مشكلتي في خطيبي اللي كل ما تحصل مشكلة ينسى أي حاجة حلوة عملتها ويحسسني إن أنا سبب كل المشاكل وهو اللي عمره ما زعّلني؛ مع إن الحقيقة إنه ياما زعلني كتير؛ بس أنا اللي باعدّي له، وعلشان كده هو مش حاسس إن فيه مشاكل من ناحيته.
دايماً يكبّر الموضوع ويخاصمني بالأربع والخمس أيام.. مش بيراعي ظروفي النفسية؛ برغم إنه عارف كل الظروف والمشاكل اللي حواليّ؛ بس المطلوب مني إن الحاجات دي كلها ما تؤثرش عليّ وأفضل أعامله وكأني لسه خارجة من حفلة.
مع إن والله أيام كتير بيكون متغير معايا وبيقول لي معلش علشان الشغل، وأنا باقدّر وباحاول أهتمّ بيه أكتر من الأيام العادية علشان أخرّجه من اللي هو فيه، وربنا يشهد إني باعمل اللي عليّ وزيادة علشان أرضيه.. لكن هو لو سألني سؤال ورديت أي إجابة غير اللي هو متوقّعها يبقى أجرمت في حقه -والله من غير مبالغة.
عايزة أقول كمان إني مخطوبة من 6 شهور، وما خرجتش غير مرة واحدة معاه، وما كناش لوحدنا؛ بس كنا نعرف بعض من قبلها بـ6 شهور، وهو مسافر من وقتها وكل اللي بيننا تليفونات..
أقصد إني ما شُفتش أيام الخطوبة اللي بيحكوا عنها.. الحمد لله على كل حال، وكل اللي باتمناه إنه يقدّر الحاجة دي ويحاول يعوضني عنها.
أرجو الاهتمام وآسفة على التطويل.. شكراً لكم.
m.m
عندما تحدث مشكلة فإن معظم الناس ينسون في انفعالهم كل الأشياء الحلوة؛ ولكن الذكاء هو أن نستوعب ونحتوي بعضنا البعض، ونحاول أن نترك الأمور تسير ولا تأخذ أكبر من حجمها.
صدقيني.. مشكلتك مش إنه بينسى الحاجات الحلوة، مشكلتك الحقيقية هي "أيام الخطوبة اللي بيحكوا عنها"..
مشكلتنا أننا دائماً نتوقع العديد والعديد من الأشياء، ومنها أن يكون الجنس الآخر شبهنا تقريباً، ونرغب منهم أن يريدوا ما نريد وأن يشعروا كما نشعر، وعادة نصبح غضبانين ومحبطين إذا لم نجد ذلك.
معظم الفضفضات التي ترِد لنا بها هذه الشكوى، وهي أن الرجل لا يسمع أو يهتم، والمرأة تريد التعاطف.
ما أريد قوله أن طبيعة الرجل ليست كطبيعة المرأة، وفي اللحظة التي ترين فيها أن اهتمامه بك وبظروفك يجب أن يكون عن طريق الكلام والسؤال عن الأحوال، قد يرى هو أن العمل بجد والإنجاز في تجهيز مستلزمات الزواج هو الاهتمام الحقيقي والحل لكل مشاكلكما معاً لأنكما وقتها ستكونان في بيت واحد، ووقتها ستنتهي كل هذه الأوضاع.
وطبيعي أن يتوقع الرجل منك بعد يوم عمل طويل وشاق أن تكوني " وكأنك لسه خارجة من حفلة"؛ لأنه يعتبر نفسه يعمل من أجلك في المقام الأول ويحتاج أن تكوني مبهجة ولطيفة معه لتخففي عنه، وإن كان توقعه هو الآخر خاطئاً لأنه يتعامل مع إنسان له إحساس واحتياجات، وبالتأكيد لا يستطيع أن يكون سعيداً ومبتهجاً طوال الوقت.
صديقتي.. إننا ننسى حقيقة هامة جداً هي أننا مختلفين؛ فالرجال يتوقعون من النساء أن يفكّرن، وأن تكون ردود أفعالهن مثل الرجال، والنساء يتوقعن أن يشعر الرجال ويتصرفون مثلهن.. ودون وعي صريح باختلافنا؛ فنحن لا نأخذ الوقت الكافي لنفهم ونحترم بعضنا البعض، ونصبح كثيري المطالب، قاسين ومستائين ونصدر الأحكام وغير قادرين على التحمل.
وعن طريق فهم الاختلافات وتقبّلها يمكن أن نكتشف حلول جديدة نستطيع بواسطتها أن نحصل على ما نريد، والأكثر أهمية نستطيع أن نتعلم كيف نحب الأشخاص الذين نهتمّ بهم ونساندهم بشكل أفضل.
ووسط مشاغل الحياة قد لا تكون هناك مساحة ليهتمّ بك كما تريدين؛ فمعظم الرجال لا يهتمّون بالعلاقات والاتصال بالآخريين؛ ولكنهم يريدون العمل والإنجاز والفعالية، ولذلك فالرجل والمرأة يكمّلان بعضهما البعض.
فلا تفرضي سوء النية ولا تضعي من نفسك حكماً عليه وعلى كل تصرفاته واعتبريه جزءاً من طباعه وتقبّليه كما هو؛ فبعض الرجال لا يستطيعون التركيز في أكثر من شيء في وقت واحد، وعندما يكون لديه ضغط شغل أو مشكلة لن يأخذ باله من أشياء أخرى تحدث حوله، ولن يلاحظ حتى أنه متغير معك.
مشكلتك أنك تتوقعين منه أشياء كثيرة، تتوقعين الاهتمام وكلام معيناً وتنتظرين، وعندما لا تجدين ما تنتظرينه تبدئين في الغضب وتتخاصمان.
صديقتي هو يحبك ويهتم بك وإلا لماذا خطبك من الأساس؟ ولماذا يعمل ليوفّر لكما بيتاً والتزامات الزواج؟ لا تتوقعي منه أكثر من اللازم؛ فهموم العمل والحياة أحياناً تصل إلى ما لا يُطاق، وطبيعتك مختلفة عن طبيعته.
رأيي أن تتوقفي عن أن تطلبي منه الاهتمام، واجعلي من علاقتك به واحة أنتما الاثنان ترتاحان فيها، وابدئي أنت في الاهتمام به (برسائل صغيرة جميلة - أو بتليفونات في أوقات غير متوقعة لمجرد قول "أحبك" أو "وحشتني").. اصنعي معه ما تريدين أن يقوم به ويفعله معك، ولو هو ذكي بالتأكيد سيحسن علاقتك به.
أما همومك وآلامك فاحكيها لأمك وأختك وصديقاتك؛ فهم سيحبّون سماعها أكثر من أي رجل وسيمنحوكِ الدعم المعنوي الذي تحتاجينه.
ولاحظي أنك قد مضى على خطوبتك شهور، وما زلت لا تعرفين طبعه جيداً.. ولذا أنصحك بقراءة كتاب "الرجال من المريخ والنساء من الزهرة"، وهو متواجد على الإنترنت في نسخ إلكترونية، وفّقك الله.
نفس مشكلتي بالظبط وحاسة بيكي
نفس مشكلتي بالظبط وحاسة بيكي جدا,أوقات كتير كنت بكلمة في موضوع الاهتمام وكان فعلا بيهتم شوية ويرجع زي مكان تاني فقولت دي اكيد طبعة كدة وبدأت اتعامل معاه زي طبعة المشكلة بردو اني بلاقية بيشتكي لما بعاملة زي ماهو بيعاملني ومهما اقولة "شوفت احاسك عامل ازاي انا كمان بحس كدة لما مش بتهتم" بس لحد دلوقتي هو زي ماهو وانا غلبت معاه, ولا على فكرة كويس ان انتم في ما بينكم تليفونات دة كدة رضى انا اصلا تقريبا مش بتكلم معاه غير كل فين وفين والمقابلات طبعا بتكون بعد شهور . الله اعلم الخير فين ربنا يسهلها معانا .
متسمعيش كلام العيال اللي
متسمعيش كلام العيال اللي هنا دي وخصوصا البنات المقهوره دي الراجل بيكون مشغول بيوم ما يعلم بيه الا ربنا واحمدي ربنا انه بيحبك وبيرجع لحضنك بعد يوم شاق بينتظر منك كلمه حلوه او لحظات تنسيه اليوم الشاق انا في نفس الظروف دي خاطب وخطيبتي بارده ومطلعه عيني ببقي نفسي احس ان انا عايش بيها وانها النص الحلو في حياتي بس هي خفيفه الرومانسيه وتقيله في الكلام وبصراحه دا مزعلني لدرجه اني كنت هافركش اكتر من مره بسبب عدم اهتمامها مع اننا بنحب بعض لدرجه محدش يتصورها وربنا يوفقك بلاش التقل وبلاش العصبيه وحسسيه انك بتضايقي من تصرفاته بمجرد مصارحتك ليه باعماله دي انا بتزعلك وان لازم يكون فيه تغيير منه ومنك ومنك يكون عن طريق عدم اللهفه الزائده ولو اتخاصمتم حاولي تكلمه في نفس اليوم ومتزوديش اكتر من يوم ولو هاتبدئي انتي ولو هو مزعلك الحب مفيش فيه كرامه ولازم تعرفي كده انك ليه وهو ليكي وربنا يوفقك وسيبك من البنات المنفسنه دوووووووووووول الله يرحمنا منهم هههههههههههههه
وانا كمان كنت مخطوبه لشخصيه
وانا كمان كنت مخطوبه لشخصيه شبهه كده وبرضه استحملت كتير طيب انتوا بيبقي فيه اسباب للخصام ويخاصم انا كان ساعات من غير اسباب ويوم ما قررت اثور لنفسي واقوله كده كفايه سابني ومشي فجاة لدرجه اني مكنتش مصدقه اللي حاصل والكلام والحب وكل الكلام الفارغ ده بس بعدها خرجت بمعلومه مهمه جدا جدا نصيبك هتشوفيه هتشوفيه يعني لو ليكي فيه نصيب من عند ربنا عمره ماهيمشي ولو مالكيش يبقي هيمشي مهما حاولتي تحافظي علي العلاقه لاني حاولت كتييير والله وبرضه مشي يبقي الاحسن اني يوم ما اكمل اكمل وانا راضيه وهوا راضيني ويوم ما مايكونش فيه نصيب ما اخسرش كارمتي يبقي اتناقشي معاه الاول ولو مسمعلكيش اقفي وقفه جاده وشوفي رد فعله وساعتها والله انتي الكسبانه لو كمل ولومكملش مخسرتيش نفسك وعيشتي ايام مش مصدقه اللي جرالك وربنا معاكي
لا مينفعش الكلام ده مش طول
لا مينفعش الكلام ده مش طول الوقت هننصح الناس بانهم لازم يستحملوا وعلشان المركب تمشي طيب ديه لسه مخطوبه اللي انتي بتعاني منه هو اللي انا واختي وامي بناعني منه دلوقتي وهو بابا شبه خطيبك جدا وبيفضل كمان بالشهور مش بيكلمنا ع الرغم ان هو اللي بيبقي غلطان ومش بيفتكر لامي اي حاجه حلوة عملتها علشانه صدقني هيبقي صعب اوي انك تكملي معاه حياتك هتتحول لجحيم زي ماحياتنا دلوقتي جحيم فكري ده مش هيكون اخر راجل يتقدملك ولو اخر راجل ومفيش بعده حياتك لوحدها افضل مليون مرة من شخص غير متسامح
enty 3arfa a7san 7al leky enk
enty 3arfa a7san 7al leky enk te3amleh be montaha el berod w 2elet el ehtemam basmen gher mat5leh yemsek ghalta 3leky aw 7aga 3ashan may2olsh 3leky nekadia ,
انا كنت مخطوبه تقريبا لنفس
انا كنت مخطوبه تقريبا لنفس الشخصيه واتحملت كتير اوي وكنت بقول شغله والغربه والسفر وبتنازل عن حاجات كتير اوي وحتي لو هو زعلني انا اللي اصالحه واقول اكيد هو مضايق من حاجه وايام مكنش بيكلمني بالعشر ايام وهو اللي كان غلطان بس بجد اخد قرار اني مش هتنازل تاني عشان هو محاولش مره يتنازل عشاني ويوم ما عملت كده هو اللي فسخ الخطوبه وبطريقه لم اتوقعها نهائيا حزنت اوي لانه كان كلامه بيقول عكس كده نهائي بيقول انه بيموت فى التراب اللي انا بمشي عليه بس انا مصدقتش لان الكلام حاجه والفعل حاجه واول ما اخدت موقف ظهر انه واطي اوي محترمش ان في صله قرابه بينا ولا احترم سنه خطوبه انتي لازم تخدي موقف لازم لازم عشان تعرفيه والخساره القريبه احسن
بسم الله الرحمن الرحيم بصى
بسم الله الرحمن الرحيم
بصى احسن حاجه تعمليها انك تعملى زيه بالظبط متقدريش ظروفه فى مرة كده و متديلوش اى اهميه و سيبيه برده بالثلاث اربع ايام كده و متكلميهوش و لما يكلمك كلميه بطريقه حاده شويه و حسسيه دايما انك مش ضعيفه و اللى انتى بتعمليه ده بيبقى تقديرا لظروفه مش اكتر هتلاقيه احترم نفسه و هيبتدى يتغير واحده واحدة و بدل ما انتى اللى خايفه من زعله هو اللى هيخاف منك و يعملك حساب و لو معملش كده يبقى سيبك منه لإنه كده هيكون مش بيحبك
هههههههه عجبنى تعليق محمد
هههههههه عجبنى تعليق محمد سمير اوى ورايى من رأيه تماما الصنف ده ما ينفعش معاه غير كدة صدقينى
اناشايف كلام الادارة جميل بس
اناشايف كلام الادارة جميل بس يفتقد المنطق لازم يبقى فى اهتمام منه هو كمان حتى و لو بسيط فى ناس كتير طالع عنيها طول اليوم و رغم كدة مكالمة خطيبتة بتبقى كلها رومانسية و حب و مش بيحسسها ان فى حاجة مضيقاة إلا لو فاض كيلة من رأيى حاولى تحققى معادلة بسيطة انك تكونى محرابه بيلجأله على طول و فى نفس الوقت انك مش أداه للمتعة و التسليه و الترفية عن النفس لا انت انسانة ذات مشاعر و احاسيس و زى ماهو عايز حنان انت كمان عايزاه
ملحوظه " انا اعرف واحد يعرف خطيبته من 5سنوات و خطبها من سنةوعمره ما خرج معاهاوفى سنة الخطوبة دى شافها بالضبط 4 مرات مع انهم فى نفس البلد(يعنى انتى مش لوحدك )"
اللي زي دا تديله بالجزمة
اللي زي دا تديله بالجزمة وتتقلي عليه ولا تسألي فيه حتى ان كان زعلان لأن كدا اي حاجة هيجور على حقك فيها ويلغي شخصيتك تماما
معلش حاولي تخففي عليه وخليكي
معلش حاولي تخففي عليه وخليكي اعقل منه يا ستي وربنا يسعدكوا يارب
الله ينور عليك ويزيدك هو دا
الله ينور عليك ويزيدك هو دا الكلام الحل مش انك تديلوا بجزمه الحل انك تكلمة معاه براحه وتعاتبيه قبل متقررى تقسى عليه ونصيحه متخديش قرار من غير استخاره لا خاب من استخار الخالق وشاور المخلوقين
نفس مشكلتى شايف نفسه صح شكراً
نفس مشكلتى شايف نفسه صح
شكراً وجزاكم الله خيراً بالذات على ان الكتاب موجود الكترونى
على فكره ده مش بيحبك ؟ من
على فكره ده مش بيحبك ؟ من كلامك فهمت كده !
ربنا يوفقكم ..
