخوى انت اكيد ليك اخوات وهى كمان واكيد ليكم اصحاب يعنى مش ناقصين اخوات ولا اصحاب
من ترك شيئا لله عوضه ما دام
من ترك شيئا لله عوضه
ما دام إتخطبت إبعد عنها وسيبك من الموضوع ده إشغل نفسك بشىء يبعدك عنها
وبعدين سنك لسه سغير بيعتبر سن مراهقة يعنى والعقل لسه بيكتمل نضوجه فى إختيار الشخص اللى يناسبك
يعنى بكره تشوف غيرها وربنا يوفقك ويسعدك سنك صغير ربنا يهديك ويهدينا
بص ياابن الناس أنا زي أخوك
بص ياابن الناس أنا زي أخوك الكبير مش هاينفع اللي أنت فيه لا أهلك هايوافقوا ولا أهلها هايوفقوا وبعدين يا زعيم خليك عقلاني مش شهواني وفهمها إن مش ينفع انك تفتح بيت دلوقت ونصيحة أخوية بجد ركز في مذكراتك جيد وبص لمستقبلك وإنت فاهم وأنا فاهم مافيش بين ولد وبنت حاجة اسمها حب أخوي ....إنت فاهم وعارف متكابرش ربنا يوفقك .... أخوك أحمد أبو الدهب - فيصل
فرق السن مش عيب لو بتحبها
فرق السن مش عيب لو بتحبها وواثق في حبها اتوكل علي الله بس قبل اتخاذ اي قرار انسحك انك تتكلم مع ربنا بنية صافية ... وربنا يوفقك يارب
انا مش فاهمه الناس الى بتقول
انا مش فاهمه الناس الى بتقول وايه يعنى السن ولا راسى العنوان الى بيقول لو بتحبها ماتتردش ف ايه يا جدعان هو باعت يقول يعمل ايه مقلش انه بيحبها وغير كدا دا لسه ف اول سلم الحياه 20 سنه يعنى لسه مبداءش حياته ولا اى حاجه ودى واحده عندها 24 سنه الى ميقدرش يتحكم ف مشاعره واعواطفه دا انسان ضعيف وسذاج وطبعا مافيش حاجه اسمها ايه يعنى فرق السن لا طبعا ف فرق ف التفكير وف فرق ف الثقافه
السلام عليكم ورحمته الله
السلام عليكم ورحمته الله وبركاته
وفيها ايه يا شيخ ان شاب يتجوز بنت أكبر منه ؟
بجد عاوز أعرف فيها إيه يعنى لما أتنين يكونوا بيحبوا بعض أوى أوى وفرق السن 3 سنين أو أربعة أو حتى خمسة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا صاحبه مشكله شبيهه لمشكلتك
انا صاحبه مشكله شبيهه لمشكلتك انا فتاه ابلغ من العمر 24 وتعرفت اول معرفتى على الانترنت بأخ رابع لى ساعدنى كثيرا وخاف عليا وكان عمره اصغر منى بشهور هو عنده برضه 24 بس بجد عقله كبير جدا وبعد فتره فاتحنى انه بيحبنى قولتله الحب ممكن بيعدنا فى يوم عن بعض لكن الاخوه دى اللى بتدوم وانا مش مستعده اخسرك فعلا فضلنا بالشكل دا وبعدها انا اللى حسيت انى اتعلقت بيه وبخاف عليه اوى ولازم اتكلم معاه كل يوم واتطمن لو غاب وحوارات كتير من دى بس برضه فاتحنى تانى وكل تصرفاته بتقول عن كلامه بس انا كنت خايفه عليه وبجد من حبى للخير ليه اتمناله السعاده مع واحده سنها قريبله بس حاول انتا مش هقولك تبعد اصل مكانش المفروض استمرار كلامك ليها كل يوم كل يوم وهيا مخطوبه كنت تطمن عليها من بعيد لبعيد صدقنى لو بتحبها حاول تحتفظ بمشاعرك بأكبر قدر ممكن من انك تنشغل ولو انت من اللى غاويين تعارف المهم انك اشغل نفسك وسد الباب دا عليها بلاش ارجوك بالشكل دا لو هى حست بيك هتبيع حياتها وتمسك فيك انت والحياه حواليك مش هترضى بيها معلش مش دايما الحب بيحس بيه غير اللى حب ربنا يقويك مده اسبوعين بس وكله هيبقى تمام علشان حياتها تبقى افضل وانت كمان وخليها بينا
انت شخص محترم أوى وبدليل انك
انت شخص محترم أوى وبدليل انك لما صحيت ولقيت إنها متصلة مفكرتش تتصل بيها كلمتها على النت وبجد لو أنت فى إستطاعتك إنك تروح تتقدملها وتتجوزها طبعا إعمل كده ببس يكون فى علمك الست بتكبر على طول يعنى هى عندها 24 سنة وانت 20 سنة
لا تعليق..... الاعضاء اللي
لا تعليق.....
الاعضاء اللي قبلي قالوا اللي في نفسي وزيادة
شكرا لكل الاعضاء
بس انا اختلف معاهم في موضوع فارق السن لانه مش عيب ومفيش مانع انك تتجوز أكبر منك ولو كان عيب مكانش النبي ص اتجوز السيدة خديجة اللي كانت اكبر منه ب 15 سنه... الدين بيقول كده ومبيعيبش كده بس احنا مجتمعنا اللي عنده الفكرة دي غلط...
لكن انا متفق معاهم ان البنت دي متصلحش ليك لانها خلاص اتخطبت واتقدملها واحد كويس مستعد يسعدها ويحطها في عنيه... فأنا برجوك عشان سعادتها لو بتحبها اطلع من حياتها وقولها تطلع من حياتك... أنا عايزك تستحمل نار البعد شهر واشغل نفسك في كل حاجة ومتبطلش شغل وكد الا وانت نايم عشان تنساها ومتديش فرصة للفراغ يدخلك عشان متفكرش فيها... انت بتقول هي عندها 24 سنه يعني نقول متخرجة بقالها سنتين مثلا وده انسب وقت ليها للجواز وهي اكيد جهازها موجود... بينما انت اكيد لسة طالب وراك كلية ونجاح وتفوق وبعدها عمل وتجهيز نفسك ولسة بدري على موضوع الارتباط... عشان كده سيبها تعيش حياتها لانها في سن خطر... دي لو وصلت 28 سنه مش هاتلاقي اللي يتقدملها بعد كده... قولها تحب خطيبها وتنساك ولو وقعت في أي أزمة فأنت هاتكون تحت أمرها... متوقفش حالها ومتخليهاش تتعلق بيك وترفض العرسان عشانك... وإنت إن شاء الله ربنا هايوفقك وتأكد من حاجة واحدة (من ترك شيئا لله أبدله الله خيرا منه)...
ربنا يوفقك
b Sara7a ana 3amalt Comment
b Sara7a ana 3amalt Comment bas 3alashan ana kont fy nafs mawQefak Bas ana kan lazem ab3ed w Oltelha 3ala tool en e7na Msh hayenfa3 tkon benna 3laQa Menha Far2 El Sen .............. Ela55
enta ba2 2ollaha e7na msh hayenfa3 neb2a l ba3d 1 - 3alashan far2 el Senn
2 - 2ollaha ana msh ha3raf Afakkar Feky Gher k O5t
3 - ahly Msh Haywaf2o 7atta law Kont ana B7bk
طبعا مفيش أختي وأخويا بين ولد
طبعا مفيش أختي وأخويا بين ولد وبنت مش أخوات أصلا أنا يا ابني من رأيي انك تتقدم ليها لو حسيت انك ممكن تقبل الوضع دا وبالنسبة لفرق السن عادي مش مشكلة ومش كبير وانتم شباب لسه بس بشرط انك تتجوزها حالا وتعف نفسك وتعفها وتبطل تقع في الغلط لأن مجرد كلامك وعلاقتك بيها من دون إرتباط غلط حتى لو بداعي الأخوة مفيش حاجة إسمها أخوة الموضوع دا عايز قرار ويتنفذ أما إنك تتجوزها وحالا أو إنك تقطع علاقتك بيها تماما من كل النواحي .
الحكايه كلها متوقفه علي طبيعه
الحكايه كلها متوقفه علي طبيعه مشاعرك انت بتحبها فعلا؟ ولا زي مابتقول صداقه او اخوه لو بتحبها فعلا متخليش فرق السن يقف قصادك ومش لازم تعرف حد يعني انها اكبر منك عشان محدش يضايقكم او يقف قصادكم
لو انت كمان بتحبها حاول تقنع
لو انت كمان بتحبها حاول تقنع اهلك بيها لان الحب ما بيفرقش بين غنى وفقيرولا كبير ولا صغير بس نصيحتى لازم تفكر كويس اوى قبل ما تاخد القرار لان ده قرار مصيرى وربنا يوفقكم
لا اله الا الله دى يا بنى
لا اله الا الله دى يا بنى تعود هى تعودت عليك خلاص وبتقضى معاك اوقات اكتر من خطيبها وبتحكى ليك وانت عارف عنها كل حاجة بالعكس انتم مع بعض عارفين اسرار بعض اكتر من الاهل تعرف ان الشيطان دائما بيزين للأنسان العلاقات المحرمة اكثر من العلاقات الحلال ده ضعف نفس وضعف ايمان يا اخى وقلة تقوى لله منك ومنها انت ترضاها على نفسك إن خطيبتك تعرف شخص وتقولك أننا اخوات او اختك ترضاها ليها إنها تعرف شخص على النت وتستعين بيه فى كل شئونها حتى لو فى حدود الأخوة والاحترام يا أخى أتقى الله فيها وفى نفسك وفى دينك الموضوع أصلا غلط وحرام وهى تعتبر خاينة لخطيبها وأهلها
وهى حبته إزاى علشان أنت اقنعتها بينى وبينك ده اسمه قلة تقوى طيب انت عندك استعداد ترتبط بيها ؟؟؟
طيب لو هترتبط بيها متى تستطيع؟
طيب اهلك هيوافقوا؟
أهلها هيوافقوا؟؟
يا اخى أرجو منك بلاش شغل الشباب اللى بيودى فى داهية وبجد الثاقافات الغربية اللى دخلت علينا من BOYFRIEND و GRILFRIEND مش فاهم ايه اللى بيحصل فى مجتمعنا المسلم من كدب ووهم لأنفسنا يا اخى اتقى الله قرب منه لأنه كما تدين تدان
مش عارف اقول لك ايه , بس فى
مش عارف اقول لك ايه , بس فى حلين فى رأيى المتواضع ,اعتقد انت لازم تتكلم معاها الاول بالعقل وبالهدوء وتحاول تفهمها ان أكيد اهلك مش هيوافقوا واهلها كمان لفارق السن بينكوا , وان المشكلة الرئيسية عندك انك اعتبرتها اختك وبالتالى مينفعش تغير تفكيرك او تقبل انك تفكر فيها بصورة غير كده , وحاول ببطئ تبعد عنها شوية شوية ومتحاولش تصدمها مرة واحده ولكن على مراحل حاول تقلل التعامل بينكوا وتقنعها ان اللى هيا فيه ده تعود من كتر ما اتكلمتوا مع بعض وكده وان فى حاجاتكتير تمنع انكوا ترتبطوا بس فهمها بالعقل وبالهدوء .أتمنى رأيى يفيدك وياريت تستشير اكتر من حد لان رأيى يحتمل الخطأ , وربنا يوفقك .
السلام عليكم ورحمة الله
السلام عليكم ورحمة الله وبركاته ..
انا اسف .. بس مجرد الفكرة نفسها غلط
غلط انك تفكر انك ترتبط ببنت اكبر منك حتي ولو كانت علي حلق ومتعلمة ويتمناها اي شاب .. تتكلموا زي الاخوات .. اوك .. طالما فيه احترام متبادل بينكم وكده .. انما ان الموضوع يقلب لحب .. ده غلط جدااا
وكمان انا بصراحة مستغرب ازاي بنت اكبر منك وتصرح لك بحبها .. بس اكيد حسيت منك انك تحبها او معجب بها وده اكيد اللي شجعها انها تصرح لك بحبها .
والمصيبة الاكبر انها مخطوبة .. وقربك لها اكيد هيشتت تفكيرها واحتمال تسيب خطيبها بسببك .
الحل : تبعد عنها فورا .. وده طبعا لمصلحتها هي ..
وربنا يوفقك ويرزقك ببنت مناسبة ليك ..
وتقبل مروري
** باهر الحميلي **
أقسم بالله العلى العظيم مفى
أقسم بالله العلى العظيم مفى حاجه اسمها ذى أختى وذى أخويا
(دى الدخلة اللى الشيطان بيدخل بيها للمحافظين)
