زميلك وحبيبك.. الاتنين أغراب وما فيش ليهم حقوق عليكِ

بصي انا هقولك علي حاجة مش ينفع انك تكلمى زميلك في الجامعه لانى بردو انتى كده اعتبر جزء من الخيانه لحبيبك

سبيكى كن كلام الناس الشديد ده صدقينى حاولى ترضى ربنا وترجعيله هو اللى يدلك على الخير استخيرى وربنا يكرمك يارب ومش عشان انتى غلطى تبقى غير محترمه بالعكس كل ابن ادم خطائين وخير الخطائين التوابون توكلى على الله ومتستعنيش باى حد غيره انتى شايفه ردوا عليكى بسخريه ازاى ربنا يكرمك ياااارب ويبعد عنك اى شىْ يضرك

ايه ياجماعه الهجوم ده البنت غلطت ف ايه بس هي قالت انا بروح الشقه لوحدينا معاه عيب كده عليكوا خليكوا انضج من كده وبلاش عقد ونفسنه وشيلوا الكلاكيع اللي جواكوا ديه بقي المشكله كله ان زميلك ده بيحبك بس لسه عنده امل فيكي ان انتي ممكن تحبيه وانتي اللي مدياله الامل ده بموافقتك ان انتي تكلميه وتشوفيه وبالنسبه لحبيبك بصراحه ملوش كلمه عليكي مش اي واحد يحب واحده يفضل يقولها متكلميش ده ومتبصيش لده الكلام ده لما يكون خطيبك ع الاقل يعني وانتي لو عاوزة تسمعي كلامه ومش فارق معاكي اي حد خلاص نفذي كلامه وحاولي تبعدي ع زميلك واديله اي حجه الا بقي لو انتي اللي عاوزة تحسي ان كل الشباب بيحبكوا ومعجبين بيكي

ياحبيبتى اصلا علاقتك بزميلك غلط وعلاقتك بحبيبك غلط مفيش حاجه اسمها حبيبى فيه خطيبى جوزى لكن مينفعش بنت تعمل كدا ولا يكون ليكى علاقه بأولاد يا خطوبه يا بلاش بلاش تدخلى فى علاقه تغضب ربنا

ربنا قال فى سوره النساء ولا متخذات أخدان

مينفعش يكون ليكى لا صاحب ولا حبيب سيبى كل ده علشان ربنا وأعرفى ان من ترك شىء لله عوضه الله بخير منه

يا حبيبة قلبى ولا ينفع تكلمى حبيبك ولا صديقك الاتنين حرام هو حبيبك ده متقدمش رسمى وخطبك ليه ؟؟؟؟؟؟؟؟؟؟؟؟؟؟؟؟؟ انتى فى جامعة يعنى 19 سنة على الاقل يعنى مش صغيرة ...

علي فكره كل الناس دى اللي بتهاجمها محسسانى انهم خلاص بقم داعيه في ايه بالراحه عليها شويه محدش مبيغلطش ومحدش معصوم من الخطا

بصى يا ماما اولا بالنسبة لزميلك و حطى تحتيها مليون خط انة زميلك و بس
ولازم يكون شخص ذوق ويتفهم موقفك هو دة الزميل الصح لو متفمش موقفك يبقى شخص مش خايف عليك و ميستحقش يتصاحب فى شباب بيعملوا كدة بهدف انه يحاول يحل محل الشخص التانى على انه زميل و غرضة غير كدة يبقى لو مفهمش و قدر نبعد عنه و ان كان على المذكرة فى مليون شخص سواء بنت او ولد يساعدوك غيره المهم نبعد عن الشبوهات (متثقيش فى حد بسرعة) و بالنسبة للشخص التانى لازم يكون فى ثقة شوية و لو فى حولى تبقى اهل لهذة الثقة .
ويا ستى ممكن تقوللنا انت فى كلية اية و اللى يعرف حد يسعدك يبلغك و متشليش هم كدة الدنيا حلوة باى باى اضحكى هه

حرام عليكم مش كلكم علية وانتى حاولى تبعدى عن زميلك وقولى اصراحة لحبيبك

يا انسة مش عايزاكي من الردود بتاعت الاعضاء الشديدة دي هما بس خايفين ع مصلحتك وربنا معاكي

لا حول ولا قوة الا بالله
لا اله الا انت سبحانك اني كنت من الظالمين

ما يثير أشمئزازي

هو ان يكون تفكيرك كله فقط فى الاولاد

يا جماعة بالراحة شوية على البنت مش كل واحد داخل يكتب كلمتين تحرقوا دمها بيها خافوا شوية على مشاعر الناس البنت دى بنت وعندها مشاعر دا طبعا مش تبرير بس مش كل الناس بتعرف تتحكم فى مشاعرها صح بس هي واضح ان عندها خير فى قلبها ونفس لوامة ودى ممكن يجى منها كويس وى وربنا اسماها بالنفس اللوامة ونصيحتى ليكى سيبك خالص من زميلك دة وحاولى تحطى حدود وهي الدراسة وبس وغير كدة لا بطريقتك بقى ومن غير ماتجرحى حد وخلى بالك حوار انك تجرحى دة مدخل من الشيطان وبالنسبة لحبيبك برده حاولى يبقى فية حدود وهي الجامعة وانك تشوفية فى اطار الزمالة وبس وفهمية كدة برده والله صدقينى انتى كدة هتحافظى على نفسك وسمعتك وربنا يهدينا جميعا

حرااااااااااااااااااااااااااااااااااااااام عليكم
مش كل البنات زى بعضها
فى كتييييييييييييييييييييير جدا متربيين ومحترمين وبيخافو ربنا وبخصوص مشكلتها المفروض تبعد عنهم هما الاتنين علشان مافيش ارتباط رسمى وبعدين سهل اوى يضحك عليها لقدر الله منهم هما الاتنين
متكلميش حد خالص واتقى الله

دي حاجه كويسه طبعا بس للي يفهمها

والله بنات أخر زمن وحاجة بقت تقرف وانا أتعقدت من البنات ومش متجوز بسبب الخيبة والهبل بتاع بنات اليومين دول بقم أسخم من الشباب والله البنت تعرف أكتر من شاب وانا كولد مش عايز أعرف واحده غير لما اكون هرتبط بيها جواز يعنى مش سيكو سيكو زى اللى بيتكتب فى الموقع ده وبيسموه أرتباط ...وعجبى

فى ناس كتيره حاطه تعليق على الموضوع بس اى واحدة بتخاف ربنا اه زى مانتوا بتقولوا بس اى بنت عندها مشاعر واحاسيس
اما تعليقى انا عالموضوع فيه حلين *الحل الاول* انك تصارحي حبيبك وتقوليله وتبعدى عن الولد بتاع الكليه لانه اكيد وراه حاجه يا اما اخدنا تحدى هو وواحد صاحبه يا اما حبيبك بيختبرك يا اما عايزه يوقع مابينك وبين حبيبك او يكون عايز يتسلى او يستغلك
وبعدين اشمعنا انتى الوحيده الى قربلها مافى بنات كتيره ف الكليه انصحك ابعدى عنه الناس مبيجيش من وراها غير المشاكل
*تانى حل* انك تبعدى عن الولد دا وتقوليله ميكلمكيش تانى ومن غير ما تصرحى حبيبك عشان ميزعلش منك ويقول انك كنتى بتخونيه وانتى اكيد مش قصدك كدا بس هيزعل اووى فانتى تبعدى عن الولد بتاع الكليه وخليكى مع حبيبك الى بيحبك اذا كان بيحبك وتقفلى موضوع الولد بتاع الكليه ومتعمليش حاجه ممكن تزعل حبيبك تانى وربنا يوفقكوا وتبقوا لبعض ويسعدك أمين انا وانتى يارب ههههههههههه

الاخت الى كاتبه لفظ الجلاله ( الله اكبر ) الدين يسر وليس عسر لما تنصحى الاخت الكريمه يبقى بصدر رحب مش فين ربنا واتقى الله النصيحه اللى ربنا ورسولنا الحبيب قال عليها مش بالطريقه ديه انصحيها كويس عشان تتقبل برأيك والاخ محمد زى ما فى بنات كده فى شباب كده فيه فى الاتنين الكويس والوحش صوابعك مش زى بعضها نقول ربنا يهديها

بجد ماينفعش على فكره انك تكملي كلامك مع زميلك ده وممكن تخلي علاقتك بيه جوه الجامعه ياعني في الدراسه وبس وعلى ما اعتقد انك لو قلتيلوا انك بتعزيه زي اخوكي وانك بتخافي على زعله بس انتي مش عارفه تكلمية عشان حبيبك مايزعلش وانك كده بتخونيه اكيد مش هايقول لا وهايحترمك اكتر ويقدرك وخليكي مع الي بتحبيه واضحه وصريحه في كل حاجه لان بجد مهما تخبي او تكدبي مسير المستخبي يبان والكدب في الحب بيقى نهايته الفراق لو انتي مستعده تسيبي حبيبك كملي كدبك علية واسف لو طولت عليكي بس بجد ماينفعش

ربنا يهديكي ويهدي الجميع

متهيالى تقولى للشخص زميلك ان اللى بتحبيه مش عاوزك تعرفى حد تانى ومضطره ابعد وخلى حدود معاملتنا فى الكليه بس وهوه هيتفهم الامر لان لو بيحب واحده هيطلب منها نفس الطلب

اكيد طبعا مش كل البنات كده لان في بنات كتيير محترمة وكويسه وفعلا لازم البنت دي متكلمش زميلها ده تاني خالص وتفهمه انها بتحب واحد تاني ومينفعش انها تستمر مع زميلها ده لان مينفعش انا مثلا اكون بحب واحد اوي وابقي في نفس الوقت ماشية مع واحد تاني واقول ده زميلي لان كده حرااام اوي وكده ميبقاش حب خالص وربنا يهديكي ان شاء الله ويهدي الشباب والبنات جميعا..

"وخصوصاً إنه بقى بيساعدني كتير في الدراسة."

اذا عرف السبب بطل العجب

مجرد انك قبلتى انك تقفى وتسمعى التانى وتتكلمى معاه ده دليل على انك حبه كده ... بلاش تضحكى على نفسك انتى لو يتحبى الاولانى ده حب حقيقى فعلا مكنتيش هترضى انك تسمعى كلمه واحده بس من التانى بس انتى زى ما تقولى كده مقضياها ؟؟؟ على اساس لو التانى خلع يبقى فيه واحد احتياطى مش كده ولا انا غلطان
طبعا هتقولى غلطان .. هى كده الحقيقه دايما بتزعل

ربنا يهدينا ويهديكى .

ماشاء الله.. العروسة ما بتزعلش حد منها

مكنتش انتظر من اعضاء موقع كبير زي بص وطل انهم يردوا علي مشكله زي دي بكميه كبيره من اللاموضوعيه والانتقاد من ناحيه الخطا الديني بس .. يا جماعه البنت دي في مشكله وبتطلب مننا حل يانساعدها يا اما نسكت خالص .. هي جواها حب واخلاص ومشاعر كويسه لانسان بتحبه بلاش نموتها جواها ..

الي الاخت اللي طلبت حل للمشكله متزعليش من اي حد قال كلمه ضايقتك واعتبريها ما اتقالتش .. خلي بالك من الشخص اللي بتحبيه ده اوي لان الحب في الزمن ده عمله نادره واعملي اللي بيطلبه منك زي ما انتي بتحبيه ينفذ اللي تطلبيه منه

وان شاء الله في يوم نصيبكم هيكون في بعض وعايزك تعرفي ان اللي بيحب حد بيضحي باي حاجه عشانه .. خدي خطوه عشان ترضيه ولو كانت الخطوه دي هتجرح اي حد اما اي حد يتجرح احسن ما هو يتجرج

ربنا يوفقك

ايه التفاهه دى فكرى فى دراستك كل دة لعب عيال مش حب الحب وخلاص

سبحان الله هو اللي بيحصل ده حقيقي وموجود من حولينا والله كاني بقرا قصه لبنت اوروبيه ولا امريكيه حبيبي وزميلي طب ربنا فين من ده كله والنبي صلي الله عليه وسلم

بصي خدي بالك من نفسك وخلي بالك من علاقتك بالله لا ده ولا ده هينفعك

يا جماعة الانسان خيرة ليس مسيرة واحنا ياما بنقابل ناس وبنشوف ناس وبنتعرف على ناس وكلة بيعدى والحمد لله على كل حال

enty bbsata 5ayna w mt2olesh b7bo howa dah ele5las

ايه يا جماعه انتو زهقتم منى ولا ايه ؟؟؟؟ انتوا ليه مش عايزين تبعتولى رد مشكلتى ؟انتوا مخاصمنى ولا ايه؟؟؟؟ على العموم كل سنه وانتو طيبين
=====================
رد بص وطل
صديقتى العزيزة شكرا على ثقتك فى بص وطل وبالنسة للرد على مشكلتك فقد تم بالفعل الرد عليها وإرسال الرد إليكى اكثر من مرة على الإيميل الشخصى الخاص بيكى والذى ذكرتيه فى رسالتك لذلك يرجى التاكد من البريد الإليكترونى الخاص بكى.

اختي انتي زعلانة انك خالفتي طلبات حبيبك مع انه ميعرفش ومش واخده بالك ان خالفتي اوامر ربنا حبيبك وهو شايف كل اللي بتعمليه

ايه شغل الافلام اللى العيال عايشة فيه ده؟

wa na3ma el tarbya ...........................

على فكره انتى غلط من الاول علشان انتى بتدى رقمك لاى شاب مهما كانت الظروف ومش من الصح انك تتكلمى مع الشاب ده ولو حبيبك عرف انا مش عارف ايه اللى ممكن يعمله نصيحه اقطعى كل علاقتك بالشاب التانى وخليكى مع حبيبك وربنا يهديكى

ههههههه سيبيكى منهم الاتنين وتعالى نروح نقضى يومين فى مارينا ..

هههههههه كلامك يا اخ محمود مظبوط البنات دلوقتى بيحبوا يكون معاهم اكثر من شخص واحد للحب والتانى للتسلية الا من رحم ربى طبعا والخيانة بقت فى دمهم متوفرة للاسف بيتهيألى دة مرض نفسى لا اكثر الله يهدى شباب وشابات المسلمين

اللهم انت ربي لا إله إلا انت خلقتنى وانا أمتك وانا علي عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء بذنبي فاغفر لي فانه لايغفر الذنوب إلا أنت.اللهم اغفر لنا

الاخت اللى بتقول انى بكتب كلمتين وخلاص ولكل مقام مقال طب هو لما الواحد يكون عنده مشكله بتهيألى اسلم حاجه الدعاء .الدعاء فعلا بيريح اووووووووووى.على العموم انا ميهمنيش رايك لانك بصراحه قولتيه بطريقه مستفزة اوى .كفره ايه؟هوانا لما اكتب دعاء بكون اقصد كده زى ما حضرتك قولتى بجد تفكيرك غريب بصراحه من غير زعل انا اسفه يعنى بس طريقتك وانتى مضايقه اوى وانتى بتقولى كده ضحكتنى اوى حسستنى ان فى طار بينى وبينك

اللهم لا تحرمنى سعة رحمتك ، وسبوغ نعمتك ، وشمول عافيتك ، وجزيل عطائك ، ولا تمنع عنى مواهبك لسوء ما عندى ، ولا تجازنى بقبيح عملى ، ولا تصرف وجهك الكريم عنى برحمتك يا ارحم الراحمين.

لا اله الا انت سبحانك انى كنت من الظالمين

جيل تافه عايز يحب وخلاص فين الدين ف حياتك ؟ فين اخلاصك لدراستك ؟
نصيبك هيجى هيجى مش انت اللى هتختاريه
انا بستغرب لما بنت تقول واحد مفيش بينها وبينه حاجه يا حبيبى

يا حببتى انتى بتتكلمى فى ايه ؟حبيبك .زميلك؟؟ ايه ده ضميرك بيأنبك عشان بتكلمى زميلك وبتقعدى معاه عشان خاطر حبيبك طب
وربنا فين من ده كله ؟؟؟اتقى الله وابعدى عن الاتنين محدش عارف النصيب فين .اللى بيحبك لو جاهز يتقدملك اوكى مش جاهز خلاص لو هتقدرى تستنيه بس من غير كلام استنيه .بس انا ملاحظه ان البنات اليومين دول معظمهم مصاحبين مش عارفه ليه ؟هو احنا هناخد معانا حاجه .ربنا يهدينى ويهديكى

لازم تكونى واضحه وصريحه مع حبيبك
فكرى كده لو هو بيكلم حد غيرك
شوفى انتى هيكون موقفك ايه
وزميلك دا ممكن تتصرفى معاه
وتبعديه عنك
ولو ترضى ان حبيبك يكلم غيرك
استمرى بقى فى اللى انتى فييييييييه

كنتى المفروض تقوليله من اول مره اكلمتى مع الواد ده ؟ وبعدين الحكايه شكلها كمان مش ع قد الكليه انتى بتقولي انه بيعوز يشوفك

!!!!!!

بصي يا بنتى فكك من اللى انتى بتحبيه ده وسيبيه دلوقتى لأن أى شاب دلوقتى مهما كان بيحبك ممكن يبيعك في أى لحظه وممكن يؤمرك إنك متكلميش حتى قرايبك أو أى مخلوق ع الارض وتلاقيه هو اللى خاين
هتقولي انا حبيبي غير هقولك كلهم كلاب

فكك من حوارات الشباب خالص لأنهم مبيعملوش غير 3 حاجات

1_ يتعب قلبك ويعذبك ويكدب عليكي
2_ يخونك ويجرحك ويتحكم فيكي .. بس طبعا مش قصدي اللى انتى بتقوليه لأن ده حقه مش تحكمات
3_ يهينك وفي الاخر يسيبك

وعلى فكره ال3 حاجات دول ممكن يعملهم أى شاب بيحب بجد وناوى ع الارتباط ومفيش حد يقدر يغلطنى

لا حول ولا قوة الا بالله .... بتتكسفي من انك تحرجيه ومش بتتكسفي او تخافي من غضب ربنا ومعصيتك ليه بأفعالك وحبك لحبيبك وماتفعلينه مع زميلك .... يا اختي راجعي نفسك وانظري الي الموت من امامك واعمالك من خلفك فهل تري انها سندا لك ام حمل عليك ؟ .
اتق الله وعودي اليه والي الصحبة الصالحة من المسلمات ممن يحاولون ان يلتزموا دينيا وان ينالوا رضي الله سبحانه وتعالي وتخيلي ان الرسول صلي الله عليه وسلم سيراكم انت وزميلك او ..... فهل ترضي ان يراكي الرسول هكذا ؟ فكيف بربنا سبحانه وتعالي وهو يعلم مافي السماوات والأرض.

اللهم اهدنا واهد بنا واجمعنا جميعا في اعلي جنان الخلد مع المصطفي صلي الله عليه وسلم.

انا يمكن مريت بنفس مشكلتك دى بس انا عملت حاجه نفعت معايا انا شخصيا لو عجبتك جربيها اول حاجه تفهميه انك ضميرك مش مريحك لانك بتكلميه وده بيضايق حبيبك جدا وانتى بتعملى كده من وراه ثانيا تقولى لحبيبك الكلام ده علشان يعرفه منك انتى احسن مايعرف من غيرك وبالود كده بينكم وفهميه انك بتحترميه وعلشان كده انتى عايزه تعرفيه كل حاجه وشوفى رايه ايه ؟؟

تصدقوا بالله البنات دي فعلا لما مش بتكون مخلصة مش محترمة بتسبب كل القرف اللي في الدنيا انا مش عارف ايه اللي جرى لبنات الزمن دا كل واحده فيهم الا من رحم ربي طبعا تقولك انا بحب واحد لكن عايزة اكلم دا واقعد مع دا بنات ماشية على حل شعرها والله ومعتش عندهم حياء او كسوف ولا اخلاص لحد وبيلعبوا بأحلى مشاعر في الدنيا متعرفش ليه زي ما تكون متعة عندهم ان ليهم معجبين كتير ربنا يهديكم ليريحنا منكم خالص