أنا قصتي يا جماعة بتبتدي من خمس سنين لما كنت لسه في أولى كلية قابلت شاب وحبيته جداً، وهو كمان حبني أوي لدرجة ما تتوصفش، المهم إننا عشنا قصة حب جميلة جداً لمدة سنتين، وبعد السنتين دول بشوية بدأت أحس ببعض العيوب في علاقتنا؛ زي إنه عصبي ومتحكّم جداً عاوزني ليه وبس، ومش عاوز حتى يكون ليّ أصدقاء؛ لأنه خايف يفرّقونا عن بعض، المهم مع المشاكل الكتيرة بدأ العراك ما بنا، وبدأ تفكيري يتغيّر في العلاقة ما بنا، وبدأت أفكّر بعقلي شوية وأنسى قلبي ولقيت إنه صعب إني أستناه؛ لأنه قدامه مشوار طويل لحد ما يتخرّج ويجهز نفسه ونتجوّز، وكان فيه حاجة هو دايماً بيقولها لي إن مستواهم أقل من مستوانا، وكنت دايماً بارد عليه إننا حنعيش في مستوى مختلف عن مستوى أهلي وأهله، أنا كنت شايفة إن الموضوع كده من غير نتيجة، وإني باضيّع عمري هدر.
طبعاً هو ما رضاش إننا نسيب بعض بسهولة، وكان آخر اتفاق ما بنا إنه ما يرجعش إلا لما يكون جاهز؛ علشان يخطبني وهو وافق على كده، وانفصلنا لمدة سنتين، وفعلاً بعد كده كلم بابا علشان يخطبني في البداية كنت قلقانة أوي منه، وقلت أسيب القرار لبابا، لقيت بابا بيقول إنه شاب كويس وأُعجَب بيه، ومع ذلك فضلت خايفة لحد ما قابلتني مشاكل كتيرة صعبة أوي، وقف جنبي فيها لحد ما خلصت، وفِضِل جنبي لحد لما نفسيتي كمان ارتاحت.
بصراحة يا جماعة هو ما فيش حد بيحبني ولا بيخاف عليّ زيه وأنا كمان في السنتين اللي فاته عليّ ما حبتش حد غيره وما قدرتش أنساه.
أنا طبعاً سلّمت أمري لربنا ووافقت عليه، وقرينا فاتحتنا من ستة شهور بس، هو لحد دلوقتي لسه ما اشتغلش، وما جبش شقة، وده اللي مخلّي ماما مش حباه ورفضاه، ومش عاوزاه، وابتديت كمان أحس إن بابا ممكن في أي وقت يفركش الموضوع؛ لأن كده طبعاً ما ينفعش، ده غير إن أنا كمان ابتديت أتخنق، وابتديت فعلاً أحس بالفرق في المستوى، وإني يمكن ما أكنش مبسوطة معاه ومش حعيش زي ما أنا عايشة، وبجد مش عارفة أعمل إيه؟ لو بابا قال لي إنه مش عاوز الجوازة دي أنا مش عارفة ردي حيكون إيه؟!! أنا بحبه بس عاوزة إمكانياته تبقى أحسن شوية.
أنا عارفة كويس إنه لو معاه حيجيب لي الدنيا وما فيها، بس بجد خايفة أوي يمكن خايفة من المستقبل؛ لأنه مجهول، بس أنا خايفة أوي يا جماعة قولوا لي أعمل إيه؟!!
nona love
من الصعب جداً أن نحصل على كل ما نريده في هذه الدنيا وأن نحقق كل أحلامنا..
كما أنه من الصعب جداً أن نجد الشخص الذي يحبنا من كل قلبه والذي يصبر علينا في مشاكلنا وأزماتنا ويقف إلى جوارنا بدون ضجر أو تذمر.
ولكنكِ صديقتي العزيزة قد حصلتِ على أحد هذه الصعاب، وهي الإنسان المحب المخلص الذي صبر عليكِ وتحمّلَكَ حتى في لحظات قسوتك عليه.
أما بخصوص الأحلام والأمنيات فمن الممكن أن تتحقق إذا كان الإنسان عنده إرادة قوية ودافع قوي أيضاً يدفعه لذلك.
وبإمكانك أنتِ صديقتي العزيزة أن تُشكّلي جبهة الإرادة والدافع لحبيبك، حتى تتمكنا من تحقيق أحلامكما سوياً.
عليكِ أن تقفي إلى جواره، وأن تشجعيه على أن يُثبِت نفسه ويجد العمل المناسب، تماماً كما فعل هو معك.
وإذا كنتِ خائفة من العيوب التي ذكرتيها كالعصبية والغيرة الشديدة، فاسمحي لي أن أقول لكِ إذا كنتِ أنتِ خالية تماماً من العيوب، فلكِ الحق أن تبحثي عن شخص خالٍ من العيوب مثلك.
صديقتي العزيزة..
عليكِ أن تجلسي مع نفسك وتتحدّثي معها بصراحة، وتقرري إذا كنتِ فعلاً على استعداد أن تقفي معه حتى النهاية أم إن حبك له ليس بالقدر الكافي الذي يجعلك تضحين مثل هذه التضحية.
وفي النهاية أنتِ غير مجبرة إطلاقاً على انتظاره إذا كنتِ لا تريدين، ولا أحد يمكنه أن يلومك إذا قررتي أن تبحثي عن مستقبلك.
ولكن الأمر يرجع لكي تماماً، فهي حياتك وأنتِ من يقرر كيف تريدينها أن تكون وكيف ستتصرفين فيها.
وأتمنّى من الله أن يرشدك للصواب، وأن تنعمي بالحياة التي تتمنيها مع الشخص المناسب لكي.
كفاية حرام عذاب ومرار كفاية
كفاية حرام عذاب ومرار كفاية قسوة الايام ياظالم روح سيبنى اعيش مفيش جواك قلب مفيش .......... افتكرى كل الردود دى عشان انتى هتندمى بجد والانسان الى معاكى الى خطبك بقاله 6 شهور على كلامك بدل ما تتكلمى اقفى جنبه سيبتيه سنتين واللى بيحبك اوى وانتى بتحبيه فوقى لنفسك وصدقينى هتندمى واحترم رد752008 Nona
إنتي إنسانة مادية جدا, وسيبي
إنتي إنسانة مادية جدا, وسيبي بقى الواد في حاله, وخلصي القرار ده على طول والأحسن ليكي طبعا تسيبيه عشان إنتي هو أكيد لسه مشواره كبير
دانتي لو بتحبيه بجد والله لو عشة فوق سطوح لتكون بالدنيا كلها بالنسبالك المهم تكوني جمبة وسعيدة معاه, لكن إنتي للأسف.....!!!!!
مش عارف أنا إيه البنات ديه!!! الله يسامحكم !!! حسبنا الله ونعم الوكيل!!!!
السلام عليكم صديقتي العزيزه
السلام عليكم
صديقتي العزيزه انا هقولك عن تجربه حصلت بالفعل مع اختى كان متقدملها واحد وكان حالته الماديه أقل مننا وكنا موافقين بس علشان تدينه بس خالى مش وافق عليه المهم ما حصلش نصيب
وبعدها جالها واحد من مستوانا وحصل نصيب
اللى اتقدمالها وخالى رفضه الاول دلوقتى بسم الله ماشاء الله ربنا فتح عليه من وسع حالته الماديه بقت أحسن بكتير اوى وأحسن بكتير من جوز اختى دلوقتى.
وصدقينى لو سيبتيه يمكن ماتعرفيش تحبى حد تانى وعلى كلامك ما اعتقدش هتلاقى حد يحبك زيه
ربنا يوفقك
اختى العزيزة لن اطيل عليكى
اختى العزيزة لن اطيل عليكى لكنى فقط ساقول لكى اننى مررت تقريبا بهذة التجربة ولكننى كنت عكسك تماما لاننى وقفت جانبه وضد الجميع عندى والان وبعد مرور سنين ليست طويلة اصبحا اكثر حبا واخلاصا برغم مرور ايام عصيبة علينا ولم اراها فى حياتى مع اسرتى والان صاعدا الى النجاح واصبحنا احسن من البداية بكثير ولكن؟؟؟؟؟؟؟؟؟؟؟كل هذا انستى المترددة لاننى مؤمنة بحبه واحببته حقا وليس حب من نوع اخر مثلما قالوا لكى فهو انسان طيب بقدر المستطاع وستندمى عليه كثيرا ارجو منكى الاستخارة فلن يوفقك الى الحل الصحيح والراى السديد غير الله سبحانه وتعالى استخيرى ربك من قلبك ووقتها الله هو الخالق الذى سيدير وجهك الى الخير ويعطيه اياك ان كنتى تستحقى هذا الرجل بمعنى الكلمة ويعطيه الله الخير الكثيييير مع اخرى ان لم يشاء الله لكى به وشكرا ايتها الانسانة المترددة
معلش يعني لكل الناس اللي جم
معلش يعني لكل الناس اللي جم عليها اقولكوا حرام عليكوا انتوا برضه متعرفوش احساس واحدة لما تكون قاعدة مع واحد مش بيعمل حاجة ومتواكل اصلا الحب دلوقتي مش كل حاجة لازم يبقي في توافق اجتماعي و ثقافي و ديني و اخلاقي مش حب بس اكيد هي مش انانية هي البنت نفسها تطمن علي مستقبلها بالعكس هي علي الاقل مش عايزة تظلم عيالها اللي هتجيبهم منه لما يجوا مايلاقوش عيش حاف بعدين من كلامها شاكلوا واحد مش بيسعي اصلا كان راح كون نفسي بدل ما يعد يحب اصلا هو يعني البنت لازم يكون عليها تشجيعه و هي اصلا شكلها بتدن في مالطا انا حسيت الاحساس ده و يا بنتي انا بقولك انتى تستاهلي راجل مش ده هو لو كان بيحبك فعلا كان استموت في شغلانة بس شكله مستني باباكي يجيبلوا الشقة يمكن و يصرف عليكوا اعتقد كده هيعجب الناس اللي رده بعدين مفيش حاجة اسمها عشان حبك خلاص اولا و اخيرا ده نصيب بس هي اصلا شكلها بتبوظ يبقي ده اصلا مش نصيبك متتعبيش نفسك معاه
بجد سيبييييييييييييه حرام هو
بجد سيبييييييييييييه حرام هو يستحق حد احسن منك بس اما تبقى ترتبطى بحد يليق بمقام سيادتك ابقى طمنينا...صحيح زمن ما بيحكموش غير المظاهر انما الاخلاق والدين والحب بقت موضة قديمة وبتسالوا ليه الدنيا مبقاش فيها خير
في البدايه انتي اصلا مش بتحبي
في البدايه انتي اصلا مش بتحبي الشخص ده انتي بس حبيتي وجوده جمبك وثانيا انتي لو بتفكري في المستوي المادي انتي متعرفيش ربنا كتبلك ايه انتي ممكن تختاري واحد مستواه المادي كويس جدا وبعد شويه ظروف الحياه تتغير معاه وممكن خطيبك ده ربنا يكرمه ان شاء الله ومستواه يتحسن جدا لان دي في ايد ربنا احنا منعرفش ربنا كتبلنا ايه لمستقبلنا مهما خططنا مش نعرف بكره مكتوبلنا ايه خلي ايمانك بربنا كبير وخليكي مع الشخص اللي بيحبك بلاش تفكري في نفسك انتي وبس
بصى لو بتحبيه هتوقفى جنبه لحد
بصى لو بتحبيه هتوقفى جنبه لحد ما يحاول يشوف شغل و يجيب شقه حتى ايجار تبتدى فيها حياتكم لكن انتى طالما دماغك جت ع التفكير المادى يبقى كده خلاص زهقتى من دور الحب اللى كنتى عايشه فيه حتى لو عمل المستحيل و حاول يرضيكى مش هترضى انتى عاوزه مستوى بابى
متظلميش نفسك ولا تظلميه معاكى
متظلميش نفسك ولا تظلميه معاكى انتى قلتى انه مستواه اقل من مستواكى
والمشكله دى كافيه انها تنسف علاقتكم زى ماحصل معايااا
احسن لك خدى حد من مستواكى علشان يعيشك زى ماأنتى عاوزه اما هو فالدنيا مش هتقف عليكى اكيد هيلاقى حد من مستواه
يقدر يعيش معاه حتى لو مكنش بيحبه
انا اصغر منك بس وقفت جنب اللى
انا اصغر منك بس وقفت جنب اللى بحبه كان مش معاه يصرف على نفسه والله عمرى ما حسيت انه كدا دايما كان فوق فى السما بس تعرفى انا كدا ليه عشان انا بحبه بجد انما انتى بتحبى كوسه رايحة مع اللى رايح وجايه مع اللى جاى
يا ماما انتى مش بتحبيه اصلا
يا ماما انتى مش بتحبيه اصلا والله وفعلا المفروض تبقى ليه هو وبس ولو كنتى بتحبيه كنتى هتقدرى الى هو بيقوله
يعني انتي مكنتيش عارفة دة من
يعني انتي مكنتيش عارفة دة من الأول ولا قلتي أوهم نفسي بالحب واعيشلي يومين وبعدين أشوف غيره يدفع ويشيل
حررررررررررررررررررررررررررررررررررررررررررام
كنت بحب واحدة زيك كده، سابتنى
كنت بحب واحدة زيك كده، سابتنى علشان خلصت وفضلت 6 شهور برضوا من غير شغل، كنت لسه مخلص دراسة وشايف الدنيا سايحة حواليا مش عارف اعمل فيها ايه،سابتنى وشوفت اسود ايام حياتى لانى حبتها بجد حب حقيقى وخوف حقيقى عليها، دلوقتى الحمد لله شغال فى اتحاد كبير ومرتبى كويس جدا وجاتلى شقة من عند ربنا تمنها اضعاف اللى كانت بتحلم بيه وربنا كرمنى من وسع اوى لما سابتنى وقربت للقادر القهار،هى ظلمتنى زى ما انتى هتظلمى حبيبك بس انا ربنا خدلى حقى منها فى حاجات كتير اوى وكرمنى بعد ما سابتنى علشان ربنا حاسس انى استاهل واحدة احسن منها مليون مرة
سيبيه علشان خطرى علشان هو اكيد يستاهل واحدة احسن منك ربنا يكرمه علشانها وعلشان يفتحوا بيت ويديلوا من خيراته الكتير اللى مبتخلصش
سيبيه علشان تندمى على كل يوم عشتيه من غيره
سيناريو معهود....ممكن اسالك
سيناريو معهود....ممكن اسالك سؤال
أنتى دراستك في كلية نظرية ( اداب - تربية - تجارة....)
علشان السيناريو ده انا شفتوا كتير اوي في الكليات النظرية
ناس بتبقى فاضية وبتحب 3 او 4 سنين وبتفوق بعد 4 سنين لا والله انا مش بحبه انا عايزة واحد معاه فلوس وشقةو عربية ..وبتلاقي فعلا بس غالبا الزيجة دي مش بتطول علشان مبنية على الفلوس
معلش انا ردي غلس شوية بس بجد من الحوارات كتير اللي شوفتها قدامي مع ناس اصحابي
بس مقدرش برضه ألومك انك عايزة واحد في نفس مستواكي
علشان متحسيش في يوم انك كنتى احسن منه او شايفة حد احسن منه
بجد انا بتمني كل شاب وبالذات في المرحلة الدراسية يركز في مذاكرته وملهوش دعوة بالحب وكده علشان بيضيع وقت على الفاضي
على فكرة قصتك دي بتتكرر في السنة مليون مرة مش حاجة جديدة
ولا اقولك اتفرجي على افلام عربي وهتشوفي قصتك بتتكرر كل يوم
سلام
فيه سؤال ياريت تساليه لنفسك
فيه سؤال ياريت تساليه لنفسك قبل فوات الاوان..لو وجدتي انسان بيبادلك نفس الشعور والحب وامكانياته احسن من خطيبك وعايز يتقدم ليكي هتعملي ايه ؟؟؟ اجابة السؤال ده فيه الرد علي استفسارك وبعدين انت خايفه من ايه طبيعي جدا ان اي انسان في بداية حياته يكون بسيط الحال دا مش عيب بس اللي انت تخافي منه بجد كونه لا يسعي لتغيير وضعه الي الاحسن بالجد والاجتهاد في العمل ولكن طالما انه بيحاول ويسعي لايجاد متطلبات الزواج فهذا في حد ذاته شئ جميل وكونه يتقدم ليكي بعد سنتين دا معناه ان حبه ليكي صادق ولكنك لا تريدين ان تغامري معه لماذا؟؟ لانك بصراحة مش قادره تحبيه علي الاقل زي مابيحبك وحاسه ان الانسان دا بحبه ليكي مش ممكن تلاقيه تاني لو انفصلتم. واعلمي ان في مثل هذه المواضيع تسليم الامر لله هو الحل وما اصابكي لم يكن ليخطئكي وما اخطأكي لم يكن ليصيبكي.
بجد انا مش عارف اقولك اية انا
بجد انا مش عارف اقولك اية انا بقرا مشاكل هنا كتير لكن بجد مشكلتك استفزتني لدرجة اني لاول مرة بكتب تعليق في الموقع بصراحه انا مش عارف انتي عاوزة اية تاني واحد بيعمل المستحيل عشان يوصلك بيجاهد في وسط ظروف مستحيلة ومحترمك برغم قسوتك علية من غير زعل انتي انانية جدا وكل همك في نفسك ومن كلامك واضح انك عمرك ما فكرتي فيه وفي اللي بيعمله عشان يوصلك وفي اللي بيعمله عشانك ممكن اعرف انتي اية اللي عملتية عشان خاطرة مفيش بالعكس بدل ما تبقي بتساعديه وتقوية بتقسي عليه وبتفكري متكمليش بحجة المستوي الاجتماعي تخيلي انك سيبتية وربنا رزقك بواحد معاه فلوس بس بيقسي عليكي وبيجرحك وبيأذيكي ساعتها هتعملي اية اسف من قسوتي عليكي لكن رجاء اعادة التفكير وبلاش انانية
مش هتعرفى قيمتة الا لما يضيع
مش هتعرفى قيمتة الا لما يضيع من ايدك,,,, حرام عليكى بجد لو ضاع منك هتندمى ندم عمرك و ترجعى تقولى يا ريت, يبقى لية يا بنت الناس؟؟؟ انا رأيى حطى ايدك فى ايدة فكرى معاة ازاى تحلوا المشاكل المادية ,,,و تبقى وقفتى جنبة زى ما وقف جنبك,,, اصعب حاجة الانسان اللى ياخد و ميديش انتى لازم تتعلمى العطاء شوية يا انسة
ياريت تجربي اراء اللي نصحوكي
ياريت تجربي اراء اللي نصحوكي متخليش حاجه متعمليهاش عشان متبقيش ظلمتيه ولو لقدر الله افترقتوا متبقيش شايله ذنبوا ويبقي ده مكتوبلك من عند ربنا وكده كده كنتي هتشوفيه وتعيشيه
ف رايي الانسان ده شاريكي بجد
ف رايي الانسان ده شاريكي بجد اوعي تضيعيه يمكن متلاقيش حد يحبك زيو واذا كان ياستي بيبعدك عن الناس وصحابك والكلام ده فده عشان بيحبك مش اكتر-اوعي تخافي -لازم تبعدي عنك الخوف ده عشان تقدري تكملي معاه صح ربنا يوفقكو ومادام موضوعكوا ماشي الحمدلله فان شاء الله ده خير ليكو
مش هطول عليكي الانسان ده
مش هطول عليكي الانسان ده يستحق انسانه افضل واحسن منك لانك انانيه جدا ومتعرفيش حاجه عن الحب ________سلام
بصي انتي محبتهوش انتي حبيتي
بصي انتي محبتهوش انتي حبيتي وجوده فحياتك ووقوفه جانبك والحاجات والذكريات وانه رجع لك تانى
هو بقي للاسف حبك بس ظروفه زى ظروف ملايين زيك
نصيحتي ليكي سيبيه دلوقتى اجرحيه لانه انسان مخلص .. اجرحيه وسيبيه فجرحه ودوامة حياته عشان يوفر فلوس ويكون جاهز وتيجي واحدة زيك بتدور علي الجاهز من غير مشاركة منها وتتجوزه فتبقي هى جرحت وانجرحت واتجوزت واحده حتجرحه وهكذا
عليه العوض والله مبقاش في حد بيحب حد وحب النفس بقي اعلي من كل حاجه بس انتي عارفه عمرك ما حتسامحي نفسك علي انك ضيعتيه
ولا عمرك حتلاقي اللى يعوضك عنه حتي لو كان جوزك اللى حتختاريه بيحبك وانتى كمان حبتيه وبكره تفتكري كلامي
وانا شايفه انك خلاص سيبتيه بس بتحاولي تلاقي لنفسك عذر فكلمة من حد فينا هنا
سيبيه والبسي اسود يومها وخدي العزا فقلبك وقلب واحد ذتبه انه حب واحده محبتهوش
مفيش غير كلام النبي هو الفاصل
مفيش غير كلام النبي هو الفاصل صلي الله عليه وسلم فيما معناه
"اذا جاءكم من ترضون دينة وخلقة"بأبي هو وامي صلي الله عليه وسلم
وصدقيني الفلوس بتروح وتيجي اللي هيفضل دينه واخلاقه لو ربنا ثبتوا هو ده اللي تبصيلوا احسن الدين والاخلاق مش المادة
يا جماعه انتوا جايين عليها
يا جماعه انتوا جايين عليها اوي صحيح الفقر مش عيب بس برده مش حب و بس . هي بتحبوا و بعدين هيعيشوا فين و هيصرفوا منين مفيش شغل و لا شقه . لو حد منكوا ماشي ف طريق طويل كل مدى عمال يضلم قدامك هتكمل فيه ولا هتستوقف نفسك تفكر ف اللي ممكن يحصل لو كملت و اللي ممكن تخسره لو مكملتش هي ف المرحله ديه ومن حقها تفكر كده ديه مش انانيه ابدا ده تفكير منطقي.....
اه طبعا انتى مش مجبرة تيجى
اه طبعا انتى مش مجبرة تيجى على نفسك عشانه الا اذا كنتى بتحبيه صلى استخارة وربنا ينورليكى طريقك
******بس اعرفى حاجة مهمة اوى مش هتحسى بيها الا بعدين
ان الحب مش بيتكرر انما الماديات ممكن كمان كام سنة تتتغير للاحسن وانتى ممكن عشان بتحبيه تقفى جمبه وتدورى مثلا على شغل مش عيب على فكرة لما انتى كمان تشتغلى وتبنوا حياتكوا مع بعض
بس الاهم انك من جواكى تبقى مقتنعة بكده وتبقى واثقة ان مع مرور الوقت تفكيرك وحبك مش هيتغير عشان لو اتغيروا هتندمى على عمرك اللى ضاع
ومتنسيش صلى استخارة
خساره فيكى حبه انتى
خساره فيكى حبه
انتى متستاهليهوش اصلا
بصراحة هو خسارة فيكى وبجد
بصراحة هو خسارة فيكى وبجد هتحسى بيه بعد ما يسيبك وساعتها هتندمى ندم عمرك وفلوس ايه اللى انتى بتفكرى فيها وحب ايه اللى انت جاى تقول عليه انت عارف قابله معنى الحب ايه الله يهديكى
اللي انا متاكده منه انك
اللي انا متاكده منه انك مبتحبيش الانسان ده لان انتي اللي بتعملي عقبات قصاد ارتباطكم يعني الاول طلبتي منه تبعدي بعد كده لما جالك كنتي منتظره ان باباكي يرفض عشان تبقي جت من باباكي ومتبقيش انتي قصرتي بس باباكي وافق وانتي من جواكي كان نفسك انه يرفض بس من الاخر مادام مش بتحبيه فمفيش اي مبرر انك تستحملي ظروفه وتكملي معاه
انصحيه ان يجى يشتغل فى ليبيا
انصحيه ان يجى يشتغل فى ليبيا ..الخير عندنا كثييير فى ليبيا والحمدلله والدينار الليبي ب4 مصري ولسه بيصعد كمان وكمان..3/4المصريين فى ليبيا ..ليبيا ليبيا ليبيا
بصراحة هو خسارة فيكى وانتى مش
بصراحة هو خسارة فيكى وانتى مش هتحسى بيه غير لما يضيع من ايدك وصدقينى هتندمى ندم عمرك وعلى راى المثل يا اخد القرد على ماله يروح المال ويفضل القرد على حاله
بلا وكسة حب ايه وزفت اية كله
بلا وكسة حب ايه وزفت اية كله بيطير بعد الجواز اسالينى انا
الاخت الكريمة.. (وبدأت أفكّر
الاخت الكريمة.. (وبدأت أفكّر بعقلي شوية وأنسى قلبي ولقيت إنه صعب إني أستناه؛ لأنه قدامه مشوار طويل لحد ما يتخرّج ويجهز نفسه ونتجوّز، )))))))) وكان فين الكلام ده من الاول ........
عاوزة الصراحة؟؟؟ انتى انسانة انانية...مجرد شايلاه استبن مش متقبلة مستواه ترتبطى بيه ليه؟؟ بتجربى؟؟ نفسك تلبسى دبلة؟ نفسك تبقى زى صاحباتك وتحبى وخلاص ؟؟خايفة يفوتك القطر؟؟؟والله حرام عليكى الانسان اللى بهدلتيه ده...انفصلى عنه ،فهو يستحق من هى أفضل منك ،من تقدره و تشعره بقدره وعموما اللى اقدر اقوله لك ان من هم فى مثل تفكيرك يكونون اسعد حظا فى اختيار العريس اللقطة ( ماديا طبعا) انما الاتعس فى الحياة ...انعمى بالعريس اللقطة و اقتلى الاحاسيس الجميلة شأنك شأن اى انسانة مادية وده طبعا بما انك بتقولى ( أنا طبعاً سلّمت أمري لربنا ووافقت عليه، ))) ونعم التضحية
بجد الواد ده يستاهل كدة لانه
بجد الواد ده يستاهل كدة لانه مختارش صح وبصراحة شكلك انسانة مادية واحسنله يبعد احسن طالما قلتى من اولها للناس كلها انه مستواه اقل من مستواكى على العموم الانسان بنفسه ومش هو اللى بيختار مستوى اهله انا بنصحه هو انه يجهز نفسه وميفكرش فى الجواز قبل ميقف فعلا على رجليه وبعدين يختار صح مش ياخد واحدة شايفاه اقل منه انشر ياعم
طبعا الكل تقريبا بينصحك انك
طبعا الكل تقريبا بينصحك انك تستني وانك مش هتعوضيه
وبصراحة كلامهم صح
لكن انا رايي ممكن يكون غريب شوية
هو فعلا بيحبك وعايزك
بس انتي متنفعيش له .... يمكن يكون كلامي جارح
هو فعلا بيحبك بس مش هيعرف يعيشك في المستوى اللي انتي عايشة فيه
ولازم تتقبلي الفكرة دي قبل ما تفكري في انك هتكملي معاه
عليكي ان تتقبلي الفكرة الاسوأ بالنسبة لك وليست الافضل
والله عرف يعيشك في المستوى اللي انتي بتحلمي بيه خير وبركة .. معرفش يبقى ده شئ كان متوقع من الاول
وعلى فكرة هو هياخذ وقت علشان يعرف يفتح بيت ... لانه مش هيضرب الارض تطلع بطيخ
هو فعلا انسان رائع وبيحبك وبيغير عليكى لكن للأسف كان اختياره غلط
نصيحتي فكري كويس بناء على فكرة انه هيعيشك في مستوى على قده
واديله قرار سريع ولو كنتي مش موافقة عليه فياريت بسرعة لان حرام تظلميه معاكي اكثر من كده
بالتوفيق
مع احترامي لكل الي بعتوا
مع احترامي لكل الي بعتوا تعليق للانسه مش هي الي محتاجه رد الي محتاج رد الانسان الي بيحبها بجد ربنا يكرمك بأحسن منها لانها متستهلكش وان شاء الله ربنا هيوفقك وهتبقى أحسن منها في المستوى وفي كل حاجه دي عاوزه كل حاجه في وقت واحد يحبها ويضحي عشانها ويبقى معاه فلوس ونسيت ان مفيش انسان كامل وعمرها ماهتلاقي انسان كامل والانسان الي بتحبه ده انسان ربنا اداله صفات كتير وميزات احسن من الفلوس والمستوى بجد البنات اليومين دول بقوا قاسين أوي يمكن اكون حاسس اوي بالموضوع لاني مريت بتجربه شبيه بالموضوع ده بس أفضل حاجه النسيان انساها وسيبها لما تقابل حد غيرك وتتعامل معاه هتعرف قمتك بس برضه اوعى ترجعلها
انا رايى انك تقفى جمبه لانك
انا رايى انك تقفى جمبه لانك عمرك ما هتلاقى حد يحبه زيك وانتى جمبه هتشجعيه على انه يكون احسن ومستواكم يعلا مع بعض وهتحسى بطعم كل حاجه حلوه
هو اصلا غلطان من الاول ..
هو اصلا غلطان من الاول .. المفروض مكنش ارتبط بيكي لو هو شايف فرق في المستوي و بعدين هو معندهوش شقه و لا بيشتغل ... امال هتعيشوا ازاي و الناس الي بتغلطك دي مش شايفه شايفه الواقع من حوالينا والافضلكم انك تنفصلوا بدل ماتعيشوا تجربه فاشله
ممكن اسال سؤال صغير يعنى ايه
ممكن اسال سؤال صغير يعنى ايه عايزنى ليه هو وبس امال انتى عايزه تبقى جمعيه كل واحد يقبض مرة طبيعي انك تكونى ليه وبس ولا انتى ترضي انه مايكنش ليكي وبس
اصبرى عليه وشجعيه يمكن تسيبيه
اصبرى عليه وشجعيه
يمكن تسيبيه وتتجوزى واحد غيره امكانياته حلوه بس يطلع عينيكى
البنت ما بتحبش فى عمرها كتير ومشاعر البنت غير الولد وواضح انك طلعتى مشاعرك كلها مع الولد ده صدقينى لو سيبتيه يمكن ماتعرفيش تحبى حد تانى وعلى كلامك ما اعتقدش هتلاقى حد يحبك زيه
ربنا معاكوا وان شاء الله ربنا يجمعكم على خير ويرزق خطيبك بالرزق الحلال الطيب
السلام عليكم صديقتي العزيزه
السلام عليكم صديقتي العزيزه طالمه فكرتي في الظروف دي وخفتي منها او شكيتي في لحظه انك ممكن تبعدي عنه يبقا صعب تكملي معاه وانتي حاسه اني في فرق بينكم بصراحه اكتر ابعدي عنه من دلوقتي احسن ماتندمي بعد فوات الاوان وربنا يوفقك فكري بعقلك وسيبي قلبك شويه
استنى راى باهر الحميلى واكيد
استنى راى باهر الحميلى واكيد هيعجبك رده لانى بحترم اراؤه وربنا معاكى وصلى استخاره كتير وربنا ينور لك بصيرتك
إيه دى بتعملى معاه كدة الولد
إيه دى بتعملى معاه كدة الولد شاريكى ومش ناسيكى سنتين وطلبك انتى تفكيرك مادى جدا على فكرة ومش بتحبيه ولا حبتيه فى يوم من الايام لانك لو بتحبيه مش كنتى تفكرى فى المستوى وكمان مش كنتى تسيبيه عشان مستنية الجاهز واللى احسن منه....بصراحة ضايقتنى حاجة جدا لما قولتلى سلمت امرى لله واضطريت اوافق عليه ...بجد مش عارفة اقول اى غير لو حبتيه عمرك ما كنتى هتشوفى الفرق بالعكس كنتى هتحبى تعلى بيه ويعلى بيكى عشان بعد 10سنين يبقى غير الاول وتحسى انك انتى اللى كنتى معاه...ربنا يهدى
انتى جايه تفكرى دلوقتى بعد
انتى جايه تفكرى دلوقتى
بعد السنين دى كلها
عندك استعداد تبيعى عادى , وتظلميه بالسهوله دى
انتو يا بنات جبتو القساوه دى منين
انت جامد جدا على فكره بس بجد
انت جامد جدا على فكره بس بجد الى بيحب بجد بيبقى مش عايز حبيبه ليه وبس ده من وجهة نظرى
يذكرني كلامك بتعليق قرأته على
يذكرني كلامك بتعليق قرأته على موقع آخر يتحدث عن مساوئ الفتاة المصرية (التناكة-النكد ..إلخ) و نقيضها في غير المصرية.
فعلا بجد ديه مشكله الشباب
فعلا بجد ديه مشكله الشباب كلها اليومين دول بس نصيحه يعنى طالما كدا خلاص انتى مش هتقدرى تستمرى معاه بعد كل دا مهما كان حبكم فى الظروف الى البلد فيها ديه
صدقنى مش هتكمل
ربنا يكون فى عونك فعلا مشكله
ربنا يكون فى عونك فعلا مشكله وتخافى تتجوزيه يطلع مش قد كده والجواز اليومين دول صعب وعبء على الرجل والزمن ده زمن المعجزات اللى معاه قرش يسوى قرش واللى معهوش ميلزمهوش فلازم تفكرى الف مره الحب فى الزمن ده نادر جدا بس صعب تلاقى حب وفلوس مع بعض فكرى كويس فبل اى خطوه وربنا معاكى
البنات دايما عايزين الشباب
البنات دايما عايزين الشباب يعملوا كل حاجه وهى تقعد فى بيت ابوها لحد ما يجى ليها لحد باب البيت وبعد كده تبقى تفكر ان كان الشاب ده وصل للمستوى اللى هي عايزاه ولا ايه ولو ما وصل تغيره وتجيب غيره واللى انا اكتشفته ان البنات انانين وسلبين فيها ايه اما تعتب معاه شويه يمكن يكون الخير جاى بعد كده ودا مش رأى انا بس دا للاسف حاجه غايبه عن كل الشباب والله صدق الله حينما قال كيدهن عظيم .
واخيرا اقول لكل بنت وكل شاب اتمسكوا ببعض واعملوا المستحيل انكم تتعبوا وتعيشوا مع بعض وانتوا حابين بعض اوفر واكثر حلالا وذلك لانى اعرف بنات كثيرا اتجوزا من غير حب والان يا حسرة على حالهم من خيانه ومكالمات وتقول انى مفتقده للحب .
واخيرا نصيحتى لكى اصبرى مادام الحب موجود بينكم وايه اتخنقتى منه دى ازاى بتحبيه واتخنقتى منه متركبشى خالص ..................سلام
شايفه انه انسان كويس اصبرى و
شايفه انه انسان كويس
اصبرى و ربنا هايكرمكم
بس اتقى ربنا و مش تعملى اى حاجه مخالفه للدين او اى تهاونات فى مرحله الخطبه علشان ربنا يكرمكم و يوفقكم
السلام عليكم ورحمة الله
السلام عليكم ورحمة الله وبركاتة
إستخيري ربنا كيتير
ومتتسرعيش في قرارك
سواء تكملوا مع بعض أو تنفصلوا
