اقطعي هذه العلاقة ليرضى

لازم تقطعى علاقتك بيه وماتكلمهوش الا لما يجى ويتقدم لاسرتك

المفروض والدك كان ضربك

انا فهماكى ع فكرة ..
وفاهمة ان انتى ما كنتيش تقصدى انك تزعلى والدك منك ..
انتى مش بتعملى حاجة غلط ..
ما دام اهلك عارفين ..
وانتى انسانة بتتقى ربنا و بتعرفى حدوده ..
وبتعرفى تعملى حدود للى قدامك ..

بس اللى لازم تعرفيه أن رضا أهلك عليكى أهم شئ .. يمكن يكون أهم من حياتك ..

اللى مالوش خير فى أهله مالوش خير فى أى حد ..

و الإنسان اللى أنتى بتحبيه .. لو هو بيحبك يبقي لازم يتقدم لك فى النور ..

حتى لو ظروفه المادية مش هتسمح بخطوبة ..
ع الأقل يقابل والدك ويفهمه هو عايز إيه ..
و ساعتها لو الإنسان ده كويس ويستاهلك ..
عمر والدك ما هيرفضه ..
لأن أهلك بيتمنوا ليكى السعادة

لكى كل التقدير و الاحترام ..
ربنا يوفقك لما يحبه و يرضاه

السلام عليكم ورحمة الله وبركاتة
لو بيحبك فعلا تبقى علاقة رسمية يعني خطوبة

سبحان الله معندكيش اي احترام لوالدك
بعد مارباكي وكبرك يخش غرفتك يلاقيكى بتكلمي غريب على الموبايل
إصحي لنفسك وأرضي أهلك

فعلا الاب والام عاوزين يشوفنا ف احسن حال ويطمنوا علينا وحتى رغم ثقتهم فينا خوفهم علينا اكتر بكتير
وعشان تستريحى وتريحى عمو لازم تقلقى كلامك مع الشخص اللى انتى مرتبطة بيه لحد ما يجى وقت مناسب للإرتباط الرسمى اللى يريح الكل وربنا يسعدك

السلام عليكم ورحمة الله وبركاته يا ابنتى العزيزة طبيعى ان بابا يزعل من انك بتكلمى اى شاب وبدون اى ارتباط رسمى ودة لاننا شرقيين وهى دى عاداتنا وتقاليدنا وطبعا مجرد انك بتكلمى شاب لا يربطك به ارتباط رسمى فده غلط وغلط كبير حتى لو مامتك تعرف على اعتبار انك بتقولى انك معرفة اهلك واكيد تقصدى مامتك ومع احترامى لمامتك فهى كدة اتصرفت غلط لانها المفروض تقولك انك ما تدخليش فى اى علاقة بدون ارتباط رسمى ووالدك زعل لانه خايف عليكى لان الشاب لما بيلاقى البنت بتكلمه عادى من غير ما يتقدم لها بيحس انها سهلة ومابيفكرش انه يرتبط بيها لان الشباب بصفة عامة حتى لو بيبينوا ان الموضوع عادى ومافيش فيه اى مشكلة وان احنا خلاص اصبحنا فى عصر جديد ومتقدم الا انه من داخله مايزال الرجل الشرقى ويؤمن بتقاليد الاباء والجدود فى النهاية لو عايزة ترضى والدك فلازم تقطعى علاقتك بهذا الشاب ولو هو بيحبك بجد ومتمسك بيكى يبقى لازم ياخد خطوة جادة ويتقدم بشكل رسمى والا فانسيه وتقربى من والدك ونولى رضاه فان الله اوصانا بالوالدين واسفة للاطالة

ana ded el 3enwan tamamen

احسن شىء تعمليه انك تخلى هذا الشخص يكلم ولدك ويبين نواياه

وأكيد لو هو إنسان ضميره ونيته خير أكيد

إن شاء الله حيقدر يقنع باباكى

وربنا معاكى

السلام عليكم....................بصى يا اختى العزيزة انتى غلطتى اما كلمتيه قدام والدك لانك قللتى من احترامه بس مغلطتيش لماعرفتى اهلك بالموضوع ده قبلها لكن الأهم إنك تسمعى كلام أهلك وتعملى اللى يرضيهم حتى لوكان على حساب مشاعرك لانهم الادرى بمصلحتك ومحدش هيخاف عليكى فى الدنيا دى قدهم.....يعنى شوفى هيقولوا ليك ايه بخصوص الموضوع ده ونفذيه من غير تردد أو تفكير واللى يريده ربنا سبحانه وتعالى هيكون....وربناهيوفقك طول ما بتحاولى تكونى دايما صح ومطيعة لأهلك.......

كويس إنك بتفكرى إزاى ترضي والدك لأن إرضائهم بتاخدى عليه ثواب كبير ومفيش حل غير إنك تشوفي الى هو عاوزه وتعمليه وأمرك لله

اولا مش معنى ان انتى تعرفى اهلك بكل حاجة انتى بتعمليها يبقى انتى مش بتعملى حاجة غلط ومش معنى انهم موافقين يبقى كدة مش حرام اهلنا مش هم ربنا يعنى مينفعش هم اللى يشرعوا وحللوا ويحرموا زى مانتى كنتى حاسة بالذنب لان اهلك مش عارفين لازم تحسى بالذنب ناحية ربنا

انا مش فاهم يعنى ايه الحب الحب يا اختى زواج مش حب ولا علشان تعرفى بابا يبقى كده صح وحلال طيب وبعدين ماهو ممكن يسبيك يا اختى احنا مسلمين والغيرة مطلوبة فى الاسلام من الرجال على امك واختك وزوجتك وابنتك يعنى ابوك لو مزعلش سورى فى اللفظ هيكون قرنين يا بنتى اتقى الله فى نفسك اولا واهلك ودينك
لا اله الا الله اللهم اهدى بناتنا بنات المسلمين

السلام عليكم ورحمة الله وبركاته ..
واضح ان فيه سوء فهم للموضوع ..
انتي تقصدي انك تثبتي لوالدك انك مش بتعملي حاجة غلط وانك بتكلميه كلام ممكن تقوليه أمام أي حد .. وإنك محترمة في كلامك وفيه حدود وكده ..
بس باباكي فهم إن دي تعتبر جرأة منك إنك تكلمي ولد مفيش بينكم أي إرتباط رسمي .. أمامه وكأنه شيء عادي .
انتى : غلط طبعا اللي انتي عملتيه لانك كده بتقولي لباباكي انا هعمل اللي انا عايزة ومش بيهمني ..
الحل : حاولي تتكملي مع باباكي وتفهمية انك مش هتعملي حاجة غلط وفهمية انه لو زعلان من كلامك مع الولد ده ممكن تقطعي علاقتك بيه وكده - بتحايليه طبعا - وعرفيه انك لما اتعرفتي عليه عرفتيهم في البيت وعلشان يفضلوا واثقين فيكي وكده .. بس في المجمل غلط انك تكلمي حبيبك امام والدك بالطريقة دي ..
وتقبلي مروري
** باهر الحميلي **