أنا أعمل طبيباً، وخطبت فتاة من المدينة وأنا من الأرياف، وبصراحة عجبتني، وعلى فكرة أنا شكلي مش جذّاب ودي مشكلتي، بالكاد أكون مقبول، وتاني يوم الشبكة لقيت والدها بيقول لي: إن الناس قرايبي شكلهم غلابة، وبعدين سافرت إلى الخليج، ولقيت أبوها بيحاول يغيّر في اتفاقاتنا عن مكان السكن، وبدأت المشاكل بعد شهر بالظبط من الخطوبة، ولقيت خطيبتي اتغيّرت بقت بتعترض على كل كلمة بقولها، وتقول نتكلّم كل أسبوع عشان الدين، وإننا بنقول كلام حرام.. أعمل إيه؟!! مع العلم إني جايب شبكة ييجي بعشرين ألف جنيه، هل لقوا لها عريس أحسن مني؟!! ولّا بيحاولوا يخلوني أفسخ الخطوبة بإنهم يخلوني أغلط وياخدوا الذهب؟!!
drahmeeed
صديقي العزيز، أرى أن الصراحة والوضوح هما الحل الأفضل لمشكلتك التي ذكرتها، فأنا أراك متشكك وحيران تراودك الأفكار السيئة بخطيبتك وأهلها.
فأراك بدأت تشك في جميع ما يقومون به من أفعال سواء تغيير في الاتفاقات المبدئية مثل مكان السكن أو تشك في كلام خطيبتك، وتفسّره وفقاً لهواك ووفقاً لما يدور في رأسك من سيناريوهات قمت برسمها.
وأحب أن ألفت انتباهك لشيء من الممكن ألا تكون قد لاحظته، وهو يتمثّل في قولك "شكلي مش جذاب وبالكاد أكون مقبول"، فهل أول مرة خطيبتك وأهلها يروك فيها كانت في يوم الخطوبة؟ ولو افترضنا جدلاً أنها كانت المرأة الأولى، فلماذا وافقوا على إتمام الخطوبة من البداية طالما لم يقبلوك شكلاً أو موضوعاً؟ وهذا سؤال يجب أن تجاوب عليه بنفسك حتى تتضح لك أشياء كثيرة من الممكن أن تكون قد غابت عليك أثناك تفكيرك الشكاك.
صديقي العزيز:
هناك تفاصيل كثيرة لم تذكرها في رسالتك، مثل كيف هي شكل علاقتك بخطيبتك قبل إعلان الخطوبة الرسمية؟!! هل كان بينكما استلطاف أم لا؟ كيف كانت علاقتك بأهلها قبل إعلان الخطوبة هل كانت فاترة أم متوترة؟
أشعر من خلال كلامك يا صديقي بأن هناك حلقة مفقودة وعن طريقها ستتمكن من فهم هذه العلاقة الغريبة التي تشكو منها، وبشكل عام كل ما يمكنك أن تقوم به حالياً هو أن تتصل بخطيبتك أو والدها، وتسألهما بشكل مباشر وواضح عن سبب التوتر والتغيّر الذي ألمّ بهما؟
فإذا كان هناك سبب فأعتقد أنهما لن يستطيعا إخفاءه إذا لم يرغبا باستمرار هذه الخطبة، أما إذا لم يكن هناك سبب وكان كل ما يدور بعقلك مجرد أوهام فهذا ستلاحظه بنفسك من خلال كلامهما معك أو نفيهما لوجود أي سبب كان.
ونصيحتي لك هي أن تتزوّج بمن تجد فيها العطف والسكن، وتححق معها الرحمة لا من تنظر إلى مالك وترغب فيه أكثر منك، وفي النهاية أدعو الله لأن يوفّقك لما فيه الخير إن شاء الله.
افتح الموضوع على بلاطة ولو
افتح الموضوع على بلاطة
ولو مقتنعتش بسبب تغيرهم معاك
افسخ الخطوبة
وخد حاجتك كلها
وربنا يرزقك بحد احسن وانسب وهى كمان
مش بالضرورة أن الموضوع فيه
مش بالضرورة أن الموضوع فيه مؤامرة - لكن ممكن لأنك بعيد عن البنت و سافرت بعد الخطوبة على طول ما بقاش في ألفة بينكم و خصوصا أن مفيش معرفة سابقة بينك و بينها قبل الخطوبة
ومن حيث المبدأ هي وافقت على أساس تعرفك بعد الخطوبة
هاتعرفك إزاى و أنت في بلد و هي في بلد لازم تحس إنها إتغيرت لأنك ما تعرفهاش أصلا و لا هي تعرفك
ومادام ما فيش ألفة أو حب بينكم يبقى الحسبة تبقي زيك زي أى حد , ليه ما تاخدش الجاهز واللى قصادها على الأقل
راجع نفسك مرة تانية في أسلوبك مع خطيبتك وراجع نفسك في إيه اللى عجبك فيها من الأول , الجواز مش شبكة و شقة و مظاهر وشكل
دى علاقة بين أتنين مع بعض على الحلوة و المره و الدنيا بقى فيها المر أكتر
لازم تلاقي نقاط تواصل و إتفاق بينك وبينها تخليك مطمن إنها اللى هاتعيش معاك تحت أى ظرف و تعينك على الحياة
السلام عليكم ورحمة الله
السلام عليكم ورحمة الله وبركاته ..
اولا انا ملاحظ انك مش ذكرت كلمة حب من طرفك خالص ولا من طرفها ..
ثانيا : معني انهم يغيروا الاتفاق تبقي من حقك انك تعترض وتقول ان اتفاقنا زي ما هو وانك متقدرش تغيره ..
ثالثا : انا مستغرب من كلمة - شكلي مش جذّاب ودي مشكلتي - ليه بقي إن شاء الله علي أساس ان الراجل لازم يكون جميل ومسبسب .. ولا إيه . يا أخي العزيز الراجل مش بشكله خالص .. الراجل بأخلاقة ودينة وسيرته الطيبة ..
رايعا : لو لاحظت إن خطيبتك إتغيرت معاك وإنك مش هينفع تكمل معاها .. بدون تفكير قرر أنك تفسخ الخطوبة وتاخد شبكتك والهدايا كمان .. لا شرع ولا دين بيقولوا أن لو إتفسخت الخطوبة ياخدوا الشبكة ... واضح فعلا انهم طمعانين فيك
يا دكتور لازم البيت اللي تدخلوا يكونوا مرحبين بيك وشايلينك فوق رؤسهم .. إنما غير كده نصيحة بلاش تكمل مع البنت دي ..
وربنا يوفقك
** باهر الحميلي **
يعم فكك من اللى بيشوكك وخد
يعم فكك من اللى بيشوكك وخد شبكتك بالتفاهم وخليك رياضى وكبر الجى وروق الدى
بص إن بعض الظن إثم بلاش تظن
بص إن بعض الظن إثم بلاش تظن بيها وبأهلها ظن سوء أنت إتكلم معاها وأعرف إيه سبب التغير المفاجي ده وإيه سبب إن أبوها غير الأتفاق إذا كان زي انت ما بتقول بتفكر تاخد حقك لا حرام خلي أهلك يروحوا ليهم ويتفاهموا معاهم بالحسني وخد حاجتك وطالما هي مش عايزة يبقي تديك حاجتك وكل شيء منك ليها
ولو الموضوع مش كدة وهي مثلا زعلانه منك في شيء حاول تصلح من نفسك وشوف هي مش راضيه علي ايه فيك وبالحب حتغير كل شيء وحش ما بينكم والله الموفق
اولا ممكن تقعد معاها وتصارحها
اولا ممكن تقعد معاها وتصارحها انها اتغيرت ودا يكون وجها لوجه مش ف التليفون عشان تلاحظ تعبيرات وشها وشوف رد فعلها هتبقى باقيه عليك ولا على فلوسك ولا بيعاك
ثانيا لو انتو فعلا بتتكلمو ف حاجات حرام يبقى هي اللي معاها حق وتبقى رحيمه بيك لما قالت نتكلم كل اسبوع دا انتو المفروض ماتتكلموش خالص لان لو في اي كلام حرام ربنا مش هيبارك لكو ف الزواج دا خالص
ثالثا اعتقد ان من حقك شرعا انك تاخد الشبكه حتى لو انت اللي فكيت الخطوبه
وربنا يعملكو اللي فيه الخير
