سلام عليكم، حقيقي إنتم موقع هايل، وبتفيدوني، وأنا بعت لكم قبل كده وأفدتوني فعلاً؛ بس أنا دلوقتي فيه مشكلة مضايقاني، يا ريت تساعدوني برضه فيها.
أنا من أول يوم ليّ في الدراسة اتعرفت على واحد، هو إنسان محترم جداً وإحنا كنا أصحاب جداً وعاملته زي أخويا بالضبط، وفعلاً هو حد كويس جداً وبيحترمني جداً وبيخاف عليّ جداً.
إحنا دلوقتي خلّصنا؛ يعني أعرفه بقالي خمس سنين؛ لكن هو من أول يوم كان واضح إنه بيحبني؛ بس أنا مش بارتبط بحد، وهو عارف كده؛ لكن من سنة كلمني في موضوع ارتباط، وأنا قلت له إننا أصحاب وإخوات، وكنت متضايقة أوي لا أخسره؛ لكن الحمد لله بعد كام يوم رجع معايا زي الأول كويس، وأنا كمان بصراحة بعد ما قال لي ما اقدرش أبعد عنه لأنه غالي عندي جداً؛ لكن دلوقتي أنا حاسة إنه بيحبني أكتر من الأول، وأنا كمان ساعات بافّكر إذا كنت فعلاً بحبه ولا هو زي أخويا وبس؛ لكن مش عارفة بس أنا بتضايق لما ألاقيه بيكلم حد أو بيسلم على حد من أصحابنا، وباحس إننا قريبين أوي وإنه بيفهمني أوي، وبيخاف عليّ أكتر ما أنا أخاف على نفسي.
لكن هو ظروفه لسه مش أوي، وبيكوّن نفسه، وطبعاً أهلي مش يرضوا بحاجة زي دي؛ على الرغم من إنهم عارفينه وبيعِزوه، وكمان أنا مش عارفة لو اتخطبت أقول له إزاي لو ده حصل، يبقى أنا خسرته نهائئياً أنا مش عارفة أتصرف معاه إزاي أو أعمل إيه يا ريت تفيدوني بجد.
shahe
الواحد ممكن ميلقيش حد يحبه
الواحد ممكن ميلقيش حد يحبه بجد الا مرة واحده فى عمره انا شايف انك تقربى منه وتغيرى نظرتك ليه من صديق لحبيب و تخيلى لو هو خطب انت هتعملى ايه علشان تعرفى هو بالنسبالك ايه
طب جربي حتى انتى اصلا شكلك
طب جربي حتى انتى اصلا شكلك بتحبيه وتغيري عليه يابنتى
استخيرى ربك بجد فى انك تفاتحى
استخيرى ربك بجد فى انك تفاتحى اهلك ولو انتى مش مقتنعة ابعدى عنه ويا اختى خمس سنين كتيررررررررررر
ممكن تكونى انتى اتعودتى عليه خلاص يعنى ممكن ميكنش حب ولو كان حب كنتى قلتى حب وصارحتى اهلك وصارحتيه بس انتى تعودتى عليه وشايفه انسان مناسب وكمان بتقولى انك ممكن تتخطبى معنى هذا ان لو شخص مناسب اتقدملك ممكن توافقى يعنى مفيش حد شاغلك فكرى شوية بعقلانية وبلاش اسلوب الاستبن ده ممكن وشوفى انتى عاوزة ايه وقبل كل شىء هقولك اتقى الله فى نفسك أولا وفى اهلك وحافظى على دينك وصدقينى القرب من الله هو الحل الافضل لأى مشكلة
السلام عليكم ورحمة الله
السلام عليكم ورحمة الله وبركاتة
أبعدي عنه أو إرضي بالإرتباط بس يكون رسمي
يعني خطوبة ومفيش حل وسط
السلام عليكم ورحمة الله
السلام عليكم ورحمة الله وبركاته ..
كلام جميل اللي انتي كاتباه.. بس انا لاحظت انه مش قال لك بصراحة انه بيحبك وعايز يرتبط بيكي .. طيب هنعتبر انه طلب منك كده او صرح بحبه ..
لو انتي فعلا بتحبيه وعارفة انه جاد في طلبه.. ناقشي الموضوع مع مامتك واعرفي رأيها أيه في الشخص ده؟ وفهميها أنه لسه بيكون نفسه وكده؟
علشان مش تعلقي نفسك بيه وبعد كده تتفأجي برفض أهلك ..
ولو حسيتي ان اهلك ممكن يوافقي اتمسكي بيه وطبعا ترفضي كل العرسان اللي بيتقدموا لكي..
بس لازم تتاكدي من جديه طلبه...
وربنا يوفقك
وتقبلي مروري
** باهر الحميلي **
