أنا مشكلتي إني قبل الجواز اتعينت معيدة بالكلية واتجوزت وحملت وربنا رزقني بأحلى طفل في الدنيا، وأخدت إجازة بدون مرتب لرعايته، وخلاص قرّبت تخلص ومحتارة، عاوزة أربّي ابني 8 شهور وأعيش معاه أحلى فترات حياته، وهو بيكبر ومش قادرة أسيبه وأنزل الشغل، وحتى مامتي رغم إني ساكنة بعيد عنها، تقول لي سيبيه وابقي تعالي شوفيه، بس مش قادرة أعمل كده، وابنى يبعدعني..
وبيقولوا لي دي شغلانه ما تتسابش، وأنا احترت أسيبها وأربّي ابني ولا أسيب ابني عشان الشغل، وهو في أكتر فترات عمره احتياجا لأمه، وتعبت من كتر التفكير.. عاوزة حد يساعدني.
shosho
كم هي محيرة رسالتك!!!!
فأنت تطلبين مني أن أساعدك في الاختيار بين أمرين، أفضل من بعض.
بين مهمة تربيتك لابنك والتي هي أغلى مهمة لكل أم في الدنيا، وبين مهمة تربية أجيال وتوصيل رسالة العلم.
أتفهم جيداً شعورك، وأتفهم أن الخيار صعب.
ولكن تلك هي الحياة، دائماً ما توقع بنا في فخ الاختيار لتحيرنا كثيراً، ولتجعلنا نشعر بعض الشيء بقيمة كل ما نملك وبأننا لا نستطيع التخلي عنه.
أنا أرى أن تخوضي تجربة الحفاظ على كلا الأمرين..
أعرف أن هذا سيكون صعباً عليكِ، وخاصة أنك أمّ لأول مرة، وليس عندك خبرة كبيرة في هذا الأمر، ولكنه ليس مستحيلاً.
فيمكنك أن تنظري حولك لتري مئات بل آلاف الأمهات اللاتي يعملن ويربين أطفالهن في نفس الوقت.
حاولي الاستفادة من تلك التجارب، استمعي جيداً لأصحابها لتعرفي كيف تغلّبن على تلك المشكلة.
وفي النهاية أنتِ لن تخسري شيئاً، فما هي إلا تجربة تعطين نفسك فيها الفرصة.
وإذا شعرتِ أنك لم تتمكني من تحقيق التوازن بين متطلبات وظيفتك، ومتطلبات ابنك، ففي هذا الوقت يمكنك التخلي عن أحد الأمرين.
والذي بالطبع سيكون وظيفتك، ولكنك بهذا على الأقل لن تشعري بالندم بعد أن تتخلي عنها، لأنك ستكونين حاولتِ، ولكن الأمر لم يُفلح.
ولكن صدّقيني لو كان عندك إرادة وتصميم للمضي في المهمتين على قدم المساواة، فستتمكنين من ذلك، فالمرأة بطبيعتها قادرة على تحمّل المشاق والجمع بين أكثر من عمل في وقت واحد، هكذا خلقها الله.
وفي النهاية أتمنى أن يوفقك الله إلى ما يحبه ويرضاه.
شايفة انك متسيبيش شغلك عشان
شايفة انك متسيبيش شغلك عشان اكيد هتندمى..و مدام ماما ربنا يخليها ليكى عرضت عليكى تساعدك يبقى مفيش احسن من كدة بجد..انا مش بقول سيبيه لماما بس,,لا دورك طبعا مهم ف رعايته و الاهتمام بيه و اللعب معاه كمان..يعنى حاولى توفقى بين ال2 بحيث متخسريش الشغل.. وربنا يوفقك
بصى ياجميل انا واقعة فى نفس
بصى ياجميل انا واقعة فى نفس المشكلة بس مع اختلاف انى مخطوبة واهلى طالبين منى انى اشتغل بعد الجواز وانا مش موافقة او بمعنى اصح خايفة بس ظروفى غير ظروفك فكرى انتى هل انتى محتاجة للوظيفة دى ؟ وهتقدرى توفقى بين شغلك وابنك ؟ صدقينى الانسان محتاج الحنان والامان اكتر من فلوس الدنيا دى كلها يافرحتى بالفلوس وانا مش عارفة اتواصل مع ابنى مش عارفة اعيش معاه لحظاته الحلوة والمرة على فكرة انابجد مش عايزاكى توقعى فى غلط خصوصا ان التربية زي البيت بتتبنى على اساس صح عشان تبقى صح ومتتهدش على طول او متوقعش ..بجد اقرب مثال انا .. انا كنت مريضة نفسيا بسبب عدم اهتمام حد بيا ماما بتشتغل وتيجى تتغدا تعبانة من الشغل تنام بس الحمدلله اتعالجت .. متحطيش نفسك وابنك فى موقف محرج .. عموما انتى اكتر وحدة عارفة ظروفك وعارفة نفسك ... ارجو نشر رسالتى
الموضوع مش صعب لو انتي مش
الموضوع مش صعب لو انتي مش محتاجة للشغل سيبيه وربي ابنك كويس مفيش احسن من ان ابنك يبقى في حضنك طالما انك مصاريفك متوفرة وجوزك مسؤول عنك وعن ابنك واكبر نسبة من الأمهات سابت شغلها لتادية رسالتها الحقيقية والشغل ممكن يتعوض بعدين
رأيي زي كل الاعضاء حافظي على
رأيي زي كل الاعضاء
حافظي على الاتنين ووفقي بينهم
لكن اذا مقدرتيش توفقي بينهم فتنسي الشغل ده خالص وتربي ابنك لانه اهم من اي حاجة وهو حاضرك ومستقبلك ويعتبر في اهم مراحل العمر وبيكون هنه متفتح وبياخد النصايح وبيتعلمها بسرعة وسهولة وبينفذها فغلط تسيبي عقلة فاضي في المرحلة دي وتدي كل وقتك لشغلك اللي مبيأكلش عيش اكيد ده اولا وهايضيع منك ابنك.
انا شايف ان ابنك اولى بيكى من
انا شايف ان ابنك اولى بيكى من شغلك
خصوصا لو مكنتيش محتاجه شغلك ده ومستووكى المادى كويس
يبقى ليه بقى تحرمى نفسك من ابنك الجميل ده وتحرمى نفسك منه
مش حرام عليكى برده تعملى كده ؟؟؟؟
ابنك اهم لا قدر الله وراح مش
ابنك اهم لا قدر الله وراح مش حتقدري تعوضيه و حيكون الألم شديد لكن الوظيفة لو راحت ربنا حيديكي اللي أغلى منها و هو حب ابنك ليكي وربنا يرزقك و يقدرك على تربيته و يكون عونك لا تكبري صدقيني تربيتك لابنك تاج على رأسك ليوم الدين
(((اتحرمت من امى))) بصراحة هو
(((اتحرمت من امى))) بصراحة هو ده احساس ناس كتير اوى ورأى ناس كتير اوى كانت والدتهم بتشتغل........بس برضو مع العلم انى معرفش الغلط كان فين .........هل ده تمن العيشة الافضل ماديا .....ولا ده عدم القدرة على التوفيق بين الاتنين.........واقدم كل احترامى واعجابى برد استادة / رنا حسين بجد اسلم حل ليكى فعلا هو المحاولة بكل جهدك فى التوفيق بين الاتنين ده بجد فو اللى هيريح ضميرك وهو اللى هيديكى طرف الخيط سواء بانك تكملى فى شغلك او لا.........وعلى ما اعتقد ان الاراء اللى اتقالت دى بجد مفيدة جدا والحيرة اللى انتى فيها هتخليكى تحاولى بأقصى جهدك انك توفقى بين الاتنين بس اوعى تسيبى ابنك لمامتك وتروحى تشوفيه من وقت للتانى لاه.....سيبيه بس عدى خديه كل يوم وانتى مروحه متخليهوش يتحرم منك اديه على الاقل نص وقتك خلال اليوم ....لان ايامك معاه مش هتقدرى تعوضيها لانها اغلى واسعد ايام فى حياة اى ام فى الدنيا ولا تقارن بأى شئ اخر
أنا رأيى تربى ابنك أولى نفس
أنا رأيى تربى ابنك أولى نفس أعرف ليه الناس غير مقتنعة إن تربية الأم لأبناها هى أعظم من أى مهنة فى الدنيا؟؟!! لو انتى محتاجة ماديا وفقى بين الاثنين لو مكتفية ماديا يبقى ابنك محتاجلك أكثر. أمى سابتنى واشتغلت عشان ماديات وهى غير محتاجة وحالا بدور على حنان بدور على أمى. بجد بعانى لأنها مفهمتنيش من الأول .. أنا فى اولى كليه. أتمنى انى أفيدك أختى الغاليه
والله كل فى الدنيا ليه دور
والله كل فى الدنيا ليه دور بيقضيه يعنى مثلا الاب عليه مصاريف البيت وانتى عليكى تربيه الاولاد والاهتمام بالبيت بس مش اكتر ولا اقل ..........
أوعى تسيبى شغلك حتندمى جدا
أوعى تسيبى شغلك حتندمى جدا أتكلى على الله وإنزلى الشغل وجمدى قلبك وصدقينى بعد فترة حتكون الحياة منتظمة وماشية لوحدها
نصيحة لوجه الله ابنك أهم
نصيحة لوجه الله ابنك أهم بكتيييييييييييير من الشغل انا اختي كانت في نفس موقفك بس إختارت شغلها وإبنها بقى عمره 11 سنة دلوقتي ومش عارفة تخلف تاني عملت كل حاجة بس أنا حاسس ان ربنا بيعاقبها على انها سابت ابنها لحماتها شوية تربيه وأمي شوية تربيه وعلشان كدةو مش رازقها بولاد تاني
انا عارفة ان رأيي غريب لكن
انا عارفة ان رأيي غريب لكن رأيي ان كل لحظة بتقضيها بعيد عن ابنك اغلى بكتير من اى شغل واى مستوى اجتماعى ورأيي كمان ان شخصية ابنك انتي الوحيدة اللى من حقه هو انك تشكليها
انا باقول لك ده عن تجربتى الشخصية لانى اتحرمت من امى بسبب شغلها رغم ان جدتى كانت بتراعينا كويس جدا جدا .
لاالاالا كتير جدا من الستات
لاالاالا
كتير جدا من الستات بتشتغل
وعيالهم زي الفل
اوعي تسيبي شغلك
هو هيكون فخور بوالدته الاستاذه
وطبعا شغلك مش معناه تهمليه
بس بجد هتبقي غلطة عمرك
تربيه الاطفال اهم من اى شئ في
تربيه الاطفال اهم من اى شئ في الدنيا كلها
السلام عليكم ورحمة الله
السلام عليكم ورحمة الله وبركاته
اختى العزيزة: حاولى توفقى ما بين الاتنين بمعنى انك ممكن تمدى اجازتك شوية كمان لحد ما ابنك يكمل سنة وبالتالى هيكون كبر شوية
وبعد كده امامك اختيارين إما ان تودية عند مامتك وتدية بعد الشغل وان كان فى ذلك مشقة وتعب لبعد مامتك عنك
فوديه حضانات قريبة من بيتك الان فى حضانات بها قسم مخصص للاطفال الصغار جدا مثل طفلك وصدقينى بيهتموا بيهم جداااااااا وبيحافظوا عليهم بس اهم شئ انك تكونى واثقة فى الحضانة دى وتسالى عنها كويس جداااااااا قبل ما تسيبى ابنك فيها
بس اهم حاجه يكون برضة شغلك مش لحد بعد العصر مثلا عشان تعرفى تقضى معاه بقية اليوم حاولى توفقى شغلك لحد الوقت ده والوقت ده الطفل بينام فيه اكتر يعنى مش هتتحرمى منه كتير
ولو لم تستطيعى فعل ذلك فتربيتك لابنك وجلوسك بجانبة افضل متعه وافضل هدية ارسلها الله تعالى للامهات واتركى شغل حتى ولو لسنوات بدون مرتب حتى يكبر طفلك وتكونى قد راعتية وحافظتى علية فى هذا السن المبكر
فالاطفال نعمة كبيرة وهدية من الله عز وجل فحاولى باكبر قدر من الامكان المحافظه عليه ورعايته والاهتمام به
*hayoma*
الرسالة دى لمستنى جداً,انا ام
الرسالة دى لمستنى جداً,انا ام لأول مرة ايضاً و اضطرتنى الظروف ان انزل الشغل و بنتى 4 شهور و تركتها لأمى و اول يوم دة كان العذاب بعينه دخلت الحمام فى الشغل و قعدت أعيط رغم ان شغلى مش بأهمية شغل المعيدة و لكنى الظروف المادية كانت العامل, و بالوقت اتعودت بالعكس بدأت احس ان ده خلى بنتى اجتماعية مش زى ولاد صحابى القاعدين فى البيت عيالهم ماسكين فيهم بشكل فظيع, اتوكلى على الله و اعرفى ان قدام شغلك هيكون مهم ليه قبل اى حد نزولك و ثقافتك حتفرق فى طريقة تعليمه و نظرته للدنيا
يابنتى وديه حضانة انا مهندسة
يابنتى وديه حضانة انا مهندسة وكنت بودى بنتى حضانة وهى عندها 4 شهور وهيكون افضل ليكى وليه
ربنا يوفقك بس اهم حاجه انسي
ربنا يوفقك بس اهم حاجه انسي موضوع الحضانه دا نهائي لان حتى ف احسن مستويات الحضانات عمرهم ماهيعملوه كويس انا بكالوريوس وكنت بشتغل ف حضانه والله كانو يفضلو راميين العيال وقبل معاد مجي مامتهم يحمو الاطفال ويلبسوهم ف انتظار اولياء الامور ولايعرفو ايه اللي حصل لعيالهم
اختي الكريمة اولا يمكنك
اختي الكريمة
اولا يمكنك القيام باجازة رعاية طفل لفترة اطول او اجازة بدون مرتب لرعاية الأسرة على الاقل لمده عام حتى تستطيعين تدبر امورك
ثانيا عملك كمعيده يتيح لكي وقت اكثر يمكنك فيه من رعايه طفلك كما انه يمكنك ترتيب جداولك في ايام معينه يكون طفلك مع والدتك وباقي الأيام تكونين متواجده مع طفلك ( هذا على حسب ظروف كليتك انا لا اعرف في اي كليه انتي ولا طروف دراستها عملية ام نظريه
ولكن هناك مشكلة في عملك كمعيده وهي استكمالك لدراستك لانه قد صدر قرار مؤخرا من المجلس الأعلى للجامعات ينذر الساده اعضاء هيئة التدريس بسرعة استكمال دراستهم العليا بحد اقصي لماجستير 6 سنوات وللدكتوراه 11 عام ومن ثم فانا ارى حاجتك الملحة للقيام باجازة بدون راتب لرعايه الأسرة
بارك الله لكي في طفلك ورزقك المولى عز وجل باخيه عما قريب ويسر امورك
محمد باحث دكتوراه
