أولاً أشكرك على تعليقاتك.. أنا عمري 22 سنة، تعرّفت على شاب منذ سنة ونصف، بيخاف عليّ حتى من إن الكلمة تجرحني.
أول المعرفة كانت إخوات وكده، يتصل بعد امتحاني أو كل أسبوع مثلاً ومش أكتر من سلامات، وبعد كده بقى يتصل كتير لو مثلاً عندي "كورس" يتصل وقت "الكورس" وبعده عشان يتطمن عليّ.. وبيقعد يزعّق لو اتأخرت أو وقفت في البلكونة بشعري.
ورغم إنه بيخلّص شغل متأخر وبيصحى متأخر كان لما يعرف إني نازلة الجامعة يصرّ إنه ينزل رغم إن عينيه مش قادر يفتحها من قلة النوم، وكان بعد الشغل بيسهر مع أصحابه؛ بس لما قعدت أقول له بلاش، بقى بيروّح بدري.
وأول ما اشتغلت زعل مني وخاصمني، ولما اتصالحنا رجع يكلمني أكتر من الأول، ويكلمني كل يوم أول ما يصحى وأول ما أروّح، ويكلمني بالليل وهو مروّح ويزعل أوي لو نمت وما ردّيتش، وكان يزعل لو سمعني باكلّم حد من زمايلي في الشغل، وكان بيتحايل عليّ أسيب الشغل لمجرد إنه خايف حد يضايقني، وكان بيتكلم بالساعات لدرجة إن أصحابي قالوا لي أكيد بيحبك.
كل كلامه ورسائله وغيرته تؤكد حبه؛ بس هو ما نطقش؛ بس بطّل يقول لي إحنا إخوات، وبعد كده اتغير وقال لي كلام زي "أنا مش هينفع أبقى موجود في حياتك الجاية"؛ بس كل أفعاله ونظراته الحزينة بتقول غير كده.. ورجعنا تاني نتكلم ويرسل رسائل أقوى من الأول، ولو غِبت كام يوم وما اتصلتش يزعل.
أنا مش عارفة أعمل إيه.. أنا عمري ما حبيت، وهو أول تجربة في حياتي.
mony
سنة ونصف حب وكلام، الأول زي الإخوات، وبعدين بقى غيرة وعتاب وحساب، ولم يتقدم لك من الباب عشان يطلب إيدك ويبقى صاحب حق في طلباته؟
طب تفتكري واحد عنده عمل، وطبعاً دخْل -على الأقل- معقول يسمح له بالتقدّم ليكون طلبه شرعياً، منتظر إيه عشان يتقدم؟ ولا هو هيقضيها كلام وماسدجات؟!!
الحب صديقتي مشاعر وأحاسيس واحترام وثقة ومع كل هذا غاية لا بد أن يصل إليها، وهو الارتباط الرسمي الذي يحفظ الحب المتجدد بالأولاد والعشرة في بيت الزوجية.
وإذا كان هذا الشاب لم يعرض عليك حتى الآن؛ فهل سبب ذلك أنك لم تفاتحيه في الهدف من هذا الحب أو هذه العلاقة التي لم يصرّح فيها لا بالحب ولا بالارتباط؟ يعني حب من أجل الزواج ولّا تسلية وتضييع وقت والسلام؟!!
وكلامي طبعاً معناه أن تتوقفي تماماً عن الاتصال به وتتركيه يتصل هو وتعرفي هو عاوز إيه من اتصالاته دي، وخصوصاً بعد ما قال لك إنه مش هينفع يكون في حياتك أو تكوني في حياته في الفترة الجاية.
فإذا اتصل بك وأحسست حبه ولهفته؛ فقولي له بأن عنوان بيتكم هو نفس العنوان الذي يعرفه، وأنه إما علاقة في النور هدفها معروف ومفهوم أو تغيّري نمرة التليفون وتكبّري دماغك قبل ما يصيبك الألم والندم لما تتأكدي إنه كان بيتسلى ويضيع وقت في الفترة اللي كانت لك.. أما الفترة القادمة؛ فواضح أن لها رمزاً ثانياً وحباً ثانياً.
حاولي تعرفي رأسك من رجلك ووضعك بعد السنة والنصف اللي مروا من حياتك وأنت متعلقة به على أمل الحب والارتباط والزواج. واختاري لنفسك عشان كرامتك أولاً وعشان الجرح يكون بارد باختيارك ثانياً. ولا تتركي له القرار في الأمر؛ فكلامه معناه أن في نيته شيئاً أنت مش فيه.
ومع ذلك تأكدي لنفسك، وضعي النقط فوق الحروف؛ فالعمر جميل وحرام نضيّع أيامه مع ناس بتتسلى ولا تنوي الارتباط.
شوفي ايه مشاكله اللى منعاه
شوفي ايه مشاكله اللى منعاه يصارحك
انا بأيد التعليق جدا وعجبني
انا بأيد التعليق جدا وعجبني جدا جدا فعلا لازم تقوليله انه لازم يتقدملك علشان متندميش ومتتكسفيش وتقولي لا كرامتي صحيح هو عاوز منك ايه ولا عيني فيه ويع عليه
أنا بعد الكلام ده مقدرش أقول
أنا بعد الكلام ده مقدرش أقول غير
بررررررم برررررم تا را را را را
بررررررم بررررررم تا را را را را
سنة ونص ولسه مافهمتيش انه كل
سنة ونص ولسه مافهمتيش انه كل الموضوع "بيثبتك"":S:S:S
بقولك ايه
الواد دا نرفزنى
ومن الاخر كدا روحى قوليهاله فى وشه
انت عايز ايه منى بالظبط؟ بتعاملنى على اساس ايه بالظبط؟!
ناوى على ايييه
انا مش بتاعة مشيان وتظبيط!
عالم تحرق الدم!
على حسب ما انا شايفه انه
على حسب ما انا شايفه انه انسان متملك و صعيدى شويه و انك صفقه مثاليه ليه يعنى انتى دلوقتى مصاحباه
و ببتحكم فيكى كأنكو متجوزين
يعنى واحدة معاه من غير ما تقيدة بأى حاجه فى المستقبل
و لو منك مستمرش فى اى حاجه اكتر من كدة و بالذات انك شكلك بدأتى تتعلقى بيه
و تحاولى تشوفيه ناوى على ايه بأنك تقوليله انا هتخطب او تسأليه اذا مكنش ناوى يتجوز ولا ايه
مش شايفة ان كتير سنة و نص من
مش شايفة ان كتير سنة و نص من غير اساس ! كلمية مرة جد بعيد عن الحب ، اى طريق لازم ينور عشان يتمشى فية لازملك وقفة بجد العقل هو المتحدث و المستمع و هقولك على نصيحة استخدميها و قت اللزوم بس تكونى مصدقها " ان اردت الحصول على شئ و لم تستطع اتركه فإن لم يعد فهو ليس لك من البداية "
ممكن يكون بيضحك عليكى وانا
ممكن يكون بيضحك عليكى وانا شايفه الي عايزك يجيلك من البيت
الواحد حس من الكلام انهم
الواحد حس من الكلام انهم متجوزين
بس طلعوا زى الاخوات ؟
سبحان الله
ههههههههههههههههه شكل صاحبنا
ههههههههههههههههه
شكل صاحبنا ميزان
هما كدا مش بيعرفوh لنفسهم
انا لو مكانك مش هقدر اسال بصراحه
بس لو مسالتيش ونفضتي للموضوع هتندمي جامد
اقولك على حاجه و متزعليش هو لو ميزان فعلا هيبرر تصرفاته وهيقولك انتn زي اختي
استاذه ناديه كفت ووفت
لا بجد انتى ازاى مش سألتيه
لا بجد انتى ازاى مش سألتيه طول الفتره دى
هو بيكلمك ليه
اخوات على عيننا وعلى راسنا
لكن مش يتحكم فى شغلك وتأخيرك وكمان بيزعق فيكى
اه هو بيغير عليكى بس انتى ازاى مش سألتيه ايه اخرة الكلام دا؟؟
على فكره هو بيحبك وانتى طبعا عاجبك اهتمامه دا
ولو سبتى نفسك هتحبيه اكتر
انتى بتحبيه كمان بس كونى حذره
وربنا يوفقك ان شاء الله
يالا روحى اجرى اسأليه بيكلمك ليه
اقولك قوليله انك ممكن تتخطبى شوفى هيقولك ايه
اسأليه بصراحة قوليله انك
اسأليه بصراحة
قوليله انك شايفة ان تصرفاته مش تصرفات أخ ولا صديق
وان غيرته ولهفته عليكى ملهمش غير تفسير واحد
واسأليه اللى انا فاهماه صح ولا لا
ولو كان رده انه فعلا حاسس بحاجة اسأليه ليه بتقول مش هينفع تكون موجود فى حياتى الجاية
وبتكلمنى على أساس انى ايه فى حياتك
وقبل كل ده لازم تعرفى شعورك انتى ناحيته ايه
حاساه أخ ولا بتحبيه
ربنا يحفظ بنات المسلمين من
ربنا يحفظ بنات المسلمين من الشباب الى غاوى تسلية لان دى اعتقد مش اكتر من كده لان ايه الى يمنعه من الارتباط الرسمى ايه ما عندوش وقت
طب انتى بتكلميه سنه ونص على
طب انتى بتكلميه سنه ونص على انهى اساس يعنى .حاولى انك تنهى الموضوع ده وهو لو عاوزك يجى يتقدم لو مش عاوز يبقى خلاص .ولاد الزمن ده فعلا حاجه غريبه اما حب من غير مسئوليه اما تسالى .حافظى على نفسك احسن.ربنا يقدملك اللى فيه الخير
وضح انها قصه حب جامده
وضح انها قصه حب جامده جدااااا بس لو فضلتى ماشيه ورا قلبك كده كتير هتخسرى ؟؟؟ فكرى بعقلك وشوفى هو عاوزك بجد ولا لاء قوليهاله صريحه انت بتحبنى يبقى اخطبنى
عاوز تقضيها كلام ورسايل وبس يبقى بلاش منه احسن ..
وربنا يوفقك للى فيه الخيرررررر
حاولى تعرفى منه ليه مش هيقدر
حاولى تعرفى منه ليه مش هيقدر يكون فى حياتك الجايه
هل من فروق بينكم اجتماعيا او علميا او ماديا
ولكن خلى بالك وحاولى مش تحبيه اوووووى يعنى حبتيه اوك لكن مش يكون الحب اللى ياثر عليكى فيما بعد واذا كان هو يحبك بجد فلا سبيل بعد ذلك غير الزواج وربنا يتمملكم على خير يارب
ممكن ميكونش بيتسلي وحبها بجد
ممكن ميكونش بيتسلي وحبها بجد من غير مايحس.وشكله عنده مشاكل تخليه مش قادر يتقدملك.ماديا او في فروق بينكم اجتماعيه او اقتصاديه مثلا.حاولي تقوليله مبتفكرش تتجوز او تخطب شوفي هيقولك ايه.وايه مواصفات فتاه احلامك وهل محبتش بنت قبل كدا مثلا؟وقعيه فى الكلام
السلام عليكم ورحمة الله
السلام عليكم ورحمة الله وبركاته
مهما اقترحنا من حلول الكلام بيكون سهل اوى لكن التنفيذ صعب جداااا
ربنا يريح بالك ويطمن قلبك ويكتبلك اللى فيه الخير وفعلا بطلى تكلميه ومش مرة واحدة وتردى تانى مرة
لاء استني فترة طويلة ماترديش عليه ولو صمم اوى ردي وهاتى اللى عندك كله علشان ترتاحي
ايه الناس دي هي بنات الناس
ايه الناس دي
هي بنات الناس لعبه عشان يعملوا كده
ايه الطلاسم دي صحيح عادي يعني
ايه الطلاسم دي صحيح عادي يعني واضح انه بيتكسف يقول بحبك قوليها انتي وريحي نفسك ولو قادر يخطبك اوك مش قادر يبقى بلا حب ولا غيره وكل واحد يروح لحاله لأن حب من غير ارتباط عذاب ومذلة ونهايته وحشة جدا
