السلام عليكم أنا محتار جداً في علاقة أنا مش عارف أسميها إيه حب ولا وهم، وعشان كده أنا كتبت لكم ويا ريت حد يفيدني، أنا ليّ صاحبي بيحب واحدة، وفي يوم عرّفني على صاحبتها وعرفنا بعض بجد، واتكلمنا ياما، وهي بتحبني؛ لكن أنا مش بحبها، مش حاسس ناحيتها بأي حالة حب؛ مجرد صداقة.
وفجأة صاحبي جت له سفرية إلى ليبيا، وسافر؛ ولكن حبيبته لا تعرف إن كان سيوفّي معها أو يتركها بعد عودته؛ فبدأت تتكلم معي ونخرج مع بعض أنا والبنتين؛ ولكن إحساسي من ناحية حبيبة صاحبي مختلف جداً عن الأخرى، نتكلم مع بعض، وبنهزر مع بعض، وهي كتير بتحسسني إنها معجبة بيّ لأسلوبي وطريقتي المحترمة في الكلام بعكس ما كان يفعله صاحبي معها.
وأنا محتار جداً مش عارف أعمل إيه؟ أبعد عنها من أجل صاحبي أم أتعلق بها، وتكون ليّ وأخسر صاحبي وصاحبتها اللي بتحبني وأنا مش بحبها؟ ولما تعرف إني بحب صاحبتها هتقول إيه؟ صديق خاين وصديقة خاينة؟
أنا مش عارف أعمل إيه، حاولت إني أبعد؛ لكن مش قادر، وفي نفس الوقت مش قادر أصارحها بحقيقة مشاعري، أنا مش أناني؛ لكن أنا بشر وليّ قلب زي أي حد يا ريت تفيدوني وشكراً.
فارس الرومانسية
صديقنا العزيز..
إذا كنت مش عارف تسميها حب ولا خيانة ولا وهم اسمح لي أن أسميها لك: تسالي... وهو الاسم الذي أعرف أنك متأكد أنه الوصف الصحيح ولكنك تغالب ذلك..
تعرّف صديقك على واحدة وكان معاها واحدة تانية ماشية معاها فاتعرفت عليها إنت عشان يعني ما تمشيش لوحدها، ولهذا لم تحبها ولم يحب صاحبك صديقته، ولم تحبك صديقتك ولم يحب صاحبك صاحبته؛ على قدر ما استنتجت من رسالتك.. ثم سافر صاحبك وترك المسئولية الكبيرة على عاتقك وحدك.. مسئولية فتاتين في عمر الزهور.. فماذا تفعل أنت..
بالتأكيد، وهذا هو المتوقع "فبدأت تتكلم معي ونخرج مع بعض أنا والبنتين"؛ لأن الهدف في الأساس بالنسبة للجميع كان التسلية وقتل الوقت.. ولهذا لم تأسف صاحبة صاحبك على سفره ولم تشغل بالها به أصلاً.. وأنت لم تشغل بالك بصاحبتك بل تعاملت مع الأخرى عادي، ولأن الأخرى جديدة ولأن الجديد له شدة فقد أحسست أن الجديدة أفضل من القديمة.. وهذه وتلك لا تفترقان في شيء كلاهما تتسلى كما تفعل أنت بالضبط..
تسألني يا فارس الرومانسية هل هذه خيانة أم وهم أم حب؟ يا صديقي -وأنت فعلاً صديقي، وقد أحسست والله تجاهك بواجب النصح والخوف على المصلحة- أنت لم تحب حتى تخون أو تتوهم.. ومن نفس منطلق الصداقة والنصح والخوف على مصلحتك أطلب منك أن تنسى كل ما أنت فيه، وأن تعيد التفكير في حياتك، وأن تحدد أهدافك في هذه الحياة، وأن تقيم المكان الذي تضع فيه قدميك..
أجل إننا لم نُخلق في الدنيا لنعبث ونلهو ونصنع علاقات هامشية سطحية تذوب وتتلاشى مع أول تغير للظروف.. رجائي إليك أن تبحث عن نفسك وأن تحفظ ذاتك من التلوث وأن تعود إلى أسرتك وتتواصل معها.. وأن تختار صديقاً أو اثنين على قدر مسئولية الصداقة تثق فيهما وفي تفكيرهما وتشاورهما في أمورك..
يا صديقي "جدد حياتك"..
انا شايفة انها اصلا مش بتحب
انا شايفة انها اصلا مش بتحب صاحبك و مش واثقه فيه وكمان مش مبرر انها تخرج معاك اساسا
ولو صاحبك قابل بده يبقي مش طبيعي :D
و غير كده ايه يعني سافر ليبيا , هي الموبايلات والنت بيعملوا ايه
ان شاء الله يتكلموا دقيقة في اليوم او sms
الموضوع سخيف جدا وانا مش شايفه انها تتحب اصلا
انا معاك دائما يا باهر فعلا
انا معاك دائما يا باهر فعلا ردودك جميله
وفعلا القلب دايما بيحب اللي مستعصي عليه وعشان البنت ديه ممكن تكون مش ليه وبتحب صاحبه فهو بقي عايز يبرز رومانسيته وفروسيته ليها بس مش عارف بقي ان الفروسيه ديه حتفقده صاحبه وصاحب عمرة اللي لا يمكن يتعوض
يا صديقي ارجع عن اللي في راسك وعامل البنت ديه كاخت ليك او ابتعد عنها ولا تحاول التقرب منها يالقول ولا الفعل ولا المصافحه حتي
لان قربك منها حيكون سبب في بعدك عن صاحبك وحتي لو هو مش حيرتبط بيها متكونش انت حافز لده سيبهم لبعض وسواء كان معها او لأ انت ملكش دعوة انت صديق له وبس والمفروض تصون الصداقه في كل الاوقات مش عشان بنت تخون اعز الناس ليك وتخسر صاحبك العمر كله
انا بسمى دى خيانه ده معرفه
انا بسمى دى خيانه ده معرفه الراجل بى 10 من الست
احب اشكركم جدا عالموقع الرائع
احب اشكركم جدا عالموقع الرائع ده
وعايز اقولكم على موضوع شاغلنى اوى ونفسى احكيه بس مش عارف احكيه
=======================
رد بص وطل
صديقى شكرا على ثقتك فى بص وطل ولو تحب تبعتلنا فضفضتك فدا من خلال الضغط على لينك " لو عايز تفضفض لنا دوس هنا " الموجود داخل أى فضفضة فى باب سؤال محيرنى .
يعني انت عايز تقرر تعجب بيها
يعني انت عايز تقرر تعجب بيها ولا لا؟ يعني هو الواحد بيقرر انه يحب حد او لا ؟ يكفي انها كانت حبيبة صاحبك بيعاملها وحش ولا حلو بقي مش موضوعك ابعد فورا عنهم الاتنين وبلاش تخسر صاحبك وتخسر البنت صاحبتها
السلام عليكم ورحمة الله
السلام عليكم ورحمة الله وبركاته
تسمحلي اضيف راي ليك ممكن يخليك تتراجع شويه
هل فيما بعد هتثق في البنت بعد ما هتسيب صاحبك علشانك افتكر بعد كده مش هتثق فيها لان هي هتزرع الشك جواك دايما وممكن انت تسافر وهي تعمل كده مع اقرب واحد تشوف فيه ميزه عنك (بعيده عليها ؟؟؟)ده اللي هتحس بيه لكن لو هيا بنت كويسه وبتعرف يعني ايه حب وبتحافظ على نفسها مش هتسيب صاحبك علشانك لانها تعرف تحب وتخلص
وانت كمان اوعى تخون لان الخيانه صعبه اوي والمشكله انها مش بتيجي غير من القريبين مننا (كما تدين تدان) وسيب صاحبتها كمان علشان مش تظلمها معاك مدام مش بتحبها ممكن يكون لسه سنك صغير بس هتلاقي نتائج كل ده جت عليك كمان شويه صدقني
وفقق الله اخي الغالي
اسف حبيبتي الوقت فات حبك وحبي
اسف حبيبتي الوقت فات
حبك وحبي بقوا ذكريات
مقدرش افتحلك طريقي مقدرش اكون دلوقتي لييكي
لانك حبيبة صديقي لانك حبيبة صديقي
اسف حبيبتي
تيرا را ري رار تيراري راري ريرا
تيرا را ري رار تيراري راري ريرا
ترارارا ترارارا ترارر
لا اله الا الله كفاية توقيعك
لا اله الا الله كفاية توقيعك فارس الرومانسية شايف نفسك رومانسى والبنات بتحبك وعامل نفسك دون جوان يا اخى صارح نفسك انت مغرور فى نفسك بتقول إنها حبتك لأسلوبك وطريقة كلامك يا أخى أتقى الله فى نفسك وبلاش الشيطان يعيشك وهم أنك حبيب ورومانسى وبتخرج معاهم
ياأخى ما بنى على باطل فهو باطل يعنى بتخرج معاهم يعنى صداقة قلبت لحب طبيعى جدااا
طيب اخر الحب إيه عندك إستعداد ترتبط بيها فعلا كزوجة وهل سوف تثق فيها؟؟؟
طيب سؤال اخر أنت ترضاها لأختك إنها تحب واحد وتخرج معاه؟؟
ممكن تقولى معنديش إخوات بنات؟ زوجتك ؟ بناتك إن شاء الله فى المستقبل
طيب فكر بمصداقية مع نفسك يا اخى وخاف ربك
وكما تدين تدان
اتقى الله فى نفسك وبنات الناس وبنات دينك
محدش حبك ولا انت حبيت حد اقعد
محدش حبك ولا انت حبيت حد
اقعد فى البيت احسن واقطع معاهم هما ال2 وشوف اى حاجه تانيه تعملها
عندى اقتراح لبص وطل
عندى اقتراح لبص وطل الجميل
بما ان انتم عندكم باب اسمه دين ودنيا
يعنى الدين والدنيا مرتبطين ببعض
ليه منلاقيش مرة د. على جمعة هو اللى بيرد على استفسار من استفسارات باب سؤال محيرنى
هو واحنا هنستفيد كتير من التجربة دى
هو: هيقرب من الشباب اكتر واكتر وخصوصا ان نوعية الاسئلة اللى بتتوجهلة فى باب دين ودنيا صيغتها مختلفه واقل تفصيلا
احنا هنستفيد منه اى كلمة هيقولها لانه عالم بجد وفاهم ومتعمق
الله المستعان
====================
رد بص وطل:
صديقنا العزيز:
نسعد جدا باقتراحك ونرحب بتواصلك الفعال معنا في كل أبواب الموقع، ونؤكد لك صحة ما ذهبت إليه وهو ما يحدث بالفعل في باب دين ودنيا حيث يحاول الموقع الربط بين الدين والدنيا كما ذكرت، ولهذا إذا اتجهت لحلقات فضيلة المفتي ستجد أن فضيلته يتحدث عن مشاكل الشباب باستفاضة، ارجع إلى حلقة (بحبها وأهلى مش موافقين عليها) أو حلقة (المغالاة في المهور والشبكة مرفوضة شرعا) أو حلقة (التكافؤ بين الزوجين) أو (بناء البيوت على الحب)... إضافة للكثير من الردود التي يجيب بها فضيلته على أسئلة القراء فيما يتعلق بهذا الأمر.. نشكر لك اقتراحك ونرجو منك متابعة باب دين ودنيا وإلى مزيد من المشاركة وشكرا.
هذا هو الحب من طرف ثالث .
هذا هو الحب من طرف ثالث .
السلام عليكم ورحمة الله
السلام عليكم ورحمة الله وبركاته ..
انا نوعا ما متفق مع رد الاستاذ/ محمود الغنام
بس دي تعتبر خيانة كبيرة لصاحبك .. لان انت عارف ان صاحبك بيحبها .. واكيد انت مش عارف هو هيرتبط بيها فعلا ولا لا ؟؟؟
ثانيا: انا ملاحظ ان البنت كلمتك علشان تعرف اخبار حبيبها اللي هو صاحبك يعني مش بتكلمك علشان معجبه بيك .. ولما بتخرج معاك اكيد بتخرج معاك هي وصاحبتها علشان انت صاحب حبيبها اللي عمرك ما هتخونة ابدا .. ولو كانت معجبه بيك . فاكيد معجبه بيك كأخ .
انما واضح انك نسيت كل ده وفكرت بانانية ونسيت صاحبك وحبه للبنت دي .. وفكرت في نفسك وبس .. وحبيتها رغم ان البنت دي لو عرفت انك بتحبها .. أكيد - لو هي محترمة - هتبعد عنك خالص ومش هتكلمك تاني .. لو ؟
اما مسألة صاحبتها وانها بتحبك وانت مش حاسس بيها .. ده طبيعي لانك من اول يوم بتقارن بين الاتنين واخترت حبيبه صاحبك .. فاكيد حتى ولو صاحبتها جميلة عمرك ما هتفكر فيها كحبيبه ..
يا فارس الرومانسية : بلاش تمارس فروسيتك في حلبه سباق ممنوع فيها السباق او المراهنة .. مارس فروسيتك في مكان تقدر تاخد مكان مناسب لك فيه . وربنا يوفقك ..
بس نصيحة طالما مش بتحب البنت التانية بلاش تعلقها بيك او تعشمها بحاجة .. اتقي الله في بنات الناس ..
وتقبل مروري
** باهر الحميلي **
