بيني وبين خطيبتي قبلات وأحضان..

هذا الرجل الذي يجيب على الإستفسارات رجل عظيم
أتمنى من أصحاب الأسئلة ان يكتفوا بإجابته ولا يقرأوا التعليقات
ففي إجابته شفاء صدورهم.

الحل الوحيد لمشكلتك دى إنك أولا تستغفر ربنا و تقول لخطيبتك تحاول تلبس هدوم تداريها أو بمعنى أصح تدارى مفاتنها كأنثى لأن حالتك دى خارجه عن إرادتك وتحاول تفهمها ده أكيد لوبتحبك هتفهم ده وتقدر ده كمان وتحاول إنك تعجل جوازك منها فهمها بطريقه إن إنت بتخاف عليها حتي من نفسك علشان متجرحهاش

ربنا يهديكم و يرشدكم للطريق الصحيح

هذه الافعال هى افعال يوحيها اليك الشيطان فهى بعد والحاد وفسق وفجور ولا يتقبل الله عمل احد قد عصاه والنار مثوى الكافرين الم تتذكر هذه الايات:

" اذ الاغلال فى اعناقهم والسلاسل يسحبون"
"يوم نقول لجهنم هل امتلاأت وتقول هل من مزيد"
" وقدمنا الى ما عملوا من عمل فجعلناه هباءا منثورا"
"قيل ادخلوا ابواب جهنم خالدين فيها "
"اينما تكونوا يدرككم الموت ولو كنتم فى بروج مشيده"
"خذوه فغلوه ثم الحجيم صلوه ثم فى سلسلة ذرعها سبعون ذراعا فاسلكوه"
"قل ان الموت الذى تفرون منه فانه ملاقيكم"
"انك ميت وانهم ميتون"
" وجاءت سكرة الموت بالحق ذلك ما كنت منه تحيد"
" يوم لا ينفع مال ولا بنون الا من اتى الله بقلب سليم"
...

اتق الله وتذكر الموت فانه ياتى بغته وتذكروا عذاب القبر وندعوا الله لك بالهدايه

كن لها اخا يحافظ عليها و يحميها قبل ان تكون زوجا له حق فيها
كن لها ابا يصون كرامتها قبل ان تكون زوجا يشتهيها
كن لها ابنا رحيما بحبها له قبل ان تكون زوجا محبا لها.........
استغفر ربنا وإعتذر لها أكتر من مره و عاهدها و حاول أكتر من مرة إن ده ميحصلش لأن صدقنى ده هيضرك و هيضر حبها ليك غصب عنها ده هيققلك عندها لأننا بشر

هاشم بيقولك وصلت الرساله ............وخير الخطائين التوابون ...

السلام عليكم
اولا:إستغفر ربك وعجل بالجواز وقاوم شيطانك وإنت تلقائيا هتلاقى نفسك قادر على ضعفك لو أنت صادق فى التوبه وربنا يعينك.
ثانيا:متكلمهاش لفتره لكن ابعت رسايل تعبر فيها عن حبك وانك ندمان على اللى حصل وهى علشان بتحبك هتسامحك وقرب الجواز وقولها وهى هتفرح لما تلاقى انك قربت الجواز وانك فعلا بتحبها لانها دلوقتى مفكره إنك هتسيبها علشان اللى حصل ودماغها هتودى وتجيب واوعى تتحسسها انك مش عايزها حتى لوكان من غير متقصد وحتى لو كنت مضايق من حاجه فى الشغل ومش طايق حد كلمها وافصل معها باسلوب حلو علشان متحسش إنك مش عايزها.
ربنـــــــــــــــــــا يتمملـــــــــــــــــــــــك
بخيـــــــــــــــــــــــــــــــــــــر

انا بقول انو هاد الشي كتير طبيعي بأول الامر بس يلي مو طبيعي ابدا انو توصلو لهون وخاصة انك مو كاتب كتابك عليها فهالشي حرام كتييير وانا مو حابة حط عليك الذنب كله لأن مو ذنبك اذا جسمك عم يتطلب هالشي لأن هالشي غريزي وممكن انت تكون غريزتك قوية فأنا بقول الحل انو تعتذر منها وتوعدها بأنو ما تعمل هيك شي تاني مرة وتخفف زياراتك او لا تختلى فيها اذا زرتها والاهم من هاد كلو تعجل بالزوااااااااااج شكرا

طيب انا ليا سؤال
و يا ريت تجاوبونى عليه زى ما جاوبتوا على ده كده
ازاى هنمسك نفسنا ف كل اللى بيحصل حولينا الايام دى
و لو قولنا اننا بنحب الانسانة اللى معانا و ماينفعش نعمل معاها كده
هل هينفع اننا نعمل كده مع واحدة غيرها و مش هتبقى خيانة؟
احنا بشر و عندنا مشاعر و مفيش فينا ملايكة ولا شياطين احنا كلنا بشر و بنغلط
بس المهم ما نجريش وراء ف الغلط ده و نكبره
لو عملنا كده مع الانسانة اللى بنحبها تبقى خيانة
طيب ولو عملنا كده مع واحدة غيرها تبقى ايه؟
و مين اللى هيقبل كده؟
_____________________________
يا أخي الكريم، القاعدة الأساسية لتعامل الدين والخلق معنا في مثل هذه الأمور هي:"إذا لم تستحي فافعل ما شئت فكما تدين تدان".. وهذا الأمر لا علاقة له بأننا نحب فتاة بعينها أو لا نحبها، فالطهارة من كل ما ينجس القلوب والأبدان أمر ضروري لكل البشر وفي كل العلاقات.. دمت بخير
عاطف حسانين

والله انا مش عارفه اقول ايه بس بستغرب اوى للمواضيع الغريبة دى
فين الحياء وفين احترام ذاتكم
كل اللى اقدر اقوله ربنا يهديكم ويهدى المسلمين جميعا
فعلا شىء محزن

يعنى انت ماحستش انك غلطان إلا لما هى زعلت منك ومش من نفسك من أول مرة تداركت أنك أخطأت ( انت عارف ان ده درجة من درجات الزنا )لاحول ولاقوة إلا بالله ودا خطأ كبير بقع فية أغلب المخطوبين اللهم ابعدنا عن ماهو يغضبك ولايرضيك

وبعدين لا تنظر إلى صغر المعصيه لان مش فى حاجه اسمها ذنب بسيط لانه فى الاول والاخر ذنب المهم أنظر الى عظم من عصيت وربنا يكرمك ويباركلك فيها لحد لما تتجوزوا وحاول تتجوز بسرعه ياريت ومش مهم التجهيز العالى إتجوز الاول جواز بسيط وبعدين إبقى على التجهيز براحتك

فعلا هى مصيبه كبيره ولازم تتحكم فى نفسك لانك كبير عاقل وبتفهم زى ما قلت الصح من الغلط وطالما بتخاف ربنا وتعرفه كويس يبقى مش تعمل كده تانى خاف ربنا فيها وفيك ياريت عشان ربنا يوفقك ويكتبهالك

انا عندى مشكلة وعايزة اعرضها
==================
رد بص وطل
صديقتى شكرا على ثقتك فى بص وطل وبالنسبة لمشكلتك فممكن تبعتيهالنا عن طريق الضغط على لينك " لو عايز تفضفض لنا دوس هنا " فى اخر كل فضفضة فى باب " سؤال محيرنى " واكتب مشكلتك ومستنين مشاركتك.

بجد خاف ربنا فيك وفيها

ما اجتمع رجل وامرأة الا كان الشيطان ثلاثهما
مش مفروض تعقدوا مع بعض لوحدكما ده مش من الشرع وغلطة اهلها وانتوا كمان غلطنين ممكن تقلل زيارتك لها وتعجل فى تجهيز شقة الزوجية وربنا يهدى

الاحساس بالذنب شعور مقلق ، سلبي ، تقف خلفه عوامل ثلاثة :
- حين ت****ر حاجزا" اخلاقيا" ، او تخرج على عادة اجتماعية سائدة ، تتهم نفسك بأنك شخص غير مبال أو لامسؤول . وقد يدفعك ذلك الى استنتاج انك غير جدير بالقيم التي تخطيتها . او الاستمرار في تخطيها ، ومعاداتها .
- تفكر في نتائج ما فعلت ، وفي من تضرر نتيجة ذلك . او من عرف به . وكلما كان عدد الاشخاص المتضررين ، أو المطلعين على (( فعلتك )) أكبر ، كانت مساحة الشعور بالذنب أكبر .

طالما بتحبها خليك معاها وهيا اكيد بتحب وفعلا المفروض فيه حد يقعد معاكم علشان الشيطان شطر وما اجتمع رجل وامره الا وكان الشطان ثالتهما

الحب مش جنس انتا مش بتحبها ابد ياخى الحب امان وثقة مش خوف من كل شى ممكن سوال افرض ابوها دخل وانت بتعمل كدة انت هتعمل اية ممكن هى تموت مكنها هيحصل حجات كتير لوبتحبها بجد دور على روحها وقلبها وعقلها وحبهم مش جسمها اتمنا انك تكون ناوى تبطل تطاوع الشيطان انسة اتخيل حياتك معها فى رضاالله سبحانة وتعالة

والله والله نفس المشكله ربنا يغفر لي ولك بس الحمد لله تبت وندمت وبرجو مغفره ربنا ........ بالضبط كأني اللي بعت الرساله وانا في حاله زهول

تبوس ايه واحضان ايه
الله يرحمك يا جدي واتقي الله
عارف دي لو اختي كنت قتلتها وقتلك
والحمد لله ان جعلنا فلاحين علي ان يجعلنا ملعوننين
هذا رائي ( انا مش مصدق اللي بيقول عادي ههههههههه
عادي في المعادي هههههههههه هموت من الضحك )

اين الرقابة ؟

شوف انا هاقولك علي كلمتين وخلاص يا بني اللي بيعمل كده وهو خاطب مابيعرفش يعمل حاجه خالص وهو متجوز وشكرا

السلام عليكم اخى الفاضل اتقى الله فى من معك وانتصر على الشيطان فاننى واثقة بكل الثقة انك تحبها وهى تحبك وليس كل منا معصوم من الخطا احمد الله انها غير راضية على ما فعلته واعلم انها بداخلها انسانة محترمة وسوف تحافظ عليك بس للاسف كل منكما لم يستطيع يتحكم فى مشاعره فاستحلفك بالله انك تذهب اليها وتستسمحها وتوعدها انك لم تفعل ذلك مرة اخرى حتى لاتظن فيك انك لم تستطيع المحافظة عليها فسير مع الله واننى واثقة انه لم يتركما وسيبارك فى زواجكما ولا تخف من الله فانه يقول خير الخطائين التوابون فلا تخف من الله واعزم انك ان تعود للذب هذا مرة اخرة وبجد ربنا يتمم على خير

ترضى بكدة لاهل بيتك قرب من ربنا وفكر ف حاجات غير الحاجات دى وانت ترتاح فكر ف شغلك ومستقبلك معاها وخلى حد يقعد معاكو ولما تكلمها كلمهاوحسسها انها غاليه عندك

اتق الله عز وجل الل كتب الكتاب و التعجيل بالزواج

علي فكرة برضه انا كنت زيك كده بالظبط انا وخطيبي وكنت بزعل منه كتير برضه وقبل الزواج بشهر ونص قررنا التوبه علشان ربنا يبارك لنا وربنا تمم علي خير واتجوزنا وبعد الفرح باسبوع تعبت جدا والدكتوره طلبت منه ما يلمسنيش لمدة اسبوعين وساعتها قالي ان ربنا بيعاقبه وبيقول له اديها أهي بيتك وحلالك ومش هتقدر تلمسها وطبعا كان متضايق جدا ده كان اول عقاب وبعد كده برضه الحياه مشيت بس ساعات كتير بنبقي مش طايقين بعض بدون اسباب ومعانا بنتين دلوقتي وبستغفر ربنا كتير اوي لان الانسان دايما يستعجل كل حاجه ونفسي يرجع بيا الزمن علشان ارفض الموضوع ده باصرار من البداية وما ضعفش قصاد حبي ليه واحس اني نجحت في الامتحان قصاد ربنا مش سلمت الورقة وفيها ربع الاجابة بس
الحق نفسك قبل ما مدة الامتحان تنتهي وتلاقي نسك ساقط ومستني الرأفة

انا هحكي تجربتي لما كنت مخطوبة..انا وخطيبي قعدنا 9 شهور مخطوبين ومحطيناش ايدينا في ايدين بعض الا يوم تلبيس الدبل لحد كتب الكتاب..صحيح الموضوع مش سهل..هو عايز ارادة ومجاهدة للنفس بس لاااازم يكون في مراقبة من الاهل وعدم الخلوة والكلام في التليفون ميكونش في وقت متأخر ,ودايما ادعو وقولو يارب اجمعنا ببعض وباركلنا في علاقتنا,والحمدلله احنا متجوزين لينا سنتين ونص وحاسين ببركة ربنا لحد دلوقت وحبنا منطفاش ولا العلاقة ما بينا بهتت

بص ياعم اولا توعدها انك مش هتعمل كده تانى وهيه كمان تحاول تتحكم فى نفسها وتاخد بالها كويس وبعدين ياريت ماتقعدوش مع بعض لوحدكوا خالص
او حتى تخرجوا لوحدكوا
ومدام بتحبوا بعض يبقى لازم تساعدوا بعض وتاخدوا عهد على نفسكوا انتوا الاتنين بس انت اكتر عشان انت الراجل وتحاول تصالحها

مادام فى حب أكيد فى ثقه لأن الحب ثقه والحب = ثقه لو واثقه فيك مهما عملت فيها سورى يعنى أكيد هتتقبل ومادام بتحبك يبقى هتعوز ده عنك ومنك إنت بالذات زى ماأنت ليك شهوة ليها وهى بالذات مادام بتحبها يبقى هى كمان كده وليك إنت بالذات لأنها بتحبك

المفروض إن حد يقعد معاكم

الله يصلح حالك وارجوك تمالك نفسك وحافظ عليها علشان ماتندمش انها فى يوم من الايام حبيتك وامنتك على نفسها والمفروض انها بتتحام فيك من عيون الناس وتاكد ان دى وساوس شيطانيه وباذن الله ربنا يكرمك ويجمع بينك وبينها فى الحلال ويقربلكوا كل ماهو بعيد وتكونوا اسعد زوجين ان شاء الله ((بالله عليك تحافظ عليها))

اكتب كتابك عليها وريح بالك مش لازم
طالما بتحبوا بعض وربنا يكرمك
بس عادى اوعى تزعل نفسك كلنا كنا كده
بس دلوقتى مش طايق اشوفها بسيبها وبضيع وقتى على النت هع هع

معلش هقولك كلمه انت لو بتحبها وبتخاف عليها مش هتعمل معاها كده بس أكيد ده شيطان بيدخل بينكوا روحلها وصالحها واوعدها انك مش تعمل معاها كده تانى

يصراحه يعنى هى من حقها تزعل بس انت برضه صالحها واوعدها انك هاتكون اكثر امانه من كده وربنا يكرمك ان شاء الله

على كل شخص خاطب ان يراعى حق الله - عزوجل - ويتخيل لو ان أخته مخطوبة لشخص ما فهل يرضى أن يحدث ذلك لها ....أم أنه سيأخذ بالاحتياطات اللازمة لمنع حدوث كل مايؤدى لذلك.؟!

اتقى الله وعجل الزواج

والله الناس دى بتقول كلام زى الفل

بسم الله

الله اعلم ان كان الرسالة هتوصل ولا لا لكن أنا بقول للشباب كلهم لأن دى مشكلة الجيل كلة أسموا بعلمكم الدينى إلى أن تنظر إلى المرأة على أنها جسد ولكن أنظر لها على إنها أكثر من هذا بكثير أنا مثلا أنظر للمرأة دائما على إنها إبداع من الله أباح لنا أن نتعامل معة لكن بحذر إن المرأة كالنجم عالية لا تظن إنك ستصل لها أبدا لكن فى النهاية تكون لك وحدك وكل هذا بإرادة الله لهذا يجب رضاه أولا وأخيرا حتى يقطع الله لك من سمائه قطعة ليعطيها لك هى زوجتك

اولا استغفر ربك وعاهده الا ترجع لذلك مره تانيه بعدها كلم خطيبتك وان شاء الله ربنا هو اللي هيخليها تقولك انها خلاص مش زعلانه بعد انك تبت لربنا بجد_ربنا يوفقكواويجمع بينكم في خير عن قريب_بجد خطيبتك انسانة محترمة جداواذا عملت كده فده كان بغرض انها بتحبك وخايفه علي زعلك رغم صدقني اكيد هي مش بتكون فرحانةبجد من جواها وانت بتعمل كدة_ويمكن كانت مستنية منك انك انت تقولها انا حاسس اني باجي عليكي ومش هيحصل كده تاني بس ملقتش منك كده وانك تماديت في ده فملاقتش غير الحل ده عشان ترجع حدود الخطوبه تاني_ده ضعف منكم بس (ان الله مع الصابرين)استغفر الله وتب اليه توبه لا رجعة فيها واتصل صالحها.بجد هي انسانه محترمة جدا وربنا يباركلكو في بعض ويرزقكوا الحلال دايما_اللهم امين يارب العالمين.اللهم استرنا فوف الارض وتحت الارض ويوم العرض عليك.ارزقنا الحلال دائما يارب العالمين.

اتجوزا ف اسرع وقت ما دام بتحبوا بعض

ربنا يثبتك ع الحق ويجمعكم قريبا علي كتاب الله وسنه رسوله صلي الله عليه وسلم

طبعا انا معاك انها مشكله بس طالما انت بتقول انك ندمان وعايز تعرف تعمل ايه عشان ترضيها وبتقول انها زعلانه يبقي خلاص اللوم والعتاب ده اكبر دليل علي انك حتكون انسان تاني ومش هتكرر غلطك تاني توب توبه نصوحه بس من قلبك وإستعين بالصبر والصلاة وأسال من الله التوبه وأن يغفر لك وينهيك عن الفحشاء وفعل الغلطات وان يقرب بينك وبين خطيبتك في الحلال وكلمها وإعتذر لها علي ماحدث بينكم وهيحتقدر ده بس إياك أن تكرر خطأك مرة تانيه لان الرجوع للخطأ سيدمرك وممكن تقع بعدها في غلط أكبر سيندمك العمر كله
وياسيدي أعرف انك مش لوحدك اللي عملت ده أكيد قبلك ياما عملوا كده المهم انك تعرف غلطك ومتكررهوش وتتعلم من أخطأك وأخطاء غيرك وأهو الكل بيثبت لك ان عقاب ربنا شديد وحط فعلا أختك وأقرب الناس ليك أمام عينيك وأنت مش حتقدر تعمل الغلط خوفا عليهم من الوقوع فيه
وفقك الله ووفقنا الي طريق الخير والصواب

اتقي الله في نفسك يااخي وده طبعا أكيد حرام

السلام عليكم
اولا:استغفر ربك وعجل بالجواز وقاوم شيطانك وانت تلقائيا هتجد فى نفسك قدرة على ضعفك لو انت صادق فى التوبه وربنا يعينك.
ثانيا:متكلمهاش فتره لكن إبعت رسايل تعبر فيها عن حبك وإنك ندمان على اللى حصل وهى علشان بتحبك هتسامحك وقرب الجواز وقولها وهى هتفرح لما تلاقى إنك قربت الجواز وإنك فعلا بتحبها لأنها دلوقتى مفكرة إنك هتسيبها علشان اللى حصل ودماغها هتودى وتجيب وإوعى تحسسها إنك مش عايزها حتى لوكان من غير ماتقصد وحتى لو كنت متضايق من حاجه فى الشغل ومش طايق حد كلمها وأفضل معها بأسلوب حلو علشان متحسش إنك مش عايزها.
ربنـــــــــــــــــــا يتمملـــــــــــــــــــــــك
بخيـــــــــــــــــــــــــــــــــــــر

ارحمها وارحم اهلها الواثقين فيك

السلام عليكم و رحمة الله
صديقي العزيز، من منا نبيا أو ملكاأو إلها كلنا بشر لسنا معصومين من الخطأ و ما تتحدث عنه هي مشاعر طبيعية بين المتحابين من الجنسين، لقد قرأت بعض التعليقات من الاخوة القراء فمنها ما وجدته واقعيا و منها ما وجدته نظريا لا نجده إلا في الكتب، كأنعدام دور الأهل مع أولادهم، نعم بالفعل دور الأهل ضروري جدا و لكنه ليس كل شيء..لأننا إن علقنا كل شيء على الأهل سوف نجد كل شاب و فتاة يمشون في الطرقات و بجانب كل منهما شخص مسن يوجه خطواته، إن كنا سنلقي باللوم على الأهل فسيكون ذلك فقط في إصرار الأهل جميعا في مجتمعاتنا العربية على أن يعقدوا أمور الزواج، فمنهم من يطلب مهرا عاليا و منهم من يشترط وجود شقة معينة و منهم من يضع الفوارق الإجتماعية حائلا دون قيام ذلك الزواج و الكثير الكثير من الحالات، هنا يقع اللوم على الأهل بالفعل و لكنه لوم زائف أيضا لأن من منا لم يكن شابا و رغب في الزواج و أهله وضعوا له العراقيل و ها نحن أصبحنا أهلا و نضع أيضا العراقيل لأولادنا، ماأردت أن أوصله لك يا صديقي العزيز و أنا أشعر بمشكلتك بكامل حواسي، أن تنظر للأمر من زاوية أخرى، تلك التي ترغب في الزواج منها إفترض معي لا قدر..لا قدر الله أن علاقتكما قد إنتهت ماذا سيكون موقفها من المجتمع؟ و بالطبع أنا أسأل عن موقفها هي فقط لأننا نعيش مجتمعا ذكوريا بحتا، ماذا أيضا لو كانت هي فعلت تلك الأفعال مع أحد ما قبلك، هل ستقبلها؟ أخي الكريم الحياة الجنسية شيء غريزي حميم بداخل الإنسان و الهدف من وجوده هو إرغام الإنسان على البقاء في هذا العالم إلى أن يقضي الله أمرا كان مفعولا، أود أن أوجه إهتمامك و إهتمامي من قبلك أن الحب ليس الجنس، فقط لملم حواسك لإستقبال مشاعر الحب الراقية و أبتعد بفكرك عن الجسد بل أسموا بفكرك الى ما هو أبعد من أي شيء مادي و الرغبة في إلتهامه و ركز رغباتك في جمال المحبوبة و رقتها و سمو أخلاقها، لأنك ان ساهمت في إفساد أخلاقها ستكون كمن يبصق في طعامه قبل أن يأكله، أجِّل رغبتك ووجهها الى الحب و الخير لمحبوبتك و من حولك و حولها أيضا، وفقنا ووفقك الله و أذكرك أن لا تيأس من رحمة الله فالتائب من الذنب كمن لا ذنب له

يا ابني اتجوز وخلص نفسك من الشيطان ولو على حصيره واتقي الله فى نفيك وفيها ولا تعلمها قلة الادب ولكن علمها الاخلاق وانك على خلق

السلام عليكم من فضلكم انا عندى مشكلة وتعابنة اوى ونفسى تفيدونى برايكم فيهامحتاجة لحد يسمعنى ويوجهنى للطريق ومش عارفة اتواصل معاكم خالص دخلت وعملت كل اللى قولتولى علية وبرضو مش عارفة اكتب مشكلتى اتمنى حد يساعدنى واسفة انى طولت عليكم
=========================
رد بص وطل
صديقتى عشان تشاركى معانا بفضفضتك أدخلى الأول على باب " فضفض لنا " بعد كدا إفتحى أى فضفضة هتلاقى فى اخر الفضفضة لينك " لو عايز تفضفض لنا دوس هنا " إضغطى عليه وإكتبى مشكلتك وإعملى ليها حفظ وهى هتوصلنا إن شاء الله .