السلام عليكم ورحمة الله وبركاته.. أنا شاب عمري 26 سنة، مريت بتجربة حب مرة واحدة، واستمرت لمدة 6 سنين، 3 منهم ارتباط عاطفي و3 خطوبة رسمية.
عشنا مع بعض الحلو والمرّ؛ بس كانت ظروف الحياة أصعب مني ومنها، وفكرنا قبل كده في الزواج السري أو العرفي؛ بس بعد تفكير أنا رفضت لأنه مش كان ينفع لأني بحبها حب جنوني، فإزاي الإنسانة اللي باحارب عشانها وأخسر وأرجع أحارب أعمل فيها كده أو أخلي ليها صورة مش كويسة قدام الناس؟!
مريت بظروف صعبة جداً جداً لدرجة إني فكرت إننا ننفصل وكل واحد يروح لحاله ونكون أصدقاء أو إخوات.
وبعد تفكير لمدة طويلة قررت إني أنفصل، وتمّ بالفعل؛ لكن كانت المفاجأة لقيت فيها إنسانة تانية غير اللي أنا أعرفها، عايرتني إني مش قد المسئولية وإنها خسرت سنين عمرها معايا، وأنا عايش أصعب أيام حياتي.
عشت الاكتئاب بكل أنواعه؛ لدرجة إني فكّرت في الانتحار عشان تتأكد إني بحبها؛ ولكن جه ميعاد اليوم المقرر، وسقط عليّ الخبر كالموت بأنها اتقدم لها عريس وموافقة عليه وسوف تتخطب له في أقرب وقت.
كل ده راح وانتهى والحمد لله.. فُقت من اللي أنا عايش فيه، وباحمد ربنا إنه نجاني من الخطيئة اللي كنت هاعملها وإنه وضّح لي كل شيء.. أنا دلوقتي بعد 6 أشهر اتعرفت على بنت أصغر مني بحوالي 4 سنين.. أنا باحس ساعات إني معجب بيها، وساعات تانية باشوف الإعجاب ده في نظرتها؛ ولكن كل ما آجي أقول لها إني معجب بيها أشوف الإنسانة اللي كانت في حياتي فأقوم راجع تاني.
إيه رأيكم.. أكلمها، ولا بلاش وأعيش زي ما كنت عايش، أو أعيش لحد ما يحلّها ربنا من عنده؟
s.
سأبدأ معك يا صديقي العزيز من أول الحكاية؛ فأنا لن أستطيع إهمال ما ذكرته من تفاصيل مهمة في أول رسالتك، بأنك استمريت في حبها لمدة 3 سنوات، واستمرت فترة خطوبتكما لمدة 3 سنوات أخرى؛ ولكنك لم تذكر لي ما هي أسباب انفصالكما؛ غير أني أستشعر من كلامك أن السبب كان من ناحيتك أنت؛ بدليل اتهامها لك بأنك تخلّيت عنها وأضعت عمرها معك.
وأنا لا أستطيع أن ألومها في اتهامها لك؛ فضياع 6 سنوات من عمرها ليس بالشيء السهل، ولا تعتقد أن زواجها من شخص آخر هو شيء هيّن عليها؛ ولكنها شعرت بالخيانة وأنك تخلّيت عنها؛ فالفتاة تحب من رجلها أن يكون مقداماً شجاعاً يخطفها وقت الخطر لا أن يتركها لأسباب تعتقد هي -مهما كانت- أنها أسباب تافهة.
أراك تتعامل يا صديقي مع الأمور بمنظور ضيّق وسطحي، وهذا بدليل أنك اخترت أن تنتحر وتخسر دينك وربك لتُثبت لحبيبتك أنك لا تزال تحبها ولم تتخلَّ عنها؛ ولكن كان في مقدورك بالمقابل أن تتمسك بها وتحاول أن تزيل سبب المشكلة، وها أنت ذا تعيد نفس الكرّة في علاقتك الأخرى؛ حيث إنك لا تزال تتعايش مع ذكرى حبيبتك الأولى وتراها أمامك، وفي نفس الوقت تريد أن تعلّق فتاة أخرى بهواك!
صديقي العزيز.. نصيحتي لك هي أن تحاول أن تتصالح مع نفسك أولاً؛ فأنا أشعر أن هناك خطباً ما بك أو أن لديك أزمة ما، وحاول كذلك أن تنسى حبيبتك الأولى؛ فأنت مَن تركها واخترت لنفسك هذا المصير؛ لذلك حاول أن تتكيف معه، وبعد أن تتأكد من أن جميع جراح نفسك قد شُفيت تماماً، حاول أن تبحث عن فتاة ترتاح معها تماماً وتجد لديها الحب؛ سواء كانت هذه الفتاة التي تصغرك بـ4 سنوات أو أي واحدة أخرى.
وأريد أن أهمس في أذنك يا صديقي بأنه قبل أن تأخذ أي خطوة جادة تجاه إحدى الفتيات يجب أن تتأكد جيداً من مشاعرك تجاهها حتى لا تعيد الكرّة وتظلمها معك أو أن تتسبب لها في الآلام.
وأدعو الله أن يوفقك لما فيه الخير.
حرام عليك تضيع 6 سنين من
حرام عليك تضيع 6 سنين من عمرهاوفى الاخر تقول انها اصبحت انسانة تانية دة اسمة ظلم وبتفكر فى انسانة تانية دى هى اللى هتقدر تعيشها وظروفك هتتحسن معها انت محبتش اصلا وانانى
هو ليه الكل متحامل عليه انتو
هو ليه الكل متحامل عليه انتو لو فكرتو كويس هتلاقو انه مش كان بيلعب بيها ده حصلتلو ظروف هى اللى خلته انفصل عنها وانه لو مكنشى بيحبها مكنشى خطبها واكيد الظروف اللى حصلتله اكيد حصلت بعد الخطوبه وكمان هو من حبه ليها خاف عليها لتستمر معاه وهو مش قادر يجهز نفسه بس انا لو مكانها كنت فضلت جمبه مهما حصل مش اروح اتخطب بعدها على طول فمن راى ادى البنوته اللى اصغر منك فرصه يمكن تحبك لشخصك وتقف جمبك وتعوضك عن اللى فات باذن الله
اتقوا الله يا شباب فى البنات
اتقوا الله يا شباب فى البنات حرام عليكوا وافتكروا ان كما تدين تادن
ضيع بنت الناس وعايز يضيع
ضيع بنت الناس وعايز يضيع واحده تانيه
وتقول جايين عليه ليه
بص وطل على فكره انتوا حاطين صوره لايقه جداا
بس لو لابس تشيرت عليه باربي كان هيبقى احلى
انتوا جيين عليه ليه كده اوى
انتوا جيين عليه ليه كده اوى اه هو فيه كل العبر لكن مش كده كده هتخلوا كل واحد يخاف يقول مشكلته عشان هتقوله كده الرحمه حلوه وال فيكوا مش بيغلط يكلم وال عايش دور رابعه العدويه فى عمرها التانى يتكلم ايه الرد ده والقسوه ده لا اله الا الله انتوا ايه؟
بجد كفايه ان الواحد يقرأ اللي
بجد كفايه ان الواحد يقرأ اللي اتكتبلك ههههههههههه
ربنا ياخدكوا حسبي الله ونعم
ربنا ياخدكوا
حسبي الله ونعم الوكيل فيكوا
كلكوا عيااااااااااال
انت اللى زيك عايز يتحطله
انت اللى زيك عايز يتحطله السيخ المحمى فى صرصور ودنه علشان يبقى راجل و يتحمل مسئوليه انه يحب و يتحب و لا انت يا رجاله فاهمين ان الحب يعنى حبيبتى و حياتى لكن وقت الجد خلعاااان
و على فكرة الانانى عمرة ما بينجح فى حاجه يا اما لو نحج بيبقى مكروة من كل اللى حواليه
عندك حق ياوالله ان استحملت 6
عندك حق ياوالله ان استحملت 6 سنين عشان فى الاخر تسيبهاوكمان زعلان انها وافقت على الارتباط بغيرك امال تكون ضعيفه وتفكر فى الانتحار عشانك وفى الاخر يسكنها الله فسيح جهنم وانت هتبقى تنفعها ساعتها ودلوقتى الدور على بنت جديده تقولها معجب وشويه وتقولها مش قادر انسى الحب الاول اتقى الله وحاول تستخير قبل متاخد قرار لان ربنا هو العدل
بجد ربنا يهديك ويهدي كل اللي
بجد ربنا يهديك ويهدي كل اللي زيك عشان بنات الناس مش لعبه ابدا في ايديكوا واعرفوا ان في ربنا وكما تدين تدان واكتر حاجه تتعب هو الظلم لان انت ظلمتها وحقها اوي انها توافق ع العريس اللي جاي لها عشان تعيش حياتها الحياه اللي ربنا كاتب لها فيها انها تقابلك وبعدين تسيبها ويعوضها بانسان تاني الحياه اللي انت بسهوله جدا عايز تنهيها بانتحارك ونسيت ان في اخره وانا بصراحه بلوم عليها بردو انها تفكر في الجواز السري بس الاهم انها عاشت حياتها وربنا يوفقها ونصيحتي ليك انك تتقرب من ربنا قوي وادعي دايما ربنا انه يوفقك للخير وللزوجه الصالحه اللي تراعي ربنا فيك وانت كمان تراعي ربنا فيها وربنا يوفق الجميع
ياننوس ماما اوعى تنسى تاخد
ياننوس ماما اوعى تنسى تاخد اللبن قبل ماتنام
يا ضغنونه ايه يابنى مش مكسوف
يا ضغنونه ايه يابنى مش مكسوف طيب وانت بتحكى على الملاء كده
اللى انت فيه ده خيبه المفروض تداريها
والنكته انك بتقول عليها هى اللى اتخلت عنك
مكنتش متخيل انت طبعا كنت فاكرها هاتفضل تحت رجليك طول العمر
الجاريه اللى جابهالك بابا
نسيت ان ربنا عدل وما يرضى بالظلم ويارب تكون هى بتقرات كلامنا ده وانا باكدلها انه ربنا بيعوضها بالشاب اللى ارتبطت بيه
بدل مايجيلها واحدفعلا مش راجل
وادى التانيه داخله على قضاهاارحم بنات الناس واعرف انه ليك رب هايخد بحق كل دول
جاتك نيله
ههههههههههه بجد هو كلام الناس
ههههههههههه
بجد هو كلام الناس رد ليك كان قاسى .
بس انت تستاهل كل ده وزيادة كمان .ده مش علشان انى متعاطفه معاها كبنت زيها لأ بس انت رميت مشاعر 6سنين فى الارض طالما انت مش كدا الجواز ليه خلتها ترتبط بيك من اساس . وبعد ده عاوز تنتحر اتقى الله بجد انت ضعيف وضعيف اوى كمان وزى ما يكون شايف نفسك انك مظلوم انت بمنتهى البساطه قتلت قلب خطيبتك بسكينه تالمه وسبتها مغروزه جواها لمدة 6 سنين .
يارب يكون ربنا رزقها بالانسان اللى يعوضها عن الجرح اللى انت سببتهولها والله يكون فى عونها.
وان كنت عاوز ترتبط تانى ارتبط بس اعمل استخاره الاول وقبل ما ترتبط وتعلق الناس بيك لازم تكون راجل بجد كد كلمتك بنات الناس مش للعبه ولا حتى المشاعر فمن يتقى الله يجعل له مخرجا .
اتمنالك التوفيق .
كن رجلا وليس رجلا بلا كلمه .
انت نــــــــــــــــــدل
انت نــــــــــــــــــدل وانانى ومحتاج تبقى راجل تتحمل مسؤلية
اكبر دليل على انانيتك انك
اكبر دليل على انانيتك
انك بتقول انك قررت تنفصل عنها وتكون اصدقاء او اخوات
يعني مش عايز تتجوزها ولا تسيبها في حالها
عايز تعلقها جنبك قال يعني اصدقاء وبس
اتقوا الله بقى شويه انت واللي زيك
ارحموووووووووووووووونااااااااااااااا
انا دخلت ارد لانك
انا دخلت ارد لانك استفزتني
يعني انت عايز واحدة بعد مامشيت معاها 6 سنين وقعدت تقولها بحبك وناوين نتجوز وبعد ده كله تسيبها لاي سبب في الدنيا
عايز بعد ده كله تقولك ايه يعني
اقل واجب انك مش قد المسؤلية
وبعدين مالك فافي وخرع كده لدرجة انك كنت عايز تتنتحر عشان تثبتلها انك بتحبها
كان من باب اولى تتحدى الظروف وتكمل معاها
ال وايه مصدوم لما عرفت انها اتقدملها عريس وهي وافقة عليه
اومال كنت عايز ايه بقى ان شاء الله بعد ماقولتلها كل واحد يروح لحاله
لا والانكت من كده بتحب جديد
هو انت كنت عرفت تحافظ ع الحب القديم عشان تحب جديد
ثم ايه التغيير الجوهري اللي حصل في ظروفك في ال 6 شهور اللي فاتو عشان يخليك تخطب من تاني
وياترى ناوي تتجوزها ولا هتسيبها بعد ماتمشيلك معاها كام سنة
وطالما قادر تتجوز ليه ماتجوزتش اللي حبيتها وحبيتك في الاول
يا اخي اتقي الله في نفسك وفي بنات الناس
menak llelah ya she7' ena we
menak llelah ya she7' ena we kol el men 3ayntak, la2 we 3amel nafsak mazloum, we heya el et7'lt 3anak , lama mat2sh 2ad kalamk mat3l2sh banat el nas me3ak, etaky rabena we 7azby Allah wa ne3ma el wakil
منك لله بعد6سنين تقرر
منك لله بعد6سنين تقرر الانفصال وزعلان انها هتتخطب والله انت معندكش دم
حاجه تحير ! ست سنين يضيعوا
حاجه تحير !
ست سنين يضيعوا فى ثوانى كده ؟؟؟ ده ايه الجبروت ده !
دا أنت نفسك حلوة اوى ودماغك
دا أنت نفسك حلوة اوى
ودماغك فالبلالة خالص
على فكره انت ظلمت حبيبتك
على فكره انت ظلمت حبيبتك الاولانيه بسبب ضعفك
انت الظالم مش المظلوم
وبما ان انت ضعيف فبلاش تجرح حد تاني
لما تشرب بريل وتسترجل كدا ابقى اعترف لاي حد بحبك
اللي فات مات -- مش بيقولوا
اللي فات مات -- مش بيقولوا كده ولا ايه -- بس انا بقول اللي فات ممكن يكون درس لحياتنا وتجربه من ربنا لينا -- نتعلم منها ونركز علي اخطائها -- ونتقدم للامام وليس النظر الي الوراء -- ثق في الله واتكل عليه وهو يقوم سبلك -- استشير الله في كل خطوه من حياتك -- قبل القدوم عليها -- والله لديه خطه عظيمه لحياتك رغم ماعندك من مشاكل ثق ان الله بيده امرك --
6 سنين ياحول الله يارب وبسرعه
6 سنين ياحول الله يارب وبسرعه اعجبت بواحده تانيه انا مش عارفه اقولك ايه ربنا يسامحك هى عندها حق فى كل الكلام اللى قالتهولك وصح انتو كده بتيجوا وقت الجد وتهربوا .
ع فكره انت فعلا ضيعت سنين
ع فكره انت فعلا ضيعت سنين عمرها معاك وهى اللى مظلومه مش انت اللى مظلوم زى ما انت واهم نفسك اوى كده وهى من حقها انها تشوف حياتها مع غيرك والله يكون كمان فى عونها هتقدر تكمل معاه ولالا وتعيش معاه بقلبها اللى انت كسرته ولا لا لانها كانت بحبنك وده اكيد هيبقى صعب عليها انها هتبقى مع حد غيرك وانت بقى المفروض تتقى الله فى بنات الناس وحرام عليك التانيه لو انت مش اد المسؤليه يبقى بلاش منه الحب وتتعب معاك بنات الناس والله البنت دى صعبانه عليا اوى انت ايه مفيش مشاعر ولا احساس عندك حسبى الله ونعم الوكيل
انت ليه عايش دور المظلوم ده
انت ليه عايش دور المظلوم ده انت اللى ظالم
لا حول ولا قوة الا
لا حول ولا قوة الا بالله
اعانك الله على ماا نت فيه
بصراحه حسبي الله ونعم الوكيل
بصراحه حسبي الله ونعم الوكيل فيك امال عاوزها تعمل ايه تركع تحت رجليك وتقلك خدني ان شاء الله عشيقه في السر ، انت انسان اناني جدا وعايش الدور ع الفاضي ، ثم انت زعلان من ايه مش بتقول انك مكنش في ايدك حاجه تعملها وانك بعد ياحرااام تفكير عميق قررت تسيبها وكل واحد يشوف حاله وان هو ده الحل الوحيد للمشاكل ، زعلان منها ليه هي المفروض تعملك ايه ، تقولك طيب انت صح ونا فاهمه كل حاجه ومقدرة ياحرام مأساتك
أمال انت متوقع منها تقول لك
أمال انت متوقع منها تقول لك ايه؟ تطبطب عليك وتواسيك في ظروفك اللي ما سمحتلكش انك تتزوجها بعد ما فضلت رابطها معك 6 سنين. أنا بيتهيأ لي انت عايش احساس بالذنب وكتبت موضوعك عشان تلاقي أي حد يقول لك كلمة تريح ضميرك شوية بس الحقيقة انك ظلمتها معك وهي لها مظلمة عندك وهتقتصها منك.
اللي المفروض يشغل تفكيرك في الوقت الحالي انك تكفر عن ذنبها لأنها أكيد مش مسامحاك وهتقتص منك يوم القيامة. وفي الأول وفي الآخر انت اللي اخترت فلا تلوم عليها الكلمات والأوصاف البسيطة اللي قالتها لك.
سامحني ردي قاسي وعلى عكس اتجاه اللي انت منتظره بس صدقني انا صادق معك. متخيل يعني ايه 6 سنين؟ يعني عُشْر عمرها (يعني نسبة واحد من عشرة).
ست سنين ؟؟!! طيب وفي حد بيخطب
ست سنين ؟؟!! طيب وفي حد بيخطب ست سنين وبعدين يكتشف انه مش قادر يتجوز ؟؟!! بصراحة انت مش مسئول وفعلا البنت ضيعت سنين عمرها معاك ودي حقيقة
بعدين عايز تكرر نفس الموضوع مع بنت تانية يا سيدي الفاضل الموضوع ابسط من البساطة هتقدر تتجوزززز يبقى ترتبط مش قادر والظروف مش سامحة زي معظم الشباب يبقى بلاش تربط نفسك بشئ انت مش قده لأنك هتخسر تاني
وبعدين ملحوظة ليه الشباب بيستخدموا الأسلوب دا في الكلام زي كلمة ( لأنه مش كان ينفع ) ايه أسلوب الكلام دا اسلوب معلش مش بتاع رجالة يعني بدل الكلمة دي ممكن تقول لأنه ما ينفعش بتهيألي كدا أرجل وأشيك ولغتنا المعتادة ؟!!!
يعنى كنت خاطب واحده اللى
يعنى كنت خاطب واحده
اللى افهمه من كده ان المانع انك متجوزتهاش غالبا كان مانع مادى
لان كده الاهل موافقين بدايا الخطوبه اللى استمرت 3 سنين
دلوقت بقا الحاله الماديه اتظبطت و بتدور على التانيه
ولا زى ماهى بس وحشك الحب و خلاص
اتق الله
حراااااااااااام علـــــــيك
حراااااااااااام علـــــــيك 6سنين خدت من عمرها وحبها ومشاعرها وحاجات حلوة كتير وف الاخر برضه بتطلعها هى غلطانه ياأخى بجد اتق الله اكيد لازم تهينك وتزعقلك وتثور لكرامتها وتقول اكتر من اللى قالته كونك فكرت ولو للحظه انك تسيبها وتنفصل يبقى انت مبتحهاش قد ما حبتك اللى بيحب حد فعلا بيعمل المستحيل عشان حبيبته متضيعش منه انت شخص انانى ضعيف سطحى وعاوز الناس تتعاطف معاك انت بجد عصبتني سيبها فى حالها انت عاوزها تستناك يعني لحد ال30 وبعدين تقولها مش هينفع انت عاوز ايه مش كفايه صبرت عليك 6 سنين هى لو كانت واحده مش كويسه كانت صبرت عليك كل ده حط نفسك مكانها ومتزعلش ان كان ردى ضايقك بس انت متعرفش ممكن تكون هى عامله ازاى وحالتها عامله ازاى دلوقتى حتى وان كانت بتبين عكس كده وصدقنى موافقتها للعريس ده اول خطوه بتدمر بيها نفسها بأيديها
انت يا اخي مش الضحيه هنا
انت يا اخي مش الضحيه هنا الضحيه هي خطيبتك الاولانيه و اوعى تكلم البنت التانيه او غيرها غير بعدما تجهز نفسك نفسيا و ماديا
لانك لو لسه زي ما انت اي وحده حتعرفها ست سنين و تسيبها
ربنا معاك و حاول تصلح اللي فات لو لسه في وقت.والحب مش كلام زي ما الانتحار برضه مش حلال بدل متفكر تنتحر فكر تضحي باي حاجه عشان الحب و اللي بنحبهم مستحيل نلاقي زيهم
انت الي تعبان اومال البنت
انت الي تعبان اومال البنت اللي ضيعت 6 سنين من عمرها معاك ووافقت تتخطب وهي عارفه كل ظروفك تعمل ايه وكنت مستني منها ايه تاني تضيعه من عمرها معاك وفي الاخر تسيبها ومتلاقيش حد بيحبها يا اخي متلومش عليها وانت اللي غلطان انت لو بتحبها كنت عمرك ماحتسيبها تضيع من ايديك كنت اشتغلت اي حاجه وكنتم اتجوزتم حتي لو في اضيق الحدود بس المهم تبقوا مع بعض انت اللي انسان سلبي ومحاولتش تعمل علشانهااي حاجه وهي بنت وغلبانه عايزة تضمن مستقبلها مع راجل يتحمل المسؤليه ويحافظ عليها مش واحد من اول مشكله يسيبها وحضرتك عايز تفهمني ان كل الشباب اللي بتجوزوا دول خلاص عندهم الملايين لا طبعا بس في حاجه اسمها اجتهادوسعي وبيتجوزا وبعد كده ربنا يفتح عليهم والبنت كانت عارفه ظروفك ووافقت تتخطبلك علي حالك بس راجع نفسك وافتكر انك ظلمت البنت ديه ونصيحه مني اوعي تعلق واحده تانيه لان بنات الناس مش لعبه في ايديك
تصدق بالله انك مستفز
تصدق بالله انك مستفز فعلا
يعنى تسيبها بعد 6 سنين عشان انت عيل و مش قادر تواجه المسؤلية و فى الاخر تطلع هى اللى خاينة و كويس ان ربنا كشفها على حقيقتها ! لا ملهاش حق اخص عليها صحيح
يا ابنى انت عندك مشكلة و لازم تحلها مع نفسك الاول قبل ما تظلم حد معاك و خليك فاكر ان اللى عملته فيها ده هيعلم فيها طول عمرها و مش هتنساه و اتقى ربنا فى البنت الجاية
انت ظلمت خطيبتك جدااااااااا6
انت ظلمت خطيبتك جدااااااااا6 سنين و سيبتهاوتخليت عنها و عن حبها و حطمت قلبها و جرحتها.طبيعى انها تعمل كدة تتخطب لاى واحد علشان تداوى جرحها وتحفظ كرامتها مع انهاحتكون متدمره من جرح خيانه حبيبها اللى غدر بيها و نصيحه بلاش تدخل فى تجربه تانيه علشان انت لسه بتحبها و حتدمر اى انسانه ترتبط بيها استنى لما تنساها الاول
والله انا هارحمك من الكلام
والله انا هارحمك من الكلام اللازع كفايه الى فات بس انا عايزةاعرف الاسر الى بتوافق على خطوبة بناتها وتسيبها مفتوحه كدا
بتفكر ازاى ؟؟؟؟؟؟؟؟؟؟ اهى خطوبه ولما تفرج يتجوزوا! ولا امكانيات بسيطة وكل واحد على قد ظروفه ويفنحوا بيت او حتى قادرين وهو حالته وحشه فيساعدوه -لكن يسيبوا الدنيا كدا سايحة ازاى يعنى بيظلموا الطرفين والبنت اكتر يمكن لو رفضوه من الاول كان اجتهد واشتغل عشان يفوز بيها او حتى كان نسيها ونسيته وبدئوا من جديد وتانى استفسار هو المفروض فى اعتقادى الى شكله بقى غلط خالص المفروض الراجل لما يميل لواحده يقولها بحبك ويروح يخطبها وخلاص كدا
رخصة يعنى للخروج والفسح والكلام الحلو قدام اهلها والمجتمع ولا بيحسب امكانياته وظروفه وهيقدر يعمل ايه فى قد ايه وينفذ الى يلتزم بيه بقدر استطاعته زى اى مشروع فالحياه عشان ينجح ولو بنسبه طبعا مش ميه فالميه لكن الدنيا بقت عدم تخطيط وهرجله ونمشى ورا المشاعر وبس غلط غلط غلط
يا عم روح موت مش قادر تتجوز
يا عم روح موت
مش قادر تتجوز .. متحبش
هي مش ام عيالك خلص كلام وصلي
هي مش ام عيالك خلص كلام وصلي علي النبي وعيش حياتك وتوكل علي الحي القيوم ونسالكم قراءة الفاتحة لوالدي رحمة الله ولجميع المسلمين والدعاء لنا بصلاح الحال
السلام عليكم أسمح لى أقولك
السلام عليكم
أسمح لى أقولك حاجة الحب موجود فى كل وقت مش هيهرب منك و لا هيضيع المهم انك تكون على أد المسئولية و أنا شايفة ان حبيبتك الأولى ماغلطتش انها قالت لك الكلام دا و لو كانت غلطت فى أستعجالها لخطوبتها التانية و رأيى أن تصبر على نفسك شوية انت خارج من تجربة حب 6 سنين يعنى ليك معاها ذكريات كتيييييييييييييييييرة اوى فى كل حتة شارع , موقف , أغنية أو حتى أكل معين و دا مش سهل أنه يتنسى فبلاش تظلم واحدة تانية معاك
ههههههههههه المصيبة انك عايش
ههههههههههه المصيبة انك عايش دور المظلوم واللى حبيبته خانته
مع انك انت اللى خنتها بضعفك و حطمتها لما اتخليت عنها
وبعد كده جاى تقول ان ربنا كشفها لك على اساس انك كنت عايزها
تستناك لما تحن عليها وترجعلها
انا شايف انك مش بتحب غير نفسك
حطمت واحدة و عايز تدمر التانية
انت المفروض انك تفهم يعنى ايه حب قبل ما تفكر انك تحب
ربنا يكون في عونك اخي ويلهمك
ربنا يكون في عونك اخي ويلهمك الصواب والصح ويرزقك ببنت الحلال اللي تعوضك وتنسيك ويرزقك منها الزرية الصالحه التي تنصر الاسلام وتعز المسلمين
لا بلاش 6 سنين يضيعو فى 6
لا بلاش
6 سنين يضيعو فى 6 اشهر .......... لا اعتقد
انا عشت نفس تجربتك بالظبط بس
انا عشت نفس تجربتك بالظبط بس انا كنت الطرف التانى البنت المهجورة بعد 5 سنين خطوبة بدون اى اسباب واضحة من حبيبى السابق غير انه مش فى ايده حاجة يعملها وظروفه مش سامحة اتخلى عنى وقتلنى بمنتهى البرود وعشت اسوأ ايام حياتى بعده وماتقدمليش بعدها اى عريس الا بعد 6 سنين تقريبا والحمد لله على ان ربنا عوضنى بزوجى الحالى بس الى الان باقول حسبى الله ونعم الوكيل فيى اى حد زيك وزيه لان اللى بيحب بيشقى ويتعب مش بيتكلم و يخرج ويتفسح ولما ييجى الجد يهرب
نصيحتى ليك انك تصبر لان
نصيحتى ليك انك تصبر لان الفترة كانت كبيرة اوى 6 سنين اكيد انت لسة مانستهاش بدليل انك بتفتكرها واسئل مجرب أنت ممكن تكون عايز تهرب من حكايتها وفى الحالة دى عمرك ماهتبقى سعيد لانك لسة بتفتكرها وهتظلم الانسانة اللى معاك كمان ودى بقى نصيحة متجربة
