السلام عليكم يا أحلى موقع.. أنا باشكر الأساتذة كلهم على تعاونهم معي وسماعهم لمشاكلي بسعة صدر.
مشكلتي مع خطيبي بسبب عصبيتي.. أنا فعلاً عصبية وباتضايق وباندم على ردود فعلي مع أي حد، وباضطرّ أتأسف لأني بابقى غلطانة.
أنا طول فترة خطوبتي أهل خطيبي كويسين جداً وبالأخص أمه؛ فهي تحمل طيبة مش موجودة في زمننا هذا، وله ثلاث أخوات بنات وشابان، وكلهم كبار في السن أكبر مني بكثير وبيحبوني وبيعاملوني كويس، ولما كنا بنتخانق أنا وخطيبي كانوا أول ناس يحلّوا ما بيننا، وييجوا على خطيبي عشاني ويزعلوا أوي عليّ.
وبعد آخر مشكلة، الآية انعكست جداً، لقيت طريقتهم اتغيرت معايا، وما بقوش زي الأول، ومش بيسألوا عليّ، وعرفت مؤخراً إنهم أساءوا لي بالألفاظ والشتائم غير الخارجة هم وأبوهم.
أنا طبعاً زعلت منهم وما واجهتهمش لحد دلوقتي.. أنا طبيعتي عفوية جداً، ولا أُحاسَب على تصرفاتي للإنسان اللي أحسه قريب مني وبيحبي.. أنا مش باعرف اتصرف مع الناس لأني مش باعرف أبقى حيادية.
أنا كنت باتصرف معاهم بكل حب.. فكرت إني أعمل حدود معاهم؛ ولكن كنت أتصرف بعفوية لدرجة ممكن يتقال عليها -سوري في لفظي- عباطة وهبل؛ لأني عفوية جداً، وكنت باهزّر وباضحك.
أنا دلوقني مش عارفة أعمل إيه.. عزة نفسي تمنعني إني أبدأ بالكلام معاهم وهم مش بيسألوا عليّ خالص، وعايزة أحط لنفسي خطوط حمراء معاهم لأني مش مرتاحة، وما بقتش أحبهم زي الأول.. مش عارفة بعد الزواج هاتعامل معاهم إزاي.
أرجو إفادتكم لي في هذا الموضوع لأني تعبانة جداً، وخطيبي عاوزني أبقى كويسه معاهم؛ بس أنا رافضة إني أبدأ.
meroo
صديقتي العزيزة.. لقد اعترفتِ بنفسك أنك كنتِ عصبية، وأن عصبيتك دفعَتْك للخطأ مرات عديدة.. وأيضاً تقولين إن عائلة زوجك طالما أصلحت بينكما، وكانوا لكِ خير أصدقاء ومُساندين؛ ولكن المثل يقول "إن كان حبيبك عسل ما تلحسهوش كله"، وأيضاً قالوا "للصبر حدود"؛ فيبدو لي يا عزيزتي أنك أنهيتِ ما في تلك العائلة من عسل بمشاجراتك الدائمة مع ولدهم وعدمتِ صبرهم عليكِ؛ حتى اندفعوا في اللفظ وأخطئوا في حقك.
ولكن.. ألا تسامحيهم وتمدّي يدك للمصالحة وتهدئة النفوس كما فعلوا معك من قبل مراراً؟ ألا يستحقّ خطيبك وحب حياتك أن تقسي قليلاً على عزة نفسك وتعترفين بخطئك الذي قادهم للخطأ وتبدئين معهم صفحة جديدة؟
عزيزتي.. تقول أمي: إن النسب كاللبن يُعَكّره أقل شيء.. وأنت عكّرتِ صفو علاقتك بأهل زوجك بعصبيتك وخناقاتك المتكررة مع ابنهم.. ومهما كانت محبتهم لكِ؛ فمحبتهم لأخيهم أكبر وأعمق.
فأنصحك بالعودة للحق، والذهاب إليهم، والكشف عن مكنون قلبك؛ فلا بأس بالعتاب والمكاشفة حين يكون الغرض منها هو الصلح والتقارب.. اشتري هدية واذهبي لهم؛ فالنبي صلى الله عليه وسلم يقول "تهادوا تحابوا"؛ فالهدية رمز سلام.. وابدئي بالاعتراف بأخطائك وأنك قد وعيتِ لعصبيتك الزائدة وأخطائك، واعتبي عليهم ما قالوا من ألفاظ، وعبّري عن محبتك لهم واعتزازك بهم، ورغبتك في تصفية ما بينكم من خلافات لأنه قد جاء عليكِ الدور لبذل بعض المجهود لتصفية الأجواء.
واعلمي أن هناك فرقاً بين عزة النفس والكبر الذي يمنع صاحبه من الاعتذار والرجوع إلى الحق، وكما تعلمين فالرجوع إلى الحق فضيلة, وهم كانوا نِعْم الأصدقاء والعائلة؛ فأصلحي ما أفسدته، وأعتقد أن هذا كفيل بإعادة المياه إلى مجاريها وإن لم يحدث فستكبرين في أعين خطيبك وتزيد غلاوتك في قلبه؛ فلا تتكبري يا عزيزتي؛ فلن يدخل الجنة من كان في قلبه ذرة كبر، وحاولي إصلاح ما كسرته.
هداكِ الله لما فيه الخير لكِ وأسعد أيامك.
أرجوكى اقرى الرد للاخر...انا
أرجوكى اقرى الرد للاخر...انا بتحايل عليكى انك تصالحيهم لانهم ممكن يبعدوة عنك,,,, انا كنت فى مشكلة مشابهة انى كنت عصبية شوية بدلع و للحق هو اتحملنى كتيييير و لحد ما جت مشكلة تافهة انا وهو غلطنا و اهلة اتسببوا ان الخطوبة تتفركش (( ألف بعد الشر عنك يا قمر )) بصى أسوا عذاب هو تأنيب الضمير انى حسيت ان انا السبب فى انى خربت على نفسى(( و اخدت عهد على نفسى انى انصح كل بنت انها متزودهاش ))و بتمنى اليوم اللى يرجع فية عشان يعوضنى عن العذاب دة,,,, اعملى معروف صالحيهم بهدية بسيطة و كلمتين حلوين من بقك يا عسل و لما تتعصبى اتعلمى تقفلى بقك,,,آسفة على الاطالة
والله انا رايى تروحى تزوريهم
والله انا رايى تروحى تزوريهم وتجيبى لباباه ومامته هديه بدون ماتعاتبى او تفتحى كلام قديم.
وبالمعامله الطيبه كله هيتصافى.
لان الكلام والعتاب يفتح الغلط احيانا وفى غير محله وخاصه اذا كنتى عصبيه.
وبعدين عاوزة اعرف مين بلغك انهم غلطوا فيكى.!!
مفروض اى حاجه تحصل تبقى بينك وبين خطيبك حتى تبقى على احترامهم وحبهم وصورتك امامهم..
ليه كل مرة لازم يعرفوا ويكونوا صورة عنك..وانتى اعتقدتى انهم هيبقوا ف صفك على طول ؟؟؟؟؟؟؟؟؟؟
واعرفى انهم مش هينصروكى على طول الخط انى نسيتى انه ابنهم.وهم ابتدوا يعرفوا كل حاجه.
وجايز هم عادى بس باعدين نفسهم وانتى من حساسيتك مكبره الموضوع.
بسطى الأمور ولكن بحددود متخسركيش حد.
واعرفى ان علاقتك تكون وسط بيهم.
لاتقربى اوى ولا تبعدى اوى.
عشان لو حصل اى موقف وحبيتى تبعدى شوى ما يتاخدش بمعنى تانى او العكس.
تمنياتى لكى ولى ولكل المخطوبات بالتوفيق.
وربنا يتمم لنا ع خير.
علي فكره انا مخطوبه شكلك
علي فكره انا مخطوبه شكلك وساعات برده باباه واخواته كانوا بيصالحونا اما بنتخانق وكانوا بيقفوا معايا زي ما انتى بتقولي وساعات بيبعدوا وانا كمان كنت بحس زي ما انت بتقولي اني مش طايقاهم بس كنت باجي علي نفسي واكلم باباه اسأل عليه واقوله كلمتين حلوين كده وكده يعني وكنا بنرجع زي الاول واحسن وبعدين كنت بتبع علي طول خيركم من بدأ بالصلح ابدأي انتي وانتي هتحسى بحبهم اكتر من الاول
بصى انا يمكن بحب واحدة فيها
بصى انا يمكن بحب واحدة فيها شئ من العصبيه دى بس انا مش بحب انى اسميها عصبيه يمكن بسميها دلع شويه منها ولما تلاقينى مش متحمل او مش فاهم دلعها ده تزعل وتبقى عصبيه بس ده كان فى الاول قبل ما أعرفها كويس بس انا خلاص فهمتها وعرفتها فبحاول انى اخليها تدلع زى ما هى عايزه مش عشان عصبيه لاء عشان بحبها وعشان مش اخليها تزعل حتى لو هى غلطانه بقول مش مشكله انا اغلط نفسى ما دام ان الغلط بسيط يبقى خلاص وبعد ما تهدى ونبقى كويسين اوى مع بعض ابدأ انى الومها بس براحه جدا عشان تكون هديت وانا كمان ابقى هادى ونعرف نتكلم ونحل المشكله وعلى فكره انا بحب دلعها ده اوى لانه دلع بأدب ومش كل شويه فى أوقات هى مش ينفع تدلع او تبقى عصبيه فيها لانها بتبقى شايفانى متضايق او مش هستحمل دلعها فبتسكت..فمش كل شويه عصبيه او دلع وابقى اعتذريله وعرفيه طبعك عامل ازاى وهو المفروض انه يستحمل ده ويعرف اهله برضه طبعك بطريقته عشان يفهموكى ومش يزعلوا منك واوعى تفكرى فى يوم من الايام تحطى حدود بينك وبين اهله عشان مش تخسريهم ولا تخسريه لان دول خلاص هيبقوا اهلك وحاولى تمسكى نفسك معاهم وتستحملى كل حاجه ممكن تحصل بينك وبينهم وتبقى بينك وبينه لما تبقوا لوحدكم تحكيلوا من غير ما تقوميه عليهم للا تعملى مشكله بينه وبينهم وعامليهم كويس جدا.... وربنا يوفقك وحظك بقى انى بحب واحده ومش اقدر استغنى عنها كنت فكرت انى اخطبك..ههههه..انا بهزر طبعا وربنا معاكى ويوفقك ويكرمك يا رب
بعد اذنكم يا بص وطل عايز اكتب
بعد اذنكم يا بص وطل عايز اكتب المشكله بتعتي انا دخلت علي سؤال محيرني مش لاقي المكان اللي اكتب فيه انا زهقت ردوعليا ضروري او اكتبولي اللينك بتاع الصفحه اللي ممكن ادخل واكتب فيها المشكله علي طول ساعدوني من فضلكم
==========================
رد بص وطل
صديقى العزيز بعد الخول على باب " سؤال محيرنى " قم بالدخول على أى فضفضة وستجد فى نهايتها لينك " لو عايز تفضفض لنا دوس هنا " والذى يمكن من خلال الضغط عليه إرسال مشكلتك وتابعنا بأخبارك .
السلام عليكم ورحمة الله
السلام عليكم ورحمة الله وبركاتة
مفيش رد تاني بعد كلام الأستاذة دينا
لازم تحلى المشكله بسرعه حتى
لازم تحلى المشكله بسرعه
حتى لو موش هتواجهيهم
بس اشترى هديه وزوريهم واتكلموا فى كلام عام وابتدوا من جديد
اهل جوزك يعنى اهلك
لازم تحبيهم وتسعديهم علشان تكبرى فى عين جوزك ويحبك
ويقدرك ويقدر اهلك
