أنا مشكلتي عاطفية ومش هاطوّل عليكم وهادخل في الموضوع على طول.
أولاً أنا بحب واحد وهو بيحبني، هو أول واحد في حياتي، أنا عندي 19 سنة وهو عنده 27 سنة.
هو كويس وكل حاجة؛ بس بطيء جداً، خطواته الإيجابية بطيئة في إنه يجهّز عشان نتجوز؛ إنه مثلاً يشتغل بجد.
هو محتاج حد يشجعه، وأنا باحس إن أنا كمان سلبية معاه أوي أو باخاف أقول له اشتغل عشان تيجي تتقدم، باخاف يزعل يمكن العيب مني؛ بس أنا فعلاً مش عارفة أشجّعه إزاي.. أنا دلوقتي بقالي سنة معاه، ومش عارفة أكمّل ولا أعمل إيه، يا ريت تبعتوا لي الرد بسرعة بليـــز.. ميرسي.
skoke
الحب هو أجمل إحساس في الوجود، وأن تجد الشخص الذي يحبك وتبادله حباً بحب أجمل وأجمل؛
ولكن الأروع من ذلك وذاك أن يعمل كل من طرفي الحب على إنجاح تلك العلاقة في زمن أصبح من الصعب فيه الحفاظ على الحب.
وها أنت صديقتي العزيزة أحسستي بمشاعر الحب وهو كما قلنا سابقاً أجمل إحساس في الوجود، ووجدتِ الشخص الذي يبادلك الحب وتبادلينه إياه.
ولكن يبقى الجزء الأخير والأهم، وهو المجهود الواجب بذله من كل منكما من أجل الإبقاء على هذا الحب قوياً مستمراً.
إلا أنكما -وللأسف- قد أغفلتما هذا الجزء الهام بل والأهم على الإطلاق.
فلنبدأ بحبيبك والذي تقولين إن خطواته الإيجابية بطيئة جداً، ومازال حتى الآن وبعد أن أصبح عمره 27 عاماً لم يعمل جِدّياً لتحقيق نفسه وتكوين مستقبله؛ فبغضّ النظر عن أنه يحبك أم لا.. ماذا عنه هو؟!
ألم يقف مع نفسه للحظه ليقول إنه آن الأوان؛ لكي أؤسس حياتي واستقرّ.
أعرف جيّداً الظروف الصعبة التي يواجهها الشباب هذه الأيام؛ ولكن هذا لا يعطيه أبداً العذر؛ لأن يكون بطيئاً سلبياً متخاذلاً ينتظر مَن يقول له افعل هذا ولا تفعل ذاك؛ فأنا أعتقد أن شاباً في عمر السابعة والعشرين من المفترض أن يكون رجلاً ناضجاً بما يكفي، ومن المفترض أيضاً أن يكون حبه لكِ دافعاً أقوى لأن يجتهد ويبذل أقصى ما في وسعه حتى يتمكن من تأمين علاقتكما والوصول بها إلى بر الأمان.
وماذا عنك أنت صديقتي العزيزة؟!
فلقد استمرّيتِ سنة في علاقة غير معروف أولها من آخرها، وها أنتِ تخافين حتى أن تطلبي منه أن يعمل جِدّياً لإنجاح علاقتكما خوفاً على زعله، وهذا هو خطؤك.
صديقتي العزيزة..
لابد أن تُشعريه بأن علاقتكما لابد وأن تأخذ شكلاً جِدّياً، أو أن تُنهوها تماماً قبل أن تضيّعا مزيداً من الوقت.
أخبري أهلك بعلاقتكما، واحكي لهم عن ظروفه، واطلبي منه أن يأتي ليقابل أهلك، حتى يشعر أن الموضوع جِدّي وأن عليه بذل مجهود أكبر حتى يلتزم بما سيرتبط به مع أهلك.
وإن لم يوافق على هذه الخطوة فاعرفي أنه لا يستحق حبك واهتمامك، فلا تضيّعي وقتك معه.
خليه يختار بين امرين يصلح
خليه يختار بين امرين يصلح نفسه ويشتغل ويتقدم
او يسيبك تشوفى حالك وانتى لسه صغيره ومستقبلك لسه بدرى عليه
وربنا يوفقك .
السلام عليكم ورحمة الله
السلام عليكم ورحمة الله وبركاتة
إديله فرصة لفترة معينة وليكن 6 شهور
عشان يثبت فيها إنه بيحبك من خلال إنه يشتغل
ويجهز شقة للجواز
إن معملش كده إبعدي عنه ومتفكريش فيه
الحب علاقه اكبر من الزعل واى
الحب علاقه اكبر من الزعل واى شئ يعكر صفو الحياه....أنتى لو سبتيه هيقولك سبتينى ليه؟ هتقوليلوا عشان مش بتشتغل هيقولك اول مره اسمع منك الكلام ده...ليه تبقى غريبه عليه كل اللى بيحصل جواكى طلعيه من غير تردد وقوليه ...ونصيحه منى وانا شاب وعارف الشباب كويس....فى شباب كتير سابوا حبهم وطرفهم التانى عشان سلبين ومش بيتكلموا وبيقولوا رأيهم ...قولى رأيك لو حتى هيبقى فى خناق بس الخناق بيولد دافع وتمسك اكتر بالحب بس مش خناق مستمر قصدى مناقشه سخنت بس فى رأيى بيتقال.
حاولى تبعدى عنه شويه وحسسيه
حاولى تبعدى عنه شويه وحسسيه انك مش هتكونى ليه ولو حسيتى ان مش فارقه معاه مش هيتحرك بس لو حس انك هتضيعى منه بالطريقة دى هيتحرك صدقينى وجربى واتقلى عليه شويه شوفى ايه رد فعله
فعلا الرد اكثر من رائع ومفيش
فعلا الرد اكثر من رائع
ومفيش كلام يقال بعديه
بس حاولي تفكري في اسلوب وطريقه تقدري تواجهيه وتنفذي بيها الكلام ده
في رأي انك تتكلمي معاه بصراحه
في رأي انك تتكلمي معاه بصراحه وتقوليله انه يأخذ خطوه ايجابيه في موضوعكم انتى نفسك هتعرفى رد فعله لو كان جاد في العلاقه دي ولا بيتسلى بيكي لأنه وجدك بنت صغيره لسه ومشاعرها مضطربه وانتى كمان المفروض تتأكدي لو انتى بتحبيه بجد ولا ده حب وهمي
قالوا في الامثال ( الغاوي
قالوا في الامثال ( الغاوي ينقط بطاقيته ) وانا اقول الغاوي ينقط بجلبابة . فلتعلمي علم اليقين ان النفس اذاما ملكت شياءً عافته( اي كرهته )فتوخي الحذ منه وكوني معه جادة ولاتملكيه نفسك والا سوف تندمين طيلة حياتك
السلام عليكم ورحمة الله
السلام عليكم ورحمة الله وبركاته
اختى العزيزة انتى بتحبيه وهو بيحبك ايه الكسوف فى انك تطلبى منه يدور على شغل انا مش عايزة اظلمه بس ايه اللى يخلى واحد يقعد ل 27 سنة وميشتغلش ده لو مش عشانك عشان نفسه يشتغل اى شغلانة شريفه يقدر يعيش بيها نفسه ولا هوعنده 27 سنة ولسه بياخد مصروفه!!!!!
مش كل الحياة حب اتكلمى معاه بجدية شوية واطلبى منه انه يدور على شغل لو عايزك فعلا ومتمسك بيكى هيعمل عشانك حاجه لكن مش هتقضيها معاه حب وكلام معسول وبس
الواحد لما بيشوف حاجه عجباه اوى وحاببها بيحوش عشان يشتريها عشان مضعش منه
تخيلى الحاجه دى لو شريكة عمرة وحبيبته!!!!!
*hayoma*
بصى متزعليش منى انا رأيى معلش
بصى متزعليش منى انا رأيى معلش يزعل ولا انك فجأة تلاقيه زهق منك لان مفيش جديد فى موضوعك المفروض يفهم ان عليه مسئوليه ولو هو مش فاهم انتى فهميه تضمنى منين انه هيعمل عشانك حاجه بعد كده ؟ متسكتيش وقوليلوا لازم يعمل حاجه ويشتغل بجدية ده البنات بتشتغل والله هتندمى انك مش هتكونى حازمة معاه _وبتقولى تشجعيه_ على ايه هو بيلعب فى النادى ؟ ده مستقبله يعنى هو اللى مفروض يسعى
