السلام عليكم.
أرجوكم ساعدوني، بجد أنا بحب الموقع بتاعكم جداً، ويا رب تلاقوا لي حل، أنا تعبت بجد من الحياه أنا باسمع كلام كل الناس إنهم كويسين، ومش كدابين؛ برغم إن كل اللي حواليّ ممكن يقولوا لي إن الشخص ده كداب ما اصدّقش غير لما أتأكد بنفسي، وممكن بعد ما يحصل لي مشكلة بسببه ويرجع يعتذر أرجع تاني ليه.
أنا عندي مع كل الشباب صداقة محترمة، وباتعرّف على أولاد كتير أوي وبياخدوا رقمي، وباحكي لهم كل حاجة عن حياتي وعيلتي من أول ما أعرفهم، وباكلّم ولاد كتير؛ بس مش باخرج مع حد فيهم؛ بس في التليفون مجرد إنه يتصل ويسأل ويبعت رسايل، ويقول لي بحبك أصدق على طول، ألاقي غيره قال نفس الكلام؛ أسيب الأولاني وأكلّم ده، وأقول له إني بحبك، وبعد فترة أكتشف إني مش بحبه حتى لو ماشية في الشارع وحد كلمني أكلمه.
أنا زهقت من كده، مش عارفة أعمل إيه، نفسي أتغير بجد، ساعدوني وقولوا لي حل وباخسر حاجات كتير أوي بسبب كده، وبلاش حكاية حب مراهقة، أنا عرفاه، أنا عندي 22 سنة.
smsmm
ظننت في بداية حديثك عن تصديقك للناس أنك تتكلمين عن العلاقات الإنسانية بشكل عام، وأن حسن ظنّك لم يأت أحياناً في محله؛ لكن مع توالي كلماتك وجدت أن مشكلتك لن تخرج -شئت أم أبيت- عن فراغ عاطفي؛ بل وللأسف فراغ ذهني أيضاً، يجعلك تنجذبين فوراً لأي كلمة من أي شاب قد يتركك وقد تتركينه لمجرد كلمة من آخر، مورطة نفسك في علاقات وصفتيها أنت أنها تتوقف عند الكلام في التليفون ولا تصل للخروج؛ على أساس أنك لم تصلي للخطأ الأكبر ولم تجني على نفسك بهذا الكلام في التليفون، والذي ينتهي بأسرع ما يبدأ؛ آخذاً معه الشيء غير القليل من براءة مشاعرك وإيمانك بالحب وبالمشاعر الصادقة.
ومبدئياً فإن مشاعر المراهقة أكثر ما يميّزها هو التقلب السريع، والحكم على الأمور دائماً من جانب واحد، وعدم القدرة على الإلمام التام بجوانب المشكلة، وأيضاً العند، وعدم تقبل النصائح المباشرة، والمكابرة، وأعتقد أنك لا زلت تعانين من بعض تبعات هذه المرحلة حتى لو كان سنك 22 سنة.
تمتلئ رسالتك بالكثير من المؤشرات على خطورة ما سيصل إليه حالك على الأقل من سمعة سيئة وصورة ذهنية ستصل عنك بالتأكيد؛ أنك فتاة سهلة تأتين من مجرد رنة تليفون، ولا تمانع من قضاء بعض الوقت الممتع بكلمات حب مزيفة، ودون أن يخسر من يهاتفك أي شيء سوى ثمن المكالمة؛ هذا إذا لم تكوني أنت من اتصلت، أو يتكبد أي عناء سوى ضغط زر الاتصال، وقد تصل الخطورة لما هو أعمق وأخطر إذا أوقَعَتْك أفعالك في يد خبير من خبراء الاستمالة العاطفية، الطامعين في ما هو أكثر من الكلمات، واستطاع أن يستدرجك ليحصل منك على المزيد والمزيد؛ وأيضاً مجاناً ودون عناء سوى "رصّ" بعض الكلمات.
ورغم مؤشرات الخطورة؛ إلا أن هناك بارقة أمل فيما قلتيه عن استعدادك لإنهاء العلاقة سريعاً مع شاب؛ حتى ولو كان من أجل ذهابك لآخر؛ فهذا يعني أنك ولله الحمد -حتى الآن- لم يتعلق قلبك بشخص معين، وأن الأمر مجرد رغبة في الشعور بالاهتمام، وهذا بالمناسبة شعور طبيعي عند الجميع؛ خاصة مع انشغال كل فرد في الأسرة بأموره الخاصة؛ لكن هذا لا يعني على الإطلاق أن تتسولي هذا الاهتمام، وأن تعرضي نفسك وكرامتك لما سيضعها في أسوأ المواقف، كما لا يعني أبداً أن تستسلمي لمشاعرك فقط دون أن تراعي أن الله تعالى كما خلق غرائزنا وشهواتنا؛ أمرنا أن نتحكم فيها ونهذبها؛ وبهذا فقط نستحق إنسانيتنا وأن نتميز عن المخلوقات الأخرى التي لم يكرّمها الله عز وجل تكريمه للإنسان.
أريدك فقط أن تأتي بورقة وقلم وتقسّمي الورقة أربعة أقسام تكتبين في أحدها بأمانة ما استفدته من هذه العلاقات سواء كانت وقتاً ممتعاً أو علاقات اجتماعية، أو أي مصلحة عموماً، وفي الآخر ما تعتقدين أنك ستستفيدينه، وفي الثالث ما خسرتيه؛ سواء كلمة سمعتيها، أو تصرف تجاهك بشكل غير مرضٍ، أو نظرة لك بشكل غير لائق، وفي القسم الرابع ما ستخسرينه.
وأثق أن ما دفعك لكتابة رسالتك هذه، سيساعدك على كتابة هذه الأقسام بقدرٍ ما من الأمانة يعينك على أن تضعي أولوياتك، ويساعدك على أن تحكمي بشكل صائب على جدوى أكبر استفادة تكونين قد استفدتها؛ مقارنة بأقل خسارة تعرّضتي لها من هذه العلاقات.
وحبذا لو كان هذا في كل علاقة. وأكرر مرة أخرى على ضرورة تحرّي الأمانة، وساعتها -وبأي منطق سواء نفعيّ أو دينيّ أو أخلاقي- ستتمكّنين إن شاء الله من التوقف تدريجياً أو ربما نهائياً، عن هذه العلاقات، وتوجيه طاقتك وفراغك لنشاط أو عمل أو رياضة أو هواية تجعلك تشعرين بقيمتك، وبأنك إنسانة لها هدف أسمى من مجرد أن تكون وسيلة تسلية لكل عابر طريق.
ahmedali_eng981 نداء الي
ahmedali_eng981
نداء الي مجنون "نهال" متهيالي انها قصه وانتهت ليه في كل تعليقاتك جايب سيرتها كل ما ادخل علي قصه الاقيك كاتب عنها ... خطيبتي زيك ،،، كانكوا بتتكلمو علي خطيبتي السابقه.. كأنك عايز توصل رساله ليها ولكل اللي يعرفوها انها بنت غير محترمه اتقي الله في بنات الناس
انا بدأت اشك انك حد محترم وكويس ربنا يهديك
العمر كويس اوي بس انتي مش
العمر كويس اوي بس انتي مش مراهقه ولاشئ حاولي تصفي نفسك وتثقي بالله اللي يستاهل حبك وحياتك واللي هتندمي انك مش خليتيلوا كل حبك وحنانك وكلامك وتبقي في نظرة أحلي بنت في الدنيا حاولي تفكري دايما إنك مرتبطة بشخص شايلاله كل حياتك وهتعيشي وتموتي من أجل ربنا وأهلك وزوجك عليكي بس مش أكتر دوري علي أصحاب بنات كويسين حطوا لنفسكم برنامج تمشوا عليه مذاكره وهزار وجد وكل شئ إتقاسموه لحد مايجي الشخص اللي عمره ماهيفرط فيكي..........
وانتى فكرك ان فى واحد يرضي
وانتى فكرك ان فى واحد يرضي على نفسة انة يحبك ويتجوزك وهوة متاكد انك كنتى سهلة معاه اوى ومع غيرة وفكرك انة فعلا بيحبك..غلط يابنتى صدقينى انتى بتهدى مستقبلك عشان شوية علاقات فارغة بكرة تندمى على كل دة وياريت تعتبرينا اصدقاءك وتاخدى بنصيحتنا وتعمليها واتقربى من ربنا اكتر
حاولي تحطي لنفسك أهداف وحاجات
حاولي تحطي لنفسك أهداف وحاجات تشغلك أكتر عن اللي أنتي فيه ده لأن كل الشباب دلوقتى مش صادقين لا في كلامهم ولا مشاعرهم
انا عندي سؤال أنا لما أعوز ابعت فضفضة ابعتها منيييييييين يا جماعة؟
=======================
رد بص وطل
شكرا على ثقتك فى بص وطل وبالنسبة لسؤالك تقدر تبعتلنا فضفضتك من خلال الضغط على لينك " لو عايز تفضفض لنا دوس هنا " اللى هتلاقيه داخل كل الفضفضات اللى موجودة بباب " سؤال محيرنى ".
السلام عليكم ورحمة الله
السلام عليكم ورحمة الله وبركاتة
إتق الله
ما سأقوله لكى ببساطة إنتى
ما سأقوله لكى ببساطة إنتى بتدمرى نفسك وكل ما بتعملى كده بتبعدى عن ربنا أكتر وعارفه لو ليكى أخ أسأليه لو لى صديقة أو صاحبة بالشكل ده يوافق يتجوزها هيرد عليكى أنا( لا طبعا) فحاولى ترجعى لربنا وتستغفرى وما تعمليش كدة وكمان مش يمكن أنتى بكده بتبعدى بإيدك إنسان ممكن يكون حابب يرتبط بيكى بس لما يعرف كده ما يوافقش وخلى علاقتك بربنا أحسن ولو مش بتصلى إتقربى من ربنا وإشغلى وقتك بحاجة مفيدة وصدق القائل ( نفسك إن لم تشغلها بالحق شغلتك بالباطل)
اقطعي علاقتك بكل دول وابدئي
اقطعي علاقتك بكل دول وابدئي صفحه جديده في حياتك لحد ما ييجي اللي يملي صفحه حياتك
لازم يكون فى حدود فى الصداقه
لازم يكون فى حدود فى الصداقه وكمان فى الحب كلمه بحبك دى كلمه كبييره جداااااااااااااااااا محدش يقولها غير لما تكون صح ومتأكده منها ومن مشاعرك صح صح صح لانها المفروض متتقلش غير مره وحده فى حياتك يعنى اى شخص يقولك بحبك تقولى ليه انا مش بفكر فى الكلام دا او لو عاوز تحافظ على الصداقه بتاعتنا ما تقول كلمه بحبك دى تانى ابدا حفظى على نفسك وما تخلى مشاعرك لعبه فى يد اى حد غير نفسك ونمرت الموبيل ما حدا ياخدها غير الاصدقاء المهمين جدااااا فقط ويبقى قلائل جدا وانتى اعطيتيهم الرقم كمان لشئ مهم او لغرض معين مش للكلام والصداقه وحافظى على نفسك اختى والله معكى
جقيقى كأنكم بتحكوا عن خطيبتى
جقيقى كأنكم بتحكوا عن خطيبتى السابقة
السلام عليكم ورحمه الله
السلام عليكم ورحمه الله وبركاته ..
يالهووي ايه ده ؟ فيه بنت كده ؟؟
انتي من وجهة نظري بنت سهلة جدااااا وسهل ان اي شاب يكلمك ؟
والاغرب من كده انك بتقولي انك لو ماشية في الشارع وحد كلمك بتكلميه .. ببساطة كده .. ولما بتحبي حد وواحد تاني قالك بحبك بتسيبي الاول وتحبي التاني .. طيب بتحسي باية وانتي بتكلميهم .. بتكوني مبسوطة وكده ..
ايه لعب الاطفال ده ؟؟ ده مش حب ولا وهم الحب .. دي مراهقة وتسيب بنت في حقها وحق اهلها .. يعني اي حد يكلمك بتكلميه علي طول .. مفيش مانع ومش مهم يكون وحش حلو مش مهم ...
* يا سمسمه غلط طبعا اللي بتعمليه ده .. لازم يكون كلامك مع الشباب بحساب ومش اي حد ياخد رقم تليفونك .. ومش اي حد تردي عليه .. لازم يعرفوا انك غالية جدااا .. لازم تكوني اغلي من كده .. البنت سمعه .. البنت شرف ..
حافظي علي نفسك من كلام الناس .. لازم تكوني محترمة اكتر من كده ؟؟
امنعي كلام مع الشباب خالص لو تقدري .. واللي يزعل يزعل .. اتقي الله في نفسك .
وحاولي تقربي من ربنا اكتر وتصلي كتييييييير وتدعي ربنا بالهداية
ربنا يهديكي ويوفقك
وتقبلي مروري
** باهر الحميلي **
إزيك ياأستاذ باهر !! بجد رأيك
إزيك ياأستاذ باهر !! بجد رأيك ممتاز وعقلاني قوي
آرائك دي من أكتر الاسباب اللي خلتني أحب الموقع ده جدا جدا,
كمان بأحس انك قولت كل اللي كان عندي , رأيك بيكون نفس رأيي
بس ليا طلب عندك لو تكرمت , عايزه اعرف حضرتك بتشتغل ايه
ولك تحياتي وسلامي وشكري
هقولك على حاجة ممكن تريحك
هقولك على حاجة ممكن تريحك تخيلى انك معك 1000جنيه صرفتى منه واحد جنيه أو ضاع هتزعلى لا طبعا لأنه مش هيحصل تأثير فى قيمة 1000 جنيه تخيلى بقا انك هتعيشى مثلا 50 عام وأننا نقف أدام ربنا علشان نتحاسب بس 500000 خمسون ألف عام يبقى انتى كده عشتى لا طبعا صد قينى الدنيا هذه ما هى الا لحظات فى حياتنا كده كده الموت قادم استغفرى ربك واطلبى منه انه يعوضك خيرا فى الآخرة وعلى فكرة كل انسان مرتبته فى الجنة حسب عمله فى الدنيا وقدر ابتلاءه واحمدى ربنا على انتى فيه وصدقينى القرب من الله افضل من اى شىء وافضل حل وهو حب مراهقة صدقينى او نزوة او تذبذب فى التفكير وبجد الله يكون فى عونك ان اعرف واحدة زيك كانت خطيبتى (نهال) ومكنتش اعرف عنها كده الا بعد فسخ الخطوبة اللهم اهدى بناتنا بنات المسلمين
اهم حاجه انك تتخلصى من
اهم حاجه انك تتخلصى من عشوائيه كلامك على النت و التليفون وانك تصلى و تتجهى لله عز وجل و ان شاء الله هيرشدك للصواب
