قلبك بيحبه فهيصدقه.. فحكمي عقلك وشوفي آخرة حبه إيه

أنا عندى مشكلة و عايزة اشارك بيها فى القسم هنا ,, بس مش عارفة ازاى , أعمل ايه ممكن حد يساعدنى ؟!
=====================
رد بص وطل
صديقتى لاعزيزة شكرا على ثقتك فى بص وطل وبالنسبة لمشكلتك فتقدرى تبعتيها من خلال الضغط على لينك " لو عايز تفضفض لنا دوس هنا " والموجود فى نهاية كل فضفضة بباب " سؤال محيرنى " قسم " فضفض لنا " .

قوليله لما يخلص يتقدملك وبعدها ابعدى عنه خالص

لو هو جد هيتقدملك لو حتى كان ع الحديده

إن الحب ده حاجة عيب وغلط، وإن أي ولد لازم يكون بيضحك على البنت اللي بيحبه
الحب كمشاعر واحساس الواحد مش بيقدر يتحكم فيه لكن ربنا حلل الحب فى اطار الزواج
ومش كل الولاد اللى بيحبو بيكونو بيضحكو ع البنات لان البنات نفسهم بيبقوا فاهمين كويس اوى الولد عايز منها ايه
لكن تفكير البنت غير الولد لان البنت لما بتحب بتبقى عايزه تكمل حياتها مع الولد دا لكن الولد مش كدا
والولد اللى بيحب بجد بتبقى البنت غاليه اوى عنده لدرجة انه مايستحملش عليها اى كلمه ويخاف عليها من نفسه
وطالما هو كدا كدا ناوى يتقدملك بعد سنه يبقى ايه اللى يخليكى تعرفيه من ورا اهلك دلوقتى
حافظى على نفسك واطلبى انكو ماتتكلموش لغاية ما ييجى يتقدم ويبقى الارتباط رسمى وهو لو بيحبك بجد صدقينى هيوافق وهيحترمك فى الطلب دا
وبعيد عن كلام اهلك اسمعى كلام ربنا وربنا مش بيبعدنا عن حاجه الا لما تكون سبب لضرر لينا حتى لو احنا مش شايفين الضرر دا
وربنا يهدينا كلنا

السلام عليكم ورحمة اللة وبركاتة

كل سنة وانتى طيبة ورمضان كريم

انتى مشكلتك بسيطة جدا فوق ما تتخيلى

من كلامك انك مقتنعة بالشاب اوى ومتأكدة من حبة

بس مشكلتك انك حاطة حاجز كبير بينك وبين الشاب وهو كلام اللى

حواليكى عاوز اقولك ان من غير الحب في الدنيا مكناش جينا الدنيا

فاسيبك من كلام اللى حواليكى وشوفى انتى من جواكى عاوزة اية

وعاوزك تقدرى وتحترمى شعور زميلك دة اتجاهك

وعلى فكرة معاملتك لية بشدة دة حب ومش كرة

فى حكمة بتقول ( إذا اردت شىء بشدة فأطلق صراحة فإن عاد اليك فهو ملكك للابد )

شكرا

لازم توصلي له تفكيرك براحه بس هو مش هيوافق انه يسيبك لو كان بيحبك بجد ولازم تكلميه لانه مش هيسيبك تروحي منه في الوقت اللي هو محتاج لك فيه للاسف كل البنات شكاكه

لو سمحتم عاوزة ارسل مشكلتى محتاجة جدا لحل ارجوكم ارسلها ازاى ؟؟؟
====================
رد بص وطل
صديقتى العزيزة شكرا على ثقتك فى بص وطل وبالنسبة لفضفضفتك فتقدرى تبعتيها من خلال الضغط على لينك " لو عايز تفضفض لنا دوس هنا " والموجود بنهاية كل فضفضفة بباب " سؤال محيرني " قسم " فضفض لنا " .

ماتفتحيش قلبك ع البحرى
اسمعى كلامه وعامليه كويس لحد ماتشوفى هو عايز ايه
وحتى لو خطبك
بينك وبين نفسك قولى الله اعلم باللى جاى ومتحبهوش اوى
عشان لولا قدر الله حصل اى ظروف متتجرحيش اوى
وربنا معاكى

حبيبتي لما تكوني مخنوقه من حاجه ماتلجأيش لغير الله الجأي لربنا واقرأي قرآن وتقربي من الله اكثر ستكون الحياه امامك جميله وخليكي واثقه ان ربنا مش بيرد عباده لما بيقصدوه في اي شئ ربنا رحيم بعبده حتى ان كان ظالم عموما خلي بالك من دراستك ومن نفسيتك ومن دينك وده المهم واللي فيه الخير ربنا هيقدمه ان شاء الله
اختك الصغيرة

انا معاكى ان الشباب ما ينفعش نصدقهم بس دول مش كلهم فى شباب غرضه التسليه وكتابة القصه المأساوية للبنت التى احبته باخلاص فى صفحة من كتابه الاسود لكن فى شباب قلبه صافى ولما بيحب بيحب بجد وكل غرضة انه يسعد الانسان اللى بيحبه وبعدين لو شاريكى فعلا وبجد يدخلك من باب البيت وسيبك من كلام اهلك وهو لو فعلا بيحبك هيعمل اى حاجه وهيقف امام اى حد عشان تبقى ليه وانتى لو فعلا حبتيه يبقى ما تفرطيش فيه بس نصيحتى ليكى قبل اى حاجه خالص حاولى تتأكدى كويس جداااااا من حبه ليكى عشان مش تندمى والحب ده نعمه انعم الله علينا بها اتمنى انى اكون افدتك

انتي فكرتي قبل كدة تلاقي نقطة تتفقي انتي واهلك فيها "مع الاسف انا متاكدة انك معملتيش كدة "ودة لانك بتفكري بتشتت ؟؟؟واحنا وقعنا ف مواضيع زي دي كتير ....
انهاردة انا بعرض عليكي حل انا شايف انه هيساعدك اوي بس المهم حكمي عقلك فية اوي ولو حسيتي ان الحل دة ممكن يتعبك أتأكدي ان تعب ساعة احسن ميت مرة من تعب عمر كلة وان الحل دة هيوصلك لية وان شاء الله يكون من نصيبك...
الحل ... حاولي من التليفون انك تفهمية بشكل مباشر ان الوضع اللي انتوا فية دة مش كويس لا ليكي ولا لية اولا سمعتك هو لازم يخاف عليكي اكتر من كدة "بهدوء"ثانيا خوفه عليكي من حساب ربنا ليكم"ودة واقع مش كلام خيال(هيحصل)"بس الاحسن انه يحاسبكم ف حبكم دة خير .فهمية فى المكالمة انك باقية عليك "لو دة جواكي فعلا"وباقية علي انك تعاشرية بقية عمرة وفهمية ان علاقتكم دي قبل الجواز مش كويسة "ممكن اوي الولد يسيب البنت اللي حبها ولو ل10 سنين لما بيقف قدام الجواز" انتي بتقولي انه عاوز يتقدم كمان سنة ؟؟!! اوك فهمية انك هتستنية ومش هتختاري غيرة بس انتي هتسيبية الفترة دي لحد ماييجي ويتقدم ليكي "بنية"انك نفسك ربنا يقربوا منك وتقربي منه وتعاشروا بعض ف الحلال "مش من ورا الناس".
معلش انا طولت اوي ..هقولك بأختصار تاني تعملي اية؟
1- خلي هدفك من المكالمة انك توقفي العلاقة دي لفترة محددة انتي وهو اتفقتو عليها وهي السنة اللي هو قال عليها .
2-حاولي بهدوء انك تفهمية ان اللي بتعملية دة خير ليكي ولية "خير ليكي انك ماتخسريش اهلك ولا نفسك ولا ربك"ولية انه هيستلمك من بيت اهلك جوهرة ميلمسهاش غيره بس ف الحلال.
3-هو ممكن يتنرفز ويتعصب اثناء المكالمة,متحطيش ف دماغك "بيمثل"لانه لو بيحبك بجد هيفهم ويقدر الموقف ويقدر انه لازم يخلي علاقتك بأهلك تكون كويسة...غير كدة خلية يخبط دماغة ف الحيط ..واطلعي انتي بكرامتك لانك يابنتي مفيكيش غير سمعة واللي يحاول يهد فى سمعتك دة حيوان مالوش غير الشبشب..
4-انهي مكالمتك ف اقل من دقيقتين علشان مايحاولش انه يجادل معاكي كتير ويخليكي ترجعي عن اللي انتي مقتنعة بية دلوقت..
5-يارب يكتبة من نصيبك ويكون فية الخير ليكي ويكون ليكي الخير فية

ياعين ماما تصدقى انا هعيط ...... معقول اللى انتى فيه . ههههههه صوتى ياانشراح على البانجو اللى راح

بجد ابعدى فى الفتره دى وادعى ربنا سبحانه وتعالى .
وربنا يصبرك

الاستاذة اللى بتقول الشباب معدش ينفع نصدقهم
بقى دلوقتى كلة خايف من كلة الشباب خايفين من البنات والبنات خايفين من الشباب ربنا يرحمنا جميعا ويرزق جميع المسلمين بالازاج والزوجات الصالحة والذرية النافعة للامة

ممكن اشارك راى معاكم
اولا يا ..............
الحياة من غير حب مش تبقى حياة خالص
علشان ف حب الاهل وحب الاقارب وكدا يعنى بس المهم يكون ف حب ف الحياة من غير كدا مش يبقى فية حياة بس انا هقولك نصيحة من اخوكى الصغير لو انتى حاسة من ناحيتة انة بيحبك وانة مش بيكدب عليكى يبقى ياريت مش تضيعية من ايديك علشان الحب قل ف الزمن دة مفيش اللى شويه صغيرين بيحبوا بجد ممكن يكون اللى بيحبك دة من الشوية اللى بيحبوا بجد
ممكن اسالك سوال
انتى حاسة من ناحيتة اية بكل صراحة واحساسة من ناحيتك اية؟؟؟ واية الدليل على احساسك من ناحينة ؟؟؟؟؟؟ واية الحاااااجة اللى شدتك لية وهو بردك اية الحاااجة اللى شدك ليها؟؟؟؟

هااااااااااااى انا عايزاكى تتمسكى بيه ويأهلك وحاولى تفعلى شئ حتى تثبتى لاهلك انه مش بيلعب بيكى انا ليلى لوعايزة تكلمينى اطلبى منى فى اى وقت

بصى يا ساسو هو لو بيحبك بجد حتى لو بعدتى عنه عمره ما هينساكى بس هتكون دفعه ليه انه يتقدملك لانه هيخاف انك تضيعى منه ده لو بيحبك بجد اما لو العكس فهينساكى وبرضه هيبقى خير ليكى لانك بعدتى عنه من الاول

خايفه تخسري اهلك او حبيبك ومش خايفه تخسري ربنا سبحانه وتعالي لما تصاحبي ولد وبعدين اكيد مفيش راجل متدين يكلم بنت قبل الجواز وكمان تحذير اهلك ليكي كانها رسايل من ربنا بتقولك خلي بالك انا اعلم منك واعلم السر واخفي واعلم مافي قلب الولد ده والله اعلم

والله انا رأيى ان المهم تغيرى معاملتك مع اهلك علشان حتى لو هو كويس واتقدم بعد سنة ممكن يخافوا منه بسبب كلامه ليكى من وراهم او حتى علشان هو السبب اللى غيرك عليهم
ووقتها مش هتعرفى تقنعيهم بيه لانهم هيشوفو انه استغلك
وممكن ييجى فى بالهم افكار كتيره زى انه مش هيحافظ عليكى والا كان خاف عليكى من كلامك معاه وافكار انتى ماتتوقعهاش
فلو تحاولى تبعدى عنه فتره صورته هتتحسن فى عيون اهلك وفى نفس الوقت لو هو ناوى على جواز ومش بيتسلى بيكى هتعرفى
واحب اقولك فى الاخر مش هيتبقى ليكى فى الدنيا غير اهلك حتى لو اجوزتوا شوفى مين هيصالحكو لو زعلتو
وااسف جدا انى طولت عليكى

سبحان الله انتى بتحكى عن الانسانه اللى بحبها

ربنا يوفقك

بس صدقيه وقربى منه اكتر وزى ما انتى بتقولى فاضل سنه وترتبطو رسمى وسنه مش كتير يعنى اصبرى عليه شوية والايام بتخلص بسرعة

وخليها احسن سنه فى حياتكم وتفهموا بعض فيها اكتر واكتر

ربنا يوفقكم مع بعض

انا من رايى انك متكلمهوش ولو هو شاريكى بجد وبيحبك وعاوز فعلا يتقدملك يبقى تقطعى علاقتك بيه فى الوقت الحالى ومتكلمهوش عشان متبقيش خسرتى اهلك ولو هو فعلا زى ما بتقولى هيتقدملك بعد سنة استنيه السنة دى ولو فعلا عاوزك هييجى ويتقدملك وربنا يوفقك فى حياتك ويهديكى للطريق الصح

انا من رايى انك تفهميه انك تعبانة بسبب انك مرتبطة بيه وانه لو فعلا شاريكى وعاوزك بجد يبقى متكلموش بعض ويبقى ييجى يتقدملك زى ما انتى بتقولى بعد سنة وبجد لو ليكى نصيب فيه يبقى هتتجوزيه ولو هو بيحبك يبقى هيجيلك بجد

السلام عليكم
بصراحه وانا بقرأ مشكلتك حسيت بيكى اوى وصعبتى عليا اوى بس عاوزين نتفق ان كل مشكله ليها حل انا عندى ليكى حل ان شاء الله هيعجبك
انتى اول حاجه بهدوء كده تكلمى مع زميلك دة براحه وتقوليله انا عارفه انك بتحبنى وواثقه فيك جدا وانا كمان ببادلك نفس الشعور بس انت قولتلى ان قدامك سنه وتيجى تتقدم وانا مش هعرف اكلمك سنه كامله من غير ارتباط رسمى فكل واحد فينا يركز فدراسته وانت لما تقدر تتقدم تيجى بس معلش مش هقدر اكلمك سنه كامله .
بكده باه هتكونى فهمتيه انك واثقه فيه عشان مايزعلش منك زى ما بتقولى .وفنفس الوقت هتكونى حميتى نفسك منه عشان لو لاقدر الله لوطلع بيتسلى تكونى لحقتى نفسك وطبعا فالاول دا كله عشان حرام انك تستمرى معاه كده من غير ارتباط رسمى.وكمان لما ربنا ييسر لكوا وترتبطوا يكون فيه بركه فالموضوع.بس اهم حاجه تصبرى حتى لو شفتيه فالكليه معلش فالاول هتتعبى بس صدقينى هيكون اخف من التعب اللى انتى فيه دلوقتى.اما بالنسبه لاهلك هما خايفين عليكى بس مش اكتر وياحبيبتى ما دام كلامهم فالموضوع ده بيضايقك بلاش تفتحيه من اصله واشغلى نفسك باى حاجه .وكده كده لما ترضى ربنا .ربنا هيراضيكى ونفسك هتتفتح تانى للدنيا.المشكله بس ان الحرام والاحساس بالذنب بينغص العيشه .انا عارفه انه حل تقيل شويه بس انتى قدها وقدود بدليل انك بتفكرى تحلى المشكله دى ازاى ودى خطوه ممتازه جدا .وان شاء الله السنه هتعدى هواااااااا وهيجى يتقدملك بس تبقى تعزمينى بقى.ولو مجاش يبقى ربنا عاينلك الافضل .اسفه لاطاله .ولو عوزتى تضيفينى ونبقى اصحاب معنديش مانع هكسب اخت جديده كلها خير .احبك فالله

الحياة من غير حب مالهاش معنى ,, صحيح الزمن بتاعنا مالوش أمان .. بس كل مشكلة ولها حل .. خليه يتكلم رسمي وحاولي تقربي من مامتك أكتر وتفهميها احساسك وتحكيلها على كل حاجه ,, وصدقيني مفيش أحن في الدنيا عليكي أكتر من مامتك

وربنا يجعل ليكو نصيب ف بعض

ربنا معاكى
بصراحه الشباب اليومين دووول
مش ينفع نصدقهم
بس ربنا يكرمك ان شاء الله

شكلك لسه صغيره يا كتكوته
""متستعجليش""

مشكلة بسيطة ومحلولة
انتو تبعدو عن بعض لحد مايتقدم
وان كان حبك باقي في قلبه هيتقدم فعلا
وان كنتي مرحلة في حياته ينفض ويفك من الحوار
حكمي عقلك وحكمي دينك
ودي والله نصيحة مجرب
الشاب في الجامعة بيحب قوي من قلبه
واول مابيتخرج بينسى وبيفضي قلبه عشان حد جديد يدخله