أنا شاب خطبت فتاة أخت صديق لي، دخلت البيت عندهم بصفتي صديق لأخوها، وبعد ذلك تم التعارف بيني وبينها، وأنا شغلي في مكان حساس، وكان والدها بائع تمر، وكانت الحالة الاجتماعية تحت المتوسط، ولكن حبي لها كان لا يضع فكري في ذلك من رغم ضغط والدي وأمي ورؤسائي في العمل، وخطبتها، وكانت عيني وروحي، ولكن أختها كانت حقودة عليها، وكانت توقع ما بيننا برغم إني وقفت بجنبها هي وزجها بصفة شغلي، وبرغم ذلك دمروا حياتنا وتركتها بسبب إن أخو جوز أختها عايزها، وهو أولى بيها، وده كان كلام جوز أختها واتضح إنه كان قال عليّ إني وِحِش وهاعاملها وحش، وعرفت كده بعد ما سبتها..
أنا لحد وقتنا بحبها لدرجة مش قادر أركز في شغلي، وتركته لخطورة ذلك، وبعد فترة ما قدرتش أنساها إلى أن قررت أن أترك صديقي؛ لكي أنساها، وتركته، اختلقت له سبباً، وبعد ذلك بشهر لم أنسها إلى أن وصلت إلى أن أخطب واحدة أخرى وفعلا حسيت إن أنا ظالمها، كلمة بحبك بتطلع مني بصعوبة، وحسيت إني باظلمها ولسه ما نسيتهاش، وخطيبتي الحالية أهلها كويسين، وهي أجمل منها بس لسه بحبها لدرجة إني فكرت إني أسافر للخارج، هل ده حل؟ ولا أعمل إيه؟ أرجـــــو الــــــــرد.
cobra
أخي العزيز: من الواضح من خلال قراءتي لرسالتك أنك أحببت هذه الفتاة حباً كبيراً، ولكن من خلال الأسطر السابقة أجد أنك لم تفعل شيئاً كي تدافع عن حبك هذا، وأنك استسلمت أمام أول رياح واجهت هذا الحب، وسمحت لتدخل الآخرين أن يفسد حياتكما، وهذا ما يجعلك حتى هذه اللحظة غير قادر على النسيان؛ لأنك تشعر في قرارة نفسك، أنك تنازلت عن إنسانة غالية على قلبك، دون أي عناء للمحافظة عليها أو على حبك لها، فكان يجدر بك بدلاً من أن تتنازل عنها لأخي زوج أختها هذا، والذي تعلم جيداً أنها قد تكون لا تحبه، ولا ترغب في الارتباط به، كان يجب أن تغلق عليه الطريق تماماً، وأن تسرع في الزواج في أسرع وقت ممكن، خاصة أنني أجد أن الضغط كان من قبل أختها وزوج أختها، ولم يكن من أخيها، أو من أي أحد آخر من أسرتها.
لهذا فإن ما عليك فعله ليس أن تهرب من عملك، ومن خطيبتك، ومن بلادك، فالمسألة ليست مكاناً أو زماناً، وكان بالطبع من الخطأ أن ترتبط بإنسانة وأنت تعلم أنك في قرارة نفسك تحب أخرى، وهذا ليس من العدل في شيء، فضع نفسك أنت مكانها ماذا لو كانت هي من خطبت إليك, وهي تحب شخصاً آخر، أعتقد أنك كنت ستشعر بشعور سيئ للغاية، وستشعر بالخداع، ولن تغفر لها فعلتها.
لهذا عليك أن تفعل شيئاً من اثنين: الأول هو أنها إن كانت فتاة طيبة وحسنة الخلق كما ذكرت فعليك أن تعطيها فرصة، وأن تعطي أنت أيضاً لنفسك فرصة بأن تتقرب منها، وأن تحاول أن تعطيها المجال لكي تدخل قلبك وحياتك، ولا تضعها في مقارنة مع الإنسانة الأولى بأي شكل من الأشكال، بل اعتبر أن كلاً منهما حالة خاصة ينبغي أن تتعامل معها دون أن تحدث أي نوع من التداخل.
والحل الآخر هو أن تخبرها بطريقة مناسبة ولطيفة أنك لن تستطيع أن تكمل معها المشوار، وأعتقد أنك إن تركتها الآن سيكون أفضل بكثير من أن تتركها فيما بعد، وتكون قد تعلقت بك أكثر من هذا وتصعب عليها الأمر بشكل أكبر.
أما فيما يتعلق بمحاولتك السفر فأرى أن هذا أمر خاطئ جداً، بل عليك أن تعود إلى عملك، وتجعله هو كل همك، وأن تركز كل تفكيرك وكل جهدك أن تتفوق في عملك، وأن تصل إلى أفضل المناصب؛ حتى تتدرج في عملك وتصل إلى القمة بجهدك، وبقوة شخصيتك، وعليك أن تحاول أن ترفع مستواك الاجتماعي والمادي، لكي تكون مناسباً إذا فكرت في التقدم لفتاة أخرى، وأعتقد أن انشغالك في العمل وإعمال تفكيرك فيه سوف يجعلك أقل تفكيراً في الأمر، وسوف يأخذك من التفكير في الفتاة التي كنت تحبها، وعليك أن تعمل على شغل كل وقت فراغك؛ لأن وقت الفراغ هو الذي يجعلك تفكر كثيراً في الماضي وتعيش فيه.
وأنصحك أيضاً بالتقرب من الله بالصلاة والدعاء أن يخرجك مما أنت فيه على خير، واعتبر أن ما مررت به درساً يعلمك عدم التنازل عن الأشياء الغالية في حياتك بهذه البساطة، بل عليك أن تقاتل من أجل الحفاظ عليها، وأن تفعل كل ما بوسعك، وتترك الأمر في النهاية للمولى عز وجل.
السلام عليكم ورحمه الله
السلام عليكم ورحمه الله وبركاته
انا بعت لكم مشكلتى وعارفه انها بتاخد دورها للرد
وطلبت عدم عرضها والرد ع طريق اميلى
بس بجد محتاجه ردكم لى فى اسرع وقت
لانى متكلمتش مع حد غيركم ومحتاجه ردكم ليا اوى
جزاكم الله خيرا
===============
رد بص وطل
صديقتى شكرا لثقتك فى بص وطل ونوعدك إن شاء الله إن الرد يوصلك فى أسرع وقت .
بص يا اخى انا مقدر مدى
بص يا اخى انا مقدر مدى الحاله اللى انت فيها وانا كنت اعيش بنفس الحاله ولكن مع اختلاف بسيط وهو انى كنت فى الامتحانات فأنا طالب جامعى
بس قدرت اسيطر على نفسى عن طريق مقوله مع الوقت تأكدت انها صح مائه بالمائه وهى مقوله لنزار القبانى انا ما اتذكرها جيد ولكن فى مجملها أنه من السهل أن يضحى الشاب من أجل الفتاة ولكن من الصعب أن تجد فتاة تستحق وهناك بقيه للمقوله أنا لا اتذكرها الأن ولكن أريد ان اقول لك يا أخى ركز فى هذه المقوله جيد وحاول أن تصبر نفسك بها لحد ما تمر اللحظات الصعبه وتجد نصيبك المكتوب لك فهى لم تكن لك أساسا لكى تشغل بالك بها
من وجهة نظري إنك فعلا إستسلمت
من وجهة نظري إنك فعلا إستسلمت لأول عاصفة من غير أي محاولة منك عشان تحافظ علي حبك وأنا شايفة لو أنت متاكد من حبك ليها يبقي ترجع لها إذا كان في فرصة أما لو الفرصة ضاعت يبقي تركز في شغلك وتحاول إنك تكون أحسن واحد في شغلك وتحاول توصل لأعلي المناصب وخطيبتك الحالية من الأفضل أن تعطي لنفسك هدنة يعني سافر لأي مكان لمدة أسبوع مثلا بعيد عن أي حد وفكر فيها شوية لو برضه مش قادر تحس بيها يبقي الأفضل تسيبها دلوقتي أحسن وياريت لو تستخير المولي عز وجل وتسأله أن يعطيك الصواب وربنا يجعلك الصالح دايما ويساعدك علي النسيان
السلام عليكم ازيكم ياجماعه
السلام عليكم ازيكم ياجماعه عاملين ايه بجد باب فضفض لنا ده جميل اوى وبجد بيريح جدا
السلام عليكم ورحمة الله
السلام عليكم ورحمة الله وبركاتة
إرضى بما قسمة الله لك
ولا تبكي على اللبن المسكوب
اكيد كلنا مقدرين الالم الى
اكيد كلنا مقدرين الالم الى انت حاسس بيه انا بردوا خطيبى سابنى علشان ظروف اهلى البسيطة وظروف والدى المرضيه الى هو ملهوش ذنب فيها بس عايزة اقولك انه اذا كنت بتموت مرة فى خطيبتك الاولى اكيد بتموت الف مرة فى اليوم فأنت ظلمت واحدة بلاش تظلم التانية لو فى أمل بسيط أن تتقبل خطيبتك التانية إمشى ورا الأمل ده وإذا ما حستش بدا خالص فبلاش تظلمها أكتر بإنك تبقى معاها لكن قلبك وعقلك مع حد تانى دا أصعب ألف مرة من إنك تسيبها دلوقتى يمكن تقابل حد يحبها ويعوضها وهى أكيد حاسة إنك مش بتبادلها نفس الشعور جرب ولو مقدرتش حاول بجد ترجع خطبتك الأولى الإنسان مش بيلاقى الحب بسهولة ويمكن بيلاقيه مرة واحدة فى عمره واستخير ربنا هو اكيد هيدلك على اللى يناسبك وفى النهاية محدش بياخد مرات حد ربنا يفرج همك وهم خطيبتك الاولى والتانية ويفرج همى والمسلمين يارب
ليه تظلم إنسانه تانيه معاك
ليه تظلم إنسانه تانيه معاك وكمان أنا شايفه أن خطيبتك الأولى ملهاش رد فعل لما سبتهاوأنها سابت أختهاوجوزها يحدد لها مستقبلها وتجوز مين وتسيب مين وزى ماتكون موافقه!!! حاول تركز فشغلك ومع خطيبتك وبلاش تظلم نفسك أكتر من كده لأنك إبتديت تظلم ناس تانيه معاك وتضيع مستقبلك... ربنا معاك
ليه تظلم انسانه تانيه معاك
ليه تظلم انسانه تانيه معاك وكمان أنا شايفه أن خطيبتك الاولى ملهاش رد فعل لما سبتها وانها سابت أختها وجوزها يحدد لها مستقبلها وتتجوز مين وتسيب مين وزى متكون موافقه!!! حاول تركز فشغلك ومع خطيبتك وبلاش تظلم نفسك أكتر من كده لإنك إبتديت تظلم ناس تانيه معاك وتضيع مستقبلك... ربنا معاك
بجد ربنا معاك بس أنا عايزاك
بجد ربنا معاك بس أنا عايزاك ماتستسلمش لحاله الحزن والجواز ده بالذات قسمه ونصيب واللى مكتوبالك هتتجوزها .بس التكافؤ فى الجواز مطلوب وأنت لازم تفكر بعقلك مش بقلبك لأنى من تجارب ناس كتير عرفت ان للأسف الحب مش كفايه وفى حاجات كتير للأسف برده بقت أهم من الحب فى الجواز صلى صلاة إستخارة وإدعى ربنا إنه يختارلك الخير .وأهم حاجه إنك ماتظلمش خطيبتك مادامت كويسه وأهلها كويسين يا تكمل معاها بعقلك وقلبك ياإما تصارحها وتسيبها تعيش حياتها مع حد يسعدها .وربنا معاك ويهديك للطريق الصحيح وللزوجه اللى تسعدك.أنا عارفه إن الكلام بيبقى دايما سهل بس معلش حاول إنك تستفيد من تجارب الأخرين.يارب رأيى يفيدك
خطيبتك الأولي لو بتحبك ربع
خطيبتك الأولي لو بتحبك ربع حبك ليها مكانتش سابت حد يوقع بينكم خصوصا من كلامك إنك في مركز مرموق وهي مش قد كده إنما هي محبتكش خالص ومتمسكتش بيك للحظه عشان كده لازم تنساها قول لنفسك أنا راجل واللي ميخلينيش كحل في عنيه مخليهوش سوري (جزمه) في رجلي وحاول تقرب لخطيبتك وصدقني لو قربتلها من جواك هتحبها وحط في دماغك إن مفيش أي مجال للرجوع للأولي وأنت ساعتها هتحب خطيبتك ربنا يهون عليك ويوفقك
السلام عليكم أخى العزيز إنت
السلام عليكم
أخى العزيز إنت اللى حطيت نفسك فى الحيرة دى ماكانت فى إيدك وإنت اللى ضيعتها من إيدك وماحفيظتش عليها جاى دلوقتى تندم وتقول مش قادر تنساها هو الإنسان بطبعه كده لما تضيع من إيده الحاجة يعرف قيمتها بس أنت كدة بتكمل سيناريو الظلم اللى انت ظلمته لحبيبتك بتركك ليها لشخص تانى بإنك مازلت مصر تظلم إنسانة تانية وهى خطبتك دى بنى آدمه وليها مشاعر حرام تجرحها خطبتها ليه وانت قلبك وعقلك مع إنسانة تانية ومازلت بتفكر فى الموضوع من ناحية الماديات ودى مشكلة ذكرت منصبك كتير وخوفك عليه وأن خطيبتك الأولى أقل منك هى دى مشكلتك إنك بررت لفسك بعدك عنها أن اللى حواليك مش شايفنها مناسبة ليك بس للاسف أنت اللى خسرت سعادتك فى النهاية ماتظلمش الإنسانة التانية ياإما تدى نفسك فرصة تحبها ياإما تسيبها
فعلا قرب من ربنا هو الوحيد
فعلا قرب من ربنا هو الوحيد القادر يخرجك من محنتك دي
وربنا يوفقك وكل المسلمين
كان غيرك أشطر و الله سافرت و
كان غيرك أشطر
و الله سافرت و بقالي اكتر من سنة و ربع مسافر و لسه مش قادر انسى الإنسانة الي كنت خاطبها
خليكي في مصر وسط اهلك و ناسك و ربنا هيكرمك
نصيحة مني
الغربة بتزود الهم مش بتنسي ابدااااااااا و الله
ربنا يعينك و يرزقك باللي أحسن منها
السلام عليكم ورحمة الله
السلام عليكم ورحمة الله وبركاته
حقيقى شكرا لبص وطل على المجهود الرائع اللى بيحصل وحقيقى موقع ممتاز ولذيذ ومتكامل الى حد ما
انا بس لى عتاب عليكم صغير (عتاب الأحبة) كان لى مشكلة بعتها لى بنفسى ايملى ده وحقيقى كان نفسى تنتشر وهتفرق معاى كتيررررررررر جدااا والله هو الرد وصل الايميل والعنوان ( ملقوش فى الورد عيب) بس اتمنى من بص وطل نشره لأجد التفاعل اللى بيحصل واسمع أراء الاعضاء والزوار واللى منهم خطيبتى السابقة التى تخصنى انا وهى المشكلة (نهال) ممكن بجد الطلب يجد عندكم الموافقة
وشكرا لكم وجزاكم الله كل خير
===================
رد بص وطل
صديقى شكرا ليك لثقتك فى بص وطل وإن شاء الله فضفضتك سيتم نشرها على الموقع فى أسرع وقت مع مراعاة إنها بتاخد دور فى النشر وسط عدد كبير من الفضفضات .
ماهو الإنسان مبيحسش بقيمة
ماهو الإنسان مبيحسش بقيمة الحاجة غير لما بتضيع منه
ممكن أقول حاجة لحضرتك أنا لسه
ممكن أقول حاجة لحضرتك أنا لسه طالب بس والحمد لله حالتي حلوة وقادر أخطب من دلوقت وحبيت واحدة زميلتي وهي بجد أجمل واحدة في الكلية بس ماحستش انها بتحبني بنفس حبي لها أو بمعنى أصح بتلعب بيا فكان لازم أسيبها وعلشان أنساها ركزت في دراستي المقصود من كلامي إرجع لشغلك واجتهد وصدقني هتنساها زي ............. وشكرا
لو فعلا مش هتقدر تحب اللي أنت
لو فعلا مش هتقدر تحب اللي أنت خاطبها سيبها ومتظلمهاش أكتر من كدا لو سيبتها دلوقتي ممكن تسامحك ف يوم من الأيام لكن لو فضلت معاها وأنت قلبك مع غيرها عمرها ماهتسامحك أبدا
قبل كل شىء استخير ربك يا اخى
قبل كل شىء استخير ربك يا اخى وقرب من ربنا أوووووووى واعرف انت عاوز ايه فى حياتك حتى تستطيع ان تسعد وتنتبه لشغلك
