أحب أشكركم جداً على الفرصة دي وأحب كمان أدخل في الموضوع على طول. أنا كنت أعرف واحد من حوالي سبعة شهور؛ المهم إني طلبت منه إنه ييجي ويقابل بابا، وفعلاً جه لوحده وحدد ميعاد مع بابا علشان يجيب باباه؛ المهم إنه ما جاش بسبب فرح أخوه وحتى ما اعتذرش. المهم إن بابا بكل هدوء قال لي اقطعي علاقتك بيه لأنه بيتسلى بيكي، وده حد مش محترم.
وقطعت علاقتي بيه لمدة أسبوع، وما قدرتش، ورجعنا تاني وقال لي إنه هييجي على العيد، كان فاضل أيام على العيد؛ المهم إني صدقته، وجه العيد وجه عريس ليّ كويس جداً، وما يترفضش خالص، وأهله ناس كويسين جداً؛ المهم اتخطبت ورجعت كلمته تاني واتفقت إني أفركش الخطوبة علشانه، وبالفعل فركشت واتلككت لخطيبي، وجه واعتذر لي على الرغم من إنه مش غلطان.
المهم إن المشكلة إن خطيبي مش رومانسي خالص خالص، مش عارف يشغلني بيه؛ فباضطر إني أسمع الكلام ده من الأولاني..
أنا عارفة إنه عيب وحرام وغلط؛ بس أنا حاولت أتقي الله في خطيبي وأبعد عن الأولاني، وطلبت من خطيبي إنه يكون رومانسي؛ بس هو مش عارف، وقال لي إنه هيحاول؛ بس ما حاولش.. كلامه كله تهريج.. هو آه كلامه كبير وفاهم في كل حاجة؛ بس أنا عاوزة واحد يحس بيّ ويحسسني بيه.. أنا مش عاوزة من جوايا أكون ليه وأفكر في كلام واحد تاني. أعمل إيه أنا حيرانة جداً. ساعدوني.
lolam
حدد ميعاداً مع والدك ولم يأتِ بحجة فرح أخيه؛ ولكنه لم يعتذر لوالدك حتى ولو بالتليفون، ثم طلب منك والدك مقاطعته ولم تستطيعي، وعُدتي له بعد أسبوع، ووعدك أن يتقدم لك مرة أخرى على العيد ولم يحدث ولم يحترم وعده لك، ثم تقدم لك في نفس الوقت عريس آخر محترم ولا يمكن رفضه؛ يحافظ عليك ويخاف على زعلك، ويحترمك؛ كما أنه مثقف ومطلّع وكلامه متوازن.
ولكنك لازلتِ تفكّرين في الأول الذي طلب منك أن "تفركشي" الخطوبة حتى يعود لك مرة أخرى.
وبالفعل نفذتي ما طلبه منك، و"اتلككتي" لخطيبك علشان "تفركشي" الخطوبة؛ إلا أن خطيبك -لأنه شخص محترم ويحمل لك مشاعر طيبة- لم يحتمل زعلك، وحاول أن يرضيكِ على الرغم من أنه مش غلطان في حاجة على حد قولك.
وعلى الرغم من كل تلك الميزات في خطيبك؛ إلا أنك لازلتي تحنين للشخص الأول لأنه يجيد شيئاً لا يجيده خطيبك كثيراً وهو أداء الرومانسية.
وعليه؛ فأنتي قررتي أن تجمعي بين الاثنين بين العريس المضمون صاحب الأخلاق الحميدة، وبين الصديق الرومانسي اللي يعوضك عن الشيء الذي لا يستطيعه خطيبك.
إنني بالطبع لم أضف جديداً ولم أعطكِ حلاً حتى الآن؛ ولكني فقط كنت أحاول أن أعيد صياغة قصتك ببعض المصطلحات التي لا تدركين أنها موجودة.
واعذريني أيضاً إذا كنت لا أستطيع أن أطلق على هذا الشخص الآخر وصف الحبيب لأكثر من سبب: أولهم أنك تعرفتي عليه منذ سبعة أشهر فقط، وهي فترة غير كافية حتى يتعلق قلبك به إلى هذه الدرجة، كما أن الحبيب يجب أن يتحلى بصفات كثيرة جداً؛ أهم من أن يكون رومانسياً ويجيد الكلام المعسول.. فكان ينبغي عليه أن يهتم أكثر لكرامتك ولوعده مع والدك الذي أخلفه بدون أي سبب مقتع. ولكني لا ألومه؛ إنما ألومك أنتِ.
صديقتي العزيزة.. أين كرامتك من كل هذا؟! هل تقبلين أن يفعل بك خطيبك كما تفعلين؟! وماذا سيكون شعورك وقتها لو علمتي بذلك؟! ماذا لو ارتبطتي بهذا الشخص الذي تخدعين خطيبك من أجله، هل سيثق بك؟!
ما الذي يضمن له أنك لن تحادثي أحداً آخر أثناء علاقتك به؟!.. فقد يهيأ له أنك قد تحنين لخطيبك.. صدقيني.. كل هذه الأفكار ستدور في رأسه.
إن أفضل حل لك هو أن تبعدي نفسك عن كل هذه الدوامات التي لا يحمد عقباها، وأن تقرري مع نفسك من ستختارين؟!
ولأنني حقاً أريد مساعدتك سأعقد معكِ مقارنة من الممكن أن تحسم لك الأمر قليلاً...
سنبدأ بالشخص الأول: هو ررومانسي كما تقولين، لم يحترم ميعاده مع والدك في المرة الأولى، ولم يحترم ميعاده معك في المرة الثانية، كما أنه ارتضى على كرامته أن يحادث بنتاً مخطوبة لغيره.
بالنسبة لخطيبك: جالك من الباب، محترم، لم يحتمل زعلك منه على الرغم من أنه مش غلطان، دمه خفيف، كلامه كبير، فاهم في كل حاجة، مش رومانسي.
أعتقد أنه بعد تلك المقارنة أنت تعرفين جيداً رأيي مع من؛ ولكنه ليس مهماً، أهم شيء أن تكوني أنت مقتنعة بالشخص الذي سترتبطين به.
وإذا كانت كل مشكلتك مع خطيبك أنه لا يجيد الرومانسية؛ فأحب أن أطمئنك أن الشخص الذي الذي لا يحتمل زعلك (حتى لو كان مش غلطان) ممكن ييجي منه في موضوع الرومانسية ده لو أنك بذلتي معه شوية مجهود.
وأخيراً أتمنى لك التوفيق في اختيارك، وألا تندمي على أي قرار تتخذينه في حياتك، واستعيني بالله دائماً، ولا تنسيه؛ فهو خير معين.
انتو لية بتستهزؤا منها يعنى
انتو لية بتستهزؤا منها يعنى هى بتعرض مشكلتها علشان حل مش علشان تستهزؤا منهاوبعدين فى ناس كتير كده والبنات الأيام دى عايزة واحد ينفع للجواز يعنى يقدر على مصاريف الجواز وواحد يحب
ده اصلا اسمه هبل رسمى اصلا من
ده اصلا اسمه هبل رسمى اصلا من البدايه انتى غلطانه ورخصتى نفسك اوووووووى عشان كده هو محترمش كلمته ومجاش يطلبك
والمشكله انك رخصتى نفسك قدام اهلك كمان يعنى من الاخر لازم ترجعى لنفسك وتفكرى بجديه اصل الموضوع مش فسحه وخروجه حلوه
ده واحد محترم اتقدم وزى مهوا محترم عايز يلاقى مراته اكثر احتراما منه وده طبعا حقه يابنت الناس متخليش الدنيا تغرك بحاجات فى وقتها حلوو وبعد كده ووحش اوووى اصبرى وبعدين هو خطيبك اكيد مش عملى للدرجه اكيد فى حبه رومانسيه
بس المشكله من كتر ما قعدتى 7 شهور تسمعى كلام حلو مش بقيتى تحسى باى كلام تانى وهيا دى مشكله الصحووبيه
ربنا يهدينا ويغفر لنا ومتتطبطرريش يابنت الناس
بسم الله الرحمن الرحيم اولا
بسم الله الرحمن الرحيم
اولا وقبل كل شى
انك لما تكلمى واحد وانتى مش مخطوبه اصلا فدا حرااااااااااااااام
فما بالك وانتى بتكلميه وانتى مخطوبه؟؟!!
بصى يا انسه الموضوع سهل جدا بس انتى اللى معقداه
لو كل واحده عايزه خطيبها عملى وصاحبها رومانسى قولى على الدنيا السلامه
وانتى اكيد فاهمه كلامى اوى
يعنى من الاخر
1-اتقى ربنا فى نفسك واستغفريه وتوبى اليه
2-تقطعى علاقتك بالشخص التافه الاولانى اللى بيلعب بيكى
3-ترجعى بسرعه جدا جدا جدا لخطيبك المحترم
4-قربى من خطيبك وفهميه انتى محتاجه تسمعى منه ايه
++++++والنتيجه باذن الله خيييير
سلام عليكم ورحمه الله وبركاته
انتى انسانة غير محترمة
انتى انسانة غير محترمة وتستاهلى ان الرومانسى ده يلعب بيكى لانك بدون كرامة
سبحان الله في أمرك يا أختي
سبحان الله في أمرك يا أختي والله أنتي هتعاقبي علي اللي بتعمليه ده وما فيش كلام عندي أكتر من الأخوه والأخوات قالوه لأنهم بصراحه وجزاهم عنا خيرا قالوا كل الكلام بصراحه وبوضوح منهم الحاد ومنهم اللين أقصد في الأسلوب طبعا . بس في الحقيقه الحاد في كلامهم ليهم عذر لأنك فعلا في نوع من الإستفزاز
الرومانسي بيلعب بمشاعرك ومش
الرومانسي بيلعب بمشاعرك ومش جاد ومش محترم وبصراحة أنتِ لو بنتي لا يمكن أتمنه عليكِ
خطيبك مش حتعوضيه
خلي بالك من نفسك علشان متخسريش فرصتك في حياة جميلة
وربنا يوفقك إن شاء الله للي فيه الخير ليكِ ويبعد عنك كل شر..
وادعي الدعاء الجميل ده..
اللهم أرنا الحق حقا وارزقنا اتباعه
وأرنا الباطل باطلا وارزقنا اجتنابه
ربنا ينور لك طريقك.. إن شاء الله
على فكره انته عاوزه تتكربجي
على فكره انته عاوزه تتكربجي هههههههههههههههههههههههههههههه
اولا ربنا يهديكى بس الاولانى
اولا ربنا يهديكى بس الاولانى ده بيتسلى بيكلى لاقى واحد سهله هيفكر يجوزها ليه مهو بسمع منها كل حاجه وبتسمع منه كل حاجه وبعدين حتى لو ارتبطو والله مهتعيشى مرتاحه وهيشك فيكى ديما يكفى انك كنتى بتكلميه وانتى مرتبطه بغيره وكمان سبتيه ورجعتيله عمره مهيفكر فيكى حقيقى خطيبك مسكين ولو سبتيه هيكون ربنا بيحبه ارادله واحده احسن مش بتخونه ربنا يصلحله الحال ويهديكى
انتى عارفة انتى عايزة ايه
انتى عارفة انتى عايزة ايه انتى عايزة واحد ي...... بس خايفة من ال....... والحدق يفهم
معدش فيه ضمير خالص ولا
معدش فيه ضمير خالص ولا ايه
عمتا نفضي وكبرى وخليكى مع الاتنين واتجوزى خطيبك وافضلى كلمى الاولانى بردو عشان يسمعك كلام حلو يا حلو انت يا حلو
ربنا يهديكى ويشفيكى يابنتى
مين اكدلكم اصلا ان اللي كاتب
مين اكدلكم اصلا ان اللي كاتب الموضوع ده بنت فعلا ميمكن ولد وعاوز يفتح حوار وخلاص ولو فعلا بنت وحقيقي الكلام اللي بتقوليه ده ففعلا ربنا يرحم المسلمين لاني لما بشوف وحدة بالاسلوب ده او بطريقة التعامل دي بستحقرها ومتستحقش ولا انها تسمع كلام حلو الا عشان حاجة واحدة بس كلنا عارفينها وهي الجنس مش اكتر لان كونه يبقي عارف انك مخطوبة وعادي جدا يكمل وانتي كمان عادي جدا تكملي يبقي فعلا الطيور علي اشكالها تقع ( ده لو فعلا بنت والكلام ده حقيقي ) سلااااام ربنا يهدي
انتي غريبة جدا زي ما تكوني
انتي غريبة جدا زي ما تكوني عايزة واحد بتاع كلام وخلاص على فكرة الأولاني دا مفيش عنده اي مسؤلية وطالما بدأ بكدا صدقيني يبقى لا يعتمد عليه ودايما استفيدي من تجارب الخريين في الموضوع دا ودا بيتسلى زي ما والدك قالك
بالنسبة للتاني ايه المشكلة انه مش رومانسي او انه مش بيعرف يتكلم عادي جدا وبصراحة انتي ممكن تخليه يبقى رومانسي وقوليله انتي كلام حلو لحد ما هتلاقيه لوحده بدأ يتغير للأحسن
انما بطريقتك دي مش بتحترمي نفسك اولا ولا بتحترمي رجولة وكرامة شخص محترم اتقدملك وتخيلي لو انتي مخطوبة لحد وخطيبك بيعمل عمايلك دي ايه هيكون رد فعلك لو مش هتتقي ربنا في الانسان دا وتكوني مخلصة ليه وتسيبك من لعب العيال الأولاني سيبيه الوقت وبلاش تظلمي حد تاني معاكي
كلمه ورد غطاها العيب فى
كلمه ورد غطاها
العيب فى خطيبك
ايه الى يخليه مش رومانسى
بدام مش رومانسى يبقى احسن له يسلم نفسه لاقرب قبر
ارومانسيين بس هما الى بيتجوزى فى الزمان دا
على فكرة انا حاسس انى كل
على فكرة انا حاسس انى كل كلامكم فبركة فى فبركة ,,,,,,,,,,,,,,,,,
انتو مفبركتية
لازم تحافظي علي خطيبك وواحده
لازم تحافظي علي خطيبك وواحده واحده حاتعرفي تغيريه خدي اللي بيحبك وماتخديش اللي انتي بتحبيه عشان الاولاني مش حايتغير حايفضل طول عمره يستهتر بيكي كده وبمواعيدك والناس اللي تخصك
بصي كلمتين من الاخر انتي لو
بصي كلمتين من الاخر انتي لو مش عاوزاه قوليله انا مش عاوزاك ولو عاوزاه قوليلو عاوزاك وسيبك من الجبان الاولاني بصي نهاية كلامي انتي طماعة عين في النار وعين في الجنه النار دي الانسان اللي بتقولي عليه رومانسي والجنه الانسان اللي دخل من الباب اتقي الله يجعل لكي مخرجا
عايزة واحد تحسى بيه عليكى
عايزة واحد تحسى بيه عليكى وعلى قرن شطة حامى مولع وانتى هتحسى بيه قوى وربنا يسامحك
السلام عليكم ورحمة الله
السلام عليكم ورحمة الله وبركاتة ،،،،،
عارفة المشكلة فين إنك مش بتحبى الأتنين ولا بتحبى صديقك ولا بتحبى خطيبك أنتى بتحبى بس اللى بيقول لك كلام حلو وأنتى شايفة إنها هى ديه الرومانسية بس للأسف مش هى دية الحقيقة مش معنى الرومانسية إنه دائما يقول لك كلام حب . وعلى فكرة الرومانسية بردوا موجودة فى خطيبك بس أنتى اللى مش شيفاها أو مش قابلة أنك تشوفيها كل واحد بيكون فية جانب رومانسى بس لازم اللى قدامه هو اللى يطلعه منه أوأنه يشوفوا كويس خطيبك بردوا رومانسى بس أنتى لو لاحظتى ده هاتفهميه هو رومانسى بردو بدليل أنه صالحك على فكرة ولو هو مش رومانسى كان قال إنه ماغلطش وإنتى اللى غلطانة بس هو فعلا طلع رومانسى وبيحاول يقرب منك وأعتقد إنه بيحترمك وعايزك بدليل إنه صالحك وماقالش كرامتى وأنا مش غلطان .
والثانى فعلاً لو عايزك مكنش أتردد لحظة أنة يدق الباب ويدخل بس للأسف هو طلع أنسان مش كويس لأنه بيلعب بيكى وأظن لو كان شخص تانى هو اللى بيقول لك كلام حلو زى ده كنتى بردوا كلمتيه .
ياريت تفكرى صح وماتضيعيش نفسك ولا تضيعى الفرصة من إيديكى .
ونصيحة منى حاولى تدورى على الجانب الرومانسى اللى فى خطيبك أو خليكى أنتى رومانسية أكتر منة ولما هو يشوفك رومانسية دائما معاه صدقينى هو هيحاول كتير أزاى يكون معاكى رومانسى لانة هايشوف انتى إزاى بذلتى مجهود.
وربنا يوفقك ويهديكى .
انتى لا تستحقي خطيبك بالعكس
انتى لا تستحقي خطيبك بالعكس تستحقى واحد زى الاولانى ههههههههههههههههه
للموقع وليس للموضوع عدم ترتيب
للموقع وليس للموضوع
عدم ترتيب الردود حسب التاريخ والوقت يجعل القارئ لا يملك القدرة علي فعل هذا بنفسه يعني لابد من ترتيب الردود بحسب توقيتها ويا ريت تكون مرقمة لان من الطبيعي ان القارئ يرد علي اخر رد موجود او اي رد اخر وذلك يجعل التواصل اكثر مع هذا الموقع شكرا لسعة صدركم
==================
رد بص وطل
صديقى شكرا على ثقتك فى بص وطل ونوعدك أننا هندرس إقتراحك ونحاول ننفذه بإذن الله
أسفة أوى للى سمعته منك
أسفة أوى للى سمعته منك المفروض تفكرى بعقلك أكتر خطيبك محترم على حد قولك والتانى دا على حد قولنا كلنا لا فكرى إنتى مستفيدة إيه منه وهو مستفيد إيه منك وحتسفيدى من حبيبك بإيه أكيد حاجات كتير أوى دا لو بيحبك مكنش سابك تتخطبى من الأصل ربنا يوفقك
ياجماعة دية واحدة خاينة ومش
ياجماعة دية واحدة خاينة ومش هاينفع معاها اية نصيحة وخسارة فيها خطيبها الغلبان
بصراحه إنتى انسانه هش جدا
بصراحه إنتى انسانه هش جدا ومحتاجه لواحد هش زيك أما المحترم فهيلاقى محترمه مثله
بصى....داين تدان.....انتى
بصى....داين تدان.....انتى واحدة طبعها انها تخون وده واضح من كلامك ....اللى زيك نهايتها معروفة .
يابن ادم افعل ما شئت كما تدين
يابن ادم افعل ما شئت كما تدين تدان - وربنا يهديكي
ويهدي شباب وبنات المسلمين
سؤال و تجاوبى علية اية هو
سؤال و تجاوبى علية
اية هو هيكون شعورك لو اللى بتحبيه خطبك وإكتشفتى إنه على علاقة بواحدة تانية ؟
أنا خطيبى مش رومانسى زى و أنا
أنا خطيبى مش رومانسى زى و أنا كنت فى الأول بتضايق جدا و أحس أنى محتاجه أسمع كلام منه و كده كلمته كذا مره و قلتله على اللى أنا حساه و أنى عايزه أكون أسعد واحده فى الدنيا معاه و هو بصراحه عايز يسعدنى بيحاول على قد ما يقدر يحسسنى بإهتمامه و يقولى كلام حلو وأنا شايلاله ده أوى لأنه همه سعادتى بس ده مجاش فى يوم و ليله أصبرى وأكيد هتلاقى نتيجه ده لو عايزه تدى نفسك فرصه تحبيه لكن الأول ده إنسان نصاب و الله أعلم عايزك ليه وربنا يهدينا و يهديكى
ana h2olk 7aga enti la
ana h2olk 7aga enti la tstahli da wala da w enti 3rfa enit btfkri f eih w tsthli eih w 5li eltab2 mstor
انت عايزة اللى يتسلى بيكى مش
انت عايزة اللى يتسلى بيكى مش يكون واحد جاد ومحترم خليكى مع اللى احترمك واحترم اهلك واحترميه هو خطيبك عيب انك تعملى الحركات دى لو انت سبتيه ورجعتى للرومانسى ده عمره ما هيفكر فيكى اللى يبع بسرعة عمر ما حد يشتريه اتقى الله فى تصرفاتك
هو فى حد لاقى حد يحبه ويتمسك
هو فى حد لاقى حد يحبه ويتمسك بيه فى الزمن ده اتقى الله
حرام عليكي أنتي إنسانة خاينة
حرام عليكي أنتي إنسانة خاينة وتستحقي الى بيحبك يخونك روحي ربنا ينتقم منك الرجاء النشر عشان تتعلم
بداية أحب أعلق من غير ما أزعل
بداية أحب أعلق من غير ما أزعل حد لكن دي سمة اليومين دول البنت بقت سهله هسألك سؤال واحد فين كرامتك ؟؟؟؟ أنتي بالنسبه لصاحبك سهله أوي ومش محتاج يتعب عشان يكلمك لانك -معلش- سهله بالنسبه له يبقى هيتقدم ليه لكن التاني حد محترم مش محتاج يتعرف عليكي أو يقولك أنا صليت صلاة إستخارة ولقيت إن الجوازه مش نافعه وأفلام اليومين دول. واحد جه دخل من الباب أي نعم مش رومانسي بس دا رجل يصونك لكن الأولاني إنسي إنه يصونك لأنك كلمتيه وأنتي مخطوبة يعني عمره ما هيديكي الأمان وصدقيني مينفعكيش
انا مش هقول انى اللى بتعملية
انا مش هقول انى اللى بتعملية دا حراااااااااااااااااام و خالى بالك من نفسك
ما تزعليش من كلامي لكن
ما تزعليش من كلامي
لكن الخلاصه انك ما تستاهليش المحترم
انا رأيي انك من نفس نوعية
انا رأيي انك من نفس نوعية حبيبك الاولاني وبتتستري وراء الرومانسية انا شاب وهفهمك الاتنين واللي اعتقد انك فاهمة كل حاجة كويس الاول بيتسلي والتاني محترم اتمني من الله ان لا تكوني من نصيبه لانه فعلا شخصية محترمة حرام يتجوز او يرتبط بانسانة خاينة انما انتي من نفس نوعية الاولاني تسلية وامور تانية كلها غلط بداعي الرومانسية. الرومانسية فيها عزة نفس واحترام مش ترخيص اعتقد ان فية حاجة سر حصلت بينكم ولو بسيطة عشان كدة انتي عايزة الاولاني يمكن اكون قاسي بس انا كنت خاطب انسانة من نوعيتك والان متجوز ومعايا بنوتة عندها 4 شهور من انسانة قمة في الادب والاحترام وبنحب بعض جدا والحمد لله وربنا مرضيش ليا بفضل دعاء الوالدين ان تكون الاولي اللي من نفس نوعيتك تكون من نصيبي وعوضني خير منها انا والله اتمني ان خطيبك المحترم يبعد عنك معلش انا اسف لانة ميستاهلش كدة منك ويستاهل انسانة افضل تراعي ربنا انتي من اولها وخاينة اومال لما تتجوزي ممكن حضرتك تحبي زميل العمل او جارك
يلا ربنا يريد لك الخير
ارجو النشر
بتفكريني بفيلم سعاد حسني
بتفكريني بفيلم سعاد حسني وفريد شوقي وسمير صبري......
تهريج بنت بجد هوة فى
تهريج بنت بجد هوة فى اية
هية اصلا مش عارفة هية عايزة اية بالكلام ينضحك عليها
ودى اسمها خيانة على فكرة لو انتى فى الموقف العكس وخطيبك او جوزك هوة يعرف عليكى واحدة هتعملى اية
اتقى ربنا فى حياتك علشان كما تدين تدان
وروحى صلى ركعتين
عيييييييييب يا شابة ..... مش
عيييييييييب يا شابة .....
مش تعملى كده تانى
........................؟
بصى هقولك على حاجة أنا ولد
بصى هقولك على حاجة أنا ولد وهكلمك بعقلية الولدين خطيبك وصديقك
خطيبك انسان محترم خبط على الباب وحتى لما حبيتى تسيبيه هو اتمسك بيكى اللى زى ده بيكون منع نفسه عن حاجات كتير غلط علشان لما ياخد واحدة ميتعملش فيه الغلط
اما صديقك فده بيتسلى شايف واحدة مرمية عليه بكلمة يجيبها والكلام الحلو مفيش اكتر منه واهو وقت وبيقضيه
اللى بيقول مبيعملش واللى بيعمل بيجيبها وش وصديقك تأكدى مليون فى المية انه لو عايز يتجوز مش هيتجوزك انتى ببساطة انتى كنتى صيد سهل بالنسبة له فممكن برده تبقى صيد سهل لغيره وانتى معاه
اتقى الله فى الانسان الى
اتقى الله فى الانسان الى معاكى افعل يا ابن ادم كما تشاء كما تدين تدان
السلام عليكم ورحمة الله
السلام عليكم ورحمة الله وبركاتة
برأيي أنتي والشخص اللي بتحبيه اللي هوه الأولاني من نفس النوعية ومش غريب أبدا أبدا إنك تكملي علاقتك بيه بعد خطوبتك لانك لا تحبينه وهوه ايضا لا يحبك وغرض هذه العلاقة ليس طيب كيف تحبينه وتقبلين بعريس أخر ؟؟ وكيف تقبلين علي نفسك إنك تكملي العلاقة معه وهو لم يتقدم لخطبتك وخالف ميعاده مع والدك وبالرغم من ذلك رجعتي له مرة أخري يبقي الغرض مش الحب بل أشياء أخري وهذه الأشياء الأخري حتي لو وجدتيها في الشخص الاخر لا تقتنعين بها معه ولذلك اقول إنكم من نفس النوع أنتم الأثنين غير رومانسيين تماما الرومانسية والحب لابد ان تكون مصحوبة بعزة النفس وتقديرها وإحترامها وهذه العلاقة خالية من كل هذا وعلي العموم أي كلام سوف تسمعينه مني أو من غيري لا يجعلك بالفعل تنهي هذه العلاقة لأنك مش محتاجة لأراء تعكر ما أنتي فيه ولكن محتاجة لأي حد يقولك إنك صح علشان ضميرك يرتاح بس مفيش حد ح يقول غير الحقيقه دوري علي مكان أخر معلش يمكن تعليقي يكون قاسي بس أنا شايف أن الحقيقة قاسية جدا جدا ربنا يهديكي
انا شاب عادى جداااا واقل من
انا شاب عادى جداااا واقل من عادى انا الحمد لله مسلم الحمد الله على نعمة الإسلام وكفى بها نعمه ربنا بيقول فى كتابه "ولامتخذات اخذان "وكمان بيقول "وليستعفف الذين لايجدون نكاحا حتى يغنيهم الله من فضله" وبصراحه وده رأيى الشخصى البنت عليها عامل كبير اوى فى الكوارث اللى بتحصل الايام دى لازم البنت تكون عفيفه البنت غاليه اوى والإسلام كرمها الشاب لازم يتعب ويكافح علشان يكون جدير بيها ويفوز بيها ويمتلك قلبها وعموما الرومانسيه مش كلام بس ممكن تكون أفعال بس انتى شكلك بجد مدلعه حبتين
والله العظيم انا خطيبي مش
والله العظيم انا خطيبي مش رومانسي خالص وعملي موووووووووووووت جدا جدا يعني ممكن يأخر مجيه عندنا او يعتذر عن اليوم اصلا عشان شغل فجأه جاله وبعت مشكلتي للموقع وكنت حاسه ان الموضوع كبييير جدا بس عمري ماافكر اكلم حد غيره لان اولا ديني يمنعني وكرامتي وكرامة اهلي وكرامة خطيبي اللي كفايه اوي انه بيحترمني ودخل البيت من بابه والحمد لله مش بيفكر ف اي واحده غيري فكري ف ربنا وف نفسك واهلك وادي نفسك وقت شويه تحسي مميزات خطيبك وحتى لو مش هتكملي مع خطيبك سيبي الولد اللي بتكلميه عشان حرام وعشان هو اصلا عمره ماهيحترم واحده زيك
ربنا يجعل كل خاطب رومانسي مع خطيبته بس ف حدود الدين والاخلاق
وربنا يهدينا جميعا اللهم آمين
حرام عليكى والله عارفه لو
حرام عليكى والله عارفه لو سبتى خطيبك وجه صاحبك ده وصدق فى كلامه وخطبك مش هتلاقى الرومانسيه الزايده اللى انتى شايفاها فيه دلوقتى .وعلى فكره الحب مش كلام وبس الحب افعال واكيد صاحبك ده مش بيحبك لانه معملشى حاجه علشانك كل اللى بتاخديه منه كلام.اما لو بحبك كان اول معرف انك هتتخطبى مكنشى هيستحمل تروحى لغيره .وكان خد خطوه انما هو بيتسلى بيكى.حافظى على خطيبك وسيبك من صاحبك علشان لو استمريتى فى العلاقه مع صاحبك هتخسرى الاتنين .خطيبك وصاحبك اللى مش هيثق فيكى ابدا بعد كده .على فكره انا ولد واسمى ميدو
كلام غريب جدا هى البنات لاقيه
كلام غريب جدا هى البنات لاقيه رجاله جادين فى الزمن ده انتى شكلك اللى عايزة تتسلى وحرام تظلمى خطيبك معاكى
العلاج الوحيد لحالتك دى انك
العلاج الوحيد لحالتك دى انك تصارحى خطيبك وتعرفيه ان فى حد تانى فحياتك لان ده معناه خيانه لو مش لخطيبك هيبقى لنفسك والشخص الأولانى اللى انتى بتقولى عليه رومانسي ده إنسان مستهتر معندوش مبادئ بدليل إنه موافق يكون على علاقه بيكى وأنتى مخطوبه يعنى مش ملكه يا ترى هو يقبل يتعمل معاه كده وانتى كمان تقبلى حرام عليكى وكل اللى المفروض يحصل هو ان خطيبك يعرف وساعاتها هيقبل انه يساعدك او ينسحب بكرامته ...... فهمانى كرامته لأنه إنسان صاحب كرامه عارفة الكرامة يا هانم
طب انا كمان رومانسى اية رأيك
طب انا كمان رومانسى
اية رأيك تسيبك من التانى
ههههههههههههههههههههههههههههه وخطيبك
نفتح صفحة جديدة من الأول وجديد
انا مع رايى باهر جدا جدا...
انا مع رايى باهر جدا جدا... وفعلا انتى مرخصه نفسك اوى اوى
مقدرش اقول غير " يااااااااااا
مقدرش اقول غير " يااااااااااا ررررررررب ارزقنى بواحد محترم ما شاء الله زى خطيبك "
ومن فضلك فكرى
رومانسية ايه يا شيخة
اهم حاجة الاخلاق
الأخلاق ثم الأخلاق ثم الأخلاق
ياما رجالة بيسمعوا مراتتهم و حبايبهم كلام جميييييييييييييل وبيطلعوا رجالة فلصوا
صلى صلاة استخارة إدعى ربنا بالهداية
بس نصيحة منى ليكى خطيبك ده ما شاء الله عليبه جوهرة أقسملك بالله العلى العظيم ما حتلاقى زيه بعد كده وحتندمى ندم الدنيا
وفى الاخر ربنا يتمم لك ع خير يا ستى بس خدى بنصيحتنا