لعنة الجمال والميل نحو الرجال

كلامكوا صح انا كدا بس المشكله انى فعلا مش بحب اكسف حد ودا مخلينى بقابل مشاكل كتيييييييره اوى وبقابل الحلو والوحش بس مش ببقى عارفة اتصرف معاه ازاى بجد انا والله الجمال بالنسب ليا نقمه نقمه نقمه مش نعمه خالص مع العلم انى بتكلم ياحترام بس الناس اكترهم مش محترمين ربنا يهدينا ويهدى المسلمين اجمعين

السلام عليكم اختى فى الله ....اناكانت عندى نفس المشكلة او نفس الاحاسيس الى بتتكلمى عنها وع فكرة مش شرط البنت تكون قائقة الجمال عشان الكل يهتم بيها ويبدى اعجابة بيها..الا ان طريقة البنت فى التعامل وصوتها وحركتها كلها مقومات ومغريات للذئاب البشرية وانصحك بالحجاب الشرعى والبعد عن الاختلاط ....وصدقنى من ترك شيئا لله ابدلة الله خيرا منة وهتلاقى انك ملكة ولست اميرة بحجابك وعزتك ...وربنا يرزقنا واياكى بالزوج الصالح الى يعينك ع امور دينك ودنياكى ....

عايز اقول نو كومنت بس التعليق واجب اليومين دول علي راي الاخت حنون طابور المعنسين او العيش والحوارات بتاع الاختلاط والكلام الفارغ دا سببه ايه اولا بعدنا عن ربنا في معاملاتنا واسلوب كلامنا عن طريق المياعه وقله الادب وعدم الاحتشام
ثانيا الزوااااااااااااااااااااااااااااااااااااااااااج
الزواج يا ساده اهم شئ فهو ستره للاعراض وغض للبصر وحفظ للفرج والبعد عن الشهوات
فما نجده في ايامنا الا نسبه كيره من الشباب الغير قادر علي الزواج وكثره اختلاطهم ببعض وتعدي مرحله المراهقه والسن المطلوب الي سن اليأس او القطار اللي بقي زي الصاروخ
الي اهالينا وعائلاتنا سهلوا علينا ولو بأبسط الاشياء قال رسول الله صلي الله عليه وسلم من استطاع منكم الباءه فليتزوج 0اي تكاليف الزواج يعني مش ناقه مرسيدس ولا خيمه علي النيل وارحمونا وشكرا مصر سوري شكرا للموقع الجميل لسعه صدره بنا وبالشعب الغلبان ههههههههههه انشر يا عم الحاج

الرد جميل جدا
تسلموا على التميز
وربنا معاكى
ولا زم تاخدى موقف من الناس اللى حواليكى

والله اختى الفاضلة انا كل الى هقدر اقولهولك والى انا حللته من طريقة كلامك انك مش جميلة بالفعل لان مايقال للانسان دائما انه جميل دة بيكون على سبيل المجاملة مش الحزم ولو احنا اخدنا كلام المجاملات على محمل الجد زى مثلا لو واحد قالك انتى بميت راجل هنلاقيكى هتيجى تشتكى لان الناس بيقولولك انك راجل اكيد كلامى واضح . وزى ما قال اخ فى رد سابق انتى لو جميلة بالفعل كان زمانك متجوزة ومعاكى احمد وحنان ويوسف بتربيهم لان سنك كبير واسف على صراحتى لانى بجد اكتر شئ بكرهه فى حياتى المجاملات وتزويق الكلام هذا من النفاق وليس من الصدق وشكرا..

ياجماعه بلاش تريقه دي فعلا مشكله كبيره
انا كنت بعاني من نفس المشكله دي بالظبط لكن خطيبي خلاني اسيب الشغل واقعد في البيت واصون نفسي هو اه انا مش عاجبني الوضع لكن كدا احسن مليوووووووووون مره من نظرات كل من هب ودب ومحاولات مستميته للوصول لشئ ما .........الله يستر علينا ويهدي الجميع
تحياتي

ههههههههههههه عارفة مشكلتك ايه بجد انتى مشكلتك انك بتصدقى الكلام اللى بيقولوه الرجالة على فكرة ممكن تكونى عادية جدا بس الرجالة من الزملاء والاصدقاء طبعا شايفينك بتتجاوبى لما يثنوا على مفاتنك ورقتك ويمدحوا فيكى فياحرام صدقتى انتى بقى اكلتى الطعم دى طريقتهم فى اصطياد البنات وهيخسر ايه يعنى اهى فرجة ببلاش وتجاوب ببلاش فيه حاجات بالنسبة للبنت اهم من الجمال والانوثة والله اصل الراجل من دول مهما كان تافه وعينه زايغة هو عارف فى النهاية انه لو اتجوز ملكة جمال هتبقى بعد فترة عادى اوى بالنسبة له واللى هيفضل الاحترام والامان وانها ام ولاده اللى مطمن انها هتحفظ بيته وتصونه فى غيابه زى وجوده الحمد لله كل بنت فى الدنيا عندها منطقة جمال معينة فى شكلها دورها انها تحافظ عليها وتبرزها بس للى يستاهلها ويقدرها متبقاش فرجة للى يسوى واللى ميسواش افتكرى دايما انك لؤلؤة مستنية اللى يتاقلها بشرع ربنا مش وردة اى حد ممكن يشمها وبعد كدة يزهق يرميها حجابك قبل مايكون فى مظهرك لازم يكون فى سلوكك وعقلك يعنى لازم تكون محجبة من الناحيتين فى الظاهر والباطن خصوصا فى تعاملك مع الجنس الاخر افتكرى دايما ان ربنا بيقول (ولاتخضعن بالقول فيطمع الذى فى قلبه مرض ) متحاوليش تتكلمى مع راجل عن مشاكلك الشخصية خليكى واضحة ومحددة وكلامك معاهم بحدود بقدر احتياج الشغل وقفى اى واحد عند حده لو لقتيه بس مجرد لمح باى تجاوز حتى لو لون معاكى فى طريقة كلامه متسمحيش لاى حد يعلق على طريقة لبسك لا حلو ولاوحش وصديه فورا عشان ميسمحش لنفسه انه يتطاول عليكى اكتر من كدة
مادام اشتغلنا مع رجالة يبقى الاختلاط له اصوله فى حدود الشرع والعرف وافتكرى دايما انك رايحة تشتغلى مش تستعرضى وساعتها صدقينى هتلاقى الناس تحترمك وتركز على شغلك وبس وربنا يوفقك وصدقينى كل البنات حلوين جدا مش انتى بس يعنى واهو كل كلام الرجالة زى الزبدة بيطلع عليه النهار بيسيح بدليل ان انتى لسة مش اتجوزتى وواقفة معانا لسة فى الطابور ربنا يهدينا واياكى يارب ويرزقنا واياكى بالزوج الصالح والذرية الطيبة

تقريبا انا امتلك نفس المشكله بس الاختلاف الوحيد انة مع زمايلى والناس اللى بيتعرفوا علياوساعات بتسبب لية ف احباط واكتئاب

أحى الأستاذة فاطمة على هذا الرد الرائع الجميل.....لقد شرحت ببساطة أحد الحيل العقلية الدفاعية التى تسمى التقمص الإسقاطى حينما يكمن فى اللاشعور رغبة ما ولانود رؤيتها فنسقطها ليس على الأخر بل بداخله ليتفاعل معها ويتأثر بها ويتصرف كيفما نريد أن نراه يتصرف ثم نعود ونقول إنه يريد منى....إنه يسعى ل....بينما نحن من جلعناه بالإيماءات والحركات والكلمات اللاشعورية يتصرف هكذا وهكذا توقع الأنثى بعض الرجال فى يراثن الخطيئة أو تتلاعب بالرجل لتنتقم من أخر جرح مشاعرها....فتغريه ثم تحتقره....أؤيدك يا أستاذتى الفاضلة فى رفض الإختلاط فأمر الدين لنا لا يأتى من فراغ بل لعلم الله الأزلى بطبيعة النفس البشرية....جزاك الله كل خير وتحياتى لبص وطل
د.نهلة نور الدين
أخصائى الطب النفسى

والله العظيم نفس مشكلتى و مش لقيالها حل يا عالم
=======================
رد بص وطل
صديقتى العزيزة شكرا على ثقتك فى بص وطل وبالنسبة لمشكلتك فنرجو أن يكون الرد قد أفادك ولتقرأيه عدة مرات عله يكون معينا لكى فى حل مشكلتك .

بجد احب احي حضرتك على ردك
كل كلمة صح و الله العظيم و دا فعلا اللى بيحصل
التحفظ فى العلاقة اساس الشغل اللى فى صيانة للمرأة
جزاك الله خيرا

كده الشغل اصبح خطر كبير بالنسبه ليكى .. دلوقتى بس اعجاب كده
ونظرات وكلام ممكن الحكايه تطور ويحصل حاجات مش كويسه خالص
انصحك انك توقفى الشغل او على الاقل تشوفى اماكن محترمه
ويكون الناس اللى حواليكى فى العمل بنات زيك بردك
وبمجرد ما ربنا يرزقك بنصيبك توقفى الشغل خالص
وربنا يسترها معاكى !

داخل كل انسان فينا الحل لاي مشكلة بيتعرض ليها لكن احنا محتاجين دائما انسان قريب مننا(الام او الاب او الاخ او الاخت) يعرفنا ازاي نعثر علي الحلول والاجابات ابحثي داخل اعماق نفسك بهدوء قرري انت صح والا غلط.واسالي سؤال وحاولي تلاقي اجابة هو انا غلط والا صح مش معقول الناس دي كلها بتفهمني غلط يبقي اكيد لازم اغير من نفسي وان كان مشكلتك جمالك وانوثتك يبقي الحل بسيط حاولي تخفي مااستطاعتي منها واحده تلو الاخري حتي تجدي ان اعينهم والسنتهم لا تتابعك... وعلي فكرة كلام الاستاذة فاطمة ممتاز جداااااااااااا استفيدي منه

غيرى حياتك افعدى مع نفسك وخدى واقفة عن كل حاجة واعملى اعادة هيكلة لكل حياتك صدقينى ممكن الانسان يطور نفسه صح يا إما يسيبك مثلا البسى واسع خليكى عادية فى نفسك

بالفعل هو الان يكون لكى نقمه لما لا تجعلى منه نعمه ووسيله ولكن للخير ليس اكتر وكلما قال لك شى جيد عن جمالك قولى له اول ما ينكمش منى لما اكبر هو بشرتى واول ما يوكل منى تحت التراب هو عيونى
انظرى للموضوع دائما من وجهه النظر تلك ولن تندمى
صديقنى انتى لن تبلغى جمال سيدنا يوسف ابدا ولكنه عندما وضع فى موقف عن طريق جماله كره الناس فى جماله
اتمنى ان اكون قد افدتك

انتي يا اختي الفاضله طالما انتي انتبهتي لمشكلتك حاولي مع نفسك في علاجها وحاولي تغيري من سلبيتك وخليكي بنت جامده ومتطمعيش حد فيكي لان اي حد ميستاهلش وانتي لو مش محجبه اتحجبي والبسي لبس فضفاض وتجنبي الكلام الذي فيه شبهات والكلام الذي يحتمل اكثر من معني علشان متتفهميش غلط وتجنبي الاختلاط والهزار الجامد وطبعا الضحكه ام صوت عالي بتاعه البنات ديه وانتي طالما طلعتي للحياه وبتشتغلي لازم تكون بنت ب100 راجل وتكوني اسد لاي حد يحاول يقرب منك او يستفز انوثتك لاغراضه هو انتي شايفه الدنيا عامله ازاي وربنا يهديكي

البنت الجميلة بيكون جمالها نقمة في حالة واحده بس ان هي تكون عايزة تحس بجمالها وتختبر سحرها انها تبين مفاتنها وتشوف ردود الأفعال من حواليها وتكون مبسوطة بكدا عشان الناس واخده بالها منها لكن بيكون نعمة لما تكون محترمة وبتحافظ على نفسها في اللبس وطريقة الكلام والتعامل مع الناس بس كدا شوفي نفسك مين فيهم وربنا يسترك انتي واللي زيك

في حل سهل وبسيط جدا جدا انتي ليه كل دة وتعب العقل والقلب دة انتي حضرتك تشوفي انسان يستحقك ويحترمك ويحبك حب صادق لشخصيتك اولا واللي بيحب بيحب الانسان بكل ما فيه بجماله بشكله بطبعه بذكائه بعقله دة الحب الحقيقي فانتي ان لقيتي الانسان دة ارتبطي بيه وكونوا اسرة جميلة واهتمي ببيتك واسرتك وحياتك العائلية ومفيش داعي لانك تشتغلي انتي ممكن تثبتي نفسك وذاتك في بيتك وتكوين اسرةصالحة للمجتمع
ولا انتي رايك ايه

السلام عليكم ورحمة الله
بسم الله
انا مش متزمت ولا معقد بس ديه كلمة حق لو انتى بنت مسلمة هقولك اللى النبى عليه الصلاه والسلام قاله ان البنت لو جميله وجمالها فاتن تلبس النقاب البسيه وخلى نيتك فى لبسه لله تعالى وبس واتقى الله حق تقاته وصدقينى الدنيا ماهى إلا ممر والاخرة هى الحياة الحقيقة ربنا يهديكى ويهدينا انا اسف لو طولت السلام عليكم ورحمه الله

البسي حجاب فضفاض

انتى اكيد بتتصرفى بطريقه تخلى الناس تاخد عنك فكرة غلط ياريت تراعى ربنا فى نفسك وبلاش الحركات دى

خافي عليكي منك انتي الاول انتي مفتونه بيكي وبتفتني التانين بجمالك مش علشان ربنا رزقك بجمال تعملي كده في البشر ده انا وانتي بتكلمي كنت هدوخ من الحنيه والرقه بتاعتك دي !!ههههههههه طبعا اي راجل هيشوف بنت جميله كده غالبا هيعمل اللي بيحصل علشان طريقتك خليكي حازمه واتكلمي بقوه مش بحنيه علشان محدش يطمع فيكي وياخد عليكي انك بتدلعي عليه فيطمع فيكي ربنا معاكي ويرزقنا ببنت جميله زيك ومحترمه وشكرا

انتى هتشتغلى نفسك جميله ايه وبتاع ايه مايشكر فى نفسه الا ابليس
ولما انتى جميله كده عاوزة تعرفينى انك قعدتى لسن 25 اللى هو خلاص شويه وسن العنوسة من غير جواز ده كله ولا هتقولى برفض كل اللى بيتقدموا
اقعدى فى بيتكوا احسن وانتى هتبقى كويسة

انا معجب جدا بالرد على المشكله وطريقه تحليل تصرفات الرجال والستات فى العمل فعلا لابد من الاعتدال فى الكلام خصوصا مع الطرف الاخر وان كل من الراجل او الست فى مجال العمل يحاول بقدر الامكان ان يقترب من نفس جنسه بدل من التقرب من الجنس الاخر فبمرور الوقت ومع عدد ساعات العمل الكثيرة التى يقضيها الموظف والموظفه فى عمله تجد ان من يقول عنها الناس انها بميت راجل اصبحت تتحدث مع زميلها فى ادق تفاصيل حياتها بدون خجل وتقولك اصل فعلا دة اخويا وبعد مدة يصبح اكتر من اخويا وتتوالى الانهيارات وطبعا الراجل مبسوط وفرحان بهذة الاخويه اما فرحتها بجمالها دى فكثيرا جدا من النساء بمجرد ان تخرج للعمل تشعر بجمالها وتظن انها كان ممكن تتزوج افضل من زوجها او تتخطب لخطيب افضل من خطيها وتبدأ المقارنات وتبدأ المشاكل فى الحياة لابد لنا من التمسك بالاخلاق المعتدله فى التعامل مع الزملاء والزميلات ووضع كل تعامل فى نصابه الصحيح

بجد الرد علي المشكله كان هاااااااااااااااايل . و كلام صح مليون الميه ...
العيب مش في الرجاله بس و في الستات كمااااااان

كان طول عمري اكتر نصيحه بنصحها لخطيبتي لما فكرت انها تدخل مجال العمل 1- اوووووعي الكلام بينك وبين اصحابك الرجاله بحكم الوقت اللي بتقضوه يوميا ً مع بعض في الشغل يخليكم تتطرقوا بالكلام لأي حاجه خاصه .. لا تفتحي معاه مجال انه يحكي عن حياته ولا انتي تحكي عن حياتك . وان الرجاله تعاالب في الوصول لأهدافهم القذرة
ان الكلام يكون في حدود الشغل او المجامله المحترمه فقطططططططططططططططط

2- انك تكوني اشبه بقطه ليها مخالب .. قطه عشان انا مش حقدر انكر انها انثي بالفعل . وليها مخالب عشان اي بني ادم يفكر انه يتطاول ولووووو بنظره عينه تقدري توقفيه عند حده .
واللي نفسي كل بنت تفهمه اني .. اقسم بربي ان لما البنت تصد و بطريقه مبااااااشره او غير مباشره مدير ليها او شخص يرؤسها او زميل من نفس الدرجه عند حده ومن اول اختبار . حتعلي في نظره جدا و حياخد عنها صوره مش حتتغير ابدا انها انسانه محترمه ...

الراجل بيقدر يحدد اللي قدامه ممكن تتساهل لدرجه ايه . من مجرد حكايه هو بيحكيها قدامها عن اشخاص مجهولين .. من رد فعلها و ابتسامتها و انفعالها و دلعها و استعباطها . بيقدر يعرف ان لو تم استبعاد الاشخاص المجهولين ووضعها في احدي المواقف ده . حيكون رد فعلها ايه .

يا بناااات يا هوانم ... حرام عليكم بجد . تعبتوا اعصاب اللي خاطبينكم و اجوازكم ... ارحمونا شويه وحسسونا بقي اننا نقدر نطمن عليكم ولو كنتم وسط 1000 كلب ...

بلاش تخلوا دايما عنينا في نص راسنا و داخين مش عارفين ننصحكم ولا نعرف منكم اللي حصل النهارده . وليه قال وليه اتعمل ... اعقلوا بقي شويه ... الرجاله كلهاااااااااااااا او 98 في الميه منها ... بيميل جنسيا ً ( شهوه ) لأي ست يحكمهم مكان واحد.
مهما اظهر من احترام ومهما خبي مشاعره جواه .. هو كده . وانا راجل ومتأكد من كلامي ده

بصى احنا الوقت اللى احنا فيه ده بقت كل حاجه بتتاخد على معيار الجمال فقط وانك توصلى أن انتى نشيطه وشغلك كويس وتوصلى بمجهودك لا كل الرجاله دلوقتى بقت طماعه وبتبص للواحده بمعيارهم هما فانتى خليكى محافظه على نفسك على قد ماتقدرى وكل ده بثقتك فى نفسك والحدود اللى انتى عاملاها لنفسك وان محدش يقدر يعدى الحدود دى الا لما تحبى انتى كده

بالفعل ، قد اصاب من منع الاختلاط بالعمل او بغيره ، فان كان ولابد فلا مجال لاي حوارات او فتح اي موضوعات شخصية او عامة بخلاف العمل ، ولا شك ان المرأة هي التي تحدد طبيعة العلاقة التي يمكن ان تكون بينها و بين اي زميل او رجل بشكل عام ، و هي التي ترسم حدود تلك العلاقة و تعطيه الصلاحيات او تمنعه اياها .

صدقيني يا اختي النقاب هو الحل ليكي علي فكره انا مش منقبه لاني عاديه انما البنت الفاتنه او الجميله اوي احسن حل عشان تشتري نفسها وتعيش حياتها بطريقه طبيعيه هو النقاب فكري في الموضوع كويس واستخيري ربنا

صديقتى العزيزة للاسف اننا فى وقت الرجال تعامل فيه المراة الجميلة على انه فريسة صدقينى انك يجب ان تكون لك مخالب حتى تستطيعى ان توقفى كل واحد عند حده يعنى مش معنى انك محترمة و طيبة انك تكونى ساذجة لا حافظى على صدقك و طيبتك و اخلاقك بس فى نفس الوقت لازم يكون عندك خطوط ماحدش يتعداها و الا حتكونى انتى الخسرانة رقم واحد الحياة مش سكر على طول و لا ملح على طول لكن فى توازن انتى حافظى على نفسك و حاسبى من الناس و اهم حاجة ماتثقيش فى حد لان ما بقاش فى ثقة ده عن تجربة و انا بتمنى من الله انه يحفظك و تلاقى البنى ادم اللى يستاهلك و يقدر قلبك قبل شكلك.......... خدى بالك من نفسك

هههههههههه بجد هى دى مشكلتك مش عارفة ليه الناس بقت فاضية وبتشتغلنا على فكرة البنت اللى كدة فعلا مش محتاجة تقول لحد انها كدة ومش بتحب حتى تتكلم عن كدة حتى لو الموضوع ده مضايقها والبنت مهما كان جمالها وانوثتها اى حد بيتعامل معاها فى البداية بيجس نبض بيشوف البنت هترد ازاى ومدى تقبلها للكلام ده يعنى كل واحد ادرى بنفسه وعارف هو عايز ايه الجمال نعمة مش نقمة بس نعمة لازم نحافظ عليها ونستخدمها صح والجمال الحقيقى بيبان فى الاخلاق والروح الحلوة وحسن التصرف والمعاملة..وبس اسفة لو كلامى ضايقك