المهم أن الغاية شريفة

كويس انه دخل من الباب نصيحتي ليكي انك ما تكلميهوش خالص طالما انك عرفتيه بيه وخلاص تسيبي المووضوع ياخد مجراه الطبيعي ويتقدملك رسمي وبلاش ارجوكي تعملي معاه اي علاقة من اي نوع ولا حتى كلام على التيلفون حفاظا على كرامتك وكرامة اهلك وبلاش الشيطان يضحك عليكي وان شاء الله يتقدملك وتتخطبوا ويبقى حلال ليكي إن شاء الله بالجواز والإرتباط الرسمي

أحب أقول حديث رسول الله (إنما الأعمال بالنيات ولكل امرأ ما نوا) ( صدق رسول الله صلى الله علية وسلم) علاء الصباحى

ماعتقدش انه اتعرف على اخوها عشان يبقى كوبرى ولا حاجه يمكن عشان يعرفها ان الموضوع جد وانه ناوى فعلا يتقدم بس اخوها فعلا لازم يعرف وده الصح
وربنا يوفقكم

وليه ييجي يتقدملك بعد فترة؟؟؟

ليه مش دلوقتي؟؟؟؟

انا عايزك بس تتأكدي من رغبته الحقيقية وجديته في التقدم ليكي..

وبالنسبة لانه عرفك قبل أخوكي ولسة عارفك فده غلط طالما متقدمش لوالدك... لكن بعد ما يتقدم لوالدك ان شاء الله مش هايبقى فيها حاجة لانه شافك واتعرف عليكي لغرض شريف هو انك تبقي شريكة حياته وممكن يقول لوالدك انا عرفت بنتك قبل ما اعرف اخوها بكل صراحة ووالدك مش هايزعل لانه بقى خطيبك وقريب ها يبقى جوزك...

نصيحتي مني ليكي اعتزلية لحد ما يتقدملك لانه لو حصل ان باباكي شافكم قبل ما يتقدملك ايه ها يكون موقفة؟؟؟؟

مفيش اب ميحبش بنته تتخطب وتتجوز متفكريش في حاجه تانيه

طيب انتى متأكدة انه هيتقدملك طيب صارحى امك وهو صادق وراجل يصارح اخوك قولله كده وهتلاقى طبعا أخوك فى صفكم والله اعلم ادام لم يتقدم ليك ولسه زميلك معنى الكلام هيتقدملك امتى سنة سنتين ثلاث سنوات فكرى كويس وبلاش الشيطان يضحك عليك وياريت لما تحكى تحكى ظروفك صح علشان نفهم يعنى انتى بتقولى هيتقدملك امتى بقا؟؟؟؟؟؟؟؟؟؟ ومصاحب اخوك بينى وبينك مش اخلاق رجالة خالص ده اسلوب تعلب اعرف واحدة واصاحب اخوها علشان ادخل البيت مش دى خيانة لصاحبى بالعكس هو محترمش رجولة ولا شرف اخوك بدليل انه صاحب اخوك علشان يبقى قريب منك يعنى كوبرى يعنى موضوع غلط لو راجل يصارح اهلك ومتخلوش العلاقة فى الظلمة صدقينى ابوك مش هيزعل لو عرف ان قصده شريف وعادى يعنى المهم يكون راجل وصادق معك فى كلامه ومواقفه والله المستعان وقبل كل شىء اتقى الله فى نفسك واهلك وبجد بلاش العلاقات الغلط دى

السلام عليكم ورحمة الله وبركاتة
ربنا ييسرلكم الحال

السلام عليكم ورحمة الله وبركاته ؟؟
فين المشكلة ؟؟ هو حصل حاجة علشان تخافي كده ؟؟
زميلك اتعرف علي اخوكي .. وعلشان هو كويس اخوكي بيحبه واعتبره صديق كويس بدليل انه دخله البيت ..
وطالما علاقتك بيه صداقة او حب شريف ايه المشكلة ؟؟
* بس نصيحه لازم تعرفي اخوكي ان صاحبه ده زميلك في الكلية وانه عايز يتقدم ليكي . علشان لو عرف انه زميلك وانه بيحبك هيزعل جدااااا منك ..
ومتعمليش حاجة .. لان دي مش مشكلة اصلا ... بس فهمي اخوكي علي كل حاجة ..
وإن شاء الله ربنا يسهل الامور .. وتقدروا ترتبطوا ببعض ..
وتقبلي مروري
** باهر الحميلي **