أنا فتاة عندي 25 سنة.. متخرجة من كلية خدمة اجتماعية.. مخطوبة لشاب أحبه وهو أيضاً؛ ولكن قبل الخطوبة تعرّف على فتاة أكبر منه بخمس سنوات وليست متعلمة وظروفها الاجتماعية صعبة، وللأسف أخطأ معها؛ وذلك بعد أن حدثت نفس الغلطة معي من قبل؛ ولكن تمّت خطبتنا ووعدني بانصلاح حاله.
وهذه الفتاة أصرّت على الاستمرار معه؛ رغم معرفتها إنه خاطبني؛ وذلك كان تحدياً منها بأن تأخذه قبلي؛ أي أنها سهّلت له للغلط لتفوز بالتحدي.
وهو الآن لا يعلم ماذا يفعل معها، ويريد أن يجمع بيننا خوفاً من الله.. وأنا لا أعلم ماذا أفعل بعد ذلك؛ مع العلم أن ظروفه المادية لا تسمح بزواجنا بسهولة.. فما بالك عندما يجمعني مع الأخرى.. ماذا أفعل؟ وماذا يفعل؟
rosy
دعيني أقول إنني لن أنشغل بما يفعل هو ولا بما تفعل الأخرى؛ بل ما يشغلني هو ما ستفعلينه أنت؛ فأول ما لفت نظري؛ هو أنك قُلتِ إنه أخطأ معك ولم تقولي أخطأنا معاً؛ فما حدث بينكما يا عزيزتي هو خطأ مشترك، ومسئولية مشتركة تتحملين فيها كما يتحمل؛ ولكن ما حدث قد حدث.
والآن يجب أن تفكّري هل يجب أن تدفعي حياتك ثمناً لمثل ذلك الخطأ، وتُتْبعيه بسلسلة من الأخطاء؟ أم عليك التوقف عند هذا الحد ومتابعة حياتك وتحمّل ثمن الخطأ الأول؟ فالزواج قرار كبير ومهمّ لا يجب أن يُبنى على أساس خاطئ؛ كأن يكون مجرد تصليح لخطأ آخر.
الآن دعينا ننظر لشخصية هذا الرجل الذي تُفكّرين في الزواج منه:
أولاً: لقد مارس الجنس مع فتاتين دون زواج في مجتمع يحرّم ذلك ويرفضه، ثم خطب إحداهما واستمر مع الأخرى، والآن يودّ الزواج من كليهما خشية من الله؟ ألا تجدين ذلك غريباً؟ وأين كانت خشيته تلك -عزيزتي- وهو يقوم بذلك الفعل ويجهّز له؟
وما معنى أن يقول إن الفتاة الأخرى قد سهّلت له الغلط؟ أهو فاقد الأهلية والإرادة؟ ولماذا اجتمع معها في الأساس في مكان مستور سمح لهما بتلك الأفعال؟
اسمحي لي أن أقول إن عذره أقبح من ذنبه، وكان أوْلى به أن يعترف بخطئه منذ البداية ويتزوجها؛ بدلاً من توريطك في مثل هذا الموقف وتحميل المسئولية كلها للفتاة الأخرى والتي وإن كانت قد حاولت إغواءه؛ فقد لاقت منه التجاوب والترحيب بدليل ما حدث بينهما.
هي أصرّت على الاستمرار معه، وهي سهّلت له الخطأ.. ما هذا الكلام؟ وكيف تتقبلينه زوجاً يتحمل مسئولية بيت وبناءه، وهو لا يستطيع تحمّل التحكّم في تصرفاته ومجريات حياته؟
كما أنك تقولين إنه مادياً لن يتحمل فتح بيتين؛ فكيف يفكّر في الجمع بينكما؟ وهل ستتحملين وتقبلين أن تبدئي حياتك مع زوجة أخرى؟ هل هذا هو الرجل الذي تتمنيه، بعيداً عن مشاعر الحب المتأججة الآن، والتي سريعاً ما تهدأ بعد الزواج لتجدي نفسك باقية مع عيوبه وأعبائه وزوجته الأخرى؟
يا عزيزتى لابد أن تسألي نفسك تلك الأسئلة وتجيبي عنها، وإن كانت الإجابة بالسلب؛ فلابد أن تقرري هل الزواج الآن بالنسبة لكِ مجرد سَتر لما حدث؟ وإن كان كذلك؛ هل ستستمرّين فيه أم أنك ستُطلّقين بعد فترة؟
كنت أود أن تشرحي لي ظروفك العائلية وعقلية أهلك ومدى تفهّمهم؛ ففي تلك المواقف المعقّدة يكون تدخّل الأهل ووقوفهم بجانبك سَنَداً هاماً؛ فهل تستطيعين مصارحتهم وتحمّل التأنيب واللوم إلى أن تَصِلي للمسامحة والمغفرة, أم أن ذلك بعيد كل البعد عن تفكيرك؟
وبغضّ النظر عن كل تلك الأسئلة التي لن يجيب عنها غيرك؛ فإنني لا أشجّع ارتباطك بذلك الشخص الذي لا يحترم حرمة ولا يتحمل مسئولية، والأسوأ أنه يدّعي التديّن والخوف من الله ويتّخذه ذريعة لظلم فتاتين استباحهما؛ متناسياً ذلك الخوف وذلك التديّن، وحمّلهما المسئولية متنصّلاً منها.
وأشجّعك على مصارحة أهلك بالوضع كله ليتخذوا الموقف المناسب، وأن تحتملي غضبهم؛ وذلك أمر أنت أجدر بتقييمه، كما آمل أن تتوقّفي عن التفكير له وفكّري لنفسك.
استقوي بالله وتفاءلي به خيراً؛ فالخطأ وارد، والله يغفر الذنوب جميعاً لمن يتوب ويرجع إليه؛ فلا تجلدي نفسك؛ ولكن أرجوكِ ألا تطيلي الخطأ، ولا تضيّعي بقية حياتك في الخطأ، ولا تربطي مصيرك بمن لا يستحقّ، فقط لأجل ذلك الخطأ.
وأتمنى أن تراسلينا بمستجدّات قصّتك وأي استفسارات أخرى أو تفاصيل أكثر، وأسأل الله أن ييسر لك ويهديكِ لما فيه الخير.
بصي هو في الاول والاخر انتم
بصي هو في الاول والاخر انتم الاتنين غلط بس برضه الغلط عليكي اكتر لانك ضربتى الدنيا كلها بعرض الحائط وهانت عليكي نفسك واهلك وشرفهم اللي المفروض انتي اكتر واحده المفروض تحافظي عليه لكن نقول ايه في القلوب الخايبه والبنات الهبله اللي بيدوبوا من كلمتين وعليه العوض
عموما انتي اكتر واحده عارفة العلاقه ديه وصلت لحد فين لو كان الامر هين ومازلتي بنت يبقي ربنا ستر عليكي حافظي بقي علي اللي باقي من كرامتك وادعي ربنا يغفرلك ويسامحك علي خطأك هذا وابتعدي عنه وسيبيه بقي يتجوز التانيه ميتجوزهاش هما حرين مع بعض لكن لو سيادتك مش بنت يبقي اتجوزيه ووافقي بأي شيء يحصل عشان حتي ياشيخه تحافظي علي كرامه اهلك اللي احتضرت بسبب حبك هذا واستحملي اللي يحصل زي ما انتي استحملتي نتيجه خطأك وكل ده بسببك انتي محدش ضربك علي ايدك واللي يحصل بينك وبين ضرتك التانيه بقي استحمليه ما انتي الي وصلتي نفسك لكدة واسفه اقولك انتي اللي رخصتي نفسك ملكيش حق بقي تقولي دلوقتي لأ كنتي اولي ليكي تقوليها من الاول قبل فعل الخطأ
وربنا يسترها علينا بالحلال
انا بجد مش متخيله ان دا بيحصل
انا بجد مش متخيله ان دا بيحصل الغلط مش عليه خالص كل الغلط عندك انتى وانتى اللى لازم تستحملى دا كله لانك اللى سمحتى لنفسك ان دا كله يحصل ولازم تتحملى غلطك ولازم تدعى ربنا انه يسامحك ويقف جنبك وربنا يهديكى....
ايه ده بجد؟؟؟؟؟؟؟؟؟؟؟؟؟؟؟ انا
ايه ده بجد؟؟؟؟؟؟؟؟؟؟؟؟؟؟؟
انا مصدومة
الحمد لله على نعمة العقل
وحسبى الله ونعم الوكيل فى الاهل اللى سابوا ولادهم لحد ما وصلوا لكدة
على فكرة الولد ده مقرف قوى
على فكرة الولد ده مقرف قوى وبجد انتى كمان لانك سمحتى لنفسك انك تدخلى فى علاقة معاه محدش بيعمل حاجة غصب عنه وكله برضاكوا انتوا الاتنين
انا اعرف مشكلة بس كانوا بيحبوا بعض فعلا زى مابتقول بس هي كانت فاكرة انه بيحبهاوكان كل مايشوفها يقولها انا عايز وعايز بس هي ماكنتش بترضى خالص باى حاجة واخرها معاه مسكة ايد بس غير كدة ماتلزمنيش
ياريت فعلا مانفرطش فى اى حاجة تانية مع العلم انها ندمانة دلوقتى انها اتكلمت معاه اصلا وانه مسك ايديها شايفين
بجد البنت غالية قوى
ياجماعة حرام كده ربنا بيغفر
ياجماعة حرام كده ربنا بيغفر الذنوب ولازم تساعدوها انها تتوب لربنا
السلام عليكم ورحمة الله
السلام عليكم ورحمة الله وبركاتة
الرد بتاع الأستاذة دنيا ماهر جميل جدا
بس فيه حاجة
إنها لازم تتجوزة وتحاول إنها ما تصارحش أهلها لأن ممكن يضرها جامد
وأهلها هيكون رأيهم غالبا إنهم يتجوزوا ويطنش التانية
كلامك غريب اوى انتى ازاى
كلامك غريب اوى انتى ازاى متساهلة كدة وواخدة كل حاجة بلا مبالاة كدة ازاى عمالة تقولى هو ويعمل اية ويعمل اية فى اية يابنتى لازم تفوقى شوية شوفى نفسك واقفى عند الحد ده واستحملى الغلط الاولانى واعرفى اهلك وتوبى لربنا واستغفرى لة وابعدى عن الشخص ده فورا وفوقى شوية انا حساكى مش فى وعيك ده انسان بلا دين وبلا شخصية ده إنسان سئ بجد
خلاص سيبيه لان حياتكم هتبقى
خلاص سيبيه لان حياتكم هتبقى وحشه جدااا
ببساطه هتبقوا ضراير !! اذا كان من قبل الزواج والتانيه
بتعمل معاه كده امال بعد الزواج هتعمل معاكى ايه !!
وبعدين هو لو كان بيحبك فعلا كان فضلك على كل بنات الدنيا
حتى لو كان عمل ايه هو ده اللى انا اعرفه
سيبيه وان شاء الله ربنا هيعوضك خيررررر
ازاي لسه بنت يا اماني وهي
ازاي لسه بنت يا اماني وهي بتقول انها غلطت معاه
انا شايف انها لازم تتجوزه للاسف
ازاى حد مكن يغضب ربنا
ازاى حد مكن يغضب ربنا بالسهولة دى وانتى زعلانة اوى انه هيتجوز عليكى تستاهلى الالم اللى بتحسيه توبى واستغفرى ربك ان شاالله تعيشى من غير جواز ما جوزك هتسيبيه وتموتى وتروحى لربنا فى اخر الحكاية هو اللى هيعذبك توبى يمكن يسامحك وابعدى عن القرف ده لاحول ولا قوة الا بالله انتى مش فاهمة يعنى ايه غضب ربنا؟
اللهم ارحمنا واحفظنا وارضى
اللهم ارحمنا واحفظنا وارضى عننا يارب
احنا عايشين نصلى ونصوم ونعبد ربنا وبنخافه وبندعى ان يكون راضى عننا
ربنا يتوب على الجميع
لا تعليق يا أختي لازم يتجوزكم
لا تعليق يا أختي
لازم يتجوزكم انتوا الاتنين ويستر عليكم
وبطلي أنانيه
انتي اللي حطيتي نفسك في الوضع ده يبقى تستحملي
لانك لو اصريتي مش هايتجوزك انتي ولا هي وهايشوف واحدة تالتة يغلط معاها او يشوف بنت تانية بنت بنوت مغلطتش مع حد قبل كده
انتي اللي ورطتي نفسك ولا زم يتجوزكم انتوا الاتنين لان شرفك مش اغلى من شرفها لان انتوا الاتنين زي بعض واللي حصل معاكي حصل معاها واللي يمشي عليكي يمشي عليها
السلام عليكم بجد الواحد مش
السلام عليكم بجد الواحد مش عارف يقول ايه البنات المش كويسه دى خلت الشباب معندهش ثقة فى البنات كلها بس احب اقول للشباب زى ما فى بنات وحشه فى شباب وحشه والبنت لما بتعمل حاجه حرام مش بتعملها لوحدها والحرام مش على البنت بس على الولد كمان
السلام عليكم هو فى ايه
السلام عليكم هو فى ايه ياجماعه احنا عايشين فين هو خلاص مبقاش فى خوف من ربنا كل حد عايز يعمل حاجه بيعملها وما بيفكرش ايه الى ممكن يحصل بعد كده وبعدين يااختى هو لو بيحبك ويتقى الله فيكى عمره ما ها يعمل كده ويسببلك اى سوء بل هيكون هو اكتر حد يحافظ عليكى من الدنيا كلها مش من نفسه بس ياريت ياجماعه اى بنت تفكر كويس فى الى بيحصل ده ونتعلم منه وربنا ياأختى يهديكى ويصلحلك حالك
بجد مش عارفه حصل فى الدنيا
بجد مش عارفه حصل فى الدنيا ايه هو المجتمع اللى غلط ولا البشر اللى غلط بس كل دا علشان غيبت البنات عقلها والاهم بعدت عن دينها ربنا يهدى البنات ويسيروا فى الطريق المستقيم
ايه ده في كده بيحصل بجد في
ايه ده في كده بيحصل بجد في الدنيا وانتي موافقه وساكته وسامحه لنفسك كل الامور دي مش خفتوا من ربنا ساعة الغلط انا في حاله ذهول
حتى لو اتجوزتى هتبقى حياتكم
حتى لو اتجوزتى هتبقى حياتكم جحيم بالاسلوب تفكيركم دة .
للاسف اسلوب منحط قائم على الغرائز وبس .
ايه اللي بيحصل ده هي البنات
ايه اللي بيحصل ده هي البنات ازاي تعمل كده ف نفسها المفروض ان كل بنت تحافظ على نفسها وتخاف عليها جدا وتخاف من ربنا احنا بقينا بنسمع الحكايات دي زي صباح الخير هو في ايه هي البنات كلها بقت بتحب الغلط ولا ايه
الحمدلله علي نعمة الأسلام
الحمدلله علي نعمة الأسلام وجمال وعظمة هذا الدين يأختي في حب الله ما تقولينة غريب بل وأغرب من الخيال لأنك طلعتي هذا الشخص برئ وليس لة أي ذنب في فعلتة يأختي أنة زاني ومارس ما حرمة الله ألا بالحق والشرع فكيف تدافعين عنة وكيف ترخصي نفسك بهذة الطريقة وتسلمية اغلي ما تملكية وبعد كل هذا يريد أن يجمع بكم العذر ليس علية وحدة لأنة لا يوجد رجل يزني من غير رضي الطرق الاخر وأنتي رضيتي والأخرة رضيت برضة فأرجو من الله أن يرحمكم ويتقبل توبتكم ويهديكم ألي الطريق الصحيح
هو ايه الى بيحصل دا ياناس
هو ايه الى بيحصل دا ياناس
الجوازه دى مخاطره منك
انا رايى لو انتى لسه بنت , ابعدى عنه وشوفى حالك
بس انا مستغربه هى البنات بقت عامله فى نفسها كدا ليه
