أيوه... طبعاً تقدري

بصراحة أنا بعشق النجاح وبعشق الإصرار وبحييك عليه بس بلاش تكوني وزيرة بلاش المناصب دي افضل شئ للمرأة إنها تكون وزيرة في بيتها وتربي أولادها أفضل تربية وترتقي بجوزها وبحياتها وحياة بيتها ومش كل اللي إتجوزوا تخنوا على فكرة بلاش التشاؤم دا الجواز هو الاستقرار والمسؤولية بجد إنما لو إنتي نفسك تكوني في منصب مرموق مش مشكلة بس يا ريت تدوري على شئ يناسب أنوثتك ومش شرط عشان نحل مشاكل الناس نكون مسؤولين كبار ممكن أوي نحل المشاكل ونقدم مساعدات بدون ما نكون مرموقين أو أصحاب نفوذ واللي عايز يخدم ويساعد بيخدم ويساعد في أي وقت وأي لحظة المهم يبدأ

بصراحة كل اللي كنت عايزة اقوله قالوا الاعضاء بارائهم اللي فاتت انا بحيكي علي تفكيرك وطموحك وبحيي اهلك علي تربيتهم ليكي ومتخليش اي حاجة مهما كانت عائق لطموحك وعلي فكرة احساسك بالناس والاطفال حافز ايجابي ليكي مش عائق وبجد لوان شاء الله بقيتي وزيرة او حاجة كبيرةمتاكدة انك هتغيرى جزء من الحياة اللي احنافيها ياريت كل الشباب زيك وياريت انازيك بس انا ليا اتجاه تاني انى اعرف اربى ولادى في المستقبل ان شاء الله كويس واطلعهم شخصيات زي شخصيتك علي فكرة انا فخورة بيكي وباي انسان مثلك وربنا يوفقك .

هو باهر الجميلي دا فاضي موراهوش غير إنه يعلق علي مواضيع
ياعم شوف لك حاجه تشغلك شويه

نسخه أنثوية مني أنا .. دكتور
:
:
:
. ميزة الكســالى أنهم يعيشون مده أطول محتفظين بقواهم العقليه !.

ربنا يعينك اللى انتى فية انا ومعظم الناس كدة الا لو كانوا كدابين او بيتجملوا مقدرشى انصحك لانى عاوز النصيحة
تحياتى والله الموفق

على فكره الخوف من السلبيات عمره ماهيوصلك لحاجه انا اتخرجت من سنتين واديني ف البيت ومش من قلة شغل دي حجج وتلاكيك بس ف الاول مكنتش عايزه اتعب وكنت بقول لنفسي مش هعرف اوصل لحاجه مفيده انتى فرصتك دلوقتي اكبر حاولي واجتهدي اكتر وحاولي تجيبي اكبر تقدير ممكن وربنا يوفقك وادعولي كلكم

إنتى ليه شايفه إحساسك بالناس واحترامك عائق قدام نجاحك يعني الاخلاق دلوقتي بقت عقبه قدام النجاح أكيد تفكير مش صح لازم تبتدي تشوفي نفسك مياله لإيه أو تختاري مجال وتبتدي تركزي فيه يعني متسيبيش نفسك للصدفه او الظروف لا أبتدي من دلوقتي

لا يا اختى اجتهدى فى الدراسة ودينك أولا قبل كل شىء علشان ربنا يعطيك من خيره وخدى القدوة من علماء المسلمين وان شاء الله هتكونى ليك شأن كبير
ومتخفيش من انك خجولة ده من شيم البنات المسلمة
والله المستعان يا اختى
وربنا يعنيك على تحقيق اهدافك ومرادك ولكل مجتهد نصيب
والجواز على فكرة مش بيعرقل الدراسة ولا التفوق زى ما بيزعموا بالعكس أوقات كثيرة بيكون حافز ليك من زوج صالح يساعدك

يا بنتى ليه الاوهام دى
طالما جواكى طموحات وعايزه تبقى حاجه فعلا اشتغلى بقى واجتهدى عشان توصليلها ومحدش قال ان الناس الناجحه لازم تبقى بتتكلم كتير وبارده ومش بتتأثر بحاجه
وطالما انتى فعلا بتقرى حياة الوزرا والناس دى يبقى انتى فاهمه المفروض تعملى ايه
شوفى اهدافك ايه وطموحاتك واعملى لنفسك خطه وامشى عليها ولو فى حاجه ف شخصيتك معطلاكى او حاسه انها عيب فيكى حاولى تصلحى منها
اقراى كتب فى التنميه البشريه او مقالات فيها زى مثلا كتب د شريف عرفه او د ابراهيم الفقى وغيرهم كتير واكيد هتستفيدى اكتر وتعرفى ازاى توصلى لل انتى عايزاه بالاجتهاد والصبر مش بالاحلام وبس

هقولك حاجة: كل الناس بتخاف من المستقبل وخايفين انهم ما يحققوش طموحاتهم اللي هما عاوزينها, مش انتي لوحدك اللي كده. ودي صفة طبيعية في كل البشر. ده اولا

ثانيا: انتي متصورة ان الشخصية الناجحة دي كاملة ومافيهاش عيوب؟؟ او حتي مش بتتحرج ومش خجولة؟؟ لا ابدا, اقسملك ان كل البشر بتخجل من ردود افعال الناس, بس انتي اخترتي حتة الخجل دي كحجة علشان تهربي من التعب اللي المفروض تتعبيه علشان توصلي للمكان اللي انتي عاوزة توصليه, بمعني انك علشان تكوني شخصية ناجحة في اي مجال محتاجة حاجتين اتنين مالهومش تالت: 1-ايمان يهد جبال بالهدف اللي عاوزة توصليه بغض النظر عن اي حاجة سلبية تانية ممكن تكون فيكي او في كلام الناس, 2-ارادة وتعب ارادة وتعب ارادة وتعب, وصدقيني لما تعملي الحاجتين دول هتكتسبي ثقة كبيرة اوي في نفسك وهتتخلصي من صورتك السلبية ادام نفسك وكمان هتوصلي للي انتي عاوزاه وان شاء الله الشباب الصغيرين يقروا عنك زي مانتي كنتي بتقري عن الشخصيات الناجحة

انا كنت زيك كده, بس لما ادركت اني عمري ماهوصل للمكان اللي عاوزه طول مانا بعذب نفسي بالحاجات السلبية اللي في دماغي, ركزت في حياتي اللي عاوز اصنعها علشان اهلي وبلدي وديني ونفسي, وان شاء الله تتحقق

ممكن مثلا تكتبى وتبقى محررة ممتازة ذى محررين بص وطل البنات

السلام عليكم ورحمة الله وبركاته ..
طبعا كويس جدااا انا نفكر في مستقبلنا ونفكر هيكون ازاي ؟
وطبعا لازم يكون عندنا قدوة او مثل أعلى .. بس انا ليا وجهة نظر في الموضوع ده ؟
اولا: مينفعش افكر ازاي هكون وزيرة وانا خجولة وهادية كده ؟ علشان توصلي لمنصب عالي او منصب وزيرة بتوصلي ليها خطوة خطوة وكل خطوة بيكون ليها حسابتها .. يعني مش ينفع اقول لو انا وزيرة دلوقتي هتعامل مع الناس ازاي واحل مشاكلهم .. صعب طبعا .. لانك لما هتكوني وزيرة هتقدري فعلا تحلي مشاكلهم وهتقدري تتعاملي معاهم .. ولو فعلا انتي بتقري حياة الوزراء والكتاب .. هتعرفي ان ولا وزير كان مخطط انه يكون وزير ولكن بكفائته وادائه لعمله .. هما اللي رشحوه انه يترقي ويوصل لمنصب زي ده ..
ثانيا: لازم تحددي هدفك .. انا عايزة اكون كذا ؟؟؟ لان تحديد الهدف نصف النجاح
ثالثا: انتي لسه بتدرسي ولسه مش شفتي الحياة العملية ؟ الحياة العملية صعبة بس مش مستحيلة .. بس اللي عايز يثبت نفسه هيثبت نفسه فعلا .. طبعا مش بالكلام وبس .. لازم يكون عندك صبر .. لانك مش هتطلعي السلم كله مرة واحدة .. وطبعا محتاج منك مجهود كبير علشان تقدري توصلي لهدفك ..
* ونصيحة كبري طموحك وجزئية .. علشان تقدري تحققية ..
اما موضوع انك خايفة تكوني بنت عادية ؟؟
طبعا كله بيدك انتي .. بس انتي مش لازم تكوني وزيرة او في منصب عالي .. ممكن تكوني في شركة وليكي اهمية كبيرة ..وطبعا ده بيتوقف علي مدي كفائتك في العمل
ومن معاملتك مع رؤسائك .
انا عايز اقولك اتعبي واعملي اللي عليكي وربنا هيوفقك إن شاء الله ..
إن الله لا يضيع أجر من احسن عملا ..
وتقبلي مروري
** باهر الحميلي **