أنا بابعت لكم كتير، وباثق جداً في آرائكم، وبانفّذها.
أنا ممكن أكون خايفة من كل حاجة؛ خايفة من الأيام ومن اللي جاي، مش عارفة أنا صح ولا غلط، أنا مرتبطة بشخص الحمد لله أنا واثقة من حبه جداً، ومن خوفه عليّ، الشخص ده كان معرّف أهله كل حاجة بيننا؛ عن حبنا يعني، وإنه عاوز نرتبط.
المشكلة بقى ابتدت من وقت ما أخته اتدخلت، خلّت كل اللي في البيت رافضين ومش عاوزينّي نهائي، قال لي على المشاكل دي وأغلبها ماديات، (ومنين وأنت مش الكبير)؛ ده الكلام بتاع باباه، وقال لي ليكِ القرار؛ فبعدت عنه، ورجعت له تاني، وبعدين هو قال لي لازم أبعد أنا ما أرضاش ليكي تبقي معايا كده، وبعدين رجع لي وقال لي مش قادر أبعد عنك، إحنا ما فيش بيننا مقابلات والكلام كل يوم اللي مخليني متأكدة من حبه.
صاحبة أخته قالت لي على اللي هو كان قايله ليهم في البيت، وهو قال لي قولي لمامتك على أساس القريبة ليه؛ المهم بقى مامتي كل ما يتقدم لي حد تقول لي خليكي ارفضي الناس؛ هتقول إيه وهي ما تعرفش تطوّرات الموضوع وأنا خايفة أفضل متمسكة بيه وأنا مش عارفة النهاية.
أنا مش باقول له على اللي ماما بتقوله ولا اللي بيتقدموا لي ولا أي حاجة تزعله علشان دراسته مش سهلة إني أشغِله.
أعمل إيه؟ أوافق على أي حد متقدم ولا أكمل وأنا زي العميا اللي مش شايفة قدامها؟ ولا أقول له؟ ولا أعمل إيه؟ خايفة عليه؛ بس أنا برضه خايفة على نفسي، موقفي هيفضل كده ولا يتغير؟ وإزاي؟ أنا آسفة أوي على الإطالة؛ بس أرجوكم ساعدوني.
MYLOVER
انا من رأيى إبعدى عن المشاكل
انا من رأيى إبعدى عن المشاكل وإبدئى حياتك إنتى لسه صغيرة على المشاكل دى وكمان من اللى انا شايفاه ان أخته حتى لو ارتبطوا حتسبب ليكى مشاكل تانيه ومن أى نوع وربنا يوفقك يا رب
نسيت اقولك انى مختلفه تماما
نسيت اقولك انى مختلفه تماما مع عنوان قصتك... ويمكن مش كل القصص هتكون زى قصتى.
بصى انا مش هقولك غير انك
بصى انا مش هقولك غير انك تصبرى عليه وتخليكى معاه طالما هو متمسك بيكى وسيبى كل اللى جاى على ربنا... مش عارفه هيفيد انى اقولك انى مريت بنفس المشكله بس هى كانت بطريقه تانيه والحمد لله اتمسكنا ببعض لحد اخر لحظه ودلوقت احنا اتخطبنا الحمد لله وصدقينى هو لو بيحبك بجد مش هيرضالك غير بالخير... ربنا يوفقك
لما اهله رفضينك يبقى ازاى
لما اهله رفضينك يبقى ازاى تكملى معاه شوفى حياتك ودورى على الشىء اللى فيه استقرار
بعد الحمد لله رب العالمين
بعد الحمد لله رب العالمين والصلاة والسلام على نبيه محمد وعلى الصحب الكرام اجمعين
الاخت الفاضله من باب النصيحه لله وللرسول ولأمة المسلمين وعامتهم انتى مشكلتك ذات محورين
الاول _الاخ اللى بتحبيه وهو بيحبك الحب حلو وربنا حثنا على المحبه لكن المحبه الشرعيه الاخ اللى بتحبيه زى مافهمت لسه بيدرس يعنى قدامه بدرى وتقريبا مش هيقدر يخطب الحين يبقى الامر معاه منتهى
التانى_ اهلك تقبلى تخسرى اهلك شوفى يااختى كلمه هقولهالك وبقولها كتير الحياه بالنسبه للبنت زى القطر لو عداها مش هيرجع تانى ويعالم فأنتى إتكلى على الله واستخيرى ربنا وشوفى الاخ المناسب ليكى من حيث الأمانه والدين والأخلاق والقبول واستعينى بالله وربنا هيوفقك
يابنتي طالما هو مش بيعمل حاجة
يابنتي طالما هو مش بيعمل حاجة وكل الموضوع كدة شكله كلام في كلام هو الوحيد اللي ليه القرار في الموضوع ده مش حد تاني هو لو عايزك حيعمل المستحيل ويعرفك هو ناوي علي ايه لكن مرة يقولك حرام ونبعد عن بعض ومرة تانيه يقولك لا انا مش قادر ابعد انفدي بجلدك بجد وعيشي حياتك بدل ما تضيع معاه أونطه
اختى الغاليه اولا
اختى الغاليه
اولا بجد لونصيبك معاه ربنا هيكرمك بيه لكن انا لا اقتنع ما يسمى الارتباط اللى قبل الخطوبه وغير كده اخته رفضاكى وكمان ليها تأثير كبير على العائله بدليل انهم رفضوا هما كمان
بجد لو اتقدملك حد توكلى على الله وشيلى الأول ده من دماغك خالص وركزى وخليكى فى نفسك وحاولى تحافظى على نفسك اكتر من كده وخليكى صريحه قدام نفسك وقدام مامتك وقربى من ربنا اكتر لأن عمره ما هايخذلك وابعدى عن كل ما يغضبه
اسأل الله ان يرزقكى الزوج الصالح الذى يحافظ عليكى ويسعدك ويحبك
ولكن عليكى بنسيان هذا الشخص !!!!!!!!
أختك.......إيمان
لسه بيدرس يعني قدامه مشوار
لسه بيدرس يعني قدامه مشوار طويل علي مايتخرج ويشتغل
اهله رافضين ده مؤشر مش تمااااااااااام اوي
بصي استخيري ربنا ووافقي علي احسن واحد من اللي بيتقدمولك
انا مش رأيى إنك تنفدى بجلدك
انا مش رأيى إنك تنفدى بجلدك ولا حاجة انا رأيى إنك تحكيله على كل الى جواكى لانه هيقدر مشاعرك ومشاعر مامتك
ولازم يعرفك رأسك من رجليكى
صلى استخارة وشوفى الأمور
صلى استخارة
وشوفى الأمور حتلاقيها من عند ربنا مشيت
لو هو ليكى حتقربوا لبعض اكتر
والامور حتمشى بسهولة ويسر
لو مش ليكى
حتلاقى الامور لوحدها اتعقدت ساعتها تعرفى
ومفيش أحسن من إننا نستخير الله
وربنا يوفقك
انا بجد مش عارفة اقولك ايه
انا بجد مش عارفة اقولك ايه لانى محتارة بس انا هساعدك بدعوة ان ربنا يقدملك الخير يااااااااااااااارب ويبعد عنك كل شر ويهديكي للطريق المستقيم ونصيحة من اختك انك تصلي صلاة استخارة
لالالالالا بجد استخيرى ربك
لالالالالا بجد استخيرى ربك وشكله كده ممكن يكون بيحبك لكن هل الحب لوحده كافى يعنى ممكن يعاند اهله ويتجوزك طيب وبعد اد ايه يعنى المفروض الإنسان يحب بقلبه وعقله يعنى يحب علشان يرتبط بالجواز وهى موضة كل واحدة وواحد بيحب واحد يقول ده ارتباط يعنى هل الحب لوحده يكفى للارتباط الدين مقلش ذلك واستخيرى ربك
