السلام عليكم ورحمة الله وبركاته.. باشكر موقعكم الجميل، وبادعي ربنا يرزقكم السداد والتوفيق وبارجو إن صدركم يتسع لمشكلتي.
كنت مريت بتجربة، أو لسه بامرّ بيها، حقيقي مش عارف.. المهم لأسباب مش عايز أحكيها أو حتى أفكّر فيها الموضوع انتهى، أو أنا باحاول أقنع نفسي بكده.
الوضع دلوقتي:
1- ظاهرياً: مش باكلّمها، ومش باتعامل معاها.. باكلمها تقريباً بوقاحة لما هي تحاول تكلمني، باقنع كل الناس إن أنا وهي مش لبعض، وبرضه باوصّل لها هي كده، وعندي حق بكل وجهة نظر.
2- داخلياً: من يوم ما انقطعنا وأنا في حالة حرب، باتعذب حقيقي، كل لحظة باحاول أعرف أخبارها من بعيد.. وده شيء مضايقني جداً، بيبقى نفسي أشوفها.
من الآخر، كأن فيه حرب ما بين إرادتي اللي بترفضها بكل قوة، وقلبي اللي عايزني ألتمس لها عذر.
أتمنى ألاقي عندكم نصيحة إزاي أنساها وإزاي أرجّع نفسي في حالة سلام مع النفس وإزاي الصراع الداخلي ينتهي.
مع خالص شكري لكم.
aroofa
صديقنا العزيز..
نشكرك ونرحب بك دوماً صديقاً عزيزاً علينا.. ونحييك على التنظيم الذي شرحت به رسالتك، وإن كنت أتمنى أن تذكر لي سبب قرارك بالانفصال عنها لنتعرف على شخصيتها أكثر؛ ولكن نحن نثق في قرارك الذي لا بد أن تفكيرك النهائي قد أوصلك إليه بأنها لا تصلح لك، ولهذا أخذت القرار.. ولكن يبدو أن لقلبك رأياً آخر، ويبدو أنها لا تزال قريبة منك، وهذا لأنك مجبر على التعامل معها، وقد يحنّ قلبك لها وتفكر في بعض الأوقات أن تراجع قرارك "القاسي" من وجهة نظر قلبك.. ولهذا أرسلت إلينا رسالتك لنقف مع عقلك في مواجهة قلبك.
لكن يا صديقي ما من إنسان يستطيع أن يحيا في هذا الفصل التامّ بين أهم جزأين في تكوينه.. لن ننصحك بأن تتبع نداء عقلك فقط وتهمل قلبك ومشاعرك؛ لأن هذا لا يمكن أن يحدث، وإذا تمّ لفترة؛ فإنه عُرضة للانهيار والانهيار الكامل، ولهذا فأسلم طريقة لمعالجة مشكلتك هي أن تحقق التواؤم بين العقل والقلب، بين الحكمة والمشاعر حتى تستقيم نفسك ويهدأ قلبك وتستقر كما تبتغي.
لا بد أنّ لقرارك هذا أسباباً منطقية مقنعة، ولا بد أنك -كشخص طبيعي- تنفر من فعل الشيء الخطأ.. إذن لا بد أن ينفر قلبك من هذه الفتاة التي هجرتها لأن قلبك يبغض كل شيء قبيح.. لا بد أن تطهّره من شوائب علاقة لم تكن صحيحة.. لا بد أن يكره كما أحب، لا بد أن يختار الصواب ويكون قوياً بما فيه الكفاية ليتغلب على الماضي.
عليك أن تشغله بغيرها.. فما دمت تركته خاوياً فسوف تظلّ الذكريات تعشش فيه.. لا بد أن تملأه بشيء آخر.. لا تفهمني خطأ بأني أقول لك انسها بأخرى، وأقم على عجل علاقة بفتاة أخرى؛ ولكن لديك الكثير لتفعله ولديك عشرات المشاعر لتُدخلها إلى قلبك وتملأ بها جوانبه.. املأه بحب مساعدة الناس املأه بالعطف على المساكين املأه بلذة البذل والعطاء ومدّ يد العون للمحتاجين.. املأه بحب الله.. نعم كل هذه وسائل تملأ قلبك بمشاعر رائعة وتنقيه وتصفّيه وتسعده أيما سعادة.
لن أُكثر عليك في القول لأني أدري أنك راشد وأنك عاقل وأنك تعلم ما عليك أن تفعله.. لتبتكر الوسائل التي تشغل بها قلبك لا من منطلق أن تنساها؛ ولكن من منطلق أن هذا القلب الطاهر الذي بين جنبيك يستحق أن يشعر بكل هذه المشاعر الجميلة التي هو محروم منها، مقتصر على ذكريات تجربة لم تكن صحيحة من البداية.
ابدأ في حملة تطهير قلبك وتنويره، وتابعنا بأخبارك.. رزقك الله قلباً نقياً طاهراً سليماً.
طيب ماتقول لنا بالمره ايه
طيب ماتقول لنا بالمره ايه السبب الى عشانه اقنعت نفسك والى حواليك بانك مش لبعض ياسلام على عقلك الفز الفريد من نوعه مننفعش لبعض مكنتش عارف انها متنفعكش قبل كده ولا هى عشان عملت حاجه مرضتش غرورك اتقى الله والله ربنا لازم يوريك الى تاخد حق البنت دى
مش بمزاجك وقت ماتحب تقرب ووقت
مش بمزاجك وقت ماتحب تقرب ووقت ما تزعل تبعد
كفااااااية بقا اهدار لكرامة البنات
ورسااالة لكل الشباب ياريت تتقوا ربنا شوية فينا
هى تغلط تعاملها بعنف مع ان واضح انها بتحبك واللى بتحب بجد مش بتعمل حاجة تزعل حبيبها وهي قاصداها يعني
بس طبعاااا هو يهين ويبعد وهو قاصد يجرحها
ابعد بقااا وخليك ف حالك ولا تسال عليها لا من قريب ولا من بعيد ماتحيرهااااش حرام عليك بجد
واحدة مفروسة اوى..بجد انتى
واحدة مفروسة اوى..بجد انتى احسن تعليق انا قريته وانا معاكى تماما ومغاظة اوى من الناس اللى بتشجعه وتقوله انه تفكيره كويس وانا تقريبا بمر بنفس الموضوع بس انا الطرف التانى
هو ممكن العقل فعلا ينتصر على
هو ممكن العقل فعلا ينتصر على القلب.بدون رجوع ولا ندم؟
فى حد يقدر يقوم ببتر مشاعر دامت اكثر من عشر سنيين؟
اولا جميلة اووى طريقة تفكيرك
اولا جميلة اووى طريقة تفكيرك وعرضك للمشكله لكن اوقات بنقرر حاجات متخصناش لوحدنا لازم يكون للطرف الاخر رأى فى قرارنا دا وبعدين لو زى مابتقول لسه بتحبها اووى كده وهى لسه بتحبك يبقى حاول تفتحلها اى فرصه تانيه حرام تضيع الحب منك وخصوصا لو حب حقيقى وبجد وانت متعرفش ظروفها دلوقتى عامله ايه زى ماأنت مش عاوز تظلم نفسك فكر فيها ومتظلمهاش وبجد ربنا يوفقك وان شاءالله توصل للقرار السليم فى اسرع وقت
لاتنظر ورائك على حب قد مضى
لاتنظر ورائك على حب قد مضى حتى لايضيع منك الحب الحقيقى الذى يمر بجانبك
رسالتك غريبه بجد .. غامضه ومش
رسالتك غريبه بجد .. غامضه ومش واضحه .. يعني ايه بتكلمها بوقاحه وعندك حق بكل وجهة نظر ..معني كده انك مش عايزها ولا عايز تكمل معاها..كمان بتقول قلبك بيحاول يلتمس ليها عذر .. للدرجة دي هي غلطانه في حقك !! .. وطالما ارادتك بترفضها بكل قوه حسب كلامك يبقي انت مش محتاج نصيحه من حد ........... من فضلك حاول توضح رسالتك شويه وتقول ايه اسباب رفضك البنت دي بشده كده رغم اني حسيت وانا بقرأ الرساله انك حبيتها ولو بنسبه صغيره ... ايه المشكله بالظبط ؟؟؟ مش عارفه ....... هستني ردك ياريت
حاول تقعد بين نفسك وتعرف
حاول تقعد بين نفسك وتعرف السبب اللى خلاك تعمل كدا وحاول تتاكد منه كويس اوى ممكن تكون ظالمها ولو طلعت ظالمها حاول انك تلتمس لها العذر ووتكملوا مع بعض ولو السبب اللى خلاك تبعد عنها طلع يستحق انك تبعد اقنع نفسك الاول انها ما تستحقش حبك ليها وصدقنى لو اقنعت نفسك هتنساها لو كان حبك ده شئ خيالى لعالمنا
اتمنى ان اون افادتك يارب
واتمنى لكم جميعا كل الخير وان ربنا يبعد عنا وعنكم المشاكل يارب
واضح من كلامك انك لسه قاطع
واضح من كلامك انك لسه قاطع العلاقه قريب .. مش كده
واللى انت فيه ده طبيعى لاى حد لسه زيك كده بس شويه وقت
والموضوع هيهدأ معاك وهتبقى عادى بس شويه وقت ...
السلام عليكم ورحمه الله
السلام عليكم ورحمه الله وبركاته
اخى قرأت رسالتك عده مرات فعندما يحب القلب حبا حقيقيا يصعب معه ان يتناساه او ان يحب غيره
الجأ الى من يملك قلبك الى الله سبحانه وتعالى
لانى مررت بنفس تجربتك ولجأت اليه فى بيته وبكيت كثيرا ودعيت ان يشفينى من هذا الحب حتى استجاب لى الله
والسلام عليكم ورحمه الله
والله معك ،،،
سامح ياسيدى ده ربنا سبحانه
سامح ياسيدى ده ربنا سبحانه وتعالى بيسامح سامحها حبك ده يخليك تغفر ليها اى حاجه بس الافى حالتين 1-الخيانه 2-لو هى اصلا ميش بتحبك انما اى حاجه تانيه ممكن تتصلح الحب بيغير كتير لو هو بتحبك هتتغير علشانك
على فكرة أنا أمثل الطرف
على فكرة أنا أمثل الطرف الثانى فى هذه المشكلة
نفس الموقف يضعنى فيه الانسان الذى ارتبطت به.. نعم اخطأت فى حقه ولكن بدافع كثرة حبى له ..كانت محاولة للضغط عليه لإنهاء مشكلة يمر بها حتى استطيع ابلاغ اهلى انه يريد التقدم لى.. واعتذرت عشرات المرات وهو يعلم جيدا مقدار حبى له.
لكن لا اعرف لماذا يكون هكذا الرجال , مع أول موقف حقيقى يحدث ينسى كل الحب و كل المشاعر وكل الامال.
اخى انت تقول انك تحاول ان تقنع نفسك ان الموضوع انتهى وانك فى حرب داخليه وانك تتعذب .....
أخى .. لا اتعقد انك احببتها اصلا.. من يَحب..يسامح, يتفاهم , يضحى
نصيحتى .. لاتحارب قلبك , لاتعذب نفسك و تعذبها وتجرح قلبها اكثر من ذلك
اعطها فرصه آخرى ولتكن هذه الفرصة لك أيضاً , لتتسامح مع قلبك وتصالحه مع عقلك
اتفق مع الرأى القائل انك تقاطهعا فعلا اذا كانت خائنة وإن كان قلبك يريد أن يلتمس لها العذر فاعتقد انها ليست خائنة ابدا
لا تجرح نفسك وتجرح قلبها اكثر من ذلك فلا يشعر بكما الا من كان مثلكما
وفقك الله واعتذر عن الاطالة
اجمل رساله وصلت للموقع قريتها
اجمل رساله وصلت للموقع قريتها "بجد" لا تعليق
مش جايز تكون ظالمها فكر تانى
مش جايز تكون ظالمها فكر تانى حرام الموضوع مش يخصك لوحد انت هتجرح حد كان عزيز عليك اوى معاك فكر تانى عشان ماتندمش ممكن تفضل العمر كله حاسس بالنقص وحاسس بحبها حتى لو ارطبت بحد تانى لو متاكد انك مش ظالمها خلاص اعمل اللى انت عايزه انما لو هى ملهاشذنب فى حاجة وانت ظالمها اعرف ان ربك بالمرصاد ولو انت ظلمتها مش هتعيش مترتاح ابدا
انا لما قريت رسالتك قلبي
انا لما قريت رسالتك قلبي وجعني جدا طيب ليه الحب ده كله يضيع ممكن يكون في فرصه تانيه بس انت علشان عقلك رفضها خلاص مش عاوز تديلها الفرصه دي
اتمسك بالحب لاخر حاجه هو مش بيجي كتير وممكن البنت دي من اللي انت عملته فيها تكون اتعلمت
ارجوك
كل الامور ممن تتصلح الا لو هي خانتك مثلا اه ساعتها يبقي في كلام تاني بس انت اكتر واحد عارف مشكلتك
لو انت متاكد ان هي بتحبك حاوي تفتحلها الباب تاني اديلها فرصه تانيه بس لو هي بتحبك
ياريت لو في اخبار تانيه تبقي تطمنا
بالتوفيق
