السلام عليكم ورحمة الله وبركاته، أنا بنت عندي 14 سنة للأسف، عندي مشكلة صعبة جدّياً وهي الخوف، أنا باخاف من حاجة صعبة، وهي كالآتي، باخاف أخرج لوحدي لأني باحس إن الناس كلها عينها عليّ، وبيبصوا لي أنا، وكأن لبسي فيه حاجة ضيّقة أو حاجة.
من كتر الحاجات اللي بنسمعها زي الاغتصاب والتحرش بقيت أترعب أصلاً أخرج لوحدي، وخصوصاً إني اتعرضت قبل كده للتحرش بس ما حدش يعرف؛ لدرجة إني جالي هَوَس في الهدوم في حكاية إني باخاف إن تكون الهدوم مظبوطة مش بقى ضيّقة لأ مظبوطة، وأصلاً ماما مش بترضى تخليني أخرج لوحدي، وهي دايماً معايا؛ أنا صحيح مش محجبة؛ بس لبسي ما فيهوش أي شيء ملفت، ولو كان فيه كان أهلي ما رضيوش إني أنزل بيه؛ مع إن أصحابي بيروحوا وييجوا لوحدهم عادي.
أنا خلاص بقيت باخاف جدياً؛ حتى الأعياد عشان بتبقى زحمة مش باخرج فيها إلا مع مامتي ونروح لحد من قرايبنا. أنا بدأت أتخنق خلاص.
Mema
صديقتي العزيزة:
السلام عليكم ورحمة الله وبركاته.. ما تتحدثين عنه اليوم هو أحد أنواع الفوبيا أو الخوف المزمن أو الرهاب من التحرش، والذي أصاب الكثير من الفتيات في هذا العصر وأسرهم لكثرة ما نسمعه من جرائم التحرش؛ أي أنها فوبيا جماعية ناتجة عن واقع أليم، وهو فقدان الأنثى الشعور بالأمان في شوارعنا، وقد أجري استطلاع لرأي بعض الفتيات في هذا الموضوع؛ فتبين أن كل واحدة لها أسلوبها في وقاية نفسها من التحرش مثل احتفاظها بمطواة في حقيبتها أو الصاعق والمخدر، أو حرصها أن يقوم أحد أفراد الأسرة دائماً بتوصيلها للمكان الذي تريده....
فما بالك بحالك، وأنت سبق لك التعرض للتحرش... إنها تجربة تولّد نوعاً من الارتباط الشرطي محتواه هاخرج لوحدي يبقى الناس هتبصّ لي ويحصل اللي حصل قبل كده؛ وهكذا ينتج الخوف المزمن أو الرهاب الذي نعتبره في حالتك واقعياً وليس مرضياً؛ وإنما يعتبر مرضاً إذا تطوّر الأمر لخوفك من الخروج حتى وأنت في صحبة أحد من أفراد أسرتك؛ هنا يجب العلاج.. وبشكل عام لابد أن تعرف الفتاة كيف تقي نفسها من التحرش حتى لو خرجت بمفردها كالآتي:
1- عدم الذهاب إلى الأماكن المعزولة الهادئة التي تخلو من المارة.
2- عدم ركوب المواصلات المزدحمة وفي حال توفّر مكان للسيدات لابد من استخدامه مهما كان مزدحماً.
3- عند ركوب التاكسي لابد من الجلوس في المقعد الخلفي.
4- عند الذهاب للطبيب يكون ذلك مع الأم أو أي من السيدات من عائلتك.
5- تجنّب الخلوة مع أشخاص غير موثوق بهم؛ وخاصة في موضوع الدروس الخصوصية.
6- أما ما أودّ أن أختم به هذه الإرشادات هي القاعدة الذهبية في حماية النفس من هجوم الآخرين، وهو ما تعلّمناه في علم النفس عن أن الخوف يغري بالهجوم.. أي كلما بدا عليك أنك تتلفتين يميناً ويساراً وتحملقين أين ينظر الآخرون، هل ينظرون عليك؛ كلما أغراهم ذلك بالتحرش؛ لأن المتحرش "يخاف ما يختشيش" تماماً مثل الحيوان الماكر الذي يصطاد الفريسة الضعيفة.
فثقي بنفسك ودرّبي نفسك على تجنّب رسم مشاعر الخوف على وجهك.
وإليك هذا التدريب البسيط: انظري إلى المرآة، ثم أغمضي عينك، وتخيّلي أن هناك من اقترب ليتحرش بك، اتركي نفسك لمشاعر الخوف وأنت مغمضة عيناك، ثم افتحي عينيك لتشاهدي ملامح الخوف، ثم أعيدي الموقف وأنت مملوءة بمشاعر الحنق والغضب وتصرّين على المواجهة، وبداخلك تصبّين اللعنات والسباب على المتحرش القذر، افتحي عينيك وشاهدي الفرق في ملامحك وأعيدي التدريب حتى تنجحي في تنفيذه... إن لغة الجسد يا عزيزتي تغنينا عن عناء القول أحياناً.
اغلب الشباب بقوا مش كويسين
اغلب الشباب بقوا مش كويسين أصلا وفعلا أقسم بالله لا بيسيبوا المتبرجه ولا المحجبه ولا المنقبه ولا عاتقين دول ولا دول.صحيح مش كلهم بس المحترمين بقوا نادرين جدا جدا جدا. والبنات والستات نفسها تصرخ وتلاقي حل لإنعدام الأمان في الشوارع
طبعا لازم الواحدة تبقى لابسه
طبعا لازم الواحدة تبقى لابسه كويس انا مش ضد دة لكن الحيوانات حيوانات ومش بتفرق وفى ناس منقبه وببتعاكس ف المواصلات ..المفروض يبقى ف قانون يلم الكلاب اللى ماشيه وسط الناس دى ..بجد حاجة تقرف ..واللى بيقول لو انتى محترمة ولبسك كويسك محدش هيكلمك لو سمحت اسكت لانك متعرفش اللى بيحصلنا وبتتكلم وخلاص
والله العظيم انا أهلى اشترولى
والله العظيم انا أهلى اشترولى عربية بسبب خوفهم عليا من المواصلات والتحرش ومن اللى بنشوفه ، الللى بيقولها لو انتى لابسه محترم لا لابسين محترم ومتربيين واللى بيعاكسوا كمان الرجال المتزوجين
ولو التحرش بالملابس الضيقة وبالجسم المثير ليه بيحصل حالات اغتصاب وتحرش بالأطفال
الشباب اللى اصبح معظمهم مش محترم وبعيد عن دينه وكل تفكيره فى شهواته وسابوا الشغل والتفوق للبنات ويرجعوا يقولوا مش لاقيين نتجوز ومن اللى بنشوفه بنعمل كده
سورى اللى مايقدرش يتحكم فى نفسه يبقى مش بنى آدم
الموضوع فعلا مبقاش موضوع لبس
الموضوع فعلا مبقاش موضوع لبس وشكل البنت زي ما كتير من الشباب بيقولوا بقي قله تربيه خصوصا ان ممكن اللي يتحرش بالبنات يكونو اطفال في اعداي عايز يقلد وبس ومش عارفه ايه الفايده اللي هتعود علي المتحرش هيستفاد ايه دي حاجه بقت تقرف والله ... انا شفت بنات كتير محجبات ولبسها محترم جدا وبيحصلها كده وانا شخصيا محجبه ولبسي محترم ومع ذلك مرة وانا راجعه من شغلي قرب مني ولد صغير لا يتعدي ال 14 سنه ومن ساعتها وانا لما بلاقي اولاد او شباب قريبين مني بحاول اسرع في خطواتي او انقل علي الرصيف المقابل عشان ما اكونش قريبه من حد بجد نفسي يكون فيه رقابه في الشوارع وامام المدارس بالذات وربنا يسترها علي جميع البنات
بصى هقولك جمله من حديث قاله
بصى هقولك جمله من حديث قاله الرسول عليه الصلاه والسلام هى الحل لمشكلتك
(احفظ الله يحفظك احفظ الله تجده تجاهك )
بجد لو كل بنت راعت ربنا فى كل كبيره وصغيره والموضوع مش لبس بس لا لبس واخلاق ودين وده اهم من اللبس كمان ربنا سبحانه وتعالى قادر يحفظها وسط مليون واحد
وفعلا الثقه فى النفس بتفرق كتير لا نها بتتنقل للى قصادك وبيحس بيها
وربنا يحفظك ويحفظ كل بنات المسلمين ويهدى شباب المسلمين يارب
انا سيده وعمري 45 سنه وبألبس
انا سيده وعمري 45 سنه وبألبس عبايات فضفاضه وايضا تعرضت للتحرش رغم ابني كان ماشي جنبي وعنده 15 سته الناس بقت سفله وحسبنا الله ونعم الوكيل بس ضربته بحفيبه كانت بيدي مليئه بأشياء ثقيله كادت تكسر رجله وندمت اني ما جرجرتوش على القسم خصوصا ان المكان كان مزدحم بالماره
حسبنا الله ونعم الوكيل
ردى على الرد رقم 8 الى
ردى على الرد رقم 8 الى بعلامات استفهام دا
هى اللبس بقت حجة البليد ولا ايه
اقسم بالله فيه بنات باسدلات وبيحصلها مصايب
الشباب كلها باه زفت ومعدش فيه دين خالص ولا ادب ولا احترام
فمش نعمل حوار اللبس دا لبانة فبقنا باه
وزى ما فيه متبرجات فيه حاجة اسمها تغضو بصركو بردو
هو شاف واحدة متبرجة على النت ولا ففيلم من الى تلت تربع الشباب باه بيشفوهم
البنات الى ماشين فالشارع ذنبهم ايه
والله كويس انهم هيطلعو قانون للتحرش فمصر
خلى الشباب تتربي باه
والله يا جماعة انا بستغرب من
والله يا جماعة انا بستغرب من اللي بيقول الموضوع مش موضوع اللبس ومصورين الشباب انهم مش بني ادمين ووحوش وخلاص بيدوروا على اي فريسة حتى لو لابسة محترم وانا فعلا عمري ماشوفت واحدة محترمة لابسة كويس وكانت بتتعاكس ومع افتراضا ان في ناس متخلفة بتعاكسهم اكيد مش هتبقى زي نسبة اللي بيلبسو وحش لان بديهي ماشاء الله عدد البنات كتير دلوقتي لو افترضنا ان مثلا نسبة خمس بنات بيمشوا في الشارع منهم تلاتة لابسين ضيق واتنين لابسين محترم اكيد يعني الشباب مش هيسيب اللي لابسة وحش ويروح يعاكس اللي لابسين محترم,وانا طبعا مش بدافع عن الشباب اللي بيعاكس بس انتوا اعملوا اللي عليكو الاول في موضوع اللبس وربنا يسترها علينا وعليكم وفي الاول وفي الاخر اعملوا اللي انتوا شايفينو صح
اولا:احب اشكر موقع بص وطل
اولا:احب اشكر موقع بص وطل اللى بيتكلم و بيحاول يشاركنا كل الحاجات
و ثانيا :أنا شايفة ان المشكله فعلا كبيييرة جدا لإن إنتشارها بقى كتير ولا الأساليب نفسها بقت فظيعة و غير أخلاقيه و أنا بس عاوزة أقول نقطتين:
أولا لو المعاكسة باللبس مكناش شوفنا منقبات بتعاكسوا و ده انا مصدقتهوش غير لما شوفت بعنيا.., و كان أولى إن إنتشارها كان يبقى زمان أيام ما الناس كانت بتخرج بالمني جيب ..
ثانيا أسلوب المعاكسة نفسه يدل على أن اللى بيعاكس إنسان مش كويس لانه مهما كان الضرر الى واقع هو فيه مش بيبقى قد اللى الى بيسببه للبنت , ده غير إن محدش إداله الحق أصلا إنه يعاقبهم حنى لو كانت غلطانه بلبسها ...
أما لو كانوا البنات غلطانين فللأسف غلطتنا هى سكوتنا و خوفنا - زي الأنسه اللى باعته المشكله ما عملت - حبست نفسها داخل خوفها ...
أما لو كل واحدة إتعاكست مسكتتش على حقها و راحت و استخبت في بيتها كان اللى بيعاكسوا خافوا و كشوا لأنهم في الأصل جبنه و مش رجاله تقيه و لا عندها نخوة ..
3ala fekra ely nas ely
3ala fekra ely nas ely betnker el ta7eresh wade7 awy enhowa nafes el shakhes ely byt7aresh
we 3ala fekra el ta7eresh dah kabeera akbar men el zena
fa yareet yenam m3 wa7da a7sen mayt7aresh bewa7da
lol :P
لالالالالالا بقه انا واحده
لالالالالالا بقه انا واحده لابسه خمار والله العظيم وقله الادب مش مبطله حتي ف المواصلات والله العظيم انا بقيت اتحسبن كل يوم علي الحيوانات اللي ماشيه حاجه بقت تقرف وايدين تتمد وطبعا كلنا عارفين الحركات دي بس انا بعرف اوقفهم عند حدهم وف بنات بتخجل تتكلم بس بجد حسبي الله ونعم الوكيل علي الناس اللي مش محترمه دي
لا تقلقى يا اختى بس حاولى
لا تقلقى يا اختى بس حاولى تتحجبى لأن شكلك وشعر من الممكن يثير اللى حوليك واتعلمى الحجاب من الآن واقتنعى بأن لن يصيبنا الا ما كتب الله لنا ومتخفيش ولا تقلقى بالعكس قوى ايمانك بالله
طيب انتى 14 سنه يمكن عشان
طيب انتى 14 سنه
يمكن عشان صغيره ف خايفه شويه واكيد ده مش هيستمر لما تكبرى
وانتى كمان صغيره ع الحجاب يعنى ماتحسسيش نفسك بالذنب فى الموضوع ده انتى مش ناقصه
وحاولى تتكلمى مع مامتك او اى حد قريب منك ف موضوع التحرش ده لان اكيد هو ده السبب ف خوفك الزياده ده ولما تتكلمى مع حد فيه ماتحتفظيش بيه لنفسك يمكن خوفك ده يقل شويه او تحسى بشوية امان انه فيه حد معاكى ومش لوحدك وبلاش تكتمى جواكى
ربنا معاكى
السلام عليكم ورحمة الله
السلام عليكم ورحمة الله وبركاته ..
انا بصراحة مش عارف انتي خايفة من ايه ؟
مش بتخرجي إلا مع والدتك .. ولبسك كله واسع ومش بتخافي تخرجي لوحدك .. ليه الخوف ؟
طبعا الخوف مطلوب .. بس مش لدرجة انها توصل للفوبيا
انا عارف ان مرحلة انتقال البنت من مرحلة الطفولة إلى مرحلة النضج بيكون فيها قلق وخوف .. بس طالما مش بتخرجي لوحدك ولبسك فضفاض ومش بتركبي مواصلات مزدحمة .. توكلي علي الله ومش تخافي ..
ربنا يسترها عليكي وعلي بنات المسلمين من اي ضرر ..
وتقبلي مروري
** باهر الحميلي **
ماشاء الله رد جميل خصوصاً
ماشاء الله رد جميل خصوصاً التدريب راااااااااائع جداً ومفيد
شكراً لك دكتوره
والله يا انسة يلى عندك 14 سنة
والله يا انسة يلى عندك 14 سنة لو انتى مشية محترمة ولبسك كويس محدش هيقولك كلمة حتى لكن لو انتى غير كدة اكيد ممكن يحصلك كدة وبعدين البنات عملين الموضوع افر اوى فين التحرش
دى يعنى وحدة لبسة محترم واحد هيتحرش بيها لايمكن انا بقول اللى بشوفة بس دلوقتى البنات لازم يحصل تحرش هما مش بيشوفو هما لابسين اية
ياريت التعليق يتنشر
